Sandhesam News - Web Desk https://www.sandhesam.com/rss/author/admin Sandhesam News - Web Desk en ആര്‍ സുഗതന് ആറ് മാസം അവധി, അംഗീകരിച്ച് തിരുവനന്തപുരം കോര്‍പ്പറേഷന്‍; സ്വതന്ത്രന്റെ വോട്ടും നേടി ബിജെപി https://www.sandhesam.com/Thiruvananthapuram-Corporation-approves-six-month-leave-for-R-Sugathan https://www.sandhesam.com/Thiruvananthapuram-Corporation-approves-six-month-leave-for-R-Sugathan Fri, 31 Jul 2026 17:34:10 +0530 Web Desk തിരുവനന്തപുരം: കാപ്പാ കേസില്‍ ജയിലിലുള്ള ബിജെപി കൗണ്‍സിലര്‍ ആര്‍ സുഗതന് അവധി അനുവധിച്ച് തിരുവനന്തപുരം കോര്‍പ്പറേഷന്‍. ആറ് മാസത്തേക്ക് അവധി നല്‍കിയതായി മേയര്‍ വി വി രാജേഷ് അറിയിച്ചു. രണ്ട് സ്വതന്ത്രരുടെ പിന്തുണയിലാണ് അവധി പാസാക്കിയത്. 51 പേര്‍ അവധി അംഗീകരിച്ചെന്ന് വി വി രാജേഷ് വ്യക്തമാക്കി. മുന്‍സിപ്പല്‍ ആക്ട് പ്രകാരം ആറുമാസം അവധി നല്‍കാമെന്ന് മേയര്‍ അറിയിച്ചു.

കോണ്‍ഗ്രസ് വിമതനായ സുധീഷിന്റെ വോട്ടും സുഗതനായിരുന്നു. സുഗതന് എതിരെ നടന്നത് രാഷ്ട്രീയ നീക്കമാണെന്നും സുഗതന് വേണ്ടിയാണ് പിന്തുണ നല്‍കിയതെന്നും വ്യക്തിപരമായ ബന്ധമുണ്ടെന്നും സുധീഷ് പ്രതികരിച്ചു. നല്ലത് ചെയ്താല്‍ അതിനൊപ്പം നില്‍ക്കുമെന്നും കേസില്‍ ഉള്‍പ്പെട്ടെന്ന് കരുതി മാറ്റി നിര്‍ത്തരുതെന്നും സുധീഷ് പറഞ്ഞു. കൗണ്‍സില്‍ നല്ല രീതിയില്‍ പോകണമെന്നും അദ്ദേഹം കൂട്ടിച്ചേര്‍ത്തു.

അതേസമയം സുഗതന് അവധി നല്‍കിയതില്‍ പ്രതിപക്ഷം പ്രതിഷേധവുമായി രംഗത്തെത്തി. പ്ലക്കാര്‍ഡ് ഉയര്‍ത്തിയും മുദ്രാവാക്യം വിളിച്ചുമായിരുന്നു പ്രതിപക്ഷ പ്രതിഷേധം. സുഗതന് അവധി നല്‍കിയത് ഏത് നിയമപ്രകാരമാണെന്ന് കോണ്‍ഗ്രസ് കൗണ്‍സിലര്‍ കെ എസ് ശബരീനാഥന്‍ ചോദിച്ചു. അവധിയെ നിയമപരമായി നേരിടുമെന്നും തെരഞ്ഞെടുപ്പ് കമ്മീഷനെ സമീപിക്കുമെന്നും അദ്ദേഹം അറിയിച്ചു. പിന്നാലെ തിരുവനന്തപുരം കോര്‍പ്പറേഷന്‍ സെക്രട്ടറിക്ക് യുഡിഎഫ് പരാതി നല്‍കി. സുഗതന് അവധി നല്‍കിയത് ചട്ടലംഘനമാണെന്ന് പരാതിയില്‍ ചൂണ്ടിക്കാട്ടി.

]]> ജന്തര്‍ മന്തര്‍ സമരം: കേരളത്തില്‍ രജിസ്റ്റര്‍ ചെയ്ത കേസുകള്‍ പിന്‍വലിക്കും; ഡിജിപിക്ക് നിര്‍ദേശം നൽകി ആഭ്യന്തര മന്ത്രി https://www.sandhesam.com/Jantar-Mantar-protest%3A-Cases-registered-in-Kerala-will-be-withdrawn-Home-Minister-instructs-DGP https://www.sandhesam.com/Jantar-Mantar-protest%3A-Cases-registered-in-Kerala-will-be-withdrawn-Home-Minister-instructs-DGP Fri, 31 Jul 2026 16:49:03 +0530 Web Desk തിരുവനന്തപുരം: ദില്ലിയിലെ നീറ്റ് സമരത്തിന് ഐക്യദാർഢ്യം പ്രഖ്യാപിച്ചു സംസ്ഥാനത്ത് നടന്ന പ്രതിഷേധങ്ങളിൽ രജിസ്റ്റർ ചെയ്ത കേസുകൾ പിൻവലിക്കുമെന്ന് ആഭ്യന്തര മന്ത്രി രമേശ് ചെന്നിത്തല. എത്ര കേസുകൾ ഉണ്ടെങ്കിലും പിൻവലിക്കുമെന്നും ഇതിനായി ഡിജിപിക്ക് നിർദേശം നൽകിയെന്നും മന്ത്രി അറിയിച്ചു. പ്രതിപക്ഷ നേതാവ് പിണറായി വിജയൻ ഉൾപ്പെടെ നൽകിയ പരാതികൾ കണക്കിലെടുത്താണ് ആഭ്യന്തര വകുപ്പിൻ്റെ തീരുമാനം. കേസുകൾ പിൻവലിക്കാൻ പ്രതിപക്ഷ നേതാവ് ആവശ്യപ്പെട്ടിരുന്നുവെന്നും മുഖ്യമന്ത്രിക്ക് പ്രതിപക്ഷ നേതാവ് നൽകിയ കത്ത് ആഭ്യന്തര വകുപ്പിന് കൈമാറിയിരുന്നുവെന്നും ചെന്നിത്തല പറഞ്ഞു.

ഓപ്പറേഷൻ തൂഫാന്റെ ഭാഗമായി ജയിലുകളിൽ നടക്കുന്ന പരിശോധനയെക്കുറിച്ചും ആഭ്യന്തര മന്ത്രി പ്രതികരിച്ചു. ജയിലുകളിൽ പുലർച്ചെ മുതൽ പരിശോധന നടന്നുകൊണ്ടിരിക്കുകയാണെന്നും മന്ത്രി അറിയിച്ചു. ജയിലുകളിൽ വ്യാപകമായി കഞ്ചാവ് ഉപയോഗിക്കുന്നുവെന്ന വിവരത്തിന്റ അടിസ്ഥാനത്തിലാണ് നടപടി. ജയിൽ, പൊലീസ് സംയുക്ത പരിശോധനയാണ് നടക്കുന്നതെന്നും മന്ത്രി വ്യക്തമാക്കി.

പിഎം ശ്രീ പദ്ധതിയെച്ചൊല്ലിയുള്ള വിവാദത്തിൽ പദ്ധതി ഒപ്പിട്ടത് സിപിഎമ്മാണെന്നും സിപിഐയോട് പോലും അന്ന് ചോദിച്ചിരുന്നില്ലെന്നും ചെന്നിത്തല പറഞ്ഞു. പിൻവാങ്ങാൻ പറ്റുമെങ്കിൽ അന്ന് ജോൺ ബ്രിട്ടാസ് എന്തുകൊണ്ട് മുഖ്യമന്ത്രിയോട് പറഞ്ഞില്ല. മുഖ്യമന്ത്രിയുടെ ചെവിയിലെങ്കിലും അദ്ദേഹത്തിന് പറയാമായിരുന്നല്ലോ എന്നും രമേശ് ചെന്നിത്തല ചോദിച്ചു.

]]> ഗാസയില്‍ പുതിയ സമാധാന കരാര്‍ ആയെന്ന് ട്രംപ്; ഹമാസ് ഉള്‍പ്പെടെയുള്ള സായുധ ഗ്രൂപ്പുകളെ നിരായുധീകരിക്കും https://www.sandhesam.com/President-Trump-announces-that-an-agreement-for-the-disarmament-of-Hamas-and-other-armed-groups-in-Gaza https://www.sandhesam.com/President-Trump-announces-that-an-agreement-for-the-disarmament-of-Hamas-and-other-armed-groups-in-Gaza Fri, 31 Jul 2026 14:51:55 +0530 Web Desk വാഷിങ്ടന്‍: ഗാസയില്‍ ഹമാസ് ഉള്‍പ്പെടെ എല്ലാ സായുധ സംഘങ്ങളെയും പൂര്‍ണമായി നിരായുധീകരിക്കുന്നതിനുള്ള ചരിത്രപരമായ കരാറിലെത്തിയതായി യുഎസ് പ്രസിഡന്റ് ഡോണള്‍ഡ് ട്രംപ്. ഗാസയില്‍ പുതിയ പലസ്തീന്‍ ഭരണകൂടം നിലവില്‍ വരുന്നതിലേക്കുള്ള സുപ്രധാന ചുവടുവെപ്പാണ് ഇതെന്നും ട്രംപ് വ്യക്തമാക്കി. ട്രൂത്ത് സോഷ്യലിലൂടെയാണ് ട്രംപിന്റെ പ്രഖ്യാപനം. ബോര്‍ഡ് ഓഫ് പീസ് വഴി കൈവരിച്ച കരാര്‍, മേഖലയില്‍ ശാശ്വതമായ സമാധാനവും സുരക്ഷയും ഉറപ്പാക്കുമെന്ന് അദ്ദേഹം കുറിച്ചു.

'ട്രംപ്-20 പോയിന്റ് പ്ലാന്‍' നടപ്പിലാക്കുന്നതിലെ ഒരു പ്രധാന നാഴികക്കല്ല് എന്ന നിലയിലാണ് ട്രംപ് ട്രൂത്ത് സോഷ്യലില്‍ പോസ്റ്റ് പങ്കുവെച്ചിരിക്കുന്നത്. കരാര്‍ ഘട്ടംഘട്ടമായി നടപ്പിലാക്കുമെന്നും നിരായുധീകരണ നടപടികള്‍ പുരോഗമിക്കുമ്പോള്‍ ഇസ്രയേല്‍ സൈന്യം ഘട്ടംഘട്ടമായി പിന്‍വാങ്ങുമെന്നും ട്രംപ് പറയുന്നു. പ്രദേശത്ത് സമാധാനം നിലനിര്‍ത്താന്‍ പലസ്തീന്‍ പൊലീസിനൊപ്പം അന്താരാഷ്ട്ര സ്റ്റെബിലൈസേഷന്‍ സേന പ്രവര്‍ത്തിക്കുമെന്നും പോസ്റ്റില്‍ പരാമര്‍ശിക്കുന്നുണ്ട്. മധ്യസ്ഥരായ ഈജിപ്തിനും ഖത്തറിനും തുര്‍ക്കിക്കും ട്രംപ് നന്ദി പറയുന്നുണ്ട്.

പലസ്തീന്‍ ജനതയെ സഹായിക്കുന്നതിനായി സമാധാന ബോര്‍ഡുമായി അടുത്ത് പ്രവര്‍ത്തിക്കുന്ന പുതിയ പലസ്തീന്‍ ഗവണ്‍മെന്റ് ഗാസയെ നയിക്കുന്നതിനുള്ള നിര്‍ണ്ണായക ചുവടുവെയ്പ്പ് ആണ് ഈ കരാര്‍ എന്നും ഡോണള്‍ഡ് ട്രംപ് പറഞ്ഞു. അതേസമയം തന്നെ ഇസ്രയേലിന് അര്‍ഹമായ സുരക്ഷിതത്വം ലഭിക്കുമെന്നും ട്രംപ് പറയുന്നുണ്ട്.

മധ്യസ്ഥ രാജ്യങ്ങളുമായി ഹമാസ് സംസാരിച്ചുവെന്നും കരാറില്‍ ഒപ്പിടാന്‍ സമ്മതിച്ചുവെന്നുമാണ് വിവരം. അങ്ങനെയെങ്കില്‍ ഗാസയില്‍ നിരായുധീകരണം നിലവില്‍ വരും. തങ്ങളുടെ ആയുധങ്ങള്‍ അന്താരാഷ്ട്ര സ്റ്റെബിലൈസേഷന്‍ സേനയക്ക് കൈമാറുകയും പ്രത്യേക മേഖലകള്‍ കണ്ടെത്തി അവയെ സൈനികവിമുക്തമാക്കുകയും ചെയ്യും. പലസ്തീന്‍ പൊലീസ് സേനയെ പരിശീലിപ്പിക്കുന്നതടക്കം മൂന്ന് തലത്തിലായിരിക്കും അന്താരാഷ്ട്ര സ്റ്റെബിലൈസേഷന്‍ ഫോഴ്‌സ് പ്രവര്‍ത്തിക്കുക.

]]> 'തിരുവനന്തപുരം കോർപ്പറേഷൻ മേയര്‍, ഡെപ്യൂട്ടി മേയര്‍ തെരഞ്ഞെടുപ്പ് അസാധുവാക്കണം'; എല്‍ഡിഎഫ് ഹൈക്കോടതിയിൽ https://www.sandhesam.com/Thiruvananthapuram-Corporation-Mayor-and-Deputy-Mayor-elections-should-be-annulled-LDF-in-High-Court https://www.sandhesam.com/Thiruvananthapuram-Corporation-Mayor-and-Deputy-Mayor-elections-should-be-annulled-LDF-in-High-Court Fri, 31 Jul 2026 14:21:13 +0530 Web Desk കൊച്ചി: തിരുവനന്തപുരം കോർപ്പറേഷനിലെ മേയർ, ഡെപ്യൂട്ടി മേയർ തെരഞ്ഞെടുപ്പുകൾ റദ്ദാക്കണമെന്നാവശ്യപ്പെട്ട് സിപിഎം പാർലമെന്‍റി പാർട്ടി ലീഡർ എസ് പി ദീപക് ഹൈക്കോടതിയിൽ. ഹൈക്കോടതി സത്യപ്രതിജ്ഞ അസാധുവാക്കിയ കൗണ്‍സിലര്‍മാരാണ് മേയർ തെരഞ്ഞെടുപ്പിൽ വോട്ട് ചെയ്തതെന്നും ഈ വോട്ട് നിയമപരമായി നിലനിൽക്കില്ലെന്നുമാണ് ഹര്‍ജിയിലെ വാദം. കൗൺസിലർമാരുടെ ഇരുവരെയുള്ള നടപടികള്‍ക്കുള്ള നിയമ സംരക്ഷണം കോടതി റദ്ദാക്കണമെന്നും അധികാരമില്ലാത്ത ബിജെപി കൗൺസിലർമാർ വോട്ട് ചെയ്തത് മുനിസിപ്പൽ ആക്ടിന് വിരുദ്ധമാണെന്നും ഹർജിയിലുണ്ട്. അപ്പീലിൽ തെരഞ്ഞെടുപ്പ് കമ്മീഷനും 20 ബിജെപി കൗൺസിലർമാർക്കും നോട്ടീസ് അയച്ച കോടതി, മൂന്നാഴ്ചയ്ക്കകം മറുപടി നൽകാൻ നിർദ്ദേശിച്ചു.

പല ദൈവങ്ങളുടെയും ബലിദാനികളുടെയും പേരിൽ സത്യപ്രതിജ്ഞ ചെയ്ത തിരുവനന്തപുരം കോർപ്പറേഷനിലെ 20 ബിജെപി കൗൺസിലർമാരുടെ സത്യപ്രതിജ്ഞയാണ് ഹൈക്കോടതി അസാധുവാക്കിയത്. നാല് ആഴ്ചക്കകം അംഗങ്ങൾ വീണ്ടും ചട്ടപ്രകാരം സത്യപ്രതിജ്ഞ ചെയ്യണമെന്നും അതുവരെ കൗൺസിൽ അംഗമെന്ന അധികാരമുണ്ടാകില്ലെന്നുമായിരുന്നു കോടതി ഉത്തരവ്. ദൃഢപ്രതിജ്‍‍ഞയോ, ദൈവനാമത്തിലോ വേണം സത്യപ്രതിജ്ഞ ചെയ്യാനെന്നും ദൈവം എന്ന പദത്തിന് പഞ്ചായത്ത് രാജ്, മുനിപ്പൽ ചടങ്ങളിൽ നിർവചനമില്ലെന്നും കോടതി വ്യക്തമാക്കിയിരുന്നു. കാപ്പ കേസിൽ ജയിലിലായ സുഗതൻ്റെയും സത്യപ്രതിജ്ഞ കോടതി അസാധുവാക്കി.

]]> പിഎംശ്രീയില്‍ ടീം യുഡിഎഫിൽ തമ്മിൽ തല്ല്! ; പദ്ധതിയുമായി മുന്നോട്ട് പോകാനുള്ള തീരുമാനത്തിനെതിരെ ലീഗ് https://www.sandhesam.com/Not-Team-UDF-on-PMSree-Decision-to-move-forward-with-the-project-despite-opposition-from-the-League https://www.sandhesam.com/Not-Team-UDF-on-PMSree-Decision-to-move-forward-with-the-project-despite-opposition-from-the-League Fri, 31 Jul 2026 14:00:45 +0530 Web Desk കോഴിക്കോട്: പിഎം ശ്രീ പദ്ധതിയുമായി മുന്നോട്ട് പോകാനുള്ള യുഡിഎഫ് തീരുമാനം മുസ്ലീംലീഗിൻ്റെ എതിര്‍പ്പ് മറികടന്നുകൊണ്ടെന്ന് സൂചന. പിഎം ശ്രീയില്‍ തല്‍സ്ഥിതി തുടരണമെന്ന് യുഡിഎഫ് യോഗത്തില്‍ നിലപാട് സ്വീകരിച്ച ലീഗ് പദ്ധതിയുമായി മുന്നോട്ട് പോകുന്നതില്‍ വിയോജിപ്പറിയിക്കുകയും ചെയ്തു. പിഎം ശ്രീയുമായി മുന്നോട്ട് പോകുമെന്ന യുഡിഎഫ് കണ്‍വീനറുടെ പരസ്യപ്രഖ്യാപനത്തിലും ലീഗിന് അതൃപ്തിയുണ്ട്.

അതെസമയം, പിഎം ശ്രീ പദ്ധതിയുമായി മുന്നോട്ടുപോകുമെന്ന യുഡിഎഫ് കണ്‍വീനര്‍ അടൂര്‍ പ്രകാശിനെ തള്ളി മന്ത്രി പികെ കുഞ്ഞാലിക്കുട്ടി രംഗത്ത് വന്നു. പിഎം ശ്രീയെ കുറിച്ച് ഇന്നലെ ചേര്‍ന്ന യുഡിഎഫ് യോഗം ചര്‍ച്ച ചെയ്തിട്ടില്ല. ഇക്കാര്യത്തില്‍ മന്ത്രിസഭാ ഉപസമിതിയുടെ പരിശോധന തുടരുകയാണ്. റിപ്പോര്‍ട്ട് വന്ന ശേഷം യുഡിഎഫും സര്‍ക്കാരും മറുപടി പറയുമെന്നും പികെ കുഞ്ഞാലിക്കുട്ടി മാധ്യമങ്ങളോട് പറഞ്ഞു.

പിഎംശ്രീയില്‍ ഇടതുസര്‍ക്കാര്‍ കരാര്‍ ഒപ്പിട്ടു പണം വാങ്ങിയതിനാല്‍ പദ്ധതിയില്‍ നിന്നും പിന്മാറാന്‍ കഴിയില്ലെന്നായിരുന്നു ഇന്നലെ ചേര്‍ന്ന യുഡിഎഫ് യോഗത്തിലെ വിലയിരുത്തല്‍. പിഎംശ്രീയെക്കുറിച്ച് പഠിക്കാന്‍ നിയോഗിച്ച മന്ത്രിസഭാ ഉപസമിതിയുടെ റിപ്പോര്‍ട്ട് ചര്‍ച്ച ചെയ്യാനാണ് യുഡിഎഫ് നീക്കം. പിഎംശ്രീ പദ്ധതിയില്‍ കഴിഞ്ഞ സര്‍ക്കാര്‍ ഒപ്പുവെച്ചതിനാല്‍ പിന്മാറാന്‍ കഴിയില്ലെന്നും മുന്നോട്ടുപോകുമെന്നും കണ്‍വീനര്‍ അടൂര്‍ പ്രകാശും പ്രതികരിച്ചിരുന്നു. യുഡിഎഫ് അധികാരത്തിലെത്തിയാല്‍ പിഎംശ്രീ പദ്ധതി അറബിക്കടലില്‍ എറിയുമെന്ന് പ്രഖ്യാപിച്ച മുസ്ലിം ലീഗിനെ സംബന്ധിച്ച് പദ്ധതിയുമായി മുന്നോട്ട് പോകാനുള്ള യുഡിഎഫ് നീക്കം രാഷ്ട്രീയമായി ഏറെ പ്രതിരോധത്തിലാക്കുന്നതാണ്.

പി എം ശ്രീ പദ്ധതി പിന്മാറ്റം സംബന്ധിച്ച നിലപാടില്‍  യുഡിഎഫ് കൺവീനർ അടൂർ പ്രകാശ് എംപി മലക്കം മറിഞ്ഞു. പദ്ധതിയില്‍ തുടരണം എന്ന് പറഞ്ഞിട്ടില്ലെന്നാണ് അടൂർ പ്രകാശിന്‍റെ മലക്കം മറിച്ചില്‍. വിഷയം യുഡിഎഫില്‍ ചർച്ച ചെയ്തിട്ടില്ലെന്നാണ് അടൂർ പ്രകാശ് പറയുന്നത്. പദ്ധതിയില്‍ തുടരണോ വേണ്ടയോ എന്നത് ഉപസമിതി റിപ്പോർട്ട് അനുസരിച്ച് പരിശോധിക്കും. പി കെ കുഞ്ഞാലിക്കുട്ടി പറഞ്ഞതിൽ വൈരുദ്ധ്യം ഒന്നുമില്ലെന്നും ഒരു ചർച്ചയും ഉണ്ടായിട്ടില്ലെന്നും അദ്ദേഹം കൂട്ടിച്ചേര്‍ത്തു.

2025 ഒക്ടോബറിലായിരുന്നു എല്‍ഡിഎഫ് സര്‍ക്കാര്‍ പിഎംശ്രീ കരാറില്‍ ഒപ്പുവെച്ചത്. പദ്ധതിയുമായി മുന്നോട്ടുപോകാന്‍ യുഡിഎഫ് തീരുമാനിച്ചതോടെ ലീഗ് പ്രതിസന്ധിയിലായി. വ്യവസ്ഥകള്‍ മുഴുവനായും നടപ്പിലാക്കില്ല മറിച്ച് ഇളവ് തേടുമെന്ന് യുഡിഎഫ് പറയുമ്പോഴും മുസ്ലിം ലീഗ് വിദ്യാഭ്യാസ വകുപ്പ് കൈകാര്യം ചെയ്യുമ്പോള്‍ പിഎം ശ്രീ നടപ്പിലാക്കേണ്ടി വരുന്നത് പാര്‍ട്ടിയെ സംബന്ധിച്ച് കനത്ത തിരിച്ചടിയാണ്. ഇതോടെയാണ് ലീഗ് യുഡിഎഫ് യോഗത്തില്‍ നിലപാട് വ്യക്തമാക്കിയത്. അതേസമയം പിഎംശ്രീ നടപ്പാക്കരുതെന്ന് സമസ്ത കാന്തപുരം വിഭാഗം ആവശ്യപ്പെട്ടു. കേരളത്തോടുള്ള വഞ്ചനയെന്നും യുഡിഎഫ് ചരിത്രത്തിലെ കറുത്ത അധ്യായമായി അടയാളപ്പെടുത്തുമെന്നും എസ്‌വൈഎസ് കുറ്റപ്പെടുത്തി.

]]> മുത്തങ്ങ സമരം: കോണ്‍സ്റ്റബിള്‍ വിനോദ് വധക്കേസില്‍ എല്ലാവരെയും വെറുതെവിട്ടു, അബ്ദുല്‍ സലാമിനെ ആക്രമിച്ച കേസില്‍ ഗീതാനന്ദന്‍ ഉള്‍പ്പെടെ 4 പേര്‍ക്ക് 5 വര്‍ഷം തടവ് https://www.sandhesam.com/Policeman-Salam-attack-case-4-accused-including-Geethanandan-sentenced-to-5-years-rigorous-imprisonment https://www.sandhesam.com/Policeman-Salam-attack-case-4-accused-including-Geethanandan-sentenced-to-5-years-rigorous-imprisonment Fri, 31 Jul 2026 13:30:36 +0530 Web Desk കൽപറ്റ: മുത്തങ്ങ ഭൂസമരത്തിനിടെ പൊലീസ്‌ കോൺസ്‌റ്റബിൾ വിനോദ്‌ കൊല്ലപ്പെട്ട കേസില്‍ ആദിവാസി നേതാവ് എം ഗീതാനനന്ദൻ കുറ്റവിമുക്തന്‍. കൊലപാതക കേസിലാണ് ഗീതാനന്ദനെ കുറ്റവിമുക്തനാക്കിയത്. 23 മുതല്‍ 57 വരെ പ്രതികള്‍ നിരപരാധികളാണെന്നും കോടതി നിരീക്ഷിച്ചു. സംഭവം നടന്ന് 23 വർഷത്തിന് ശേഷമാണ് വയനാട് ജില്ലാ പ്രിന്‍സിപ്പല്‍ സെഷന്‍സ് കോടതി വിധി പറഞ്ഞത്.

സിബിഐ രജിസ്‌റ്റർ ചെയ്‌ത കേസിൽ വയനാട്‌ പ്രിൻസിപ്പൽ ജില്ലാ സെഷൻസ്‌ ജഡ്‌ജി ഇ അയൂബ്‌ഖാൻ ആണ്‌ വിധി പറഞ്ഞത്. മുത്തങ്ങ സംഭവത്തിലെ അബ്ദുൾ സലാം വധശ്രമക്കേസിൽ നാല് പേർ കുറ്റക്കാരാണെന്നും കോടതി കണ്ടെത്തി. ഗീതാനന്ദന് പുറമേ ബിനു, രമേശൻ കൊയ്യാലിപുര, അനിൽകുമാർ എന്നിവരാണ് കുറ്റക്കാരെന്ന് കോടതി കണ്ടെത്തിയത്. അഞ്ച് വർഷം കഠിനതടവും 10000 രൂപ പിഴയുമാണ് കോടതി വിധിച്ചിരിക്കുന്നത്. പിഴയടച്ചില്ലെങ്കിൽ മൂന്ന് മാസം കൂടി തടവ് അനുഭവിക്കേണ്ടിവരും. തടവുശിക്ഷ ഒന്നിച്ചനുഭവിച്ചാല്‍ മതിയാകും.

2003 ഫെബ്രുവരി 19-നാണ് കേരളത്തെ നടുക്കിയ സംഭവം നടക്കുന്നത്. ഭൂരഹിതര്‍ക്ക് ഭൂമി നല്‍കുമെന്ന സര്‍ക്കാര്‍ വാഗ്ദാനം ലംഘിക്കപ്പെട്ടതിനെത്തുടര്‍ന്നാണ്, ആദിവാസി ഗോത്ര മഹാസഭയുടെ നേതൃത്വത്തില്‍ മുത്തങ്ങ വന്യജീവി സങ്കേതത്തില്‍ കുടില്‍ കെട്ടി സമരം തുടങ്ങിയത്. കുടിലുകള്‍ പൊളിച്ചുനീക്കാന്‍ എത്തിയ പൊലീസ് സംഘത്തില്‍ കണ്ണൂര്‍ കൊയ്യം സ്വദേശിയായ കോണ്‍സ്റ്റബിള്‍ വിനോദുമുണ്ടായിരുന്നു.

രാവിലെ 8-ന് തുടങ്ങിയ പൊലീസ് നടപടി പിന്നീട് വലിയ ഏറ്റുമുട്ടലായി മാറി. ഇതിനിടെ വിനോദിനെയും മറ്റൊരു പൊലീസുകാരനെയും സമരക്കാര്‍ തടവിലാക്കി. തുടര്‍ന്ന് പൊലീസ് നടത്തിയ അതിശക്തമായ നടപടി വെടിവെപ്പിലും കലാശിച്ചു. ഗൗണ്ടന്‍വയലിലെ തകരപ്പാടിയില്‍ നടന്ന ആ ഏറ്റുമുട്ടലിനൊടുവിൽ വിനോദിനെ സമരക്കാര്‍ കൊലപ്പെടുത്തി എന്നായിരുന്നു ക്രൈം ബ്രാഞ്ചിന്റെയും സിബിഐയുടെയും കണ്ടെത്തല്‍.

എം ഗീതാനന്ദനായിരുന്നു കേസില്‍ ഒന്നാം പ്രതി. കേസില്‍ ആകെയുള്ള 53 പ്രതികളില്‍ 15 പേര്‍ ഇതിനോടകം മരിച്ചിരുന്നു. ബാക്കിയുള്ളവരില്‍ ഭൂരിഭാഗം പേരും വാര്‍ദ്ധക്യത്തിന്റെ അവശതകളിലാണ്.

മരവിച്ച മനസ്സുമായാണ് വിധി പ്രസ്താവന കേട്ടതെന്ന് വിനോദിന്റെ സഹോദരൻ കെ വി ബാബു മാധ്യമങ്ങളോട് പറഞ്ഞു. 23 വര്‍ഷത്തിന് ശേഷമാണ് വിധി വരുന്നത്. പൊലീസ് ഡിപ്പാര്‍ട്ട്‌മെന്റിന്റെ ഭാഗമായി പ്രവര്‍ത്തിച്ചയാളാണ് താന്‍. തങ്ങള്‍ക്ക് ലഭിച്ച പരിഗണന ഇങ്ങനെയാണെങ്കില്‍ നീതിന്യായ വ്യവസ്ഥയില്‍ സാധാരണ ജനങ്ങളുടെ ചിന്ത എന്തായിരിക്കുമെന്നും അദ്ദേഹം ചോദിച്ചു. ആദ്യകാലം മുതല്‍ കുടുംബം ഒരുപാട് പ്രശ്‌നങ്ങളെ അഭിമുഖീകരിച്ചു. സര്‍വ്വീസില്‍ ഡ്യൂട്ടിയിലിരിക്കെ കൊല്ലപ്പെട്ട പൊലീസ് ഉദ്യോഗസ്ഥന് ലഭിക്കേണ്ട ആനുകൂല്യം ലഭിച്ചില്ലെന്നും ബാബു ആരോപിച്ചു.

]]> അയോധ്യ സംഭാവനക്കൊള്ള; പാർലമെൻ്റ് പരിസരത്ത് തെരുവ് നാടകവുമായി പ്രതിപക്ഷം https://www.sandhesam.com/Ayodhya-donation-heist%3A-Opposition-stages-street-play-in-Parliament-premises https://www.sandhesam.com/Ayodhya-donation-heist%3A-Opposition-stages-street-play-in-Parliament-premises Fri, 31 Jul 2026 13:16:34 +0530 Web Desk ഇന്ന് പാർലമെന്റിൽ നടന്ന പ്രതിഷേധത്തിനിടെ പ്രതിപക്ഷം ഒരു ചെറിയ തെരുവ്  നാടകം അവതരിപ്പിച്ചു.  പപ്പു യാദവ് എംപി പുരോഹിതൻ്റെ വേഷത്തിൽ പ്രധാന നടനായെത്തി.. രാഹുൽ ഗാന്ധിയടക്കമുള്ള പ്രതിപക്ഷ എംപിമാർ  ഭണ്ഡാരപ്പെട്ടിയിൽ പണം നിക്ഷേപിച്ചു, പുരോഹിതനായ പപ്പു യാദവ് അയോധ്യ എംപിയുടെ കാലിൽ തൊട്ടു വഴങ്ങിയ ശേഷം ഭണ്ഡാരപ്പെട്ടിയുമായി ഓടി രക്ഷപ്പെട്ടു.

]]> പി എം ശ്രീ പദ്ധതി: സംസ്ഥാന സർക്കാരിൻ്റെ വാദം പൊളിഞ്ഞു; കരാറിൽ നിന്ന് പിന്മാറിയാൽ കാര്യമായി ഒന്നും സംഭവിക്കില്ലെന്ന് കേന്ദ്രം https://www.sandhesam.com/PM-Shri-project%3A-State-governments-argument-falls-apart-Centre-says-nothing-significant-will-happen-if-it-withdraws-from-the-agreement https://www.sandhesam.com/PM-Shri-project%3A-State-governments-argument-falls-apart-Centre-says-nothing-significant-will-happen-if-it-withdraws-from-the-agreement Fri, 31 Jul 2026 12:49:23 +0530 Web Desk തിരുവനന്തപുരം: പി എം ശ്രീ പദ്ധതിയിൽ സംസ്ഥാന സർക്കാരിന്റെ വാദം പൊളിയുന്നു. പി എം ശ്രീയിൽ നിന്ന് പിന്മാറിയാൽ കാര്യമായി ഒന്നും സംഭവിക്കില്ലെന്നാണ് കേന്ദ്രം വ്യക്തമാക്കുന്നത്. പിഎം ശ്രീ പദ്ധതിയിൽനിന്നും പിന്മാറുകയോ ചേരാതിരിക്കുകയോ ചെയ്താൽ പിഎം ശ്രീയുടെ ആനുകൂല്യങ്ങൾ മാത്രമേ നഷ്ടമാകൂ എന്നാണ് രാജ്യസഭയിൽ അബ്ദുൽ വഹാബ് എംപിയുടെ ചോദ്യത്തിന് കേന്ദ്ര സഹമന്ത്രി ജയന്ത് ചൗധരി മറുപടി നല്‍കിയത്. കേരളം പിഎം ശ്രീ പദ്ധതിയില്‍ ധാരണാപത്രം ഒപ്പിട്ട ശേഷം സ്‌കൂളുകളുടെ പട്ടിക നല്‍കിയിട്ടില്ലെന്നും കേന്ദ്രം രാജ്യസഭയില്‍ അറിയിച്ചു. പദ്ധതിയിൽ നിന്ന് പിന്മാറാൻ കഴിയില്ലെന്നും വലിയ ഭവിഷ്യത്ത് ഉണ്ടാകുമെന്നുമായിരുന്നു മുഖ്യമന്ത്രി അടക്കമുള്ള യുഡിഎഫ് നേതാക്കൾ പറഞ്ഞിരുന്നത്.

കേന്ദ്ര മറുപടി ഇടതുപക്ഷം സർക്കാറിനെതിരെ ആയുധമാക്കി. വഹാബിന് ലഭിച്ച മറുപടി വി ഡി സതീശന്റെ കാപട്യത്തിന്റെ മുഖംമൂടി വലിച്ച് കീറിയെന്നാണ് ഇടതുപക്ഷത്തിന്‍റെ വിമർശനം. ഇനിയെങ്കിലും പദ്ധതിയിൽ മുന്നോട്ട് പോകാൻ ബിജെപി സമ്മർദം ഉണ്ടെന്നും അതിന് വഴങ്ങുകയാണെന്നും യുഡിഎഫ് തുറന്നു പറയണമെന്ന് ജോൺ ബ്രിട്ടാസ് എംപി വിമർശിച്ചു. വിശ്വാസിയായ മന്ത്രി എൻ ഷംസുദ്ദീൻ നബിവചനങ്ങൾക്ക് എതിരായി പ്രവർത്തിച്ച് കാപട്യക്കാരനായെന്നും ബ്രിട്ടാസ് ദില്ലിയിൽ പറഞ്ഞു.

അതേസമയം, പി എം ശ്രീ പദ്ധതിയിൽ ഇളവ് കിട്ടുമെന്ന പ്രതീക്ഷയിലാണ് കേരളം. സംസ്ഥാന സിലബസ് പഠിപ്പിക്കാൻ മറ്റ് ചില സംസ്ഥാനങ്ങൾക്ക് അനുമതി നൽകിയതിലാണ് കേരളം പ്രതീക്ഷ വെക്കുന്നത്. സ്കൂളുകളുടെ തെരഞ്ഞെടുപ്പിലും സംസ്ഥാന സർക്കാറിന് അനുവാദം കിട്ടുമെന്നാണ് കേരളം പ്രതീക്ഷ വെക്കുന്നത്. പി എം ശ്രീ പദ്ധതി സംബന്ധിച്ച് ചർച്ച ചെയ്യാൻ മന്ത്രിസഭ ഉപ സമിതി അന്തിമ യോഗം ബുധനാഴ്ച്ച 3.30ന് ചേരും. ഓഗസ്റ്റ് രണ്ടാം വാരം ചേരുന്ന മന്ത്രിസഭ യോഗത്തിൽ ഉപസമിതി റിപ്പോർട്ട് ചർച്ച ചെയ്യും. ഓഗസ്റ്റ് രണ്ടാം വാരത്തോടെ കേന്ദ്രത്തിന് ഔദ്യോഗികമായി കത്ത് അയക്കും.

]]> അമിത് ഷായെ കണ്ടവരുണ്ടോ ? ഇരുസഭകളിലും ചോദ്യവുമായി പ്രതിപക്ഷം, സഭയിലെത്താതെ ആഭ്യന്തര മന്ത്രി https://www.sandhesam.com/Has-anyone-seen-Amit-Shah-Opposition-raises-questions-in-both-houses%2C-Home-Minister-fails-to-attend-the-meeting https://www.sandhesam.com/Has-anyone-seen-Amit-Shah-Opposition-raises-questions-in-both-houses%2C-Home-Minister-fails-to-attend-the-meeting Thu, 30 Jul 2026 18:10:32 +0530 Web Desk പോലീസ് അതിക്രമത്തില്‍ അമിത് ഷായുടെ മറുപടിക്കായി ഇന്നും ലോക് സഭ സ്തംഭിപ്പിച്ച് പ്രതിപക്ഷം. രാജ്യസഭയില്‍ ബഹളം വച്ച പ്രതിപക്ഷം സഭ നടപടികള്‍ക്കിടെ ഇറങ്ങിപ്പോയി. പരീക്ഷ ഭേദഗതി ബില്ലില്‍ രണ്ട് മണിക്ക് രാജ്യസഭയില്‍ ചര്‍ച്ച നടക്കും. വിഷയങ്ങളില്ലാത്ത പ്രതിപക്ഷം ഗോള്‍പോസ്റ്റ് മാറ്റി കളിക്കുകയാണെന്ന് ജെ പി നദ്ദ പരിഹസിച്ചു. അതേസമയം, വിദ്യാര്‍ത്ഥികള്‍ക്ക് നേരെ നടന്ന അതിക്രമത്തിന്‍റെ ദൃശ്യങ്ങള്‍ പുറത്ത് വിട്ട് സുപ്രീംകോടതി മേല്‍ നോട്ടത്തില്‍ സ്വതന്ത്ര ഉന്നത തല അന്വേഷണം വേണമെന്ന് രാഹുല്‍ ഗാന്ധി ആവശ്യപ്പെട്ടു.

ലോക്സഭ നടപടികള്‍ തുടങ്ങിയ ഉടന്‍ പ്രതിപക്ഷം ബഹളം തുടങ്ങി. അമിത് ഷാ എവിടെയെന്ന ചോദ്യവുമായി മുദ്രാവാക്യം ശക്തമാക്കി. സഭ നടപടികളോട് സഹകരിക്കാന്‍ താല്‍പര്യമില്ലേയെന്ന് സ്പീക്കര്‍ ചോദിച്ചപ്പോള്‍ അമിത് ഷായോട് സഭയിലെത്താന്‍ പറയൂവെന്ന് പ്രതിപക്ഷം ആവശ്യപ്പെട്ടു. സഭയിലെ അജണ്ട തീരുമാനിക്കുന്നത് ചെയറാണെന്ന് സ്പീക്കര്‍ തിരിച്ചടിച്ചു. ബഹളം കനത്തതോടെ സഭ രണ്ട് മണി വരെ നിര്‍ത്തി വച്ചു. രാജ്യസഭയിലും പ്രതിഷേധം കനത്തു. അമിത്ഷാ പ്രസ്താവന നടത്തണമെന്ന ആവശ്യം പ്രതിപക്ഷം ശക്തമാക്കി. ബഹളത്തെ അവഗണിച്ച് നടപടികള്‍ തുടര്‍ന്ന ചെയര്‍മാനെതിരെ മുദ്രാവാക്യം വിളിച്ച് പ്രതിപക്ഷം സഭ വിട്ടു. ഏത് വിഷയത്തിലും സര്‍ക്കാര്‍ ചര്‍ച്ചക്ക് തയ്യാറാണെന്നും, വിഷയങ്ങളില്ലാത്ത പ്രതിപക്ഷം ബഹളം വച്ച് സമ്മേളനം ഉഴപ്പാനാണ് ശ്രമിക്കുന്നതെന്നും ജെപി നദ്ദ ആരോപിച്ചു.

വെടിവയ്ക്കാന്‍ ഉത്തരവിട്ടത് അമിത് ഷായാണെന്ന ആരോപണത്തിന് പിന്നാലെ വിദ്യാര്‍ത്ഥികള്‍ക്കും യുവാക്കള്‍ക്കും നേരെ നടന്ന ക്രൂരമര്‍ദ്ദനത്തിന്‍റെ കൂടുതല്‍ ദൃശ്യങ്ങള്‍ രാഹുല്‍ ഗാന്ധി സമൂഹമാധ്യമ പേജിലൂടെ പുറത്ത് വിട്ടു. യൂണിഫോമിലല്ലാത്തെ ആളുകള്‍ വിദ്യാര്‍ത്ഥികളെ തല്ലിച്ചതക്കുന്നതിന്‍റെയും, നിലത്തേക്കിടുന്നതിന്‍റെയും ദൃശ്യങ്ങളാണ് പരസ്യമാക്കിയത്. കണ്ണീര്‍ വാതകം പ്രയോഗിച്ച് പ്രതിഷേധക്കാരെ തുരത്തിയോടിച്ചെന്ന സര്‍ക്കാര്‍ വാദത്തെ ചോദ്യം ചെയ്യുന്നതാണ് ഈ ദൃശ്യങ്ങള്‍.

]]> ബിജെപിയില്‍ ചേരാന്‍ ഭീഷണിയെന്ന് അഭിജീത് ദീപ്കെ https://www.sandhesam.com/Abhijeet-Deepke-says-he-is-being-threatened-to-join-BJP https://www.sandhesam.com/Abhijeet-Deepke-says-he-is-being-threatened-to-join-BJP Thu, 30 Jul 2026 17:46:34 +0530 Web Desk പൂനെ: ബിജെപിയില്‍ ചേരാന്‍ ഭീഷണിയെന്ന് സിജെപി സ്ഥാപകന്‍ അഭിജീത് ദീപ്‌കെ. പാര്‍ട്ടിയില്‍ ചേര്‍ന്നില്ലെങ്കില്‍ കുടുംബത്തെ അപായപ്പെടുത്തുമെന്നാണ് ഭീഷണി. ചെറുമകന്റെ പ്രായമുള്ള തന്നെ പ്രധാനമന്ത്രിയും സംഘവും ഇങ്ങനെ ഭീഷണിപ്പെടുത്തുന്നത് ശരിയാണോയെന്നും അഭിജീത് ദീപ്‌കെ ചോദിച്ചു. മഹാരാഷ്ട്രയിലെ പൂനെയിലായിരുന്നു അഭിജീത്തിന്റെ പ്രതികരണം.

]]> പിഎം ശ്രീ പദ്ധതിയുമായി മുന്നോട്ടുപോകാൻ യുഡിഎഫ് തീരുമാനം https://www.sandhesam.com/UDF-decides-to-move-forward-with-PM-Shri-project https://www.sandhesam.com/UDF-decides-to-move-forward-with-PM-Shri-project Thu, 30 Jul 2026 17:28:19 +0530 Web Desk തിരുവനന്തപുരം: കേന്ദ്ര സർക്കാരിന്റെ പിഎം ശ്രീ സ്കൂൾ വികസന പദ്ധതിയുമായി മുന്നോട്ടുപോകാൻ യുഡിഎഫ് യോഗത്തിൽ തീരുമാനം. സംസ്ഥാനത്തിന് അർഹതപ്പെട്ട കേന്ദ്ര ഫണ്ടുകൾ നേടിയെടുക്കുക എന്നത് സർക്കാരിന്റെ ബാധ്യതയും ഉത്തരവാദിത്തവുമാണെന്ന് യുഡിഎഫ് കൺവീനർ അടൂർ പ്രകാശ് വാർത്താ സമ്മേളനത്തിൽ അറിയിച്ചു. കേന്ദ്ര ഫണ്ട് എന്നത് ഔദാര്യമല്ലെന്ന് അദ്ദേഹം ചൂണ്ടിക്കാട്ടി.

മുൻ എൽഡിഎഫ് സർക്കാർ ഇതിനകം ഒപ്പിട്ട കരാറിൽ നിന്നും ഇപ്പോൾ പെട്ടെന്ന് പിന്നോട്ടു പോകുന്നത് സാധ്യമല്ലെന്നും മുന്നണി യോഗത്തിന് ശേഷം അദ്ദേഹം വ്യക്തമാക്കി. ഏതെല്ലാം പൊതുവിദ്യാലയങ്ങളെയാണ് പദ്ധതിയുടെ ഭാഗമായി ഉൾപ്പെടുത്തേണ്ടതെന്ന് സർക്കാർ തീരുമാനിക്കും. കേന്ദ്ര ഫണ്ട് ഫലപ്രദമായി വിനിയോഗിച്ച് വിദ്യാലയങ്ങളുടെ ഭൗതിക സാഹചര്യം മെച്ചപ്പെടുത്താനാണ് തീരുമാനം.

സംസ്ഥാനത്ത് വീര്യം കുറഞ്ഞ മദ്യത്തിന് നികുതി ഈടാക്കുന്നത് സംബന്ധിച്ച നിർദ്ദേശത്തിൽ കൂടുതൽ പഠനങ്ങൾ നടത്തുന്നതിനായി യുഡിഎഫ് പ്രത്യേക ഉപസമിതിയെ ചുമതലപ്പെടുത്തി. പ്രതിപക്ഷ ഏകോപനവും പ്രവർത്തനങ്ങളും കൂടുതൽ ഊർജ്ജസ്വലമാക്കാൻ ഇനി മുതൽ എല്ലാ മാസവും പതിവായി യുഡിഎഫ് യോഗം ചേരാനും തീരുമാനമായി.

]]> 2021-ലെ ബംഗ്ലാ ഭവൻ സമരം: എസ്എഫ്ഐ നേതാവ് ഐഷി ഘോഷിനെതിരെയുള്ള അറസ്റ്റ് വാറണ്ട് ഡൽഹി കോടതി റദ്ദാക്കി https://www.sandhesam.com/2021-Bangla-Bhawan-strike%3A-Delhi-court-cancels-arrest-warrant-against-SFI-leader-Aishe-Ghosh https://www.sandhesam.com/2021-Bangla-Bhawan-strike%3A-Delhi-court-cancels-arrest-warrant-against-SFI-leader-Aishe-Ghosh Thu, 30 Jul 2026 16:40:27 +0530 Web Desk 2021-ലെ സമരക്കേസിൽ SFI നേതാവ് ഐഷി ഘോഷിനെതിരായ ജാമ്യമില്ലാ വാറണ്ട് റദ്ദാക്കി ഡൽഹി കോടതി. നേരത്തെ അയച്ച സമൻസിന് കോടതിയിൽ ഹാജരാകാത്തതിന് ഐഷിക്ക് 1000 രൂപ പിഴ ചുമത്തി. കഴിഞ്ഞ ദിവസം ജഡ്ജി വാറന്റ് താൽക്കാലികമായി സ്റ്റേ ചെയ്യുകയും വ്യാഴാഴ്ച നേരിട്ട് ഹാജരാകാൻ നിർദ്ദേശിക്കുകയും ചെയ്തിരുന്നു.

2021-ൽ ബംഗ്ലാ ഭവന് മുന്നിൽ നടന്ന് പ്രതിഷേധവുമായി ബന്ധപ്പെട്ടാണ് ഡൽഹി പൊലീസ് കേസെടുത്തത്. പൊതുസേവകന്റെ ഉത്തരവ് ലംഘിക്കൽ (ഐപിസി സെക്ഷൻ 188), അതിക്രമിച്ചു കയറൽ (ഐപിസി സെക്ഷൻ 447) തുടങ്ങിയ കുറ്റങ്ങളാണ് ഐഷെ ഘോഷിനെതിരെ ചുമത്തിയിട്ടുള്ളത്. കേസിൽ പൊലീസ് ഇതിനോടകം തന്നെ കുറ്റപത്രം സമർപ്പിച്ചിട്ടുണ്ട്. ഐഷി ഘോഷിനായി അഭിഭാഷകരായ കെ. എൻ. ജയശങ്കർ, കെ. ആർ. സുഭാഷ് ചന്ദ്രൻ, ജെയ്മൺ ആൻഡ്രൂസ് എന്നിവർ ഹാജരായി.

ഐഷി ഘോഷിനെ അറസ്റ്റ് ചെയ്യാൻ ഡൽഹി പൊലീസ് സിപിഎം കേന്ദ്ര കമ്മിറ്റി ഓഫീസായ എകെജി ഭവനിൽ എത്തിയതിന് തൊട്ടുപിന്നാലെയാണ് കോടതിയിലെ പുതിയ സംഭവവികാസങ്ങൾ. യൂണിഫോമിലല്ലാത്ത ഒരു വനിതാ പൊലീസ് ഉദ്യോഗസ്ഥയെ സിപിഎം രാജ്യസഭാ എംപി ജോൺ ബ്രിട്ടാസ് ചോദ്യം ചെയ്യുന്ന വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. ഈ സംഭവവികാസങ്ങൾ ദേശീയതലത്തിൽ വലിയ രാഷ്ട്രീയ ചർച്ചകൾക്ക് വഴിവെച്ചിരുന്നു. നീറ്റ് പരീക്ഷാ അട്ടിമറിക്കെതിരെ ഡൽഹിയിലെ ജന്തർ മന്ദറിൽ എസ്എഫ്ഐയുടെ നേതൃത്വത്തിൽ നടന്ന വിദ്യാർഥി പ്രക്ഷോഭത്തിന്റെ പ്രധാന മുഖങ്ങളിലൊന്നായിരുന്നു ഐഷി ഘോഷ്. ഈ വിദ്യാർഥി പ്രക്ഷോഭങ്ങളെ തുടർന്ന് കഴിഞ്ഞ ജൂലൈ 25-നാണ് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജി സമർപ്പിച്ചത്.

]]> വിരമിക്കൽ പ്രഖ്യാപിച്ച് മുൻ ഇന്ത്യൻ നായകൻ അജിൻക്യ രഹാനെ https://www.sandhesam.com/Former-Indian-captain-Ajinkya-Rahane-announces-retirement https://www.sandhesam.com/Former-Indian-captain-Ajinkya-Rahane-announces-retirement Thu, 30 Jul 2026 16:25:58 +0530 Web Desk ഒരു ദശാബ്ദത്തിലേറെ ഇന്ത്യൻ ടെസ്റ്റ് ബാറ്റിംഗ് നിരയുടെ നെടുംതൂണായിരുന്ന മുൻ നായകൻ അജിൻക്യ രഹാനെ ക്രിക്കറ്റിന്റെ എല്ലാ ഫോർമാറ്റുകളിൽ നിന്നും വിരമിക്കുന്നതായി പ്രഖ്യാപിച്ചു. പ്രശസ്തമായ 2020-21 ബോർഡർ -ഗാവസ്‌കർ ട്രോഫിയിൽ ഇന്ത്യയെ വിജയിത്തിലേക്ക് നയിച്ച താരം സമൂഹമാധ്യമങ്ങളിലൂടെയാണ് തന്റെ തീരുമാനം ലോകത്തെ അറിയിച്ചത്.”ക്യാപ് 278 സൈനിങ് ഓഫ് ” എന്ന ആമുഖത്തോടെ ആരംഭിച്ച വിരമിക്കൽ വിഡിയോയിൽ തനിക്ക് വർഷങ്ങളായി നൽകിയ പിന്തുണയ്ക്ക് എല്ലാവരോടും നന്ദി പറഞ്ഞു.

കഴിഞ്ഞ ദശാബ്ദത്തിലെ ഏറ്റവും പ്രതിഭാധനനായ ഇന്ത്യൻ ബാറ്റർ എന്ന് പരക്കെ അറിയപ്പെടുന്ന മുംബൈ സ്വദേശി ഇന്ത്യയ്ക്കായി 85 ടെസ്റ്റുകളും 90 ഏകദിനങ്ങളും 20 ടി 20 മത്സരങ്ങളും കളിച്ചു. ഐപിഎല്ലിൽ അര ഡസൻ ടീമുകളെ പ്രതിനിധീകരിച്ച താരം 212 മത്സരങ്ങളും കളിച്ചു. 38-കാരനായ താരം ടെസ്റ്റിൽ 5077 റൺസും ഏകദിനത്തിൽ 2962 റൺസും നേടി. ഫസ്റ്റ് ക്ലാസ് ക്രിക്കറ്റിൽ 14000 റൺസുകൾ ആണ് താരത്തിന്റെ സംഭാവന.

]]> ശനിയാഴ്ച വരെ വിവിധ ജില്ലകളില്‍ അതിശക്തവും തീവ്രവുമായ മഴ;നാളെ 11 ജില്ലകളില്‍ ഓറഞ്ച് അലര്‍ട്ട് https://www.sandhesam.com/Heavy-and-intense-rains-in-various-districts-till-Saturday-Orange-alert-in-11-districts-tomorrow https://www.sandhesam.com/Heavy-and-intense-rains-in-various-districts-till-Saturday-Orange-alert-in-11-districts-tomorrow Thu, 30 Jul 2026 15:12:47 +0530 Web Desk

തിരുവനന്തപുരം: സംസ്ഥാനത്ത് ശക്തമായ മഴ തുടരുന്നു. ശനിയാഴ്ച വരെ വിവിധ ജില്ലകളില്‍ അതിശക്തവും തീവ്രവുമായ മഴയാണ് കേന്ദ്ര കാലാവസ്ഥ വകുപ്പ് പ്രവചിക്കുന്നത്. ഒഡിഷയ്ക്ക് സമീപമുള്ള അതിതീവ്ര ന്യൂനമര്‍ദ്ദമാണ് മഴയെ സ്വാധീനിക്കുന്നത്.

നേരത്തെ ഇന്ന് മൂന്ന് ജില്ലകളിലാണ് തീവ്രമഴ പ്രവചിച്ചിരുന്നത്. പുതുക്കിയ മഴ മുന്നറിയിപ്പ് അനുസരിച്ച് ഇടുക്കി, എറണാകുളം, കോഴിക്കോട്, വയനാട്, കണ്ണൂര്‍ ജില്ലകളില്‍ ഒറ്റപ്പെട്ട സ്ഥലങ്ങളില്‍ തീവ്രമഴയാണ് കാലാവസ്ഥ വകുപ്പ് പ്രതീക്ഷിക്കുന്നത്. ജാഗ്രതയുടെ ഭാഗമായി ഈ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു.

ഓറഞ്ച് അലര്‍ട്ട്

31/07/2026: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂര്‍, കാസര്‍കോട്

01/08/2026: പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്

24 മണിക്കൂറില്‍ 115.6 mm മുതല്‍ 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, തൃശൂര്‍, പാലക്കാട്, മലപ്പുറം, കാസര്‍കോട് ജില്ലകളില്‍ ശക്തമായ മഴയാണ് കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.

യെല്ലോ അലര്‍ട്ട്:

31/07/2026: തൃശൂര്‍, പാലക്കാട്, മലപ്പുറം

01/08/2026: തിരുവനന്തപുരം, കൊല്ലം, ആലപ്പുഴ, കണ്ണൂര്‍, കാസര്‍കോട്

02/08/2026: പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂര്‍, കാസര്‍കോട്

24 മണിക്കൂറില്‍ 64.5 മില്ലിമീറ്ററില്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്.

]]> ഇത്രയും വലിയ അഴിമതിക്കാരനെയാണോ സുപ്രധാന പദവികളിൽ ഇരുത്തിയത്? സർക്കാറിനോട് ചോദ്യവുമായി ഹൈക്കോടതി https://www.sandhesam.com/Why-was-such-a-corrupt-person-appointed-to-important-positions-High-Court-questions-government https://www.sandhesam.com/Why-was-such-a-corrupt-person-appointed-to-important-positions-High-Court-questions-government Thu, 30 Jul 2026 15:06:57 +0530 Web Desk കൊച്ചി: കോടികളുടെ കശുവണ്ടി അഴിമതി കേസിൽ വിചാരണ നേരിടുന്ന കെ.എ. രതീഷ് ഖാദിബോ‍ഡ്, റൂട്രോണികസ് എംഡി പദവികളിൽ ഇപ്പോഴും തുടരുന്നതിൽ വിമർശനവുമായി ഹൈക്കോടതി. ഇത്രവും വലിയ അഴിമതിക്കാരനെയാണോ സുപ്രധാന പദവികളിൽ സർക്കാർ ഇരുത്തിയതെന്നും രതീഷിന്‍റെ നിയമനം എങ്ങനെ സാധ്യമാകുമെന്നും ഹൈക്കോടതി ചോദിച്ചു. കേസിൽ നാലാഴ്ചയ്ക്കകം മറുപടി നൽകാൻ സിംഗിൾ ബഞ്ച് ഉത്തരവിട്ടു.

600 കോടിയുടെ കശുവണ്ടി അഴിമിതിയിൽ വിചാരണ നേരിടുന്ന ഉദ്യോഗസ്ഥൻ, അഴമിതയിൽ വിചാരണ നേരിടണമെന്ന് കോടതി പറയുകയും സർക്കാർ പ്രോസിക്യൂഷൻ അനുമതി നൽകുകയും ചെയ്തിട്ടും കെ.എ. രതീഷ് മൂന്ന് സുപ്രധാന പദവികളിലാണ് തുടരുന്നത്. ഈ സ്ഥാനത്ത് നിർന്ന് പുറത്താക്കണമെന്നാവശ്യപ്പെട്ടാണ് പൊതുപ്രവർത്തകനായ കെ.എം. ഷാജഹാൻ ഹൈക്കോടതിയെ സമീപിച്ചത്.

]]> പൊലീസ് അസോസിയേഷൻ പുനഃസംഘടന: സർക്കാരിന് തിരിച്ചടി, ഉത്തരവിന് ഹൈക്കോടതിയുടെ സ്റ്റേ https://www.sandhesam.com/Police-Association-Reorganization%3A-A-major-setback-for-the-government%2C-High-Court-stays-the-order https://www.sandhesam.com/Police-Association-Reorganization%3A-A-major-setback-for-the-government%2C-High-Court-stays-the-order Thu, 30 Jul 2026 14:54:20 +0530 Web Desk പൊലീസ് സംഘടനകളുടെ പുനസംഘടനയുമായി ബന്ധപ്പെട്ട് ആഭ്യന്തര വകുപ്പിൻ്റെ ഉത്തരവ് ഹൈക്കോടതി സ്റ്റേ ചെയ്തു. സർക്കാർ ഉത്തരവും അഡ്‌ഹോക്ക് കമ്മറ്റിയുടെ പ്രവത്തനവും ഹൈക്കോടതി സ്റ്റേ ചെയ്തു. മൂന്ന് പൊലീസ് സംഘടനകളെ വെട്ടിച്ചുരുക്കി രണ്ടാക്കാന്‍ ആയിരുന്നു ആഭ്യന്തര വകുപ്പിൻ്റെ ഉത്തരവ്.

ഇതോടെ കേരള പൊലീസ് ഓഫീസേഴ്സ് അസോസിയേഷൻ (കെ പി ഒ എ ) ഇല്ലാതാകും. ഇതിനെതിരെയാണ് ഇപ്പോൾ കേരള പോലീസ് അസോസിയേഷനും കേരള പൊലീസ് ഓഫീസേഴ്സ് അസോസിയേഷനും ഹൈക്കോടതിയെ സമീപിച്ചത്.

അധികാരം ഏറ്റെടുത്ത് വെറും രണ്ട് മാസത്തിനുള്ളിൽ തന്നെ സർക്കാരിന് വലിയൊരു രാഷ്ട്രീയ പ്രഹരമാണ് കോടതിയിൽ നിന്ന് നേരിടേണ്ടി വന്നിരിക്കുന്നത്. നിലവിൽ കേരള പോലീസിൽ മൂന്ന് സംഘടനകളാണ് പ്രവർത്തിക്കുന്നത്: കേരള പോലീസ് അസോസിയേഷൻ, കേരള പോലീസ് ഓഫീസേഴ്സ് അസോസിയേഷൻ, കേരള പോലീസ് സീനിയർ ഓഫീസേഴ്സ് അസോസിയേഷൻ. ഇതിൽ കേരള പോലീസ് ഓഫീസേഴ്സ് അസോസിയേഷനെ ഇല്ലാതാക്കി, സംഘടനകളുടെ എണ്ണം രണ്ടായി ചുരുക്കാനായിരുന്നു ആഭ്യന്തര വകുപ്പിന്റെ നീക്കം. ഇത്തരത്തിൽ സംഘടനകളെ വെട്ടിച്ചുരുക്കി പോലീസ് സേനയ്ക്കുള്ളിൽ രാഷ്ട്രീയ ആധിപത്യം സ്ഥാപിക്കാനാണ് സർക്കാർ ശ്രമിച്ചതെന്ന് ആരോപണമുണ്ട്. നിലവിൽ സംഘടനകളുടെ നേതൃത്വത്തിലുള്ള ഇടത് ആഭിമുഖ്യമുള്ളവരെ മാറ്റി, അസോസിയേഷനുകളെ സ്വന്തം നിയന്ത്രണത്തിലാക്കുക എന്നതായിരുന്നു യുഡിഎഫ് ലക്ഷ്യമിട്ടത്.

സംഘടനാ സ്വാതന്ത്ര്യത്തിന്റെ ലംഘനമാണ് സർക്കാർ നടപടിയെന്ന് ചൂണ്ടിക്കാട്ടി കേരള പോലീസ് അസോസിയേഷനും ഓഫീസേഴ്സ് അസോസിയേഷനും നൽകിയ ഹർജികളിലാണ് കോടതി ഈ ഉത്തരവ് പുറപ്പെടുവിച്ചത്.

]]> സതീശന്‍ ഫണ്ട് അഭ്യര്‍ഥിച്ചതിന് തെളിവുണ്ട്; വിഡിയോ പുറത്തുവിട്ട് എംവി ഗോവിന്ദന്‍ https://www.sandhesam.com/There-is-evidence-that-Satheesan-requested-funds-MV-Govindan-releases-video https://www.sandhesam.com/There-is-evidence-that-Satheesan-requested-funds-MV-Govindan-releases-video Thu, 30 Jul 2026 13:59:54 +0530 Web Desk തിരുവനന്തപുരം: പുനര്‍ജനി കേസില്‍ മുഖ്യമന്ത്രി വിഡി സതീശന് ആഭ്യന്തരമന്ത്രി ക്ലീന്‍ ചിറ്റ് നല്‍കിയ നടപടി അസാധാരണമെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. സതീശന്‍ ഫണ്ട് അഭ്യര്‍ഥിച്ചതിന് തെളിവുണ്ടെന്ന് പറഞ്ഞ എംവി ഗോവിന്ദന്‍ വാര്‍ത്താ സമ്മേളനത്തില്‍ അന്നത്തെ പ്രതിപക്ഷ നേതാവ് ഫണ്ട് അഭ്യര്‍ഥിക്കുന്നതിന്റെ വിഡിയോയും പ്രദര്‍ശിപ്പിച്ചു. കേസില്‍ സതീശനെതിരെ തെളിവുകള്‍ ഉണ്ടെന്നും ഗോവിന്ദന്‍ പറഞ്ഞു.

എംഎല്‍എ എന്ന നിലയില്‍ അനുമതി തേടിയാണ് വിഡി സതീശന്‍ വിദേശയാത്ര നടത്തിയത് എന്നത് സംബന്ധിച്ച് നിയമസഭാ സെക്രട്ടേറിയറ്റില്‍ നിന്ന് അനുമതി വാങ്ങിയിട്ടില്ലെന്നും ആഭ്യന്തരവകുപ്പിന്റെ അനുമതി ഉണ്ടായിരുന്നില്ലെന്നുമാണ് വസ്തുതാപരമായി പുറത്തുവന്ന വിവരമെന്ന് ഗോവിന്ദന്‍ പറഞ്ഞു. വിദേശ ഫണ്ട് അഭ്യര്‍ഥിക്കാനുള്ള അവകാശം നിലവിലെ നിയമം അനവദിക്കുന്നില്ല. ഇതിനായി വിദേശ യാത്ര നടത്തണമെങ്കില്‍ പ്രത്യേക അനുമതി വേണം. പ്രളയകാലത്ത് മുഖ്യമന്ത്രിയും മന്ത്രിമാരും ധനശേഖരണത്തിനായി വിദേശയാത്രക്ക് അനുമതി തേടിയെങ്കിലും കേന്ദ്രം അനുവദിച്ചിരുന്നില്ലെന്നും ഗോവിന്ദന്‍ പറഞ്ഞു.

വിഡി സതീശന്‍ പദ്ധതിക്കായി വിദേശത്തുനിന്ന് ഫണ്ട് പിരിച്ചിട്ടുണ്ട്. എന്നാല്‍ ഫണ്ട് പിരിക്കാന്‍ അനുവാദം വാങ്ങിയിട്ടില്ല. അത്യന്തം ഗൗരവമുള്ള വിഷയത്തില്‍ ആഭ്യന്തരമന്ത്രി തന്നെ വാര്‍ത്താ സമ്മേളനം നടത്തി ക്ലീന്‍ ചിറ്റ് നല്‍കുകയാണ്. ഇത് അസാധാരണമായ നടപടിയാണ്. സ്വതന്ത്ര അന്വേഷണം അവസാനിപ്പിക്കുന്നതില്‍ തിടുക്കമുണ്ടായി എന്നതാണ് രമേശിന്റെ വാര്‍ത്താ സമ്മേളനത്തില്‍ നിന്ന് വ്യക്തമായത്. ഇന്നലെ ചെന്നിത്തല അഴിമതിക്കെതിരെ വിസില്‍ അടിക്കുന്നതാണ് കണ്ടതെങ്കില്‍ ഇന്ന് വിജിലന്‍സ് അഴിമതിക്കേസില്‍ സതീശന് ക്ലീന്‍ ചിറ്റ് നല്‍കുന്നതാണ് കണ്ടത് ഗോവിന്ദന്‍ പറഞ്ഞു. വിദേശഫണ്ട് സ്വീകരിച്ച കേസ് ആയതിനാല്‍ കേന്ദ്ര ഏജന്‍സി കൂടി അന്വേഷിക്കേണ്ട കേസ് ആണിതെന്നും ഗോവിന്ദന്‍ പറഞ്ഞു.

]]> പൊതു പരീക്ഷ ഭേദ​ഗതി ബിൽ ശബ്ദ വോട്ടോടെ പാസാക്കി ലോക്സഭ https://www.sandhesam.com/Public-Examinations-Prevention-of-Unfair-Means-Amendment-Bill%2C-2026-passed-in-the-Lok-Sabha https://www.sandhesam.com/Public-Examinations-Prevention-of-Unfair-Means-Amendment-Bill%2C-2026-passed-in-the-Lok-Sabha Wed, 29 Jul 2026 17:25:46 +0530 Web Desk പ്രതിപക്ഷ പ്രതിഷേധത്തിനും ബഹളത്തിനുമിടെ പരീക്ഷാ ഭേദഗതി ബില്ല് പാസാക്കി ലോക്സഭ. പരീക്ഷ ക്രമക്കേടുകളിൽ ശിക്ഷയും പിഴയും വർധിപ്പിക്കുന്ന ബില്ല് ശബ്ദവോട്ടോടെയാണ് പാസാക്കിയത്. പ്രതിപക്ഷ നേതാവ് രാഹുൽ ഗാന്ധിയെ പ്രസംഗം പൂർത്തീകരിക്കാൻ അനുവദിക്കാതെയായിരുന്നു സഭ ബിൽ പാസാക്കലിലേക്ക് കടന്നത്. ഇഡിയറ്റ് പരാമർശത്തെ ചൊല്ലിയും അമിത് ഷാക്കെതിരായ വിമർശനത്തെ ചൊല്ലിയും ലോക്സഭയില്‍ ബഹളം ഉയര്‍ന്നു.

പരീക്ഷ ഭേദഗതി ബിൽ ചർച്ചകൾക്കിടെ വിദ്യാർത്ഥി സമരത്തിന് നേരെ വിവിധയിടങ്ങളിൽ ഉണ്ടായ പൊലീസ് അതിക്രമം പരാമർശിച്ച പ്രതിപക്ഷ നേതാവ് രാഹുൽ ഗാന്ധി, വെടിവെയ്ക്കാൻ നിർദേശിച്ചത് ആഭ്യന്തരമന്ത്രി അമിത് ഷാ ആണെന്ന ഗുരുതരമായ ആരോപണമുയർത്തി. ഇതോടെ ശക്തമായ പ്രതിഷേധവുമായി ഭരണപക്ഷം എഴുന്നേറ്റു. രാഹുൽ നുണ പറയുന്നെന്നും പ്രസ്താവന പിൻവലിക്കണമെന്നും പാർലമെന്‍ററി കാര്യമന്ത്രി കിരൺ റിജ്ജു ആവശ്യപ്പെട്ടു. രാഹുൽ ഒന്നുകിൽ അമിത് ഷായോ അല്ലെങ്കിൽ നരേന്ദ്രമോദിയോ നിർദേശം നൽകാതെ പൊലീസ് വെടിവെയ്ക്കിലെന്ന് പറഞ്ഞതോടെ സഭ വീണ്ടും ബഹളത്തിൽ മുങ്ങി. 

