തിരുവനന്തപുരം: പൂജവയ്പ് പ്രമാണിച്ച് നാളെ സംസ്ഥാനത്ത് പൊതു അവധി പ്രഖ്യാപിച്ച് സംസ്ഥാന സര്ക്കാര്. നെഗോഷ്യബിള് ഇന്സ്ട്രമെന്റ് ആക്ട് പ്രകാരം അവധി പ്രഖ്യാപിക്കാൻ മുഖ്യമന്ത്രി നിര്ദേശിക്കുകയായിരുന്നു. വിദ്യാഭ്യാസ സ്ഥാപനങ്ങള്ക്ക് നേരത്തെ അവധി പ്രഖ്യാപിച്ചിരുന്നു.
നാളെ സംസ്ഥാനത്ത് പൊതു അവധി ആണെങ്കിലും നിയമസഭാ സമ്മേളനം ഉണ്ടായിരിക്കുന്നതാണ്.
പൂജവയ്പ് ഒക്ടോബര് 10 വ്യാഴാഴ്ച വൈകുന്നേരമായതിനാല് ഒക്ടോബര് 11ന് കൂടി അവധി നല്കണമെന്ന് ആവശ്യം ഉയര്ന്നതിന് പിന്നാലെയാണ് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചത്.
നവരാത്രിയിലെ പ്രധാന ചടങ്ങുകളില് ഒന്നാണ് പൂജവയ്പ്. എല്ലാ വര്ഷവും ഒമ്പത് ദിവസം മാത്രം നീണ്ടുനില്ക്കുന്ന നവരാത്രി മഹോത്സവം ഈ വര്ഷം 11 ദിവസമാണ് ഉണ്ടാകുക