രാഹുൽ ഗാന്ധി നടത്തിയ ഇഡിയറ്റ് പരാർമശത്തെ ചൊല്ലിയും ലോക്സഭയിയിൽ ബഹളമുണ്ടായി. നിങ്ങളെ ബഹുമാനമില്ലാത്തവരായി മുദ്ര കുത്തുന്നവരെ, എന്ത് വിളിക്കുമെന്ന് സമരക്കാരിൽ ഒരാളായ ഒരു പെൺകുട്ടിയോട് ചോദിച്ചപ്പോൾ, ലഭിച്ച മറുപടി ഇഡിയറ്റ് എന്നായിരുന്നെന്ന് രാഹുൽ പറഞ്ഞതിന് പിന്നാലെയായിരുന്നു ബഹളം. ഭരണപക്ഷം ബഹളം വച്ചതോടെ സഭയിലാണ് സംസാരിക്കുന്നതെന്ന് ഓർക്കണമെന്ന് സ്പീക്കറും രാഹുലിനെ താക്കീത് ചെയ്തു. എന്നാൽ താൻ ആരെയും ഇഡിയറ്റ് എന്ന് വിളിച്ചിട്ടില്ലെന്ന് രാഹുൽ മറുപടി നൽകി.  അന്തസ്സുള്ള ഭാഷ ഉപയോഗിക്കണമെന്ന് രാഹുലിനോട് സ്പീക്കർ നിർദേശിച്ചു. 

]]> എസ്.ശ്രീജിത്ത് ഡിജിപി സ്ഥാനത്തേക്ക് എത്താനുള്ള സാധ്യതയേറുന്നു https://www.sandhesam.com/%E0%B4%8E%E0%B4%B8%E0%B5%8D%E0%B4%B6%E0%B5%8D%E0%B4%B0%E0%B5%80%E0%B4%9C%E0%B4%BF%E0%B4%A4%E0%B5%8D%E0%B4%A4%E0%B5%8D-%E0%B4%A1%E0%B4%BF%E0%B4%9C%E0%B4%BF%E0%B4%AA%E0%B4%BF-%E0%B4%B8%E0%B5%8D%E0%B4%A5%E0%B4%BE%E0%B4%A8%E0%B4%A4%E0%B5%8D%E0%B4%A4%E0%B5%87%E0%B4%95%E0%B5%8D%E0%B4%95%E0%B5%8D-%E0%B4%8E%E0%B4%A4%E0%B5%8D%E0%B4%A4%E0%B4%BE%E0%B4%A8%E0%B5%81%E0%B4%B3%E0%B5%8D%E0%B4%B3-%E0%B4%B8%E0%B4%BE%E0%B4%A7%E0%B5%8D%E0%B4%AF%E0%B4%A4%E0%B4%AF%E0%B5%87%E0%B4%B1%E0%B5%81%E0%B4%A8%E0%B5%8D%E0%B4%A8%E0%B5%81 https://www.sandhesam.com/%E0%B4%8E%E0%B4%B8%E0%B5%8D%E0%B4%B6%E0%B5%8D%E0%B4%B0%E0%B5%80%E0%B4%9C%E0%B4%BF%E0%B4%A4%E0%B5%8D%E0%B4%A4%E0%B5%8D-%E0%B4%A1%E0%B4%BF%E0%B4%9C%E0%B4%BF%E0%B4%AA%E0%B4%BF-%E0%B4%B8%E0%B5%8D%E0%B4%A5%E0%B4%BE%E0%B4%A8%E0%B4%A4%E0%B5%8D%E0%B4%A4%E0%B5%87%E0%B4%95%E0%B5%8D%E0%B4%95%E0%B5%8D-%E0%B4%8E%E0%B4%A4%E0%B5%8D%E0%B4%A4%E0%B4%BE%E0%B4%A8%E0%B5%81%E0%B4%B3%E0%B5%8D%E0%B4%B3-%E0%B4%B8%E0%B4%BE%E0%B4%A7%E0%B5%8D%E0%B4%AF%E0%B4%A4%E0%B4%AF%E0%B5%87%E0%B4%B1%E0%B5%81%E0%B4%A8%E0%B5%8D%E0%B4%A8%E0%B5%81 Wed, 29 Jul 2026 16:27:00 +0530 Web Desk

എഡിജിപി എസ്.ശ്രീജിത്ത് ഡിജിപി സ്ഥാനത്തേക്ക് എത്താനുള്ള സാധ്യതയേറുന്നു. ആലപ്പുഴ രക്ഷാപ്രവര്‍ത്തന കേസ് അട്ടിമറിക്കാന്‍ ശ്രമിച്ചുവെന്ന കേസില്‍ എഡിജിപി എം.ആര്‍.അജിത് കുമാര്‍ സസ്‌പെന്‍ഷനിലായ സാഹചര്യത്തില്ലാണ് ജയില്‍ മേധാവിയായ എസ്.ശ്രീജിത്തിനെ പരി​ഗണിക്കുന്നത്. ഡിജിപി സ്ഥാനത്തേക്ക് അടുത്ത ഉദ്യോഗസ്ഥനെ പരിഗണിക്കണമെന്ന് ചീഫ് സെക്രട്ടറി മുഖ്യമന്ത്രിക്കു ശുപാര്‍ശ നല്‍കി.

]]> 'പ്രതിഷേധിക്കുന്നവരെ വെടിവെച്ച് കൊല്ലും'; വിദ്വേഷ പരാമർശത്തിൽ ടി.ജി.മോഹൻദാസിനെതിരെ കേസ് https://www.sandhesam.com/Protesters-will-be-shot-dead-Case-filed-against-T.G.-Mohandas-for-hate-speech https://www.sandhesam.com/Protesters-will-be-shot-dead-Case-filed-against-T.G.-Mohandas-for-hate-speech Wed, 29 Jul 2026 16:07:55 +0530 Web Desk കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്ന് ആവശ്യപ്പെട്ട് ഡൽഹിയിൽ നീറ്റ് ചോദ്യപേപ്പർ ചോർച്ചയ്‌ക്കെതിരെ പ്രതിഷേധിച്ച വിദ്യാർഥികളെ അവഹേളിച്ച ആർഎസ്എസ് നേതാവ് ടി.ജി മോഹൻദാസിനെതിരെ കേസ് എടുത്തു. ജന്തർ മന്തറിൽ പ്രതിഷേധിച്ചവർക്ക് എതിരെയായിരുന്നു അവഹേളനം. തിരുവനന്തപുരം സൈബർ പോലീസാണ് കേസെടുത്തത്.

കലാപാഹ്വാനം, സ്ത്രീകളെ അപമാനിക്കല്‍, വ്യക്തി അധിക്ഷേപം തുടങ്ങിയ വകുപ്പുകള്‍ പ്രകാരമാണ് മോഹൻദാസിനെതിരെ കേസ് എടുത്തിരിക്കുന്നത്. എഐവൈഎഫ് സംസ്ഥാന സെക്രട്ടറി. ടി.ടി.ജിസ്മോന്റെ പരാതിയിലാണ് നടപടി. 

തനിക്ക് അവസരം ലഭിച്ചിരുന്നെങ്കിൽ സമരം ചെയ്യുന്നവരെ വെടിവച്ചുകൊല്ലുമായിരുന്നു എന്നാണ് മോഹൻദാസ് വിഡിയോയിൽ പറഞ്ഞത്. ‘‘ജന്തർ മന്തർ പരിസരത്ത് നാല് സ്‌ക്വയർ കിലോമീറ്റർ പരിസരത്ത് കർഫ്യൂ പ്രഖ്യാപിക്കും. ആളുകളോടു പിരിഞ്ഞുപോകാൻ മൂന്ന് തവണ ആവശ്യപ്പെടും. പിന്നെ വെടിവയ്ക്കും. ആളുകൾ ചിതറിയോടും, കുറേപ്പേര് മരിക്കും, കുറേപ്പേര് മരിക്കില്ല... കുറേപ്പേർക്ക് അംഗഭംഗം സംഭവിക്കും... ഏകദേശം ഒരു നാല് മണിക്കൂർ കൊണ്ട് രംഗം ശാന്തമാകും. ശവങ്ങൾ പെറുക്കി ആശുപത്രിയിലെത്തിക്കും’’ – എന്നായിരുന്നു മോഹൻദാസിന്റെ ഒരു പ്രസ്താവന. 

ഇതിനു പിന്നാലെ മറ്റൊരു വിവാദ പ്രസ്താവനയും ടി.ജി മോഹൻദാസിൽ നിന്നുണ്ടായി. ‘അവിടെ ബലാത്സംഗം കൂട്ട ബലാത്സംഗമായി നടക്കുമെന്നും ബലാത്സംഗം ഇഷ്ടപ്പെടുന്ന ടീമാണ് അവിടെയുള്ളത് എന്നുമായിരുന്നു മോഹൻദാസിന്റെ വാക്കുകൾ. വിവിധ രാഷ്ട്രീയ നേതാക്കളിൽ നിന്ന് പരാതികൾ ലഭിച്ചതിനെ തുടർന്ന് മോഹൻദാസിന്റെ പരാമർശങ്ങളിൽ അന്വേഷണം നടത്താൻ ആഭ്യന്തര മന്ത്രി രമേശ് ചെന്നിത്തല കഴിഞ്ഞ ദിവസം ഉത്തരവിട്ടിരുന്നു.

വിദ്യാർത്ഥികൾക്കെതിരെ അശ്ലീലവും മനുഷ്യത്ത രഹിതവും ജനാധിപത്യ വിരുദ്ധവുമായ പരാമർശങ്ങളാണ് ടി.ജി മോഹൻദാസ് നടത്തിയതെന്ന് പരാതിക്കാരിൽ ഒരാളായ ഓൾ ഇന്ത്യ യൂത്ത് ഫെഡറേഷൻ (എഐവൈഎഫ്) നേതാവ് ടി. ടി. ജിസ്മോൻ ആരോപിച്ചു. ഇത്തരം പരാമർശങ്ങൾ ഒരു വൈകാരിക പ്രകടനമായി കാണാനാവില്ലെന്നും, മറിച്ച് നവോത്ഥാന മൂല്യങ്ങളെയും ഭരണഘടന ഉറപ്പുനൽകുന്ന അവകാശങ്ങളെയും തള്ളിക്കളയുന്ന ഒരു പ്രത്യയശാസ്ത്രത്തിന്റെ യഥാർത്ഥ മുഖമാണെന്നും അദ്ദേഹം പറഞ്ഞു. 

സമാധാനപരമായ ജനാധിപത്യ പ്രതിഷേധങ്ങളെ അക്രമത്തിലൂടെ അടിച്ചമർത്താൻ ശ്രമിക്കുന്ന ഫാസിസ്റ്റ് മനോഭാവത്തിന്റെ പ്രകടനമാണ് മോഹൻദാസിന്റെ പ്രസ്താവനയെന്നും വിദ്യാർത്ഥികളെ ബലാത്സംഗം ചെയ്യുന്നവരായി ചിത്രീകരിച്ചത് സമരത്തിൽ പങ്കെടുത്ത ആയിരക്കണക്കിന് യുവാക്കളോടുള്ള അപമാനമാണെന്നും എഐവൈഎഫ് നേതാവ് കൂട്ടിച്ചേ‌ർത്തു.

മോഹൻദാസിന്റെ വിവാദ പ്രസ്തവനയ്ക്ക് എതിരെ കോൺ​ഗ്രസും രം​ഗത്തെത്തിയിരുന്നു. “മോഹൻദാസിന്റെ ഈ നികൃഷ്ടമായ പ്രസ്താവന ആർ.എസ്.എസിന്റെ അറപ്പുളവാക്കുന്നതും അക്രമസക്തവും സ്ത്രീവിരുദ്ധവുമായ മനോഭാവത്തിന്റെ തെളിവാണ്. ഇത്തരക്കാർക്ക് ആർ.എസ്.എസ് എപ്പോഴും സംരക്ഷണം നൽകിയിട്ടുണ്ട്. രാജ്യത്തെ വെറുപ്പിന്റെയും അക്രമത്തിന്റെയും തീയിലേക്ക് തള്ളിയിടുക എന്നത് ആർ.എസ്.എസിന്റെ ചരിത്രമാണ്. അത് ഈ രാജ്യം ഒരിക്കലും സഹിക്കില്ല. ഇത്തരം വിദ്വേഷം പരത്തുന്ന ആളുകൾക്കെതിരെ അടിയന്തര നടപടിയുണ്ടാകണം”. എക്സിൽ പങ്കുവെച്ച പോസ്റ്റിൽ കോൺ​ഗ്രസ് വ്യക്തമാക്കി. 

]]> ചരിത്രം കുറിച്ച് ഗുല്‍വീര്‍ സിങ്; കോമണ്‍വെല്‍ത്ത് ഗെയിംസ് 10,000 മീറ്ററില്‍ ഇന്ത്യക്ക് ആദ്യ മെഡല്‍ https://www.sandhesam.com/Gulveer-Singh-creates-history%2C-becoming-the-first-Indian-to-win-a-Commonwealth-Games-medal-in-the-Mens-10%2C000m https://www.sandhesam.com/Gulveer-Singh-creates-history%2C-becoming-the-first-Indian-to-win-a-Commonwealth-Games-medal-in-the-Mens-10%2C000m Wed, 29 Jul 2026 15:51:39 +0530 Web Desk കോമണ്‍വെല്‍ത്ത് ഗെയിംസ് ട്രാക്ക് ആന്‍ഡ് ഫീല്‍ഡില്‍ പുതിയ ചരിത്രം കുറിച്ച് ഇന്ത്യന്‍ ദീര്‍ഘദൂര ഓട്ടക്കാരന്‍ ഗുല്‍വീര്‍ സിങ്. ഗെയിംസ് ചരിത്രത്തിലാദ്യമായി പുരുഷന്മാരുടെ 10,000 മീറ്റര്‍ മത്സരത്തില്‍ ഇന്ത്യക്കായി മെഡല്‍ നേടുന്ന താരമെന്ന നേട്ടമാണ് ഗുല്‍വീര്‍ സിങ് സ്വന്തമാക്കിയത്. വെള്ളി മെഡല്‍ കരസ്ഥമാക്കിയാണ് താരം ഇന്ത്യന്‍ അത്‌ലറ്റിക്‌സിന്റെ ചരിത്രത്തില്‍ ഇടംപിടിച്ചത്.

27 മിനിറ്റ് 49.78 സെക്കന്‍ഡില്‍ ഫിനിഷ് ചെയ്താണ് ഗുല്‍വീര്‍ രണ്ടാമതെത്തിയത്. മത്സരത്തിലുടനീളം മുന്നിട്ടുനിന്ന പരമ്പരാഗത കരുത്തരായ ആഫ്രിക്കന്‍ അത്ലറ്റുകളുടെ ശക്തമായ വെല്ലുവിളിയെ അതിജീവിച്ചായിരുന്നു ഗുല്‍വീറിന്റെ മുന്നേറ്റം. അവസാന ലാപ്പില്‍ പുറത്തെടുത്ത മികച്ച ഫിനിഷിങ്ങാണ് താരത്തിന് വെള്ളി മെഡല്‍ ഉറപ്പാക്കിയത്. ഓസ്‌ട്രേലിയയുടെ കൈ റോബിന്‍സണ്‍ സ്വര്‍ണം നേടിയപ്പോള്‍, ഐല്‍ ഓഫ് മാന്റെ ഡേവിഡ് മുള്ളാര്‍ക്കി വെങ്കല മെഡല്‍ നേടി.

കോമണ്‍വെല്‍ത്ത് ഗെയിംസില്‍ 10,000 മീറ്റര്‍ ഇനത്തില്‍ മുന്‍പ് ഒരു ഇന്ത്യന്‍ താരവും മെഡല്‍ പോഡിയത്തില്‍ എത്തിയിട്ടില്ല. ദേശീയ റെക്കോര്‍ഡ് ഉടമയായ ഗുല്‍വീറിന്റെ ഈ നേട്ടം ഇന്ത്യന്‍ അത്ലറ്റിക്സിന് വലിയൊരു നാഴികക്കല്ലായി മാറി. ഗുല്‍വീറിന്റെ വെള്ളിയോടെ ഗ്ലാസ്ഗോ കോമണ്‍വെല്‍ത്ത് ഗെയിംസില്‍ ഇന്ത്യയുടെ ആകെ മെഡല്‍ എണ്ണം 12 ആയി ഉയര്‍ന്നു. 2 സ്വര്‍ണ്ണം, 7 വെള്ളി, 3 വെങ്കലം എന്നിവയാണ് ഇന്ത്യയുടെ നേട്ടങ്ങള്‍.

]]> ഐഷി ഘോഷിനെതിരായ പൊലീസ് നീക്കം; പ്രതിഷേധത്തില്‍ മുങ്ങി പാര്‍ലമെൻ്റ്; അമിത് ഷാ മറുപടി പറയണമെന്ന് ജോണ്‍ ബ്രിട്ടാസ് https://www.sandhesam.com/Police-action-against-Aishe-Ghosh-Parliament-engulfed-in-protests-John-Brittas-demands-Amit-Shah-to-answer https://www.sandhesam.com/Police-action-against-Aishe-Ghosh-Parliament-engulfed-in-protests-John-Brittas-demands-Amit-Shah-to-answer Wed, 29 Jul 2026 15:17:32 +0530 Web Desk ന്യൂഡല്‍ഹി: എസ്എഫ്‌ഐ നേതാവ് ഐഷി ഘോഷിനെതിരായ ഡല്‍ഹി പൊലീസ് നടപടിയിലെ പ്രതിഷേധത്തില്‍ പാര്‍ലമെന്റ് തടസപ്പെട്ടു. രാജ്യസഭ രണ്ട് മണി വരെ നിര്‍ത്തിവച്ചു. കേന്ദ്ര ആഭ്യന്തര മന്ത്രി അമിത് ഷാ മറുപടി പറയണമെന്ന് വിഷയം ഉന്നയിച്ച് ജോണ്‍ ബ്രിട്ടാസ് എംപി ആവശ്യപ്പെട്ടു. പൊലീസ് എന്തിനാണ് ദേശിയ പാര്‍ട്ടിയുടെ ഓഫീസില്‍ കയറിയതെന്നും യൂണിഫോം ഇല്ലാതെ ഉദ്യോഗസ്ഥര്‍ എത്തിയത് ഗൗരവതരമാണെന്നും ജോണ്‍ ബ്രിട്ടാസ് ചൂണ്ടിക്കാട്ടി. ഇന്നലെ ഐഷി ഘോഷിനെ കസ്റ്റഡിയിലെടുക്കുന്നതിനായി ഡല്‍ഹി പൊലീസ് മഫ്തിയില്‍ എകെജി ഭവനില്‍ എത്തിയത് വിമര്‍ശനങ്ങള്‍ക്ക് വഴിവെച്ചിരുന്നു.

ദേശിയ പാര്‍ട്ടിയുടെ ഓഫീസില്‍ കയറിയത് ജനാധിപത്യത്തിന് നാണക്കേടാണെന്ന് മല്ലികാര്‍ജുന്‍ ഖര്‍ഗെ വിമര്‍ശിച്ചു. പൊലീസ് നടപടി ജനാധിപത്യത്തിന് അപമാനമാണ്. ഉദ്യോഗസ്ഥര്‍ക്ക് എതിരെ നടപടി വേണം എന്നും മല്ലികാര്‍ജുന്‍ ഖര്‍ഗെ ആവശ്യപ്പെട്ടു. വിഷയത്തില്‍ ഇടത് എംപിമാര്‍ രാവിലെ പാര്‍ലമെന്റ് കവാടത്തില്‍ പ്രതിഷേധം സംഘടിപ്പിച്ചു.

എന്നാല്‍ സാധാരണ നടപടി മാത്രമാണ് എന്നായിരുന്നു വിഷയത്തില്‍ ജെ പി നദ്ദയുടെ ന്യായീകരണം. അടിയന്തരാവസ്ഥക്കാലത്ത് താന്‍ ക്ലാസ് മുറിയില്‍ നിന്ന് അറസ്റ്റിലായിട്ടുണ്ടെന്ന് പറഞ്ഞായിരുന്നു പൊലീസ് നടപടിയെ ജെപി നദ്ദ ന്യായീകരിച്ചത്.

]]> 'ഇഡിയറ്റ്' പരാമർശത്തിൽ ബഹളം; താൻ ആരേയും വിഡ്ഢി എന്ന് വിളിച്ചില്ല, വിദ്യാഭ്യാസം നിയന്ത്രിച്ചത് RSS:രാഹുൽ ഗാന്ധി https://www.sandhesam.com/Andhbhakt-is-a-person-who-is-absolutely-convinced-that-another-idiot-is-God https://www.sandhesam.com/Andhbhakt-is-a-person-who-is-absolutely-convinced-that-another-idiot-is-God Wed, 29 Jul 2026 14:35:03 +0530 Web Desk ന്യൂഡല്‍ഹി: ചോദ്യപേപ്പര്‍ ചോര്‍ച്ചയിലെ ചര്‍ച്ചയില്‍ ഭരണ-പ്രതിപക്ഷ ബഹളത്തില്‍ മുങ്ങി ലോക്‌സഭ. ജന്തര്‍ മന്തറിലെ വിദ്യാര്‍ത്ഥി പ്രതിഷേധത്തെ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി പ്രശംസിച്ചു. യുവജനങ്ങളുടെ നേതൃത്വത്തില്‍ നടക്കുന്ന പ്രതിഷേധങ്ങള്‍ രാജ്യത്തെ യുവാക്കളുടെ വികാരങ്ങളുടെ ആഴത്തിലുള്ള പ്രകടനമാണെന്നും, കേവലം ദേഷ്യമോ അക്രമമോ വിദ്വേഷമോ അല്ലെന്നും രാഹുൽ ഗാന്ധി പറഞ്ഞു. അവരുടെ പ്രതിഷേധങ്ങള്‍ തനിക്ക് ആവേശവും ആത്മവിശ്വാസവും നല്‍കുന്നതാണ്. ബിജെപി ഉള്‍പ്പെടെയുള്ള രാഷ്ട്രീയ പാര്‍ട്ടികള്‍ ഇന്ത്യന്‍ യുവതയുടെ പ്രകടനത്തെ ബഹുമാനിക്കണം. സമരങ്ങളെക്കുറിച്ച് തങ്ങളുടെ മക്കളോട് സംസാരിച്ചാല്‍, പ്രതിഷേധിക്കുന്ന യുവാക്കളോട് അവര്‍ക്ക് സഹാനുഭൂതിയുണ്ടെന്ന് ബിജെപി നേതാക്കള്‍ക്ക് മനസ്സിലാക്കാന്‍ കഴിഞ്ഞേക്കുമെന്നും രാഹുല്‍ ഗാന്ധി പറഞ്ഞു.

വിഡ്ഢികള്‍ യുവജനതയെ കേള്‍ക്കുന്നില്ലെന്ന രാഹുലിന്റെ പരാമര്‍ശത്തില്‍ ഭരണപക്ഷം ശക്തമായി പ്രതിഷേധിച്ചു. വിഡ്ഢികള്‍ തങ്ങളെ കേള്‍ക്കുന്നില്ലെന്ന വിദ്യാര്‍ത്ഥിയുടെ അഭിപ്രായത്തെ രാഹുല്‍ സഭയില്‍ പരാമര്‍ശിച്ചതാണ് ബഹളത്തിന് വഴിവെച്ചത്. എന്നാല്‍ താന്‍ ആരേയും വീഡ്ഢിയെന്ന് വിളിച്ചിട്ടില്ലെന്നും വിദ്യാര്‍ത്ഥികളുടെ വികാരത്തെയാണ് പങ്കുവെച്ചതെന്നും രാഹുല്‍ ഗാന്ധി വിശദീകരിച്ചു.

പാര്‍ലമെന്റിലെ മറ്റൊരു അംഗത്തിനെതിരെ പ്രയോഗിച്ചാല്‍ മാത്രമെ അത് അണ്‍പാര്‍ലമെന്ററി ആവുകയുള്ളൂ. ആര്‍ക്കെതിരെയും താന്‍ ആ വാക്ക് ഉപയോഗിച്ചിട്ടില്ല. ബിജെപിക്ക് സംസാരിക്കണമെങ്കില്‍ താൻ വായ അടച്ച് ഇരിക്കാം എന്നും രാഹുല്‍ ഗാന്ധി പറഞ്ഞു.

വിദ്യാര്‍ത്ഥി പ്രക്ഷോഭത്തെ തുടര്‍ന്ന് രാജിവെച്ച കേന്ദ്ര മന്ത്രി ധര്‍മേന്ദ്ര പ്രധാനെതിരെയും രാഹുല്‍ രൂക്ഷ വിമര്‍ശനം ഉയര്‍ത്തി. യഥാര്‍ത്ഥത്തില്‍ വിദ്യാഭ്യാസ വകുപ്പിനെ നിയന്ത്രിച്ചത് ധര്‍മ്മേന്ദ്ര പ്രധാന്‍ അല്ല, മറിച്ച് ആര്‍എസ്എസ് ആണെന്ന് രാഹുല്‍ ഗാന്ധി കടന്നാക്രമിച്ചു. നിരവധി കേന്ദ്ര സര്‍വകലാശാലകളില്‍ ആര്‍എസ്എസുകാരെ വൈസ് ചാന്‍സലര്‍മാരായി നിയമിച്ചുവെന്നും രാഹുല്‍ ഗാന്ധി ആരോപിച്ചു.

വിദ്യാര്‍ത്ഥികളെ 'അന്ധഭക്തു'മാരാക്കുകയാണ് ആര്‍എസ്എസ് ശ്രമം. ഇതിനെതിരെയാണ് വിദ്യാര്‍ത്ഥികള്‍ തെരുവിലിറങ്ങിയത്. കേന്ദ്ര ആഭ്യന്തര മന്ത്രി അമിത് ഷായ്ക്ക് ലോക്‌സഭയില്‍ തന്നെ അഭിമുഖീകരിക്കാന്‍ ഭയമാണെന്നും രാഹുല്‍ ഗാന്ധി പറഞ്ഞു. അമിത്ഷാ പാര്‍ലമെന്റില്‍ എത്താതിരുന്നത് സൂചിപ്പിച്ചാണ് രാഹുലിന്റെ വിമര്‍ശനം. വിദ്യാര്‍ത്ഥികള്‍ക്ക് നേരെ പെല്ലെറ്റുകള്‍ ഉപയോഗിക്കാന്‍ അമിത്ഷാ നിര്‍ദേശിച്ചെന്നും രാഹുല്‍ ഗാന്ധി ആരോപിച്ചു. ഇതോടെ പാര്‍ലമെന്റ് ഭരണപക്ഷ ബഹളത്തില്‍ മുങ്ങി. രാഹുല്‍ ആരോപണത്തിന് തെളിവ് പുറത്തുവിടണമെന്ന് കിരണ്‍ റിജ്ജു ആവശ്യപ്പെട്ടു. പ്രതിപക്ഷ-ഭരണപക്ഷ ബഹളത്തിൽ മുങ്ങി പാർലമെന്‍റ് 2.30 വരെ പിരിഞ്ഞു.

]]> പ്രധാനമന്ത്രിയെ അധിക്ഷേപിച്ച് പോസ്റ്റുകൾ; എഫ്.ഐ.ആർ രജിസ്റ്റർ ചെയ്ത് ഡൽഹി പോലീസ്, അക്കൗണ്ടുകളുടെ വിവരങ്ങൾ തേടി https://www.sandhesam.com/Posts-insulting-the-Prime-Minister-Delhi-Police-registers-FIR%2C-seeks-details-of-accounts https://www.sandhesam.com/Posts-insulting-the-Prime-Minister-Delhi-Police-registers-FIR%2C-seeks-details-of-accounts Wed, 29 Jul 2026 14:26:35 +0530 Web Desk

ന്യൂഡല്‍ഹി: പ്രധാനമന്ത്രി നരേന്ദ്ര മോദിക്കും മറ്റ് ഉന്നത പദവികള്‍ വഹിക്കുന്നവര്‍ക്കും എതിരെ സമൂഹമാധ്യമങ്ങളില്‍ അധിക്ഷേപകരവും അപകീര്‍ത്തികരവുമായ പോസ്റ്റുകള്‍ പ്രചരിപ്പിച്ചെന്ന പരാതികളില്‍ ഡല്‍ഹി പൊലീസ് കേസെടുത്തു. അധിക്ഷേപ ഉള്ളടക്കങ്ങള്‍ പങ്കുവെച്ച അക്കൗണ്ട് ഉടമകളുടെ വിശദാംശങ്ങള്‍ നല്‍കണമെന്ന് ആവശ്യപ്പെട്ട് സമൂഹമാധ്യമ പ്ലാറ്റ്ഫോമായ എക്‌സിന് ഉള്‍പ്പെടെ പൊലീസ് നോട്ടീസ് അയച്ചു. കോക്രോച്ച് ജനതാ പാര്‍ട്ടി ജന്തര്‍ മന്തറില്‍ നടത്തിയ പ്രതിഷേധങ്ങളുമായി ബന്ധപ്പെട്ട് ഉയര്‍ന്നുവന്ന ഉള്ളടക്കങ്ങളാണ് പൊലീസിന്റെ നിരീക്ഷണത്തിലുള്ളതില്‍ ഭൂരിഭാഗവുമെന്നാണ് വിവരം.

ഡല്‍ഹി പൊലീസിന്റെ സ്‌പെഷല്‍ സെല്ലിന് കീഴിലുള്ള ഇന്റലിജന്‍സ് ഫ്യൂഷന്‍ ആന്‍ഡ് സ്ട്രാറ്റജിക് ഓപ്പറേഷന്‍സ് (ഐഎഫ്എസ്ഒ) യൂണിറ്റാണ് കേസ് രജിസ്റ്റര്‍ ചെയ്തിരിക്കുന്നത്. ഭീഷണിപ്പെടുത്തല്‍, പൊതുജനമധ്യത്തില്‍ അപകീര്‍ത്തിപ്പെടുത്തല്‍ എന്നീ വകുപ്പുകള്‍ ചുമത്തിയാണ് നടപടി. ജൂലൈ 20ന് നടന്ന ചലോ സംസദ് മാര്‍ച്ചിനിടെയും തുടര്‍ന്നുണ്ടായ പൊലീസ് നടപടികള്‍ക്ക് ശേഷവും പ്രധാനമന്ത്രിക്കെതിരെ അപകീര്‍ത്തികരമായ പരാമര്‍ശങ്ങള്‍ നടത്തിയെന്നാണ് പരാതി. പരാതിക്കാര്‍ ചൂണ്ടിക്കാണിച്ച പോസ്റ്റുകളും വിഡിയോകളും ഉടനടി നീക്കം ചെയ്യാനും അക്കൗണ്ട് ഉടമകളുടെ പൂര്‍ണ വിവരങ്ങള്‍ കൈമാറാനും പൊലീസ് പ്ലോറ്റ്ഫോമുകളോട് നിര്‍ദ്ദേശിച്ചു.

അക്കൗണ്ട് ഉടമയുടെ പൂര്‍ണമായ പേര്, വിലാസം, ഫോണ്‍ നമ്പര്‍, ഇമെയില്‍ ഐഡി, അക്കൗണ്ടിലേക്ക് ലോഗിന്‍ ചെയ്തതിന്റെയും ലോഗ് ഔട്ട് ചെയ്തതിന്റെയും കൃത്യമായ സമയവും തീയതിയും, അന്വേഷണത്തിന് സഹായിക്കുന്ന മറ്റ് സാങ്കേതിക വിവരങ്ങള്‍ എന്നിവയാണ് പൊലീസ് നോട്ടീസില്‍ തേടിയത്. നോട്ടീസ് നല്‍കിയതിനെ തുടര്‍ന്ന് ചില പോസ്റ്റുകളും വിഡിയോകളും ഇതിനകം പ്ലാറ്റ്ഫോമുകളില്‍ നിന്ന് നീക്കം ചെയ്തിട്ടുണ്ട്. പ്രതിഷേധങ്ങളുമായി ബന്ധപ്പെട്ട് ഇനിയും നിയമവിരുദ്ധ പോസ്റ്റുകള്‍ വരുന്നുണ്ടോ എന്ന് സൈബര്‍ സംഘം കര്‍ശനമായി നിരീക്ഷിച്ചു വരികയാണെന്ന് ഉദ്യോഗസ്ഥര്‍ അറിയിച്ചു.

]]> പശ്ചിമഘട്ട പരിസ്ഥിതി ലോല പ്രദേശം: കേരളത്തിലെ ഗ്രാമങ്ങൾ 131 ആയി ഉയർന്നു https://www.sandhesam.com/Western-Ghats-ecologically-sensitive-area%3A-Villages-in-Kerala-increase-to-131 https://www.sandhesam.com/Western-Ghats-ecologically-sensitive-area%3A-Villages-in-Kerala-increase-to-131 Wed, 29 Jul 2026 14:17:46 +0530 Web Desk

തിരുവനന്തപുരം: പശ്ചിമഘട്ട സംരക്ഷണവുമായി ബന്ധപ്പെട്ട് ഏഴാമത് കരട് വിജ്ഞാപനം പുറത്തിറക്കി കേന്ദ്ര പരിസ്ഥിതി-വനം മന്ത്രാലയം. നിർദ്ദിഷ്ട പരിസ്ഥിതി ലോല പ്രദേശങ്ങളുടെ (ഇഎസ്‌എ) വിസ്തൃതിയിൽ കർണ്ണാടകയ്ക്കും മഹാരാഷ്ട്രയ്ക്കും തൊട്ടുപിന്നാലെ മൂന്നാം സ്ഥാനത്താണ് കേരളം. പുതിയ വിജ്ഞാപനപ്രകാരം കേരളത്തിൽ 9,993.7 ചതുരശ്ര കിലോമീറ്ററാണ് ഇഎസ്‌എ പരിധിയിൽ വരുന്നത്. വിസ്തൃതിയിൽ മാറ്റമില്ലെങ്കിലും, പഞ്ചായത്ത്/വില്ലേജ് വിഭജനത്തെ തുടർന്ന് കേരളത്തിലെ ഇഎസ്‌എ ഗ്രാമങ്ങളുടെ എണ്ണം 123-ൽ നിന്ന് 131 ആയി ഉയർന്നു.

പശ്ചിമഘട്ട മേഖലയുടെ അതിർത്തി നിർണ്ണയവുമായി ബന്ധപ്പെട്ട തർക്കങ്ങളും അനിശ്ചിതത്വങ്ങളും അവസാനിക്കാത്ത സാഹചര്യത്തിലാണ് 2024 ജൂലൈയിൽ ഇറങ്ങിയ ആറാം കരടിന്റെ കാലാവധി (725 ദിവസം) പൂർത്തിയായതിനെ തുടർന്ന് പുതിയ വിജ്ഞാപനം വരുന്നത്. ഗുജറാത്ത്, മഹാരാഷ്ട്ര, ഗോവ, കർണ്ണാടക, തമിഴ്‌നാട്, കേരളം എന്നീ ആറ് സംസ്ഥാനങ്ങളിലായി ആകെ 56,825.7 ചതുരശ്ര കിലോമീറ്റർ പ്രദേശമാണ് ഇഎസ്‌എ പരിധിയിൽ ഉൾപ്പെടുത്തിയിട്ടുള്ളത്.

മുൻപ് പ്രഖ്യാപിച്ച 9,993.7 ചതുരശ്ര കിലോമീറ്റർ വിസ്തൃതിയിൽ 9,107 ചതുരശ്ര കിലോമീറ്റർ വനമേഖലയും 886.7 ചതുരശ്ര കിലോമീറ്റർ വനേതര പ്രദേശവുമാണ് ഉള്ളത്. തരംതിരിച്ച 123 വില്ലേജുകൾ വിഭജിച്ച് പുതിയ എട്ട് വില്ലേജുകൾ രൂപീകരിച്ചതാണ് ഗ്രാമങ്ങളുടെ എണ്ണം 131 ആയി ഉയരാൻ കാരണം. ഇടമലക്കുടി, മൂന്നാർ, കാഞ്ചിയാർ, ഇരട്ടയാർ, കട്ടിപ്പാറ, പോത്തുകല്ല്, ചിറ്റാർ, അതിരപ്പള്ളി എന്നീ വില്ലേജുകളാണ് വിഭജനത്തെ തുടർന്ന് പട്ടികയിൽ പുതുതായി വന്നിട്ടുള്ളത്.

]]> ‘പോയി യൂണിഫോം ധരിച്ച് വരൂ’: ഐഷി ഘോഷിനെ അറസ്റ്റ് ചെയ്യാനെത്തിയ പൊലീസിനെ മടക്കി അയച്ച് ഡോ ജോൺ ​ബ്രിട്ടാസ് എംപി https://www.sandhesam.com/%E2%80%98Go-and-wear-your-uniform%E2%80%99%3A-Dr-John-Brittas-MP-sends-back-police-who-came-to-arrest-Aishe-Ghosh https://www.sandhesam.com/%E2%80%98Go-and-wear-your-uniform%E2%80%99%3A-Dr-John-Brittas-MP-sends-back-police-who-came-to-arrest-Aishe-Ghosh Tue, 28 Jul 2026 18:23:37 +0530 Web Desk എസ്എഫ്ഐ നേതാവ് ഐഷി ഘോഷിനെ അറസ്റ്റ് ചെയ്യാനുള്ള ദില്ലി പൊലീസിൻ്റെ നീക്കം തടഞ്ഞ് ഡോ ജോൺ ബ്രിട്ടാസ് എംപി. വിദ്യാർത്ഥി പ്രക്ഷോഭത്തിന് മുന്നിൽ മുട്ടുമടക്കിയ അമിത്ഷായുടെ ദില്ലി പൊലീസിൻ്റെ പ്രതികാര നടപടിയുടെ ഭാ​ഗമായാണ് ഐഷി ഘോഷിനെ അറസ്റ്റ് ചെയ്യാൻ ശ്രമിച്ചത്. ഇതിനായി യൂണിഫോമോ ഔദ്യോ​ഗിക വാഹനങ്ങളോ ഇല്ലാതെ വന്ന പൊലീസ് സംഘത്തോട് പോയി യൂണിഫോം ധരിച്ച് വരാൻ പറഞ്ഞ് ജോൺ ബ്രിട്ടാസ് എംപി മടക്കി അയക്കുകയായിരുന്നു.

നിങ്ങളുടെ യൂണിഫോമെവിടെ? ബാഡ്ജെവിടെ? തിരികെ പോകൂ…യൂണിഫോമിട്ട് വരൂ, എന്തൊരു ധിക്കാരമാണിതെന്നും ഡോ ജോൺ ബ്രിട്ടാസ് എംപി പൊലീസ് ഉദ്യോ​ഗസ്ഥയോട് ചോദിച്ചു.2021 ലെ സമരവുമായി ബന്ധപ്പെട്ട കേസിൽ അറസ്റ്റ് ചെയ്യാൻ 2026 ജൂലൈ 28 ന് എകെജി ഭവനിലെത്തിയ പോലീസിനെ ഡോ. ജോൺ ബ്രിട്ടാസ് എംപിയുടെ നേതൃത്വത്തിലാണ് തിരിച്ചയച്ചത്. യൂനിഫോമും ഒഫീഷ്യൽ ബാഡ്ജും ഇല്ലാതെ നിയമവിരുദ്ധമായി ഐഷിയെ കസ്റ്റഡിയിലെടുക്കാൻ അനുവദിക്കില്ലെന്ന് ജോൺ ബ്രിട്ടാസ് പറയുകയായിരുന്നു.

]]> വടകര എംഡിഎംഎ കേസിൽ ഒരു അധ്യാപിക കൂടി അറസ്റ്റിൽ https://www.sandhesam.com/Another-teacher-arrested-in-Vadakara-MDMA-case https://www.sandhesam.com/Another-teacher-arrested-in-Vadakara-MDMA-case Tue, 28 Jul 2026 18:17:48 +0530 Web Desk കോഴിക്കോട്: വടകര എംഡിഎംഎ കേസിൽ ഒരു അധ്യാപിക കൂടി അറസ്റ്റിൽ. പേരാമ്പ്ര ബി ആർസിയിലെ അധ്യാപികയായ നീഷ്മ ആണ് അറസ്റ്റിലായത്. ആവള കുട്ടോത്ത് സ്വദേശിയാണ് നീഷ്മ. കേസിൽ ഇതുവരെ 3 അധ്യാപികമാർ പിടിയിലായിട്ടുണ്ട്. നീഷ്മ അടക്കം മൂന്ന് പേരും എംഡിഎംഎ ഉപയോ​ഗിക്കുന്നവരാണ്. നീഷ്മയുടെ അക്കൗണ്ടിലേക്ക് പണമെത്തിയെന്നും പൊലീസ് വ്യക്തമാക്കുന്നു. പ്രതികള്‍ വലിയ നെറ്റ് വര്‍ക്കിന്‍റെ ഭാഗമാണെന്നും പൊലീസ് പറഞ്ഞു. 

ഓപ്പറേഷൻ തൂഫാനിലാണ് അധ്യാപികമാരെ ഇടനിലക്കാരാക്കിയുള്ള ലഹരി സംഘത്തെക്കുറിച്ചുള്ള നിര്‍ണായക വിവരം പൊലീസിന് കിട്ടിയത്. മരുതോങ്കര സ്വദേശി കീര്‍ത്തന, കൂരാച്ചുണ്ട് സ്വദേശി കാവ്യ എന്നീ അധ്യാപികമാരാണ് ആദ്യം പിടിയിലായത്. പേരാമ്പ്ര ബിആര്‍സിയിലെ അധ്യാപകരായ ഇവരെ പിരിച്ചുവിട്ടിരുന്നു. 

മയക്കുമരുന്ന് വേണ്ടവരിൽ നിന്ന് ക്യൂആര്‍ കോഡ് അയച്ച് കൊടുത്ത് പണം അക്കൗണ്ട് വഴി സ്വീകരിക്കുക, ആവശ്യക്കാര്‍ക്ക് ഗൂഗിൾ മാപ്പ് അയച്ചുകൊടുത്ത് ലഹരി സംഘത്തിന് വഴിയൊരുക്കുക എന്നീ കുറ്റങ്ങളാണ് പൊലീസ് അന്വേഷണത്തിൽ അധ്യാപികമാര്‍ക്കെതിരെ കണ്ടെത്തിയത്. പേരാമ്പ്ര ബ്ലോക്ക് റിസോഴ്സ് കേന്ദ്രത്തിലെ സ്പെഷ്യലിസ്റ്റ് കായിക അധ്യാപികയായ കെ. സി. കീര്‍ത്തന ഈമാസം 11ന് അറസ്റ്റിലായി. പൊലീസ് റിപ്പോര്‍ട്ടിന്‍റെ അടിസ്ഥാനത്തിൽ കരാര്‍ ജീവനക്കാരിയായ കീര്‍ത്തനയെ സര്‍വശിക്ഷ കേരള സംസ്ഥാന പ്രൊജക്ട് ഓഫീസര്‍ പിരിച്ചുവിട്ടു. 

]]> 'TG മോഹൻദാസിനെതിരെ കേസെടുക്കാൻ സതീശൻ സർക്കാർ മടിച്ചുനിൽക്കുന്നു':സിപിഐ-എം https://www.sandhesam.com/File-case-against-TG-Mohanads-%3A-cpim https://www.sandhesam.com/File-case-against-TG-Mohanads-%3A-cpim Tue, 28 Jul 2026 18:14:42 +0530 Web Desk TG മോഹൻദാസിനെതിരെ കേസെടുക്കാൻ സതീശൻ സർക്കാർ മടിച്ചുനിൽക്കുന്നു; സംഘപരിവാർ രാഷ്ട്രീയത്തിന് ഒപ്പം ചേർന്ന് നിൽക്കാനുള്ള മനസ്സാണ് സതീശൻ്റെതെന്ന് വ്യക്തമാകുന്നു' എന്ന് എംവി ഗോവിന്ദൻ മാസ്റ്റർ.

ടി.ജി മോഹൻ ദാസിന്റെ പരാമർശത്തിനെതിരെ ജനാധിപത്യ വിശ്വാസികൾ രംഗത്ത് വരണം. അക്രമത്തിനും കൂട്ടക്കൊലയ്ക്കുമുള്ള ആഹ്വാനം ജനാധിപത്യ സമൂഹത്തിലെ ലജ്ജിപ്പിക്കുന്നത്. മോഹൻദാസിനെതിരെ കേസെടുക്കാൻ സതീശൻ സർക്കാർ മടിച്ചുനിൽക്കുന്നു. ഡൽഹി സമരത്തിന് പിന്തുണ പ്രഖ്യാപിച്ചുള്ള കേരളത്തിലെ സമരത്തിലും വ്യാപകമായി കേസെടുത്തു

സംഘപരിവാർ രാഷ്ട്രീയത്തിന് ഒപ്പം ചേർന്ന് നിൽക്കാനുള്ള മനസ്സാണ് സതീശനെന്ന് വ്യക്തമാകുന്നു. കേരളത്തിൽ ഗുണ്ട ആക്രമണങ്ങൾ തുടർ കഥയായി വരുന്നു. കഴിഞ്ഞ 10 വർഷം ഗുണ്ടാ വിളയാട്ടത്തെ ഫലപ്രദമായി നേരിട്ടു. ഇപ്പോൾ പലയിടത്തും ഗുണ്ടാ രാജ് നടക്കുന്നുവെന്നും ഗോവ്ന്ദൻ മാസ്റ്റർ ആരോപിച്ചു.

]]> ജന്തർ മന്തർ പ്രക്ഷോഭത്തിന് ഐക്യദാർഢ്യം; സംസ്ഥാനത്ത് എടുത്ത കേസുകൾ പിൻവലിക്കാൻ മുഖ്യമന്ത്രിക്ക് കത്ത് അയച്ച് പിണറായി വിജയൻ https://www.sandhesam.com/Solidarity-with-Jantar-Mantar-protest-Pinarayi-Vijayan-writes-to-CM-to-withdraw-cases-filed-in-the-state-2281 https://www.sandhesam.com/Solidarity-with-Jantar-Mantar-protest-Pinarayi-Vijayan-writes-to-CM-to-withdraw-cases-filed-in-the-state-2281 Tue, 28 Jul 2026 16:52:58 +0530 Web Desk ജന്തർ മന്തർ വിദ്യാർത്ഥി സമരത്തിന് ഐക്യദാർഢ്യം പ്രകടിപ്പിച്ചതുമായി ബന്ധപ്പെട്ട് കേരളത്തിൽ ചാർജ് ചെയ്ത എല്ലാ കേസുകളും നിരുപാധികം പിൻവലിക്കണമെന്നാവശ്യപ്പെട്ട് മുഖ്യമന്ത്രിക്ക് കത്ത് അയച്ച് പ്രതിപക്ഷ നേതാവ് പിണറായി വിജയൻ. സമരം ഒത്തുതീർക്കുന്നതിൻ്റെ ഭാഗമായി എല്ലാ കേസുകളും പിൻവലിക്കുമെന്ന് കേന്ദ്ര സർക്കാർ സമ്മതിച്ചിട്ടും കേരളത്തിൽ അത്തരമൊരു തീരുമാനം യുഡിഎഫ് സർക്കാർ കൈകൊണ്ടിട്ടില്ലെന്ന് കത്തിൽ പിണറായി വിജയൻ ചൂണ്ടിക്കാട്ടി.

വിദ്യാർത്ഥികളും യുവജനങ്ങളും സാംസ്കാരിക പ്രവർത്തകരും അടക്കമുള്ള പൊതുസമൂഹം കേന്ദ്ര സർക്കാരിനെതിരായ സമരത്തിന് ഐക്യദാർഢ്യം പ്രഖ്യാപിച്ചു രംഗത്തുവന്നിരുന്നു. ഈ പ്രതിഷേധങ്ങളിൽ പങ്കെടുത്തതിൻ്റെ പേരിൽ സംസ്ഥാനത്തിൻ്റെ വിവിധ ഭാഗങ്ങളിലായി അയ്യായിരത്തോളം പേർക്കെതിരെ കേരളാ പോലീസ് കേസെടുത്തതായാണ് വിവരം.

കത്തിന്റെ പൂർണരൂപം

“ബഹുമാനപ്പെട്ട മുഖ്യമന്ത്രി,

NEET പരീക്ഷ ചോദ്യപേപ്പര്‍ ചോര്‍ച്ചയുമായി ബന്ധപ്പെട്ട് കേന്ദ്ര സര്‍ക്കാരിനെതിരെ രാജ്യവ്യാപകമായി വിദ്യാര്‍ത്ഥികളും യുവാക്കളും നടത്തിയ ഐതിഹാസികമായ പ്രക്ഷോഭം രാജ്യത്തിന്‍റെ പൊതു മനഃസാക്ഷിയുടെയാകെ പിന്തുണ ആര്‍ജിച്ച ഒന്നായിരുന്നുവല്ലോ. കേരളവും ഒറ്റക്കെട്ടായാണ് ആ സമരത്തിന് പിന്തുണ നല്‍കുകയും അതിന്‍റെ ഭാഗമാവുകയും ചെയ്തത്. സമരം ഒത്തുതീര്‍ന്നപ്പോള്‍ മറ്റ് ആവശ്യങ്ങള്‍ക്കൊപ്പം പ്രക്ഷോഭത്തില്‍ പങ്കെടുത്ത വിദ്യാര്‍ത്ഥികള്‍ക്കെതിരെ എടുത്ത കേസുകള്‍ പിന്‍വലിക്കാമെന്ന് കേന്ദ്ര സര്‍ക്കാര്‍ സമ്മതിച്ചിരുന്നു. സമരത്തിന്‍റെ പേരില്‍ മറ്റ് പീഡനങ്ങള്‍ ഉണ്ടാവില്ല എന്നും ഉറപ്പ് നല്‍കി. എന്നാല്‍, ആ വിദ്യാര്‍ത്ഥി മുന്നേറ്റത്തിന് ഐക്യദാര്‍ഢ്യം പ്രഖ്യാപിച്ച് കേരളത്തില്‍ പ്രതിഷേധിച്ചവര്‍ക്കെതിരെ പല ജില്ലകളിലും പോലിസ് കേസെടുത്തിട്ടുണ്ട്. ഈ കേസുകള്‍ പിന്‍വലിക്കേണ്ടത് സംസ്ഥാന സര്‍ക്കാരാണ്. സമാധാനപരമായി സമരത്തില്‍ ഭാഗഭാക്കായ വിദ്യാര്‍ത്ഥികള്‍ക്കെതിരെയും യുവാക്കള്‍ക്കെതിരെയും ഡല്‍ഹിയിലേതിന് സമാനമായി സംസ്ഥാനത്ത് ജലപീരങ്കികളും ലാത്തിച്ചാര്‍ജ്ജും ഉണ്ടായി. അതിന്‍റെ തുടര്‍ച്ചയായാണ് കേസുകള്‍ രജിസ്റ്റര്‍ ചെയ്തത്. സര്‍ക്കാരിന്‍റെ നിലപാട് തികച്ചും ജനാധിപത്യവിരുദ്ധമായിപ്പോയി.

ഡല്‍ഹിയില്‍ അവസാനഘട്ടത്തില്‍ മുഖ്യമന്ത്രി ലോക്സഭാ പ്രതിപക്ഷ നേതാവിനൊപ്പം പ്രതിഷേധസമരത്തിനോട് അവിടെ ഐക്യപ്പെട്ടെങ്കിലും അങ്ങ് നേതൃത്വം നല്‍കുന്ന കേരളത്തിലെ സര്‍ക്കാര്‍, ഡല്‍ഹി സമരത്തിന് പിന്തുണ നല്‍കിക്കൊണ്ട് ഒത്തുചേര്‍ന്നവര്‍ക്കെതിരെ വ്യാപകമായി കേസ്സെടുത്തത് ഔചിത്യപരമല്ല എന്ന് സൂചിപ്പിക്കുകയാണ്. സമാധാനപരമായി നടന്ന പ്രതിഷേധങ്ങളുടെയും സാംസ്കാരിക കൂട്ടായ്മകളുടെയും ഭാഗമായവര്‍ക്ക് എതിരെ പോലും കള്ളക്കേസുകള്‍ വന്നിരിക്കുന്നു എന്നത് അങ്ങേയറ്റം അപലപനീയമാണ്. എറണാകുളത്ത് പ്രതിഷേധവുമായി ഒത്തുകൂടിയ റാപ്പര്‍ വേടനും സംഘത്തിനുമെതിരെ കേസെടുത്തതായും റിപ്പോര്‍ട്ട് ചെയ്യപ്പെട്ടിട്ടുണ്ട്.

കേന്ദ്ര സര്‍ക്കാര്‍ പോലും വിദ്യാര്‍ത്ഥികള്‍ക്കെതിരായ കേസുകള്‍ പിന്‍വലിക്കാന്‍ തയ്യാറായ സാഹചര്യത്തില്‍, കേന്ദ്ര സര്‍ക്കാരിനെതിരെ സമരത്തിന് ഐക്യദാര്‍ഢ്യം പ്രഖ്യാപിച്ചവരെ പ്രതികളാക്കി കേരളത്തില്‍ എടുത്ത കേസുകള്‍ തുടരുന്നത് ഉചിതമല്ല. വിദ്യാര്‍ത്ഥി സമരത്തിന് ഐക്യദാര്‍ഢ്യം പ്രഖ്യാപിച്ചതിന്‍റെ പേരില്‍ കേരള പോലീസ് ചുമത്തിയിട്ടുള്ള മുഴുവന്‍ കേസുകളും നിരുപാധികം പിന്‍വലിക്കാന്‍ തയ്യാറാകണമെന്ന് അഭ്യര്‍ത്ഥിക്കുന്നു.

പിണറായി വിജയൻ

]]> 'ഉറപ്പ് നല്‍കിയതാണ്, പിന്‍മാറ്റം വിശ്വാസവഞ്ചനയാണ്'; വാക്ക് പാലിച്ചില്ലെങ്കില്‍ ശക്തമായ നടപടിയെന്ന് സിജെപി https://www.sandhesam.com/Such-breach-of-trust-will-be-completely-unacceptable-to-the-youth%3A-CJP https://www.sandhesam.com/Such-breach-of-trust-will-be-completely-unacceptable-to-the-youth%3A-CJP Mon, 27 Jul 2026 17:20:42 +0530 Web Desk ന്യൂഡല്‍ഹി: പരീക്ഷാക്രമക്കേടുമായി ബന്ധപ്പെട്ട് നടന്ന പ്രക്ഷോങ്ങളിൽ പങ്കാളികളായവർക്കെതിരെ രാജ്യവ്യാപകമായി തുടരുന്ന പൊലീസ് നടപടികളില്‍ സര്‍ക്കാരിന് താക്കീതുമായി സിജെപി. സര്‍ക്കാര്‍ വാക്ക് പാലിച്ചില്ലെങ്കില്‍ ശക്തമായ നടപടികളിലേയ്ക്ക് പോകുമെന്ന് സിജെപി പ്രതികരിച്ചു.

അസം, ബംഗാള്‍, ബിഹാര്‍ തുടങ്ങിയ സംസ്ഥാനങ്ങളില്‍ പ്രതിഷേധക്കാരെ അറസ്റ്റ് ചെയ്യുന്നത് തുടരുന്ന സാഹചര്യത്തിലാണ് സിജെപി നിലപാട് കടുപ്പിച്ചത്. പൊലീസ് നടപടി അവസാനിപ്പിച്ചെങ്കില്‍ ശക്തമായ നടപടി സ്വീകരിക്കും. പൊലീസ് നടപടി ഉണ്ടാകില്ലെന്ന സര്‍ക്കാരിന്റെ ഉറപ്പിനെ തുടര്‍ന്നാണ് പ്രതിഷേധം പിന്‍വലിച്ചത്. ബിജെപിയും സഖ്യകക്ഷികളും ഭരിക്കുന്ന സംസ്ഥാനങ്ങളിൽ നടപടികളുണ്ടാകില്ലെന്നായിരുന്നു ചർച്ചകളിൽ ലഭിച്ച ഉറപ്പ്. ഇത് നടപ്പിലാകുന്നുണ്ടെന്ന് ഉറപ്പു വരുത്താൻ ചർച്ചകളിൽ കേന്ദ്രത്തെ പ്രതിനിധീകരിച്ച് പങ്കാളികളായ ജെപി നഡ്ഡയും ഡോ ജിതേന്ദ്ര സിങും തയാറാകണം.

ഉറപ്പ് നല്‍കിയതില്‍ നിന്നും മാറിയത് വിശ്വാസവഞ്ചനയാണ്. ഇത് യുവാക്കള്‍ അംഗീകരിക്കില്ല. വാഗ്ദാനങ്ങള്‍ നല്‍കുന്നതിലൂടെയല്ല, പാലിക്കുന്നതിലൂടെയാണ് സര്‍ക്കാരിന് വിശ്വാസ്യത ലഭിക്കുന്നതെന്നും സിജെപി പറഞ്ഞു. വളണ്ടിയര്‍ മുഹമ്മദ് ജുനൈദിനെ കുറിച്ച് നടക്കുന്ന വ്യാജപ്രചാരണങ്ങളില്‍ വീഴരുതെന്നും സിജെപി പറഞ്ഞു. പ്രക്ഷോങ്ങളുമായി ബന്ധപ്പെട്ട് അറസ്റ്റിലായവരെ എത്രയും പെട്ടെന്ന് മോചിപ്പിക്കുകയും ഇവർക്കെതിരെ ചുമത്തിയിട്ടുള്ള എഫ്ഐആർ റദ്ദാക്കുകയും വേണമെന്നും ചുരുങ്ങിയപക്ഷം നാളെക്കകം ഇതു നടപ്പിലാകുന്നുണ്ടെന്ന് ഉറപ്പുവരുത്തണമെന്നും സിജെപി വക്താവ് ആവശ്യപ്പെട്ടു.

]]> 'വിദ്യാര്‍ഥികളെ വെടിവച്ച് കൊല്ലണം'; ടിജി മോഹന്‍ദാസിനെതിരെ പരാതി നല്‍കി ഇടത് വിദ്യാര്‍ഥി സംഘടനകള്‍ https://www.sandhesam.com/Students-should-be-shot-dead-Left-student-organizations-file-complaint-against-TG-Mohandas https://www.sandhesam.com/Students-should-be-shot-dead-Left-student-organizations-file-complaint-against-TG-Mohandas Mon, 27 Jul 2026 17:10:03 +0530 Web Desk തിരുവനന്തപുരം: ജന്തര്‍മന്തറിലെ വിദ്യാര്‍ഥികളെ വെടിവെച്ചു കൊല്ലണമെന്ന പ്രസ്താവന നടത്തിയ ആര്‍എസ്എസ് പ്രചാരകന്‍ ടിജി മോഹന്‍ദാസിനെതിരെ പരാതി നല്‍കി എസ്എഫ്‌ഐയും എഐഎസ്എഫും. ടിജി മോഹന്‍ദാസ് യൂട്യൂബ് ചാനലിലൂടെ നടത്തിയ പ്രസ്താവനകള്‍ അത്യന്തം ഗൗരവമുള്ളതും ഞെട്ടിപ്പിക്കുന്നതുമാണെന്ന് പരാതിയില്‍ പറഞ്ഞു. സംസ്ഥാന പൊലീസ് മേധാവിക്കും സൈബര്‍ പൊലീസിനുമാണ് എഐഎസ്എഫ പരാതി നല്‍കിയത്. ആഭ്യന്തരമന്ത്രിക്കും ഡിജിപിക്കുമാണ് എഐഎസ്എഫിന്റെ പരാതി.

തനിക്ക് അവസരം ലഭിച്ചിരുന്നെങ്കില്‍ സമരം ചെയ്യുന്നവരെ വെടിവെച്ചുകൊല്ലുമായിരുന്നു മോഹന്‍ദാസിന്റെ വിവാദ പരാമര്‍ശം. 'എനിക്ക് ഈ സിറ്റ്വേഷന്‍ കയ്യില്‍ കിട്ടിയാല്‍ ഞാന്‍ എന്ത് ചെയ്യുമെന്ന് പറയാം. ജന്തര്‍ മന്തര്‍ പരിസരത്ത് നാല് സ്‌ക്വയര്‍ കിലോമീറ്റര്‍ പരിസരത്ത് കര്‍ഫ്യൂ പ്രഖ്യാപിക്കും. ആളുകളോട് പിരിഞ്ഞുപോകാന്‍ മൂന്ന് തവണ ആവശ്യപ്പെടും. പിന്നെ വെടിവെക്കും. ആളുകള്‍ ചിതറിയോടും, കുറേപ്പേര് മരിക്കും, കുറേപ്പേര് മരിക്കില്ല...കുറേപ്പേര്‍ക്ക് അംഗഭംഗം സംഭവിക്കും...ഏകദേശം ഒരു നാല് മണിക്കൂര്‍ കൊണ്ട് രംഗം ശാന്തമാകും. ശവങ്ങള്‍ പെറുക്കി ആശുപത്രിയിലെത്തിക്കും.' എന്നായിരുന്നു മോഹന്‍ദാസിന്റെ വാക്കുകള്‍.

ജനാധിപത്യപരമായി പ്രതിഷേധിക്കുന്ന വിദ്യാര്‍ഥികളെ വെടിവെച്ച് കൊല്ലണമെന്ന ആഹ്വാനം ഒരു സാധാരണ രാഷ്ട്രീയ അഭിപ്രായപ്രകടനമായി കാണാനാവില്ലെന്ന് എസ്എഫ്‌ഐ പരാതിയില്‍ പറയുന്നു. പ്രതിഷേധിക്കുന്ന പൗരന്മാരെ കൂട്ടത്തോടെ കൊലപ്പെടുത്തണമെന്നും ഗുരുതരമായി പരിക്കേല്‍പ്പിക്കണമെന്നും ആവശ്യപ്പെടുന്ന തരത്തിലുള്ള പ്രസ്താവനകള്‍ രാജ്യത്തിന്റെ ഭരണഘടനാ മൂല്യങ്ങളെയും നിയമവാഴ്ചയെയും ജനാധിപത്യ സംവിധാനത്തെയും നേരിട്ട് വെല്ലുവിളിക്കുന്നതാണ്. ജനാധിപത്യപരമായ പ്രതിഷേധം നടത്തുന്ന വിദ്യാര്‍ത്ഥികളെ ലക്ഷ്യമിട്ട് സംസ്ഥാന ശക്തി ഉപയോഗിച്ച് വെടിവെപ്പ് നടത്തണമെന്നും, അതിലൂടെ നിരവധി പേര്‍ കൊല്ലപ്പെടുകയും അംഗഭംഗം സംഭവിക്കുകയും ചെയ്യുമെന്നും പരസ്യമായി പറയുന്നത് അക്രമത്തെ പ്രോത്സാഹിപ്പിക്കുന്നതും മനുഷ്യജീവനെ അപമാനിക്കുന്നതും സമൂഹത്തില്‍ ഭീതിയും സംഘര്‍ഷവും സൃഷ്ടിക്കാന്‍ സാധ്യതയുള്ളതുമായ അതീവ അപകടകരമായ പ്രസ്താവനയാണെന്നും എസ്എഫ്‌ഐ പരാതിയില്‍ പറയുന്നു.വിഡിയോ പ്രചരിച്ചതിന് പിന്നാലെ അധിക്ഷേപകരവും ഭീഷണിപ്പെടുത്തുന്നതുമായി പരാമര്‍ശങ്ങള്‍ നടത്തിയ മോഹന്‍ദാസിനെതിരെ നിയമനടപടി വേണമെന്ന ആവശ്യം വിവിധ കോണുകളില്‍ നി്ന്ന് ഉയര്‍ന്നിരുന്നു.

അതേസമയം, ജന്തര്‍മന്തറിലെ വിദ്യാര്‍ഥി പ്രക്ഷോഭകര്‍ക്കെതിരെ വീണ്ടും അധിക്ഷേപ പരാമര്‍ശവുമായി മോഹന്‍ദാസ് രംഗത്തെത്തി. ബലാല്‍സംഗം ഇഷ്ടപ്പെടുന്ന ടീമാണ് അവിടെ ഉള്ളതെന്നാണ് യൂട്യൂബ് ചാനലിലൂടെ പുറത്തുവിട്ട പുതിയ വിഡിയോയില്‍ മോഹന്‍ദാസ് പറയുന്നത്. 'ബലാത്സംഗം കൂട്ട ബലാത്സംഗമായി നടക്കും. ദൈവം സഹായിച്ച് അതിന് പരാതിയുണ്ടാവില്ല. ബലാത്സംഗം ഇഷ്ടപ്പെടുന്ന ടീമാണ് അവിടെയുള്ളത്. ബലാത്സംഗം ഇഷ്ടപ്പെടുന്ന സ്ത്രീകളുണ്ടല്ലോ, പെണ്‍കുട്ടികളുണ്ട്. പുനത്തില്‍ കുഞ്ഞബ്ദുല്ലയുടെ ഒരു കഥയില്‍ മലമുകളിലെ കുഞ്ഞബ്ദുല്ലേ, എന്നെ വന്നു ബലാത്സംഗം ചെയ്യൂ എന്ന് ഒരു സ്ത്രീ പറഞ്ഞതായാണ് ആ കഥ അവസാനിക്കുന്നത്. പ്രത്യേകിച്ച് ഇടതുപക്ഷ, ജനാധിപത്യ, മതനിരപേക്ഷ, വര്‍ഗ ബഹുജന ഗുണ്ട ഗുണ്ടന്‍മാരെല്ലാം ഈ പരിപാടികള്‍ ഇഷ്ടപ്പെടുന്നവരാണ്. അതിനിടയ്ക്ക് ആരെങ്കിലും ചത്ത് കഴിഞ്ഞാല്‍ രക്തസാക്ഷിയായി', - എന്നിങ്ങനെയാണ് മോഹന്‍ദാസിന്റെ വാക്കുകള്‍.

]]> അക്കൗണ്ടിലേയ്ക്ക് ലഹരിപ്പണം; എംഡിഎംഎ കേസിൽ പിടിയിലായ രണ്ടാമത്തെ അധ്യാപികയെയും പുറത്താക്കി https://www.sandhesam.com/Drug-money-deposited-into-account-Second-teacher-arrested-in-MDMA-case-also-fired https://www.sandhesam.com/Drug-money-deposited-into-account-Second-teacher-arrested-in-MDMA-case-also-fired Mon, 27 Jul 2026 14:37:36 +0530 Web Desk കോഴിക്കോട്: വടകര എംഡിഎംഎ കേസിൽ പിടിയിലായ രണ്ടാമത്തെ അധ്യാപികയെയും പിരിച്ചുവിട്ടു. പേരാമ്പ്ര ബി.ആർ.സിയിലെ സ്‌പെഷ്യൽ എജ്യുക്കേറ്ററായ കൂരാച്ചുണ്ട് സ്വദേശി കാവ്യയെയാണ് പുറത്താക്കിയത്. കരാർ അടിസ്ഥാനത്തിലാണ് കാവ്യ ജോലി ചെയ്തിരുന്നത്. ലഹരിമരുന്ന് വാങ്ങുന്നവര്‍ കാവ്യയുടെ അക്കൗണ്ടിലേക്ക് പണം അയച്ചെന്ന് പോലീസ് കണ്ടെത്തിയിരുന്നു. 

കഴിഞ്ഞ ദിവസം ലഹരിക്കേസിൽ പിടിയിലായ മറ്റൊരു അധ്യാപികയെയും ബി.ആർ.സി അധികൃതർ പിരിച്ചുവിട്ടിരുന്നു. സ്പെഷ്യലിസ്റ്റ് അധ്യാപികയായ കെ.സി. കീർത്തനയെയാണ് പിരിച്ചുവിട്ടത്. കരാ‌ർ അടിസ്ഥാനത്തിലാണ് കീർത്തനയും ജോലി ചെയ്തിരുന്നത്. കീർത്തനയെ പിരിച്ചുവിടണമെന്ന് എസ്.എസ്.കെ. സംസ്ഥാന പ്രോജക്ട് ഡയറക്ട‌‌‌ർ നിർദേശം നൽകിയതിന് പിന്നാലെയായിരുന്നു നടപടി.

മയക്കുമരുന്ന് വാങ്ങുന്നവർ കാവ്യയുടെ അക്കൌണ്ടിലേക്കായിരുന്നു പണം അയച്ചിരുന്നത്. അധ്യാപകരെ ഇടനിലക്കാരാക്കിയുള്ള ലഹരി വ്യാപാരം കഴിഞ്ഞ മാസം 28ന് വടകര സ്വദേശിയെ പിടിയിലായതോടെയാണ് പുറത്ത് വന്നത്. ഈ കേസിലെ അന്വേഷണമാണ് അധ്യാപികമാരിലേക്ക് എത്തിയത്.

പണം ലഭിച്ചാൽ നൽകുന്ന ലൊക്കേഷനിൽ എത്തിയാൽ മറ്റൊരാൾ എത്തി എംഡിഎംഎ നൽകുന്നതായിരുന്നു ഇവരുടെ രീതി. കീർത്തനയുടെ അക്കൌണ്ടിലെത്തിയ പണവും കാവ്യയുടെ അക്കൌണ്ടിലേക്ക് ആയിരുന്നു മാറ്റിയിരുന്നത്.

ഓപ്പറേഷന്‍ തൂഫാന്റെ ഭാ​ഗമായുള്ള പരിശോധനയിലാണ് ലഹരി വില്‍പനയുമായി ബന്ധപ്പെട്ട് കീർത്തന പിടിയിലാകുന്നത്. ഇവരുടെ അക്കൗണ്ട് വഴി വൻ തോതിൽ സാമ്പത്തിക ഇടപാടുകള്‍ നടന്നതായി പോലീസ് കണ്ടെത്തിയിരുന്നു. ലഹരിമരുന്ന് ആവശ്യമുള്ളവര്‍ കീര്‍ത്തനയുടെ അക്കൗണ്ടിലേക്കാണ് പണം അയക്കുകയും മറ്റൊരു വ്യക്തി ആവശ്യക്കാര്‍ക്ക് ലഹരിമരുന്ന് കൈമാറുകയും ചെയ്യുന്നതായിരുന്നു ഇവരുടെ രീതിയെന്ന് പോലീസ് നടത്തിയ​ അന്വേഷണത്തിൽ വ്യക്തമായി. 

രണ്ട് ഗ്രാം എം.ഡി.എം.എയുമായി വടകര ആവിക്കല്‍ ബീച്ച് സ്വദേശി സഫ്‌വാൻ എന്നയാളെ വടകര പോലീസ് പിടികൂടിയിരുന്നു. ഇയാളെ ചോദ്യം ചെയ്തതില്‍ നിന്നാണ് കീർത്തനയിലേയ്ക്ക് അന്വേഷണം നീണ്ടത്. വടകര പോലീസും ഡാന്‍സാഫ് സ്‌ക്വാഡും ചേര്‍ന്നാണ് കീർത്തനയെ അറസ്റ്റ് ചെയ്തത്. 

]]> 'ഇന്ത്യൻ വിദ്യാർത്ഥികളുടെ സമരം അഭിമാനകരം': പരിസ്ഥിതി പ്രവര്‍ത്തക ഗ്രെറ്റ തുന്‍ബര്‍ഗ് https://www.sandhesam.com/The-Indian-Student-Protest%2C-has-made-us-all-proud-They-have-given-us-hope%3AGreta https://www.sandhesam.com/The-Indian-Student-Protest%2C-has-made-us-all-proud-They-have-given-us-hope%3AGreta Mon, 27 Jul 2026 14:25:57 +0530 Web Desk ലണ്ടന്‍: എസ്എഫ്‌ഐ യുകെ ലണ്ടനില്‍ സംഘടിപ്പിച്ച പ്രതിഷേധത്തിന് ഐക്യദാര്‍ഢ്യം പ്രഖ്യാപിച്ച് പരിസ്ഥിതി പ്രവര്‍ത്തക ഗ്രെറ്റ തുന്‍ബര്‍ഗ്. ജനങ്ങളുടെ ശക്തിയെക്കുറിച്ച് ആഗോള പ്രവര്‍ത്തകര്‍ക്ക് പ്രതീക്ഷ നല്‍കുന്നതാണ് ഈ വിദ്യാര്‍ത്ഥി പ്രതിഷേധമെന്ന് ഗ്രെറ്റ തുന്‍ബര്‍ഗ് പറഞ്ഞു. ഞായറാഴ്ച ട്രാഫല്‍ഗര്‍ ചത്വരത്തില്‍ സംഘടിപ്പിച്ച പ്രതിഷേധ പരിപാടിയിലാണ് ഗ്രെറ്റ പങ്കെടുത്തത്.

ഈ പ്രതിഷേധ സംഗമത്തിലൂടെ ഇന്ത്യന്‍ യുവതയ്‌ക്കൊപ്പമാണ് ലോകരാജ്യങ്ങളെന്ന് നമ്മള്‍ തെളിയിക്കുകയാണ്. ഇന്ത്യയിലെ വിദ്യാര്‍ത്ഥികളുടെ സമരപോരാട്ടങ്ങള്‍ നമുക്കെല്ലാം അഭിമാനവും പ്രതീക്ഷയും നല്‍കുന്നതാണ്. വിദ്യാര്‍ത്ഥികള്‍ ഒരുമിച്ച് നില്‍ക്കുകയാണെങ്കില്‍ എന്തും സാധ്യമാണെന്ന് അവര്‍ തെളിയിച്ചു', ഗ്രെറ്റ തുന്‍ബര്‍ഗ് പറഞ്ഞു.

]]> ബിഹാറിൽ, എകെ-47 ഉപയോഗിച്ച് വിദ്യാര്‍ഥികളെ വെടിവെച്ചു; പൊലീസുകാരന് സസ്‌പെന്‍ഷന്‍ https://www.sandhesam.com/In-Bihar%2C-students-were-shot-with-AK-47-policeman-suspended https://www.sandhesam.com/In-Bihar%2C-students-were-shot-with-AK-47-policeman-suspended Mon, 27 Jul 2026 14:10:03 +0530 Web Desk പട്‌ന: ഇക്കഴിഞ്ഞ ശനിയാഴ്ച ബിഹാറിലെ സിവാന്‍ ജില്ലയില്‍ പ്രതിഷേധിച്ച വിദ്യാര്‍ഥികള്‍ക്കു നേരെ വെടിയുതിര്‍ത്ത പൊലീസ് ഉദ്യോഗസ്ഥനെ സസ്‌പെന്‍ഡ് ചെയ്തു. എകെ-47 റൈഫിള്‍ ഉപയോഗിച്ച് വെടിയുതിര്‍ക്കുന്നതിന്റെ വിഡിയോ ദൃശ്യങ്ങള്‍ പുറത്തു വന്നതോടെയാണ് പൊലീസുകാരനു നേരെ നടപടിയെടുത്തത്. ഉദ്യോഗസ്ഥനെ അന്വേഷണ വിധേയമായി സസ്‌പെന്‍ഡ് ചെയ്‌തെന്നും തുടര്‍ നടപടികള്‍ പരിശോധിച്ച് സ്വീകരിക്കുമെന്നും ഉന്നത പൊലീസ് വൃത്തങ്ങള്‍ അറിയിച്ചു.

ശനിയാഴ്ച നടന്ന 'ബിഹാര്‍ ബന്ദി'നിടെ സംസ്ഥാനത്ത് വിവിധയിടങ്ങളില്‍ സംഘര്‍ഷമുണ്ടായി. പൊലീസും പ്രതിഷേധക്കാരും പലയിടത്തും ഏറ്റുമുട്ടി. വെടിയേറ്റ മൂന്ന് പ്രതിഷേധക്കാര്‍ പട്‌നയിലെ ജയപ്രഭ മെദാന്ദ ആശുപത്രിയില്‍ ചികിത്സയിലാണ്. ഇവരുടെ ആരോഗ്യനില അപകടകരമല്ലെന്നാണ് വിവരം.

വെടിയേറ്റവരില്‍ 15കാരനായ മുഹമ്മദ് ആരിഫുമുണ്ട്. പ്രതിഷേധം നടന്നയിടത്തെ ഒരു കടയില്‍ ജോലിക്കാരനാണ് ആരിഫ്. ബന്ദിനെ തുടര്‍ന്ന് കട പൂട്ടി വീട്ടിലേക്ക് മടങ്ങുന്നതിനിടെ കഴുത്തില്‍ വെടിയേല്‍ക്കുകയായിരുന്നുവെന്ന് ബന്ധുക്കള്‍ പറഞ്ഞു. ഡോക്ടര്‍മാര്‍ ശസ്ത്രക്രിയ നടത്തി വെടിയുണ്ട പുറത്തെടുത്തു. നിലവില്‍ ആരോഗ്യനില മെച്ചപ്പെട്ടിട്ടുണ്ട്.

സംഭവത്തിന്റെ വിഡിയോ എക്‌സില്‍ പോസ്റ്റ് ചെയ്ത ബിഹാര്‍ പ്രതിപക്ഷ നേതാവ് തേജസ്വി യാദവ്, കുറ്റക്കാരായ ഉദ്യോഗസ്ഥര്‍ക്കെതിരെ കര്‍ശന നടപടി വേണമെന്ന് ആവശ്യപ്പെട്ടു. രാജ്യത്ത് എല്ലായിടത്തും സമാന പ്രശ്‌നങ്ങള്‍ ആവര്‍ത്തിക്കുന്നതായി ലോക്‌സഭ പ്രതിപക്ഷ നേതാവ് രാഹുല്‍ ഗാന്ധി എക്‌സില്‍ കുറിച്ചു. ഡല്‍ഹിയില്‍ വിദ്യാര്‍ഥികള്‍ക്കു നേരെ പെല്ലറ്റ് ഗണ്‍ ഉപയോഗിച്ചതും രാഹുല്‍ ചൂണ്ടിക്കാട്ടി.

]]> പ്രതിഷേധങ്ങള്‍ ഭരണഘടന ഉറപ്പു നല്‍കുന്ന അവകാശം;പ്രക്ഷോഭം നടത്തിയെന്ന കാരണത്താല്‍ ലാത്തിച്ചാര്‍ജ് ചെയ്യാനാവില്ല: ചീഫ് ജസ്റ്റിസ് https://www.sandhesam.com/Lathi-charge-should-not-be-done-just-because-of-protesting%3A-CJI https://www.sandhesam.com/Lathi-charge-should-not-be-done-just-because-of-protesting%3A-CJI Mon, 27 Jul 2026 13:54:24 +0530 Web Desk ന്യൂഡല്‍ഹി: പ്രക്ഷോഭം നടത്തി എന്നതുകൊണ്ടു മാത്രം ലാത്തിച്ചാര്‍ജ് നടത്തുന്നതിനെ ന്യായീകരിക്കാനാവില്ലെന്ന് സുപ്രീംകോടതി   ചീഫ് ജസ്റ്റിസ് സൂര്യ കാന്ത്. സമാധാനപരമായും നിയമപരവുമായ പ്രതിഷേധങ്ങള്‍ നടത്താനുള്ള അവകാശം ഭരണഘടനാപരമായി സംരക്ഷിക്കപ്പെട്ടിട്ടുള്ളതാണെന്നും ചീഫ് ജസ്റ്റിസ് പറഞ്ഞു.

പരീക്ഷാ ചോദ്യപേപ്പര്‍ ചോര്‍ച്ചയുമായി ബന്ധപ്പെട്ട് വിദ്യാര്‍ത്ഥികള്‍ നടത്തിയ പ്രതിഷേധങ്ങള്‍ക്ക് നേരെ പൊലീസ് അമിത ബലപ്രയോഗം നടത്തുന്നുവെന്ന് ആരോപിച്ച് സമര്‍പ്പിച്ച ഹര്‍ജികള്‍ പരിഗണിക്കുമ്പോഴാണ് ചീഫ് ജസ്റ്റിസ് സൂര്യ കാന്ത്, ജസ്റ്റിസ് ജോയ്മാല്യ ബാഗ്ചി, ജസ്റ്റിസ് വി മോഹന എന്നിവരടങ്ങിയ ബെഞ്ചിന്റെ നിരീക്ഷണം. പൊലീസ് അതിക്രമങ്ങളെക്കുറിച്ചുള്ള ആരോപണങ്ങള്‍ സ്വതന്ത്രമായി പരിശോധിക്കണമെന്നും പ്രകടനങ്ങള്‍ കൈകാര്യം ചെയ്യുന്നതിന് രാജ്യത്തുടനീളം ഏകീകൃത പൊലീസ് പ്രോട്ടോക്കോള്‍ ആവശ്യമാണെന്നും കോടതി എടുത്തുപറഞ്ഞു.

പ്രക്ഷോഭം സമാധാനപരമായിരിക്കുന്നിടത്തോളം കാലം അവിടെ പ്രക്ഷോഭം നടക്കുന്നു എന്ന കാരണത്താല്‍ അമിത ബലപ്രയോഗം നടത്താനാവില്ല. അമിത ബലപ്രയോഗം നടന്നിട്ടുണ്ടെങ്കില്‍ അത് സ്വതന്ത്രമായി പരിശോധിക്കണം. ഇത് ഡല്‍ഹിയുടെ മാത്രം കാര്യമല്ല. പ്രോട്ടോക്കോളില്‍ ഏകീകൃതത്വം ആവശ്യമാണ്. പ്രക്ഷോഭം നടന്നു എന്നതുകൊണ്ട് ലാത്തിച്ചാര്‍ജ്ജ് വേണമെന്ന് അര്‍ത്ഥമില്ല. ജനാധിപത്യ പ്രക്രിയയില്‍ അച്ചടക്കം അവിഭാജ്യഘടകമാണ്. വ്യക്തികള്‍ക്ക് ഉണ്ടാകുന്ന പരിക്ക്, അത് പൊലീസുകാര്‍ക്കായാലും വിദ്യാര്‍ത്ഥികള്‍ക്കായാലും, ഒരുപോലെ ആശങ്കാജനകമാണെന്നും അദ്ദേഹം പറഞ്ഞു.

കഴിഞ്ഞ വെള്ളിയാഴ്ച, സീനിയര്‍ അഡ്വക്കേറ്റ് ഗോപാല്‍ ശങ്കരനാരായണന്‍, ചീഫ് ജസ്റ്റിസ് കാന്ത് അധ്യക്ഷനായ ബെഞ്ചിന് മുന്നില്‍ ഈ വിഷയം പരാമര്‍ശിച്ചിരുന്നു. നിലവിലുള്ള പ്രതിഷേധങ്ങളും പൊലീസ് അമിത ബലപ്രയോഗം നടത്തിയതായി പുറത്തുവരുന്ന റിപ്പോര്‍ട്ടുകളും ചൂണ്ടിക്കാട്ടി വിഷയത്തില്‍ അടിയന്തര വാദം കേള്‍ക്കണമെന്ന് മുതിര്‍ന്ന അഭിഭാഷകന്‍ ആവശ്യപ്പെട്ടു. ഇതിന് മറുപടിയായി കേസ് പരിഗണിക്കാമെന്ന് ചീഫ് ജസ്റ്റിസ് ഉറപ്പുനല്‍കിയിരുന്നു. ജന്തര്‍ മന്തറില്‍ നടന്ന പ്രതിഷേധത്തിനിടെ പൊലീസ് ബലപ്രയോഗം നടത്തിയത് സംബന്ധിച്ച ഹര്‍ജി പരിഗണിക്കാന്‍ ജൂലൈ 22ന് ചീഫ് ജസ്റ്റിസ് വിസമ്മതിച്ചിരുന്നു. എന്നാല്‍ അന്ന് കോടതിക്ക് മുന്നില്‍ ലിസ്റ്റ് ചെയ്ത ഹര്‍ജി ഉണ്ടായിരുന്നില്ലെന്നാണ് അദ്ദേഹം പിന്നീട് വ്യക്തമാക്കിയത്

]]> പൊതുപരീക്ഷാ ഭേദഗതി ബിൽ അവതരിപ്പിച്ച് കേന്ദ്രം; ബില്ലിന്മേലുള്ള ചര്‍ച്ച പ്രതിപക്ഷ പ്രതിഷേധത്തില്‍ തടസപ്പെട്ടു https://www.sandhesam.com/Union-Minister-Jitendra-Singh-introduced-Public-Examinations-Prevention-of-Unfair-Means-Amendment-Bill%2C-2026-in-Lok-Sabha https://www.sandhesam.com/Union-Minister-Jitendra-Singh-introduced-Public-Examinations-Prevention-of-Unfair-Means-Amendment-Bill%2C-2026-in-Lok-Sabha Mon, 27 Jul 2026 13:37:30 +0530 Web Desk ന്യൂഡൽഹി: ദി പബ്ലിക് എക്സാമിനേഷൻസ് (പ്രിവൻഷൻ ഓഫ് അൺഫെയർ മീൻസ്) ഭേദഗതി ബിൽ, 2026 പാർലമെന്റിൽ അവതരിപ്പിച്ചു. കേന്ദ്രമന്ത്രി ജിതേന്ദ്ര സിംഗാണ് പ്രതിപക്ഷ ബഹളത്തിനിടയിലും ബിൽ അവതരിപ്പിച്ചത്. നടുത്തളത്തിലിറങ്ങി പ്രതിപക്ഷം പ്രതിഷേധിച്ചതോടെ സഭാ നടപടികൾ നിർത്തിവെച്ചു.പൊലീസ് നടപടിയില്‍ അമിത് ഷാ മറുപടി പറയണമെന്നാവശ്യപ്പെട്ടാണ് പ്രതിപക്ഷം നടുത്തളത്തിലിറങ്ങി പ്രതിഷേധിച്ചത്. 

സർക്കാർ പരീക്ഷകളുടെ ചോദ്യപേപ്പർ ചോർച്ചയിൽ ഉൾപ്പെടുന്ന വ്യക്തികൾക്കുള്ള ശിക്ഷ 3 മുതൽ 5 വർഷം വരെ തടവെന്നത് 5 മുതൽ 10 വർഷം വരെയായി ഉയർത്താനും, പിഴ തുക 10 ലക്ഷം രൂപയിൽ നിന്ന് 50 ലക്ഷം രൂപയായി വർദ്ധിപ്പിക്കാനും ബിൽ നിർദ്ദേശിക്കുന്നു. പബ്ലിക് എക്സാമിനേഷൻസ് (പ്രിവൻഷൻ ഓഫ് അൺഫെയർ മീൻസ്) ഭേദഗതി ആക്ട്, 2026-ന്റെ കരടിന് വെള്ളിയാഴ്ച കേന്ദ്ര മന്ത്രിസഭ അംഗീകാരം നൽകിയിരുന്നു.

]]> സ്ക്വാഷിൽ അപൂർവ ചരിത്രമെഴുതി അനാഹത് സിങ്; ലോക കിരീടം നേടുന്ന ആദ്യ ഇന്ത്യൻ താരം https://www.sandhesam.com/Anahat-Singh-creates-new-history-in-squash-first-Indian-to-win-world-title https://www.sandhesam.com/Anahat-Singh-creates-new-history-in-squash-first-Indian-to-win-world-title Sun, 26 Jul 2026 20:56:07 +0530 Web Desk

ഒട്ടാവ: ലോക ജൂനിയർ സ്ക്വാഷ് ചാംപ്യൻഷിപ്പ് കിരീടം സ്വന്തമാക്കി ചരിത്രമെഴുതി ഇന്ത്യയുടെ അനാഹത് സിങ്. ഈ നേട്ടം സ്വന്തമാക്കുന്ന ചരിത്രത്തിലെ ആദ്യ ഇന്ത്യൻ താരമെന്ന അപൂർവ നേട്ടമാണ് 18കാരി സ്വന്തമാക്കിയത്. കാനഡയിൽ നടക്കുന്ന ചാംപ്യൻഷിപ്പിൽ വനിതാ സിം​ഗിൾസ് ഫൈനലിൽ വിജയം പിടിച്ചെടുത്താണ് അനാഹതിന്റെ ചരിത്ര നേട്ടം. ഇജിപ്തിന്റെ റുഖിയ സലേമിനെ ആണ് അനാഹത് നേരിട്ടുള്ള ​ഗെയിമിൽ വീഴ്ത്തിയത്. ടോപ് സീഡായി ടൂര്‍ണമെന്റ് കളിച്ച താരം അതിനൊത്ത മികവാണ് ഫൈനല്‍ വരെ പുറത്തെടുത്തത്. ഫൈനലിലും എതിരാളിക്ക് ഒരു പഴുതും നൽകാതെയുള്ള സംപൂർണ ആധിപത്യം.

ആദ്യ ഗെയിം തന്നെ 11-3ന് ആധികാരികമായി പിടിച്ചെടുത്ത അനാഹതിന് പിന്നീട് തിരിഞ്ഞു നോക്കേണ്ടി വന്നില്ല. രണ്ടാം ഗെയിം 11-7നും മൂന്നാം ഗെയിം 11-9നും സ്വന്തമാക്കി. ക്വാർട്ടർ ഫൈനലിൽ ഈജിപ്തിന്റെ ഹബീബ റിസ്‌കിനെയാണ് അനാഹത് തോൽപ്പിച്ചത്. സെമി ഫൈനലിൽ 3-1ന് ഈജിപ്തിന്റെ തന്നെ ബർബ് സമേഹിനേയും മറികടന്നു.

2010ന് ശേഷം വനിതാ ലോക ജൂനിയർ കിരീടം നേടുന്ന ഈജിപ്തുകാരിയല്ലാത്ത ആദ്യ താരമെന്ന റെക്കോർഡും അനാഹതിന്റെ പേരിലായി. ഇതോടെ ഈജിപ്തിന്റെ 15 വർഷത്തെ കുതിപ്പിനും ഇന്ത്യൻ താരം വിരാമമിട്ടു. 2010ൽ അമേരിക്കയുടെ അമാൻഡ ഷോബിയാണ് കിരീടം നേടിയത്. അതിനു ശേഷം ഈജിപ്തിന്റെ അപ്രമാദിത്വമായിരുന്നു.

ഇതിന് മുമ്പ് ലോക ജൂനിയർ ചാംപ്യൻഷിപ്പിൽ ജോഷ്‌ന ചിന്നപ്പയുടെ പേരിലായിരുന്നു ഇന്ത്യയുടെ മികച്ച പ്രകടനം. 2005ൽ ജോഷ്‌ന ഫൈനലിലെത്തിയിരുന്നു. നേരത്തെ അനാഹത് സെമി ഫൈനൽ വിജയിച്ചപ്പോൾത്തന്നെ പുതിയ ചരിത്രം കുറിച്ചിരുന്നു. ഇന്ത്യയുടെ 21 വർഷത്തെ കാത്തിരിപ്പ് അവസാനിപ്പിച്ചാണ് ഡൽഹി താരം ഫൈനലിലെത്തിയത്.

]]> വീണ്ടും സൂര്യവംശിയുടെ വെടിക്കെട്ട്, ഫിഫ്റ്റി; സിംബാബ്‌വെക്കെതിരെ മൂന്നാം ടി20യില്‍ ഇന്ത്യക്ക് മികച്ച ജയം https://www.sandhesam.com/Suryavanshis-firework-again-India-wins-well-in-3rd-T20-against-Zimbabwe https://www.sandhesam.com/Suryavanshis-firework-again-India-wins-well-in-3rd-T20-against-Zimbabwe Sun, 26 Jul 2026 20:45:59 +0530 Web Desk ഹരാരെ: സിംബാബ്‌വെക്കെതിരായ ടി20 പരമ്പര തൂത്തുവാരി ഇന്ത്യ. ഹരാരെ, സ്‌പോര്‍ട്‌സ് ക്ലബില്‍ നടന്ന മൂന്നാം മത്സരത്തില്‍ 35 റണ്‍സിനായിരുന്നു ഇന്ത്യയുടെ ജയം. ടോസ് നേടി ബാറ്റിംഗിനെത്തിയ ഇന്ത്യ നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 192 റണ്‍സാണ് നേടിയത്. വൈഭവ് സൂര്യവംശിയുടെ (49 പന്തില്‍ 81) ഇന്നിംഗ്‌സാണ് തുണയായത്. ഇഷാന്‍ കിഷന്‍ (29), റിങ്കു സിംഗ് (25) എന്നിവരും ഭേദപ്പെട്ട പ്രകടനം പുറത്തെടുത്തു. മറുപടി ബാറ്റിംഗില്‍ സിംബാബ്‌വെക്ക് ഏഴ് വിക്കറ്റ് നഷ്ടത്തില്‍ ഏഴ് വിക്കറ്റ് നഷ്ടത്തില്‍ 157 റണ്‍സെടുക്കാനാണ് സാധിച്ചത്. മൂന്ന് വിക്കറ്റ് നേടിയ മായങ്ക് യാദവ്, രണ്ട് പേരെ പുറത്താക്കിയ യാഷ് താക്കൂര്‍ എന്നിവാരണ് സിംബാബ്‌വെയെ തകര്‍ത്തത്.

43 പന്തില്‍ 54 റണ്‍സെടുത്ത് പുറത്താവാതെ നിന്ന റയാന്‍ ബേളാണ് സിംബാബ്‌വെയുടെ ടോപ് സ്‌കറോറര്‍. വെസ്ലി മധെവേരെ (28), ബെന്‍ കറന്‍ (20), ഡിയോണ്‍ മെയേഴ്‌സ് (19), ബ്രാഡ് ഇവാന്‍സ് (14) എന്നിവരാണ് രണ്ടക്കം കണ്ട മറ്റുതാരങ്ങള്‍. നേരത്തെ, ഇന്ത്യന്‍ ഓപ്പണര്‍ അഭിഷേക് ശര്‍മ ഒരിക്കല്‍ കൂടി നിരാശപ്പെടുത്തത് കണ്ടാണ് മൂന്നാം ടി20 മത്സരം തുടങ്ങിയത്. നേരിട്ട നാലാം പന്തില്‍ തന്നെ താരം പുറത്തായി. രണ്ട് റണ്‍സ് മാത്രമായിരുന്നു സമ്പാദ്യം. പിന്നാലെ വൈഭവ് - ഇഷാന്‍ കിഷന്‍ (26 പന്തില്‍ 29) സഖ്യം 75 റണ്‍സ് കൂട്ടിചേര്‍ത്തു. ഈ കൂട്ടുകെട്ടാണ് ഇന്ത്യക്ക് തുണയായത്.

എന്നാല്‍ കിഷന്‍ 11-ാം ഓവറില്‍ മടങ്ങി. തൊട്ടുപിന്നാലെ 15-ാം ഓവറില്‍ വൈഭവും പവലിയനില്‍ തിരിച്ചെത്തി. 49 പന്തുകള്‍ മാത്രം നേരിട്ട താരം നാല് സിക്‌സും എട്ട് ഫോറും നേടിയിരുന്നു. ക്യാപ്റ്റന്‍ ശ്രേയസ് അയ്യര്‍ക്കാവട്ടെ (18 പന്തില്‍ 27) അവസാനം വരെ പിടിച്ചുനില്‍ക്കാന്‍ സാധിച്ചതുമില്ല. പിന്നീട് തിലക് വര്‍മ (11) - റിങ്കു സിംഗ് (25) സഖ്യം കൂട്ടിചേര്‍ത്ത 28 റണ്‍സ് ഇന്ത്യയെ മികച്ച സ്‌കോറിലേക്ക് നയിക്കുകയായിരുന്നു. അഞ്ച് വിക്കറ്റുകളാണ് ഇന്ത്യക്ക് നഷ്ടമായത്. സിംബാബ്‌വെക്ക് വേണ്ടി ബ്രാഡ് ഇവാന്‍സ് രണ്ട് വിക്കറ്റെടുത്തു.

]]> നന്ദൻ നിലേകനിയുടെ നേതൃത്വത്തിൽ പരീക്ഷാ പരിഷ്കാരങ്ങൾക്കായുള്ള ഉന്നതാധികാര ടാസ്‌ക് ഫോഴ്‌സ് രൂപീകരിച്ചു https://www.sandhesam.com/High-Powered-Task-Force-on-examination-reforms-under-the-leadership-of-Nandan-Nilekani-constituted https://www.sandhesam.com/High-Powered-Task-Force-on-examination-reforms-under-the-leadership-of-Nandan-Nilekani-constituted Sun, 26 Jul 2026 20:36:30 +0530 Web Desk ഡൽഹി:വിദ്യാഭ്യാസ രംഗത്ത് ടാസ്ക് ഫോഴ്സ് രൂപീകരിച്ച് കേന്ദ്രം. ഇൻഫോസിസ് സഹ സ്ഥാപകനായ നന്ദൻ നിലേകനിയുടെ അദ്ധ്യക്ഷതയിൽ ടാസ്ക് ഫോഴ്സ് രൂപീകരിച്ചതായി പ്രധാനമന്ത്രി ഇൻസ്റ്റഗ്രാം വഴിയാണ് വിശദമാക്കിയത്. പരീക്ഷകളുടെ വിശ്വാസ്യത നിലനിറുത്താനുള്ള നിർദ്ദേശങ്ങൾ ടാസ്ക് ഫോഴ്സ് തയ്യാറാക്കും. എൻടിഎ പരീക്ഷകൾ ഉടച്ചു വാർക്കാൻ ആറംഗ ടാസ്ക് ഫോഴ്സിൽ ഐഎസ്ആർഒ മുൻ ചെയർമാൻ എസ് സോമനാഥും ഉൾപ്പെടുന്നുണ്ട്. രാജ്യത്തെ പരീക്ഷാ സംവിധാനം കൂടുതൽ വിശ്വസനീയവും സുതാര്യവും സാങ്കേതിക വിദ്യയിലധിഷ്ഠിതവുമാക്കുന്നതിനായാണ് നീക്കം. വിദ്യാർത്ഥികളെ അഭിസംബോധന ചെയ്തുകൊണ്ട് നൽകിയ വീഡിയോ സന്ദേശത്തിലാണ് പ്രധാനമന്ത്രി ഈ പ്രധാന തീരുമാനം വ്യക്തമാക്കിയത്. ക്രമക്കേടുകളിൽ പങ്കാളികളായവരെ ജയിലിലടച്ചിട്ടുണ്ടെന്നും വേഗത്തിലുള്ള വിചാരണയ്ക്കായി ഫാസ്റ്റ് ട്രാക്ക് കോടതികൾ സ്ഥാപിച്ചിട്ടുണ്ടെന്നും അദ്ദേഹം വ്യക്തമാക്കി. ഇതിനുപുറമെ, പരീക്ഷാ തട്ടിപ്പുകൾ തടയുന്നതിന് കർശന വ്യവസ്ഥകളടങ്ങിയ പുതിയ നിയമനിർമ്മാണങ്ങളിലേക്ക് പാർലമെന്റ് കടക്കുകയാണെന്നും പ്രധാനമന്ത്രി കൂട്ടിച്ചേർത്തു.

]]> "സഞ്ജുവിന് ഒരു നീതി, അഭിഷേകിന് മറ്റൊരു നീതി!" ഇരട്ടത്താപ്പ് തുറന്നടിച്ച് കെ ശ്രീകാന്ത് https://www.sandhesam.com/One-justice-for-Sanju%2C-another-justice-for-Abhishek-K-Srikanth-exposes-double-standards https://www.sandhesam.com/One-justice-for-Sanju%2C-another-justice-for-Abhishek-K-Srikanth-exposes-double-standards Sun, 26 Jul 2026 20:25:30 +0530 Web Desk ഇന്ത്യൻ ക്രിക്കറ്റ് ടീമിന്റെ സെലക്ഷൻ നയത്തെ ചോദ്യം ചെയ്ത് മുൻ ഇന്ത്യൻ നായകൻ കെ ശ്രീകാന്ത്. 2026 ടി20 ലോകകപ്പിലെ പ്ലെയർ ഓഫ് ദ ടൂർണമെന്റായ സഞ്ജു സാംസണെ വെറും മൂന്ന് മോശം പ്രകടനങ്ങൾക്ക് പിന്നാലെ ടീമിൽ നിന്ന് ഒഴിവാക്കിയപ്പോൾ, സ്ഥിരതയില്ലാത്ത പ്രകടനങ്ങൾ നടത്തിയിട്ടും അഭിഷേക് ശർമയ്ക്ക് തുടർച്ചയായി അവസരങ്ങൾ നൽകുന്നത് എന്തുകൊണ്ടാണെന്ന് ശ്രീകാന്ത് ചോദിച്ചു.

സിംബാബ്‌വെയ്ക്കെതിരായ രണ്ടാം ടി20 മത്സരത്തിൽ അഭിഷേക് ശർമ വീണ്ടും നിരാശപ്പെടുത്തിയതിന് പിന്നാലെയാണ് ശ്രീകാന്തിന്റെ പ്രതികരണം. തന്റെ യൂട്യൂബ് ചാനലിലൂടെയാണ് ശ്രീകാന്ത് ഇന്ത്യൻ ടീം മാനേജ്മെന്റിനെ ചോദ്യം ചെയ്തത്. "ലോകകപ്പിന് ശേഷം കുറച്ച് ഇന്നിങ്‌സുകൾ ഒഴിച്ച് നിർത്തിയാൽ പിന്നെ  അഭിഷേകിന്റെ അന്താരാഷ്ട്ര റെക്കോർഡ് അത്ര മികച്ചതല്ല. എന്നാൽ സഞ്ജു സാംസണാണ് ലോകകപ്പിലെ ഏറ്റവും മൂല്യമേറിയ താരം. എന്നിട്ടും സഞ്ജുവിന് അവസരം ലഭിക്കുന്നില്ല. അഭിഷേകിന് ഇത്രയും അവസരങ്ങൾ ലഭിക്കുന്നത് എന്തുകൊണ്ട്?" ശ്രീകാന്ത് ചോദിക്കുന്നു.

"അഭിഷേകിന് ഇത്രയും നീണ്ട അവസരം നൽകുന്നുണ്ടെങ്കിൽ, സഞ്ജുവിനും അതേ അവസരം നൽകേണ്ടതല്ലേ? എന്തുകൊണ്ടാണ് ഒരാൾക്ക് ഒരു രീതിയും മറ്റൊരാൾക്ക് മറ്റൊരു രീതിയും സ്വീകരിക്കുന്നത്? ഇത് വളരെ ന്യായമായ ചോദ്യമാണ്" എന്നും അദ്ദേഹം കൂട്ടിച്ചേർത്തു.

2026 ടി20 ലോകകപ്പിൽ ഇന്ത്യയുടെ കിരീട നേട്ടത്തിൽ നിർണായക പങ്കുവഹിച്ച സഞ്ജു സാംസൺ ടൂർണമെന്റിലെ 'പ്ലെയർ ഓഫ് ദ ടൂർണമെന്റ്' പുരസ്‌കാരം സ്വന്തമാക്കിയിരുന്നു. എന്നാൽ ലോകകപ്പിന് പിന്നാലെ അയർലൻഡിനും ഇംഗ്ലണ്ടിനുമെതിരെ ടി20 പരമ്പരയിൽ പ്രതീക്ഷിച്ച പ്രകടനം പുറത്തെടുക്കാൻ കഴിയാതിരുന്നതോടെ സഞ്ജുവിനെ ടീമിൽ നിന്ന് ഒഴിവാക്കി. ഇതാണ് ഇപ്പോൾ ശ്രീകാന്ത് ഉൾപ്പെടെയുള്ള മുൻ താരങ്ങൾ ചോദ്യം ചെയ്യുന്നത്

]]> സിജെപി പാർലമെന്റ് മാർച്ചിനെ നേരിട്ടതിൽ ഗുരുതര വീഴ്ച ; പെല്ലറ്റ് ഗൺ പ്രയോഗത്തിന് ആർഎഎഫ് നിയന്ത്രണം ഏർപ്പെടുത്തി https://www.sandhesam.com/Serious-lapse-in-confronting-CJP-Parliament-march-RAF-imposes-restrictions-on-use-of-pellet-guns https://www.sandhesam.com/Serious-lapse-in-confronting-CJP-Parliament-march-RAF-imposes-restrictions-on-use-of-pellet-guns Sun, 26 Jul 2026 20:02:29 +0530 Web Desk  ദില്ലിയിലെ സി ജെ പി സമരത്തെ നേരിട്ടതിൽ ഗുരുതര വീഴ്ചയെന്ന് ആർ എ എഫ് വിലയിരുത്തൽ. വിദ്യാർഥി പ്രതിഷേധത്തിലേക്ക് പെല്ലറ്റ് ഗണ്ണോ ഇലക്ട്രിക് ഷോക്കോ പ്രയോഗിക്കേണ്ട സാഹചര്യം സി ജെ പിയുടെ പാർലമെന്റ് മാർച്ചിലില്ലായിരുന്നുവെന്നാണ് സേനയുടെ ആഭ്യന്തര അവലോകനത്തിലെ കണ്ടെത്തൽ. സേനാംഗങ്ങളും സ്വയം സുരക്ഷയ്ക്കുളള മാനദണ്ഡങ്ങൾ പാലിച്ചില്ലെന്നും ആർ എഫ് എഫ് വിലയിരുത്തി. മാർച്ചിനെ നിയന്ത്രിക്കാൻ വിന്യസിച്ച ഉദ്യോഗസ്ഥർക്ക് മതിയായ നിർദ്ദേശങ്ങൾ നൽകിയില്ലെന്നും കണ്ടെത്തലുണ്ട്. സേനാംഗങ്ങൾ പലരും സ്വയം സുരക്ഷയ്ക്കുള്ള മാനദണ്ഡങ്ങളും പാലിച്ചില്ല. ഇതേ തുടർന്ന് ഇനി ഒരു നിർദേശം ഉണ്ടാകുന്നത് വരെ പെല്ലറ്റ് ഗൺ അടക്കം ഉപയോഗിക്കുന്നതിൽ നിയന്ത്രണം ഏർപ്പെടുത്തുകയും ചെയ്തു.

 ഇനിയൊരു നിർദേശമുണ്ടാകും വരെ പെല്ലറ്റ് ഗൺ, ഇലക്ട്രിക് ഷീൽഡ്, ആൻഡ് റയറ്റ് ഗൺ എന്നിവ ഉപയോഗിക്കരുതെന്നും സേനാ നടപടികളെ വിലയിരുത്താൻ ആ ർ എഫ് ഇൻസ്പെക്ടർ ജനറൽ വിളിച്ച യോഗത്തിൽ നിർദേശം നൽകി. ദ്രുത കർമ്മ സേനയുടെ പ്രവർത്തനത്തെ കുറിച്ച് പ്രൊഫഷണൽ വിലയിരുത്തലുണ്ടാകുമെന്ന് സി ആർ പി എഫ് ഡി ജി ഗ്യാനേന്ദ്ര പ്രതാപ് സിങും വ്യക്തമാക്കി. മാധ്യമപ്രവര്‍ത്തകന്‍ ഉള്‍പ്പടെ മൂന്ന് പേര്‍ക്ക് പെല്ലറ്റ് ആക്രമണത്തില്‍ ഗുരുതരമായി പരിക്കേറ്റിരുന്നു. കല്ലേറിൽ സേനംഗങ്ങൾക്കും പരിക്കേറ്റു. അതേസമയം സമരത്തിനിടെ പരിക്കേറ്റ ആർ എം എൽ ആശുപത്രിയിൽ കഴിയുന്ന പെൺകുട്ടിയുടെ നില മെച്ചപ്പെട്ടുവരുന്നതായി ആശുപത്രി വൃത്തങ്ങളറിയിച്ചു.

]]> കുറ്റിപ്പുറം അപകടം: അമിത വേഗതയില്‍ നിയന്ത്രണം നഷ്ടപ്പെട്ടു; യാത്രക്കാരെ പുറത്തെത്തിച്ചത് ബസ് വെട്ടിപ്പൊളിച്ച്‌ https://www.sandhesam.com/Kuttippuram-accident%3A-Loss-of-control-due-to-excessive-speed-Passengers-were-rescued-by-cutting-off-the-bus https://www.sandhesam.com/Kuttippuram-accident%3A-Loss-of-control-due-to-excessive-speed-Passengers-were-rescued-by-cutting-off-the-bus Sun, 26 Jul 2026 19:34:45 +0530 Web Desk മലപ്പുറം: കുറ്റിപ്പുറത്ത് ദേശീയപാതയില്‍ സ്വകാര്യ ബസ് തലകീഴായി മറിഞ്ഞ അപകടത്തിന്റെ കൂടുതൽ വിവരങ്ങൾ പുറത്ത്. അപകടത്തില്‍ ഒരാള്‍ മരിക്കുകയും മൂന്ന് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. പന്തീരാക്കാവ് സ്വദേശിയാണ് മരിച്ചത്. അപകടത്തിന്റെ വ്യാപ്തി വലുതാണെന്നാണ് സംഭവസ്ഥലത്ത് നിന്ന് ലഭിക്കുന്ന വിവരം. ബസിലുണ്ടായ 26 പേര്‍ക്കും പരിക്കേറ്റു. ബസിന്റെ അമിത വേഗതയാണ് അപകട കാരണമെന്നാണ് പ്രാഥമിക വിലയിരുത്തല്‍. അപകടമുണ്ടായ ഉടന്‍ തന്നെ രക്ഷാപ്രവര്‍ത്തനം ആരംഭിച്ചുവെന്നും നാട്ടുക്കാരുടെ പെട്ടെന്നുള്ള ഇടപെടല്‍ കാരണം പരിക്കേറ്റവരെ കൃത്യസമയത്ത് ആശുപത്രിയില്‍ പ്രവേശിപ്പിക്കാന്‍ കഴിഞ്ഞെന്നും പൊലീസ് അറിയിച്ചു.

അമിതവേഗത്തില്‍ വന്ന ബസ് ഡിവൈഡറില്‍ ഇടിച്ച് തലകീഴായി മറിയുകയായിരുന്നുവെന്ന് തിരൂര്‍ ഡിവൈഎസ്പി സിദ്ദിഖ് റിപ്പോര്‍ട്ടറിനോട് പറഞ്ഞു. വാഹനം ഇറക്കത്തിലേക്കാണ് വരുന്നത്, മാത്രമല്ല വളവുള്ള റോഡാണ് അതിനാല്‍ അമിത വേഗതയില്‍ വന്നാല്‍ അപകടം ഉണ്ടാകുമെന്നും അദ്ദേഹം പറഞ്ഞു. സംഭവ സമയത്ത് മഴ പെയ്തതും അപകടത്തിന് കാരണമായിട്ടുണ്ടെന്നും അദ്ദേഹം പറഞ്ഞു.

]]> സമരം സമ്പൂർണ വിജയം, ഉന്നയിച്ചആവശ്യങ്ങളെല്ലാം അംഗീകരിച്ചു; സമരം പിൻവലിക്കുന്നുവെന്ന് സിജെപി https://www.sandhesam.com/Theprotest-was-a-complete-success%2C-all-the-demands-raised-were-accepted-CJP-says-it-is-withdrawing-the-strike https://www.sandhesam.com/Theprotest-was-a-complete-success%2C-all-the-demands-raised-were-accepted-CJP-says-it-is-withdrawing-the-strike Sat, 25 Jul 2026 18:04:44 +0530 Web Desk നീറ്റ് സമരവുമായി ബന്ധപ്പെട്ട് തങ്ങളുന്നയിച്ച ആവശ്യങ്ങള്‍ കേന്ദ്ര പ്രതിനിധി സംഘം അംഗീകരിച്ച സാഹചര്യത്തിൽ പ്രക്ഷോഭം പിൻവലിക്കുന്നതായ് സിജെപി വക്താക്കൾ അറിയിച്ചു.സൗരവ് ദാസും അശുതോഷ് റാങ്കെയുമാണ് കോക്രോച്ച് ജനതാ പാര്‍ട്ടിയുടെ പ്രതിനിധികളായി പങ്കെടുത്തത്.

പ്രശ്നപരിഹാരത്തിനായി നടന്ന ചർച്ചക്കു ശേഷമാണ് സിജെപി പ്രതിനിധികള്‍ ഇക്കാര്യം അറിയിച്ചത്.മൂന്നു ആവശ്യങ്ങളോടും കേന്ദ്രത്തിന് അനുകൂല നിലപാടാണ്. ധർമ്മേന്ദ്ര പ്രധാൻ സ്വയം രാജിവച്ചു ഒഴിഞ്ഞു കഴിഞ്ഞു.  വിദ്യാർഥികള്‍ക്കെതിരായ കേസുകള്‍ പിൻവലിക്കാമെന്ന് മന്തിമാരായ ജിതേന്ദ്ര സിംഗും ജെ പി നഢ്ഢയും ഉറപ്പു നൽകിയതായി  സിജെപി വക്താക്കൾ വാർത്താസമ്മേളനത്തിൽ വ്യക്തമാക്കി.നീറ്റ് പരീക്ഷയെ ചൊല്ലി ഝീവൻ ത്യജീക്കേണ്ടി വന്ന വിദ്യാർത്ഥികളുടെ  കുടുംബങ്ങൾക്ക് സാമ്പത്തിക സഹായം നൽകുന്നകാര്യവും അനുകൂലമായി പരിക്കാമെന്ന് മന്ത്രിമാർ വാക്കു നൽകി. 

കോണ്‍സ്റ്റിറ്റിയൂഷന്‍ ക്ലബ്ബിലാണ് ഇന്നും യോഗം നടന്നത്. ചര്‍ച്ചയ്ക്ക് നിഷ്പക്ഷ വേദി വേണമെന്ന സിജെപിയുടെ ആവശ്യം അംഗീകരിച്ചാണ് കേന്ദ്രം കോണ്‍സ്റ്റിറ്റിയൂഷന്‍ ക്ലബ്ബില്‍ കൂടിക്കാഴ്ചയ്ക്ക് സമ്മതിച്ചത്. 

]]> തിരിച്ചു പോകാൻ സമയമായില്ല, രണ്ട് ആവശ്യങ്ങൾ കൂടി അംഗീകരിച്ച് കിട്ടേണ്ടതുണ്ട്: അഭിജീത് ദിപ്കെ https://www.sandhesam.com/Its-not-time-to-go-back%2C-two-more-demands-need-to-be-accepted-and-met%3A-Abhijeet-Dipke-2265 https://www.sandhesam.com/Its-not-time-to-go-back%2C-two-more-demands-need-to-be-accepted-and-met%3A-Abhijeet-Dipke-2265 Sat, 25 Jul 2026 15:36:31 +0530 Web Desk ഡൽഹി: കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ്റെ രാജിയെ സ്വാഗതം ചെയ്ത കോക്രോച്ച് ജനതാ പാർട്ടിയുടെ സ്ഥാപക പ്രസിഡൻ്റ് അഭിജീത് ദിപ്കെ ,തങ്ങൾ ഉന്നയിച്ച മൂന്ന് ആവശ്യങ്ങളിൽ രണ്ടെണ്ണം ബാക്കിയിണ്ടെന്നും അതു കൂടി അംഗീകരിച്ച് കിട്ടണമെന്നും ആവശ്യപ്പെട്ടു. "ഭയപ്പെടേണ്ട ആവശ്യമില്ല. ഇതാണ് ജനാധിപത്യം. അദ്ദേഹം രാജിവച്ചു, പക്ഷേ ഞങ്ങൾക്ക് രണ്ട് ആവശ്യങ്ങൾ കൂടിയുണ്ട്. ഞങ്ങൾ ഇങ്ങനെ പോകില്ല. ധർമ്മേന്ദ്ര പ്രധാൻ രാജിവച്ചു. എന്നാൽ ആത്മഹത്യ ചെയ്ത കുട്ടികളുടെ കുടുംബങ്ങൾക്ക് ഒരു കോടി രൂപ നഷ്ടപരിഹാരം നൽകണം. അവർക്ക് അത് ലഭിക്കണം. ആ കുടുംബങ്ങൾക്കെല്ലാം ഒരു കോടി രൂപ നഷ്ടപരിഹാരം. രണ്ടാമതായി, 20-ാം തീയതി പ്രവർത്തിച്ച ഈ പോലീസ് ഗുണ്ടകൾ. അതിന് പോലീസ് ഉദ്യോഗസ്ഥർക്കെതിരെ നടപടിയെടുക്കണം. ഓർക്കുക, പാറ്റകളെ അനാവശ്യമായി പ്രകോപിപ്പിക്കരുത്, ദീപ്കെ മുന്നറിയിപ്പ് നൽകി.

]]> പ്രതിഷേധം ഫലം കണ്ടു; ധർമേന്ദ്ര പ്രധാൻ രാജിവെച്ചു https://www.sandhesam.com/Protests-bear-fruit-Dharmendra-Pradhan-resigns-2263 https://www.sandhesam.com/Protests-bear-fruit-Dharmendra-Pradhan-resigns-2263 Sat, 25 Jul 2026 14:40:11 +0530 Web Desk സിജെപിയും പ്രതിപക്ഷവും സമരം ശക്തമാക്കിയതിന് പിന്നാലെ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചു. ഇന്ന് ഉച്ചയോടെയാണ് രാജി പ്രഖ്യാപനം. സമരക്കാരുടെ പ്രധാന ആവശ്യങ്ങളിലൊന്നായിരുന്നു പ്രധാൻ്റെ രാജി. പ്രധാൻ രാജിവെക്കേണ്ടതില്ലെ എന്നായിരുന്നു കേന്ദ്ര സർക്കാറിന്റെ നിലപാട്. എന്നാൽ പ്രധാൻ രാജിവെക്കാതെ പിന്നോട്ടില്ലെന്ന് സമരക്കാരും തീരുമാനമെടുത്തതോടെ കേന്ദ്ര സർക്കാർ വഴങ്ങി. പ്രധാനെ വകുപ്പ് മാറ്റുന്നകാര്യം  പ്രധാനമന്ത്രിയുടെ പരിഘണനയിൽ ഉണ്ടായിരുന്നു.

കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനെ മാറ്റണമെന്ന ആവശ്യത്തിൽ ഉറച്ചുനിന്ന് രാജ്യവ്യാപക പ്രതിഷേധത്തിന് സിജെപി ആഹ്വാനം ചെയ്തിരുന്നു. ധർമ്മേന്ദ്ര പ്രധാൻ രാജി വെച്ചില്ലെങ്കിൽ ഡൽഹി സമരക്കാരെക്കൊണ്ട് നിറയുമെന്നും ആവശ്യങ്ങളിൽ നിന്ന് പിന്നോട്ടില്ലെന്നും സമരക്കാര്‍ മുന്നറിയിപ്പ് നല്‍കി. നാളെ വൈകീട്ട് 6 മണിക്ക് രാജ്യവ്യാപകമായി മെഴുകുതിരി കത്തിച്ച് മാർച്ച് സംഘടിപ്പിക്കുമെന്നും, 24 മണിക്കൂറിനുള്ളിൽ പാർലമെന്റ് മാർച്ച് പുനരാരംഭിക്കുമെന്നും സിജെപി വ്യക്തമാക്കിയിരുന്നു. പിന്നാലെയാണ് രാജി. 

ധർമ്മേന്ദ്ര പ്രധാനെ മാറ്റണമെന്ന ആവശ്യം സർക്കാർ അംഗീകരിക്കില്ലെന്നായിരുന്നു ആദ്യം പുറത്ത് വന്ന വാര്‍ത്തകള്‍. പ്രധാനെ മാറ്റുന്നത് കൂടുതൽ പ്രക്ഷോഭങ്ങൾക്ക് വഴിവെക്കുമെന്നായിരുന്നു സർക്കാരിൻ്റെ വിലയിരുത്തൽ.

]]> നാളെ രാജ്യവ്യാപക പ്രതിഷേധത്തിന് ആഹ്വാനം ചെയ്ത് സിജെപി; മെഴുകുതിരി കത്തിച്ച് മാര്‍ച്ച്, 'രാജിയില്ലെങ്കിൽ ഡൽഹി സമരക്കാരാൽ നിറയും' https://www.sandhesam.com/CJP-calls-for-nationwide-protests-tomorrow https://www.sandhesam.com/CJP-calls-for-nationwide-protests-tomorrow Sat, 25 Jul 2026 14:18:16 +0530 Web Desk ന്യൂഡൽഹി: കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനെ മാറ്റണമെന്ന ആവശ്യത്തിൽ ഉറച്ചുനിന്ന് സിജെപി രാജ്യവ്യാപക പ്രതിഷേധത്തിന് ആഹ്വാനം ചെയ്തു. ധർമ്മേന്ദ്ര പ്രധാൻ രാജി വെച്ചില്ലെങ്കിൽ ഡൽഹി സമരക്കാരെക്കൊണ്ട് നിറയുമെന്നും ആവശ്യങ്ങളിൽ നിന്ന് പിന്നോട്ടില്ലെന്നും സംഘടന പ്രഖ്യാപിച്ചു. നാളെ വൈകീട്ട് 6 മണിക്ക് രാജ്യവ്യാപകമായി മെഴുകുതിരി കത്തിച്ച് മാർച്ച് സംഘടിപ്പിക്കുമെന്നും, 24 മണിക്കൂറിനുള്ളിൽ പാർലമെന്റ് മാർച്ച് പുനരാരംഭിക്കുമെന്നും സിജെപി വ്യക്തമാക്കി. പൊലീസിന്റെ നിയന്ത്രണങ്ങൾ കടുപ്പിച്ചിട്ടും സമരവേദിയിലേക്ക് ആളുകളെത്തുന്നത് തുടരുകയാണ്.

ധർമ്മേന്ദ്ര പ്രധാനെ മാറ്റണമെന്ന ആവശ്യം സർക്കാർ അംഗീകരിക്കില്ലെന്നാണ് സൂചന. മറ്റ് ആവശ്യങ്ങൾ പരിഗണിക്കാമെന്ന് ഉച്ചയ്ക്ക് നടക്കുന്ന നിർണായക ചർച്ചയിൽ കേന്ദ്രസർക്കാർ സിജെപിയെ അറിയിക്കും. പ്രധാനെ മാറ്റുന്നത് കൂടുതൽ പ്രക്ഷോഭങ്ങൾക്ക് വഴിവെക്കുമെന്നാണ് സർക്കാരിൻ്റെ വിലയിരുത്തൽ. അതേസമയം, ഡൽഹിയിൽ ഉണ്ടായ സംഘർഷത്തിന് പിന്നാലെ ഡൽഹി പോലീസ് തങ്ങളുടെ ആദ്യ വാർത്താസമ്മേളനം ഉടൻ നടത്തുമെന്നും അക്രമത്തിന്റെ ദൃശ്യങ്ങൾ ഉൾപ്പെടെ പ്രദർശിപ്പിക്കുമെന്നും അറിയിച്ചിട്ടുണ്ട്. പ്രതിഷേധങ്ങൾക്കിടെ, കുട്ടികളുടെ ചോദ്യങ്ങൾക്ക് മറുപടി നൽകണമെന്നും സമവായവും ചർച്ചയുമാണ് വേണ്ടതെന്നും ആർഎസ്എസ് മേധാവി മോഹൻ ഭാഗവത് അഭിപ്രായപ്പെട്ടു. ജന്തർ മന്ദറിൽ സുരക്ഷ വർദ്ധിപ്പിച്ച് കൂടുതൽ ബാരിക്കേഡുകൾ നിരത്തിയിട്ടുണ്ട്. മുൻകരുതൽ നടപടിയായി 18 മെട്രോ സ്റ്റേഷനുകൾ ഇന്നും അടച്ചിടും.

]]> വിദ്യാഭ്യാസ മന്ത്രി രാജിവെക്കില്ല; ധർമേന്ദ്ര പ്രധാനൊപ്പം ഉറച്ച് നിൽക്കാൻ ബിജെപി https://www.sandhesam.com/Education-Minister-will-not-resign-BJP-to-stand-firm-with-Dharmendra-Pradhan https://www.sandhesam.com/Education-Minister-will-not-resign-BJP-to-stand-firm-with-Dharmendra-Pradhan Fri, 24 Jul 2026 22:52:26 +0530 Web Desk ന്യൂഡൽഹി: കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെക്കില്ല. നിലപാടിൽ ഉറച്ച് നിൽക്കാനുള്ള തീരുമാനവുമായി സർക്കാരും ബിജെപിയും. ധർമേന്ദ്ര പ്രധാനൊപ്പം ഉറച്ച് നിൽക്കാനും സമ്മർദ്ദത്തിന് വഴങ്ങേണ്ടെന്നുമാണ് ബിജെപിയുടെ തീരുമാനം. കേന്ദ്രമന്ത്രിമാരായ ജിതേന്ദ്ര സിംഗും ജെ പി നദ്ദയുമായി നടത്തിയ ചർച്ചയിലും ധർമേന്ദ്ര പ്രധാൻ്റെ രാജി ആവശ്യം ഒഴിച്ചുള്ള സിജെപി നേതാക്കളുടെ നിർദ്ദേശങ്ങൾ കേന്ദ്ര സർക്കാർ അംഗീകരിച്ചിരുന്നു. ധർമ്മേന്ദ്ര പ്രധാൻ്റെ രാജി ആവശ്യത്തിൽ തീരുമാനം എടുക്കാൻ നാളെ ഉച്ചവരെ കേന്ദ്ര സർക്കാർ സാവകാശം തേടിയിരുന്നു.

നേരത്തെ കോക്രോച്ച് ജനതാ പാർട്ടി പ്രതിനിധികളും കേന്ദ്രമന്ത്രിമാരുമായുളള ചർച്ച പരാജയപ്പെട്ടിരുന്നു. കോണ്‍സ്റ്റിറ്റ്യൂഷന്‍ ക്ലബിലായിരുന്നു കേന്ദ്രസര്‍ക്കാരിന്റെയും സിജെപിയുടെയും പ്രതിനിധികള്‍ കൂടിക്കാഴ്ച നടത്തിയത്. സൗരവ് ദാസും അശുതോഷ് റാങ്കെയുമാണ് കോക്രോച്ച് ജനതാ പാര്‍ട്ടിയുടെ പ്രതിനിധികളായി പങ്കെടുത്തത്. ചര്‍ച്ചയില്‍ മൂന്ന് ആവശ്യങ്ങളാണ് സിജെപി മുന്നോട്ടുവെച്ചത്. ധര്‍മ്മേന്ദ്ര പ്രധാന്‍ രാജിവയ്ക്കണം എന്നതായിരുന്നു പ്രധാന ആവശ്യം.

ഇതിനിടെ ഓൺലൈനിൽ പ്രചരിക്കുന്ന ഒറു വീഡിയോ രസകരമാണ്...2024 ജൂൺ 24 ന്, ധർമ്മേന്ദ്ര പ്രധാൻ ലോക്സഭയിൽ സത്യപ്രതിജ്ഞ ചെയ്യാൻ വന്നപ്പോൾ, നീറ്റ്, നീറ്റ്, നാണക്കേട്, നാണക്കേട് എന്ന മുദ്രാവാക്യം മുഴങ്ങിക്കൊണ്ടിരുന്നു... അന്ന് ധർമ്മേന്ദ്ര പ്രധാന് എന്തെങ്കിലും ധാർമ്മികതയുണ്ടായിരുന്നെങ്കിൽ, ചോദ്യപേപ്പർ ചോർച്ച അദ്ദേഹം വേരോടെ ഇല്ലാതാക്കുമായിരുന്നു. രണ്ട് വർഷത്തിന് ശേഷം, ഇന്ന് 2026 ജൂലൈ 24 ആണ്. പ്രധാൻ്റെ രാജിയോടെ എന്ത് സംഭവിക്കുമെന്ന് പറയുന്ന ആളുകൾക്ക് മറുപടി നൽകാൻ ഈ വീഡിയോ കാണുക.

]]> നുണ പറയുന്നത് അവർ അവസാനിപ്പിക്കണം, ഇന്ത്യയുടെ ഭാവിക്കു നേരെയാണ് അവര്‍ വെടിയുതിര്‍ത്തത്‌'; പെല്ലറ്റ് ആക്രമണത്തിന് ഇരയായ വിദ്യാര്‍ഥിയെ ഒപ്പം നിര്‍ത്തി രാഹുല്‍ ഗാന്ധി https://www.sandhesam.com/They-should-stop-lying%2C-they-are-shooting-at-the-future-of-India https://www.sandhesam.com/They-should-stop-lying%2C-they-are-shooting-at-the-future-of-India Fri, 24 Jul 2026 22:34:28 +0530 Web Desk ന്യൂഡല്‍ഹി: ഡല്‍ഹിയിലെ പ്രതിഷേധ പ്രകടനത്തിന് നേരെ സുരക്ഷാ ഉദ്യോഗസ്ഥര്‍ പെല്ലറ്റ് ഗണ്ണുകള്‍ ഉപയോഗിച്ച സംഭവത്തില്‍ കേന്ദ്ര സര്‍ക്കാരിനെ രൂക്ഷമായി വിമര്‍ശിച്ച് ലോക്സഭാ പ്രതിപക്ഷ നേതാവ് രാഹുല്‍ ഗാന്ധി രംഗത്ത്. പെല്ലറ്റ് ആക്രമണത്തില്‍ പരിക്കേറ്റ വിദ്യാര്‍ഥിയെ മാധ്യമങ്ങള്‍ക്ക് മുന്നില്‍ നിര്‍ത്തിയ രാഹുല്‍, സര്‍ക്കാര്‍ നുണ പറയുന്നത് അവസാനിപ്പിക്കണമെന്ന് ആവശ്യപ്പെട്ടു.

തിങ്കളാഴ്ച നടന്ന വിദ്യാര്‍ഥി പ്രതിഷേധത്തിനിടെ പെല്ലറ്റ് ഗണ്ണുകള്‍ ഉപയോഗിച്ചില്ലെന്ന് പൊലീസും സര്‍ക്കാരും ആവര്‍ത്തിച്ച് പറഞ്ഞിരുന്നു. എന്നാല്‍, വൈദ്യപരിശോധനയില്‍ പെല്ലറ്റ് മുറിവുകള്‍ സ്ഥിരീകരിച്ച നിരവധി വിദ്യാര്‍ഥികള്‍ രംഗത്തെത്തിയിട്ടുണ്ട്. ഇവരില്‍ ഒരാളായ 19കാരന്‍ സാഹില്‍ ലോച്ചാബിനെ ഒപ്പം നിര്‍ത്തിയാണ് വെള്ളിയാഴ്ച രാഹുല്‍ ഗാന്ധി മാധ്യമങ്ങളെ കണ്ടത്. സാഹിലിൻ്റെ മുഖത്തും ശരീരത്തിലും പെല്ലറ്റ് ഏറ്റതിൻ്റെ മുറിവുകള്‍ വ്യക്തമായിരുന്നു.

പെല്ലറ്റ് പ്രയോഗിച്ചതിൻ്റെ തെളിവ് സാഹിലിൻ്റെ ശരീരത്തിലുണ്ടെന്ന് പറഞ്ഞ രാഹുല്‍ ഗാന്ധി, സാഹിലിൻ്റെ ടി-ഷര്‍ട്ട് ഉയര്‍ത്തി മാധ്യമങ്ങള്‍ക്ക് മുന്നില്‍ കാണിച്ചു. മുഖത്തും കൈയിലും ഉള്‍പ്പെടെ ശരീരത്തിൻ്റെ വിവിധ ഭാഗത്തുള്ള പെല്ലറ്റ് മുറിവുകള്‍ രാഹുല്‍ ചൂണ്ടിക്കാണിച്ചു. കേന്ദ്ര സര്‍ക്കാര്‍ കള്ളം പറയുന്നത് അവസാനിപ്പിക്കണമെന്നും ഇന്ത്യയുടെ ഭാവി തലമുറയ്ക്ക് നേരെയാണ് അവര്‍ തോക്കെടുത്തിരിക്കുന്നതെന്നും രാഹുല്‍ പറഞ്ഞു.

]]> ചോദ്യപേപ്പര്‍ ചോര്‍ച്ച വിവാദം;എൻടിഎയിൽ വൻ അഴിച്ചു പണി, 47 ഉദ്യോഗസ്ഥരെ പിരിച്ചുവിട്ടു https://www.sandhesam.com/Question-paper-leak-controversy-NTA-undergoes-major-restructuring%2C-47-officials-dismissed https://www.sandhesam.com/Question-paper-leak-controversy-NTA-undergoes-major-restructuring%2C-47-officials-dismissed Fri, 24 Jul 2026 22:02:26 +0530 Web Desk

ന്യൂഡല്‍ഹി: നീറ്റ് പരീക്ഷാ ചോദ്യപേപ്പര്‍ ചോര്‍ച്ച വിവാദത്തില്‍ പ്രതിഷേധം ശക്തമായതോടെ നാഷണല്‍ ടെസ്റ്റിങ് ഏജന്‍സി(എന്‍ടിഎ)യില്‍ വന്‍ അഴിച്ചുപണിയുമായി കേന്ദ്രം. എന്‍ടിഎയില്‍ നിന്ന്‌ 47 ഉദ്യോഗസ്ഥരെ കേന്ദ്രസര്‍ക്കാര്‍ പിരിച്ചുവിട്ടു.എന്‍ടിഎയുടെ പ്രവര്‍ത്തനം പരിഷ്‌കരിക്കുന്നതിന്റെ ഭാഗമായാണ് നടപടി. വരും ദിവസങ്ങളില്‍ കൂടുതല്‍ നടപടികള്‍ ഉണ്ടാകുമെന്നാണ് റിപ്പോര്‍ട്ട്.

ഉദ്യോഗസ്ഥരെ പിരിച്ചുവിട്ടതിന് പുറമേ, ചില ഉദ്യോഗസ്ഥര്‍ക്കെതിരെ ക്രിമിനല്‍ നടപടികളും ഉണ്ടായേക്കും. 39 തസ്തികകള്‍ അനുവദിച്ചിട്ടും എന്‍ടിഎയില്‍ 24 സ്ഥിരം ജീവനക്കാരെ മാത്രമേ ഉള്ളൂവെന്ന് കഴിഞ്ഞ ദിവസം വിദ്യാഭ്യാസ മന്ത്രാലയം ലോക്സഭയെ അറിയിച്ചിരുന്നു. ഏജന്‍സിയുടെ പ്രവര്‍ത്തനങ്ങള്‍ക്കായി 73 കരാര്‍ ജീവനക്കാരെയും 124 ഔട്ട്സോഴ്സ് ജീവനക്കാരെയും ആശ്രയിക്കുന്നുണ്ടെന്ന് മന്ത്രാലയം അറിയിച്ചിരുന്നു.

സിജെപി സമരം ശക്തമാകുന്നതിനിടെയാണ് കേന്ദ്ര സര്‍ക്കാര്‍ നടപടി. കേന്ദ്ര വിദ്യാഭ്യാസമന്ത്രി ധര്‍മ്മേന്ദ്ര പ്രധാന്റെ രാജിയില്‍ സര്‍ക്കാര്‍ നിലപാട് നാളെ പ്രഖ്യാപിക്കാനിരിക്കെയാണ് പുതിയ സംഭവ വികാസങ്ങള്‍. രാജി ഒഴികെയുള്ള ആവശ്യങ്ങള്‍ തല്ക്കാലം പരിഗണിക്കാമെന്ന് സിജെപി നേതാക്കളുമായുള്ള ചര്‍ച്ചയില്‍ മന്ത്രിതല സമിതി അറിയിച്ചത്. രാജിയില്ലെങ്കില്‍ ഒത്തുതീര്‍പ്പില്ലെന്ന് സിജെപി പ്രഖ്യാപിച്ചതോടെ ചര്‍ച്ച തീരുമാനാകാതെ പിരിഞ്ഞു.

]]> കേന്ദ്രം സോനം വാങ്ചുക്കിനെ കിഡ്നാപ്പ് ചെയ്തു: അഭിജിത് ദീപ്കെ https://www.sandhesam.com/I-think-these-people-had-kidnapped-Sonam%3A--Abhijeet-Dipke https://www.sandhesam.com/I-think-these-people-had-kidnapped-Sonam%3A--Abhijeet-Dipke Fri, 24 Jul 2026 16:40:34 +0530 Web Desk ഡൽഹി:"ഈ ആളുകൾ സോനത്തെ തട്ടിക്കൊണ്ടുപോയതാണെന്ന് ഞാൻ കരുതുന്നു. ജെ.പി. നദ്ദയ്ക്ക് അദ്ദേഹത്തെ കാണാൻ കഴിഞ്ഞു, പക്ഷേ ഒരു പ്രതിപക്ഷ എംപിക്കും അദ്ദേഹത്തെ കാണാൻ അനുവാദമുണ്ടായിരുന്നില്ല. ഞങ്ങളുടെ ടീം അംഗങ്ങളും പോയി, പക്ഷേ അവർക്ക് അദ്ദേഹത്തെ കാണാൻ അനുവാദമുണ്ടായിരുന്നില്ല. അതിനാൽ, സർക്കാർ ഒരു തരത്തിൽ സോനത്തെ തട്ടിക്കൊണ്ടുപോയി..." എന്ന് കോക്രോച്ച് ജനതാ പാർട്ടി സ്ഥാപകൻ അഭിജീത് ദിപ്കെ പറഞ്ഞു,

സമര രീതിയെ ചൊല്ലി സോനം വാങ്ചുക്കും സിജെപിയും തമ്മിൽ അഭിപ്രായ വ്യത്യാസങ്ങളുണ്ടോ എന്ന ചോദ്യമാണ് പ്രധാനമായും ഉയർന്നത്. ഒരു അഭിപ്രായ ഭിന്നതകളുമില്ലെന്ന് സിജപി നേതാവ് സൗരവ് ദാസ് വ്യക്തമാക്കുകയുണ്ടായി . ഇതെ ചോദ്യം സിജെപി  സ്ഥാപക നേതാവ് അഭിജീത് ദിപ്കെയോട് ചോദിച്ചപ്പോഴാണ് അദ്ദേഹം കേന്ദ്ര സർക്കാരിന് നേരെ വിരൽ ചൂണ്ടിയത്.

സോനം വാങ്ചുക്കിന് സിജെപി സ്ഥാപകൻ അഭിജീത് ദിപ്കെ  നന്ദി പറഞ്ഞു. രാജ്യത്തിന്‍റെ മനസ്സാക്ഷിയെ തൊട്ടുണർത്തിയ പോരാട്ടമാണ് വാങ്ചുക് നടത്തിയതെന്ന് അദ്ദേഹം വിശേഷിപ്പിച്ചു. 26 ദിവസത്തെ നിരാഹാരത്തിനൊടുവിൽ അദ്ദേഹം സമരം അവസാനിപ്പിച്ചതിൽ ആശ്വാസവും നന്ദിയുമുണ്ടെന്നും സ്വന്തം ജീവൻ പണയം വെച്ച് പോരാടിയ അദ്ദേഹത്തിൻ്റെ ജീവൻ രാജ്യത്തിന് ഏറെ വിലപ്പെട്ടതാണെന്നും ദിപ്കെ പറഞ്ഞു. ജന്തർ മന്തറിൽ സമാധാനപരമായ പ്രതിഷേധം തുടരുമെന്ന് കൊക്ക്റോച്ച് ജനതാ പാർട്ടി അറിയിച്ചു .

വാങ്ചുക്കിന്‍റെ ആരോഗ്യം സംബന്ധിച്ച് ആശങ്ക ഉണ്ടായിരുന്നുവെന്നും 11 കിലോയോളം ഭാരമാണ് കുറഞ്ഞതെന്നും സൗരവ് ചൂണ്ടിക്കാട്ടി. വാങ്ചുക്കിന്റെ ത്യാഗം പാഴാകാതെ ഈ സമരത്തെ അന്തിമ ലക്ഷ്യത്തിലെത്തിക്കുമെന്ന് സിജെപി വക്താവ് വ്യക്തമാക്കി.

]]> മന്ത്രിയുടെ രാജി ആവശ്യത്തിൽ ഉറച്ചു നിന്നതായി സിജെപി; കേന്ദ്ര തീരുമാനം നാളെ https://www.sandhesam.com/CJP-says-it--stood-firmly--on-demand-for-ministers-resignation-Central-decision-tomorrow https://www.sandhesam.com/CJP-says-it--stood-firmly--on-demand-for-ministers-resignation-Central-decision-tomorrow Fri, 24 Jul 2026 16:09:24 +0530 Web Desk ന്യുഡെൽഹി- നീറ്റ് സമരവുമായി ബന്ധപ്പെട്ട് തങ്ങളുടെ ആവശ്യങ്ങള്‍ കേന്ദ്ര പ്രതിനിധി സംഘത്തെ അറിയിച്ചതായി സിജെപി. പ്രശ്നപരിഹാരത്തിനായി നടന്ന ചർച്ചക്കു ശേഷമാണ് സിജെപി പ്രതിനിധികള്‍ ഇക്കാര്യം അറിയിച്ചത്. രണ്ട് ആവശ്യങ്ങളോട് കേന്ദ്രത്തിന് അനുകൂല നിലപാടാണ്. ധർമ്മേന്ദ്ര പ്രധാനെ മാറ്റുന്ന കാര്യത്തിൽ നാളെ തീരുമാനം അറിയിക്കും. നാളെയും ചർച്ച നടക്കും. വിദ്യാർഥികള്‍ക്കെതിരായ കേസുകള്‍ പിൻവലിക്കണമെന്ന് ആവശ്യപ്പെട്ടു. മന്ത്രിയുടെ രാജിയെന്ന ആവശ്യത്തിൽ ഉറച്ചു നിന്നതായും സിജെപി പ്രതിനിധികള്‍ അറിയിച്ചു.

സിജെപി പ്രതിനിധികളുമായി നടത്തിയ ചർച്ച സൗഹാർദ്ദപരമായിരുന്നുവെന്ന് കേന്ദ്രമന്ത്രി ജെപി നദ്ദ. ചർച്ച നാളെയും തുടരുമെന്ന് അദ്ദേഹം വ്യക്തമാക്കി.കോണ്‍സ്റ്റിറ്റിയൂഷന്‍ ക്ലബ്ബിലാണ് യോഗം നടന്നത്. ചര്‍ച്ചയ്ക്ക് നിഷ്പക്ഷ വേദി വേണമെന്ന സിജെപിയുടെ ആവശ്യം അംഗീകരിച്ചാണ് കേന്ദ്രം കോണ്‍സ്റ്റിറ്റിയൂഷന്‍ ക്ലബ്ബില്‍ കൂടിക്കാഴ്ചയ്ക്ക് സമ്മതിച്ചത്. ഡല്‍ഹിയിലെ ജന്തര്‍ മന്തറില്‍ നടന്നുവരുന്ന പ്രതിഷേധ സമരം 35-ാം ദിവസത്തിലേക്ക് കടന്ന പശ്ചാത്തലത്തിലാണ് ചര്‍ച്ച നടക്കുന്നത്.

]]> ഭൂമിക്കാരൻ ജേപ്പിയുടെ നടത്തം മോക്ഷം കിട്ടാനല്ല, പൊതുശൗചാലയങ്ങളിലെ പണപ്പിരിവ് അവസാനിപ്പിക്കാൻ https://www.sandhesam.com/Jaypees-walk-is-not-to-achieve-salvation%2C-but-to-end-money-collection-in-public-toilet https://www.sandhesam.com/Jaypees-walk-is-not-to-achieve-salvation%2C-but-to-end-money-collection-in-public-toilet Fri, 24 Jul 2026 15:49:56 +0530 Web Desk  ശുദ്ധമായ കുടിവെള്ളവും ശുചിത്വമുള്ള പൊതുശൗചാലയങ്ങളും നാട്ടിൽ യഥേഷ്ടം സൗജന്യമായി ഒരുക്കണം എന്ന ആവശ്യപ്പെട്ട് ഭൂമിക്കാരൻ ജേപ്പി ജൂലൈ ഒന്നിന് കാസർഗോഡ് നിന്നും പദയാത്ര ആരംഭിച്ചതാണ്. ഇപ്പോൾ കൊല്ലം ജില്ലയിലെത്തി, ജൂലൈ 31 ന് സെക്രട്ടറിയേറ്റിന് മുന്നിൽ സമാപിക്കും. സമാപനത്തോടനുബന്ധിച്ച് സാഹിത്യ സാംസ്കാരിക പ്രവർത്തകർ സമരജ്വാല തെളിക്കും. 

പൊതു ശൗചാലയങ്ങളിലെ ശുചീകരണ തൊഴിലാളികളെ സർക്കാർ നിയമിക്കണം എന്നും ജനങ്ങളിൽ നിന്നും പണം പിരിക്കുന്നത് അവസാനിപ്പിക്കണം എന്നുമുള്ള ആവശ്യം അടിയന്തരമായി നടപ്പാക്കണമെന്ന് ആവശ്യപ്പെട്ട് ഇപ്പോഴത്തെ മുഖ്യമന്ത്രിയും നിയമസഭാ സ്പീക്കറും ആരോഗ്യ വകുപ്പ് മന്ത്രിയും ഉന്നത വിദ്യാഭ്യാസ വകുപ്പ് മന്ത്രിയും പൊതു വിദ്യാഭ്യാസ വകുപ്പ് മന്ത്രിയും ഒപ്പിട്ടതിന്റെ ഫോട്ടോ പതിച്ച പ്ലക്കാർഡ് കഴുത്തിൽ തൂക്കിയാണ് പദയാത്ര.  ദിവസം രാവിലെ ആറ് മണിമുതൽ വൈകുന്നേരം ആറ് മണിവരെ ശരശരി  20 കിലോമീറ്റർ ലക്ഷ്യമിട്ടാണ് നടക്കുന്നത്. പദയാത്ര ആലുവയിൽ എത്തിയപ്പോൾ മുഖ്യമന്ത്രിയെ വസതിയിലെത്തി കണ്ട് സംസാരിച്ചു. ബസ് വെയിറ്റിംഗ് ഷെഡ് നിർമ്മാണതുകകൊണ്ട് ശൗചാലയങ്ങളുൾപ്പെടെ നിർമ്മിച്ച് പരിപാലിക്കാൻ പലരും പ്രൊപ്പോസലുകൾ നൽകിയിട്ടുണ്ട്.

യാത്രയിൽ ഉടനീളം തെരുവോരങ്ങളിൽ നാടൻ ഫലവൃക്ഷങ്ങൾ നട്ടും പച്ചക്കറി വിത്തുകൾ ശേഖരിച്ചും വിതരണം ചെയ്തും കർഷകരേയും സാംസ്കാരിക വിദ്യാഭ്യാസ മനുഷ്യാവകാശ ജീവകാരുണ്യ പ്രവർത്തകരെ അറിഞ്ഞുമാണ് ഭൂമിക്കാരൻ ജേപ്പിയുടെ ശുചിത്വബോധനപദയാത്ര. ശുചിത്വബോധനം നൽകാൻ ലക്ഷ്യമിടുന്നത് വിദ്യാർത്ഥികൾക്കോ പൊതുജനത്തിനോ മാത്രമല്ല, ജനപ്രതിനിധികൾക്ക്കൂടിയാണ്.  പരസ്പരാനന്ദ ബന്ധുത്വജീവിത സന്ദേശം ഉൾക്കൊള്ളുന്ന ഭൂമിക്കാരൻ ലിറ്റിൽ മാഗസിൻ യാത്രയിലൂടെ സൗജന്യമായി വിതരണം ചെയ്യുന്നുമുണ്ട്.
ഓരോ ദിവസവും യാത്ര ആരംഭിക്കുമ്പോഴും അവസാനിപ്പിക്കുമ്പോഴും ആ പ്രദേശത്ത് ഒരു സൗഹൃദസംഗമം ഒരുക്കുന്നുണ്ട്.

ശുചിത്വമുള്ള പൊതുശൗചാലയങ്ങൾ നാട്ടിൽ യഥേഷ്ടം ഒരുക്കണം എന്ന് ആവശ്യപ്പെട്ട് ജേപ്പിയും ജീവിതപങ്കാളി ശ്രീകലയും 2013-2018 കാലയളവിൽ അഞ്ച് തവണ കേരളപദയാത്ര നടത്തിയതിനെ തുടർന്നാണ് പത്രങ്ങളും തദേശഭരണകൂടങ്ങളും ശുചിത്വമുള്ള ശൗചാലയങ്ങൾ ഗൗരവമായി ചർച്ച ചെയ്തതും കൂടുതലായി ആരംഭിച്ചതും.കൊല്ലം ജില്ലയിലെ കല്ലുവാതുക്കൽ പഞ്ചായത്തിലെ വേളമാനൂർ ആണ് ഭൂമിക്കാരൻ ജേപ്പിയുടെ സ്വദേശം.

]]> 'ഈ യുവത്വത്തോട് വലിയ ബഹുമാനം’: വിദ്യാർഥി പ്രതിഷേധങ്ങൾക്ക് പിന്തുണയുമായി ശുഭ്മൻ ഗിൽ https://www.sandhesam.com/Great-respect-for-this-youth%3A-Shubman-Gill-supports-the-student-protests https://www.sandhesam.com/Great-respect-for-this-youth%3A-Shubman-Gill-supports-the-student-protests Fri, 24 Jul 2026 12:00:17 +0530 Web Desk നീറ്റ് പരീക്ഷാ പേപ്പർ ചോർച്ചയ്ക്കും ക്രമക്കേടുകൾക്കുമെതിരെ രാജ്യതലസ്ഥാനത്ത് വിദ്യാർഥികൾ നടത്തുന്ന പ്രതിഷേധങ്ങളിൽ നിലപാട് വ്യക്തമാക്കി ഇന്ത്യൻ ക്രിക്കറ്റ് ടീം ക്യാപ്റ്റൻ ശുഭ്മൻ ഗിൽ. സമാധാനപരമായ രീതിയിൽ അവകാശങ്ങൾക്കായി ശബ്ദമുയർത്തുന്ന വിദ്യാർഥികൾക്ക് പിന്തുണ പ്രഖ്യാപിച്ച ഗിൽ, വിദ്യാർഥികളുടെ താത്പര്യങ്ങൾ സംരക്ഷിക്കേണ്ടതിന്റെ പ്രാധാന്യവും ചൂണ്ടിക്കാട്ടി. ഇൻസ്റ്റാഗ്രാം സ്റ്റോറിയിലൂടെയാണ് ഗിൽ തന്റെ നിലപാട് പങ്കുവെച്ചത്.

വിദ്യാഭ്യാസമാണ് രാജ്യത്തിന്റെ ഭാവി നിശ്ചയിക്കുന്നത്. ഒരു യുവ ഇന്ത്യക്കാരൻ എന്ന നിലയിൽ വരാനിരിക്കുന്ന തലമുറയുടെ സ്വപ്നങ്ങൾക്കും പഠനത്തിനും വലിയ പ്രാധാന്യമുണ്ടെന്ന് ഗിൽ കുറിച്ചു.

]]> സിജെപി സമരത്തിന് പിന്തുണ;വേടൻ നടത്തിയ പരിപാടിക്കെതിരെ കേസെടുത്ത് പൊലീസ് https://www.sandhesam.com/Solidarity-with-CJP-strike-Police-registered-a-case-against-the-program-conducted-by-Vedan https://www.sandhesam.com/Solidarity-with-CJP-strike-Police-registered-a-case-against-the-program-conducted-by-Vedan Fri, 24 Jul 2026 11:51:29 +0530 Web Desk കൊച്ചി: ദില്ലിയിലെ സിജെപി സമരത്തിന് പിന്തുണ അറിയിച്ച് കൊച്ചിയിൽ റാപ്പർ വേടന്റെ നേതൃത്വത്തിൽ നടത്തിയ പരിപാടിക്കെതിരെ കേസെടുത്ത് പൊലീസ്. മാനേജർ വിഗ്നേഷിനും കണ്ടാൽ അറിയുന്ന 90 പേർക്കെതിരെയും ആണ് കേസ്. ഗതാഗത തടസ്സമുണ്ടാക്കി പരിപാടി നടത്തിയതിനാണ് എറണാകുളം സൗത്ത് പോലീസ് കേസെടുത്തത്.

]]> നിരാഹാര സമരം അവസാനിപ്പിച്ച് സോനം വാങ്ചുക്; രാജ്യത്തിന്റെ മനസാക്ഷിയെ തൊട്ടുണർത്തിയ ത്യാഗത്തിന് നന്ദിയെന്ന് അഭിജിത് ദിപ്കെ https://www.sandhesam.com/Sonam-Wangchuk-ends-hunger-strike-Abhijit-Dipke-thanks-him-for-his-sacrifice-that-touched-the-conscience-of-the-country https://www.sandhesam.com/Sonam-Wangchuk-ends-hunger-strike-Abhijit-Dipke-thanks-him-for-his-sacrifice-that-touched-the-conscience-of-the-country Fri, 24 Jul 2026 11:35:51 +0530 Web Desk ഡൽഹി: സാമൂഹിക പ്രവർത്തകൻ സോനം വാങ്ചുക് 26 ദിവസം നീണ്ടുനിന്ന അനിശ്ചിതകാല നിരാഹാര സമരം അവസാനിപ്പിച്ചു. വ്യാഴാഴ്ച രാത്രി ഗുഡ്ഗാവിലെ മേദാന്ത ആശുപത്രിയിൽ വെച്ച് കേന്ദ്രമന്ത്രിമാരായ ജെ.പി. നദ്ദ, ഡോ. ജിതേന്ദ്ര സിംഗ്, ലഡാക്കിലെ അപെക്സ് ബോഡിയിലെ മുതിർന്ന നേതാക്കൾ എന്നിവരുടെ സാന്നിധ്യത്തിലാണ് അദ്ദേഹം ഉപവാസം അവസാനിപ്പിച്ചത്.

വിവിധ വിഷയങ്ങളിൽ സർക്കാരുമായി നടത്തിയ ദീർഘനാളത്തെ ചർച്ചകൾക്കും, രാജ്യത്ത് ഉണ്ടാകാൻ സാധ്യതയുള്ള അക്രമസംഭവങ്ങൾ ഒഴിവാക്കുന്നതിനുമാണ് സമരം അവസാനിപ്പിക്കുന്നതെന്ന് വാങ്ചുക് എക്സിലൂടെ വ്യക്തമാക്കി. സോനം വാങ്ചുക് സമരം അവസാനിപ്പിച്ചതിനെത്തുടർന്ന്, ഡോക്ടർമാരുടെ നിർദ്ദേശങ്ങൾ പാലിച്ച് അദ്ദേഹം എത്രയും വേഗം ആരോഗ്യം വീണ്ടെടുക്കട്ടെ എന്ന് ആശംസിക്കുന്നതായി പ്രധാനമന്ത്രി നരേന്ദ്ര മോദി എക്സിൽ കുറിച്ചു.

സമരം അവസാനിപ്പിക്കാൻ 65 പാർലമെന്റ് അംഗങ്ങൾ തന്നോട് അഭ്യർത്ഥിച്ചിരുന്നതായും, സമാധാനപരമായ പ്രതിഷേധങ്ങളിലേക്ക് സാമൂഹികവിരുദ്ധർ കടന്നുകയറാൻ സാധ്യതയുള്ളതിനാൽ എല്ലാവരും ജാഗ്രത പാലിക്കണമെന്നും വാങ്ചുക് അഭ്യർത്ഥിച്ചു. എന്തുവന്നാലും പൂക്കൾ കൊണ്ട് മാത്രമായിരിക്കണം നമ്മുടെ മറുപടി. എന്തുവിലകൊടുത്തും ഈ രീതി പിന്തുടരണമെന്നും അദ്ദേഹം നേരത്തെ വ്യക്തമാക്കിയിരുന്നു.

സോനം വാങ്ചുക് സമരം അവസാനിപ്പിച്ചതിൽ വലിയ ആശ്വാസവും നന്ദിയുമുണ്ടെന്ന് സി.ജെ.പി സ്ഥാപകൻ അഭിജീത് ദിപ്കെ പ്രതികരിച്ചു. സ്വന്തം ജീവൻ പണയം വെച്ച് രാജ്യത്തിന്റെ മനസാക്ഷിയെ തൊട്ടുണർത്തിയ അദ്ദേഹത്തിന്റെ ത്യാഗത്തിന് നന്ദി അറിയിച്ച ദിപ്കെ, കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജി വെക്കുന്നതുവരെ ജന്തർ മന്തറിലെ സമാധാനപരമായ പ്രതിഷേധം തുടരുമെന്നും കൂട്ടിച്ചേർത്തു.

]]> 'ധര്‍മേന്ദ്ര പ്രധാന്റെ രാജി ആവശ്യത്തില്‍ നിന്ന് പിന്നോട്ടില്ല'; സിജെപിയും കേന്ദ്രവുമായി കോണ്‍സ്റ്റിറ്റ്യൂഷന്‍ ക്ലബ്ബില്‍ ഇന്ന് ചര്‍ച്ച https://www.sandhesam.com/Will-not-back-down-from-demanding-Dharmendra-Pradhans-resignation-CJP-and-Center-to-hold-discussion-at-Constitution-Club-today https://www.sandhesam.com/Will-not-back-down-from-demanding-Dharmendra-Pradhans-resignation-CJP-and-Center-to-hold-discussion-at-Constitution-Club-today Fri, 24 Jul 2026 11:23:52 +0530 Web Desk ന്യൂഡല്‍ഹി: ഡല്‍ഹിയിലെ വിദ്യാര്‍ഥി പ്രക്ഷോഭത്തില്‍ സമവായം കണ്ടെത്താന്‍ കോക്റോച്ച് ജനതാ പാര്‍ട്ടി (സിജെപി) പ്രതിനിധി സംഘം കേന്ദ്രമന്ത്രിമാരുമായി ഇന്ന് കൂടിക്കാഴ്ച നടത്തും. ഉച്ചയ്ക്ക് 12.30ന് കോണ്‍സ്റ്റിറ്റ്യൂഷന്‍ ക്ലബ്ബിലാണ് യോഗം. ചര്‍ച്ചയ്ക്ക് നിഷ്പക്ഷ വേദി വേണമെന്ന സിജെപിയുടെ ആവശ്യം അംഗീകരിച്ചാണ് കേന്ദ്രം കോണ്‍സ്റ്റിറ്റ്യൂഷന്‍ ക്ലബ്ബില്‍ കൂടിക്കാഴ്ചയ്ക്ക് സമ്മതിച്ചത്. ഡല്‍ഹിയിലെ ജന്തര്‍ മന്തറില്‍ നടന്നുവരുന്ന പ്രതിഷേധ സമരം 35-ാം ദിവസത്തിലേക്ക് കടന്ന പശ്ചാത്തലത്തിലാണ് ചര്‍ച്ച നടക്കുന്നത്.

സാമൂഹ്യപ്രവര്‍ത്തകന്‍ സോനം വാങ്ചുക്ക് നിരാഹാര സമരം പിൻവലിച്ചതിനെ സ്വാഗതം ചെയ്ത കോക്റോച്ച് ജനതാ പാര്‍ട്ടി, കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ രാജിവെക്കുന്നത് വരെ സമരം തുടരുമെന്ന് വ്യക്തമാക്കി. ചോദ്യപേപ്പര്‍ ചോര്‍ച്ച ഉള്‍പ്പെടെയുള്ള പരീക്ഷാ ക്രമക്കേടുകള്‍ക്കെതിരെ സമാധാനപരമായ രീതിയിലാണ് പ്രതിഷേധം നടക്കുന്നത്.

ധര്‍മേന്ദ്ര പ്രധാൻ്റെ രാജിയും പരീക്ഷാ സംവിധാനത്തില്‍ കൂടുതല്‍ സുതാര്യതയും ഉത്തരവാദിത്തവും ആവശ്യപ്പെട്ടുമാണ് സമരം. പാര്‍ലമെന്റിലേക്ക് നടത്തിയ 'സംസദ് ചലോ' മാര്‍ച്ചിനിടെ പ്രതിഷേധക്കാര്‍ക്ക് നേരെ പോലീസ് ലാത്തിച്ചാര്‍ജും കണ്ണീര്‍വാതകവും പ്രയോഗിച്ചതോടെയാണ് സ്ഥിതിഗതികള്‍ കൂടുതല്‍ രൂക്ഷമായത്.

]]> 'യുവാക്കൾ രാജ്യത്തിൻ്റെ സമ്പത്ത്, അവരെ കേൾക്കൂ'- വിദ്യാർഥി പ്രക്ഷോഭത്തെ പിന്തുണച്ച് മമ്മൂട്ടി https://www.sandhesam.com/Youth-is-the-wealth-of-the-country%2C-listen-to-them---Mammootty-supports-student-protests https://www.sandhesam.com/Youth-is-the-wealth-of-the-country%2C-listen-to-them---Mammootty-supports-student-protests Thu, 23 Jul 2026 20:58:51 +0530 Web Desk നീറ്റ് ക്രമക്കേടുമായി ബന്ധപ്പെട്ട് വിദ്യാഭ്യാസമന്ത്രി ധർമേന്ദ്ര പ്രധാന്റെ രാജി ആവശ്യപ്പെട്ടുകൊണ്ട് കോക്രോച്ച് ജനത പാർട്ടിയുടെ നേതൃത്വത്തിൽ രാജ്യത്തിലെ യുവ ജനങ്ങൾ നടത്തുന്ന പ്രതിഷേധം കനക്കുകയാണ്. നിരവധി സിനിമാതാരങ്ങളടക്കം കലാ- സാംസ്കാരിക രംഗത്തെയും കായികരംഗത്തെയും അടക്കം നിരവധി പ്രമുഖരാണ് പ്രതിഷേധത്തിന് പിന്തുണയുമായി രംഗത്തെത്തിയിരിക്കുന്നത്. പലരും ജന്തർ മന്തറിലെ പ്രതിഷേധവേദിയിൽ നേരിട്ടെത്തിയപ്പോൾ പലരും സമൂഹമാധ്യമങ്ങളിലൂടെ ഐക്യദാർഢ്യം പ്രഖ്യാപിച്ചു. ഇപ്പോഴിതാ പ്രതിഷേധത്തിന് ഐക്യദാർഢ്യവുമായി രംഗത്തെത്തിയിരിക്കുകയാണ് മമ്മൂട്ടി.

യുവജനങ്ങളാണ് രാജ്യത്തിന്റെ യഥാർഥ സമ്പത്തെന്നും. അവരുടെ ശബ്ദം കേൾക്കുകയും അവരെ സംരക്ഷിക്കുകയും ശാക്തീകരിക്കുകയും ചെയ്യണമെന്നാണ് ഫേസ്‌ബുക്കിൽ പങ്കുവച്ച കുറിപ്പിലൂടെ മമ്മൂട്ടി പറഞ്ഞിരിക്കുന്നത്. അതേസമയം പ്രതിപക്ഷവും പ്രതിഷേധത്തിലേക്ക് അണിചേർന്നതോടെ പ്രതിഷേധം വലിയ രീതിയിൽ കനത്തുകൊണ്ടിരിക്കുകയാണ്.അതേസമയം, നീറ്റ് ചോദ്യപേപ്പർ ചോർച്ചയിൽ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്നാവശ്യപ്പെട്ടുള്ള പ്രതിഷേധത്തിനിടെ വിദ്യാർഥികൾക്കെതിരെ പൊലീസ് നടത്തിയ അതിക്രമത്തിൽ പരിക്കേറ്റവർക്ക് ഐക്യദാർഢ്യം പ്രഖ്യാപിച്ച് നാളെ രാജ്യവ്യാപക സമരം പ്രഖ്യാപിച്ചിരിക്കുകയാണ് സി ജെ പി.

നടൻമാരായ ടൊവിനോ തോമസ്, ഇന്ദ്രജിത്ത് സുകുമാരൻ, കുഞ്ചാക്കോ ബോബൻ, കാളിദാസ് ജയറാം, ജോർജു ജോർജ്, നടിമാരായ പാർവതി തിരുവോത്ത്, റിമ കല്ലിങ്കൽ, നിഖില വിമൽ, വിസ്മയ മോഹൻലാൽ എന്നിവരും വിദ്യാർഥി പ്രക്ഷോഭത്തെ പിന്തുണച്ച് സോഷ്യൽ മീഡിയയിൽ കുറിപ്പുകൾ പങ്കുവെച്ചിരുന്നു. ഭിന്നിപ്പുകളിലൂടേയും ആക്രമണങ്ങളിലൂടെയുമല്ല മറിച്ച സഹാനുഭൂതിയിലൂടെയാണ് കരുത്തുറ്റ ഭാവി കെട്ടിപ്പടുക്കേണ്ടത് എന്നാണ് ദുൽഖർ കുറിച്ചത്. 

കൂടാതെ ജന്തർ മന്ദറിലെ സമരവേദിയിൽ സിനിമാ താരങ്ങളായ പ്രകാശ് രാജ്, ഷബാന ആസ്മി എന്നിവർ എത്തിയിരുന്നു. ഇരുവരും വിദ്യാർഥികൾക്ക് പിന്തുണ അറിയിച്ച് സംസാരിക്കുകയും ചെയ്തു.

]]> ഡല്‍ഹിയില്‍ പ്രതിപക്ഷത്തിന്റെ മിന്നല്‍ പ്രതിഷേധം; ഗാന്ധി സ്മൃതിയിലേക്ക് എംപിമാരുടെ മാര്‍ച്ച് https://www.sandhesam.com/Oppositions-lightning-protest-in-Delhi-MPs-march-to-Gandhi-Smriti https://www.sandhesam.com/Oppositions-lightning-protest-in-Delhi-MPs-march-to-Gandhi-Smriti Thu, 23 Jul 2026 19:50:03 +0530 Web Desk ന്യൂഡൽഹി: ഡൽഹിയിൽ പ്രതിപക്ഷത്തിൻ്റെ മിന്നൽ പ്രതിഷേധം. എംപിമാരുടെ പ്രതിഷേധ മാർച്ച് തുടങ്ങി. ഡൽഹിയിലെ തീസ് ജനുവരി റോഡിൽ അണിനിരന്ന പ്രതിപക്ഷം ഗാന്ധി സ്മൃതിയിലേക്ക് മാർച്ച് നടത്തുന്നു. രാഹുൽ ഗാന്ധി മുന്നിൽ നന്ന് സമരം നയിക്കുന്നു. ഇന്ത്യ മുന്നണിയിലെ എമിക്കവാരും എല്ലാ എംപിമാരും മാർച്ചിൽ പങ്ക്െടുക്കുന്നുണ്ട്. കേന്ദ്ര മന്ത്രിമാരായ അമിത് ഷാ, കിരൺ റിജുജു എന്നിവരുടെ വസതികൾക്ക് മുന്നിലൂടെയാണ് മാർച്ച് കടന്നു പോയത്.

]]> ഒടുവിൽ എംആർ അജിത്കുമാറിനെ കൈവിട്ട് യുഡിഎഫ് സർക്കാരും; രക്ഷാപ്രവർത്തന കേസിൽ സസ്പെൻഷൻ, നിർദേശം അം​ഗീകരിച്ച് മുഖ്യമന്ത്രി https://www.sandhesam.com/ADGP-M-R-AJITHKUMAR-SUSPENDED https://www.sandhesam.com/ADGP-M-R-AJITHKUMAR-SUSPENDED Thu, 23 Jul 2026 18:47:21 +0530 Web Desk തിരുവനന്തപുരം: ആലപ്പുഴയിലെ വിവാദ രക്ഷാപ്രവർത്തനവുമായി ബന്ധപ്പെട്ട് ഗൺമാന്മാർ കെഎസ്‌യു പ്രവർത്തകരെ മർദ്ദിച്ച കേസ് അട്ടിമറിക്കാൻ ശ്രമിച്ചുവെന്ന കണ്ടെത്തലിൽ എം ആർ അജിത് കുമാറിന് സസ്പെൻഷൻ. ഡിജിപിയുടെ റിപ്പോർട്ടിൻ്റെ അടിസ്ഥാനത്തിലാണ് നടപടി. മുഖ്യമന്ത്രിയുമായി കൂടിയാലോചന നടത്തിയതിന് ശേഷമാണ് ആഭ്യന്തരമന്ത്രി നടപടിക്ക് അനുമതി നൽകിയത്. സസ്‌പെഷന്‍ഷൻ ലഭിച്ചതോടെ എം ആർ അജിത് കുമാറിൻ്റെ പ്രൊമോഷന്‍ തടയപ്പെടും. ഡിജിപി റാങ്കിലേക്ക് സ്ഥാനക്കയറ്റം ലഭിക്കില്ല.

ആലപ്പുഴയിലെ വിവാദ രക്ഷാപ്രവര്‍ത്തനകേസ് അട്ടിമറിച്ചെന്ന കണ്ടെത്തലുള്ള എസ്‌ഐടി റിപ്പോര്‍ട്ട് ഡിജിപി ഇന്നലെ ആഭ്യന്തര സെക്രട്ടറിക്ക് കൈമാറിയിരുന്നു. ആഭ്യന്തര സെക്രട്ടറി റിപ്പോര്‍ട്ട് ഇന്ന് ആഭ്യന്തരമന്ത്രി രമേശ് ചെന്നിത്തലയ്ക്ക് കൈമാറുകയായിരുന്നു. ഇതിന് പിന്നാലെയാണ് നടപടി. ഗണ്‍മാന്‍മാരുടെ മര്‍ദ്ദനക്കേസ് എം ആര്‍ അജിത് കുമാര്‍ അട്ടിമറിച്ചു എന്നാണ് എസ്‌ഐടി കണ്ടെത്തല്‍.

]]> സിജെപിക്ക് പിന്തുണയുമായി മൌനവ്രതമെടുത്ത് അണ്ണാ ഹസാരെ https://www.sandhesam.com/Veteran-social-activist-Anna-Hazare-begins-Maun-Andolan-in-Maharashtras-Ahilyanagar-to-support-student-protest https://www.sandhesam.com/Veteran-social-activist-Anna-Hazare-begins-Maun-Andolan-in-Maharashtras-Ahilyanagar-to-support-student-protest Thu, 23 Jul 2026 18:42:33 +0530 Web Desk ഡൽഹിയിലെ സിജെപി പ്രക്ഷോഭത്തിന് പിന്തുണ പ്രഖ്യാപിച്ചുകൊണ്ട് സാമൂഹിക പ്രവർത്തകൻ അണ്ണാ ഹസാരെ വ്യാഴാഴ്ച മഹാരാഷ്ട്രയിലെ അഹല്യനഗറിൽ രണ്ട് മണിക്കൂർ നീണ്ടുനിന്ന മൗന പ്രതിഷേധം  നടത്തി.
“അണ്ണാ രാവിലെ 11 മണിക്ക് പ്രതിഷേധം ആരംഭിച്ച് ഉച്ചയ്ക്ക് 1 മണിക്ക് അവസാനിപ്പിച്ചു,” ഹസാരേയുടെ സഹായി ദത്ത അവാരി പറഞ്ഞു.
അഹല്യനഗറിലെ മഹാത്മാഗാന്ധി പ്രതിമയിൽ പ്രതിഷേധം നടത്തിയ ഹസാരെ പിന്നീട് അതേ ജില്ലയിലെ തൻ്റെ ഗ്രാമമായ റാലെഗൻ സിദ്ധിയിലേക്ക് പോയി.
“...അക്രമത്തിൻ്റെയും പോലീസ് നടപടിയുടെയും വാർത്തകൾ...അങ്ങേയറ്റം വേദനാജനകമാണ്” എന്ന് പറഞ്ഞുകൊണ്ട് ഹസാരെ ബുധനാഴ്ച പ്രധാനമന്ത്രി നരേന്ദ്ര മോദിക്ക് കത്തെഴുതി.
പ്രതിഷേധക്കാരുടെ നീരസത്തെ “ഒരു ക്രമസമാധാന പ്രശ്നമായിട്ടല്ല, മറിച്ച് സമൂഹത്തിൻ്റെ വേദനയും പ്രതീക്ഷകളുമായി” കാണണമെന്ന് പ്രധാനമന്ത്രിക്ക് അയച്ച കത്തിൽ ഹസാരെ പറഞ്ഞു.

"പ്രതിഷേധക്കാരെ ക്ഷമയോടെ കേൾക്കാനും, വിശ്വാസത്തിൻ്റെ അന്തരീക്ഷം സൃഷ്ടിക്കാനും, പോസിറ്റീവ് സംഭാഷണത്തിലൂടെ പരിഹാരങ്ങൾ കണ്ടെത്താനും" അദ്ദേഹം സർക്കാരിനോട് അഭ്യർത്ഥിച്ചു.

]]> സിജെപിയുടെ പ്രതിഷേധത്തിനെത്തിയ വിദ്യാര്‍ത്ഥികളെ ലഹരിക്കേസില്‍ കുടുക്കുമെന്ന് പൊലീസ് ഉദ്യോഗസ്ഥൻ്റെ ഭീഷണി https://www.sandhesam.com/Police-officer-threatens-to-frame-students-who-attended-CJPs-protest-for-drug-charges https://www.sandhesam.com/Police-officer-threatens-to-frame-students-who-attended-CJPs-protest-for-drug-charges Thu, 23 Jul 2026 18:17:31 +0530 Web Desk മുബൈ : കോക്രോച്ച് ജനതാ പാര്‍ട്ടിയുടെ പ്രതിഷേധത്തില്‍ പങ്കെടുക്കാനെത്തിയ വിദ്യാര്‍ത്ഥികളെ ലഹരിക്കേസില്‍ കുടുക്കുമെന്ന് പൊലീസ് ഉദ്യോഗസ്ഥൻ്റെ ഭീഷണി. ഇനി സമരത്തിലേക്ക് പോയാല്‍ കള്ളക്കേസ് എടുക്കുമെന്നായിരുന്നു പൊലീസ് ഉദ്യോഗസ്ഥൻ പറഞ്ഞത്. സംഭവത്തില്‍ മുംബൈ പൊലീസ് അന്വേഷണം ആരംഭിക്കുകയും നിലവിലെ ചുമതലകളില്‍ നിന്നും പൊലീസ് ഉദ്യോഗസ്ഥനെ മാറ്റുകയും ചെയ്തിട്ടുണ്ട്. വിദ്യാര്‍ത്ഥികളെ പൊലീസ് ഭീഷണിപ്പെടുത്തുന്ന വീഡിയോ ദൃശ്യങ്ങള്‍ പുറത്ത് വന്നിട്ടുണ്ട്. പിന്നാലെ ഉദ്യോഗസ്ഥനെതിരെ വന്‍തോതില്‍ വിമര്‍ശനങ്ങളാണ് സമൂഹമാധ്യമങ്ങളില്‍ ഉയര്‍ന്നത്. മൊബൈലില്‍ പകര്‍ത്തിയ ദൃശ്യം വിദ്യാര്‍ത്ഥികള്‍ പുറത്തുവിടുകയായിരുന്നു. ഇന്നലെ മുംബൈയില്‍ നടന്ന സിജെപി പ്രതിഷേധത്തിലായിരുന്നു പൊലീസ് ഉദ്യോഗസ്ഥന്റെ ഭീഷണി.

വാഹനത്തിനകത്ത് ഇരിക്കുന്ന വിദ്യാര്‍ത്ഥികളെ മുന്‍സീറ്റിലിരുന്ന പൊലീസുകാരന്‍ ഭീഷണിപ്പെടുത്തുന്നത് വീഡിയോയില്‍ വ്യക്തമാണ്. ഈ ദൃശ്യങ്ങളെല്ലാം പിന്നിലിരുന്ന വിദ്യാര്‍ത്ഥികള്‍ ഫോണില്‍ പകര്‍ത്തുകയായിരുന്നു. 'നിങ്ങളെ ഇനി ഇവിടെ കണ്ടാല്‍ നിങ്ങളുടെ ജീവിതം ഞാന്‍ തകര്‍ക്കും. നിങ്ങളുടെ ബാഗില്‍ ലഹരി മരുന്ന് നിക്ഷേപിക്കും. അതോടെ നിങ്ങളുടെ ജീവിതം തകരും', പൊലീസുകാരന്‍ വീഡിയോയില്‍ പറയുന്നു. വീഡിയോ വൈറലായതിനു പിന്നാലെ സംഭവത്തില്‍ മുംബൈ പൊലീസ് അന്വേഷണം പ്രഖ്യാപിച്ചു.

]]> വിദ്യാർഥി പ്രതിഷേധങ്ങൾ ഐക്യദാർഢ്യവുമായി സുപ്രീംകോടതി അഭിഭാഷകർ; ഭരണഘടനാ ആമുഖം ചൊല്ലി പ്രതിഷേധം https://www.sandhesam.com/Supreme-Court-lawyers-in-solidarity-with-student-protests-Protest-over-the-Preamble-to-the-Constitution https://www.sandhesam.com/Supreme-Court-lawyers-in-solidarity-with-student-protests-Protest-over-the-Preamble-to-the-Constitution Thu, 23 Jul 2026 18:01:17 +0530 Web Desk നീറ്റ് പരീക്ഷ വിവാദത്തിൽ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്‍റെ രാജി ആവശ്യപ്പെട്ട് രാജ്യ തലസ്ഥാനത്ത് നടക്കുന്ന വിദ്യാർത്ഥി പ്രക്ഷോഭത്തിൽ ഐക്യദാർഢ്യവുമായി സുപ്രീം കോടതി അഭിഭാഷകരും. സുപ്രീംകോടതി പരിസരത്ത് ഒരു വിഭാഗം അഭിഭാഷകർ ഇന്ത്യൻ ഭരണഘടനയുടെ ആമുഖം ചൊല്ലി ഐക്യദാർഢ്യം പ്രകടിപ്പിച്ചു. ഭരണഘടന ഉറപ്പുനൽകുന്ന അടിസ്ഥാന മൂല്യങ്ങളോടുള്ള പ്രതിബദ്ധത പ്രകടിപ്പിക്കാനാണ് ഈ നീക്കമെന്ന് പ്രതിഷേധത്തിൽ പങ്കെടുത്ത അഭിഭാഷകർ വ്യക്തമാക്കി.

സുപ്രീംകോടതി അഭിഭാഷകരുടെ നേതൃത്വത്തിലാണ് പരിപാടി സംഘടിപ്പിക്കപ്പെട്ടത്. ഭരണഘടനയുടെ ആമുഖം ഒരുമിച്ച് വായിച്ച ശേഷം ജനാധിപത്യം, നീതി, സ്വാതന്ത്ര്യം, സമത്വം, സാഹോദര്യം തുടങ്ങിയ ഭരണഘടനാ മൂല്യങ്ങൾ സംരക്ഷിക്കേണ്ടത് ഓരോ പൗരന്‍റെയും ഉത്തരവാദിത്തമാണെന്ന് അവർ അഭിപ്രായപ്പെട്ടു. നിലവിൽ രാജ്യത്തിന്‍റെ വിവിധ ഭാഗങ്ങളിൽ നടക്കുന്ന വിദ്യാർഥി പ്രതിഷേധങ്ങളുടെ പശ്ചാത്തലത്തിലാണ് ഈ പ്രതീകാത്മക പ്രതിഷേധം സംഘടിപ്പിച്ചതെന്നും അഭിഭാഷകർ വ്യക്തമാക്കി.

]]> 'വിദ്യാഭ്യാസ മന്ത്രി രാജി വയ്ക്കാതെ ചർച്ചയില്ല': നീറ്റ് വിഷയത്തിൽ ഉറച്ചുനിന്ന് പ്രതിപക്ഷം; സിജെപിയുമായി ചർച്ചക്ക് കേന്ദ്രം https://www.sandhesam.com/No-discussion-without-Education-Ministers-resignation%3A-Opposition-stands-firm-on-NEET-issue-Centre-to-hold-talks-with-CJP https://www.sandhesam.com/No-discussion-without-Education-Ministers-resignation%3A-Opposition-stands-firm-on-NEET-issue-Centre-to-hold-talks-with-CJP Thu, 23 Jul 2026 17:45:58 +0530 Web Desk ന്യൂഡൽഹി: കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജി വയ്ക്കാതെ പാർലമെന്റിൽ യാതൊരുവിധ ചർച്ചകൾക്കും തയ്യാറല്ലെന്ന് പ്രതിപക്ഷ പാർട്ടികൾ ഒറ്റക്കെട്ടായി തീരുമാനിച്ചു. കോൺഗ്രസ് എംപി കെ.സി.വേണുഗോപാലാണ് വ്യാഴാഴ്ച ഇക്കാര്യം മാധ്യമങ്ങളോട് അറിയിച്ചത്. പ്രതിപക്ഷത്തിന്റെ ഈ ഉറച്ച തീരുമാനം ലോക്സഭാ സ്പീക്കർ ഓം ബിർളയെ ധരിപ്പിച്ചിട്ടുണ്ടെന്നും അദ്ദേഹം വ്യക്തമാക്കി.

ആം ആദ്മി പാർട്ടി, ഡിഎംകെ എന്നിവരൊഴികെ മറ്റെല്ലാ പ്രതിപക്ഷ പാർട്ടികളും ഈ നിലപാടിനോട് പൂർണമായി യോജിച്ചിട്ടുണ്ട്. നീറ്റ് ചോദ്യപേപ്പർ ചോർച്ചാ വിവാദത്തിൽ വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് രാജ്യത്തുടനീളം വിദ്യാർത്ഥി പ്രതിഷേധങ്ങൾ അണപൊട്ടിയൊഴുകുന്നതിനിടെയാണ് പ്രതിപക്ഷം സഭയ്ക്കുള്ളിലും നിലപാട് കടുപ്പിച്ചത്.

അതെസമയം,  സിജെപിയെ വീണ്ടും ചർച്ചയ്ക്ക് വിളിച്ച് കേന്ദ്ര സർക്കാർ. ചർച്ചയ്ക്ക് സമരക്കാർ തയ്യാറാകണമെന്ന് കേന്ദ്രമന്ത്രി ജിതേന്ദ്ര സിംഗ് ആവശ്യപ്പെട്ടു. ജെപി നദ്ദയുടെ ഓഫീസിലോ വസതിയിലോ ചർച്ച നടത്താമെന്നും ചർച്ചകളിലൂടെ മാത്രമേ പ്രശ്നങ്ങൾ പരിഹരിക്കാനാകൂ എന്നും ജിതേന്ദ്ര സിംഗ് പറഞ്ഞു. സമരക്കാർ പറയുന്നിടത്ത് ചർച്ച നടത്താമെന്നും ജിതേന്ദ്ര സിം​ഗ് കൂട്ടിച്ചേർത്തു.  അമിത് ഷായും ജിതേന്ദ്ര സിം​ഗും തമ്മിൽ കൂടിക്കാഴ്ച്ച നടക്കുകയാണ്. അതിനിടെ, ദില്ലിയിൽ നിയന്ത്രണങ്ങൾ വീണ്ടും കടുപ്പിക്കുകയാണ്. കൊണാട്ട് പ്ലെയിസിലെ കെട്ടിടങ്ങൾ വൈകിട്ട് 6.30 ന് അടക്കണമെന്ന് പൊലീസ് നിർദ്ദേശം നൽകി. എൻഡിഎംസി ചെയർമാൻ്റേതാണ് നിർദ്ദേശം. സിജെപി സമരം കണക്കിലെടുത്താണ് നിയന്ത്രണം.

യാതൊരു ഉപാധികളും ഇല്ലാതെ നീറ്റ് വിഷയത്തിൽ ചർച്ചയ്ക്ക് അനുമതി നൽകണമെന്ന് പാർലമെന്ററി കാര്യ മന്ത്രി കിരൺ റിജിജു "കൈകൂപ്പി" അഭ്യർത്ഥിച്ചതിന് പിന്നാലെയായിരുന്നു സഭയ്ക്കുള്ളിൽ പ്രതിപക്ഷത്തിന്റെ ശക്തമായ പ്രതിഷേധം. ഇതിന് പുറമെ, പാർലമെന്റ് വളപ്പിലും പ്രതിപക്ഷ പാർട്ടികൾ കേന്ദ്രമന്ത്രിയുടെ രാജി ആവശ്യപ്പെട്ട് പ്രതിഷേധ പ്രകടനം നടത്തി.

നേരത്തെ, നീറ്റ് ചോദ്യപ്പേപ്പർ ചോർച്ച, പ്രതിഷേധിച്ച വിദ്യാർത്ഥികൾക്ക് നേരെയുണ്ടായ പോലീസ് നടപടി, വിദ്യാഭ്യാസ പരിഷ്കരണങ്ങൾ എന്നിവ ചർച്ച ചെയ്യുന്നതിനായി സഭാ നടപടികൾ നിർത്തിവെക്കണമെന്ന് ആവശ്യപ്പെട്ട് കോൺഗ്രസ് എം.പി രൺദീപ് സുർജേവാല രാജ്യസഭയിൽ നോട്ടീസ് നൽകിയിരുന്നു.

നീറ്റ് വിഷയം സഭയിൽ ചർച്ച ചെയ്യാൻ തയ്യാറാണെന്ന് കേന്ദ്ര സർക്കാർ ഉറപ്പുനൽകുന്നുണ്ടെങ്കിലും, രാജ്യസഭയിൽ റൂൾ 267 പ്രകാരവും ലോക്‌സഭയിൽ റൂൾ 56 പ്രകാരവും അടിയന്തര ചർച്ച വേണമെന്നാണ് കോൺഗ്രസും മറ്റ് പ്രതിപക്ഷ പാർട്ടികളും ആവശ്യപ്പെടുന്നത്.

]]> ശബരിമല സ്വര്‍ണക്കൊളള കേസ്; പി എസ് പ്രശാന്തിന്റെയും അജികുമാറിന്റെയും അറസ്റ്റ് രേഖപ്പെടുത്തി https://www.sandhesam.com/Sabarimala-gold-theft-case-Arrest-of-PS-Prashanth-and-Ajikumar-recorded https://www.sandhesam.com/Sabarimala-gold-theft-case-Arrest-of-PS-Prashanth-and-Ajikumar-recorded Thu, 23 Jul 2026 13:57:35 +0530 Web Desk തിരുവനന്തപുരം: ശബരിമല സ്വര്‍ണക്കൊളള കേസില്‍ മുന്‍ ദേവസ്വം ബോര്‍ഡ് പ്രസിഡന്റ് പി എസ് പ്രശാന്തിന്റെയും മുൻ അംഗം അജികുമാറിന്റെയും അറസ്റ്റ് രേഖപ്പെടുത്തി. എസ് പി ശശിധരന്റെ സാന്നിധ്യത്തിലാണ് അറസ്റ്റ് രേഖപ്പെടുത്തിയത്. വൈകീട്ടോടെ കോടതിയിൽ ഹാജരാക്കും. പി എസ് പ്രശാന്തിന്റെ അറസ്റ്റിന് പിന്നാലെ അജികുമാറിനെ വിളിച്ചുവരുത്തുകയായിരുന്നു. തുടർന്ന് കസ്റ്റഡിയിലെടുത്ത് ചോദ്യംചെയ്തു. സ്വകാര്യ വാഹനത്തിലാണ് അജികുമാര്‍ പൊലീസ് ക്ലബിലെത്തിയത്. അഭിഭാഷകനും സുഹൃത്തുക്കളും വാഹനത്തിലുണ്ടായിരുന്നു. എസ്പി ശശിധരന്റെ നേതൃത്വത്തിലാണ് അജികുമാറിനെയും പി എസ് പ്രശാന്തിനെയും ഒന്നിച്ചിരുത്തി ചോദ്യം ചെയ്തത്. കൊല്ലം വിജിലന്‍സ് കോടതിയിലായിരിക്കും ഇരുവരെയും ഹാജരാക്കുക.

ഇന്ന് രാവിലെ വീട്ടിലെത്തിയാണ് എസ്‌ഐടി സംഘം പ്രശാന്തിനെ കസ്റ്റഡിയില്‍ എടുത്തത്. ദ്വാരപാലക പാളികള്‍ സ്വര്‍ണം പൂശാന്‍ കൊണ്ടുപോയതുമായി ബന്ധപ്പെട്ട കേസിലാണ് നടപടി. എസ്‌ഐടി ഹൈക്കോടതിയില്‍ സമര്‍പ്പിച്ച റിപ്പോര്‍ട്ടില്‍ പി എസ് പ്രശാന്ത് ഉള്‍പ്പെടെ ഏഴ് പേരുടെ പങ്ക് സംബന്ധിച്ച് തെളിവുകള്‍ ലഭിച്ചതായി എസ്‌ഐടി അറിയിച്ചിരുന്നു. 2025-ല്‍ ദ്വാരപാലക വിഗ്രഹങ്ങള്‍ വീണ്ടും ചെന്നൈയിലേക്ക് കൊണ്ടുപോയത് 2019-ല്‍ നടന്നതായി പറയുന്ന സ്വര്‍ണ അപഹരണം മറച്ചുവെക്കാനുള്ള ഗൂഢാലോചനയുടെ ഭാഗമായിരുന്നുവെന്നാണ് ആരോപണം. ഈ നടപടിക്ക് ആവശ്യമായ ഭരണാനുമതികള്‍ നല്‍കുന്നതിലും ഫയല്‍ നടപടികളിലുമുണ്ടായ അന്നത്തെ ദേവസ്വം ബോര്‍ഡ് നേതൃത്വത്തിന്റെ പങ്ക് അന്വേഷണത്തില്‍ കണ്ടെത്തിയെന്നാണ് എസ്‌ഐടിയുടെ നിലപാട്. ഇതിന്റെ അടിസ്ഥാനത്തിലാണ് ഹൈക്കോടതി പി എസ് പ്രശാന്തിനും മുന്‍ ദേവസ്വം ബോര്‍ഡ് അംഗം എ അജികുമാറിനുമെതിരെ പുതിയ ക്രിമിനല്‍ കേസ് രജിസ്റ്റര്‍ ചെയ്യാന്‍ എസ്‌ഐടിക്ക് അനുമതി നല്‍കിയത്.

]]> മുംബൈയിൽ ഇന്ന് ഹർത്താൽ; ആളിപ്പടർന്ന് 'പാറ്റ'കളുടെ പ്രതിഷേധം,പൊലീസ് വാൻ ഒറ്റയ്ക്ക് തടഞ്ഞ് യുവതി..വൈറൽ വീഡിയോ https://www.sandhesam.com/Hartal-in-Mumbai-today-Protest-by-cockroaches-erupts%2C-student-single-handedly-blocks-police-van https://www.sandhesam.com/Hartal-in-Mumbai-today-Protest-by-cockroaches-erupts%2C-student-single-handedly-blocks-police-van Thu, 23 Jul 2026 13:48:54 +0530 Web Desk മുംബൈ: നീറ്റ് പ്രതിഷേധങ്ങളുടെ പശ്ചാത്തലത്തിൽ മുംബൈയിൽ ഇന്ന് മുതൽ 15 ദിവസത്തേക്ക് നിരോധനാജ്ഞ. ഇന്ന് മുതൽ ഓഗസ്റ്റ് 6 വരെയാണ് നിരോധനാജ്ഞ. ദില്ലിയിൽ ജന്തർ മന്തറിലും പാർലമെന്റിന് പുറത്തും സിജെപിയുടെ നേതൃത്വത്തിൽ നടക്കുന്ന സമരവും നീറ്റ് പ്രതിഷേധവും മുംബൈ നഗരത്തിലേക്കും വ്യാപിപ്പിച്ചതോടെയാണ് മുംബൈയിൽ നിരോധനാജ്ഞ പ്രഖ്യാപിച്ചത്. അതേസമയം പാർലിമെന്റ് മാർച്ചിൽ വിദ്യാർഥികളെ മർദിച്ചതിൽ പ്രതിഷേധിച്ച് വഞ്ചിത് ബ്ഹുജൻ അഖാഡി പ്രഖ്യാപിച്ച ഹർത്താൽ സംസ്ഥാനത്ത് തുടങ്ങി. കഴിഞ്ഞ ദിവസം സംസ്ഥാനത്ത് വിവിധയിടങ്ങളിൽ വിദ്യാഭ്യാസ മന്ത്രി ധർമേന്ദ്ര പ്രധാൻ്റെ രാജി ആവശ്യപ്പെട്ട് പ്രതിഷേധ പരിപാടികൾ നടന്നിരുന്നു.

സിജെപി  പ്രതിഷേധത്തിനിടെ "ടിയാൻമെൻ സ്ക്വയർ" നിമിഷം പിറക്കുകയുണ്ടായി. പേപ്പർ ചോർച്ചയ്‌ക്കെതിരായ പ്രതിഷേധം മുംബൈയെ പിടിച്ചുലച്ചപ്പോൾ റിയ അഹിർ എന്ന യുവതി ഒരു പോലീസ് വാനിന് മുന്നിൽ നിന്നു തടഞ്ഞു. വാനിലുണ്ടായിരുന്ന പ്രതിഷേധക്കാരെ തുറന്നു വിടുന്നത് വരെ റിയ ഒറ്റയ്ക്ക് വാൻ മപന്നോട്ട് എടുക്കാൻ അനുവദിച്ചില്ല.

അതേസമയം നീറ്റ് ഉൾപ്പെടെയുള്ള വിവിധ മത്സരപരീക്ഷകളിലെ ക്രമക്കേടുകൾക്കെതിരെ കോക്ക്റോച്ച് ജനതാ പാർട്ടി നടത്തുന്ന പ്രക്ഷോഭം ദില്ലിയിൽ കൂടുതൽ കരുത്താർജ്ജിക്കുകയാണ്. ജന്തർമന്തറിൽ സമരം തുടരുന്ന പ്രക്ഷോഭകരുമായി ചർച്ച നടത്താൻ കേന്ദ്ര സർക്കാർ ശ്രമങ്ങൾ ആരംഭിച്ചിട്ടുണ്ട്. എന്നാൽ, കഴിഞ്ഞ ദിവസം നടന്ന ശക്തമായ സംഘർഷങ്ങളുടെ പശ്ചാത്തലത്തിൽ സമരവേദിക്കും പരിസരപ്രദേശങ്ങൾക്കും ചുറ്റും കൂടുതൽ പൊലീസിനെ വിന്യസിക്കാൻ അധികൃതർ തീരുമാനിച്ചു. ഇതിന്റെ ഭാഗമായി തലസ്ഥാനത്ത് ഇന്നും കടുത്ത ഗതാഗത-സുരക്ഷാ നിയന്ത്രണങ്ങൾ തുടരുകയാണ്

]]> പ്രതിഷേധക്കാരിയുടെ മുഖത്തടിച്ച പൊലീസ് ഉദ്യോഗസ്ഥനെ ജന്തര്‍മന്തര്‍ ഡ്യൂട്ടിയില്‍ നിന്നും മാറ്റി;അമിത് ഷായുടെ യൂണിഫോം ഇട്ട ഗുണ്ടയെന്ന് കെ.സി https://www.sandhesam.com/Police-officer-who-slapped-protester-in-the-face-removed-from-Jantar-Mantar-duty-KC-calls-him-a-goon-wearing-Amit-Shahs-uniform https://www.sandhesam.com/Police-officer-who-slapped-protester-in-the-face-removed-from-Jantar-Mantar-duty-KC-calls-him-a-goon-wearing-Amit-Shahs-uniform Thu, 23 Jul 2026 13:26:47 +0530 Web Desk ന്യൂഡല്‍ഹി: കോക്രോച്ച് ജനതാ പാര്‍ട്ടിയുടെ പാര്‍ലമെന്റ് മാര്‍ച്ചിനിടെ പ്രതിഷേധക്കാരിയുടെ മുഖത്തടിച്ച പൊലീസ് ഉദ്യോഗസ്ഥനെ ജന്തര്‍മന്തര്‍ ഡ്യൂട്ടിയില്‍ നിന്നും മാറ്റി. അഡീഷണല്‍ ഡെപ്യൂട്ടി കമ്മീഷണര്‍ സന്ദീപ് ലാംബയെയാണ് ജന്തര്‍മന്തര്‍ ഡ്യൂട്ടിയില്‍ നിന്നും നീക്കിയത്. സ്റ്റേഷന്‍ ചുമതലയിലേക്ക് തിരിച്ചുകയറാന്‍ ലാംബയ്ക്ക് നിര്‍ദേശം നല്‍കി. യുവതിയുടെ മുഖത്തടിച്ച നടപടിയില്‍ സന്ദീപ് ലാംബയ്‌ക്കെതിരെ കടുത്ത വിമര്‍ശനം ഉയരുമ്പോഴും പൊലീസ് പരസ്യപ്രതികരണത്തിന് തയ്യാറായിരുന്നില്ല.

ഇതേ ഉദ്യോഗസ്ഥനാണ് വിദ്യാഭ്യാസ വിദഗ്ധയും സോനം വാങ്ചുക്കിന്റെ ഭാര്യയുമായ ഗീതാഞ്ജലി വാങ്ചുക്കിനെ അടിക്കാന്‍ ട്രക്കിന് മുകളില്‍ കയറിയതെന്നും പിന്നീട് അവരുടെ മുടിപിടിച്ച് വലിച്ചിഴച്ചതെന്നും കോക്രോച്ച് ജനതാപാര്‍ട്ടി സ്ഥാപകന്‍ അഭിജീത് ദീപ്‌കെ ആരോപിച്ചിരുന്നു. പൊലീസ് സേനയില്‍ തുടരാന്‍ ഇയാള്‍ മാനസികമായി യോജിച്ചയാളല്ലെന്നും അഭിജീത് ദീപ്‌കെ പ്രതികരിച്ചിരുന്നു.

സന്ദീപ് ലാംബയ്‌ക്കെതിരെ രൂക്ഷവിമര്‍ശനവുമായി തൃണമൂല്‍ കോണ്‍ഗ്രസ് എംപി മെഹുവ മൊയിത്രയും രംഗത്തെത്തി. 'തൊഴില്‍ മാത്രമല്ല അയാള്‍ ചെയ്യുന്നത്. ഇത്തരം ക്രൂരന്മാരെ തിരിച്ചറിഞ്ഞ് പരസ്യമായി അപമാനിക്കുകയും സാമൂഹികമായി ബഹിഷ്‌കരിക്കുകയും ചെയ്തുവെന്ന് ഉറപ്പാക്കുകയും നിയമ നടപടിക്ക് വിധേയരാക്കുകയും വേണം. ഇതില്‍ ആദ്യത്തെയാള്‍ സന്ദീപ് ലാംബയാണ്', എന്നായിരുന്നു പ്രതികരണം. അമിത് ഷായുടെ യൂണിഫോം ഇട്ട ഗുണ്ടകളുടെ യഥാര്‍ത്ഥ മുഖമാണ് ഇതെന്ന് എഐസിസി ജനറല്‍ സെക്രട്ടറി കെ സി വേണുഗോപാലും പ്രതികരിച്ചു.

]]> അതിവേഗ കോടതികൾ പ്രഖ്യാപിച്ച് പ്രധാനമന്ത്രി; പ്രതിഷേധം കടുപ്പിച്ച് പ്രതിപക്ഷവും വിദ്യാർത്ഥികളും https://www.sandhesam.com/Prime-Minister-announces-fast-track-courts-Opposition-and-students-steps-up-protests https://www.sandhesam.com/Prime-Minister-announces-fast-track-courts-Opposition-and-students-steps-up-protests Thu, 23 Jul 2026 13:07:42 +0530 Web Desk ന്യൂഡൽഹി: രാജ്യത്തുടനീളം ചോദ്യക്കടലാസ് ചോർച്ച കേസുകളിൽ വേഗത്തിൽ നീതി ഉറപ്പാക്കുന്നതിനായി അതിവേഗ കോടതികൾ സ്ഥാപിക്കുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചു. കോക്രോച്ച് ജനതാ പാർട്ടി (സിജെപി) യുടെ നേതൃത്വത്തിലും ആം ആദ്മി പാർട്ടി, കോൺഗ്രസ്, ശിവസേന (യു.ബി.ടി) തുടങ്ങിയ പ്രതിപക്ഷ പാർട്ടികളുടെ പിന്തുണയോടെയും രാജ്യത്ത് വൻ പ്രതിഷേധങ്ങൾ അരങ്ങേറുന്നതിനിടെയാണ് പ്രധാനമന്ത്രിയുടെ ഈ നിർണായക പ്രഖ്യാപനം. ജൂലൈ 20-ന് സിജെപി നടത്തിയ സംസദ് മാർച്ചിനു ശേഷം ഇതാദ്യമായാണ് പ്രധാനമന്ത്രി ഈ വിഷയത്തിൽ പരസ്യ പ്രതികരണം നടത്തുന്നത്.

"നമ്മുടെ യുവാക്കളുടെ ക്ഷേമത്തിനും ഭാവിക്കും ഉപരിയായി ഒന്നുമില്ല! ചോദ്യക്കടലാസ് ചോർച്ചയിൽ ഉൾപ്പെട്ടവർക്ക് വേഗത്തിലും കർശനവുമായ ശിക്ഷ ഉറപ്പാക്കാൻ അതിവേഗ കോടതികൾ സ്ഥാപിക്കാൻ ഞങ്ങൾ തീരുമാനിച്ചു. ഇതുമായി ബന്ധപ്പെട്ട് ആവശ്യമായ എല്ലാ നടപടികളും സ്വീകരിക്കാൻ ബന്ധപ്പെട്ട അധികാരികൾക്കും ഉദ്യോഗസ്ഥർക്കും നിർദേശം നൽകിയിട്ടുണ്ട്. വിദ്യാർത്ഥികളുടെ താൽപ്പര്യങ്ങൾ സംരക്ഷിക്കുന്നതിനുള്ള ഞങ്ങളുടെ നടപടികളുടെ തുടർച്ചയാണിത്. യുവാക്കളുടെ ഭാവി തകർക്കാൻ ശ്രമിക്കുന്നവരോട് ഒരു കാരണവശാലും ദയ കാണിക്കില്ല," പ്രധാനമന്ത്രി എക്സിൽ കുറിച്ചു.

 പ്രധാനമന്ത്രിയുടെ പ്രഖ്യാപനത്തിന് പിന്നാലെ, 'ധർമ്മേന്ദ്ര പ്രധാൻ രാജി വെക്കണം' എന്ന ഒറ്റവാചക പ്രതികരണമാണ് സിജെപി നടത്തിയത്.യുവാക്കളുടെ ഭാവിയെ തകർത്തത് മോദിയാണെന്ന് രാഹുൽ ട്വീറ്റ് ചെയ്തു. വിദ്യാഭ്യാസ മന്ത്രി ധർമേന്ദ്ര പ്രധാനെ പുറത്താക്കണമെന്നും വിദ്യാർത്ഥികളോട് ക്ഷമ ചോദിക്കണമെന്നും അവരെ ആക്രമിച്ചവർക്കെതിരെ നടപടിയെടുക്കണമെന്നും അദ്ദേഹം ആവശ്യപ്പെട്ടു. വിദ്യാർഥികളുടെ ഈ ആവശ്യങ്ങൾ വ്യക്തമെന്നും രാഹുൽ പറഞ്ഞു. 

പാർലമെൻറ് കവാടത്തിൽ ഭരണപക്ഷവും പ്രതിപക്ഷവും നേർക്കുനേർ മുദ്രാവാക്യം വിളിച്ചു. പ്രധാന്റെ രാജി ഇല്ലാതെ ചർച്ച വേണ്ടെന്ന് കെ.സി. വേണുഗോപാൽ പറഞ്ഞു. ഫാസ്റ്റ് ട്രാക്ക് കോടതി ഇപ്പോഴാണോ ആലോചിക്കുന്നതെന്ന് കെ.സി ചോദിച്ചു. സോണിയ ഗാന്ധിയും പങ്കെടുത്തു. എംപിമാർക്കിടയിൽ ഉന്തും തള്ളുമുണ്ടായി. സുരക്ഷ ഉദ്യോഗസ്ഥർ ഇടയിൽ നിന്ന് സംഘർഷം ഒഴിവാക്കി.

]]> മുഖ്യമന്ത്രി പറഞ്ഞത് കള്ളം, ബിജെപി നിലപാടിന് തുല്യം; വഖഫിലും ടാറ്റയുടെ നിക്ഷേപത്തിലുമുള്ള മുഖ്യമന്ത്രിയുടെ വാദങ്ങൾ തള്ളി പി.രാജീവ് https://www.sandhesam.com/What-the-Chief-Minister-said-was-a-lie%2C-equal-to-the-BJPs-stance-P.-Rajiv-rejects-the-Chief-Ministers-arguments-on-Waqf-and-Tatas-investment https://www.sandhesam.com/What-the-Chief-Minister-said-was-a-lie%2C-equal-to-the-BJPs-stance-P.-Rajiv-rejects-the-Chief-Ministers-arguments-on-Waqf-and-Tatas-investment Wed, 22 Jul 2026 17:51:23 +0530 Web Desk തിരുവനന്തപുരം: വഖഫ് ബോർഡ് പുനഃസംഘടനയുമായി ബന്ധപ്പെട്ട് മുഖ്യമന്ത്രി വി ഡി സതീശൻ ഉന്നയിച്ച വാദങ്ങൾ തള്ളി സി പി എം. അമുസ്ലിം അംഗങ്ങളെ ഉൾപ്പെടുത്തുന്ന കാര്യത്തിൽ മുഖ്യമന്ത്രി കള്ളം പറയുകയാണെന്നും ഈ വിഷയത്തിൽ അദ്ദേഹം ബി ജെ പി നിലപാടാണ് സ്വീകരിക്കുന്നതെന്നും മുൻ  വ്യവസായ മന്ത്രിയും സി പി എം കേന്ദ്ര കമ്മിറ്റി അംഗവുമായ പി രാജീവ് ആരോപിച്ചു. നിലവിൽ വഖഫ് ബോർഡിലെ രണ്ട് ഒഴിവുകൾ സുപ്രീം കോടതിയുടെ പരിഗണനയിലുള്ളതിനാലാണ് കഴിഞ്ഞ എൽ ഡി എഫ് സർക്കാർ ഒഴിച്ചിട്ടത്. അല്ലാതെ അമുസ്ലിം അംഗങ്ങൾക്കാണെന്ന് എവിടെയും പറഞ്ഞിട്ടില്ലെന്നും അദ്ദേഹം വ്യക്തമാക്കി. ടാറ്റ പ്രതിനിധികളുമായുള്ള കൂടിക്കാഴ്ചയിലും മുഖ്യമന്ത്രി അസത്യം പ്രചരിപ്പിക്കുകയാണെന്നും, ടാറ്റയുമായി എൽ ഡി എഫ് സർക്കാർ നേരത്തെ തന്നെ ധാരണയിലെത്തിയിരുന്നതാണെന്നും മുൻ വ്യവസായ മന്ത്രി കൂട്ടിച്ചേർത്തു.

വഖഫ് ബോർഡിൽ അമുസ്ലിം അംഗങ്ങളെ ഉൾപ്പെടുത്തേണ്ടി വരുമെന്ന നിലപാട് നേരത്തെ മുഖ്യമന്ത്രി വി ഡി സതീശനും സംസ്ഥാന സർക്കാരും വ്യക്തമാക്കിയിരുന്നു. ബോർഡ് പുനസംഘടന നടത്തുമ്പോൾ അമുസ്ലിം അംഗങ്ങളെ ഉൾപ്പെടുത്താം എന്ന് സർക്കാർ കോടതിയെ അറിയിച്ചു. വഖഫ് ബോഡിന്റെ പ്രവർത്തനം മരവിപ്പിച്ചതുമായി ബന്ധപ്പെട്ട കേസിലാണ് ബോർഡ് പുനസംഘടിപ്പിക്കുമ്പോൾ ആനുപാതികമായി ഇതര സമുദായിക്കാരെ ഉൾപ്പെടുത്താമെന്ന് അറിയിച്ചത്. എന്നാൽ നിലവിലുള്ള ബോർഡിൽ ഇവരെ രണ്ടുപേരെ ഉൾപ്പെടുത്തുന്നതിന് പകരം പൂർണ്ണ പുനസംഘടനയാണ് ഉദ്ദേശിക്കുന്നത്. ഇക്കാര്യത്തിൽ സത്യവാങ്മൂലം നൽകാൻ കോടതി സർക്കാരിനോട് നിർദ്ദേശിച്ചു. പുതുക്കിയ കേന്ദ്ര നിയമം പാലിക്കേണ്ടി വരുമെന്നും അതിന് വഴിയൊരുക്കിയത് പിണറായി സർക്കാർ ആണെന്നും മുഖ്യമന്ത്രി വി ഡി സതീശൻ വിശദീകരിച്ചു.

ടാറ്റ ഗ്രൂപ്പ് കേരളത്തിൽ കപ്പൽശാല നിർമാണത്തിനായി വൻ നിക്ഷേപം നടത്തും എന്ന നുണക്കഥ പൊളിഞ്ഞതിനു പിന്നാലെ മുഖ്യമന്ത്രി വിഡി സതീശൻ നടത്തിയ വാർത്താ സമ്മേളനത്തിലെ വാദങ്ങളേയും പിരാജീവ്  വിമർശിച്ചു.   നേരത്തെ നടത്തിയ നുണപ്രചാരണത്തിന് പിന്നാലെ മുഖ്യമന്ത്രി ഇന്ന് നടത്തിയ വാർത്ത സമ്മേളനവും വസ്തുതാ വിരുദ്ധം ആയിരുന്നെന്ന് അദ്ദേഹം പറഞ്ഞു.

മുഖ്യമന്ത്രിയെ കണ്ടത് ടാറ്റയുടെ പ്രതിനിധിയയല്ല എന്ന് പറഞ്ഞ പി രാജീവ്, ടാറ്റയുടെ ഷെയർ ഉള്ള സബ്ഡിയറി കമ്പനിയുടെ പ്രതിനിധിയാണ് മുഖ്യമന്ത്രിയെ കണ്ടത് എന്നും വിശദീകരിച്ചു. കഴിഞ്ഞ സർക്കാരിന്റെ കാലത്ത് ആ സബ്ഡിയറി കമ്പനിയുമായി എം.ഓ.യൂ. ഒപ്പിട്ടിരുന്നു എന്നും അദ്ദേഹം അറിയിച്ചു.മുഖ്യമന്ത്രി ടാറ്റയുമായി നടത്തിയ പ്രസ്താവനയും വസ്തുതാ വിരുദ്ധം ആണെന്നും ടാറ്റയെ സംശയത്തിന്റെ നിഴലിൽ നിർത്താൻ മുഖ്യമന്ത്രി ശ്രമിക്കില്ല എന്ന് കരുതിയിരുന്നെന്നും പി രാജീവ് മാധ്യമങ്ങളോട് പറഞ്ഞു.

]]> 'വിദ്യാർത്ഥികൾ എന്ത് ചെയ്തു? അവരുടെ ഭാവി തകർക്കുന്നു'; 'പ്രധാനമന്ത്രി മാപ്പ് പറയണം, ധർമ്മേന്ദ്ര പ്രധാൻ രാജിവയ്ക്കാതെ പിന്മാറില്ല'-രാഹുൽ ഗാന്ധി https://www.sandhesam.com/our-education-system%2C-which-was-known-to-be-one-of-the-best-education-systems-in-the-world%2C-is-today-a-rigged-system%3A-raga https://www.sandhesam.com/our-education-system%2C-which-was-known-to-be-one-of-the-best-education-systems-in-the-world%2C-is-today-a-rigged-system%3A-raga Wed, 22 Jul 2026 17:21:45 +0530 Web Desk പ്രധാനമന്ത്രിയുടെ വസതിക്ക് മുന്നിൽ നടത്തിയ പ്രതിഷേധത്തിലടക്കം വിശദീകരണവുമായി കേന്ദ്ര സർക്കാരിനെ കടന്നാക്രമിച്ച് പ്രതിപക്ഷ നേതാവ് രാഹുൽ ഗാന്ധി. രാജ്യത്തെ വിദ്യാഭ്യാസ സമ്പ്രദായത്തെ പൂർണ്ണമായി തകർക്കുന്ന നയങ്ങളാണ് കേന്ദ്ര സർക്കാർ സ്വീകരിക്കുന്നതെന്ന് വിമർശിച്ച രാഹുൽ ഗാന്ധി, തിങ്കളാഴ്ച സി ജെ പി പ്രതിഷേധത്തിനിടെ വിദ്യാർത്ഥികൾക്ക് നേരെ നടന്ന ക്രൂരമായ ലാത്തിച്ചാർജിന്റെയും പൊലീസ് അതിക്രമച്ചിന്‍റെയും ദൃശ്യങ്ങൾ പ്രദർശിപ്പിച്ചുകൊണ്ട് വാർത്താ സമ്മേളനം നടത്തി. രാജ്യത്തെ വിദ്യാർഥികൾ ചെയ്ത തെറ്റെന്താണെന്ന് ചോദിച്ച പ്രതിപക്ഷ നേതാവ്, തങ്ങളുടെ പരാതികൾ കേൾക്കണമെന്ന് മാത്രമാണ് വിദ്യാർത്ഥികൾ ആവശ്യപ്പെട്ടതെന്നും ചൂണ്ടിക്കാട്ടി. ലോക പ്രശസ്തമായിരുന്ന ഇന്ത്യൻ വിദ്യാഭ്യാസ സമ്പ്രദായം ഇന്ന് പൂർണ്ണമായും സങ്കീർണ്ണവും അഴിമതി നിറഞ്ഞതുമായി മാറിയിരിക്കുകയാണെന്നും കോൺഗ്രസ് ആസ്ഥാനത്ത് നടത്തിയ വാർത്താ സമ്മേളനത്തിൽ രാഹുൽ കുറ്റപ്പെടുത്തി.

'രാജ്യത്തെ വിദ്യാഭ്യാസ സംവിധാനം തകര്‍ന്നു. 152 ചോദ്യപേപ്പര്‍ ചോര്‍ച്ച കഴിഞ്ഞ 10 വര്‍ഷത്തില്‍ നടന്നു. 7.5 കോടി കുട്ടികളെ ഇത് ബാധിച്ചു. ഒരാളെയും ശിക്ഷിച്ചില്ല. വിദ്യാര്‍ത്ഥികളുടെ ഭാവി തകര്‍ക്കുന്നു. ഇതാണ് യുവാക്കള്‍ പ്രതിഷേധിക്കാന്‍ കാരണം', രാഹുല്‍ ഗാന്ധി പറഞ്ഞു.

മധ്യവര്‍ഗ, ദരിദ്രകുടുംബങ്ങളെയാണ് ഇത് ബാധിച്ചതെന്നും രാഹുല്‍ ഗാന്ധി കൂട്ടിച്ചേര്‍ത്തു. അവരുടെ കുട്ടികളാണ് ഇരകളെന്നും സര്‍ക്കാര്‍ അനങ്ങുന്നില്ലെന്നും അദ്ദേഹം ചൂണ്ടിക്കാട്ടി. 1.32 ലക്ഷം കോടിയാണ് ഒരു വര്‍ഷം നീറ്റ് തയ്യാറെടുപ്പിന് രാജ്യത്തെ കുട്ടികള്‍ ചെലവാക്കുന്നത്. 1.4 ലക്ഷം കോടിയാണ് രാജ്യത്തിന്റെ വിദ്യാഭ്യാസ ബജറ്റ്. ഇന്ത്യയിലെ യുവാക്കള്‍ക്ക് ഭാവി ഇല്ല. സര്‍ക്കാര്‍ ജോലി മാത്രമാണ് യുവാക്കള്‍ക്ക് ആശ്വാസമെന്നും അദ്ദേഹം പറഞ്ഞു.

]]> 'ആരുടെയും ഓഫീസിലോ വീട്ടിലോ ചർച്ചക്ക് പോകില്ല';നിഷ്പക്ഷമായ വേദിയിൽ മാത്രമേ ചർച്ച നടത്തൂ-സിജെപി https://www.sandhesam.com/Will-not-go-to-anyones-office-or-home-for-discussions-Discussions-will-be-held-only-at-a-neutral-venue---CJP https://www.sandhesam.com/Will-not-go-to-anyones-office-or-home-for-discussions-Discussions-will-be-held-only-at-a-neutral-venue---CJP Wed, 22 Jul 2026 16:39:09 +0530 Web Desk സിജെപി- കേന്ദ്രസർക്കാർ ചർച്ചക്ക് സാധ്യത മങ്ങുന്നു. ആരുടെയും ഓഫീസിലോ വീട്ടിലോ ചർച്ചക്ക് പോകില്ലെന്ന് സിജെപി വക്താക്കൾ അറിയിച്ചു. കഴിഞ്ഞ തവണ ചർച്ചയ്ക്ക് പോയപ്പോൾ പൊലീസ് സമരക്കാരെ ആക്രമിച്ചു. അത് ആവർത്തിക്കാൻ അനുവദിക്കില്ല. ചർച്ചയ്ക്ക് സാധ്യത ഇല്ലെന്നും സൗരവ് ദാസ് വ്യക്തമാക്കി. ചർച്ചക്കായി കോൺസ്റ്റിറ്റ്യൂഷൻ ക്ലബ് വേദി നിർദേശിച്ചു. എന്നാൽ കേന്ദ്രം തയാറല്ല.നിഷ്പക്ഷമായ വേദിയിൽ മാത്രമേ ചർച്ച നടത്തൂവെന്നും അദ്ദേഹം പറഞ്ഞു.

അതേസമയം, പ്രതിപക്ഷ പ്രതിഷേധത്തിനൊടുവില്‍ നീറ്റ് ക്രമക്കേടില്‍ പാർലമെന്‍റിൽ ചര്‍ച്ചക്ക് തയ്യാറായി കേന്ദ്ര സര്‍ക്കാര്‍ രം​ഗത്തെത്തി. എപ്പോള്‍ വേണമെങ്കിലും ചര്‍ച്ച നടത്താന്‍ സന്നദ്ധമാണ് ലോക് സഭ സ്പീക്കര്‍ ഓംബിര്‍ലയും പാര്‍ലമെന്‍ററി കാര്യമന്ത്രി കിരണ്‍ റിജിജുവും വ്യക്തമാക്കി. പാര്‍ലമെന്‍റിനകത്തും പുറത്തും ശക്തമാകുന്ന പ്രതിഷേധങ്ങള്‍ക്കൊടുവിലാണ് കേന്ദ്രം ചർച്ചക്ക് സന്നദ്ധത അറിയിച്ചത്. എന്നാൽ വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്‍ രാജി വയ്ക്കും വരെ പ്രതിഷേധം തുടരുമെന്ന് കോണ്‍ഗ്രസും പ്രതിഷേധവും നിലപാട് കടുപ്പിച്ചു. മന്ത്രി സ്ഥാനത്ത് ധര്‍മ്മേന്ദ്ര പ്രധാന്‍ തുടരുന്ന സാഹചര്യത്തിൽ ചർച്ചക്ക് പ്രസക്തിയില്ലെന്ന നിലപാടിലാണ് പ്രതിപക്ഷം.

]]> വാടിപ്പോകില്ല, മാസങ്ങളോളം ഫ്രഷായിരിക്കും; കറിവേപ്പില ഇനി ഇങ്ങനെ സൂക്ഷിക്കാം https://www.sandhesam.com/This-is-how-you-can-store-curry-leaves-so-they-wont-wilt-and-stay-fresh-for-months https://www.sandhesam.com/This-is-how-you-can-store-curry-leaves-so-they-wont-wilt-and-stay-fresh-for-months Wed, 22 Jul 2026 15:19:58 +0530 Web Desk ഫ്രിഡ്ജിൽ വെച്ചാലും വളരെ വേഗം കേടാകുന്ന കറിവേപ്പില പച്ചപ്പും ഗുണവും ഒട്ടും ചോർന്നുപോകാതെ, കൂടുതൽ കാലം ഫ്രഷ് ആയി സൂക്ഷിക്കാൻ കഴിയും.കറിവേപ്പില കിട്ടിയാൽ ഉടൻ നന്നായി കഴുകി വൃത്തിയാക്കാൻ മറക്കരുത്. വെള്ളത്തിൽ കഴുകി ടിഷ്യൂ പേപ്പറിലോ കോട്ടൺ തുണിയിലോ വച്ച് ഈർപ്പം കളയാം.

ഒട്ടും നനവില്ലാതെ വേണം കറിവേപ്പില സൂക്ഷിക്കാൻ. ചെറിയ ഈർപ്പം പോലും ഇലകൾ അഴുന്നതിനു കാരണമാകും.വായു സഞ്ചാരമില്ലാത്ത പാത്രത്തിലേയ്ക്ക് ഇതു മാറ്റി അല്ലെങ്കിൽ ഒരു സിപ്പ് കവറിലിട്ട് സൂക്ഷിക്കാം.ഇലകൾ വേർപെടുത്താതെ തണ്ടോടു കൂടി വച്ചാൽ കറിവേപ്പില ഏറെനാൾ കേടുകൂടാതിരിക്കും.വിദേശത്തേയ്ക്കു മറ്റും പോകുന്നവർ ചെയ്യുന്ന പൊടിക്കൈയാണ് കറിവേപ്പില ഉണക്കിപൊടിച്ചു വയ്ക്കുന്നത്. നല്ല വെയിലത്തു വച്ച് ഉണക്കിയെടുത്ത കറിവേപ്പില പൊടിച്ച് ഈർപ്പമോ വായുവോ കടക്കാത്ത പാത്രത്തിലാക്കി സൂക്ഷിക്കാം.

]]> വഖഫ് ബോര്‍ഡ് സര്‍ക്കാരിന് പുനഃസംഘടിപ്പിക്കാം, ഇടക്കാലത്തേയ്ക്ക് അമുസ്ലീങ്ങളെ സര്‍ക്കാരിന് നിയമിക്കാമെന്നും ഹൈക്കോടതി https://www.sandhesam.com/The-government-can-reorganize-the-Waqf-Board-and-appoint-non-Muslims-in-the-interim%3A-High-Court https://www.sandhesam.com/The-government-can-reorganize-the-Waqf-Board-and-appoint-non-Muslims-in-the-interim%3A-High-Court Wed, 22 Jul 2026 14:37:07 +0530 Web Desk

കൊച്ചി: വഖഫ് ബോര്‍ഡ് സര്‍ക്കാരിന് പുനഃസംഘടിപ്പിക്കാമെന്ന് ഹൈക്കോടതി. ജുഡീഷ്യല്‍ സിറ്റിങ് നടത്തുന്നതിന് ബോര്‍ഡിന് വിലക്കില്ലെന്നും ഹൈക്കോടതി വ്യക്തമാക്കി. ബോര്‍ഡ് രൂപീകരണത്തില്‍ പിഴവുണ്ടോയെന്ന് സര്‍ക്കാര്‍ പരിശോധിക്കണം. വഖഫ് ബോര്‍ഡ് പുനഃസംഘടിപ്പിക്കുന്നതില്‍ ഇടപെടുന്നില്ലെന്നും കോടതി വ്യക്തമാക്കി. ബോര്‍ഡിന്റെ പ്രവര്‍ത്തനം തടസ്സമില്ലാതെ തുടരുന്നതിനായി, നിയമപരമായി വ്യവസ്ഥ ചെയ്തിട്ടുള്ള അമുസ്ലീംങ്ങളെ ഇടക്കാലത്തേയ്ക്ക് സര്‍ക്കാരിന് നിയമിക്കാമെന്നും കോടതി ചൂണ്ടിക്കാട്ടി.

നിലവിലുള്ള അംഗങ്ങളെ മാറ്റണമോ എന്നത് സർക്കാരിന് തീരുമാനിക്കാം. ഇക്കാര്യത്തിൽ കോടതി അഭിപ്രായ പ്രകടനത്തിനില്ല. ബോർഡ് പുനസംഘടിപ്പിക്കുകയാണെന്നാണല്ലോ സർക്കാർ അറിയിച്ചിട്ടുള്ളത്. അത് വേണ്ടെന്ന് ആരും പറഞ്ഞിട്ടില്ല. പുനസംഘടനയുമായി സർക്കാരിന് മുന്നോട്ടു പോകാം. അതിനു സമയമെടുത്തേക്കാം. എന്നാൽ ബോർഡിൽ നിലവിൽ അമുസ്ലിം അംഗങ്ങളില്ലെന്നത് വസ്തുതയാണ്. ഇത് പരിഹിക്കാൻ താത്ക്കാലികമായി നിയമനം നടത്താം. നിലവിലുള്ള ബോർഡിൽ യോഗ്യതയില്ലാത്തവരുണ്ടെന്ന നിരീക്ഷണം സർക്കാരിന് ഉണ്ടെങ്കിൽ അതനുസരിച്ച് പ്രവർത്തിക്കാം. എന്നാൽ നിലവിൽ അമുസ്ലിം അംഗങ്ങളെ നിയമിച്ചാൽ മാത്രമെ ബോർഡിന് പ്രവർത്തിക്കാനാകൂ എന്ന അവസ്ഥയാണെന്നും ഇത് പരിഹരിക്കേണ്ട വിഷയമാണെന്നും കോടതി പറഞ്ഞു.

മുസ്ലീം ഇതര വ്യക്തികളെ ഉള്‍പ്പെടുത്താത്തതിനെ ചോദ്യം ചെയ്തുകൊണ്ട് സംസ്ഥാന വഖഫ് ബോര്‍ഡിന്റെ രൂപീകരണത്തിനെതിരെ സമര്‍പ്പിച്ച നാല് പൊതുതാല്‍പ്പര്യ ഹര്‍ജികള്‍ പരിഗണിക്കവേയാണ് ചീഫ് ജസ്റ്റിസ് സൗമന്‍ സെന്‍, ജസ്റ്റിസ് ശ്യാം കുമാര്‍ വി.എം. എന്നിവരടങ്ങിയ ഡിവിഷന്‍ ബെഞ്ച് ഈ വാക്കാല്‍ നിരീക്ഷണം നടത്തിയത്. നിലവിലുള്ള അംഗങ്ങളെ നീക്കം ചെയ്യാന്‍ തങ്ങള്‍ക്ക് നിര്‍ദ്ദേശിക്കാന്‍ കഴിയില്ലെന്നും ബെഞ്ച് വ്യക്തമാക്കി.

കഴിഞ്ഞ സര്‍ക്കാര്‍ 11 അംഗ വഖഫ് ബോര്‍ഡില്‍ ഒമ്പത് അംഗങ്ങളെയാണ് നിയമിച്ചത്. വഖഫ് ഭേദഗതി നിയമപ്രകാരം രണ്ട് അംഗങ്ങള്‍ ഇതര മതസ്ഥരായിരിക്കണം. ഇത് ഒഴിച്ചിട്ടാണ് കഴിഞ്ഞ സര്‍ക്കാര്‍ ബോര്‍ഡ് രൂപീകരിച്ചത്. ഈ രണ്ട് അംഗങ്ങളുടെ നിയമനം എന്തിനാണ് വൈകിപ്പിക്കുന്നത് എന്നും ഹൈക്കോടതി ചോദിച്ചു.

വഖഫ് ബോര്‍ഡില്‍ അമുസ്ലീം അംഗങ്ങളില്ലെന്ന് ചൂണ്ടിക്കാട്ടി സമര്‍പ്പിച്ച ഹര്‍ജി പരിഗണിച്ച ഹൈക്കോടതി നേരത്തെ വഖഫ് ബോര്‍ഡ് പ്രവര്‍ത്തനത്തിന് നിയന്ത്രണം ഏര്‍പ്പെടുത്തിയിരുന്നു. എന്നാല്‍ വഖഫ് ബോര്‍ഡിന്റെ ദൈനംദിന പ്രവര്‍ത്തനങ്ങള്‍ സംസ്ഥാന സര്‍ക്കാരിന്റെ ജോയിന്റ് സെക്രട്ടറിയുടെ നേരിട്ടുള്ള മേല്‍നോട്ടത്തിലാക്കണമെന്ന ഹൈക്കോടതിയുടെ ഉത്തരവ് സുപ്രീംകോടതി പിന്നീട് റദ്ദാക്കിയിരുന്നു.

]]> ജന്തര്‍ മന്തറില്‍ ആരും വിശന്നിരിക്കരുത് ; ഓണ്‍ലൈന്‍ ആപ്പുകളിലൂടെ നൂറു കണക്കിന് ഭക്ഷണ ഓര്‍ഡറുകള്‍ ഒഴുകിയെത്തുന്നു https://www.sandhesam.com/CJP-Supporters-are-using-food-delivery-applications-to-send-food-packages-directly-to-the-protest-ground https://www.sandhesam.com/CJP-Supporters-are-using-food-delivery-applications-to-send-food-packages-directly-to-the-protest-ground Wed, 22 Jul 2026 14:29:06 +0530 Web Desk ന്യൂഡല്‍ഹി: ജന്തര്‍ മന്തറില്‍ യുവാക്കൾ  ശക്തമായ പ്രതിഷേധമാണുയര്‍ത്തുന്നത്. അഭിജീത് ദീപ്‌കെ, ജന്തര്‍ മന്തര്‍,ന്യൂഡല്‍ഹി എന്ന വിലാസത്തിൽ നൂറു കണക്കിന് ഭക്ഷണപ്പൊതികള്‍ ഇവിടേയ്ക്ക് എത്തുന്നതെന്നത് കൗതുകകരമാണ്. മുമ്പ് നടന്ന ഒരു സമരങ്ങളിലും ഈ രീതിയില്‍ ഭക്ഷണം എത്തിയിട്ടുണ്ടാകില്ല. ഓര്‍ഡര്‍ ചെയ്ത ഭക്ഷണം ആര്‍ക്ക് കൊടുക്കുമെന്നറിയാതെ നില്‍ക്കുന്ന ഡെലിവറി ഏജന്റിനെ മുമ്പ് കണ്ടിട്ടില്ല.

ഓര്‍ഡര്‍ ചെയ്ത ആളുടെ നമ്പറിലേയ്ക്ക് തിരികെ വിളിച്ച് ആര്‍ക്ക് ഭക്ഷണം കൊടുക്കണം എന്ന് ചോദിച്ച ഡെലിവറി ഏജന്റിനോട് , അവിടെ വിശന്നു നില്‍ക്കുന്ന ആര്‍ക്കെങ്കിലും കൊടുക്കൂ എന്നാണ് മറുതലയ്ക്കല്‍ നിന്നുള്ള മറുപടി. ഇങ്ങനെ രാജ്യത്തിന്റെ വിവിധ ഭാഗങ്ങളില്‍ നിന്ന് ആയിരക്കണക്കിന് ആളുകളാണ് ഓണ്‍ലൈന്‍ പ്ലാറ്റ്‌ഫോമുകളിലൂടെ ഭക്ഷണം ജന്തര്‍മന്തറിലേയ്ക്ക് ഓര്‍ഡര്‍ ചെയ്യുന്നത്. ഇന്നലെ മുതല്‍ ഇത് ശേഖരിച്ച് വിതരണം ചെയ്യാന്‍ സമരവേദിക്കടുത്ത് പ്രതിഷേധക്കാര്‍ പ്രത്യേക കൗണ്ടര്‍ തുടങ്ങി.

ആപ്പുകളില്‍ ജന്തര്‍ മന്തര്‍, പ്രൊട്ടസ്റ്റ് സൈറ്റ്, നിയര്‍ പൊലീസ് ബാരിക്കേഡ് എന്ന വിലാസം കൊടുത്താല്‍ ഓണ്‍ലൈന്‍ പ്ലാറ്റ്‌ഫോമുകളില്‍ ഓര്‍ഡര്‍ സ്വീകരിച്ചു തുടങ്ങിയെന്ന് കഴിഞ്ഞ ദിവസങ്ങളില്‍ ഇവിടേയ്ക്ക് ഭക്ഷണം ഓര്‍ഡര്‍ ചെയ്ത ഒരാള്‍ പറഞ്ഞു. ബിരിയാണി, പീസ തുടങ്ങിയ വിഭവങ്ങളാണ് ഓര്‍ഡര്‍ ചെയ്ത് ഇവിടേയ്ക്ക് എത്തുന്നത്.

]]> '17 ചാക്കുകളിലായി ബിജെപി ഓഫീസില്‍ 25 കോടി എത്തി; നേതാക്കളില്‍ പലരും സ്വന്തം പോക്കറ്റിലാക്കി' https://www.sandhesam.com/Rs-25-crores-arrived-at-BJP-office-in-17-sacks-many-of-the-leaders-put-it-in-their-own-pockets https://www.sandhesam.com/Rs-25-crores-arrived-at-BJP-office-in-17-sacks-many-of-the-leaders-put-it-in-their-own-pockets Wed, 22 Jul 2026 13:58:59 +0530 Web Desk തൃശൂര്‍: തെരഞ്ഞെടുപ്പ് കാലത്ത് തൃശൂര്‍ ബിജെപി ഓഫിസിലേക്ക് 17 ചാക്കുകളിലായി 25 കോടിയുടെ കള്ളപ്പണം എത്തിയെന്ന് മുന്‍ ഓഫിസ് സെക്രട്ടറി പി അക്ഷയ്‌യുടെ വെളിപ്പെടുത്തല്‍. സംഘടന സെക്രട്ടറിയുടെ മുറിയിലേക്കാണ് പണം കൊണ്ടുവന്നത്. തമിഴനാട് രജിസ്‌ട്രേഷനുള്ള കാറില്‍ ഒരു കോടിയും കൊണ്ടുവന്നു. സാമ്പത്തിക ഇടപാട് അറിഞ്ഞതിന്റെ വൈരാഗ്യത്തിലാണ് തന്നെ ഓഫിസ് സെക്രട്ടറി സ്ഥാനത്തുനിന്ന് പുറത്താക്കിയതെന്നും തനിക്ക് എന്തെങ്കിലും സംഭവിച്ചാല്‍ അത് നേതാക്കളുടെ അറിവോടെയായിരിക്കുമെന്നും അക്ഷയ് പറഞ്ഞു

തെരഞ്ഞെടുപ്പ് ഫണ്ടിനു പുറമെയാണ് ഓഫിസില്‍ പണം എത്തിയത്. ഈ പണം നേതാക്കള്‍ പലരും സ്വന്തം പോക്കറ്റിലാക്കി. സംഘടനാ സെക്രട്ടറിയുടെ മുറിയിലേക്കാണ് പണം എത്തിയതെന്നും അവിടെ വെച്ചുതന്നെയാണ് വിതരണം ചെയ്തതെന്നും അക്ഷയ് പറഞ്ഞു. ഈ വിവരം തൃശൂര്‍ സിറ്റി പ്രസിഡന്റിനെ അറിയിച്ചതാണ് തന്നെ പുറത്താക്കാനുള്ള കാരണമെന്നും അക്ഷയ് മാധ്യമങ്ങളോട് പറഞ്ഞു. സംഘടന സെക്രട്ടറി, അദ്ദേഹത്തിന്റെ ഡ്രൈവര്‍ രാജേഷ്, മുരളി എന്നീ മൂന്നുപേരുമാണ് ഈ പണം കൈകാര്യം ചെയ്തത്. ഇതിനായി ഒരു വീട് വാടകക്കെടുത്തു. തെരഞ്ഞെടുപ്പ് ഫലം വരുന്നതിനു രണ്ടു ദിവസം മുമ്പ് തൃശൂര്‍ ജില്ല ഓഫിസിലാണ് പണം എത്തിയതെന്നും അദ്ദേഹം പറഞ്ഞു.

ഓഫീസിലെ സിസിടിവി ഓഫ് ചെയ്യാന്‍ പറഞ്ഞതായും അക്ഷയ് പറയുന്നു. അതേസമയം ആക്ഷയ് യുടെ ആരോപണം ബിജെപി തൃശൂര്‍ ജില്ലാ നേതൃത്വം നിഷേധിച്ചു. സ്വഭാവദൂഷ്യത്തിന്റെ പേരിലാണ് അക്ഷയിനെ പാര്‍ട്ടിയില്‍ നിന്നും പുറത്താക്കിയതെന്നാണ് നേൃത്വത്തിന്റെ വിശദീകരണം. കൊടകര കുഴല്‍പണക്കേസിനു പിന്നാലെയാണ് പാര്‍ട്ടിയെ വെട്ടിലാക്കി മറ്റൊരു വെളിപ്പെടുത്തല്‍ കൂടി പുറത്തുവരുന്നത്. 2021ലെ നിയമസഭാ തെരഞ്ഞെടുപ്പിനു മൂന്നു ദിവസം മുമ്പ് ഏപ്രില്‍ മൂന്നിനു പുലര്‍ച്ചെ ദേശീയപാതയിലൂടെ പോയ കാര്‍ ആക്രമിച്ചു ക്രിമിനല്‍ സംഘം മൂന്നരക്കോടി രൂപ കവര്‍ന്നതാണ് കൊടകര കുഴല്‍പണക്കേസ്. ബിജെപി സ്ഥാനാര്‍ഥികളുടെ പ്രചാരണത്തിനു വേണ്ടി എത്തിച്ച പണമാണ് തട്ടിയെടുത്തതെന്ന് പൊലീസ് കണ്ടെത്തിയിരുന്നു

]]> 'വിദ്യാര്‍ഥികളുടേത് ന്യായമായ ആവശ്യം'; മിന്നല്‍ പ്രതിഷേധത്തില്‍ കാരണം വെളിപ്പെടുത്തി രാഹുലിന്റെ വീഡിയോ സന്ദേശം https://www.sandhesam.com/Students-demands-are-legitimate-Rahuls-video-message-reveals-reason-behind-lightning-protests https://www.sandhesam.com/Students-demands-are-legitimate-Rahuls-video-message-reveals-reason-behind-lightning-protests Wed, 22 Jul 2026 13:52:38 +0530 Web Desk

ന്യൂഡല്‍ഹി: നീറ്റ് പരീക്ഷാ ക്രമക്കേടുകളിലും, ഈ ആവശ്യമുന്നയിച്ചുകൊണ്ടുള്ള പ്രതിഷേധങ്ങള്‍ക്ക് നേരെയുള്ള പൊലീസ് അതിക്രമങ്ങളിലും പ്രധാനമന്ത്രി മാപ്പു പറയണമെന്ന് പ്രതിപക്ഷ നേതാവ് രാഹുല്‍ ഗാന്ധി. കേന്ദ്രമന്ത്രിമാരായ ധര്‍മ്മേന്ദ്ര പ്രധാനും അമിത് ഷായും രാജിവെക്കണം. പരീക്ഷാ ക്രമക്കേടില്‍ കേന്ദ്രസര്‍ക്കാര്‍ പാര്‍ലമെന്റില്‍ ചര്‍ച്ചയ്ക്ക് തയ്യാറാകണമെന്നും വീഡിയോ സന്ദേശത്തില്‍ രാഹുല്‍ഗാന്ധി ആവശ്യപ്പെട്ടു.

ഇന്ത്യയിലെ വിദ്യാര്‍ഥികള്‍ക്കും പ്രധാനമന്ത്രിക്കുമുള്ള സന്ദേശം എന്ന തലക്കെട്ടോടെയാണ് വീഡിയോ പങ്കുവെച്ചിട്ടുള്ളത്. വിദ്യാര്‍ഥികളുടേത് ന്യായമായ ആവശ്യമാണെന്ന് രാഹുല്‍ പറയുന്നു. ഇന്ത്യന്‍ വിദ്യാഭ്യാസ സമ്പ്രദായം തകര്‍ന്നുകൊണ്ടിരിക്കുന്നത് എന്തുകൊണ്ടാണ്? എന്തുകൊണ്ടാണ് പേപ്പറുകള്‍ ചോരുന്നത്? ഇന്ത്യയില്‍ വിദ്യാഭ്യാസം ഇത്ര ചെലവേറിയതായത് എന്തുകൊണ്ട്? കുട്ടികളെ പഠിപ്പിക്കുന്നതിലൂടെ കുടുംബങ്ങള്‍ സാമ്പത്തികമായി തകരുന്നത് എന്തുകൊണ്ട്? ഇവ ന്യായമായ ചോദ്യങ്ങളാണ്, അവ ചോദിക്കുന്നതില്‍ തെറ്റൊന്നുമില്ല. രാഹുല്‍ ഗാന്ധി അഭിപ്രായപ്പെട്ടു.

പ്രതിഷേധിച്ചതിന് വിദ്യാര്‍ഥികളുടെ പേരില്‍ കേസുകളെടുക്കുകയാണ്. പ്രതിപക്ഷം മുഴുവന്‍ വിദ്യാര്‍ഥികള്‍ക്കൊപ്പമുണ്ട്. കേന്ദ്രമന്ത്രിമാരായ ധര്‍മ്മേന്ദ്ര പ്രധാന്റെയും അമിത് ഷായുടെയും രാജിയാണ് വിദ്യാര്‍ഥികളുടെ ആവശ്യങ്ങള്‍. കൂടാതെ വിദ്യാര്‍ഥികളെ മര്‍ദിച്ചവര്‍ക്കെതിരെ നടപടി വേണം. വിദ്യാര്‍ഥികള്‍ക്കെതിരായ എല്ലാ കേസുകളും പിന്‍വലിക്കണം. പരീക്ഷാ ക്രമക്കേട് അടക്കമുള്ള വിഷയങ്ങളില്‍ ലോക്സഭയിലും രാജ്യസഭയിലും ചര്‍ച്ച വേണമെന്ന് മുഴുവന്‍ പ്രതിപക്ഷവും ആഗ്രഹിക്കുന്നു. വിദ്യാഭ്യാസ- പരീക്ഷാ സംവിധാനങ്ങളില്‍ പരിഷ്‌കാരങ്ങള്‍ വേണമെന്നും രാഹുല്‍ ഗാന്ധി ആവശ്യപ്പെട്ടു.

]]> നീറ്റിൽ പാർലമെന്റിൽ ചർച്ചയ്ക്ക് തയ്യാറാണെന്ന് കേന്ദ്രം; പ്രതിഷേധം കൂടുതൽ ശക്തമാക്കുമെന്ന് സി.ജെ.പി https://www.sandhesam.com/Centre-says-ready-for-discussion-on-NEET-in-Parliament-CJP-says-protests-will-intensify https://www.sandhesam.com/Centre-says-ready-for-discussion-on-NEET-in-Parliament-CJP-says-protests-will-intensify Wed, 22 Jul 2026 13:25:12 +0530 Web Desk ന്യൂഡൽഹി: നീറ്റ് ചോദ്യപേപ്പർ ചോർച്ചയെക്കുറിച്ച് ചർച്ചയ്ക്ക് തയ്യാറാണെന്ന് സർക്കാർ അറിയിച്ചെങ്കിലും, വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജി വേണമെന്ന ആവശ്യത്തിൽ കോൺഗ്രസ് ഉറച്ചുനിൽക്കുകയാണെന്ന് സർക്കാർ. സുരക്ഷാ കാരണങ്ങളാൽ രാജ്യ തലസ്ഥാനത്തെ16 മെട്രോ സ്റ്റേഷനുകൾ അടച്ചിടുന്നതായി ഡൽഹി മെട്രോ അറിയിച്ചു.

നീറ്റ് ചോദ്യപേപ്പർ ചോർച്ചാ വിവാദത്തിൽ പ്രതിഷേധിച്ച വിദ്യാർത്ഥികൾക്കും ജനപ്രതിനിധികൾക്കും നേരെ ഉണ്ടായ കയ്യേറ്റത്തിൽ പ്രതിപക്ഷ പാർട്ടികൾ കേന്ദ്രസർക്കാരിനെതിരെ സമരം ശക്തമാക്കിയിരിക്കുകയാണ്. ജെപി നഡ്ഡയും ജിതേന്ദ്ര സിങ്ങും സിജെപി പ്രതിനിധി സംഘവുമായി കൂടിക്കാഴ്ച നടത്തും.

പ്രതിഷേധ സൂചകമായി നിരവധി നേതാക്കൾ കറുത്ത വസ്ത്രം ധരിച്ചാണ് പാർലമെന്റിൽ എത്തിയത്. കോൺഗ്രസ്, സമാജ്‌വാദി പാർട്ടി എം.പിമാർ എന്നിവർ  രാവിലെ പാർലമെന്റിലെ മകർദ്ദാറിൽ നടന്ന പ്രതിഷേധത്തിൽ പങ്കെടുത്തു. പ്രതിഷേധിക്കുന്ന വിദ്യാർത്ഥികൾക്ക് നേരെ പോലീസ് ലാത്തിച്ചാർജ് നടത്തിയ വിഷയം രാജ്യസഭാ പ്രതിപക്ഷ നേതാവ് മല്ലികാർജുൻ ഖാർഗെ സഭയിൽ ഉന്നയിച്ചതിനെ തുടർന്ന് രാജ്യസഭ ഉച്ചയ്ക്ക് 2 മണി വരെ നിർത്തിവച്ചു.

സർക്കാർ ആവശ്യങ്ങൾ അംഗീകരിച്ചില്ലെങ്കിൽ പ്രതിഷേധം കൂടുതൽ ശക്തമാക്കുമെന്ന് കോക്ക്റോച്ച് ജനതാ പാർട്ടി (സി.ജെ.പി) വക്താവ് അഷുതോഷ് രങ്ക മുന്നറിയിപ്പ് നൽകി. എഎൻഐയോട് സംസാരിക്കവെ, സർക്കാർ അവരുടെ ആവശ്യങ്ങൾ അംഗീകരിച്ചില്ലെങ്കിൽ ലക്ഷക്കണക്കിന് ആളുകൾ കൂടി ഡൽഹിയിലേക്ക് വരുമെന്ന് രങ്ക പറഞ്ഞു.

“ഇത് ഇന്ത്യയുടെ സ്വാതന്ത്ര്യാനന്തര ചരിത്രത്തിലെ ഏറ്റവും വലിയ മുന്നേറ്റമാണ്... ഞങ്ങൾ ഇത് വളരെ വ്യക്തമായി പറഞ്ഞിട്ടുണ്ട്: 20-ാം തീയതി നടന്നത് ഒരു ട്രെയിലർ മാത്രമാണ്. സർക്കാർ സമ്മതിച്ചില്ലെങ്കിൽ, ലക്ഷക്കണക്കിന് ആളുകൾ കൂടി ഡൽഹിയിലേക്ക് വരും, കാരണം ഇത്തവണ ഞങ്ങൾ പിന്മാറില്ല, മൗനം പാലിക്കുകയുമില്ല... സർക്കാരിന് കാര്യങ്ങൾ ശരിയായ രീതിയിൽ കൈകാര്യം ചെയ്യേണ്ടതുണ്ട്; അല്ലെങ്കിൽ, ഈ രാജ്യത്തെ യുവത്വം അവരെ വളരെ മോശമായി താഴെയിടും,” രങ്ക എഎൻഐയോട് പറഞ്ഞു.

]]> ജെപി നഡ്ഡയും ജിതേന്ദ്ര സിങ്ങും സിജെപി പ്രതിനിധി സംഘവുമായി ഉടൻ കൂടിക്കാഴ്ച നടത്തും https://www.sandhesam.com/center-may-open-dialogues-with-CJP https://www.sandhesam.com/center-may-open-dialogues-with-CJP Wed, 22 Jul 2026 13:10:03 +0530 Web Desk ന്യൂഡൽഹി: നീറ്റ് ചോദ്യപേപ്പർ ചോർച്ചാ വിവാദത്തിൽ പ്രതിഷേധിച്ച വിദ്യാർത്ഥികൾക്കും ജനപ്രതിനിധികൾക്കും നേരെ ഉണ്ടായ കയ്യേറ്റത്തിൽ പ്രതിപക്ഷ പാർട്ടികൾ കേന്ദ്രസർക്കാരിനെതിരെ സമരം ശക്തമാക്കിയിരിക്കുകയാണ്. ജെപി നഡ്ഡയും ജിതേന്ദ്ര സിങ്ങും സിജെപി പ്രതിനിധി സംഘവുമായി ഉടൻ കൂടിക്കാഴ്ച നടത്തും.

പ്രതിഷേധ സൂചകമായി നിരവധി നേതാക്കൾ കറുത്ത വസ്ത്രം ധരിച്ചാണ് പാർലമെന്റിൽ എത്തിയത്. കോൺഗ്രസ്, സമാജ്‌വാദി പാർട്ടി എം.പിമാർ എന്നിവർ  രാവിലെ പാർലമെന്റിൽ നടന്ന പ്രതിഷേധത്തിൽ പങ്കെടുത്തു. പ്രതിഷേധിക്കുന്ന വിദ്യാർത്ഥികൾക്ക് നേരെ പോലീസ് ലാത്തിച്ചാർജ് നടത്തിയ വിഷയം രാജ്യസഭാ പ്രതിപക്ഷ നേതാവ് മല്ലികാർജുൻ ഖാർഗെ സഭയിൽ ഉന്നയിച്ചതിനെ തുടർന്ന് രാജ്യസഭ ഉച്ചയ്ക്ക് 12 മണി വരെ നിർത്തിവച്ചു.

സർക്കാർ ആവശ്യങ്ങൾ അംഗീകരിച്ചില്ലെങ്കിൽ പ്രതിഷേധം കൂടുതൽ ശക്തമാക്കുമെന്ന് കോക്ക്റോച്ച് ജനതാ പാർട്ടി (സി.ജെ.പി) വക്താവ് അഷുതോഷ് രങ്ക മുന്നറിയിപ്പ് നൽകി. എഎൻഐയോട് സംസാരിക്കവെ, സർക്കാർ അവരുടെ ആവശ്യങ്ങൾ അംഗീകരിച്ചില്ലെങ്കിൽ ലക്ഷക്കണക്കിന് ആളുകൾ കൂടി ഡൽഹിയിലേക്ക് വരുമെന്ന് രങ്ക പറഞ്ഞു.

“ഇത് ഇന്ത്യയുടെ സ്വാതന്ത്ര്യാനന്തര ചരിത്രത്തിലെ ഏറ്റവും വലിയ മുന്നേറ്റമാണ്... ഞങ്ങൾ ഇത് വളരെ വ്യക്തമായി പറഞ്ഞിട്ടുണ്ട്: 20-ാം തീയതി നടന്നത് ഒരു ട്രെയിലർ മാത്രമാണ്. സർക്കാർ സമ്മതിച്ചില്ലെങ്കിൽ, ലക്ഷക്കണക്കിന് ആളുകൾ കൂടി ഡൽഹിയിലേക്ക് വരും, കാരണം ഇത്തവണ ഞങ്ങൾ പിന്മാറില്ല, മൗനം പാലിക്കുകയുമില്ല... സർക്കാരിന് കാര്യങ്ങൾ ശരിയായ രീതിയിൽ കൈകാര്യം ചെയ്യേണ്ടതുണ്ട്; അല്ലെങ്കിൽ, ഈ രാജ്യത്തെ യുവത്വം അവരെ വളരെ മോശമായി താഴെയിടും,” രങ്ക എഎൻഐയോട് പറഞ്ഞു.

ജൂലൈ 21ന് വൈകുന്നേരം മേദാന്ത ആശുപത്രിയിൽ നിരാഹാര സമരം നടത്തുന്ന ആക്ടിവിസ്റ്റ് സോനം വാങ്ചുക്കുമായി രണ്ട് കേന്ദ്രമന്ത്രിമാരായ ജെ.പി. നദ്ദയും ജിതേന്ദ്ര സിങ്ങും കൂടിക്കാഴ്ച നടത്തിയതായി സർക്കാർ വൃത്തങ്ങൾ പറഞ്ഞു.

]]> പ്രധാനമന്ത്രിയുടെ വസതിക്ക് പുറത്തുള്ള പ്രതിഷേധം: രാഹുൽ ഗാന്ധി, പ്രിയങ്ക ഗാന്ധി, അഖിലേഷ് യാദവ് എന്നിവരെ ബലമായി അറസ്റ്റ് ചെയ്തു നീക്കി https://www.sandhesam.com/RAHUL-AND-INDIA-FRONT-LEADERS-ARRESTED https://www.sandhesam.com/RAHUL-AND-INDIA-FRONT-LEADERS-ARRESTED Tue, 21 Jul 2026 19:19:21 +0530 Web Desk പ്രധാനമന്ത്രിയുടെ വസതിക്ക് മുന്നില്‍ പ്രതിഷേധിച്ച രാഹുല്‍ ഗാന്ധിയെ പൊലീസ് അറസ്റ്റ് ചെയ്തു. പ്രതിപക്ഷ നേതാക്കളേയും കോൺഗ്രസ്  നേതാക്കളേയും പൊലിസ്  ബലമായി പിടിച്ചു മാറ്റി.

 വൈകുന്നേരം 6.40 ഓടെ അദ്ദേഹത്തെയും പ്രിയങ്ക ഗാന്ധി, സമാജ്‌വാദി പാർട്ടി മേധാവി അഖിലേഷ് യാദവ് ഉൾപ്പെടെയുള്ള മറ്റ് നേതാക്കളെയും പോലീസ് സ്ഥലത്തു നിന്ന് ബലമായി നീക്കം ചെയ്തു.രാഹുൽ ഗാന്ധിയുടെ മൂക്കിൽനിന്ന് ചോര വരുന്നുണ്ടായിരുന്നു

ലോക്സഭയിലെ പ്രതിപക്ഷ നേതാവായ ഗാന്ധി റോഡിൽ ഇരുന്നുകൊണ്ട് അനങ്ങാൻ വിസമ്മതിച്ചപ്പോൾ കുറഞ്ഞത് 10 പോലീസുകാരെങ്കിലും അദ്ദേഹത്തെ വളഞ്ഞു. ഒടുവിൽ അദ്ദേഹത്തെ സ്ഥലം മാറ്റി ഒരു ബസിൽ കൊണ്ടുപോയി.

]]> `കള്ളൻ വിജയൻ' വിവാദം: വാരാന്തപ്പതിപ്പ് എഡിറ്റർ കെ ആർ അജയനെ മാറ്റി; ടി ചന്ദ്രമോഹന് പകരം ചുമതല https://www.sandhesam.com/Kallan-Vijayan-controversy%3A-Weekly-edition-editor-KR-Ajayan-replaced-T-Chandramohan-takes-charge https://www.sandhesam.com/Kallan-Vijayan-controversy%3A-Weekly-edition-editor-KR-Ajayan-replaced-T-Chandramohan-takes-charge Tue, 21 Jul 2026 18:25:29 +0530 Web Desk തിരുവനന്തപുരം: ദേശാഭിമാനി ലേഖന വിവാദത്തിൽ നടപടി. വാരാന്തപ്പതിപ്പ് എഡിറ്ററുടെ ചുമതലയിൽ നിന്ന് കെ ആർ അജയനെ മാറ്റി. ടി ചന്ദ്ര മോഹനാണ് പകരം ചുമതല. അജയനോട് കഴിഞ്ഞദിവസം റസിഡൻ്റ് എഡിറ്റർ വിശദീകരണം തേടിയിരുന്നു. കള്ളൻ വിജയൻ എന്ന തലക്കെട്ട് പാർട്ടി വിരുദ്ധമല്ലെന്ന മറുപടിയാണ് വാരാന്തപ്പതിപ്പ് എഡിറ്റർ കെആർ അജയൻ നൽകിയത്. തലക്കെട്ട് മാറ്റാൻ ആവശ്യപ്പെട്ടിട്ടും തയാറാകാതെ മാധ്യമങ്ങൾക്ക് വിവരം ചോർത്തിയെന്ന് കാണിച്ചാണ് വാരാന്തപ്പതിപ്പ് എഡിറ്റർക്ക് റസിഡൻറ് എഡിറ്റർ കാരണം കാണിക്കൽ നോട്ടീസ് നൽകിയത്.

ദേശാഭിമാനി മുക്കിയ കള്ളൻ വിജയനെ കുറിച്ചുള്ള ലേഖനം സാമൂഹിക മാധ്യമത്തിൽ കഴിഞ്ഞ ദിവസം മാധ്യമപ്രവർത്തകൻ പ്രസിദ്ധീകരിച്ചിരുന്നു. കള്ളൻ വിജയൻ, ധന്യ നാടക ഗ്രാമം, മുത്തിപ്പാറ പിഒ എന്ന അതേ തലക്കെട്ടിൽ തന്നെയാണ് ദേശാഭിമാനിക്ക് വേണ്ടി എഴുതിയ ടിസി രാജേഷ് ലേഖനം ഫേസ് ബുക്കിലിട്ടത്. പുല്ലമ്പാറയിലെ അറിയപ്പെടുന്ന നാടകപ്രവർത്തകൻ വിജയനെ കുറിച്ചുള്ള ലേഖനത്തിൽ പാർട്ടി വിരുദ്ധമായതൊന്നുമില്ല. എഡിറ്റോറിയൽ ബോർഡിലെ ചിലർ തലക്കെട്ട് മാറ്റാനാവശ്യപ്പെട്ടതിൻ്റെ പേരിലെ തർക്കമാണ് സപ്ലിമെൻ്റ് മുടങ്ങലിലേക്ക് എത്തിയത്.

ലേഖനത്തിന് പറ്റിയ തലക്കെട്ട് കള്ളൻ വിജയൻ എന്ന് തന്നെയാണെന്നായിരുന്നു വാരാന്തപ്പതിപ്പ് എഡിറ്റർ കെആർ അജയൻ്റെ നിലപാട്. റസിഡറ്റ് എഡിറ്റർ നൽകിയ കാരണം കാണിക്കൽ നോട്ടീസിനും സമാന മറുപടിയാണ് അജയൻ നൽകിയത്. പുറത്തെല്ലാം നിഷേധിക്കുമ്പോഴും സൺഡേ സപ്ലിമെന്റ് പിൻവലിച്ച പ്രശ്നം പാർട്ടിക്കകത്ത് നീറുകയാണ്. കേന്ദ്ര കമ്മിറ്റി അംഗമായ പുത്തലത്ത് ദിനേശൻ ചീഫ് എഡിറ്ററും സംസ്ഥാന സെക്രട്ടേറിയറ്റ് അംഗം എം സ്വരാജ് റസിഡന്‍റ് എഡിറ്ററുമായിരിക്കെ ദേശാഭിമാനിയിൽ നയപരമായ നോട്ടക്കുറവ് ഉണ്ടെന്ന വിമർശനം ശക്തമാണ്. ഒരു സാധാരണ തലക്കെട്ട് വളച്ചൊടിച്ച് വിവാദമാക്കിയെന്ന് മാത്രമല്ല പാർട്ടിക്കും പത്രത്തിനും കേടില്ലാത്ത വിധത്തിൽ അതിനെ കൈകാര്യം ചെയ്യാനും കഴിയാത്തതിലാണ് അതൃപ്തി.

]]> സംസ്ഥാന വഖഫ് ബോർഡിന് തുടരാം; ഹൈക്കോടതിയുടെ ഇടക്കാല ഉത്തരവിന്റെ അവസാന വരി റദ്ദാക്കി സുപ്രീംകോടതി https://www.sandhesam.com/The-State-Waqf-Board-can-continue-Supreme-Court-quashes-the-last-line-of-the-High-Courts-interim-order https://www.sandhesam.com/The-State-Waqf-Board-can-continue-Supreme-Court-quashes-the-last-line-of-the-High-Courts-interim-order Tue, 21 Jul 2026 18:13:01 +0530 Web Desk സംസ്ഥാന വഖഫ് ബോർഡിന് തുടരാമെന്ന് സുപ്രീംകോടതി. കേരളം ഹൈക്കോടതിയുടെ ഉത്തരവ് സുപ്രീംകോടതി തിരുത്തി. ഹൈക്കോടതിയുടെ ഇടക്കാല ഉത്തരവിന്റെ അവസാന വരി ആണ് റദ്ദാക്കിയത്. സെക്രട്ടറിയെ അഡ്മിനിസ്‌ട്രേറ്റര്‍ ആയി നിയോഗിച്ച നടപടി ആണ് റദ്ദാക്കിയത്. കേരള വഖഫ് ബോർഡ് പ്രവർത്തനങ്ങൾ താൽക്കാലികമായി മരവിപ്പിച്ച ഹൈക്കോടതിയുടെ ഇടക്കാല ഉത്തരവിനെതിരെ വഖഫ് ബോർഡ് സമർപ്പിച്ച അപ്പീൽ സുപ്രീം കോടതി പരി​ഗണിക്കുകയായിരുന്നു.

ചീഫ് ജസ്റ്റീസ് അധ്യക്ഷനായ ബെഞ്ചാണ് പരിഗണിച്ചത്. കേസിൽ ബിജെപി നേതാവ് ഷോൺ ജോർജ് അടക്കം തടസഹർജി സമർപ്പിച്ചിരുന്നു. ഇതിനെ സർക്കാർ പിന്തുണച്ചിരുന്നു. യുഡി എഫ് – ബിജെപി ഒത്തുകളിയാണ് ഇതോടെ തിരിച്ചടിയായിരിക്കുന്നത്.

]]> യുവാക്കളുടെ വിഷയം ചർച്ച ചെയ്തില്ലെങ്കിൽ പിന്നെന്തിന് പാർലമെന്‍റ്?,രാഹുലും പ്രിയങ്കയും തെരുവിൽ,മന്ത്രി വിഷ്ണുനാഥും എംപിമാരും അറസ്റ്റിൽ https://www.sandhesam.com/Congress-sit-in-demanding-PMs-resignation https://www.sandhesam.com/Congress-sit-in-demanding-PMs-resignation Tue, 21 Jul 2026 18:06:45 +0530 Web Desk ന്യൂഡല്‍ഹി: സിജെപി പ്രതിഷേധത്തിനുനേരെ ഡല്‍ഹി പൊലീസ് നടത്തിയ ലാത്തിച്ചാര്‍ജില്‍ പ്രതിഷേധിച്ച് പ്രധാനമന്ത്രിയുടെ വസതിക്ക് മുന്‍പില്‍ പ്രതിഷേധവുമായി പ്രതിപക്ഷം. പ്രതിപക്ഷ നേതാവ് രാഹുല്‍ ഗാന്ധി, കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, പ്രിയങ്ക ഗാന്ധി, കെ.സി. വേണുഗോപാല്‍, കേരള മുഖ്യമന്ത്രി വിഡി സതീശന്‍, കര്‍ണാടക മുഖ്യമന്ത്രി ഡികെ ശിവകുമാര്‍, കേരളത്തില്‍ നിന്നുള്ള കോണ്‍ഗ്രസ് എംപിമാര്‍ അടക്കമുള്ള മുതിര്‍ന്ന നേതാക്കള്‍ പ്രതിഷേധത്തില്‍ പങ്കെടുക്കുന്നുണ്ട്.

പ്രധാനമന്ത്രി നരേന്ദ്ര മോദിയും ആഭ്യന്തരമന്ത്രിയും ഉടനടി രാജിവയ്ക്കണമെന്ന് രാഹുൽ ഗാന്ധി ആവശ്യപ്പെട്ടു. രാജ്യത്തെ യുവജനങ്ങളുടെ ഭാവി നിലവിലെ സർക്കാർ തകർത്തുകൊണ്ടിരിക്കുകയാണെന്ന് വിമർശിച്ച അദ്ദേഹം, ഈ വിഷയം ചർച്ച ചെയ്യാൻ തയ്യാറായില്ലെങ്കിൽ പിന്നെ എന്തിനാണ് പാർലമെന്‍റ് എന്നും ചോദിച്ചു. വിഷയത്തിൽ കേന്ദ്ര സർക്കാർ ചർച്ചയ്ക്ക് തയ്യാറാകാതെ പ്രക്ഷോഭത്തിൽ നിന്ന് പിന്നോട്ടില്ലെന്നാണ് കോൺഗ്രസ് നിലപാട്.

സ്ഥിതിഗതികൾ ശാന്തമാക്കുന്നതിന്റെ ഭാഗമായി പ്രധാനമന്ത്രിയുടെ നിർദ്ദേശപ്രകാരം കേന്ദ്രമന്ത്രി ജിതേന്ദ്ര സിംഗ് സമരസ്ഥലത്തെത്തി രാഹുൽ ഗാന്ധിയുമായി ചർച്ച നടത്തി. എന്നാൽ സമരത്തിൽ നിന്ന് പിന്നോട്ടില്ലെന്ന നിലപാടിലാണ് കോൺഗ്രസ്.

]]> പാലായിൽ എൽ ഡി എഫ് അവിശ്വാസപ്രമേയം പാസായി, യു ഡി എഫിന് ഭരണം നഷ്ടമായി https://www.sandhesam.com/%E0%B4%AA%E0%B4%BE%E0%B4%B2%E0%B4%BE%E0%B4%AF%E0%B4%BF%E0%B5%BD-%E0%B4%8E%E0%B5%BD-%E0%B4%A1%E0%B4%BF-%E0%B4%8E%E0%B4%AB%E0%B5%8D-%E0%B4%85%E0%B4%B5%E0%B4%BF%E0%B4%B6%E0%B5%8D%E0%B4%B5%E0%B4%BE%E0%B4%B8%E0%B4%AA%E0%B5%8D%E0%B4%B0%E0%B4%AE%E0%B5%87%E0%B4%AF%E0%B4%82-%E0%B4%AA%E0%B4%BE%E0%B4%B8%E0%B4%BE%E0%B4%AF%E0%B4%BF-%E0%B4%AF%E0%B5%81-%E0%B4%A1%E0%B4%BF-%E0%B4%8E%E0%B4%AB%E0%B4%BF%E0%B4%A8%E0%B5%8D-%E0%B4%AD%E0%B4%B0%E0%B4%A3%E0%B4%82-%E0%B4%A8%E0%B4%B7%E0%B5%8D%E0%B4%9F%E0%B4%AE%E0%B4%BE%E0%B4%AF%E0%B4%BF https://www.sandhesam.com/%E0%B4%AA%E0%B4%BE%E0%B4%B2%E0%B4%BE%E0%B4%AF%E0%B4%BF%E0%B5%BD-%E0%B4%8E%E0%B5%BD-%E0%B4%A1%E0%B4%BF-%E0%B4%8E%E0%B4%AB%E0%B5%8D-%E0%B4%85%E0%B4%B5%E0%B4%BF%E0%B4%B6%E0%B5%8D%E0%B4%B5%E0%B4%BE%E0%B4%B8%E0%B4%AA%E0%B5%8D%E0%B4%B0%E0%B4%AE%E0%B5%87%E0%B4%AF%E0%B4%82-%E0%B4%AA%E0%B4%BE%E0%B4%B8%E0%B4%BE%E0%B4%AF%E0%B4%BF-%E0%B4%AF%E0%B5%81-%E0%B4%A1%E0%B4%BF-%E0%B4%8E%E0%B4%AB%E0%B4%BF%E0%B4%A8%E0%B5%8D-%E0%B4%AD%E0%B4%B0%E0%B4%A3%E0%B4%82-%E0%B4%A8%E0%B4%B7%E0%B5%8D%E0%B4%9F%E0%B4%AE%E0%B4%BE%E0%B4%AF%E0%B4%BF Tue, 21 Jul 2026 17:56:39 +0530 Web Desk രാഷ്ട്രീയ നാടകങ്ങള്‍ ഏറെ അരങ്ങേറിയിട്ടുള്ള പാലായില്‍ യുഡിഎഫ് നടത്തിയ രാഷ്ട്രീയ പരീക്ഷണത്തിന് ആറു മാസങ്ങള്‍ മാത്രമാണ് ആയുസുണ്ടായത്. കേരളാ കോണ്‍ഗ്രസ് രാഷ്ട്രീയത്തിന്റെ നെടുംതൂണായിരുന്ന കെ എം മാണിയുടെ മകന്‍ ജോസ് കെ മാണിയുടെ നേതൃത്വത്തില്‍ കേരളാ കോണ്‍ഗ്രസ് (എം) യുഡിഎഫ് വിട്ടതിനുശേഷം പാലാ മുനിസിപ്പാലിറ്റിയില്‍ ഭരണം പിടിച്ചെടുക്കാന്‍ കോണ്‍ഗ്രസ് നടത്തിയ ശ്രമങ്ങളുടെ വിജയമായിരുന്നു ഏഴ് മാസങ്ങള്‍ക്ക് മുമ്പ് നടന്ന തദ്ദശേ തെരഞ്ഞെടുപ്പില്‍ സ്വതന്ത്രരുടെ പിന്തുണയോടെ യുഡിഎഫ് അധികാരത്തില്‍ എത്തിയത്. പാലാ മുനിസിപ്പാലിറ്റിയുടെ രൂപീകരണത്തിനു ശേഷം ആദ്യമായാണ് കേരളാ കോണ്‍ഗ്രസ് (എം)-ന് ഭരണം നഷ്ടമാകുന്നത്.

യുഡിഎഫിനും എല്‍ഡിഎഫിനും വ്യക്തമായ ഭൂരിപക്ഷം ലഭിക്കാതിരുന്ന തെരഞ്ഞെടുപ്പില്‍ പുളിക്കകണ്ടം കുടുംബത്തിന്റെ നേതൃത്വത്തില്‍ രൂപീകരിച്ച സ്വതന്ത്ര കൂട്ടായ്മയുടെ പിന്തുണയോടെ ആണ് യുഡിഎഫ് അധികാരത്തില്‍ എത്തിയത്. തെരഞ്ഞെടുപ്പില്‍ സ്വതന്ത്രരായി ജയിച്ച ബിനു പുളിക്കകണ്ടം, മകള്‍ ദിയ പുളിക്കണ്ടം, ബിനുവിന്റെ സഹോദരന്‍ ബിജു പുളിക്കകണ്ടം എന്നിവര്‍ ചേരുന്നതാണ് സ്വതന്ത്ര കൂട്ടായ്മ. കഴിഞ്ഞ നിയമസഭാ തെരഞ്ഞെടുപ്പിന് ഏതാനും മാസങ്ങള്‍ ശേഷിക്കെ നടന്ന തദ്ദേശ തിരഞ്ഞെടുപ്പില്‍ കേരളാ കോണ്‍ഗ്രസ് (എം)-ന്റെ ആസ്ഥാനമായ പാലായില്‍ ഏതുവിധേനയും അധികാരം പിടിക്കുന്നത് തങ്ങള്‍ക്ക് വ്യക്തമായ രാഷ്ട്രീയ മേധാവിത്വം നല്‍കുമെന്നതിനാല്‍ എന്ത് വിട്ടുവീഴ്ചയക്കും കോണ്‍ഗ്രസ് തയാറായിരുന്നു. അങ്ങനെയാണ് മൂന്നംഗങ്ങള്‍ മാത്രമുള്ള സ്വതന്ത്ര കൂട്ടായ്മയ്ക്ക് ആദ്യ രണ്ടര വര്‍ഷം ചെയര്‍പേഴ്‌സണ്‍ സ്ഥാനം നല്‍കി യുഡിഎഫ് അധികാരത്തില്‍ എത്തുന്നത്.

ആകെ 26 അംഗങ്ങളുള്ള കൗണ്‍സിലില്‍ യുഡിഎഫിനു പത്തും എല്‍ഡിഎഫിന് പന്ത്രണ്ടും അംഗങ്ങളാണുള്ളത്. സ്വതന്ത്ര കൂട്ടായ്മയുടെ മൂന്നുപേരെ കൂടാതെ കോണ്‍ഗ്രസ് വിമതയായി മല്‍സരിച്ച മായാ രാഹുലും കൂടി പിന്തുണ നല്‍കിയതോടെ 14 അംഗങ്ങളുടെ പിന്‍ബലത്തില്‍ യുഡിഎഫ് അധികാരത്തില്‍ എത്തി. എന്നാല്‍ തുടക്കം മുതല്‍തന്നെ അഭിപ്രായ വ്യത്യാസങ്ങളും ഉയര്‍ന്നു. ദിയ ചെയര്‍പേഴ്‌സണാവുന്ന ആദ്യ രണ്ടര വര്‍ഷം തന്നെ പിതാവ് ബിനുവിന് വൈസ് ചെയര്‍മാന്‍ സ്ഥാനം കൂടി വേണമെന്ന സ്വതന്ത്ര കൂട്ടായ്മയുടെ നിലപാട് പ്രതിസന്ധി സൃഷ്ടിച്ചെങ്കിലും യുഡിഎഫിന്റെയും കോണ്‍ഗ്രസിന്റെയും സംസ്ഥാന നേതൃത്വങ്ങള്‍ ഇടപെട്ട് പ്രശ്‌നം പരിഹരിക്കുകയായിരുന്നു. തൂടര്‍ന്ന് ആദ്യ ആറ് മാസം കോണ്‍ഗ്രസ് വിമത മായാ രാഹുലിനെ വൈസ് ചെയര്‍പേഴ്‌സണാക്കുകയും തുടര്‍ന്ന് ബിനുവിനും നല്‍കാന്‍ തീരുമാനിച്ചു.

]]> 'സമാധാനപരമായ പ്രതിഷേധത്തെ കൈകാര്യം ചെയ്യേണ്ടത് ഇങ്ങനെയല്ല': സിജെപിയ്ക്ക് ഐക്യദാര്‍ഢ്യവുമായി ടൊവിനോ തോമസും വിസ്മയ മോഹൻലാലും https://www.sandhesam.com/TOVINO-AND-VISMAYA-IN-SOLIDARITY-WITH-CJP https://www.sandhesam.com/TOVINO-AND-VISMAYA-IN-SOLIDARITY-WITH-CJP Tue, 21 Jul 2026 17:14:19 +0530 Web Desk കൊച്ചി: പരീക്ഷാ ക്രമക്കേടുകളില്‍ കേന്ദ്ര സര്‍ക്കാരിനെതിരെ പ്രതിഷേധിച്ചും കേന്ദ്ര വിദ്യാഭ്യാസമന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ടും കോക്രോച്ച് ജനതാ പാര്‍ട്ടി (സിജെപി) ഡല്‍ഹിയില്‍ നടത്തുന്ന സമരത്തിനെതിരായ പൊലീസ് നടപടിയില്‍ വിമര്‍ശനവുമായി നടന്‍ ടൊവിനോ തോമസ്. സമാധാനപരമായി നടത്തുന്ന ഒരു പ്രതിഷേധത്തെ ഈ രീതിയിലല്ല കൈകാര്യം ചെയ്യേണ്ടതെന്ന് ടൊവിനോ തോമസ് പറഞ്ഞു. യുവാക്കള്‍ സംസാരിക്കുമ്പോള്‍ അതിനെ അടിച്ചമര്‍ത്തുന്നത് വഴി രാജ്യത്തിന്റെ ഭാവിയെ തന്നെയാണ് ചവിട്ടി താഴ്ത്തുന്നതെന്നും ജനാധിപത്യത്തിലുളള വിശ്വാസം തന്നെ ഇല്ലാതാവുമെന്നും ടൊവിനോ പറഞ്ഞു. ഇന്‍സ്റ്റഗ്രാം പോസ്റ്റിലൂടെയാണ് ടൊവിനോയുടെ പ്രതികരണം.

'ശരിയും തെറ്റും ആപേക്ഷികമായിരിക്കാം. പക്ഷെ സമാധാനപരമായ ഒരു സമരത്തെ നേരിടേണ്ട രീതി എന്തായാലും ഇതല്ല. ഒരു രാജ്യത്തിന്റെ ഭാവി തലമുറ സംസാരിക്കുമ്പോള്‍ അതിനെ അടിച്ചമര്‍ത്തുന്ന പക്ഷം രാജ്യത്തിന്റെ ഭാവി തന്നെയാണ് ചവിട്ടി താഴ്ത്തപ്പെടുന്നത്. ജനാധിപത്യത്തിലുളള വിശ്വാസമാണ് ചോര്‍ന്നുപോകുന്നത്. ഈ വിദ്യാര്‍ത്ഥികള്‍ എന്ത് തെറ്റാണ് ചെയ്തത്? അവര്‍ പൊതുമുതല്‍ നശിപ്പിച്ചോ? അക്രമത്തിലേക്ക് തിരിഞ്ഞോ? ഇങ്ങനെ ആക്രമിക്കാന്‍ അവര്‍ എന്ത് തെറ്റാണ് ചെയ്തത്? നമ്മുടെ രാജ്യത്തിന്റെ ഏത് ഭാഗത്തും ഒരു കാര്യത്തിന് വേണ്ടി സമാധാനപൂര്‍വം പ്രതിഷേധിക്കുന്ന ഓരോ വ്യക്തിക്കും ഞാന്‍ പൂര്‍ണഹൃദയത്തോടെ ഐക്യദാര്‍ഢ്യം പ്രകടിപ്പിക്കുന്നു. വിയോജിപ്പിനുളള അവകാശം ജനാധിപത്യത്തിന് ഭീഷണിയല്ല. അത് യഥാര്‍ത്ഥത്തില്‍ ജനാധിപത്യത്തിന്റെ അടിത്തറ തന്നെയാണ്. ഇനി, എന്റെ ദേശീയതയെ ചോദ്യംചെയ്യാന്‍ വരുന്നവരോടാണ്, നിങ്ങളേക്കാള്‍ നന്നായി എനിക്ക് എന്നെ അറിയാം. മനുഷ്യത്വമാണ് എന്റെ രാഷ്ട്രീയം. സമാധാനത്തിലാണ് എന്റെ വിശ്വാസം. ജയ് ഹിന്ദ്': ടൊവിനോ തോമസ് ഇന്‍സ്റ്റഗ്രാമില്‍ കുറിച്ചു.

സിജെപി പ്രതിഷേധത്തിനെതിരായ ഡൽഹി പൊലീസിൻ്റെ അതിക്രമങ്ങളിൽ വിമർ‌ശനവുമായി മോഹൻലാലിൻ്റെ മകൾ വിസ്മയ മോഹൻലാലും രംഗത്തെത്തി. സ്വന്തം പൗരന്മാരോട് ഒരു ജനാധിപത്യ രാജ്യം പ്രതികരിക്കേണ്ടത് ശരിക്കും ഇങ്ങനെയാണെന്ന് നിങ്ങൾ വിശ്വസിക്കുന്നുണ്ടോ എന്നാണ് ഇൻസ്റ്റ​ഗ്രാമിൽ പങ്കുവെച്ച സ്റ്റോറിയിൽ വിസ്മയ മോഹൻലാൽ ചോദിച്ചിരിക്കുന്നത്.

പ്രതിഷേധിക്കുന്നവരോട് നിങ്ങൾ യോജിക്കണമെന്നില്ല. അവരുടെ ആവശ്യങ്ങൾക്ക് പിന്തുണ നൽകണമെന്നില്ല. പ്രതിഷേധത്തിന് നേതൃത്വം നൽകുന്ന സംഘടനകളെ നിങ്ങൾ ഇഷ്ടപ്പെടണമെന്നുപോലും ഇല്ല എന്നും ഇൻസ്റ്റ​ഗ്രാമിൽ പങ്കുവെച്ച സ്റ്റോറിയിൽ വിസ്മയ പറയുന്നുണ്ട്. സ്വന്തം ശബ്ദം ഉയർത്തുന്ന പൗരന്മാർക്ക് മറുപടിയായി സംവാദത്തിന് പകരം അമിതമായ ബലപ്രയോഗമാണ് സർക്കാർ സ്വീകരിക്കുന്നതെങ്കിൽ, നാം ഓരോരുത്തരും ഒരു നിമിഷം ചിന്തിക്കണം—നമ്മുടെ ജനാധിപത്യം ഏത് ദിശയിലേക്കാണ് നീങ്ങുന്നത് എന്നും വിസ്മയ ചോദിക്കുന്നുണ്ട്.

]]> സോനം വാങ്ചുക്കിനെ സ്വകാര്യ ആശുപത്രിയിലേക്ക് മാറ്റാൻ അനുമതി നല്‍കി ഡല്‍ഹി ഹൈക്കോടതി https://www.sandhesam.com/CJP%2C-thank-the-Delhi-High-Court-for-its-favourable-verdict-today%2C-allowing-Sonam-Wangchuk-Ji-to-be-shifted-to-Medanta-Hospital https://www.sandhesam.com/CJP%2C-thank-the-Delhi-High-Court-for-its-favourable-verdict-today%2C-allowing-Sonam-Wangchuk-Ji-to-be-shifted-to-Medanta-Hospital Tue, 21 Jul 2026 16:43:56 +0530 Web Desk ഡൽഹി: ഡല്‍ഹിയിലെ സഫ്ദര്‍ജംഗ് ആശുപത്രിയില്‍ കഴിയുന്ന സോനം വാങ്ചുക്കിനെ സ്വകാര്യ ആശുപത്രിയിലേക്ക് മാറ്റാന്‍ അനുവാദം നല്‍കി ഡല്‍ഹി ഹൈക്കോടതി. സഫ്ദര്‍ജംഗ് ആശുപത്രിയില്‍ നിന്ന് സ്ഥലം മാറ്റാന്‍ അനുവദിക്കാത്ത ഹൈക്കോടതിയുടെ സിംഗിള്‍ ബെഞ്ച് ഉത്തരവിനെതിരെ വാങ്ചുകിന്റെ ഭാര്യ ഗീതാഞ്ജലി ആങ്‌മോ നല്‍കിയ ഹര്‍ജിയെ തുടര്‍ന്നാണ് കോടതിയുടെ പുതിയ തീരുമാനം. ഗുരുഗ്രാമിലെ മേദാന്ത ആശുപത്രിയിലേക്ക് ഉടന്‍ മാറ്റാനാണ് ഡല്‍ഹി ഹൈക്കോടതി ചൊവ്വാഴ്ച ഉത്തരവിട്ടത്. സഫ്ദര്‍ജംഗ് ആശുപത്രിയിലെ എല്ലാ ചികിത്സാ വിശദാംശങ്ങളും ഉടന്‍ മേദാന്ത ആശുപത്രിക്ക് കൈമാറണമെന്നും നിര്‍ദേശമുണ്ട്.

സോനം വാങ്ചുകിനെ മേദാന്ത ആശുപത്രിയിലേക്ക് മാറ്റുന്നതില്‍ കേന്ദ്രത്തിന് എതിര്‍പ്പില്ലെന്ന് സോളിസിറ്റര്‍ ജനറല്‍ തുഷാര്‍ മേത്ത വാദിച്ചിരുന്നു. എന്നാല്‍ വാങ്ചുകിനെ 'തുടര്‍ച്ചയായ മെഡിക്കല്‍ മേല്‍നോട്ടത്തില്‍ തുടരണമെന്നും മേദാന്തയിലെ ഡോക്ടര്‍മാരുടെ ഉപദേശപ്രകാരമല്ലാതെ ഡിസ്ചാര്‍ജ് ചെയ്യരുതെന്നും കേന്ദ്രം കോടതിയില്‍ ആവശ്യപ്പെട്ടു.

നീറ്റ് ചോദ്യപേപ്പര്‍ ചോര്‍ച്ചയില്‍ കേന്ദ്ര വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ട് സോനം വാങ്ചുക്ക് നടത്തുന്ന നിരാഹാര സമരം തുടര്‍ച്ചയായ 24-ാം ദിവസത്തിലേക്ക് കടന്നിരിക്കുകയാണ്.

അതേസമയം, കേന്ദ്ര വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ടുള്ള സമരം ശക്തമാക്കുകയായണ് കോക്രോച്ച് ജനതാ പാര്‍ട്ടി.

ധര്‍മ്മേന്ദ്ര പ്രധാന്‍ രാജിവെയ്ക്കും വരെ പ്രതിഷേധം തുടരുമെന്നാണ് സിജെപിയുടെ പറയുന്നത്. വിദ്യാര്‍ത്ഥി നേതാക്കള്‍ പാര്‍ലമെന്റ് അംഗങ്ങളെ കാണുന്നതുവരെ സമരം നിരാഹാര സമരം തുടരുമെന്ന് ആക്ടിവിസ്റ്റ് സോനം വാങ്ചുക്ക് അറിയിച്ചിട്ടുണ്ട്. പ്രതിഷേധത്തിൽ ഇന്‍ഡ്യ സഖ്യവും പൂർണ്ണ പിന്തുണ നൽകി രംഗത്ത് വന്നിട്ടുണ്ട്. രാഹുൽ ഗാന്ധി, പ്രിയങ്കാ ഗാന്ധി, കെ സി വേണുഗോപാൽ തുടങ്ങി മുതിർന്ന കോൺഗ്രസ് നേതാക്കൾ സമരത്തിൽ അണിനിരക്കുന്നുണ്ട്.

]]> പ്രധാനമന്ത്രിയുടെ വസതിക്ക് മുന്നിൽ കോൺഗ്രസ് പ്രതിഷേധം; രാഹുൽ ഗാന്ധി നേതൃത്വം നൽകുന്നു https://www.sandhesam.com/Opposition-shows-solidarity-with-CJP-protest https://www.sandhesam.com/Opposition-shows-solidarity-with-CJP-protest Tue, 21 Jul 2026 16:24:48 +0530 Web Desk ന്യൂഡൽഹി: പ്രധാനമന്ത്രിയുടെ വസതിക്ക് മുന്നിൽ കോൺ​ഗ്രസിൻ്റെ പ്രതിഷേധം. പ്രധാനമന്ത്രിയുടെ രാജി ആവശ്യപ്പെട്ടാണ് കോൺഗ്രസ് പ്രതിഷേധം. രാഹുൽ ഗാന്ധിയോടൊപ്പം പ്രിയങ്കാ ഗാന്ധിയും കോൺഗ്രസ് എംപിമാരും സമരത്തിൽ പങ്കെടുക്കുന്നുണ്ട്. വിദ്യാഭ്യാസ മന്ത്രി രാജിവെക്കണമെന്നും കോൺ​ഗ്രസ് ആവശ്യപ്പെടുന്നുണ്ട്. മുഖ്യമന്ത്രി വി ഡി സതീശനും സമര വേദിയിലുണ്ട്. ഷാപി പറമ്പില്‍എംപി ഉള്‍പ്പടെയുള്ള കേരളത്തില്‍ നിന്നുള്ള നേതാക്കളും സമരത്തിൽ പങ്കെടുക്കുന്നുണ്ട്. കൈകൾ പരസ്പരം ചേർത്ത് കെട്ടിയാണ് കോൺ​ഗ്രസ് നേതാക്കൾ പ്രതിഷേധിക്കുന്നത്.

മല്ലികാർജുൻ ഖർഗെയുടെ വസതിയിൽ നിന്ന് പ്രധാനമന്ത്രിയുടെ വീടിന് മുന്നിലേക്ക് കോൺ​ഗ്രസ് എം പിമാർ മാർച്ച് നടത്തുകയായിരുന്നു. രാഹുല്‍ ഗാന്ധിയുടെ നേതൃത്വത്തിലായിരുന്നു പ്രതിഷേധ മാർച്ച്. പിന്നീട് പ്രധാനമന്ത്രിയുടെ വസതിക്ക് മുന്നില്‍ കോൺ​ഗ്രസ് എം പിമാർ കുത്തിയിരിക്കുകയായിരുന്നു.

 സമരരംഗത്തുള്ള വിദ്യാർത്ഥികൾക്ക് ഐക്യദാർഢ്യം പ്രഖ്യാപിച്ചുകൊണ്ട് ഇടത് എംപിമാർ ജന്തർ മന്തറിലെ സമരസ്ഥലത്തെത്തി. ഇന്ത്യൻ യുവത്വത്തിന്റെ രോഷത്തിനൊപ്പമാണ് തങ്ങളെന്നും, രാജ്യത്തെ ജനാധിപത്യത്തെ തച്ചുതകർക്കുന്ന നിലപാടാണ് മോദി സർക്കാർ സ്വീകരിക്കുന്നതെന്നും എംപിമാർ കുറ്റപ്പെടുത്തി.. ഈ ജനാധിപത്യ വിരുദ്ധ നീക്കങ്ങൾക്ക് മുന്നിൽ കീഴടങ്ങാൻ തയ്യാറല്ലെന്നും അവർ വ്യക്തമാക്കി

ദില്ലി ജന്തർ മന്തറിൽ ആയിരക്കണക്കിന് വിദ്യാർത്ഥികളും യുവാക്കളുമാണ് ഈ ആവശ്യവുമായി ഒത്തുുകൂടിയിരിക്കുന്നത്. ക്രമക്കേടുകൾക്ക് ഉത്തരവാദിയായ മന്ത്രിയെ സംരക്ഷിക്കുന്ന മോദി സർക്കാരിന്റെ നിലപാടിനെതിരെ ശക്തമായ പ്രതിഷേധമാണ് ഉയരുന്നത്.

]]> ടോക്കിയോയിൽ ചരിത്രമെഴുതി പി വി സിന്ധു, യമഗുച്ചിയെ തകർത്ത് ജപ്പാൻ ഓപ്പൺ കിരീടം https://www.sandhesam.com/PV-SINDHU-BECOMES-THE-FIRST-EVER-INDIAN-TO-WIN-THE-JAPAN-OPEN https://www.sandhesam.com/PV-SINDHU-BECOMES-THE-FIRST-EVER-INDIAN-TO-WIN-THE-JAPAN-OPEN Mon, 20 Jul 2026 23:50:37 +0530 Web Desk ടോക്കിയോ: കരിയറിലെ ഏറ്റവും ശക്തമായ തിരിച്ചുവരവുകളിൽ ഒന്നുമായി ഇന്ത്യൻ ബാഡ്മിന്‍റൺ ഇതിഹാസം പി.വി. സിന്ധു. ജപ്പാൻ ഓപ്പൺ സൂപ്പർ 750 ടൂർണമെന്‍റിന്‍റെ ഫൈനലിൽ ജപ്പാന്‍റെ അകാനെ യമഗുച്ചിയെ തകർത്ത് സിന്ധു കിരീടം ചൂടി. നേരിട്ടുള്ള ഗെയിമുകൾക്കായിരുന്നു (21-17, 21-17) സിന്ധുവിന്‍റെ വിജയം. ഈ ജയത്തോടെ ജപ്പാൻ ഓപ്പണിൽ കിരീടം നേടുന്ന ആദ്യ ഇന്ത്യൻ താരമെന്ന റെക്കോർഡും സിന്ധു സ്വന്തമാക്കി. സ്വന്തം നാട്ടുകാർക്ക് മുന്നിൽ ആർത്തുവിളിച്ച ജാപ്പനീസ് കാണികളെ സാക്ഷി നിർത്തിയായിരുന്നു സിന്ധുവിന്‍റെ ചരിത്രവിജയം. 2018-ലെ വേൾഡ് ടൂർ ഫൈനൽസിനും 2016-ലെ ചൈന ഓപ്പണിനും ശേഷം സിന്ധു നേടുന്ന പ്രധാനപ്പെട്ട കിരീടമാണിത്.

മുൻപ് പലപ്പോഴും യമഗുച്ചിക്ക് മുന്നില്‍ കാലിടറിയിട്ടുള്ള സിന്ധു കൃത്യമായ തന്ത്രങ്ങളോടെയാണ് താരം ഇറങ്ങിയത്. തുടക്കത്തിൽ 9-11 ന് പിന്നിലായിരുന്ന സിന്ധു, യമഗുച്ചി ബോഡി സ്മാഷുകൾ തൊടുത്തപ്പോൾ അതേ നാണയത്തിൽ തിരിച്ചടിച്ച് കളം പിടിച്ചു. ഒന്നാം ഗെയിമിൽ 11-11 എന്ന സ്കോറിൽ വെച്ച് നടന്ന 36 ഷോട്ടുകളുടെ കില്ലർ റാലിയാണ് കളിയുടെ ഗതി മാറ്റിയത്. തന്‍റെ ഉയരക്കൂടുതൽ മുതലാക്കി കോർട്ടിന്‍റെ ആകാശപ്പരപ്പിലൂടെ സിന്ധു അടിച്ച ലോങ് ക്ലിയറുകൾ യമഗുച്ചിയുടെ കണക്കുകൂട്ടലുകൾ തെറ്റിച്ചു. രണ്ടാം ഗെയിമിൽ 14-7 ന് മുന്നിലായിരുന്ന സിന്ധുവിനെതിരെ യമഗുച്ചി 18-17 വരെ പോരാടിയെങ്കിലും, സിന്ധുവിന്‍റെ തകർപ്പൻ നെറ്റ് ഗെയിമിന് മുന്നിൽ ഒടുവിൽ ജാപ്പനീസ് താരം കീഴടങ്ങുകയായിരുന്നു.

മുൻപ് ഏഷ്യൻ ചാമ്പ്യൻഷിപ്പ് ഫൈനൽ, ഇന്തോനേഷ്യ സൂപ്പർ 1000 ഉൾപ്പെടെ പല പ്രധാന വേദികളിലും സിന്ധു യമഗുച്ചിക്ക് മുന്നില്‍ അടിയറവ് പറഞ്ഞിരുന്നു. സെമി ഫൈനലിൽ ചൈനയുടെ ഒളിമ്പിക് ചാമ്പ്യൻ ചെൻ യുഫെയ് സിന്ധുവുമായുള്ള പോരാട്ടത്തിനിടെ പരിക്കേറ്റ് പിന്മാറിയിരുന്നു

]]> ജന്തർ മന്തറിൽ വീണ്ടും സിജെപി സമരം തുടങ്ങി; പൊലീസ് പൊളിച്ച സമരപ്പന്തൽ പുനർനിർമിച്ചു https://www.sandhesam.com/%E0%B4%9C%E0%B4%A8%E0%B5%8D%E0%B4%A4%E0%B5%BC-%E0%B4%AE%E0%B4%A8%E0%B5%8D%E0%B4%A4%E0%B4%B1%E0%B4%BF%E0%B5%BD-%E0%B4%B5%E0%B5%80%E0%B4%A3%E0%B5%8D%E0%B4%9F%E0%B5%81%E0%B4%82-%E0%B4%B8%E0%B4%BF%E0%B4%9C%E0%B5%86%E0%B4%AA%E0%B4%BF-%E0%B4%B8%E0%B4%AE%E0%B4%B0%E0%B4%82-%E0%B4%A4%E0%B5%81%E0%B4%9F%E0%B4%99%E0%B5%8D%E0%B4%99%E0%B4%BF-%E0%B4%AA%E0%B5%8A%E0%B4%B2%E0%B5%80%E0%B4%B8%E0%B5%8D-%E0%B4%AA%E0%B5%8A%E0%B4%B3%E0%B4%BF%E0%B4%9A%E0%B5%8D%E0%B4%9A-%E0%B4%B8%E0%B4%AE%E0%B4%B0%E0%B4%AA%E0%B5%8D%E0%B4%AA%E0%B4%A8%E0%B5%8D%E0%B4%A4%E0%B5%BD-%E0%B4%AA%E0%B5%81%E0%B4%A8%E0%B5%BC%E0%B4%A8%E0%B4%BF%E0%B5%BC%E0%B4%AE%E0%B4%BF%E0%B4%9A%E0%B5%8D%E0%B4%9A%E0%B5%81 https://www.sandhesam.com/%E0%B4%9C%E0%B4%A8%E0%B5%8D%E0%B4%A4%E0%B5%BC-%E0%B4%AE%E0%B4%A8%E0%B5%8D%E0%B4%A4%E0%B4%B1%E0%B4%BF%E0%B5%BD-%E0%B4%B5%E0%B5%80%E0%B4%A3%E0%B5%8D%E0%B4%9F%E0%B5%81%E0%B4%82-%E0%B4%B8%E0%B4%BF%E0%B4%9C%E0%B5%86%E0%B4%AA%E0%B4%BF-%E0%B4%B8%E0%B4%AE%E0%B4%B0%E0%B4%82-%E0%B4%A4%E0%B5%81%E0%B4%9F%E0%B4%99%E0%B5%8D%E0%B4%99%E0%B4%BF-%E0%B4%AA%E0%B5%8A%E0%B4%B2%E0%B5%80%E0%B4%B8%E0%B5%8D-%E0%B4%AA%E0%B5%8A%E0%B4%B3%E0%B4%BF%E0%B4%9A%E0%B5%8D%E0%B4%9A-%E0%B4%B8%E0%B4%AE%E0%B4%B0%E0%B4%AA%E0%B5%8D%E0%B4%AA%E0%B4%A8%E0%B5%8D%E0%B4%A4%E0%B5%BD-%E0%B4%AA%E0%B5%81%E0%B4%A8%E0%B5%BC%E0%B4%A8%E0%B4%BF%E0%B5%BC%E0%B4%AE%E0%B4%BF%E0%B4%9A%E0%B5%8D%E0%B4%9A%E0%B5%81 Mon, 20 Jul 2026 23:39:27 +0530 Web Desk ദില്ലി ജന്തർ മന്തറിൽ സിജെപി പ്രതിഷേധം തുടരും. പൊലീസ് ഒഴിപ്പിച്ച അതേ സ്ഥലത്ത് തിരികെയെത്തി പ്രതിഷേധക്കാർ. അഭിജിത് ദീപ്കെയുടെ നേതൃത്വത്തിലാണ് സമരം തുടരുക. ജന്തർ മന്തറിൽനിന്ന് പൊലീസ് പിൻവാങ്ങി.

അതേസമയം, എംഎ ബേബി, വി ശിവദാസൻ എം പി, കെ രാധാകൃഷ്ണൻ എം പി എന്നിവർ ജന്തർ മന്തറിൽ എത്തി സമരക്കാരെ സന്ദർശിച്ചു.
നരേന്ദ്ര മോദിയുടെ വാഴ്ചയുടെ അവസാനത്തിന്റെ ആരംഭമാണ് ഈ സമരമെന്ന് എംഎ ബേബി പറഞ്ഞു. ഈ സമരം തുടരുമെന്ന് അഭിജിത്ത് ദീപ്കേ അറിയിച്ചു.

അതേസമയം, എംഎ ബേബി, വി ശിവദാസൻ എം പി, കെ രാധാകൃഷ്ണൻ എം പി എന്നിവർ ജന്തർ മന്തറിൽ എത്തി സമരക്കാരെ സന്ദർശിച്ചു.
നരേന്ദ്ര മോദിയുടെ വാഴ്ചയുടെ അവസാനത്തിന്റെ ആരംഭമാണ് ഈ സമരമെന്ന് എംഎ ബേബി പറഞ്ഞു. ഈ സമരം തുടരുമെന്ന് അഭിജിത്ത് ദീപ്കേ അറിയിച്

സമരത്തിന് സിപിഐ(എം) ന്റെയും പുരോഗമന സംഘടനകളുടെയും പിന്തുണയുണ്ടാകുമെന്നും എംഎ ബേബി അറിയിച്ചു. കെ രാധാകൃഷ്ണൻ എംപിക്ക് പൊലീസ് മർദനത്തിൽ പരുക്കേറ്റു. ജന്തർ മന്തറിലേക്ക് വന്ന സിപിഐഎം സംഘത്തെ പൊലീസ് കയ്യേറ്റം ചെയ്യാൻ ശ്രമിച്ചതായി എംഎ ബേബി പറഞ്ഞു.

ഡി രാജയും ആനി രാജയും ജന്തർ മന്തറിൽ എത്തി. ദില്ലി പൊലീസ് നടപടിയെ അങ്ങേയറ്റം അപലപിക്കുന്നതായി ഡി രാജ പറഞ്ഞു. ഫാസിസ്റ്റ് സർക്കാരിൻ്റെ അടിച്ചമർത്തലാണ് നടന്നതെന്ന് അദ്ദേഹം വിമർശിച്ചു.

അമിത് ഷാ നാണിക്കേണ്ട ദിവസമാണിതെന്നും കുട്ടികളെ അത്രയും ക്രൂരമായി ആണ് മർദ്ദിച്ചതെന്നും അദ്ദേഹം പറഞ്ഞു. ഇതിനെതിരെ ശക്തമായ പ്രതിഷേധം ഉണ്ടാവുമെന്നും കൂട്ടായ ശക്തമായ പ്രതിഷേധം ഉയർന്ന് വരുമെന്നും അദ്ദേഹം വ്യക്തമാക്കി.

ഫാസിസ്റ്റ് സർക്കാരിനേറ്റ വലിയ തിരിച്ചടിയാണിതെന്ന് ആനി രാജയും പ്രതികരിച്ചു. കുട്ടികളെ അതി ക്രൂരമായാണ് പൊലീസ് നേരിട്ടതെന്നും പലരുടെയും കയ്യും കാലും തല്ലിയൊടിച്ചെന്നും ആനി രാജ പറഞ്ഞു. ഈ വിലക്കുകൾ എല്ലാം മറികടന്നു ആയിരക്കണക്കിന് വിദ്യാർഥികൾ പാർലമെൻ്റിന് മുന്നിൽ എത്തിയത് ഫാസിസത്തിൻ്റെ തോൽവിയാണെന്നും അവർ കൂട്ടിച്ചേർത്തു. മോദിയും, അമിത് ഷായും ഏറ്റവും കൂടുതൽ നാണിക്കേണ്ട ദിനമാണിതെന്നും ആനി രാജ കൂട്ടിച്ചേർത്തു.

]]> 'വിദ്യാര്‍ത്ഥി നേതാക്കള്‍ പാര്‍ലമെൻ്റ് അംഗങ്ങളെ കാണുന്നത് വരെ നിരാഹാര സമരം തുടരും'; സോനം വാങ്ചുക്ക് https://www.sandhesam.com/CJP-rally-huge-success https://www.sandhesam.com/CJP-rally-huge-success Mon, 20 Jul 2026 22:57:15 +0530 Web Desk കേന്ദ്ര വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ട് നടത്തുന്ന നിരാഹാര സമരം തുടരുമെന്ന് അറിയിച്ച് സോനം വാങ്ചുക്ക്. നിരാഹാര സമരം ഇരുപത്തി മൂന്നാം ദിവസവും മുന്നോട്ട് പോകുന്ന സാഹചര്യത്തിലാണ് സോനം വാങ്ചുക്ക് ഇക്കാര്യം അറിയിച്ചത്. സമാധാനപരമായി പ്രതിഷേധിക്കുന്നവര്‍ക്കെതിരായ പൊലീസ് നടപടിയെ അദ്ദേഹം വിമര്‍ശിക്കുകയും വിദ്യാര്‍ത്ഥി പ്രതിനിധികള്‍ക്ക് അവരുടെ പരാതികള്‍ പാര്‍ലമെന്റിനു മുന്നില്‍ അവതരിപ്പിക്കാന്‍ അവസരമൊരുക്കണമെന്ന് സര്‍ക്കാരിനോട് ആവശ്യപ്പെടുകയും ചെയ്തു.

'സമാധാനപരമായി പ്രതിഷേധിക്കുന്ന യുവാക്കളോട് കാണിക്കുന്ന ക്രൂരത കണ്ടതിനെത്തുടര്‍ന്ന് ഞാന്‍ എന്റെ നിരാഹാര സമരം തുടരാന്‍ തീരുമാനിച്ചു, യുവനേതാക്കള്‍ക്ക് പാര്‍ലമെന്റ് മന്ദിരത്തില്‍ വെച്ച് എംപിമാരെ കാണാനോ, അല്ലെങ്കില്‍ എനിക്ക് അവരെ ഇവിടെ ആശുപത്രിയില്‍ വെച്ച് കാണാനോ അനുമതി ലഭിക്കുന്നത് വരെ സമരം തുടരും,' സോനം വാങ്ചുക്ക് പങ്കുവെച്ച കുറിപ്പില്‍ പറയുന്നു. വിദ്യാഭ്യാസ മന്ത്രി നിർവ്വഹിക്കേണ്ട ഉത്തരവാദിത്വം സര്‍ക്കാര്‍ ഉറപ്പാക്കുമെന്ന് പ്രതീക്ഷിക്കുന്നതായും ഒപ്പം പ്രകോപനപരമെന്ന് വിശേഷിപ്പിക്കപ്പെടുന്ന സാഹചര്യത്തിലും സമാധാനം നിലനിര്‍ത്തിയ വിദ്യാര്‍ത്ഥികളെ വാങ്ചുക്ക് അഭിനന്ദിക്കുകയും ചെയ്തു.

]]> നിതിൻ രാജിൻ്റെ മരണം: കോടതിയിൽ നാടകീയ രം​ഗങ്ങൾ, ഡോ. റാമിനെ വിട്ടയച്ച് കോടതി, വീണ്ടും കസ്റ്റഡിയിലെടുത്ത് ക്രൈം ബ്രാഞ്ച് https://www.sandhesam.com/Nitinraj-suicide-case https://www.sandhesam.com/Nitinraj-suicide-case Mon, 20 Jul 2026 22:33:59 +0530 Web Desk അഞ്ചരക്കണ്ടിയിലെ കണ്ണൂർ ദന്തൽ കോളേജ് ഒന്നാം വർഷ വിദ്യാർത്ഥി ആർ എൽ നിതിൻ രാജിൻ്റെ ആത്മഹത്യ പ്രേരണാ കേസിൽ ഒന്നാം പ്രതിയായ ഡോക്ടർ എം കെ റാമിൻ്റെ അറസ്റ്റ് കോടതി റദ്ദാക്കി. സുപ്രീം കോടതി മാനദണ്ഡങ്ങൾ പാലിക്കാതെയാണ് അറസ്റ്റെന്ന പ്രതിഭാഗം വാദം പരിഗണിച്ചാണ് നടപടി. പ്രതിക്ക് വേണ്ടി അഡ്വ കിഷോർ കുമാർ കോടതിയിൽ ഹാജരായി.

അറസ്റ്റ് നിയമവിരുദ്ധമാണെന്നും സുപ്രീംകോടതി മാനദണ്ഡം പാലിച്ചില്ലെന്നും ചൂണ്ടിക്കാണിച്ചായിരുന്നു നേരത്തെ തലശ്ശേരി പ്രിൻസിപ്പൽ സെഷൻസ് കോടതി പ്രതിഭാഗം അഭിഭാഷകൻ്റെ വാദം പരിഗണിച്ച് ഡോ. എം കെ റാമിന് ജാമ്യം നൽകിയത്. ഗ്രൗണ്ട് ഓഫ് അറസ്റ്റിൽ വ്യക്തതയില്ലെന്ന പ്രതിഭാഗം വാദം കോടതി അംഗീകരിക്കുകയായിരുന്നു.ഞായറാഴ്ച കര്‍ണാടകയിലെ കുടകില്‍ നിന്നായിരുന്നു മുഖ്യപ്രതി റാമിനെ പൊലീസ് പിടികൂടിയത്. അവിടെ ഒളിവിൽ കഴിഞ്ഞിരുന്ന സ്ഥലത്തുനിന്നായിരുന്നു പ്രതിയെ കസ്റ്റഡിയില്‍ എടുത്തത്. കണ്ണൂരില്‍ എത്തിച്ച ശേഷം റാമിന്റെ അറസ്റ്റ് പൊലീസ് രേഖപ്പെടുത്തുകയായിരുന്നു. ഒളിവ് ജീവിതത്തില്‍ പ്രതി മൊബൈല്‍ ഫോണ്‍ ഉപയോഗിച്ചിരുന്നില്ല. മൂന്ന് പേരുടെ സഹായം ഇയാള്‍ക്ക് ലഭിച്ചിരുന്നു. പ്രതിയുടെ മുന്‍കൂര്‍ ജാമ്യാപേക്ഷ സെഷന്‍സ് കോടതിയും ഹൈക്കോടതിയും സുപ്രീംകോടതിയും തള്ളിയിരുന്നു. ഇതിന് പിന്നാലെ റാമിനായി പൊലീസ് വ്യാപക പരിശോധന നടത്തിവരികയായിരുന്നു. ഇതിനിടെയായിരുന്നു പ്രതിയെ പിടികൂടിയത്.

എന്നാൽ വിദ്യാർത്ഥിജീവനൊടുക്കിയത് താൻ കാരണമല്ലെന്ന് ആത്മഹത്യ പ്രേരണാ കേസിലെ ഒന്നാം പ്രതിയും വകുപ്പ് മേധാവിയുമായ ഡോക്ടർ എം കെ റാമിൻ്റെ മൊഴി. താൻ വിദ്യാർത്ഥിക്കെതിരെ ജാതി അധിക്ഷേപം നടത്തിയിട്ടില്ലെന്ന് അറസ്റ്റിലായ ഡോക്ടർ ക്രൈംബ്രാഞ്ച് ചോദ്യം ചെയ്യലിൽ മൊഴി നൽകി. നിതിൻ രാജിനെ മാനസികമായ പീഡിപ്പിക്കുന്ന യാതൊന്നും ചെയ്തിട്ടില്ല എച്ച് ഒഡിയെന്ന നിലയിൽ തൻ്റെ ചുമതലയാണ് അച്ചടക്കവും വിദ്യാർത്ഥികളുടെ മാർക്കും പരിശോധിക്കൽ. മാർക്ക് കുറഞ്ഞ കുട്ടികളെ ക്ളാസിൽ നിന്നും പരസ്യമായി ശാസിച്ചിട്ടുണ്ട് ഇത് ആ കുട്ടികളുടെ നന്മയ്ക്ക് വേണ്ടി ചെയ്തതാണ് തനിക്കെതിരെ വിദ്യാത്ഥികളുടെ മൊഴികൾക്ക് പിന്നിൽ അച്ചടക്കം കർശനമാക്കിയതിലെ എതിർപ്പ് കാരണമാകാമെന്നും പ്രതി മൊഴി നൽകി. കുടകിൽ നിന്നാണ് ഞായറാഴ്ച്ച രാവിലെ ഡോ. എം കെ റാമിനെ ക്രൈംബ്രാഞ്ച് സംഘം കസ്റ്റഡിയിലെടുത്തത് തുടർന്ന് കണ്ണൂർ ക്രൈംബ്രാഞ്ച് ഓഫീസിലെത്തിച്ച് ചോദ്യം ചെയ്യുകയായിരുന്നു. കണ്ണൂർ ജില്ലാ ആശു പത്രിയിൽ വൈദ്യ പരിശോധനയ്ക്ക് വിധേയമാക്കിയതിന് ശേഷമാണ് ഡോക്ടർ എം കെ റാമിനെ തലശേരി കോടതിയിൽ ഹാജരാക്കിയത്.

കോടതി ജാമ്യത്തിൽ വിട്ട ഡോ. എം കെ റാമിനെ നിയമക്രമങ്ങൾ പാലിച്ചു വീണ്ടും മജിസ്‌ട്രേറ്റിന് മുൻപിൽ ഹാജരാക്കാനാണ് പൊലിസ് നീക്കം നടത്തുന്നത്. ഇതിനായി ഇയാൾക്ക് നോട്ടീസ് നൽകി വിട്ടയച്ചു. അടുത്ത ദിവസം ഹാജരാകണമെന്ന് അറിയിച്ചാണ് നോട്ടീസ് നൽകിയത്.

അറസ്റ്റുചെയ്യുന്നയാളെ എന്തിനാണ് അറസ്‌റ്റു ചെയ്യുന്നതെന്ന് നോട്ടിസ് നൽകി ബോധ്യപെടുത്തണമെന്ന സുപ്രീംകോടതി ഉത്തരവ് പാലിക്കാത്തതിനെ തുടർന്നാണ് ഡോക്ടർ എം കെ റാമിനെ വിട്ടയച്ചത്. ഏപ്രില്‍ 10നാണ് കണ്ണൂര്‍ അഞ്ചരക്കണ്ടി ഡെന്റല്‍ കോളജ് വിദ്യാര്‍ഥി നിതിന്‍രാജ് കോളജ് കെട്ടിടത്തിന് മുകളില്‍ നിന്നു ചാടി ആത്മഹത്യ ചെയ്തത്.

]]> പാളയത്തെ ബിജുവിന്റേത് അരുംകൊല; കഴുത്തിന് മുൻപിലും പിൻഭാഗത്തും 18 കത്തിക്കുത്തുകൾ; ശരീരത്താകെ 45 മുറിവുകൾ https://www.sandhesam.com/Murder-at-Kozhikode--Palayam https://www.sandhesam.com/Murder-at-Kozhikode--Palayam Mon, 20 Jul 2026 13:02:29 +0530 Web Desk കോഴിക്കോട്: കോഴിക്കോട് പാളയം സ്വദേശി ബിജുവിന്റേത് ആരുംകൊല. ബിജുവിന്റെ ശരീരത്തിലാകെ 45 മുറിവുകളുണ്ടായിരുന്നതായാണ് പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നത്. കഴുത്തിന്റെ മുന്‍പിലും പിന്‍ഭാഗത്തും 18 കത്തിക്കുത്തുകളുണ്ടായിരുന്നതായും പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നുണ്ട്. കിച്ചണ്‍ നൈഫ് ഉപയോഗിച്ചാവാം കൊലപാതകമെന്നാണ് അന്വേഷണ സംഘത്തിന്റെ നിഗമനം. പ്രതിക്കായുള്ള അന്വേഷണം പൊലീസ് ഊര്‍ജിതമാക്കിയിട്ടുണ്ട്. പാളയം പച്ചക്കറി മാര്‍ക്കറ്റിലെ സിസിടിവി ദൃശ്യങ്ങള്‍ അന്വേഷണ സംഘം ശേഖരിച്ചിട്ടുണ്ട്. ഇത് വിശദമായി പരിശോധിച്ചുവരികയാണ്.

അതേസമയം കൊലപാതകം ലഹരി സംഘത്തെ കുറിച്ച് വിവരം നല്‍കിയതിന് എന്ന കുടുംബത്തിന്റെ ആരോപണം പൊലീസ് തള്ളി. അത്തരം ഒരു വിവരം കൊല്ലപ്പെട്ട ബിജു പൊലീസിന് നല്‍കിയിട്ടില്ലെന്ന് സിറ്റി പൊലീസ് കമ്മീഷണര്‍ പറഞ്ഞു. കുടുംബത്തിന്റെ ആരോപണം ശരിയല്ല. അന്വേഷണത്തിന് പ്രത്യേക സംഘം രൂപീകരിച്ചിട്ടുണ്ട്. പ്രതിയെക്കുറിച്ച് ചില സൂചനകള്‍ പൊലീസിന് ലഭിച്ചിട്ടുണ്ട്. സിസിടിവി ദൃശ്യങ്ങള്‍ ഉള്‍പ്പെടെ പരിശോധിച്ചുവരികയാണെന്നും സിറ്റി പൊലീസ് കമ്മീഷണര്‍ പറഞ്ഞു.

]]> യുവാക്കൾക്ക് നേരെ ക്രൂരമായ ലാത്തിച്ചാർജ്; ഡൽഹിയിൽ സംഘർഷം https://www.sandhesam.com/parliament-march-of-CJP https://www.sandhesam.com/parliament-march-of-CJP Mon, 20 Jul 2026 12:55:04 +0530 Web Desk ന്യൂഡല്‍ഹി: സിജെപിയുടെ പാര്‍ലമെന്റ് മാര്‍ച്ചിനെ അടിച്ചമര്‍ത്തി ഡല്‍ഹി പൊലീസ്. യുവാക്കള്‍ക്ക് നേരെ പൊലീസ് ക്രൂരമായ ലാത്തിച്ചാര്‍ജ് നടത്തി. യുവാക്കളെ അടിച്ചോടിക്കുന്ന സമീപനമാണ് പൊലീസ് സ്വീകരിച്ചത്. എന്നാല്‍ പിന്തിരിയാന്‍ യുവാക്കള്‍ തയ്യാറായില്ല.  കേന്ദ്ര വിദ്യാഭ്യാസമന്ത്രിയുടെ രാജി ആവശ്യപ്പെട്ട് പാർലമെന്റ് നടത്തിയ കോക്രോച്ച് ജനതാ പാർട്ടിയുടെ (സിജെപി) മാർച്ച് പൊലീസ് തടഞ്ഞതോടെ യുദ്ധക്കളമായി ജന്തർ മന്തർ.  ‘‘കനത്ത മഴയും, സുരക്ഷയുമുണ്ട്. എന്നാൽ ഇതൊന്നും പാറ്റകളെ ഇന്ന് തടസ്സപ്പെടുത്തില്ല’’ എന്ന് സിജെപി എക്സ് പോസ്റ്റിൽ അറിയിച്ചു.

കോക്രോച്ച് പാർട്ടിയുടെ പ്രതിഷേധത്തിൻ്റെ പശ്ചാത്തലത്തിൽ കനത്ത ജാഗ്രതയിലാണ് ദില്ലി ന​ഗരം. മുന്നൂറിലധികം പൊലീസ് ഉദ്യോഗസ്ഥരെ സംഭവസ്ഥലത്ത് വിന്യസിച്ചിട്ടുണ്ട്. 25 ബറ്റാലിയൻ കേന്ദ്രസേനയേയും സുരക്ഷയ്ക്ക് നിയോ​ഗിച്ചിട്ടുണ്ട്. ഡെപ്യൂട്ടി കമ്മിഷണർ, അഡീഷനൽ ഡിസിപി റാങ്കിലുള്ള മുതിർന്ന ഉദ്യോഗസ്ഥർ തുടങ്ങിയവർ സാഹചര്യം നേരിട്ട് നിരീക്ഷിക്കുകയാണ്. എന്നാൽ സാമൂഹിക പ്രവർത്തകൻ സോനം വാങ്ചുകുമായി ചർച്ചയ്ക്കുള്ള നിർദ്ദേശം ഇതുവരെ സർക്കാർ അംഗീകരിച്ചില്ല.

സിജെപിയുടെ പാര്‍ലമെന്റ് മാര്‍ച്ചിന് പൊലീസ് അനുമതി നല്‍കിയിരുന്നില്ല. മാര്‍ച്ചിനെ തടയാന്‍ പൊലീസ് വന്‍ സന്നാഹങ്ങളായിരുന്നു ഒരുക്കിയിരുന്നത്. ഇത് മറികടന്ന് സിജെപി പ്രവര്‍ത്തകരും അവർക്ക് പിന്തുണയുമായി എത്തിയവരും ജന്തര്‍ മന്തറില്‍ നിന്ന് പുറത്തേക്കിറങ്ങിയതോടെയായിരുന്നു പൊലീസിന്റെ ഇടപെടല്‍. പ്രവര്‍ത്തകരെ പൊലീസ് അടിച്ചോടിക്കുകയായിരുന്നു. ഇതോടെ സിജെപി പ്രവര്‍ത്തകരും നിലപാട് കടുപ്പിച്ചു. മാര്‍ച്ചില്‍ നിന്ന് പിന്നോട്ടില്ലെന്ന് സിജെപി പ്രവര്‍ത്തകര്‍ പറഞ്ഞു. മാര്‍ച്ചുമായി ഇവര്‍ മുന്നോട്ടുനീങ്ങി. ഇതിനിടെ പൊലീസ് വീണ്ടും ലാത്തിച്ചാര്‍ജ് വീശി. ഇതോടെ പൊലീസിന് നേരെ കല്ലേറുണ്ടായി. പിന്നാലെ പൊലീസും പ്രവര്‍ത്തകരും തമ്മില്‍ ഉന്തും തള്ളുമുണ്ടായി. മാര്‍ച്ചിന് പിന്തുണയുമായി എത്തിയ എഎപി നേതാക്കളായ മനീഷ് സിസോദിയ, അതിഷി മര്‍ലേന, സഞ്ജയ് സിങ് എന്നിവരെ പൊലീസ് തടഞ്ഞു. പൊലീസിന്റെ ബാരിക്കേഡ് മറികടന്ന് പ്രവര്‍ത്തര്‍ വേദിയിലേക്ക് കടന്നു. 

]]> താടി വെച്ച് രൂപം മാറി, മൊബൈല്‍ ഫോണ്‍ ഉപയോഗിക്കാതെ ഒളിത്താവളം നിരന്തരം മാറി;ഒടുവിൽ ഡോ എംകെ റാം അറസ്റ്റിൽ https://www.sandhesam.com/Dr-Ram-arrested-from-kudak https://www.sandhesam.com/Dr-Ram-arrested-from-kudak Mon, 20 Jul 2026 12:34:09 +0530 Web Desk കണ്ണൂർ: ദന്തൽ കോളേജ് വിദ്യാർത്ഥിയായ നിതിൻ രാജിൻ്റെ മരണത്തിൽ മുഖ്യപ്രതിയായ ഡോ എം കെ റാം പിടിയിൽ. കുടകിൽ നിന്നാണ് ഡോ റാമിനെ പിടികൂടിയത്. ഇയാളെ കണ്ണൂർ ക്രൈംബ്രാഞ്ച് ഓഫീസിൽ എത്തിച്ച് ചോദ്യം ചെയ്തുവരികയാണ്. നേരത്തെ റാമിനെ തേടി അന്വേഷണ സംഘം ആന്ധ്രയിലെ ചിറ്റൂരിലെത്തിയിരുന്നു. എന്നാൽ റാം അവിടെ നിന്ന് രക്ഷപ്പെടുകയായിരുന്നു. കേസിൽ മാസങ്ങൾക്ക് ശേഷമാണ് റാമിനെ പിടികൂടുന്നത്. സുപ്രീംകോടതി കൂടെ മുൻകൂർ ജാമ്യം തള്ളിയതോടെയാണ് റാം ഒളിവിൽ പോയത്. താടി വെച്ചു രൂപം മാറിയാണ് ഇയാൾ ഒളിവിൽ കഴിഞ്ഞതെന്ന് പൊലീസ് കണ്ടെത്തി.

നേരത്തെ, മുൻകൂർ ജാമ്യാപേക്ഷ തള്ളിയ കോടതി, ഡോ റാമിനെതിരെ കടുത്ത പരാമർശങ്ങളാണ് നടത്തിയത്. നിതിൻ രാജ് ക്ലാസ്മുറിക്കുള്ളിൽ അധിക്ഷേപിക്കപ്പെട്ടു എന്ന് കോടതി വ്യക്തമാക്കി. സഹപാഠികൾക്ക് മുന്നിൽവെച്ച് ഇത്തരത്തിൽ അധിക്ഷേപിക്കപ്പെടുന്ന വിദ്യാർത്ഥികൾക്ക് ഉണ്ടാകുന്ന മാനസികാവസ്ഥയെപ്പറ്റി ചിന്തിച്ചിട്ടുണ്ടോയെന്നും കോടതി ചോദിച്ചു. അത്തരമൊരു പെരുമാറ്റത്തിലൂടെ അധ്യാപകന് ഒഴിഞ്ഞുമാറാൻ കഴിയില്ലെന്നും കോടതി നിരീക്ഷിച്ചു.

മനുഷ്യത്വരഹിതം എന്ന വാക്ക് മാത്രമാണ് മനസ്സിൽ വരുന്നതെന്നും കോടതി പറഞ്ഞു. ഇത്തരം പ്രവർത്തികൾ ചെയ്യുന്ന അധ്യാപകർ അതിൻ്റെ പ്രത്യാഘാതം എന്താണെന്ന് മനസ്സിലാക്കേണ്ടതുണ്ടെന്നും കോടതി പറഞ്ഞു. അതേസമയം ജാതി അധിക്ഷേപം നടത്തിയിട്ടില്ലെന്നായിരുന്നു അധ്യാപകന് വേണ്ടി ഹാജരായ അഭിഭാഷകൻ്റെ വാദം. പറഞ്ഞതിൽ നിന്ന് പാഠം പഠിച്ചു എന്നും അഭിഭാഷകൻ കോടതിയിൽ പറഞ്ഞു. പ്രതിയായ ഡോ റാം മൂന്ന് മാസമായി ഒളിവിലാണെന്ന് സംസ്ഥാന സർക്കാർ സുപ്രീംകോടതിയെ അറിയിക്കുകയും ചെയ്തു. 

]]> നെന്മാറ ഇരട്ടക്കൊലക്കേസ്; കൊടുംകുറ്റവാളി ചെന്താമരയ്ക്ക് വധശിക്ഷ വിധിച്ച് കോടതി https://www.sandhesam.com/Nenmara-double-murder-case-Court-sentences-Chenthamara-to-death https://www.sandhesam.com/Nenmara-double-murder-case-Court-sentences-Chenthamara-to-death Mon, 20 Jul 2026 12:26:43 +0530 Web Desk

പാലക്കാട്: നെന്മാറ ഇരട്ടക്കൊലക്കേസില്‍ പ്രതി ചെന്താമരക്ക് വധശിക്ഷ. പാലക്കാട് അഡീഷണല്‍ ജില്ലാ സെഷന്‍സ് കോടതിയാണ് വിധി പ്രഖ്യാപിച്ചത്. കേസ് അപൂർവങ്ങളിൽ അപൂർവമാണെന്ന് വിലയിരുത്തിയ കോടതി പ്രതിക്ക് മാനസാന്തരത്തിന് സാധ്യതയില്ലെന്നും നിരീക്ഷിച്ചു. ജാമ്യവ്യവസ്ഥ ലംഘിച്ചാണ് ഇരട്ട കൊലപാതകം നടത്തിയത്. കൊലപാതകത്തിനുശേഷവും പ്രതിക്ക് കുറ്റബോധമില്ലെന്നും കോടതി ചൂണ്ടിക്കാട്ടി. പ്രതിഭാഗത്തിൻറെ വാദങ്ങളെല്ലാം കോടതി തള്ളി കളഞ്ഞു. കുറഞ്ഞ ശിക്ഷ നൽകണമെന്നായിരുന്നു പ്രതിഭാഗത്തിൻറെ വാദം. വധശിക്ഷ നൽകണമെന്ന് പ്രൊസിക്യൂഷൻ ആവശ്യപ്പെട്ടു. . കേസിൽ ചെന്താമര കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. 20 ലക്ഷം രൂപ പിഴയും കോടതി വിധിച്ചു. കൊല്ലപ്പെട്ട സുധാകരൻറെ മക്കള്‍ക്ക് നൽകണം.

ചെന്താമരയ്ക്ക് മാനസികപ്രശ്നമില്ലെന്നും കോടതി വിധിയില്‍ വ്യക്തമാക്കി. കുറ്റക്കാരനാണെന്ന് അറിഞ്ഞ ശേഷം പ്രതിയുടെ പ്രതികരണങ്ങള്‍ കോടതി വിധിയിൽ കോടതി പരാമര്‍ശിച്ചു. ജില്ലാ നിയമ സഹായ വേദിയുടെ റിപ്പോർട്ടിൻ മേലുള്ള വാദങ്ങളും കോടതി ചൂണ്ടിക്കാട്ടി. 2019ൽ കൊല്ലപ്പെട്ട സുധാകരന്റെ ഭാര്യ ആണ് സജിതയുടെ കേസും കോടതി പരാമര്‍ശിച്ചു. 

കൊലപാതകത്തിന് പ്രതി വ്യക്തമായി പദ്ധതിയിട്ടിരുന്നതായ സാക്ഷി മൊഴികളുണ്ട്. കൊലപാതകം പ്രതി തുടർച്ചയായി ന്യായികരിക്കുന്നുണ്ട്. കുറ്റകൃത്യത്തിന് ശേഷം ചെന്താമര വിഷം കഴിച്ചു എന്നതിന് തെളിവ് ഇല്ല.

2025 ജനുവരി 27ന് പോത്തുണ്ടി ബോയന്‍ നഗര്‍ സ്വദേശി സുധാകരനെയും അമ്മ ലക്ഷ്മിയെയും കൊലപ്പെടുത്തിയ കേസിലാണ് കോടതി ശിക്ഷാവിധി പ്രസ്താവിച്ചത്.

കൊലപാതകം നടന്ന് ഒന്നരവര്‍ഷത്തിന് ശേഷമാണ് കേസില്‍ വിധി വന്നത്. ബിഎന്‍എസ് വകുപ്പ് 103(1), 126 (2) എന്നീ വകുപ്പുകള്‍ പ്രകാരമാണ് ചെന്താമര കുറ്റക്കാരനാണെന്ന് കോടതി വിധിച്ചത്. സാക്ഷിവിസ്താരത്തിനും, വിശദമായ വാദത്തിനും ശേഷം ഇരട്ട കൊലപാതക കേസില്‍ കോടതി ശിക്ഷാവിധി പ്രഖ്യാപിക്കാന്‍ ഒരുങ്ങുമ്പോഴും, ബോയന്‍ നഗറിലെ മനസ്സുകളില്‍ ചെന്താമര ഉണ്ടാക്കിയ ഭയം കുറഞ്ഞിട്ടില്ല. പ്രതി ചെന്താമരയ്ക്ക് കോടതി പരമാവധി ശിക്ഷയായ വധശിക്ഷ തന്നെ നല്‍കണമെന്നാണ് പോത്തുണ്ടി ബോയന്‍ നഗറിലെ കുടുംബങ്ങളുടെ ആവശ്യം. ചെന്താമരയോട് നീതിപീഠം ദയ കാണിക്കരുതെന്നും പ്രദേശവാസികള്‍ ആവശ്യപ്പെടുന്നു. ചെന്താമരയെ പേടിച്ച് നിരവധി കുടുംബങ്ങള്‍ ജനിച്ച നാടും വീടും വിട്ട് ഇതര സ്ഥലങ്ങളിലേയ്ക്ക് താമസം മാറി.

വിധി പ്രസ്താവനത്തിനായി കോടതിയിലെത്തിയ ചെന്താമര വെല്ലുവിളിയും ഭീഷണിയും ഉയര്‍ത്തിയിരുന്നു. വേണ്ടി വന്നാല്‍ താന്‍ മറ്റുള്ളവരേയും കൊല്ലുമെന്നാണ് പ്രതി പറഞ്ഞത്. ഒരു ചെകിടത്ത് അടിച്ചാല്‍ മറ്റേ ചെകിടും കാണിക്കാന്‍ താന്‍ ഗാന്ധിജിയല്ലെന്നും എഴുതാന്‍ പറ്റുന്നതെല്ലാം എഴുതിക്കോയെന്നും ജഡ്ജിയോട് ചെന്താമര പറഞ്ഞു. തടസ്സം നിന്നാല്‍ ഇങ്ങനെ ആയിരിക്കും തന്റെ പെരുമാറ്റമെന്നും ചെന്താമര ഭീഷണിപ്പെടുത്തിയിരുന്നു. ചെന്താമരയ്ക്ക് മാനസിക പ്രശ്‌നം ഇല്ലെന്ന് ജില്ലാ സൈക്കോളജിസ്റ്റ് റിപ്പോര്‍ട്ട് ചെയ്തതായി കോടതി പറഞ്ഞപ്പോള്‍ തനിക്ക് പ്രശ്‌നം ഉണ്ടെന്ന് ആരാണ് പറഞ്ഞത് എന്നായിരുന്നു ചെന്താമരയുടെ മറുപടി. വിധി പ്രഖ്യാപിക്കും മുമ്പ് എന്തെങ്കിലും പറയാനുണ്ടോയെന്ന് കോടതി ചോദിച്ചപ്പോള്‍ തൂക്കി കൊന്നോളൂവെന്നായിരുന്നു ചെന്താമരയുടെ പ്രതികരണം

]]> എംബാപ്പെ മുതൽ റോഡ്രി വരെ: 2026 ലോകകപ്പിലെ ഗോൾഡൻ ബൂട്ട് ജേതാവും മറ്റ് പുരസ്കാര വിജയികളും https://www.sandhesam.com/golden-boot-for-mbappe https://www.sandhesam.com/golden-boot-for-mbappe Mon, 20 Jul 2026 09:26:37 +0530 Web Desk കിരീടം നിലനിർത്താനാവാതെ പോയതിനൊപ്പം ഗോൾഡൻ ബൂട്ടും ഗോൾഡൻ ബോളും ലയണൽ മെസിക്ക് നേടാനാവാതെ പോയതിന്റെ നിരാശയിലാണ് ആരാധകർ. 2026ലെ ഫിഫ ലോകകപ്പിൽ 10 ഗോളുകളോടെ ഗോൾവേട്ടക്കാരിൽ ഒന്നാമതെത്തിയ കിലിയൻ എംബാപ്പെ തുടർച്ചയായ രണ്ടാം തവണയും ഗോൾഡൻ ബൂട്ട് സ്വന്തമാക്കി. സ്പെയിനിനെതിരായ ഫൈനലിൽ ഗോളോ അസിസ്റ്റോ നേടാനാകാതെ 8 ഗോളുകളുമായി മെസി ടൂർണമെന്റ് അവസാനിപ്പിച്ചതോടെയാണ് എംബാപ്പെയ്ക്ക് സുവർണ പാദുകും വീണ്ടും സ്വന്തമായത്.

മെസിയെ മറികടന്ന് എംബാപ്പെ ഗോൾഡൻ ബൂട്ട് നേടുന്നത് ഇത് തുടർച്ചയായ രണ്ടാം തവണയാണ്. ഖത്തറിൽ മെസിയേക്കാൾ ഒരു ഗോൾ അധികം നേടി (7 ഗോളുകൾ) ആണ് എംബാപ്പെ ഗോൾഡൻ ബൂട്ട് നേടിയത്.

മറ്റ് പുരസ്കാരങ്ങളെല്ലാം ലോകകപ്പ് ജേതാക്കളായ സ്പാനിഷ് ടീം തൂത്തുവാരി. ടൂർണമെന്റിലുടനീളം ഒരു തവണ മാത്രം ഗോൾ വഴങ്ങിയ ഗോൾകീപ്പർ ഉനായ് സിമോൺ ഗോൾഡൻ ഗ്ലൗ സ്വന്തമാക്കിയപ്പോൾ, മിഡ്ഫീൽഡർ റോഡ്രിയെ ടൂർണമെന്റിലെ മികച്ച കളിക്കാരനായി തിരഞ്ഞെടുത്ത് ഗോൾഡൻ ബോൾ നൽകി. പ്രതിരോധ താരം പാവു കുബാർസി ആണ് ടൂർണമെന്റിലെ മികച്ച യുവതാരം. 

2026 ലോകകപ്പിലെ മികച്ച ഗോൾവേട്ടക്കാർ ആരെല്ലാം?

കിലിയൻ എംബാപ്പെ (ഫ്രാൻസ്): 10 ഗോളുകൾ

ലയണൽ മെസ്സി (അർജന്റീന): 8 ഗോളുകൾ

ജൂഡ് ബെല്ലിംഗ്ഹാം (ഇംഗ്ലണ്ട്): 7 ഗോളുകൾ

എർലിംഗ് ഹാലൻഡ് (നോർവേ): 7 ഗോളുകൾ

ഉസ്മാൻ ഡെംബെലെ (ഫ്രാൻസ്): 6 ഗോളുകൾ

മറ്റ് പുരസ്കാരങ്ങൾ:

ഫിഫ ലോകകപ്പ് 2026 ഗോൾഡൻ ഗ്ലൗ വിജയി: ഉനായ് സിമോൺ (സ്പെയിൻ)

ഫിഫ ലോകകപ്പ് 2026 ഗോൾഡൻ ബോൾ വിജയി: റോഡ്രി (സ്പെയിൻ)

ഫിഫ ലോകകപ്പ് 2026 മികച്ച യുവതാരം: പാവു കുബാർസി (സ്പെയിൻ)

ഞായറാഴ്ച നടന്ന ഫൈനലിൽ 10 പേരുമായി ചുരുങ്ങിയ നിലവിലെ ചാമ്പ്യന്മാരായ അർജന്റീനയെ പകരക്കാരനായി ഇറങ്ങിയ ഫെറാൻ ടോറസിന്റെ എക്സ്ട്രാ ടൈമിലെ ഗോളിന്റെ ബലത്തിൽ വീഴ്ത്തി സ്പാനിഷ് പട കിരീടം ചൂടി. നിലവിലെ യൂറോപ്യൻ ചാമ്പ്യന്മാരുടെ രണ്ടാമത്തെ ലോകകപ്പ് നേട്ടമാണ് ഇത്. ബോൾ പൊസഷൻ ഗെയിമിലൂടെ സ്പെയ്ൻ എല്ലാ മേഖലയിലും അർജന്റീനയെ പിന്തള്ളിയാണ് കിരീടം ചൂടിതയും തോൽവി അറിയാത്ത തേരോട്ടം 38ാം മത്സരത്തിലേക്ക് നീട്ടിയതും.

]]> മെസിയെ കെട്ടിപ്പിടിച്ച് ലമീൻ യമാൽ https://www.sandhesam.com/yamal-hugs-messi https://www.sandhesam.com/yamal-hugs-messi Mon, 20 Jul 2026 09:12:09 +0530 Web Desk ഫിഫ ലോകകപ്പ് ഫൈനലിൽ അർജന്റീനയും സ്പെയിനും നേർക്കുനേർ വരുമെന്ന ചിത്രം തെളിഞ്ഞപ്പോൾ തന്നെ ലയണൽ മെസിയും ലമീൻ യമാലും മൈതാനത്ത് നേർക്കനേർ വരുന്നതു കാണാനുള്ള ആകാംക്ഷയിലായിരുന്നു ആരാധകർ. ഫൈനൽ വിസിലിനു പിന്നാലെ മൈതാനത്ത് വച്ച് ഇരുവരും കെട്ടിപ്പെടിച്ചത് ഏറെ വൈകാരികത നിറഞ്ഞ മുഹൂർത്തമായി മാറുകയും ചെയ്തു. ആരാധകർക്ക് ഓർത്തു വയ്ക്കാവുന്ന ഒരു നിമിഷമായും ഇതു മാറി.

]]> കാൽപന്ത് കളിയിൽ അർജൻ്റീനയെ എല്ലാ മേഖലയിലും നിഷ്പ്രഭമാക്കി സ്പെയിൻ https://www.sandhesam.com/One-way-traffic-Some-Brilliant-saves-by-Emi-Martinez-though https://www.sandhesam.com/One-way-traffic-Some-Brilliant-saves-by-Emi-Martinez-though Mon, 20 Jul 2026 09:06:00 +0530 Web Desk കളിയുടെ 90 മിനിറ്റിൽ ഒരു തവണ പോലും അർജന്റീന സ്പെയിനിന്റെ ബോക്സിലേക്ക് പോയി ​ഗോളടിക്കാൻ ശ്രമിച്ചില്ല. അവർക്ക് പന്ത് കാര്യമായി കാലിൽ കിട്ടിയതേ ഇല്ല എന്നു പറയുന്നതാകും കൂടുതൽ ശരി. സ്റ്റാറ്റ്സ് നോക്കു. 90 മിനിറ്റിൽ അർജന്റീന ഒരു ​ഗോൾ ഷോട്ടുമില്ല, ടാർജറ്റുമില്ല. 120 മിനിറ്റ് പൂർത്തിയാകുമ്പോൾ സ്പെയിൻ 20 തവണയാണ് അർജന്റീന പ്രതിരോധത്തെ പരീക്ഷിച്ചത്. അതിൽ തന്നെ 11 ഓൺ ടാർജറ്റ് ഷോട്ടുകൾ. അതിലൊന്നാണ് ​ഗോളായത്. 120 മിനിറ്റിലെ കണക്കെടുത്താൽ 3 ഷോട്ടുകൾ അർജന്റീന ലക്ഷ്യത്തിലേക്ക് പായിച്ചെന്നു മാത്രം ആശ്വസിക്കാം. സ്പെയിൻ പൂർത്തിയാക്കിയത് 803 പാസുകൾ. അർജന്റീന 445 പാസുകളും. 68 ശതമാനവും പന്ത് കൈവശം വച്ചത് സ്പെയിൻ. അർജന്റീന വെറും 32 ശതമാനം മാത്രം.

സ്പെയിനിന്റെ കിറുകൃത്യമായ തന്ത്രങ്ങൾക്ക് മുന്നിൽ അർജന്റീനയുടെ ആക്രമണ നിര പൂർണമായും തളർന്നു പോയി. മത്സരത്തിൽ ഒരു ഷോട്ട് പോലും മര്യാദയ്ക്ക് തൊടുക്കാൻ പോലും സ്പാനിഷ് സംഘം അർജന്റീനയെ സമ്മതിച്ചില്ല. അധിക സമയത്തിന്റെ അവസാന മിനിറ്റുകളിൽ മാത്രമാണ് അർജന്റീന ആദ്യ ഷോട്ട് പോലും കണ്ടെത്തിയത്. മുന്നേറ്റമൊന്നും നടത്താൻ പറ്റാതെ അർജന്റീന നിസഹായരായി നിന്നു.

മെസിയിലേക്കുള്ള എല്ലാ പാസിങ് വഴികളും അടയ്ക്കുക എന്ന തന്ത്രം സ്പെയിൻ ഫലപ്രദമായി തന്നെ നടപ്പാക്കി. 8 ​ഗോളുകളും 4 അസിസ്റ്റുകളുമായി അർജന്റീനയെ ഏതാണ്ട് ഒറ്റയ്ക്കു തന്നെ ഫൈനൽ വരെ എത്തിച്ച മെസിയുടെ പ്രതിഭാ ധാരാളിത്തത്തിനു ഒരിഞ്ച് ഇടം പോലും നൽകില്ലെന്നു ഉറച്ചാണ് സ്പെയിൻ കളിച്ചത്. അവർ അതിൽ വിജയിച്ചതോടെ അർജന്റീനയുടെ തന്ത്രങ്ങളെല്ലാം തുടക്കം മുതൽ പാളിപ്പോയി. കടിഞ്ഞാൺ പോയതോടെ മെസിക്ക് കളി നിയന്ത്രിക്കാനോ തന്റെ താളത്തിലേക്ക് കൊണ്ടു വരാനോ തനത് ശൈലിയിലുള്ള നീക്കങ്ങൾ നടത്താനോ സാധിച്ചില്ല.

പന്തടക്കം, സ്പെയ്സ്, വേ​ഗത എന്നിവ തങ്ങൾ വിചാരിക്കുന്ന മുറയ്ക്കു നിയന്ത്രിക്കുക എന്നത് സ്പാനിഷ് ഫുട്ബോളിന്റെ പരമ്പരാ​ഗത ശൈലിയാണ്. അർജന്റീനയ്ക്കെതിരായ ഫൈനൽ ആ ശൈലിയുടെ പമോന്നതമായ ആവിഷ്കാരമായിരുന്നു. മിഡ്ഫീൽഡ് പൂർണമായും സ്പെയിൻ ഭരിക്കുന്ന കാഴ്ചയായിരുന്നു. ഏതാണ്ട് രണ്ട് മണിക്കൂറിനടുത്ത് അർജന്റീന താരങ്ങളെ വെറും കാഴ്ചക്കാരാക്കി മൈതാനം മുഴുക്കെ പന്തിനായി സ്പെയിൻ ഓടിച്ചു. കിരീടം നിലനിർത്താനിറങ്ങിയ അവർ ഏറിയ പങ്കും കാഴ്ചക്കാരുടെ റോളിൽ തന്നെ നിൽക്കുന്ന കാഴ്ച ദയനീയമായിരുന്നു.

സ്പാനിഷ് സംഘം തുടക്കം മുതൽ ഒടുക്കം വരെ ഇടതടവില്ലാതെ ആക്രമിച്ചു. മിനിറ്റുകൾ കഴിയും തോറും അർജന്റീന താരങ്ങളുടെ നിരാശയും സമ്മർദ്ദവും വർധിച്ചു വന്നു. അവസാന ഘട്ടത്തിൽ എൻസോ ഫെർണാണ്ടസ് ചുവപ്പ് കാർഡ് കിട്ടി പുറത്തായതോടെ അവർ 10 പേരായി ചുരുങ്ങിയതും തിരിച്ചടിയായി. അതോടെ സമ്മർദ്ദം അതിന്റെ പീക്കിലെത്തിയിരുന്നു. തുടക്കം മുതൽ കളി നിയന്ത്രിച്ച സ്പാനിഷ് സംഘത്തിനു മുന്നിൽ 10 പേരുമായി പൊരുതേണ്ട അവസ്ഥ വന്നതോടെ അർജന്റീന പ്രതിരോധം കൂടുതൽ തകർന്നു. കൗണ്ടർ അറ്റാക്കെന്ന അവരുടെ തന്ത്രം 11 പേരുണ്ടായിട്ടും നടന്നില്ല. 10 പോരായതോടെ എല്ലാ സാധ്യതകളും ഇല്ലാതായി.

അർജന്റീനയെ പൂർണമായും തളച്ചു നിർത്തി സ്പെയിൻ രണ്ടാം കിരീടം ഉയർത്തിയത് രണ്ട് അപൂർവ ചരിത്രമെഴുതി ചേർത്താണ്. ഒരു ലോകകപ്പ് ടൂർണമെന്റിലുടനീളം വെറും ഒരു ​ഗോൾ മാത്രം വഴങ്ങി കിരീടം നേടുന്ന ചരിത്രത്തിലെ ആദ്യ ടീമായി സ്പെയിൻ മാറി. തുടർച്ചയായി യുവേഫ യൂറോപ്യൻ ചാംപ്യൻഷിപ്പും (യൂറോ കപ്പ്) ഫിഫ ലോകകപ്പും രണ്ട് തവണ നേടുന്ന ആദ്യ ടീമെന്ന പുതു ചരിത്രവും അവർ ന്യൂജേഴ്സിയിൽ കുറിച്ചു വച്ചാണ് കളം വിട്ടത്.

]]> തോൽവിക്ക് പിന്നാലെ പൊരി‍ഞ്ഞ അടി!, ലിയാൻഡ്രോ പരേഡസിന് ചുവപ്പ് കാർഡ് https://www.sandhesam.com/red-card-for-peredes https://www.sandhesam.com/red-card-for-peredes Mon, 20 Jul 2026 08:48:27 +0530 Web Desk ന്യൂയോർക്ക്: ഫിഫ ലോകകപ്പ് ഫൈനൽ പോരാട്ടത്തിനു പിന്നാലെ മൈതാനത്ത് കൂട്ടത്തല്ല്. സ്പാനിഷ് താരങ്ങളായ എറിക് ഗാർഷ്യ, ഗാവി എന്നിവരെ അർജന്റീന താരം ലിയാൻഡ്രോ പരേഡെസ് മർദിക്കുന്ന ദൃശ്യങ്ങൾ പുറത്തുവന്നു. ഫൈനൽ വിസിലിനു പിന്നാലെ റോഡ്രിയെ അർജന്റീന താരം മൊളീന അടിച്ചതാണ് ആദ്യ സംഭവം. പിന്നാലെയാണ് പരേഡസ് ​ഗാർഷ്യയേയും ​ഗാവിയേയും തല്ലിയത്.

തോൽവിക്കു പിന്നാലെ അർജന്റീന താരങ്ങളുടെ നിലവിട്ട പെരുമാറ്റം ടീമിനു വലിയ നാണക്കേടായി മാറി. ഫലത്തിൽ മത്സരത്തിൽ രണ്ട് അർജന്റീന താരങ്ങൾ ചുവപ്പ് കാർഡ് വാങ്ങി പുറത്താകുന്ന സ്ഥിതിയുമുണ്ടായി. നേരത്തെ നിശ്ചിത സമയത്തിന്റെ അവസാന ഘട്ടത്തിൽ രണ്ടാം മഞ്ഞ കാർഡ് കണ്ട് എൻസോ ഫെർണാണ്ടസ് ചുവപ്പ് കാർഡ് വാങ്ങി പുറത്തായിരുന്നു.

ഫൈനൽ വിസിലിനു പിന്നാലെ വിജയം ആഘോഷിക്കാൻ മൈതാനത്തേക്ക് ഓടിയ സ്പാനിഷ് താരങ്ങൾക്കിടയിൽ റോഡ്രിയെ, അർജന്റീന താരം മൊളീന അടിച്ചതോടെയാണ് പ്രശ്‌നങ്ങൾ തുടങ്ങിയത്. റോഡ്രി ഇത് ചോദ്യം ചെയ്തു. ഇതുകണ്ട എറിക് ഗാർസ്യ, മൊളീനയെ പിടിച്ചു മാറ്റാനെത്തി.

പിന്നാലെ പരേഡെസ് എത്തി ഗാർഷ്യയെ മർദിക്കുകയായിരുന്നു. ഇത് തടയാനെത്തിയ ഗാവിയേയും പരേഡെസ് കായികപരമായി തന്നെ നേരിട്ടു. പിന്നീട് ഇരു ടീമിലെയും താരങ്ങളും അർജന്റീന കോച്ച് ലയണൽ സ്‌കലോനിയും ചേർന്നാണ് താരങ്ങളെ പിടിച്ചു മാറ്റിയത്. പിന്നാലെ പരേഡെസിന് റെഡ് കാർഡും കിട്ടി.

ഫൈനലിൽ അർജന്റീനയെ എതിരില്ലാത്ത ഒരു ഗോളിന് കീഴടക്കി സ്‌പെയിൻ തങ്ങളുടെ രണ്ടാം ലോകകപ്പ് കിരീടം സ്വന്തമാക്കി. 106ാം മിനിറ്റിൽ ഫെറാൻ ടോറസാണ് ടീമിന്റെ വിജയ ഗോൾ നേടിയത്. 2010ന് ശേഷമുള്ള ടീമിന്റെ കിരീട നേട്ടമാണിത്. കഴിഞ്ഞ തവണ ഖത്തറിൽ സ്വന്തമാക്കിയ കിരീടം നിലനിർത്താമെന്ന അർജന്റീനയുടെ മോഹം നടന്നില്ല.

]]> ലാ റോജയ്ക്ക് മുൻപിൽ മുട്ടുമടക്കി മിശിഹായും! അർജന്റീനയെ ഒറ്റ ​ഗോളിൽ വീഴ്ത്തി എസ്പാന്യാ!!! https://www.sandhesam.com/%E0%B4%B2%E0%B4%BE-%E0%B4%B1%E0%B5%8B%E0%B4%9C%E0%B4%AF%E0%B5%8D%E0%B4%95%E0%B5%8D%E0%B4%95%E0%B5%8D-%E0%B4%AE%E0%B5%81%E0%B5%BB%E0%B4%AA%E0%B4%BF%E0%B5%BD-%E0%B4%AE%E0%B5%81%E0%B4%9F%E0%B5%8D%E0%B4%9F%E0%B5%81%E0%B4%AE%E0%B4%9F%E0%B4%95%E0%B5%8D%E0%B4%95%E0%B4%BF-%E0%B4%AE%E0%B4%BF%E0%B4%B6%E0%B4%BF%E0%B4%B9%E0%B4%BE%E0%B4%AF%E0%B5%81%E0%B4%82-%E0%B4%85%E0%B5%BC%E0%B4%9C%E0%B4%A8%E0%B5%8D%E0%B4%B1%E0%B5%80%E0%B4%A8%E0%B4%AF%E0%B5%86-%E0%B4%92%E0%B4%B1%E0%B5%8D%E0%B4%B1-%E0%B4%97%E0%B5%8B%E0%B4%B3%E0%B4%BF%E0%B5%BD-%E0%B4%B5%E0%B5%80%E0%B4%B4%E0%B5%8D%E0%B4%A4%E0%B5%8D%E0%B4%A4%E0%B4%BF-%E0%B4%8E%E0%B4%B8%E0%B5%8D%E0%B4%AA%E0%B4%BE%E0%B4%A8%E0%B5%8D%E0%B4%AF%E0%B4%BE https://www.sandhesam.com/%E0%B4%B2%E0%B4%BE-%E0%B4%B1%E0%B5%8B%E0%B4%9C%E0%B4%AF%E0%B5%8D%E0%B4%95%E0%B5%8D%E0%B4%95%E0%B5%8D-%E0%B4%AE%E0%B5%81%E0%B5%BB%E0%B4%AA%E0%B4%BF%E0%B5%BD-%E0%B4%AE%E0%B5%81%E0%B4%9F%E0%B5%8D%E0%B4%9F%E0%B5%81%E0%B4%AE%E0%B4%9F%E0%B4%95%E0%B5%8D%E0%B4%95%E0%B4%BF-%E0%B4%AE%E0%B4%BF%E0%B4%B6%E0%B4%BF%E0%B4%B9%E0%B4%BE%E0%B4%AF%E0%B5%81%E0%B4%82-%E0%B4%85%E0%B5%BC%E0%B4%9C%E0%B4%A8%E0%B5%8D%E0%B4%B1%E0%B5%80%E0%B4%A8%E0%B4%AF%E0%B5%86-%E0%B4%92%E0%B4%B1%E0%B5%8D%E0%B4%B1-%E0%B4%97%E0%B5%8B%E0%B4%B3%E0%B4%BF%E0%B5%BD-%E0%B4%B5%E0%B5%80%E0%B4%B4%E0%B5%8D%E0%B4%A4%E0%B5%8D%E0%B4%A4%E0%B4%BF-%E0%B4%8E%E0%B4%B8%E0%B5%8D%E0%B4%AA%E0%B4%BE%E0%B4%A8%E0%B5%8D%E0%B4%AF%E0%B4%BE Mon, 20 Jul 2026 08:23:36 +0530 Web Desk 16 വർഷത്തിന് ശേഷം വിശ്വകിരീടത്തിൽ മുത്തമിട്ട് നിലവിലെ യൂറോപ്യൻ രാജാക്കന്മാരായ സ്പെയ്ൻ. 2010ൽ സ്പെയ്ൻ ആദ്യമായി ഈ കനകകിരീടത്തിൽ മുത്തമിടുമ്പോൾ വിജയഗോൾ വന്നത് ഇതിഹാസ താരം ഇനിയേസ്റ്റയിൽ നിന്നാണെങ്കിൽ ന്യൂജേഴ്സി സ്റ്റേഡിയത്തിൽ ഫെറാൻ ടോറസ് ആണ് ലാ റോജയെ ലോകത്തിന്റെ നെറുകയിൽ എത്തിച്ചത്. ടൂർണമെന്റിൽ ഉടനീളം തുടർന്ന ആധികാരികത മെസിക്കും സംഘത്തിനും എതിരേയും പുറത്തെടുക്കാൻ സ്പെയ്നിനായി.

മത്സരത്തിലുടനീളം സ്പെയിനിന്റെ സർവാധിപത്യമായിരുന്നു. ​പോസ്റ്റിനു കീഴിൽ ​ഗോൾ കീപ്പർ എമിലിയാനോ മാർട്ടിനസിന്റെ ചോരാ കൈകളാണ് പലപ്പോഴും അർജന്റീനയെ രക്ഷപ്പെടുത്തിയത്. മത്സരത്തിന്റെ 90 മിനിറ്റിലും അർജന്റീനയ്ക്ക് സ്പാനിഷ് ബോക്സിനടുത്തേക്ക് മാത്രമേ എത്താൻ പറ്റിയുള്ളു. ഒരു ഷോട്ട് പോലും അവർ തൊടുത്തില്ല. അവസാന ഇഞ്ച്വറി സമയത്താണ് അർജന്റീന ഒരു ​ഗോൾ ശ്രമം നടത്തിയത്.

ഇഞ്ച്വറി സമയത്ത് എൻസോ ഫെർണാണ്ടസിനു രണ്ടാം മഞ്ഞ കാർഡും അതുവഴി ചുവപ്പ് കാർഡും കിട്ടി പുറത്താകേണ്ടി വന്നു. കുബാർസിയെ അപകടകരമായി വീഴ്ത്തിയതിനാണ് എൻസോ ഫെർണാണ്ടസിനു മടങ്ങേണ്ടി വന്നത്. പിന്നാലെ സ്പെയിനിനു അനുകൂലമായി ഒരു ഫ്രീ കിക്ക് കിട്ടി. യമാലിന്റെ അപകടകരമായി വന്ന ഷോട്ട് എമി വീണ്ടും തടഞ്ഞു. എക്സ്ട്രാ ടൈമിൽ അർജന്റീന 10 പേരുമായാണ് കളിച്ചത്. തുടക്കത്തിൽ നിക്കോ വില്ല്യംസ് പന്ത് വലയിലിട്ടെങ്കിലും മികേൽ മെറീനോ ഫൗൾ ആയതോടെ ആ ​ഗോൾ നിഷേധിക്കപ്പെട്ടു. പിന്നീടും സ്പെയിൻ എക്സ്ട്രാ ടൈമിന്റെ ആദ്യ പകുതിയി​ൽ ​ഗോളിനായി തുടർ ശ്രമം നടത്തിയെങ്കിലും അതൊന്നും വിജയം കണ്ടില്ല.

ഇഞ്ച്വറി സമയത്ത് എൻസോ ഫെർണാണ്ടസിനു രണ്ടാം മഞ്ഞ കാർഡും അതുവഴി ചുവപ്പ് കാർഡും കിട്ടി പുറത്താകേണ്ടി വന്നു. കുബാർസിയെ അപകടകരമായി വീഴ്ത്തിയതിനാണ് എൻസോ ഫെർണാണ്ടസിനു മടങ്ങേണ്ടി വന്നത്. പിന്നാലെ സ്പെയിനിനു അനുകൂലമായി ഒരു ഫ്രീ കിക്ക് കിട്ടി. യമാലിന്റെ അപകടകരമായി വന്ന ഷോട്ട് എമി വീണ്ടും തടഞ്ഞു. എക്സ്ട്രാ ടൈമിൽ അർജന്റീന 10 പേരുമായാണ് കളിച്ചത്. തുടക്കത്തിൽ നിക്കോ വില്ല്യംസ് പന്ത് വലയിലിട്ടെങ്കിലും മികേൽ മെറീനോ ഫൗൾ ആയതോടെ ആ ​ഗോൾ നിഷേധിക്കപ്പെട്ടു. പിന്നീടും സ്പെയിൻ എക്സ്ട്രാ ടൈമിന്റെ ആദ്യ പകുതിയി​ൽ ​ഗോളിനായി തുടർ ശ്രമം നടത്തിയെങ്കിലും അതൊന്നും വിജയം കണ്ടില്ല.

നേരത്തെ മത്സരത്തിന്റെ ആദ്യ പകുതിയും ​ഗോൾരഹിതമായിരുന്നു. കടുത്ത ആക്രമണങ്ങളുമായി സ്പെയിൻ കളം വാണപ്പോൾ കൗണ്ടർ അറ്റാക്കുകളിലൂടെ ​ഗോൾ നേടാനാണ് അർജന്റീന ശ്രമിച്ചത്. ആദ്യ പകുതിയിൽ അർജന്റീനയ്ക്ക് കാര്യമായ മുന്നേറ്റങ്ങൾ നടത്താനായില്ല. സ്പെയിനിനാകട്ടെ കിട്ടിയ അവസരങ്ങൾ മുതലെടുക്കാനും സാധിച്ചില്ല. മൂന്നോളം ​ഗോൾ ശ്രമങ്ങൾ അവർ ആദ്യ പകുതിയിൽ സൃഷ്ടിച്ചു. ഒരെണ്ണം ഓൺ ടാർജറ്റായിരുന്നു.

കിക്കോഫിനു പിന്നാലെ ആ​ദ്യ ​ഗോൾ ശ്രമം ഉണ്ടായത് സ്പെയിനിന്റെ ഭാ​ഗത്തു നിന്ന്. ലമീൻ യമാലാണ് ആദ്യ മുന്നേറ്റം നടത്തിയത്. യമാലിന്റെ ശ്രമം അർജന്റീന ​ഗോൾ കീപ്പർ എമി മാർട്ടിനസ് നിഷ്ഫലമാക്കി. പിന്നാലെ സ്പെയിൻ വീണ്ടും അർജന്റീന ബോക്സിൽ അപകടം വിതച്ചു. തൊട്ടു പിന്നാലെ അർജന്റീയുടെ ഒരു കൗണ്ടർ അറ്റാക്കും വന്നു. മെസിയുടെ മുന്നേറ്റം ഉനയ് സിമോൺ ബോക്സിനു പുറത്തേക്ക് വന്ന് തടഞ്ഞു. പിന്നാലെ സ്പെയിനിന്റെ തുടരെ തുടരെയുള്ള മുന്നേറ്റങ്ങൾ. മത്സരത്തിൽ പിന്നീട് പാസുകളുമായി സ്പെയിൻ നിറയുന്ന കാഴ്ച. അതിനിടെ ചില ഒറ്റപ്പെട്ട മുന്നേറ്റങ്ങൾ അർജന്റീനയും നടത്തുന്നുണ്ടായിരുന്നു. 11 മിനിറ്റ് കഴിഞ്ഞപ്പോൾ ആദ്യ ​കോർണർ. സ്പെയിനിനു അനുകൂലമായിരുന്നു.

16ാം മിനിറ്റ് പിന്നിട്ടപ്പോൾ യമാൽ വലത് വിങിൽ നിന്നു ഒരു ലോങ് പാസ് സ്വീകരിച്ച് അർജന്റീന പ്രതിരോധത്തെ പരീക്ഷിച്ചു. എന്നാൽ താരത്തിന്റെ പാസ് കണക്ട് ചെയ്യും മുൻപ് എമി മാർട്ടിനസ് തടഞ്ഞു. 21ാം മിനിറ്റ് പിന്നിട്ടപ്പോൾ മെസിയുടെ ഒരു മുന്നേറ്റം വന്നെങ്കിലും അത് ഓഫ് സൈഡായി. 22ാം മിനിറ്റ് കഴിഞ്ഞപ്പോൾ സ്പെയിനിനു രണ്ടാം കോർണർ. എമി അത് കൈയിൽ ഒതുക്കി. 30ാം മിനിറ്റിൽ യമാലിന്റെ വലതു വിങ്ങിലൂടെയുള്ള മറ്റൊരു പാസ്. എന്നാൽ ഡാനി ഓൽമോയ്ക്ക് അത് കണക്ട് ചെയ്യാൻ സാധിച്ചില്ല. ഇടതു വിങ്ങിൽ നിന്നു 31 മിനിറ്റ് കഴിഞ്ഞപ്പോൾ ബയ്നയുടെ ഒരു ക്രോസ് ശ്രമവും പിന്നാലെ വന്നു. അർജന്റൈൻ പ്രതിരോധം അപകടം ഒഴിവാക്കി. പിന്നാലെ ഇടതടവില്ലാതെ സ്പെയിനിന്റെ കടുത്ത ആക്രമണങ്ങളാണ് കണ്ടത്. 38ാം മിനിറ്റിൽ ഒയർസബാലിന്റെ ഒരു ​ഗോൾ ശ്രമം എമി കൈയിൽ ഒതുക്കി ഇല്ലാതാക്കി.

40ാം മിനിറ്റിൽ ഒയർസബാലിന്റെ കൗണ്ടർ തടയാൻ ശ്രമിച്ച് ലിസാൻഡോ മാർട്ടിനസ് ഫൈനലിലെ ആദ്യ മഞ്ഞ കാർഡ് സ്വന്തമാക്കി. പിന്നാലെ 42 മിനിറ്റ് കഴിഞ്ഞപ്പോൾ കുക്കുറേയയുടെ ഒരു ടാർജറ്റ് ഷോട്ടും വന്നു. എന്നാൽ അത് പുറത്തേക്കാണ് പോയത്. ആദ്യ പകുതിക്കു തൊട്ടു മുൻപ് അർജന്റീന ആദ്യ സബ്സ്റ്റിറ്റ്യൂട്ട് വിളിച്ചു. ലിസാൻഡ്രോ മാർട്ടിനസിനു പകരം നിക്കോളാസ് ഒഡാമൻഡി ഇറങ്ങി. മാർട്ടിനസിനു പരിക്കേറ്റാണ് കളം വിടേണ്ടി വന്നത്. ആദ്യ പകുതിയുടെ ഇഞ്ച്വറി സമയത്ത് അർജന്റീനയുടെ ഒരു ​ഗോൾ ശ്രമം വന്നെങ്കിലും ഉനയ് സിമോൺ ഇല്ലാതാക്കി.

രണ്ടാം പകുതിയുടെ തുടക്കത്തിൽ തന്നെ സ്പെയിൻ ആക്രമണം തുടങ്ങി. തൊട്ടുപിന്നാലെ ബയ്നയുടെ ഒരു ലോങ് റേഞ്ച് ​ഗോൾ ശ്രമം എമിയുടെ കൈയിൽ ഒതുങ്ങി. അർജന്റീനയുടെ ​മുന്നേറ്റം. 47ാം മിനിറ്റിൽ സ്പെയിൻ അത് ​കോർണർ വഴങ്ങി രക്ഷപ്പെടുത്തി. എന്നാൽ കോർണർ മുതലാക്കാൻ അർജന്റീനയ്ക്ക് സാധിച്ചില്ല.

50ാം മിനിറ്റ് പിന്നിട്ടപ്പോൾ ഇരു ടീമിലേയും താരങ്ങളും തമ്മിൽ കളത്തിൽ ഒന്തും തള്ളുമുണ്ടായി.‌ അതിനിടെ അർജന്റീനയുടെ ലിയാൻഡ്രോ പരേഡെസിനു മഞ്ഞ കാർഡ് കിട്ടി. 54ാം മിനിറ്റിൽ സ്പെയിനിന്റെ ഒരു സുന്ദര മുന്നേറ്റം. ഒയർസബാലിന്റെ മികച്ച പാസ് ഫാബിയൻ റൂയീസിനു കണക്ട് ചെയ്യാൻ കഴിഞ്ഞില്ല. ഫാബിയൻ റൂയീസിന്റെ ബാക്ക് പാസ് ഒയർസബാലിലെത്തും മുൻപ്. അതിനു മുൻപ് അർജന്റീന പ്രതിരോധം അപകടം ഒഴിവാക്കി. പിന്നാലെ ‍ഡാനി ഓൽമോ- കുക്കുറേയ സഖ്യത്തിന്റെ മുന്നേറ്റം അർജന്റീന കോർണർ വഴങ്ങി രക്ഷപ്പെടുത്തി. കോർണർ മുതലാക്കാൻ സ്പെയിനു സാധിച്ചതുമില്ല. 57 മിനിറ്റ് കഴിഞ്ഞപ്പോൾ മോണ്ടിയലിനെ പിൻവലിച്ച് സ്കലോനി മൊളീനയെ ഇറക്കി.

61ാം മിനിറ്റിൽ ഫെറാൻ ടോറസും പെഡ്രിയും പകരക്കാരായി സ്പാനിഷ് നിരയിൽ എത്തി. ഒയർസബാലും ഫാബിയൻ റൂയീസുമാണ് കളം വിട്ടത്. 63ാം മിനിറ്റിൽ ഓൽമോയുടെ ഒരു ലോങ് റേഞ്ച് ​ഗോൾ ശ്രമം. എമി മാർട്ടിനസിന്റെ ദേഹത്ത് തട്ടി അത് കോർണറായി. തൊട്ടുപിന്നാലെ യമാലിന്റെ ഒരു ക്രോസ് അതും അർജന്റീന പ്രതിരോധം കോർണർ വഴങ്ങി ഇല്ലാതാക്കി. പിന്നാലെ വീണ്ടും സ്പാനിഷ് ആക്രമണം. അതും കോർണറായി. യമാലിന്റെ മറ്റൊരു അപകടം വിതച്ച പാസ്. ഫെറാൻ ടോറസ് ബോക്സിനു തൊട്ടടുത്തു നിന്നു ഹെഡ്ഡ് ചെയ്തു വലയിലാക്കാൻ നോക്കിയെങ്കിലും എമി വീണ്ടും രക്ഷകനായി.

രണ്ടാം പകുതിയിലെ ഹൈഡ്രേഷന്‍ ബ്രെയ്ക്കിനു പിന്നാലെ റൊമേറോ, റോഡ്രിഗോ ഡി പോള്‍ എന്നിവരെ അര്‍ജന്റീന പിന്‍വലിച്ചു. പകരം ഫകുണ്ടോ മെദിനയും ജൂലിയാനോ സിമിയോണിയും കളത്തിലെത്തി. പിന്നാലെ മികേൽ മെറീനോ നിക്കോ വില്ല്യംസ് എന്നിവരെ സ്പെയിൻ ഇറക്കി. ഡാനി ഓൽമോ, ബയ്ന എന്നിവരാണ് കളം വിട്ടത്. 76ാം മിനിറ്റിൽ പെഡ്രി ബോക്സിനു തൊട്ടു വക്കത്തു നിന്നു തൊടുത്ത ഷോട്ട് എമിയുടെ കൈയിൽ. പിന്നാലെ യമാലിന്റെ അപകടകരമായ മുന്നേറ്റം. തൊട്ടുപിന്നാലെ കുബാർസിയുടെ ഒരു ​ഗോൾ ശ്രമവും എമി തട്ടിയകറ്റി.

80 മിനിറ്റ് പിന്നിട്ടതിനു പിന്നാലെ നിക്കോ വില്ല്യംസിന്റെ ബോക്സിൽ നിന്നുള്ള ഒരു ക്രോസ് ​ഗോളാക്കാനുള്ള ലപ്പോർട്ടിന്റെ ശ്രമവും എമി മാർട്ടിനസ് നിഷ്ഫലമാക്കി. 82ാം മിനിറ്റിൽ എൻസോ ഫെർണാണ്ടസിനു അനാവശ്യമായി ഡൈവ് ചെയ്തതിനു മഞ്ഞ കാർഡ് കിട്ടി. 86ാം മിനിറ്റിൽ മെറീനോയുടെ ഒരു ​മികച്ച പാസ് കിട്ടിയെങ്കിലും ഫെറാൻ‌ ടോറസിന്റെ ഷോട്ട് പുറത്തേക്ക് പോയി.

]]> 'ആഹാരത്തിന് രാഷ്ട്രീയമില്ല, രോഗികൾക്ക് ആഹാരം കൊടുക്കുന്നതിന് എതിരല്ല'-കെ.മുരളീധരൻ https://www.sandhesam.com/Food-has-no-politics%2C-I-am-not-against-feeding-the-sick---K.-Muraleedharan https://www.sandhesam.com/Food-has-no-politics%2C-I-am-not-against-feeding-the-sick---K.-Muraleedharan Mon, 20 Jul 2026 00:21:02 +0530 Web Desk തിരുവനന്തപുരം: പൊതിച്ചോർ വിവാദത്തില്‍ നിലപാട് മയപ്പെടുത്തി ആരോഗ്യമന്ത്രി കെ മുരളീധരൻ. ആശുപത്രികളിൽ രോഗികൾക്ക് ആഹാരം കൊടുക്കുന്നതിൽ എതിരല്ലെന്നും അഭിപ്രായം പറഞ്ഞത് ആലപ്പുഴയിലെ സാഹചര്യത്തിലാണെന്നും കെ മുരളീധരൻ വിശദീകരിക്കുന്നു. ആലപ്പുഴയിൽ സ്ഥലം കയ്യേറി സംഘടനകൾ ഭക്ഷണം കൊടുക്കുന്നു എന്നാണ് മന്ത്രിയുടെ പത്രക്കുറിപ്പില്‍ പറയുന്നത്. ആഹാരത്തിന് രാഷ്ട്രീയം ഇല്ലെന്നും മലക്കം മറിച്ചിൽ. മന്ത്രിയുടെ പരാമർശം വിവാദമായതോടെയാണ് തിരുത്തൽ.ആലപ്പുഴയിൽ ചില സംഘടനകൾ ഭക്ഷണം നൽകുന്നതിന്റെ പേരിൽ സംഘടിതമായി സ്‌ഥലം കൈയേറി.

ഇത് അംഗീകരിക്കാനാകില്ല. സ്ഥലം കൈയ്യേറിയതിനാണ് എതിർപ്പ്, ആഹാരം കൊടുക്കുന്നതിനല്ല. ആശുപത്രിയു‌ടെ വികസന പ്രവർത്തനങ്ങളെ തടയുന്ന നടപടിയാണിത്. ഈ സാഹചര്യത്തിലാണ് ഇത്തരം സംഭവങ്ങൾ ആവർത്തിക്കാതിരിക്കാൻ ഈ മേഖലയിൽ സർക്കാർ ഇടപെടൽ നടത്തുന്നത്. ആശുപത്രിയിൽ മുഴുവൻ രോഗികൾക്കും കൂട്ടിരിപ്പുകാർക്കും ഭക്ഷണം ലഭ്യമാക്കാനുള്ള ശ്രമത്തിന്റെ ഭാഗമാണ് ആലപ്പുഴ മെഡിക്കൽ കോളേജിൽ കമ്മ്യൂണിറ്റി കിച്ചൺ ആരംഭിക്കുന്നത്. കമ്മ്യൂണിറ്റി കിച്ചണുമായി എല്ലാവരുടെയും സഹകരണം വേണം. കാരണം ആഹാരത്തിന് രാഷ്ട്രീയമില്ല, മതമില്ല, ജാതിയില്ല. പാവങ്ങൾക്ക് ആഹാരം കിട്ടണമെന്നാണ് സർക്കാരിന്റെ താത്പര്യം. അത് ആര് കൊടുക്കുന്നു എന്നത് വിഷയമല്ലെന്നും മന്ത്രി കെ.മുരളീധരൻ വ്യക്തമാക്കി.

]]> സിജെപി മാര്‍ച്ചിന് അനുമതിയില്ല; നിരാഹാരം തുടര്‍ന്ന് അഭിജീത് ദീപ്‌കെ,ജന്ദർമന്തറിലേക്ക് വൻ ജനക്കൂട്ടം https://www.sandhesam.com/CJP-rally-tomorrow https://www.sandhesam.com/CJP-rally-tomorrow Mon, 20 Jul 2026 00:09:05 +0530 Web Desk ന്യൂഡഅതേസമയം, സോനം വാങ്ചുക്കിനെ സഫ്ദർജംഗ് ആശുപത്രിയിൽ നിന്ന് ഡിസ്ചാർജ് ചെയ്യാൻ കേന്ദ്ര സർക്കാരിന് നിർദേശം നൽകണമെന്ന ആവശ്യം ഡൽഹി ഹൈക്കോടതി തള്ളിയിരുന്നു. ആരോഗ്യനില കണക്കിലെടുത്ത് അദ്ദേഹത്തെ ആശുപത്രിയിലേക്ക് മാറ്റിയ സർക്കാർ നടപടി ഏകപക്ഷീയമോ നിയമവിരുദ്ധമോ അല്ലെന്നും കോടതി നിരീക്ഷിച്ചു. ല്‍ഹി: ഉപാധികള്‍ അംഗീകരിച്ചാല്‍ സോനം വാങ്ചുക്ക് സമരം അവസാനിപ്പിക്കാമെന്നറിയിച്ചതായി ഭാര്യ ഗീതാഞ്ജലി ജെ ആങ്മോ. രാഷ്ട്രീയ നേതാക്കള്‍ സോനത്തെ സന്ദര്‍ശിക്കണമെന്നും വര്‍ഷകാല സമ്മേളനത്തില്‍ വിദ്യാഭ്യാസ പ്രശ്‌നങ്ങളില്‍ ശക്തമായ ഇടപെടല്‍ ഉണ്ടാകണമെന്നുമാണ് മുന്നോട്ട് വെക്കുന്ന ഉപാധികള്‍. ഈ ആവശ്യങ്ങള്‍ അംഗീകരിച്ചാല്‍ സോനം നാളെ അനിശ്ചിതകാല നിരാഹാര സമരം നിര്‍ത്തുമെന്നാണ് ഗീതാഞ്ജലി വ്യക്തമാക്കിയത്. ജന്തർ മന്തറിൽ പ്രതിഷേധിക്കുന്ന കോക്രോച്ച് ജനതാ പാർട്ടി പ്രവർത്തകരെ അഭിസംബോധന ചെയ്ത് സംസാരിക്കുകയായിരുന്നു അവർ.

പ്രതിഷേധം സമാധാനപരമായി കൊണ്ടു പോകണമെന്ന് സോനം പറഞ്ഞതായും അവർ കൂട്ടിച്ചേർത്തു. 'രാഷ്ട്രീയ നേതാക്കൾ ആശുപത്രിയിൽ എത്തി സോനത്തെ കാണുകയും വര്‍ഷകാല സമ്മേളനത്തില്‍ വിദ്യാഭ്യാസ മേഖലയിലെ പ്രശ്നങ്ങൾ ഉന്നയിക്കുമെന്ന് ഉറപ്പുനൽകുകയും ചെയ്താൽ, അദ്ദേഹം നാളെ നിരാഹാര സമരം അവസാനിപ്പിക്കും. നാളത്തെ മാർച്ച് സമാധാനപരമായി നടത്തണമെന്നും പ്രതിഷേധം ദുരുപയോഗം ചെയ്യപ്പെടുന്നില്ലെന്ന് ഉറപ്പാക്കണമെന്നും സോനം നമ്മളോട് അഭ്യർത്ഥിച്ചു' അവർ പറഞ്ഞു.

കോക്രോച്ച് ജനതാ പാര്‍ട്ടിയുടെ പാര്‍ലമെന്റ് മാര്‍ച്ചിന് ഇതുവരെ അനുമതി ലഭിച്ചിട്ടില്ലെന്ന് വിവരം. പാര്‍ലമെന്റ് മാര്‍ച്ചിന് പൊലീസ് അനുമതി നിഷേധിച്ചെന്നാണ് റിപ്പോര്‍ട്ട്. നാളെയാണ് പാര്‍ലമെന്റിലേക്ക് സിജെപി മാര്‍ച്ച് നടത്താന്‍ തീരുമാനിച്ചിരുന്നത്. എന്നാല്‍ സിജെപി അനുമതി തേടി അപേക്ഷ നല്‍കിയിട്ടില്ലെന്നാണ് പൊലീസ് നല്‍കുന്ന വിശദീകരണം. അനുമതി ലഭിച്ചിട്ടില്ലാത്ത പശ്ചാത്തലത്തില്‍ മാര്‍ച്ച് നടത്താന്‍ അനുവദിക്കില്ലെന്നും ഡല്‍ഹി പൊലീസ് അറിയിച്ചു. സാധാരണ പാര്‍ലമെന്റ് മാര്‍ച്ചുകള്‍ ജന്തര്‍ മന്തറില്‍ തന്നെയാണ് സംഘടിപ്പിക്കപ്പെടാറുള്ളത്.

 അതിനാല്‍ ഇതിന് പുറത്തേക്ക് മാര്‍ച്ചിന് പൊലീസ് അനുമതി നല്‍കാന്‍ സാധ്യതയില്ലെന്നാണ് വിലയിരുത്തല്‍. സിജെപി സമരം രണ്ടാം സ്വാതന്ത്ര്യ സമരമാണെന്നാണ് അധ്യക്ഷന്‍ അഭിജീത് ദീപ്‌കെ പ്രതികരിച്ചത്.വൈകുന്നെരത്തോടെ വൻ ജനവലിയാണ് ജന്ദർമന്തർ പ്രദേശത്തേക്ക് ഒഴുകി എത്തിയിരിക്കുന്നത്.

]]> സംരക്ഷണം തേടി കുംഭമേള വൈറല്‍ പെൺകുട്ടി പൊലീസിന് മുന്നിൽ; സ്റ്റേഷനില്‍ നേരിട്ടെത്തി https://www.sandhesam.com/Kumbhamela-viral-girl-seeks-police-protection https://www.sandhesam.com/Kumbhamela-viral-girl-seeks-police-protection Sun, 19 Jul 2026 23:46:42 +0530 Web Desk കൊച്ചി: സംരക്ഷണം ആവശ്യപ്പെട്ട് കുംഭമേള വൈറൽ പെൺകുട്ടി പൊലീസിന് മുന്നിലെത്തി. എറണാകുളം സെൻട്രൽ പൊലീസ് സ്റ്റേഷനിലാണ് സംരക്ഷണം തേടി പെണ്‍കുട്ടി എത്തിയത്. പെൺകുട്ടി എവിടെയെന്ന് അറിയാതെ എങ്ങനെ സംരക്ഷണം കൊടുക്കും എന്ന് പൊലീസ് കോടതിയിൽ പറഞ്ഞിരുന്നു. പിന്നാലെയാണ് ഒളിവിൽ കഴിഞ്ഞ പെൺകുട്ടി സുരക്ഷ തേടി പൊലീസ് സ്റ്റേഷനിലേക്ക് നേരിട്ടെത്തിയത്. തൻ്റെ പാസ്പോർട്ടും പണവും അടക്കം പിതാവും സംഘവും അപഹരിച്ചെന്നും പെൺകുട്ടി പരാതി പറയുന്നു.

കഴിഞ്ഞ മാർച്ച് 11 ന് തിരുവനന്തപുരത്തെ അരുമാനൂർ ശ്രീ നൈനാർ ദേവ ക്ഷേത്രത്തിൽ വെച്ചായിരുന്നു കുംഭമേള വൈറൽ താരത്തിന്റെ വിവാഹം. വിവാഹം കഴിക്കുമ്പോള്‍ പെണ്‍കുട്ടിക്ക് 16 വയസ് മാത്രമേ പ്രായമുള്ളൂ എന്നായിരുന്നു ദേശീയ പട്ടിക വര്‍ഗ കമ്മീഷന്‍റെ അന്വേഷണത്തില്‍ കണ്ടെത്തിയത്. മഹേശ്വര്‍ സര്‍ക്കാര്‍ ആശുപത്രിയിലെ ജനന സര്‍ട്ടിഫിക്കറ്റില്‍ 2009 ഡിസംബര്‍ 30 ന് വൈകിട്ട് 5.50 ന് പെണ്‍കുട്ടി ജനിച്ചു എന്നാണ് രേഖപ്പെടുത്തിയിരിക്കുന്നത്. എന്നാല്‍ തിരുവനന്തപുരത്ത് പൊലീസിന് മുമ്പാകെ പെണ്‍കുട്ടി ഹാജരാക്കിയ രേഖകളില്‍ 2008 ജനുവരി ഒന്നാണ് ജനന തീയതി. പെണ്‍കുട്ടി സമര്‍പ്പിച്ച ജനന സര്‍ട്ടിഫിക്കറ്റ് വ്യാജമായി തയ്യാറാക്കിയതെന്നാണ് കമ്മീഷന്‍ പറയുന്നത്.

]]> പശ്ചിമേഷ്യയിൽ ആളിപ്പടർന്ന് യു.എസ് - ഇറാൻ സംഘർഷം;ഇറാനിൽ ആണവ നിലയമടക്കം ആക്രമിച്ച് അമേരിക്ക https://www.sandhesam.com/Full-fledged-war-in-middle-east https://www.sandhesam.com/Full-fledged-war-in-middle-east Sun, 19 Jul 2026 23:31:30 +0530 Web Desk ടെഹ്റാൻ: ജോർദാനിലെ അമേരിക്കൻ സൈനിക താവളത്തിന് നേരെ ഇറാൻ നടത്തിയ ആക്രമണത്തിന് ശക്തമായ തിരിച്ചടിയുമായി യു എസ്. ഇറാനിൽ നിർമാണം നടക്കുന്ന ആണവ നിലയത്തിലടക്കം ആക്രമണം നടത്തിയെന്ന് അമേരിക്ക അറിയിച്ചു. ഡാർകോവിൻ ആണവ നിലയത്തിൽ ആണ് ആക്രമണം നടത്തിയത്. ഇറാനിൽ ഇന്നലെ രാത്രി മുതൽ നടത്തിയ വ്യാപക മിസൈൽ ബോംബിങ്ങിൽ തീര നിരീക്ഷണ സംവിധാനങ്ങൾ, റഡാറുകൾ, നാവിക സംവിധാനങ്ങൾ, മിസൈൽ - ഡ്രോൺ കേന്ദ്രങ്ങൾ എന്നിവ തകർത്തതായി വ്യക്തമാക്കുന്ന ദൃശ്യങ്ങളും അമേരിക്ക പുറത്തുവിട്ടു. ജോർദാനിൽ രണ്ട് അമേരിക്കൻ സൈനികർ കൊല്ലപ്പെടുകയും ഒരാളെ കാണാതാവുകയും ചെയ്ത സംഭവത്തെ തുടർന്നാണ് ഇറാനിൽ അമേരിക്ക വ്യാപക ബോംബാക്രമണം നടത്തിയത്.

ആണവ നിലയത്തിന് നേരെയുണ്ടായ ആക്രമണത്തിന്റെ പശ്ചാത്തലത്തിൽ, വിഷയത്തിൽ അന്താരാഷ്ട്ര ആണവോർജ ഏജൻസി (ഐ എ ഇ എ) മൗനം വെടിയണമെന്ന് ഇറാൻ ആവശ്യപ്പെട്ടു. യു എസ് ആക്രമണത്തിന് പിന്നാലെ ഹോർമുസ് കടലിടുക്കിൽ നാല് കപ്പലുകളെ ഇറാൻ തടയുകയും രണ്ട് കപ്പലുകൾക്ക്u നേരെ ആക്രമണം നടത്തുകയും ചെയ്തതായാണ് വിവരം. മേഖലയിൽ സമാധാനത്തോടെ തുടരാൻ അമേരിക്കയ്ക്ക് കഴിയില്ലെന്ന് ഇറാന്റെ പരമോന്നത നേതാവ് മുന്നറിയിപ്പ് നൽകിയതോടെ പശ്ചിമേഷ്യ വീണ്ടും കടുത്ത യുദ്ധഭീതിയിലായിരിക്കുകയാണ്.

ധാരണാപത്രത്തിന് ശേഷമുണ്ടായ ശത്രുതയിൽ യു.എസ് നടത്തിയ ആക്രമണങ്ങളിൽ ഇറാനിൽ കുറഞ്ഞത് 50 പേർ കൊല്ലപ്പെടുകയും 500-ലധികം പേർക്ക് പരിക്കേൽക്കുകയും ചെയ്തതായി ഇറാൻ അറിയിച്ചു. ഉപരോധങ്ങൾ കാരണം തകർന്ന ഇറാനിയൻ സമ്പദ്‌വ്യവസ്ഥയ്ക്ക് വലിയ സാമ്പത്തിക ആശ്വാസം വാഗ്ദാനം ചെയ്യുന്നതായിരുന്നു ഈ ധാരണാപത്രം. എന്നിട്ടും ഇറാൻ പിന്നോട്ട് പോകാൻ തയ്യാറാകാത്തതിന് രണ്ട് കാരണങ്ങളുണ്ട് — അമേരിക്കയെ വിശ്വസിക്കാൻ കൊള്ളില്ലെന്ന ബോധ്യവും, തങ്ങളുടെ ഏറ്റവും വലിയ ആയുധമായ ഹോർമുസ് കടലിടുക്കിന്റെ നിയന്ത്രണം കൈവിടരുതെന്ന നിർബന്ധവും.

]]> ചിന്ത രവീന്ദ്രൻ പുരസ്‌കാരം നടി ഭാവനയ്ക്ക് https://www.sandhesam.com/Actress-Bhavana-to-receive-Chinta-Raveendran-Award https://www.sandhesam.com/Actress-Bhavana-to-receive-Chinta-Raveendran-Award Sun, 19 Jul 2026 06:15:37 +0530 Web Desk
കോഴിക്കോട്: 2026 ലെ ചിന്ത രവീന്ദ്രൻ പുരസ്‌കാരത്തിന് നടി ഭാവന അർഹയായി. 50,000
(അമ്പതിനായിരം) രൂപയും ശില്പ‌വും പ്രശസ്‌തിപത്രവും ഉൾക്കൊള്ളുന്നതാണ് പുരസ്കാ രം. സാഹിത്യ അക്കാദമി മുൻ പ്രസിഡണ്ട് കെ. സച്ചിദാനന്ദൻ, കെ.സി. നാരായണൻ, എം. പി. സുരേന്ദ്രൻ എന്നിവരടങ്ങുന്ന പാനലാണ് അവാർഡ് ജേതാവിനെ തിരഞ്ഞെടുത്തത്.

അവാർഡ് 2026 ജൂലൈ 25ന് രാവിലെ 10 മണിക്ക് കോഴിക്കോട് ടൗൺഹാളിൽ വെച്ച് സമ്മാ നിക്കും. എൻ.എസ്. മാധവൻ അദ്ധ്യക്ഷതവഹിക്കും. സക്കറിയ, ശശികുമാർ എന്നിവർ സംസാരിക്കും. ഈ വർഷത്തെ ചിന്ത രവീന്ദ്രൻ സ്‌മാരക പ്രഭാഷണം എൻ. റാം നിർവ്വഹിക്കും. “Unmaking The Republic - How Hindutva Authoritarianism is Dismantling the Basic Struc-ture" ("റിപ്പബ്ലിക്കിനെ ഇല്ലാതാക്കൽ: ഹിന്ദുത്വ ഏകാധിപത്യരാഷ്ട്രീയം ഭരണഘടനയുടെ അടിസ്ഥാന ഘടനയെ എങ്ങനെ തകർക്കുന്നു") എന്നതാണ് പ്രഭാഷണ വിഷയം. പ്രഭാഷ ണത്തിനുശേഷം ചോദ്യോത്തരവേളയുമുണ്ടാകും.

ചലച്ചിത്രസംവിധായകനും, എഴുത്തുകാരനും, മാധ്യമവിദഗ്ദ്ധനുമായിരുന്ന ചിന്ത രവീ ന്ദ്രൻ്റെ പതിനഞ്ചാം ചരമവാർഷികമാണിത്. ട്രസ്റ്റ് ഏർപ്പെടുത്തിയ ഏഴാമത്തെ പുരസ്കാര മാണ് നടി ഭാവനയ്ക്ക് സമർപ്പിക്കുന്നത്. നേരത്തെ കെ.പി. കുമാരൻ, പ്രൊഫ. ബി. രാജീ വൻ, സുനിൽ പി. ഇളയിടം, പി. സായ്‌നാഥ്, യോഗേന്ദ്രയാദവ്, ശരൺകുമാർ ലിംബാളെ എന്നിവർക്കാണ് ഈ അവാർഡ് നൽകിയത്.
ദക്ഷിണേന്ത്യൻ ചലച്ചിത്രരംഗത്ത് അറിയപ്പെടുന്ന അഭിനേത്രിയാണ് ഭാവന. കേരളീയ സാമൂഹ്യ ജീവിതത്തിൽ സ്ത്രീകളുടെ സ്വതന്ത്രമായ നിലനിൽപ്പിനുവേണ്ടി അവർ നട ത്തിയ പോരാട്ടമാണ് ഈ അവാർഡിന് അവരെ അർഹമാക്കിയത്.
അനുസ്മ‌രണത്തിൻ്റെ ഭാഗമായി 'എക്കോസ് ഓഫ് ഏൻ അൻഫിനിഷ്ഡ് ഡ്രീം' എന്ന പേരിൽ സുനിൽ അശോകപുരം ക്യൂറേറ്റ് ചെയ്യുന്ന ചിത്രപ്രദർശനം കോഴിക്കോട് ആർട്ട് ഗ്യാലറിയിൽ ജൂലൈ 20ന് വൈകീട്ട് 5ന് ആരംഭിക്കും. വത്സൻ കൂർമ കൊല്ലേരി ഉദ്ഘാടനം ചെയ്യും. ഗാസയിൽ കൊല്ലപ്പെട്ട 18000 കുട്ടികളുടെ പേരുകൾ വായിച്ചുകൊണ്ട് ഫൗണ്ടേഷൻ കേരളമൊട്ടാകെ നടത്തിയ 'ഗാസയുടെ പേരുകൾ' എന്ന പരിപാടിയുടെ ഭാഗമായാണ് ഈ പ്രദർശനം.
സ്നേഹപൂർവ്വം,
എം.പി. സുരേന്ദ്രൻ
സെക്രട്ടറി,
ചിന്ത രവീന്ദ്രൻ ഫൗണ്ടേഷൻ

]]> ഇംഗ്ലണ്ട് പുതുചരിത്രമെഴുതി, 6-4 ജയത്തോടെ വെങ്കലം;ഗോൾ നേട്ടത്തിൽ ലയണൽ മെസ്സിയെ പിന്തള്ളി കൈലിയൻ എംബാപ്പെ https://www.sandhesam.com/England-Make-History%2C-Clinch-Bronze-With-6-4-Win-Kylian-Mbappe-Beats-Lionel-Messi-In-All-Time-List https://www.sandhesam.com/England-Make-History%2C-Clinch-Bronze-With-6-4-Win-Kylian-Mbappe-Beats-Lionel-Messi-In-All-Time-List Sun, 19 Jul 2026 05:39:44 +0530 Web Desk 2026-ലെ ഫിഫ ലോകകപ്പിൽ വെങ്കലമെഡൽ നേടാനുള്ള ആവേശകരമായ  മത്സരത്തിൽ ഇംഗ്ലണ്ട് ഫ്രാൻസിനെ 6-4-ന് തോൽപിച്ചു. പകുതി സമയത്ത് ഇംഗ്ലണ്ട് 4-0 ന് മുന്നിലായിരുന്നു. കൈലിയൻ എംബാപ്പെയുടെ രണ്ട് ഗോളുകളുടെയും ബ്രാഡ്‌ലി ബാർകോളയുടെ ഒരു ഗോളിൻ്റെയും പിൻബലത്തിൽ ഫ്രാൻസ് ഒരു ഗംഭീര തിരിച്ചുവരവ് നടത്തി,ഗോൾനില 4-3 ആയി കുറച്ചു. എന്നാൽ പെനാൽറ്റി ഗോളിലൂടെ ബുക്കയോ സാക്ക തൻ്റെ ഹാട്രിക് തികച്ചു. ഇഞ്ചുറി ടൈമിൽ ഔസ്മാൻ ഡെംബെലെ ഒരെണ്ണം കൂടി നേടാൻ ശ്രമിച്ചെങ്കിലും ലക്ഷ്യം കണ്ടില്ല. ഇംഗ്ലണ്ടിൻ്റെ ആറാം ഗോളും നേടി ജൂഡ് ബെല്ലിംഗ്ഹാം വിജയം ഉറപ്പിച്ചു

നിരവധി റെക്കോർഡുകൾ തകരുന്നത് കണ്ട മത്സരമായിരുന്നു ഇത്. ഒരു ലോകകപ്പ് മൂന്നാം സ്ഥാനത്തിനുള്ള പ്ലേഓഫിൽ ഇതുവരെ നേടിയ ഏറ്റവും കൂടുതൽ ഗോളുകൾ ഈ മത്സരര്രിൽ പിറന്നു. ലോകകപ്പിലെ എക്കാലത്തെയും മികച്ച ഗോൾ സ്‌കോറർമാരുടെ പട്ടികയിൽ ലയണൽ മെസ്സിയെ, കൈലിയൻ എംബാപ്പെ മറികടന്നു. ഒരു ലോകകപ്പ് എഡിഷനിൽ ഏറ്റവും കൂടുതൽ അസിസ്റ്റുകൾ നേടിയ പെലെയുടെ റെക്കോർഡ് മൈക്കൽ ഒലിസ് തകർത്തു, അതേസമയം ജൂഡ് ബെല്ലിംഗ്ഹാം ഒരു ലോകകപ്പിൽ ഏറ്റവും കൂടുതൽ ഗോളുകൾ നേടുന്ന ഇംഗ്ലീഷ് താരമെന്ന റെക്കോർഡ് സ്വന്തമാക്കി..

കളി തുടങ്ങി മൂന്നാം മിനിറ്റിൽ തന്നെ ഡെക്ലൻ റൈസിലൂടെ ഇംഗ്ലണ്ട് ലീഡ് എടുത്തു. 18-ാം മിനിറ്റിൽ എസ്രി കോൻസയും, 37, 45+1 മിനിറ്റുകളിൽ ബുക്കായോ സാകയും ലക്ഷ്യം കണ്ടതോടെ ആദ്യ പകുതിയിൽ ഇംഗ്ലണ്ട് 4-0 ന് മുന്നിലെത്തി. തീർത്തും നിരാശരായി ആദ്യ പകുതിയുടെ ഇടവേളയ്ക്ക് പിരിഞ്ഞ ഫ്രാൻസ് വർധിതവീര്യത്തോടെ തിരികെ വന്നതാണ് രണ്ടാംപകുതിയിൽ കണ്ടത്. തന്ത്രങ്ങൾ മാറ്റിയ ഫ്രാൻസ് ശക്തമായി തിരിച്ചടിച്ചു. 48, 66 മിനിറ്റുകളിൽ കിലിയൻ എംബാപ്പെയും 54-ാം മിനിറ്റിൽ ബ്രാഡ്‌ലി ബാർക്കോളയും ഫ്രാൻസിനായി സ്കോർ ചെയ്തതോടെ കളിയിലെ ലീഡ് 4-3 ആയി കുറഞ്ഞു. എന്നാൽ കളി അവസാനിക്കാൻ മിനിറ്റുകൾ ബാക്കിനിൽക്കെ ഇംഗ്ലണ്ട് വീണ്ടും കളം നിറഞ്ഞു. 87-ാം മിനിറ്റിൽ ലഭിച്ച പെനാൽറ്റി ലക്ഷ്യത്തിലെത്തിച്ച് സാക തന്റെ ഹാട്രിക് തികച്ചു (5-3). തൊട്ടുപിന്നാലെ ഇഞ്ചുറി ടൈമിൽ (90+6) ഉസ്മാൻ ഡെംബെലെ ഫ്രാൻസിൻ്റെ നാലാം ഗോൾ കണ്ടെത്തിയെങ്കിലും 90+8-ാം മിനിറ്റിൽ ജൂഡ് ബെല്ലിംഗം ഇംഗ്ലണ്ടിന്റെ ആറാം ഗോൾ നേടി വിജയം ഉറപ്പിച്ചു.

]]> നടൻ മമ്മൂട്ടി, ​ഗായിക വൈക്കം വിജയലക്ഷ്മി; മികച്ച മലയാള സിനിമ 'ഫെമിനിച്ചി ഫാത്തിമ', ദേശീയ ചലച്ചിത്ര പുരസ്കാരങ്ങൾ പ്രഖ്യാപിച്ചു https://www.sandhesam.com/Actor-Mammootty%2C-singer-Vaikam-Vijayalakshmi-Special-mention-for-Dhanush%2C-National-Film-Awards-announced https://www.sandhesam.com/Actor-Mammootty%2C-singer-Vaikam-Vijayalakshmi-Special-mention-for-Dhanush%2C-National-Film-Awards-announced Sun, 19 Jul 2026 04:55:27 +0530 Web Desk ന്യൂഡൽഹി: 72-ാമത് ദേശീയ ചലച്ചിത്ര പുരസ്കാരം പ്രഖ്യാപിച്ചു. 'ഭ്രമയു​ഗ'ത്തിലൂടെ മമ്മൂട്ടി മികച്ച നടനുള്ള പുരസ്കാരം സ്വന്തമാക്കി. ബോളിവുഡ് താരം കാർത്തിക് ആര്യനുമായാണ് മികച്ച നടനുള്ള പുരസ്കാരം മമ്മൂട്ടി പങ്കിട്ടത്. 'ചന്തു ചാംപ്യൻ' എന്ന ചിത്രത്തിലെ അഭിനയമാണ് കാർത്തിക്കിനെ പുരസ്കാരത്തിന് അർഹനാക്കിയത്. മമ്മൂട്ടിയുടെ നാലാമത്തെ ദേശീയ അവാർഡ് ആണിത്.

'ഒരു വടക്കൻ വീര​ഗാഥ', 'മതിലുകൾ', 'പൊന്തൻമാട', 'വിധേയൻ', 'ഡോ. ബി ആർ അംബ്ദേകർ' എന്നീ ചിത്രങ്ങൾക്കാണ് മുൻപ് മമ്മൂട്ടിക്ക് ദേശീയ പുരസ്കാരം ലഭിച്ചത്. മികച്ച ഛായാ​​ഗ്രഹകനുള്ള പുരസ്കാരവും ഭ്രമയു​ഗം സ്വന്തമാക്കി. ഷെഹ്നാദ് ജലാൽ ആണ് മികച്ച ഛായാ​ഗ്രഹകൻ. ആർട്ടിക്കിൾ 370 എന്ന ചിത്രത്തിലെ അഭിനയത്തിന് മികച്ച നടിയായി യാമി ​ഗൗതമിനെ തിരഞ്ഞെടുത്തു.

മികച്ച ഗായികയായി വൈക്കം വിജയലക്ഷ്മി തിരഞ്ഞെടുക്കപ്പെട്ടു. 'അജയന്റെ രണ്ടാം മോഷണം' എന്ന ചിത്രത്തിലെ ‘അങ്ങു വാന കോണില്’ എന്ന ഗാനമാണ് വൈക്കം വിജയലക്ഷ്മിയെ മികച്ച ഗായികയാക്കിയത്. മികച്ച മലയാള സിനിമയായി 'ഫെമിനിച്ചി ഫാത്തിമ' തിരഞ്ഞെടുക്കപ്പെട്ടു. സംവിധായകൻ - രാജ്കുമാർ പെരിയസാമി (അമരൻ).

മികച്ച നടനുള്ള പ്രത്യേക പരാമർശം ധനുഷിന് ലഭിച്ചു. 'ക്യാപ്റ്റൻ മില്ലർ' എന്ന ചിത്രത്തിലെ പ്രകടനത്തിനാണ് പ്രത്യേക പരാമർശം. മികച്ച തെലുങ്ക് ചിത്രം -'കമ്മിറ്റി കുറോളു', മികച്ച തമിഴ് ചിത്രം -'രായൻ', മികച്ച കന്നഡ ചിത്രം -'മിഥ്യ', മികച്ച ഹിന്ദി ചിത്രം -'ശ്രീകാന്ത്',

മികച്ച ബംഗാളി ചിത്രം -'ചലച്ചിത്ര ഏഖോൻ'. നോൺ ഫീച്ചർ ഫിലിം വിഭാ​ഗത്തിൽ മലയാള ചിത്രമായ 'ഭദ്രകാളി നാടക'വും പ്രത്യേക പരാമർശം നേടി. ഇതിലെ വിവരണത്തിന് സൗന്ദര്യ ജയചന്ദ്രന് പുരസ്കാരം ലഭിച്ചു. ജൂറി അധ്യക്ഷൻ ജയരാജ് ആണ് പുരസ്കാരങ്ങൾ പ്രഖ്യാപിച്ചത്. 2024 ല്‍ സെന്‍സര്‍ ചെയ്‌ത ചിത്രങ്ങളാണ് പരിഗണിച്ചിരിക്കുന്നത്.

]]> 'ടാറ്റയുടെ പ്രതിനിധികൾ ഞങ്ങളെ കണ്ട് ചര്‍ച്ച നടത്തിയിരുന്നു'; മുഖ്യമന്ത്രിക്കൊപ്പമുള്ള ചിത്രം പുറത്തുവിട്ട് മന്ത്രി കുഞ്ഞാലിക്കുട്ടി https://www.sandhesam.com/Representatives-of-Tata-met-us-and-discussed-Minister-Kunhalikutty-released-a-picture-with-the-Chief-Minister https://www.sandhesam.com/Representatives-of-Tata-met-us-and-discussed-Minister-Kunhalikutty-released-a-picture-with-the-Chief-Minister Sun, 19 Jul 2026 04:34:51 +0530 Web Desk തിരുവനന്തപുരം: കപ്പല്‍ നിര്‍മ്മാണവുമായി ബന്ധപ്പെട്ട വിവാദത്തില്‍ മുഖ്യമന്ത്രി വി ഡി സതീശനെ പിന്തുണച്ച് മന്ത്രി പി കെ കുഞ്ഞാലിക്കുട്ടി. ടാറ്റ പ്രതിനിധികളുമായി മുഖ്യമന്ത്രിയോടൊപ്പം ചര്‍ച്ച നടത്തുന്നതിന്റെ ചിത്രം കുഞ്ഞാലിക്കുട്ടി പുറത്തു വിട്ടു. കഴിഞ്ഞ നിയമസഭ സമ്മേളനകാലത്താണ് ടാറ്റ പ്രതിനിധികളുമായി ചര്‍ച്ച നടന്നതെന്നും മന്ത്രി കുഞ്ഞാലിക്കുട്ടി വ്യക്തമാക്കി.

ഷിപ്പിങ് മേഖലയുമായി ബന്ധപ്പെട്ട പദ്ധതി തന്നെയാണ് ചര്‍ച്ച ചെയ്തത്. എല്‍ഡിഎഫ് സര്‍ക്കാരിന്റെ കാലത്ത് ഉണ്ടാക്കിയ ധാരണാപത്രത്തിന്റെ തുടര്‍ച്ചയായാണ് കൂടിക്കാഴ്ച നടന്നത്. സര്‍ക്കാരുകള്‍ തുടര്‍ച്ചയാണ്. കേരളത്തില്‍ 300 കോടി രൂപയുടെ നിക്ഷേപം നടത്താമെന്ന് ടാറ്റ നേരത്തെ അറിയിച്ചിരുന്നതാണ്. അതുകൊണ്ട് തന്നെ ടാറ്റയുമായി ചര്‍ച്ചകളൊന്നും തന്നെ നടന്നിട്ടില്ലെന്ന വാദം തെറ്റാണെന്നും മന്ത്രി പി കെ കുഞ്ഞാലിക്കുട്ടി വ്യക്തമാക്കി.

ടാറ്റ പ്രതിനിധികള്‍ തങ്ങളെ വന്ന് കണ്ടിരുന്നു. മുഖ്യമന്ത്രി കള്ളം പറഞ്ഞിട്ടില്ല. പദ്ധതിയുടെ ആകെ നിക്ഷേപത്തുകയെ കുറിച്ചാണ് മുഖ്യമന്ത്രി പറഞ്ഞത്. ജൂണ്‍ 29 ന് നടന്ന ചര്‍ച്ചയില്‍ പുരോഗതിയുണ്ടെന്നും പി കെ കുഞ്ഞാലിക്കുട്ടി അറിയിച്ചു. കേരളത്തില്‍ കപ്പല്‍ നിര്‍മ്മാണ സംരംഭത്തിനായി ടാറ്റ 10,000 കോടി നിക്ഷേപം നടത്തുമെന്ന മുഖ്യമന്ത്രിയുടെ പ്രസ്താവനയാണ് വിവാദമായത്. മുഖ്യമന്ത്രി വി ഡി സതീശൻ എട്ടുകാലി മമ്മൂഞ്ഞാകരുതെന്ന് കഴിഞ്ഞദിവസം മുൻമന്ത്രി പി. രാജീവ് വിമർശിച്ചിരുന്നു.

]]> മെസിയെ പൂർണമായും തടഞ്ഞു നിർത്തുക അസാധ്യം; സ്വതസിദ്ധ കളിയിലൂടെ മാത്രമേ സ്പെയിനിന് വിജയിക്കാനാവൂ: ഇനിയെസ്റ്റ https://www.sandhesam.com/Impossible-to-completely-stop-Messi-Spain-can-only-win-through-natural-play%3A-Iniesta https://www.sandhesam.com/Impossible-to-completely-stop-Messi-Spain-can-only-win-through-natural-play%3A-Iniesta Sun, 19 Jul 2026 04:27:25 +0530 Web Desk ഫിഫ ലോകകപ്പ് ഫൈനലിൽ അർജന്റീനയെ നേരിടാനിറങ്ങുന്ന സ്പെയിനിനു വ്യക്തമായ സന്ദേശവുമായി സ്പാനിഷ് ഇതിഹാസ മധ്യനിര താരം ആന്ദ്രെ ഇനിയെസ്റ്റ. അർജന്റീന നായകനും മാന്ത്രികനുമായ ലയണൽ മെസിയെ പൂർണമായി തടയാൻ നോക്കി ഊർജ്ജം കളയരുതെന്നു ഇനിയെസ്റ്റ മുന്നറിയിപ്പ് നൽകുന്നു. മെസിയെ ഒതുക്കാമെന്നു കരുതുന്നത് യാഥാർഥ്യത്തിനു നിരക്കാത്ത ലക്ഷ്യമാണ്. ​ദീർഘകാലം ബാഴ്സലോണയുടെ സുവർണ സംഘത്തിന്റെ ഭാ​ഗമായി ഒരുമിച്ച് കളിച്ചവരാണ് ഇനിയെസ്റ്റയും മെസിയും. 2010ൽ ആദ്യമായി സ്പെയിൻ ലോകകപ്പ് കിരീടം സ്വന്തമാക്കുമ്പോൾ വിജയ ​ഗോൾ അടിച്ച താരവും ഇനിയെസ്റ്റയാണ്.

ഫൈനലിൽ ജയിക്കാനുള്ള വഴി മെസിയെ നിഷ്പ്രഭനാക്കുക എന്നതല്ലെന്നും മറിച്ച് സ്പെയിൻ തങ്ങളുടെ തനതു ശൈലിയിൽ കളിക്കുന്നതിൽ ഉറച്ചു നിൽക്കുന്നതിലുമാണ് കാര്യമെന്നും അദ്ദേഹം വിശ്വസിക്കുന്നു. കൃത്യമായ പന്തടക്കം, കളി നെയ്തെടുക്കുന്നതിലെ സർ​ഗാത്മകത, അവസരങ്ങൾ ​ഗോളാക്കി മാറ്റുന്നതിലെ കൃത്യത എന്നിവയിലൂടെ അർജന്റീനയെ സമ്മ​ർദ്ദത്തിലാക്കുകയാണ് വേണ്ടതെന്നും ഒരു സ്പാനിഷ് മാധ്യമത്തോട് സംസാരിക്കവേ ഇനിയെസ്റ്റ പറയുന്നു.

'മെസിയെ പൂർണമായും തടഞ്ഞു നിർത്തുക എന്നത് അസാധ്യമായ കാര്യമാണ്. സ്പെയിനിനു സ്വതസിദ്ധ കളിയിലൂടെ അർജന്റീനയ്ക്ക് എത്രത്തോളം പരിക്കേൽപ്പിക്കാൻ കഴിയും എന്നതിലാണ് മത്സര ഫലം നിൽക്കുന്നത്. അവസരങ്ങൾ സൃഷ്ടിക്കുകയും അവ ലഭിക്കുമ്പോൾ കൃത്യമായി ലക്ഷ്യത്തിലെത്തിക്കുകയുമാണ് വേണ്ടത്.

ബാഴ്സലോണയിൽ ഒരു ദശകത്തിലേറെക്കാലം മെസിക്കൊപ്പം ഒരേ ജേഴ്സിയിൽ കളിച്ച വ്യക്തിയെന്ന നിലയിൽ അർജന്റീന ക്യാപ്റ്റൻ ഉയർത്തുന്ന വെല്ലുവിളി മറ്റാരേക്കാളം നന്നായി അറിയുന്ന ആളാണ് ഇനിയെസ്റ്റ.

'ആ കാലത്തെക്കുറിച്ച് പറയാൻ എന്റെ കൈയിൽ വാക്കുകൾ ഇല്ല. എങ്ങനെ വിവരിക്കുമെന്നും എനിക്കറിയില്ല. ഓരോ മത്സരത്തിലും അദ്ദേഹം കാണിക്കുന്ന ദൃഢനിശ്ചയവും ആത്മവിശ്വാസവും ചെയ്യുന്ന കാര്യങ്ങളുമെല്ലാം ആ​ദരവോടെ കൈയടിക്കേണ്ട കാര്യങ്ങളാണ്.'

'ഭയക്കാതെ വേണം സ്പെയിൻ ഫൈനൽ കളിക്കാൻ. പൂർണ ആത്മവിശ്വാസത്തോടെയാണ് പോരാട്ടത്തെ നേരിടേണ്ടത്. ടൂർ‌ണമെന്റിലുടനീളം മികച്ച പ്രകടനം ഈ ആത്മവിശ്വാസത്തിനുള്ള അർഹത അവർക്ക് നൽകുന്നുണ്ട്. കളിക്കാർ നൽകുന്ന ആത്മവിശ്വാസമാണ് പ്രധാനം എന്നു ഞാൻ വിചാരിക്കുന്നു. ഈ ലോകകപ്പിലുടനീളം സ്പെയിനിന്റെ പ്രകടനം മുകളിലേക്കായിരുന്നു. കത്തുന്ന ആത്മവിശ്വാസത്തോടെയാണ് ടീം ഫൈനലിലേക്ക് കടക്കുന്നത്.'

ടീം ഇതുവരെ പുറത്തെടുത്ത ഒത്തൊരുമയേയും ഇനിയെസ്റ്റ എടുത്തു പറഞ്ഞു. ഓരോ കളിക്കാരനും തങ്ങളുടെ ചുമതല കൃത്യമായി അറിയാമെന്നും അദ്ദേഹം പറയുന്നു.

'ഓരോരുത്തർക്കും തങ്ങൾ എന്താണ് ചെയ്യേണ്ടതെന്നു കൃത്യമായി അറിയാം. ആര് കളിച്ചാലും എല്ലാവർക്കും അവരുടെ പങ്കിനെക്കുറിച്ച് ബോധ്യമുണ്ട്. അതാണ് ടീമിന്റെ ആത്മവിശ്വാസം. അര് കളത്തിലിറങ്ങിയാലും ഏത് പൊസിഷനിൽ കളിച്ചാലും എല്ലാം നിയന്ത്രണത്തിലാണെന്ന തോന്നലാണ് അവർ നൽകുന്നത്.'

'ഫൈനലിൽ ആര് ​ഗോളടിക്കുന്നു എന്നത് വിഷയമേ അല്ല. 2010ൽ സംഭവിച്ചതു പോലെ സ്പെയിൻ ചാംപ്യൻമാരായി മടങ്ങിയാൽ മതി. ആര് ​ഗോളടിച്ചു എന്നത് രണ്ടാമത്തെ മാത്രം കാര്യമാണ്. അതു വിജയ ​ഗോൾ ആയാൽ മതി'- ഇനിയെസ്റ്റ വ്യക്തമാക്കി.

നിലവിലെ ചാംപ്യന്മാരായ അർജന്റീന ടൂർണമെന്റിൽ ഏറ്റവും കൂടുതൽ ​ഗോളുകൾ നേടിയ ടീമായാണ് കലാശപ്പോരിന് യോ​ഗ്യത നേടിയത്. തന്റെ തിളക്കമാർന്ന കരിയറിലെ അവസാന ലോകകപ്പ് മത്സരമെന്നു കരുതപ്പെടുന്ന ഈ ടൂർണമെന്റിൽ മെസി മാസ്മരിക ഫോമിലാണ് കളിക്കുന്നത്. 39കാരൻ ഇതിനകം 8 ​ഗോളുകളും 4 അസിസ്റ്റുകളുമായി ​ഗോൾഡൻ ബൂട്ടിൽ മുന്നിലുണ്ട്.

മറുവശത്ത് സ്പെയിൻ ഒരു ​ഗോൾ മാത്രം വഴങ്ങിയാണ് കഴിഞ്ഞ 7 കളികൾ പൂർത്തിയാക്കിയത്. പ്രതിരോധത്തിലെ അച്ചടക്കവും മികച്ച പാസിങ് ​ഗെയിമും ഒത്തൊരുമയോടെയുള്ള കൂട്ടായ കളി ശൈലിയുമാണ് സ്പെയിനിനെ ഫൈനൽ വരെ എത്തിച്ചത്. ലമീൻ യമാൽ, മൈക്കൽ ഒയാർസബാൽ, മികേൽ മെറിനോ അടക്കമുള്ള യുവ താരങ്ങളാണ് അവരുടെ മുന്നേറ്റത്തെ നിർണയിക്കുന്നത്.

]]> ‘ഏത്‌ കാര്യത്തിലും നുണ പറയുന്ന മുഖ്യമന്ത്രിയുടെ ശീലം കേരളത്തിന്‌ അപമാനമായി മാറിയിരിക്കുന്നു’; വിമർശിച്ച് സിപിഐഎം https://www.sandhesam.com/%E2%80%98The-Chief-Minister%E2%80%99s-habit-of-lying-about-everything-has-become-a-disgrace-to-Kerala%E2%80%99-CPM-criticizes https://www.sandhesam.com/%E2%80%98The-Chief-Minister%E2%80%99s-habit-of-lying-about-everything-has-become-a-disgrace-to-Kerala%E2%80%99-CPM-criticizes Sat, 18 Jul 2026 17:31:30 +0530 Web Desk കൊച്ചി: കപ്പൽ നിർമ്മാണശാലക്കായി ടാറ്റ 10,000 കോടി നിക്ഷേപിക്കുമെന്ന വി.ഡി. സതീശന്റെ പ്രസ്‌താവന മുഖ്യമന്ത്രി സ്ഥാനത്തിന്‌ ഒരിക്കലും ചേരാത്തതണെന്ന്‌ സി.പി.ഐ (എം) സംസ്ഥാന സെക്രട്ടറിയേറ്റ്‌ പ്രസ്‌താവനയിൽ പറഞ്ഞു.എൽ.ഡി.എഫ്‌ സർക്കാരിന്റെ കാലത്ത്‌ ടാറ്റയുടെ ഉപകമ്പനികളിലൊന്നായ ആപ്‌ഷൻ ഇന്ത്യൻ ലിമിറ്റഡും, മലബാർ സിമന്റും തമ്മിൽ ഒരു കരാർ ഒപ്പുവച്ചിരുന്നു. 500 കോടി രൂപ മുതൽ മുടക്കുള്ള ബോട്ട്‌ നിർമ്മാണ ശാലയാണ്‌ അതിലൂടെ വിഭാവനം ചെയ്‌തത്‌. ഹുണ്ടായ്‌യുമായി ചേർന്ന്‌ 3,700 കോടി രൂപയുടെ പദ്ധതി കൊച്ചി കപ്പൽ നിർമ്മാണ ശാലയിലും എൽ.ഡി.എഫ്‌ സർക്കാരിന്റെ കാലത്ത്‌ മുന്നോട്ടുവെച്ചിട്ടുള്ളതാണ്‌.

ഇപ്പോൾ വി.ഡി സതീശൻ ടാറ്റക്ക്‌ കപ്പൽ നിർമ്മാണം നടത്തുന്നതിന്‌ ഭൂമി നൽകുമെന്ന പ്രഖ്യാപനമാണ്‌ നടത്തിയിരിക്കുന്നത്‌. എന്നാൽ, ഇത്തരമൊരു യൂണിറ്റ്‌ തുടങ്ങാൻ ആലോച്ചിട്ടേയില്ലെന്നാണ്‌ ടാറ്റയുമായി ബന്ധപ്പെട്ട വക്താക്കൾ വ്യക്തമാക്കിയിരിക്കുന്നത്‌. ഏത്‌ കാര്യത്തിലും നുണ പറയുന്ന മുഖ്യമന്ത്രിയുടെ ശീലം കേരളത്തിന്‌ തന്നെയാണ്‌ അപമാനമായി മാറിയിരിക്കുന്നതെന്ന്‌ സംസ്ഥാന സെക്രട്ടറിയേറ്റ്‌ പ്രസ്‌താവനയിൽ പറഞ്ഞു.

വെല്ലിങ്ടൺ ഐലന്റിന് പിന്നാലെ മുഖ്യമന്ത്രി അവകാശപ്പെടുന്ന കൊച്ചി രാമൻതുരുത്തിലെ ഷിപ്പ് ബിൽഡിംഗ് പദ്ധതിയും എൽഡിഎഫ് സർക്കാർ അന്തിമനടപടികൾ പൂർത്തിയാക്കിയിരുന്നുവെന്ന് വ്യവസായമന്ത്രി പി രാജീവ് പറഞ്ഞു. ടാറ്റയുടെ നിക്ഷേപം പൊതുവായി പറഞ്ഞതെന്ന് സർക്കാർ വാർ‍ത്തക്കുറിപ്പിൽ വിശദീകരിച്ചതല്ലാതെ മുഖ്യമന്ത്രി ഇത് വരെ പ്രതികരണം ലഭ്യമാക്കിയിട്ടില്ല.

]]> അർജന്റീന — സ്പെയിൻ ലോകകപ്പ് ഫൈനൽ; 2021ലെ പ്രവചനം സത്യമാകുമോ? https://www.sandhesam.com/%E0%B4%85%E0%B5%BC%E0%B4%9C%E0%B4%A8%E0%B5%8D%E0%B4%B1%E0%B5%80%E0%B4%A8-%E0%B4%B8%E0%B5%8D%E0%B4%AA%E0%B5%86%E0%B4%AF%E0%B4%BF%E0%B5%BB-%E0%B4%B2%E0%B5%8B%E0%B4%95%E0%B4%95%E0%B4%AA%E0%B5%8D%E0%B4%AA%E0%B5%8D-%E0%B4%AB%E0%B5%88%E0%B4%A8%E0%B5%BD-2021%E0%B4%B2%E0%B5%86-%E0%B4%AA%E0%B5%8D%E0%B4%B0%E0%B4%B5%E0%B4%9A%E0%B4%A8%E0%B4%82-%E0%B4%B8%E0%B4%A4%E0%B5%8D%E0%B4%AF%E0%B4%AE%E0%B4%BE%E0%B4%95%E0%B5%81%E0%B4%AE%E0%B5%8B https://www.sandhesam.com/%E0%B4%85%E0%B5%BC%E0%B4%9C%E0%B4%A8%E0%B5%8D%E0%B4%B1%E0%B5%80%E0%B4%A8-%E0%B4%B8%E0%B5%8D%E0%B4%AA%E0%B5%86%E0%B4%AF%E0%B4%BF%E0%B5%BB-%E0%B4%B2%E0%B5%8B%E0%B4%95%E0%B4%95%E0%B4%AA%E0%B5%8D%E0%B4%AA%E0%B5%8D-%E0%B4%AB%E0%B5%88%E0%B4%A8%E0%B5%BD-2021%E0%B4%B2%E0%B5%86-%E0%B4%AA%E0%B5%8D%E0%B4%B0%E0%B4%B5%E0%B4%9A%E0%B4%A8%E0%B4%82-%E0%B4%B8%E0%B4%A4%E0%B5%8D%E0%B4%AF%E0%B4%AE%E0%B4%BE%E0%B4%95%E0%B5%81%E0%B4%AE%E0%B5%8B Sat, 18 Jul 2026 17:22:03 +0530 Web Desk 2026 ഫിഫ ലോകകപ്പ് ഫൈനലിൽ അർജന്റീനയും സ്പെയിനും തമ്മിൽ മാറ്റുരയ്ക്കാനിരിക്കെ, അഞ്ച് വർഷം മുൻപ് സോഷ്യൽ മീഡിയയിൽ പ്രത്യക്ഷപ്പെട്ട ഒരു പ്രവചനം വലിയ ചർച്ചയ്ക്ക് വഴി വച്ചിരിക്കുകയാണ്. 2021 ജൂലൈയിൽ ‘@actuallyimthe’ എന്ന എക്സ് അക്കൗണ്ടിൽ വന്ന “2026 ലോകകപ്പ് ഫൈനലിൽ അർജന്റീന സ്പെയിനിനെ 3–2 ന് തോൽപ്പിച്ചു” എന്ന ലളിതമായ പോസ്റ്റാണ് ഇപ്പോൾ ഇന്റർനെറ്റിലെ ചര്‍ച്ചാ വിഷയം. 

ബുധനാഴ്ച നടന്ന ആവേശകരമായ സെമിഫൈനലിൽ ഇംഗ്ലണ്ടിനെ ഒന്നിനെതിരെ രണ്ട് ഗോളുകൾക്ക് തകർത്ത് അർജന്റീന ഫൈനലിൽ പ്രവേശിച്ചതോടെ ഈ പ്രവചനം സത്യമാകുന്നതിലേക്ക് ഒരുപടി കൂടി അടുത്തിരിക്കുകയാണ്. നായകൻ ലയണൽ മെസിയുടെ രണ്ട് അസിസ്റ്റുകളിൽ എൻസോ ഫെർണാണ്ടസ്, ലൗട്ടാരോ മാർട്ടിനസ് എന്നിവർ നേടിയ ഗോളുകളിലാണ് നിലവിലെ ചാമ്പ്യന്മാരായ അർജന്റീന ഫൈനൽ ടിക്കറ്റെടുത്തത്. ഫ്രാൻസിനെ എതിരില്ലാത്ത രണ്ട് ഗോളുകൾക്ക് തോൽപ്പിച്ചാണ് സ്പെയിൻ നേരത്തെ ഫൈനൽ ഉറപ്പിച്ചത്.

കമ്പ്യൂട്ടർ ഗെയിമിംഗ് ഉള്ളടക്കങ്ങൾ പങ്കുവെക്കാറുള്ള ഈ അക്കൗണ്ടിൽ നിന്ന് അഞ്ച് വർഷം മുൻപ് വന്ന ഈ പോസ്റ്റിന് ഇപ്പോൾ ഒന്നര ലക്ഷത്തിലധികം ലൈക്കുകളാണ് ലഭിച്ചിരിക്കുന്നത്. അർജന്റീന ഫൈനലിലെത്തിയതിന് പിന്നാലെ ഈ അക്കൗണ്ട് ഉടമ ഒരു ‘വാച്ച്’ ഇമോജി പങ്കുവെച്ചുകൊണ്ട് സ്വന്തം ട്വീറ്റിന് മറുപടി നൽകുകയും ചെയ്തു. 2019ൽ ‘ഐസയ’ എന്ന മറ്റൊരു അക്കൗണ്ടിൽ നിന്ന് വന്ന 39കാരനായ മെസി 2026ൽ തന്റെ രണ്ടാമത്തെ ലോകകപ്പ് ഉയർത്തും എന്ന പ്രവചനവും ഇതോടൊപ്പം വൈറലായിട്ടുണ്ട്. നിലവിൽ മെസിക്ക് 39 വയസ്സാണ് പ്രായം. ന്യൂജേഴ്‌സിയിലെ മെറ്റ്‌ലൈഫ് സ്റ്റേഡിയത്തിൽ ഞായറാഴ്ച നടക്കുന്ന കലാശപ്പോരാട്ടത്തിൽ, 39കാരനായ മെസിയും സ്പെയിനിൻ്റെ കൗമാ ലാമിൻ യമാലും നേർക്കുനേർ വരുന്നു എന്ന പ്രത്യേകതയുമുണ്ട്. ഈ പ്രവചനം പൂർണ്ണമായും സത്യമാകുമോ എന്നറിയാനുള്ള കാത്തിരിപ്പിലാണ് ഇപ്പോൾ ഫുട്ബോൾ ലോകം.

https://x.com/actuallyimthe/status/1414366007888650241?s=20

]]> ഭണ്ഡാര കൊള്ളയ്ക്കുള്ള പ്രായശ്ചിത്തം; അയോധ്യ രാമക്ഷേത്രത്തില്‍ പത്ത് ദിവസത്തെ ശുദ്ധികലശം https://www.sandhesam.com/Atonement-for-looting-of-treasures-Ten-day-purification-ceremony-at-Ayodhya-Ram-temple https://www.sandhesam.com/Atonement-for-looting-of-treasures-Ten-day-purification-ceremony-at-Ayodhya-Ram-temple Sat, 18 Jul 2026 16:55:31 +0530 Web Desk അയോധ്യ രാമക്ഷേത്രത്തിലെ ഭണ്ഡാര കൊള്ളയ്ക്ക് പിന്നാലെ ക്ഷേത്രത്തില്‍ ശുദ്ധികലശം.പത്ത് ദിവസത്തെ ശുദ്ധീകരണ പ്രായശ്ചിത്ത പൂജകള്‍ക്കാണ് ആരംഭംകുറിച്ചിരിക്കുന്നത്.മോഷണത്തിന് പ്രായശ്ചിത്തം ചെയ്യാനും ദൈവത്തോട് ക്ഷേമ തേടാനും ഉദ്ദേശിച്ചുള്ളതാണ് പൂജ. ക്ഷേത്ര ട്രസ്റ്റിന്റെ ട്രഷററായ ഗോവിന്ദ് ദേവ് ഗിരിയുടേതാണ് ശുദ്ധികലശത്തിനായുള്ള ആശയം.മോഷണം മൂലം ക്ഷേത്രത്തിനുണ്ടായ അശുദ്ധി മാറ്റാനായി വേദിക് ആചാര്യന്മാരും ഗുരുകുല വിദ്യാര്‍ത്ഥികളും ചേര്‍ന്ന് പ്രതിദിനം 251 തവണ വിഷ്ണു സഹസ്രനാമ സ്‌തോത്രവും വാല്‍മീകി രാമായണവും പാരായണം ചെയ്യും.

ശ്രീരാമ ജന്മഭൂമി ക്ഷേത്ര സമുച്ചയത്തിലെ വഴിപാടുകള്‍ മോഷണം പോയ സംഭവത്തെ തുടര്‍ന്ന് ക്ഷേത്രത്തിന്റെ പവിത്രതയും അന്തസും പുനസ്ഥാപിക്കുന്നതിനായി ശ്രീരാമഭൂമി ക്ഷേത്ര ട്രസ്റ്റ് പരിസരത്തും വിവിധ ഗുരുകുലങ്ങളിലും പ്രായശ്ചിത്തത്തിനും ശുദ്ധീകരണത്തിനുമായി പത്ത് ദിവസത്തെ പ്രത്യേക ആചാരം ആരംഭിച്ചു,ഗോവിന്ദ് ദേവ് ഗിരി പറഞ്ഞു. ക്ഷേത്രത്തില്‍ നടന്ന മോഷണം ശ്രീരാമ ഭക്തരെ വേദനിപ്പിച്ചുവെന്നും അതില്‍ തങ്ങള്‍ക്കും വേദനവും ലജ്ജയും തോന്നുന്നുവെന്നും ട്രസ്റ്റ് അംഗമാായ ദിനേന്ദ്ര ദാസ് പറഞ്ഞു.

ശ്രീരാമന്റെ അനുഗ്രത്തോടെ സത്യം പുറത്ത് വരുമെന്ന് ഗോവിന്ദ് ദേവ് ഗിരിയും പറഞ്ഞു.സംഭാവന കൊള്ള പുറത്ത് വന്നതിന് പിന്നാലെ വലിയ വിവാദങ്ങള്‍ക്ക് കാരണമായിരുന്നു. സംസ്ഥാന സര്‍ക്കാര്‍ നിയോഗിച്ച പ്രത്യേക അന്വേഷണ സംഘം എട്ട് പേരെ ഇതിനോടകം തന്നെ അറസ്റ്റ് ചെയ്തിട്ടുണ്ട്.ട്രസ്റ്റ് അംഗങ്ങളായ ചമ്പത് റായ് അനില്‍ മിശ്ര തുടങ്ങിയവര്‍ രാജിവെക്കുകയും ചെയ്തു.എന്നാല്‍ ഇത് കണ്ണില്‍ പൊടിയിടലാണെന്ന് പ്രതിപക്ഷം ആരോപിച്ചിരുന്നു. നിലവില്‍ ക്ഷേത്രത്തിന് ഒരു സിഇഒയെ നിയമിക്കാനുള്ള ശ്രമങ്ങളാണ് നടന്ന് കൊണ്ടിരിക്കുന്നത്.ഈ നീക്കത്തിനെതിരെ അയോധ്യയിലെ സന്യാസിമാരും രംഗത്തെത്തിയിരുന്നു.തങ്ങള്‍ക്ക് സിഇഒയെ വേണ്ട രാമഭക്തനെ മതിയെന്നായിരുന്നു സന്യാസിമാര്‍ ആവശ്യപ്പെട്ടത്.

]]> 'വിവാദ പ്ലീഡര്‍ നിയമനം: 'മുഖ്യമന്ത്രിയോട് ശുപാര്‍ശ ചെയ് തത് ഒരു യുവ എംപി'; വെളിപ്പെടുത്തലുമായി കെ.ബാബു https://www.sandhesam.com/Controversial-pleader-appointment%3A-A-young-MP-recommended-to-the-Chief-Minister-K.-Babu-reveals https://www.sandhesam.com/Controversial-pleader-appointment%3A-A-young-MP-recommended-to-the-Chief-Minister-K.-Babu-reveals Sat, 18 Jul 2026 16:29:18 +0530 Web Desk വി ‍ഡി സതീശന്റെ നേതൃത്വത്തിലുള്ള യുഡിഎഫ് സര്‍ക്കാര്‍ അധികാരത്തിലേറിയ നാള്‍ മുതല്‍ സര്‍ക്കാര്‍ ഒന്നിനു പിറകേ ഒന്നായി വിവാദങ്ങളില്‍ ഉഴലുകയാണ്. പേഴ്സണല്‍ സ്റ്റാഫ് നിയമനത്തില്‍ തുടങ്ങി ഗവണ്‍മെന്റ് പ്ലീഡര്‍ നിയമനം വരെ പാര്‍ട്ടിയിലും, യുഡിഎഫിലും വന്‍ വിവാദങ്ങളാണ് ഉണ്ടായിരിക്കുന്നത്.

ജിയോണ ജയിംസിനെ സര്‍ക്കാര്‍ പ്ലീഡറായി നിയമിച്ചതിനെ ചൊല്ലി കെ എസ് യു സംസ്ഥാന പ്രസി‍ഡൻ്റ് ഉള്‍പ്പെടെയുള്ള നേതാക്കള്‍ പ്രതിഷേധമായി രംഗത്തുവരികയും, ഈ വിഷയവുമായി ബന്ധപ്പെട്ട് മുഖ്യമന്ത്രിയെ കാണാന്‍ ശ്രമിച്ച  അലോഷ്യസ് സേവ്യറിനെ നോക്കാന്‍ പോലും കൂട്ടകാതെ വി ഡി സതീശന്‍ പോവുകയും ചെയ്തതോടെ കോണ്‍ഗ്രസ് പ്രവര്‍ത്തകരില്‍ വന്‍ പ്രതിഷേധം നിലനില്‍ക്കുന്നു. ഇത്തരമൊരും സാഹചര്യം നിലനില്‍ക്കെയാണ് ജിയോണ ജയിംസിനെ ഗവൺമെൻ്റ് പ്ലീഡറായി നിയമിച്ചതുമായി ബന്ധപ്പെട്ട് മുതിര്‍ന്ന കോണ്‍ഗ്രസ് നേതാവും മുന്‍ മന്ത്രിയുമായ കെ ബാബു നിര്‍ണ്ണായക വെളിപ്പെടുത്തല്‍ നടത്തിയിരിക്കുന്നത്. 

ഇടുക്കി എംപി ഡീൻ കുര്യാക്കോസാണ് ഈ നിയമനത്തിനായി ശുപാർശ നൽകിയത്.ബാബുവിൻ്റെ വെളിപ്പെടുത്തലുകൾക്ക് പിന്നാലെ താൻ തന്നെയാണ് ജിയോണയെ ശുപാർശ ചെയ്തതെന്ന് ഡീന്‍ സ്ഥിരീകരിക്കുകയും ചെയ്തു.പ്ലീഡർ നിയമന വിവാദത്തിൽ ഒരു യുവ എംപിയുടെ ശുപാർശയുണ്ടെന്ന കാര്യം കെ ബാബുവാണ് ആദ്യം വെളിപ്പെടുത്തിയത്. ഇടുക്കി എംപിയാണ് ഇതിന് പിന്നിലെന്ന് അദ്ദേഹം പേര് എടുത്ത് പറഞ്ഞില്ലെങ്കിലും കൃത്യമായ സൂചനകൾ നൽകിയിരുന്നു.

ഷാഫി പറമ്പിലോ ഹൈബി ഈഡനോ അല്ല ഈ ശുപാർശ നൽകിയതെന്നും അദ്ദേഹം വ്യക്തമാക്കിയിരുന്നു. മുഖ്യമന്ത്രിയെ ഈ കാര്യത്തിൽ കുറ്റപ്പെടുത്താൻ കഴിയില്ലെന്നും എല്ലാ സന്ദർഭങ്ങളിലും രാഷ്ട്രീയം മാത്രം നോക്കാൻ കഴിയില്ലെന്നും അപേക്ഷകരുടെ യോഗ്യത കൂടി പരിഗണിക്കേണ്ടതുണ്ടെന്നും അദ്ദേഹം പറഞ്ഞു. ഒരു കോൺഗ്രസ് എംപി തന്നെ ശുപാർശ ചെയ്ത പേരായതിനാൽ മുഖ്യമന്ത്രിയെ മാത്രം ലക്ഷ്യം വെച്ച് വിമർശനം ഉന്നയിക്കുന്നത് ശരിയല്ലെന്നും അദ്ദേഹം പറ‍ഞ്ഞു.വിഡി സതീശൻ പക്ഷത്തോട് ചേർന്ന് നിൽക്കുന്ന നേതാവാണ് ഡീൻ കുര്യാക്കോസ് എന്നതും വിവാദം മുറുകുന്നതിലേക്കാണ് കാര്യങ്ങള്‍ ചെന്നു നില്‍ക്കുന്നത്

]]> 'ഒപ്പം നിന്ന മതേതര മനസുകൾ കൂടുതൽ അകലം പാലിക്കുന്നത് അതിവിദൂരമാവില്ല' ;വഖഫ് വിഷയത്തിൽ സർക്കാരിൻ്റെ ഇരട്ടത്താപ്പിനെതിരെ താക്കീതുമായി സമസ്ത മുഖപത്രം https://www.sandhesam.com/Samastha-newspapaer-criticises-govt-on-Wakf-issue https://www.sandhesam.com/Samastha-newspapaer-criticises-govt-on-Wakf-issue Sat, 18 Jul 2026 16:16:16 +0530 Web Desk കോഴിക്കോട്: വഖഫ് ബോർഡ് അംഗങ്ങളുടെ നിയമനത്തെ ചോദ്യം ചെയ്ത് സമർപ്പിച്ച ഹരജികൾ പരിഗണിക്കുന്നതിനിടെ സംസ്ഥാന സർക്കാർ ഹൈക്കോടതിയിൽ സ്വീകരിച്ച നിലപാട് അമ്പരപ്പിക്കുന്നതും ആശങ്കപ്പെടുത്തുന്നതുമാണെന്ന് സമസ്ത മുഖപത്രം സുപ്രഭാതം. അഡ്വക്കേറ്റ് ജനറൽ സ്വീകരിച്ച നിലപാടിലെ നിഗൂഢത മതേതര കേരളത്തെ കഠിനമായി ആശങ്കപ്പെടുത്തുന്നുവെന്ന് മുഖപ്രസംഗം വിമർശിക്കുന്നു. ബോർഡ് നിയമനം കേന്ദ്ര വഖ്ഫ് നിയമ ഭേദഗതി പ്രകാരമുള്ള മാനദണ്ഡങ്ങൾ അനുസരിച്ചല്ലെന്ന ഹരജിക്കാരുടെ വാദങ്ങളെ അഡ്വക്കേറ്റ് ജനറൽ കോടതിയിൽ അംഗീകരിച്ചതോടെയാണ് വഖ്ഫ് ബോർഡ് പ്രവർത്തനം താൽക്കാലികമായി മരവിപ്പിക്കാനുള്ള ഉത്തരവുണ്ടായത്. വാക്ക് പാലിക്കാനുള്ളതാണെന്നും നിലപാടാണ് കരുത്തെന്നും ആവർത്തിക്കുന്ന ഭരണ നേതൃത്വം ഇത്തരം ഇരട്ടത്താപ്പുകളെ എന്തിന്റെ പേരിലാണ് ന്യായീകരിക്കുകയെന്ന് എഡിറ്റോറിയൽ ചോദിക്കുന്നു.

മുനമ്പം വിഷയത്തിൽ യുഡിഎഫിൽ ഐക്യപ്പെട്ട തീരുമാനം വരുന്നതിന് മുമ്പായി അത് വഖ്‌ഫ് ഭൂമിയല്ലെന്ന് പരസ്യമായി ഭരണ നേതൃത്വം പ്രഖ്യാപിച്ചത് നാക്കുപിഴ മാത്രമാണോയെന്നും എഡിറ്റോറിയൽ ചോദിക്കുന്നു. വഖ്ഫ് കേസിൽ സർക്കാരിന് പറ്റിയ വീഴ്ച തിരുത്തി പ്രഖ്യാപിത നിലപാടിൽ പിന്നോട്ടില്ലെന്ന് പ്രഖ്യാപിക്കാനുള്ള ആർജവം ഭരണ നേതൃത്വം കാട്ടണം. അതല്ല, സാങ്കേതിക നടപടിക്രമം എന്ന ഓമനപ്പേരിൽ ചെയ്തുപോയ വീഴ്ചകളെ ന്യായീകരിക്കുന്നത് തുടരുകയാണെങ്കിൽ ഒപ്പം നിന്ന മതേതര മനസുകൾ കൂടുതൽ അകലം പാലിക്കുന്നത് അതിവിദൂരമാവില്ലെന്നും സുപ്രഭാതത്തിന്‍റെ മുഖപ്രസംഗം സർക്കാരിനെ ഓർമിപ്പിക്കുന്നു.

സുപ്രഭാതത്തിന്‍റെ എഡിറ്റോറിയൽ

വഖഫ് ബോർഡ് അംഗങ്ങളുടെ നിയമനത്തെ ചോദ്യം ചെയ്ത് സമർപ്പിച്ച ഹരജികൾ പരിഗണിക്കുന്നതിനിടെ സംസ്ഥാന സർക്കാർ ഹൈക്കോടതിയിൽ സ്വീകരിച്ച നിലപാട് അമ്പരപ്പിക്കുന്നതും ആശങ്കപ്പെടുത്തുന്നതുമാണ്. ബോർഡിൽ അമുസ്ലിം, ശിയാവിഭാഗങ്ങളെ ഉൾപ്പെടുത്താത്തതും ചില അംഗങ്ങളുടെ യോഗ്യത ചോദ്യം ചെയ്തും സമർപ്പിച്ച നാലോളം പൊതുതാൽപര്യ ഹരജികൾ പരിഗണിച്ച ഹൈക്കോടതി വഖ്ഫ് ബോർഡ് പ്രവർത്തനം താൽക്കാലികമായി മരവിപ്പിച്ചതിലല്ല, ആ നിഗമനത്തിലേക്ക് കോടതിയെ എത്തിക്കുന്നതിൽ അഡ്വക്കേറ്റ് ജനറൽ സ്വീകരിച്ച നിലപാടിലെ നിഗൂഢതയാണ് മതേതര കേരളത്തെ കഠിനമായി ആശങ്കപ്പെടുത്തുന്നത്.

ബോർഡ് നിയമനം കേന്ദ്ര വഖ്ഫ് നിയമഭേദഗതി പ്രകാരമുള്ള മാനദണ്ഡങ്ങൾ അനുസരിച്ചല്ലെന്ന ഹരജിക്കാരുടെ വാദങ്ങളെ അഡ്വക്കേറ്റ് ജനറൽ കോടതിയിൽ അംഗീകരിച്ചതോടെയാണ് വഖ്ഫ് ബോർഡ് പ്രവർത്തനം താൽക്കാലികമായി മരവിപ്പിക്കാനുള്ള ഉത്തരവുണ്ടായത്. ഇവിടെ ചില നിയമപരമായ വസ്‌തുതകൾ അത്യന്തം ഗൗരവമുള്ളതാണ്. വഖ്ഫ് നിയമഭേദഗതി ചോദ്യം ചെയ്ത് സമർപ്പിച്ച ഒരുകൂട്ടം ഹരജികൾ സുപ്രിംകോടതിയുടെ പരിഗണനയിലിരിക്കുകയാണ്. ഈ കേസിലെ തീർപ്പ് തേടിയാണ്, പല സംസ്ഥാനങ്ങളും വഖ്ഫ് പുനഃസംഘടനയും അനുബന്ധ നടപടികളും താൽക്കാലികമായി നിർത്തിവച്ചത്. ചില സംസ്ഥാനങ്ങൾ ഈ സാഹചര്യം ചൂണ്ടിക്കാട്ടി വഖ്ഫ് ബോർഡിലേക്ക് അമുസ്ലിംകളടക്കമുള്ള അംഗങ്ങളെ നിയമിക്കാൻ തയാറായതുമില്ല. കേരളവും ആ രീതിയിലാണ് നിയമനം നടത്തിയത്. എന്നാൽ, ഇത് കോടതിയിൽ ചോദ്യം ചെയ്യപ്പെട്ടപ്പോൾ സർക്കാരിന്റെ നിലപാട് നിർണായകമായിരുന്നു. പരമോന്നത നീതിപീഠത്തിന്റെ പരിഗണനയിലിരിക്കുന്ന വിഷയത്തിൽ നിയമപരമായ തീർപ്പിനുശേഷം നിയമനത്തിലെ സംവരണകാര്യമുൾപ്പെടെ സ്പഷ്ടീകരിക്കാമെന്ന് സർക്കാരിന് സത്യവാങ്മൂലം നൽകാൻ കഴിയുമായിരുന്നു. എന്നാൽ, ഹൈക്കോടതിയിൽ അതല്ല എ.ജി സ്വീകരിച്ച നിലപാട്. ഹരജിക്കാരുടെ വാദമുഖങ്ങളെ തത്വത്തിൽ അംഗീകരിച്ച് നൽകുകയായിരുന്നു എ.ജി. കോടതിയിൽ എ.ജി നടത്തിയത് സർക്കാരിന്റെ നിലപാടായതിനാൽ അത് കേസിന്റെ തുടർനടപടികളിലും പ്രതിഫലിച്ചേക്കാം.

അതേസമയം, നിലവിലിരിക്കുന്ന നിയമം അനുസരിക്കുക എന്ന സാമാന്യതത്വമാണ് ഹൈക്കോടതി കേസിൽ സർക്കാർ പിന്തുടർന്നത് എന്ന് നിഷ്കളങ്കരായ ചില നിരീക്ഷകർ വക്കാലത്ത് പറയുന്നുണ്ട്. നിയമത്തിന്റെ പ്രാഥമിക ബോധമില്ലായ്മ കൂടിയാണത്. കേന്ദ്രസർക്കാർ പാസാക്കിയ വഖ്ഫ് നിയമം ചോദ്യം ചെയ്‌ത്‌ സമസ്ത ഉൾപ്പെടെ രാജ്യത്തെ പ്രമുഖ മുസ് ലിം സംഘടനകളും ലീഗ്, ഇതര രാഷ്ട്രീയ പാർട്ടികളും വ്യക്തികളും സുപ്രിംകോടതിയിൽ ഹരജി നൽകിയിട്ടുണ്ട്. ഹരജിയിൽ കോടതി പ്രാഥമിക നടപടികൾ തുടങ്ങുകയും ചെയ്തു. അതായത് കേന്ദ്രം പാസാക്കിയ നിയമം സുപ്രിംകോടതിയിൽ ചോദ്യം ചെയ്യപ്പെട്ടിരിക്കുന്ന ഭരണഘടനാപരവും സവിശേഷവുമായ സാഹചര്യം നിലവിലുണ്ടെന്ന് ചുരുക്കം. കോടതിയിലുള്ള വിഷയത്തിൽ തീർപ്പുണ്ടാകുന്നതുവരെ കേസ് പരിഗണിക്കുന്നത് മാറ്റിവയ്ക്കണമെന്നോ അതല്ല കോടതിവിധിക്ക് വിധേയമായി തീർപ്പ് കൽപ്പിക്കാമെന്നോ പറയാമെന്നിരിക്കെ, വീണ്ടുവിചാരമോ വിഷയത്തിന്റെ അതീവ ഗൗരവാവസ്ഥ മനസിലാക്കാതെയോ കേരള സർക്കാർ ഏകപക്ഷീയ നിലപാട് സ്വീകരിച്ചതാണ് ഞെട്ടിച്ചത്.

വഖ്ഫ് വിഷയത്തിൽ ഇക്കാലമത്രയും യു.ഡി.എഫ് ഉൾപ്പെടെയുള്ള മതേതര ചേരി ഉയർത്തിപ്പിടിച്ച വ്യക്തമായ നിലപാടിന്റെ നിരാസത്തിനുകൂടി വഴിതുറക്കുകയാണ് എന്നത് അത്യന്തം ആശങ്കാജനകമാണ്. മോദി സർക്കാർ രാജ്യത്തെ മുസ്ലിം ന്യൂനപക്ഷങ്ങളുടെ അവകാശാധികാരങ്ങളും മതപരമായ നിഷ്കർഷകളും റദ്ദാക്കുക എന്ന ലക്ഷ്യത്തോടെ പാസാക്കിയ വഖ്ഫ്ഭേദഗതി നിയമത്തെ ഇൻഡ്യാ സഖ്യം എതിർത്തത്, ഇതര മതവിഭാഗ പ്രാതിനിധ്യമടക്കമുള്ള വിവാദ വ്യവസ്ഥകളുടെ പേരിലായിരുന്നു. എന്നാൽ അതേ വ്യവസ്ഥ പ്രകാരം അമുസ്ലിംകളെ വഖ്ഫ് ബോർഡിൽ കുടിയിരുത്താനുള്ള അവസരമൊരുക്കുകയാണ് ഹൈക്കോടതിയിലെ മനഃപൂർവ നടപടിയിലൂടെ സർക്കാർ അഭിഭാഷകൻ ചെയ്‌തത്‌. ഒന്നുകിൽ ഭരണനേതൃത്വം നേരത്തെ എടുത്ത നിലപാടിൽനിന്ന് പിന്നോക്കം പോകുന്നു. അല്ലെങ്കിൽ തങ്ങളുയർത്തിപ്പിടിച്ച മുദ്രാവാക്യങ്ങളോട് തെല്ലും ആത്മാർഥത കാട്ടില്ലെന്ന് തെളിയിക്കുന്നു. ഭരണ നേതൃത്വത്തിലെ പ്രധാന പാർട്ടി കക്ഷി ചേർന്ന ഒരു സുപ്രധാന കേസിന്റെ നിലനിൽപ്പിനെപ്പോലും ചോദ്യം ചെയ്യുന്ന നിലപാട് അതേ സർക്കാരിന്റെ അഭിഭാഷകൻ ഹൈക്കോടതിയിൽ നിരത്തിയത് യാദൃച്ഛികമെന്ന് പറഞ്ഞ് ന്യായീകരിക്കാനാകുമോ. വാക്ക് പാലിക്കാനുള്ളതാണെന്നും നിലപാടാണ് കരുത്തെന്നും ആവർത്തിക്കുന്ന ഭരണനേതൃത്വം ഇത്തരം ഇരട്ടത്താപ്പുകളെ എന്തിന്റെ പേരിലാണ് ന്യായീകരിക്കുക.

മുനമ്പം വിഷയത്തിൽ യു.ഡി.എഫിൽ ഐക്യപ്പെട്ട തീരുമാനം വരുന്നതിന് മുമ്പായി അത് വഖ്‌ഫ് ഭൂമിയല്ലെന്ന് പരസ്യമായി ഭരണനേതൃത്വം പ്രഖ്യാപിച്ചത് നാക്കുപിഴ മാത്രമാണോ. വഖ്ഫുമായി ബന്ധപ്പെട്ട ഈ നിലപാടുകൾ ആർക്കു വേണ്ടിയാണെന്നും ആരുടെ താൽപര്യത്തിലാണെന്നും സർക്കാർ വ്യക്തമാക്കേണ്ടിയിരിക്കുന്നു. വികസന, സാമൂഹികസുരക്ഷാ പദ്ധതികളിലൂടെ ജനങ്ങളുടെ പിന്തുണ തേടി, പുതുകേരള സൃഷ്ടിക്കുള്ള കളമൊരുക്കിയ വി.ഡി സതീശൻ സർക്കാരിന്റെ മതേതര പ്രതിച്ഛായയ്ക്ക് ഇത്തരം വീഴ്ചകൾ കളങ്കമേൽപ്പിക്കുന്നതാണെന്ന് പറയാതെ വയ്യ. ചില കാര്യങ്ങളിലെ ഗുരുതര വീഴ്ചകൾ കേരളത്തിന്റെ മതേതര മനസിനെ വല്ലാതെ വേദനിപ്പിക്കുന്നതാണ്, ആശങ്കപ്പെടുത്തുന്നതാണ്. സർക്കാർ ആർക്കൊപ്പമാണെന്ന് ചോദിക്കുന്നവരുടെ ആകുലതകൾ കാണാതെ പോകരുത്. വഖ്ഫ് കേസിൽ സർക്കാരിന് പറ്റിയ വീഴ്ച തിരുത്തി പ്രഖ്യാപിത നിലപാടിൽ പിന്നോട്ടില്ലെന്ന് പ്രഖ്യാപിക്കാനുള്ള ആർജവം ഭരണ നേതൃത്വം കാട്ടണം. അതല്ല, സാങ്കേതിക നടപടിക്രമം എന്ന ഓമനപ്പേരിൽ ചെയ്തുപോയ വീഴ്ചകളെ ന്യായീകരിക്കുന്നത് തുടരുകയാണെങ്കിൽ ഒപ്പം നിന്ന മതേതര മനസുകൾ കൂടുതൽ അകലം പാലിക്കുന്നത് അതിവിദൂരമാവില്ല.

]]> 'ബാലൻ' ഒടിടി സ്ട്രീമിങ് തീയതി പുറത്ത്;ജൂലൈ 31 മുതൽ സീ5-ൽ സ്ട്രീമിംഗ് https://www.sandhesam.com/Balan-OTT-streaming-date-streaming-on-Zee5-from-July-31 https://www.sandhesam.com/Balan-OTT-streaming-date-streaming-on-Zee5-from-July-31 Sat, 18 Jul 2026 15:49:45 +0530 Web Desk

തിയറ്ററുകളിൽ പ്രേക്ഷക- നിരൂപക പ്രശംസ നേടിയ സംവിധായകൻ ചിദംബരം ഒരുക്കിയ മലയാളം സൈക്കോളജിക്കൽ ഡ്രാമ ത്രില്ലർ ചിത്രം 'ബാലൻ: ദ് ബോയ്' ഇനി ഒടിടിയിൽ കാണാം. ചിത്രം ജൂലൈ 31 മുതൽ സീ5-ൽ സ്ട്രീമിംഗ് ആരംഭിക്കും. മലയാളത്തിനൊപ്പം തമിഴ്, തെലുങ്ക്, കന്നഡ ഭാഷകളിലും ചിത്രം ഒടിടി റിലീസിനൊരുങ്ങുകയാണ്. ഭാഷയുടെ അതിരുകൾ കടന്ന് കൂടുതൽ പ്രേക്ഷകരിലേക്ക് 'ബാലൻ' എത്തുന്നു.

'മഞ്ഞുമ്മൽ ബോയ്സ്' എന്ന ബ്ലോക്ക്ബസ്റ്ററിന് ശേഷം ചിദംബരം സംവിധാനം ചെയ്യുന്ന ചിത്രമെന്ന നിലയിൽ റിലീസിന് മുമ്പേ തന്നെ വലിയ പ്രതീക്ഷ നേടിയ 'ബാലൻ: ദ് ബോയ്' തിയറ്ററിലും മികച്ച അഭിപ്രായമാണ് നേടിയത്. കെവിഎൻ പ്രൊഡക്ഷൻസും തെസ്പിയൻ ഫിലിംസും ചേർന്നാണ് ചിത്രം നിർമ്മിച്ചിരിക്കുന്നത്. പ്രശസ്ത സംവിധായകൻ ജിത്തു മാധവൻ ആണ് ചിത്രത്തിന്റെ രചന നിർവഹിച്ചത്.

കാണാതായ അമ്മയെ തേടിയുള്ള ഒരു കൗമാരക്കാരൻ്റെ ജീവിതയാത്രയാണ് ചിത്രത്തിൻ്റെ പ്രമേയം.ടൊവിനോ തോമസ്, അഭിരാം രാധാകൃഷ്ണൻ, ജീൻ പോൾ ലാൽ,ഗിരീഷ് എ ഡി, ഫർസാന പാലത്തിങ്കൽ,ആനന്ദ് ഏകർഷി, എന്നിവരുള്‍പ്പെടുന്ന വൻ താരനിര ചിത്രത്തിൽ ശ്രദ്ധേയ പ്രകടനമാണ് കാഴ്ചവയ്ക്കുന്നത്.

]]> പശ്ചിമേഷ്യന്‍ സംഘർഷം; ഏഴാം ദിവസവും ആക്രമണം തുടര്‍ന്ന് യുഎസും ഇറാനും https://www.sandhesam.com/West-asian-crisis-continues https://www.sandhesam.com/West-asian-crisis-continues Sat, 18 Jul 2026 15:02:34 +0530 Web Desk പശ്ചിമേഷ്യയിൽ വീണ്ടും  ഇറാനിലെ ലക്ഷ്യസ്ഥാനങ്ങൾക്ക് നേരെ അമേരിക്കയുടെ കടുത്ത സൈനികാക്രമണം തുടരുന്നു. ഇറാന് നേരെ യുഎസ് സൈന്യം വൻതോതിൽ ബോംബാക്രമണം നടത്തിയതായി യുഎസ് സെൻട്രൽ കമാൻഡ് ഔദ്യോഗികമായി സ്ഥിരീകരിച്ചു. മേഖലയിൽ പുതുതായി ആരംഭിച്ച ആക്രമണ പരമ്പരയുടെ തുടർച്ചയായ ഏഴാമത്തെ രാത്രിയാണ് യുഎസ് ഇപ്പോൾ ആക്രമണം പൂർത്തിയാക്കിയിരിക്കുന്നത്. ഗൾഫ് മേഖലയിലെ യുഎസിന്റെ സഖ്യകക്ഷികൾക്ക് നേരെ ഇറാൻ തുടർച്ചയായി നടത്തുന്ന ആക്രമണ പരമ്പരയ്ക്കുള്ള ശക്തമായ തിരിച്ചടിയായാണ് ഈ നടപടിയെന്ന് യുഎസ് വ്യക്തമാക്കി.

യുഎസ് സൈനിക നീക്കത്തിനെതിരെ അതീവ ഗുരുതരമായ പ്രത്യാഘാതമുണ്ടാകുമെന്ന മുന്നറിയിപ്പുമായി ഇറാൻ രംഗത്തെത്തിയിട്ടുണ്ട്. ഈ വാരാന്ത്യത്തിലും അമേരിക്ക കടുത്ത ബോംബാക്രമണം തുടരുകയാണെങ്കിൽ, വരും ദിവസങ്ങളിൽ യുഎസ് സേന നേരിടേണ്ടി വരിക ഒരു 'പൂർണ തോതിലുള്ള സൈനിക ആക്രമണം' ആയിരിക്കുമെന്ന് ഇറാന്റെ ഉന്നത സൈനിക ഉപദേശകൻ പരസ്യമായി മുന്നറിയിപ്പ് നൽകി.

തെക്കന്‍ ഇറാനില്‍ പാലങ്ങളും റെയില്‍വെ സ്റ്റേഷനും ഊര്‍ജനിലയങ്ങളും ആക്രമിച്ചതായാണ് റിപ്പോര്‍ട്ട്. ഹോര്‍മോസ്ഗാനില്‍ യുഎസ് ആക്രമണത്തില്‍ മൂന്ന് പേര്‍ കൊല്ലപ്പെട്ടതായും വിവരമുണ്ട്. ബുഷഹെറില്‍ യുഎസ് എംക്യു-9 ഡ്രോണ്‍ വെടിവെച്ചിട്ടതായി ഐആര്‍ജിസി അറിയിച്ചു. തെക്കുപടിഞ്ഞാറന്‍ ഇറാനിലും ആക്രമണമുണ്ടായി.

അതേസമയം ഹോര്‍മൂസില്‍ തായ് പതാകയുള്ള കപ്പലിന് നേരെ ഇറാനും ആക്രമണം നടത്തി. ഹോര്‍മുസ് കടക്കാന്‍ ശ്രമിച്ച നാല് ടാങ്കറുകള്‍ ഐആര്‍ജിസി തടഞ്ഞതായും വിവരമുണ്ട്. അമേരിക്കന്‍ ആക്രമണം യുദ്ധക്കുറ്റമാണെന്ന് ഇറാന്‍ വക്താവ് പറഞ്ഞു. ബഹ്‌റൈനിലും കുവൈത്തിലും ഖത്തറിലും ഇറാന്‍ ആക്രമണമുണ്ടായി. കുവൈറ്റില്‍ ഇറാന്റെ മിസൈല്‍-ഡ്രോണ്‍ ആക്രമണത്തില്‍ സൈനികര്‍ക്ക് പരിക്കേറ്റു. വൈദ്യുതി-ജല സംവിധാനങ്ങള്‍ക്ക് നാശനഷ്ടമുണ്ടായതായും വിവരമുണ്ട്. ഹോര്‍മൂസിന്റെ ഒമാന്‍ തീരത്തിനടുത്തെ ബദല്‍ പാതയിലൂടെ കപ്പലുകള്‍ യുഎസ് സംരക്ഷണയില്‍ കടന്നു പോകുന്നതായി സെറ്റ്‌കോം അറിയിച്ചിട്ടുണ്ട്. ഹോര്‍മൂസില്‍ എണ്ണ കപ്പലിന് നേരെ ആക്രമണം നടത്തിയെന്ന ഐആര്‍ജിസിയുടെ അവകാശവാദം യുഎസ് സൈന്യം നിഷേധിച്ചു.

]]> കുതിച്ചുയർന്ന് വിക്രം-1; രാജ്യത്തെ സ്വകാര്യ ബഹിരാകാശ ഗവേഷണ രംഗത്ത് നിർണായക നേട്ടം https://www.sandhesam.com/India%E2%80%99s-first-private-orbital-rocket%2C-Vikram1-under-MissionAagaman%2C-successfully-launched https://www.sandhesam.com/India%E2%80%99s-first-private-orbital-rocket%2C-Vikram1-under-MissionAagaman%2C-successfully-launched Sat, 18 Jul 2026 14:15:41 +0530 Web Desk ശ്രീഹരിക്കോട്ട: രാജ്യത്തെ ആദ്യ സ്വകാര്യ ബഹിരാകാശ റോക്കറ്റ് വിക്രം 1 വിക്ഷേപിച്ചു. ശ്രീഹരിക്കോട്ടയിലെ ഐഎസ്ആർഒയുടെ സതീഷ് ധവാൻ സ്പേസ് സെൻ്ററിലെ ഒന്നാം ലോഞ്ച് പാ‍ഡിൽ നിന്നാണ് വിക്ഷേപിച്ചത്. മിഷൻ ആഗമൻ എന്നാണ് ഈ ദൗത്യത്തിന് പേരിട്ടിരിക്കുന്നത്. റോക്കറ്റ് വിക്ഷേപിക്കുന്നതിന് തൊട്ട് മുൻപ് കൗണ്ട്ഡൗൺ നിർത്തിവെച്ചിരുന്നു. 5 മിനിട്ട് ബാക്കിയുള്ളപ്പോഴാണ് കൗണ്ട്ഡൗൺ നിർത്തിയത്. മുൻകരുതൽ നടപടി എന്നായിരുന്നു സ്‌കൈറൂട്ട് വിശദീകരണം.

ഇൻസ്പേസിന്റെ പിന്തുണയോടെയാണ് വിക്ഷേപണം. പൂ‌‌ർണ്ണമായി ഘര ഇന്ധനം ഉപയോഗിക്കുന്ന മൂന്ന് ഘട്ടങ്ങളുള്ള റോക്കറ്റാണ് വിക്രം 1. 22 മീറ്റ‌ർ ഉയരമുള്ള റോക്കറ്റിന്റെ താഴ്ന്ന ഭൂ ഭ്രമണപഥത്തിലേക്ക് 350 കിലോഗ്രാം ഭാരമയക്കാൻ കഴിയുമെന്നാണ് അവകാശവാദം. ആദ്യ ദൗത്യത്തിൽ ഭൂമിയിൽ നിന്ന് 450 കിലോമീറ്റ‌ർ അകലെ എത്താനാണ് റോക്കറ്റ് ലക്ഷ്യമിടുന്നത് ആദ്യ പരീക്ഷണ ദൗത്യമായതിനാൽ വലിയ ഉപഗ്രഹങ്ങളൊന്നും ഇത്തവണ അയക്കുന്നില്ല. 15 മിനുട്ടും 46 സെക്കൻഡും കൊണ്ട് ദൗത്യം പൂർത്തിയാകും. നാല് പ്രധാന പേ ലോഡുകളാണ് ദൗത്യത്തിലുള്ളത്. ബെംഗളൂരു ആസ്ഥാനമായ സ്റ്റാർട്ടപ്പ് ഗ്രഹാ സ്പേസിന്റെ സോളാരസ് എസ് ത്രീ, മറ്റൊരു സ്റ്റാർട്ടപ്പ് കോസ്മോസെർവ് സ്പേസിന്റെ എംബ്രേസ് എന്ന ബഹിരാകാശ റോബോ കൈ, സ്കൈറൂട്ടിന്റെ സ്വന്തം സ്കോപ്പ് സാറ്റ് എന്നിവയാണ് അതിൽ പ്രധാനികൾ.

ജർമ്മൻ കമ്പനി ഡിക്യൂബ്ഡ് സ്പേസിന്റെ ചെറു സാങ്കേതിക വിദ്യ പരീക്ഷണവും ദൗത്യത്തിൻറെ ഭാഗമാണ്. അതിന് പുറമേ വിക്രം സാരാഭായ്‍യുടെയും, സിവി രാമന്റെയും ഡോ.എ.പി.ജെ അബ്ദുൾ കലാമിന്റെയും ഇത്തിരിക്കുഞ്ഞൻ പ്രതിമകളും ബഹാരാകാശത്തേക്ക് അയക്കുന്നുണ്ട്. ഒരു അരിമണിയേക്കാൾ ചെറുതാണ് ശിൽപ്പങ്ങൾ. ലാബ് നി‌ർമ്മിത ഡൈമണ്ട് ആഭരണവും പിന്നെ പ്രധാനമന്ത്രി നരേന്ദ്രമോദിയുടെ അടക്കം ആശംസ കാ‌ർഡുകളും കൂടി റോക്കറ്റിൽ ഉൾക്കൊള്ളിച്ചിട്ടുണ്ട്.

ഐഎസ്ആർഒയിൽ നിന്ന് രാജിവെച്ച പവൻ കെ.ചന്ദനയും ഭരത് ഡാക്കയും ചേർന്ന് 2018ലാണ് സ്കൈറൂട്ട് എയറോസ്പേസ് സ്ഥാപിച്ചത്. രാജ്യത്താദ്യമായി ഒരു സ്വകാര്യ റോക്കറ്റ് നിർമ്മിച്ച് പരീക്ഷച്ചതും സ്കൈറൂട്ടാണ്. 2022 നവംബർ 18നായിരുന്നു മിഷൻ പ്രാരംഭ് എന്ന് പേരിട്ട ദൗത്യം നടന്നത്. വിക്രം എസ് എന്ന ചെറു റോക്കറ്റാണ് അന്ന് വിക്ഷേപിച്ചത്. പേ ലോഡുകൾ ബഹിരാകാശത്തേക്ക് അയക്കാത്ത സബ് ഓർബിറ്റൽ ദൗത്യമായിരുന്നു അത്. വിക്രം ഒന്ന് വിജയിച്ചാൽ ഐഎസ്ആർഒയ്ക്ക് പുറത്ത് ഉപഗ്രഹ വിക്ഷേപണത്തിനുള്ള കെൽപ്പ് നേടുന്ന ആദ്യ സ്ഥാപനമാകും സ്കൈറൂട്ട്.

വിക്ഷേപണ വിജയത്തിന് തൊട്ടുപിന്നാലെ പ്രധാനമന്ത്രി നരേന്ദ്ര മോദി സ്കൈറൂട്ട് സ്ഥാപകരെ നേരിട്ട് ഫോണിൽ വിളിച്ചു. ദൗത്യ വിജയത്തിന് അഭിനന്ദനമറിയിച്ച മോദി, സ്കൈറൂട്ട് രാജ്യത്തെ യുവാക്കൾക്കാകെ പ്രചോദനമാണെന്ന് പറഞ്ഞു. ഐഎസ്ആ‌ർഒയ്ക്കും ഇൻസ്പേസിനും നന്ദി പറഞ്ഞ് പവൻ കുമാ‌ർ ചന്ദനയും രം​ഗത്തെത്തി. വിക്രം സാരാഭായ് സ്പേസ് സെൻ്ററും സതീഷ് ധവാൻ സ്പേസ് സെൻ്ററും നൽകിയ പിന്തുണ വലുതാണെന്നും ലോകത്തിലെ എറ്റവും മികച്ച റെഗുലേറ്ററാണ് ഇൻസ്പേസ് എന്നും അദ്ദേഹം പറഞ്ഞു.

]]> സോനം വാങ്‌ചുക്കിനെ അറസ്റ്റ് ചെയ്ത് ആശുപത്രിയിലേക്ക് മാറ്റി; നിരാഹാര സമരം ആരംഭിച്ച് കോക്രോച്ച് ജനതാ പാർട്ടി സ്ഥാപകൻ https://www.sandhesam.com/Activist-Sonam-Wangchuk-being-shifted-to-Safdarjung-Hospital https://www.sandhesam.com/Activist-Sonam-Wangchuk-being-shifted-to-Safdarjung-Hospital Sat, 18 Jul 2026 13:06:42 +0530 Web Desk ന്യൂഡൽഹി:  ജന്തർ മന്ദിറിൽ കഴിഞ്ഞ 20 ദിവസമായി അനിശ്ചിതകാല നിരാഹാര സമരത്തിലായിരുന്ന പരിസ്ഥിതി-വിദ്യാഭ്യാസ പ്രവർത്തകൻ സോനം വാങ്‌ചുക്കിനെ പോലീസ് അറസ്റ്റ് ചെയ്ത് റാം മനോഹർ ലോഹ്യ ആശുപത്രിയിലേക്ക് മാറ്റി. ശനിയാഴ്ച പുലർച്ചെയോടെ സമരപ്പന്തലിൽ എത്തിയ പോലീസ് സംഘം, ശക്തമായ പ്രതിഷേധങ്ങൾക്കും മുദ്രാവാക്യം വിളികൾക്കും ഇടയിലാണ് 59-കാരനായ വാങ്ചുകിനെ ആശുപത്രിയിലേക്ക് മാറ്റിയത്. 

വാങ്ചുക്കിനെ ആശുപത്രിയിലേക്ക് മാറ്റിയതിനെ തുടർന്ന്, താൻ അനിശ്ചിതകാല നിരാഹാര സമരം ആരംഭിക്കുകയാണെന്ന് കോക്രോച്ച് ജനതാ പാർട്ടി സ്ഥാപകൻ അഭിജിത് ദിപ്കെ അറിയിച്ചു. "ഞാൻ ഇപ്പോൾ മുതൽ അനിശ്ചിതകാല നിരാഹാര സമരം ആരംഭിക്കുകയാണ്," എക്സിലെ പോസ്റ്റിൽ ദിപ്കെ പറഞ്ഞു.

ഡൽഹി ഹൈക്കോടതിയുടെ ഉത്തരവ് അനുസരിച്ചും, വഷളായിക്കൊണ്ടിരിക്കുന്ന ആരോഗ്യസ്ഥിതി കണക്കിലെടുത്തുള്ള വിദഗ്ധ മെഡിക്കൽ നിർദേശപ്രകാരവുമാണ് നടപടിയെന്ന് ഡൽഹി പോലീസ് ഔദ്യോഗിക പ്രസ്താവനയിൽ അറിയിച്ചു. "സോനം വാങ്ചുകിന് അടിയന്തര വൈദ്യസഹായം ലഭ്യമാക്കുന്നതിനായാണ് ആശുപത്രിയിലേക്ക് മാറ്റിയത്. ബഹുമാനപ്പെട്ട ഹൈക്കോടതിയുടെ ഉത്തരവ് നടപ്പാക്കുന്നതിനിടെ പ്രതിഷേധക്കാർ തടസം സൃഷ്ടിക്കാൻ ശ്രമിച്ചു, ഇത് ചെറിയ തോതിൽ സംഘർഷത്തിന് കാരണമായി. എങ്കിലും പോലീസ് അതീവ സംയമനം പാലിക്കുകയും നടപടികൾ സുരക്ഷിതമായി പൂർത്തിയാക്കുകയും ചെയ്തു. ജന്തർ മന്ദിറിലുള്ള പ്രതിഷേധക്കാർ എത്രയും വേഗം പ്രദേശം സമാധാനപരമായി ഒഴിഞ്ഞുതരണമെന്ന് അഭ്യർത്ഥിക്കുന്നു," പ്രസ്താവനയിൽ ഡൽഹി പോലീസ് പറയുന്നു.

വാങ്ചുകിൻ്റെ ആരോഗ്യനിലയെക്കുറിച്ചുള്ള ഹർജി ഡൽഹി ഹൈക്കോടതി പരിഗണിക്കുന്നതിന് തൊട്ടുമുമ്പാണ് പോലീസിന്റെ ഈ അടിയന്തര നീക്കം. വാങ്ചുകിന്റെ ആരോഗ്യനില ദിവസേന പരിശോധിക്കാൻ രണ്ട് ദിവസം മുമ്പ് ഹൈക്കോടതി അധികൃതർക്ക് നിർദേശം നൽകിയിരുന്നു. "ഏതൊരു പൗരന്റെയും ജീവൻ വിലപ്പെട്ടതാണ്" എന്ന് നിരീക്ഷിച്ച കോടതി, വാങ്ചുകിന്റെ ജീവൻ സംരക്ഷിക്കാൻ സാധ്യമായതെല്ലാം ചെയ്യണമെന്ന് കേന്ദ്ര സർക്കാരിനോട് ആവശ്യപ്പെട്ടിരുന്നു.

ജന്തര്‍ മന്തറിലെ നാടകീയ സംഭവങ്ങള്‍ക്ക് പിന്നാലെ നിരാഹാര സമരം ആരംഭിച്ച് കോക്രോച്ച് ജനതാ പാര്‍ട്ടി അധ്യക്ഷന്‍ അഭിജീത് ദീപ്‌കെ. ജന്തര്‍ മന്തറില്‍ നിരാഹാര സമരത്തിലായിരുന്ന സോനം വാങ്ചുക്കിനെ ഡല്‍ഹി പൊലീസ് അറസ്റ്റ് ചെയ്ത് ആശുപുത്രിയിലേക്ക് മാറ്റിതിന് പിന്നാലെയാണ് അഭിജീത് നിരാഹാരം ആരംഭിച്ചിരിക്കുന്നത്. എല്ലാ ജനങ്ങളും ജന്തര്‍ മന്തറിലേക്ക് വരണം എന്നാണ് അഭിജീത്തിന്റെ ആഹ്വാനം. പോരാട്ടത്തിനായി ഒന്നിച്ച് ഇറങ്ങണമെന്നും ജന്തര്‍ മന്തറില്‍ എത്താന്‍ സാധിക്കാത്തവര്‍ സംസ്ഥാനങ്ങളില്‍ പ്രതിഷേധിക്കണം എന്നും അഭിജീത് ദീപ്‌കെ അറിയിച്ചു.

അഭിജീത് സമരവേദിയില്‍ ഇല്ലാതിരുന്ന സമയമായിരുന്നു പൊലീസ് നടപടി ഉണ്ടായത്. പുലര്‍ച്ചെ സമര വേദിയിലേക്ക് ഇരച്ചെത്തിയ പൊലീസ് നിരാഹാര സമരം അനുഷ്ഠിച്ചിരുന്ന സോനം വാങ്ചുക്കിനെ അറസ്റ്റ് ചെയ്യുകയും സമരക്കാരോട് ജന്തര്‍ മന്തര്‍ ഒഴിയാന്‍ ആവശ്യപ്പെടുകയും ചെയ്യുകയായിരുന്നു. ഇതിന് പിന്നാലെ അഭിജിത് ദീപ്‌കെ വീട്ടു തടങ്കലില്‍ എന്ന് കോക്രോച്ച് ജനതാ പാര്‍ട്ടി വ്യക്തമാക്കിയിരുന്നു. താമസ സ്ഥലത്ത് പോലീസ് തടഞ്ഞു വെച്ചിരിക്കുന്നു എന്നായിരുന്നു വിശദീകരണം. എന്നാല്‍ സോനത്തിന്റെ അറസ്റ്റിന് ശേഷം ജന്തര്‍ മന്തറില്‍ തിരികെ എത്തിയ അഭിജീത് സമരം പുനരാരംഭിക്കുകയാണ് ചെയ്തിരിക്കുന്നത്. അതേസമയം സോനം വാങ്ചുക്കിന് ചികിത്സ ആവശ്യമാണെന്നും ഇതിന്റെ അടിസ്ഥാനത്തിലാണ് ആശുപത്രിയിലേക്ക് മാറ്റിയതെന്നുമാണ് ഡോക്ടര്‍മാരുടെ സംഘം പറയുന്നത്. കോടതി നിര്‍ദേശ പ്രകാരമായിരുന്നു സോനത്തിന് ചികിത്സ ഉറപ്പാക്കാന്‍ സര്‍ക്കാര്‍ മെഡിക്കല്‍ സംഘത്തെ നിയോഗിച്ചത്.

]]> വൈദ്യുതി നിയന്ത്രണം മുന്‍കൂട്ടി അറിയിക്കാത്തത് ജനങ്ങള്‍ക്ക് വലിയ ബുദ്ധിമുട്ടുണ്ടാക്കുന്നു- പിണറായി വിജയൻ https://www.sandhesam.com/Failure-to-inform-people-about-power-cut-in-advance-causes-great-hardship---Pinarayi-Vijayan https://www.sandhesam.com/Failure-to-inform-people-about-power-cut-in-advance-causes-great-hardship---Pinarayi-Vijayan Fri, 17 Jul 2026 17:15:04 +0530 Web Desk തിരുവനന്തപുരം: സംസ്ഥാനത്തെ വൈദ്യുതി നിയന്ത്രണത്തിനെതിരെ രൂക്ഷമായി പ്രതികരിച്ച് പ്രതിപക്ഷ നേതാവ് പിണറായി വിജയന്‍. വൈദ്യുതി നിയന്ത്രണം മുന്‍കൂട്ടി അറിയിക്കാത്തത് ജനങ്ങള്‍ക്ക് വലിയ ബുദ്ധിമുട്ടുണ്ടാക്കുന്നുവെന്ന് പിണറായി പറഞ്ഞു. കഴിഞ്ഞ ദിവസം വീട്ടില്‍ ഒന്നേകാല്‍ മണിക്കൂര്‍ വൈദ്യുതി മുടങ്ങിയെന്നും അദ്ദേഹം പരിഹസിച്ചു. വൈദ്യുതി ലഭ്യതയില്‍ കുറവുണ്ടാകാം. കുറവ് മുന്‍കൂട്ടിക്കണ്ട് വാങ്ങാന്‍ നടപടിയാണ് വേണ്ടതെന്നും പ്രതിപക്ഷ നേതാവ് കൂട്ടിച്ചേര്‍ത്തു.

ഓണപരീക്ഷ അടുത്തിരിക്കെ ഒന്നേകാൽ മണിക്കൂറൊക്കെയാണ് പവർകട്ടെന്നും ഇത് കുട്ടികളെ ബുദ്ധിമുട്ടിലാക്കുന്നുണ്ടെന്നും പിണറായി വിജയൻ പറഞ്ഞു. സർക്കാർ മുൻകൂർ നടപടികൾ സ്വീകരിച്ചില്ലെന്നും പിണറായി കുറ്റപ്പെടുത്തി. ആര്യാടൻ മുഹമ്മദ് കാലത്തെ കരാർ നല്ലതായിരുന്നില്ല. വൈദ്യുതി കരാറുമായി വിയോജിപ്പുകളോടെ മുന്നോട്ട് പോകാനാണ് ഇടത് സർക്കാർ നടപടി എടുത്തത്. കരാർ റദ്ദാക്കിയത് റെഗുലേറ്ററി കമ്മിഷനാണെന്നും അദ്ദേഹം കൂട്ടിച്ചേര്‍ത്തു.

ചീമേനി ആണവനിലയ പദ്ധതിക്കെതിരെ പ്രതിപക്ഷം. ചീമേനി ആണവനിലയവുമായി സർക്കാർ മുന്നോട്ടുപോയാൽ അതിശക്തമായ എതിർക്കുമെന്നും പിണറായി പറ‌ഞ്ഞു. ആണവനിലയം കേരളത്തിൽ അത്ര എളുപ്പമുള്ള കാര്യമല്ല. ആണവ നിലയം സ്ഥാപിക്കൽ കേരളത്തിൽ നടക്കില്ല. അതിശക്തമായ എതിർപ്പുണ്ടാകും. ഒരു സംശയവും വേണ്ട. അതുകൊണ്ടാണ് ഞങ്ങളുടെ സർക്കാർ അത് ആലോചിക്കാത്തത്. അനാവശ്യ പ്രശ്നങ്ങൾ സൃഷ്ടിക്കാനാകും അത് വഴിവെക്കുകയെന്നും അദ്ദേഹം കൂട്ടിച്ചേര്‍ത്തു.

വഖഫ് ബോർഡ് വിവാദം

'വിവിധ മതവിഭാഗങ്ങളുടെ ഒട്ടേറെ സ്ഥാപനങ്ങൾ പ്രവ‌ർത്തിക്കുന്നുണ്ട്. അവയുടെ മാനേജ്‌മെന്റുമായി ബന്ധപ്പെട്ട കാര്യങ്ങളിൽ മറ്റ് മതസ്ഥർ ഇടപെടുന്നത് ശരിയല്ല. ഇതിനെതിരായ സമീപനമാണ് പുതിയ വഖഫ് ഭേദഗതിയിലൂടെ കേന്ദ്രസർക്കാർ മുന്നോട്ടുവച്ചത്. മുസ്ളീം വിഭാഗങ്ങളുമായി ബന്ധപ്പെട്ടവരുടെ മാത്രം സംവിധാനമാണ് വഖഫ് ബോർഡ്. മാനേജ്‌മെന്റിൽ അമുസ്ളീങ്ങളെ തിരുകിക്കയറ്റാനുള്ള ശ്രമമാണ് സംഘപരിവാർ നടത്തിയത്. അതാണ് നിയമഭേദഗതിയിലൂടെ ബിജെപി സർക്കാർ നടപ്പാക്കിയത്. ഇന്ന് മുസ്ളീങ്ങളാണ് ഇത്തരം നടപടി നേരിടുന്നതെങ്കിൽ നാളെ മറ്റ് മതവിഭാഗങ്ങളുടെ കാര്യത്തിലും അവർ ഇതേ നടപടി സ്വീകരിക്കും.

എൽഡിഎഫ് സർക്കാരിന്റെ ഭരണകാലത്ത് കേന്ദ്രസർക്കാരിന്റെ ഇ‌ടപെടലിനെതിരെ യുഡിഎഫും ആശങ്ക പ്രകടപ്പിച്ചിരുന്നു. എന്നാൽ ആ നിയമം വള്ളിപുള്ളി വ്യത്യാസമില്ലാതെ നടപ്പാക്കാനാണ് ഞങ്ങൾ തയ്യാറാകുന്നതെന്നാണ് കേരള ഹൈക്കോടതിയിൽ ഇപ്പോഴത്തെ സർക്കാർ വ്യക്തമാക്കിയത്. കേന്ദ്ര സർക്കാരിനുവേണ്ടി ഹാജരായ അഡീഷണർ സോളിസിറ്റർ ജനറലും ഹർജിക്കാരോടും സംസ്ഥാന സർക്കാരുമോടുള്ള യോജിപ്പ് കോടതിയെ അറിയിച്ചു.

വഖഫുമായി ബന്ധപ്പെട്ട് ലോക്‌സഭയിൽ ബിൽ അവതരിപ്പിച്ചപ്പോൾ ഇടതുപക്ഷം ശക്തമായ നിലപാടെടുത്തിരുന്നു. ഈ നിയമത്തിനെതിരായി കെ സി വേണുഗോപാൽ നിലപാട് സ്വീകരിക്കുകയും ചെയ്തു. ഇപ്പോഴതെല്ലാം അവഗണിക്കുകയാണ് സംസ്ഥാന സ‌ർക്കാർ. 

 പ്രതിപക്ഷ ഉപനേതാവ് തര്‍ക്കം

 പ്രതിപക്ഷ ഉപനേതാവ് തര്‍ക്കം കഴിഞ്ഞുവെന്നും മുന്‍പ് താന്‍ പറഞ്ഞതില്‍ ഉറച്ച് നില്‍ക്കുന്നുവെന്നും പിണറായി വിജയന്‍ പറഞ്ഞു. ബിനോയ് വിശ്വത്തെ ടി പി രാമകൃഷ്ണന്‍ കാണുന്നതില്‍ പ്രത്യേകതയില്ല. താനും കാണാറുണ്ട്. എല്‍ഡിഎഫ് യോഗം അതിന്റെ വഴിക്ക് പോകും. അതില്‍ ഒരു പ്രതിസന്ധിയുമില്ലെന്നും പിണറായി വിജയന്‍ പറഞ്ഞു.

]]> ഇസ്രയേൽ പാർലമെൻ്റ് പിരിച്ചുവിട്ടു; ഒക്ടോബറിൽ പൊതുതെരഞ്ഞെടുപ്പ് https://www.sandhesam.com/Israeli-parliament-dissolves-as-Netanyahu-struggles-to-hold-onto-power https://www.sandhesam.com/Israeli-parliament-dissolves-as-Netanyahu-struggles-to-hold-onto-power Fri, 17 Jul 2026 16:37:36 +0530 Web Desk തെൽ അവീവ്: ഇസ്രയേൽ പാർലമെന്റായ 'ക്നെസെറ്റ്' പിരിച്ചുവിട്ടു. സഖ്യസർക്കാരിന്റെ കാലാവധി അവസാനിക്കുന്നതിന് തൊട്ടുമുമ്പ്, നിർണായകവും വിവാദപരവുമായ നിരവധി ബില്ലുകൾ പാസാക്കിയ ശേഷമാണ് വെള്ളിയാഴ്ച പുലർച്ചെ പാർലമെന്റ് പിരിച്ചുവിട്ടത്.

വരുന്ന ഒക്ടോബർ 27-ന് രാജ്യത്ത് പൊതുതെരഞ്ഞെടുപ്പ് നടക്കും. അതുവരെ പാർലമെന്റ് ഇനി സമ്മേളിക്കില്ല. പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തിലുള്ള പാർലമെന്റ് പിരിഞ്ഞു.

ഹമാസ് ആക്രമണത്തെത്തുടർന്നുണ്ടായ യുദ്ധം മൂന്ന് വർഷത്തോട് അടുക്കുമ്പോഴാണ് രാജ്യം തെരഞ്ഞെടുപ്പിലേക്ക് നീങ്ങുന്നത്. അധികാരം നിലനിർത്താൻ നെതന്യാഹുവിന് ഇത്തവണ കടുത്ത പോരാട്ടം തന്നെ നേരിടേണ്ടി വരും. ലോകത്തിന് മുന്നിൽ, അധിനിവേശ അതിക്രമങ്ങളുടെ ഇതുവരെ കാണാത്ത ക്രുരതകളുടെ കറയും പേറിയാണ് നെതന്യാഹുവിന്റെ ഇറക്കം. വംശീയത കത്തിച്ച് ഭരണത്തിൽ തുടരാൻ ശ്രമിച്ചു. എന്നാൽ രാജ്യത്തെ ജനങ്ങളിൽ കൂടുതൽ വംശീയത കുത്തി നിറച്ചത് ഇപ്പോൾ അദ്ദേഹത്തിന് തന്നെ വെല്ലുവിളിയാവുന്നു. പ്രതിപക്ഷത്തെ പ്രമുഖരും ഇതേ വംശീയതയും വിദ്വേഷവും ഉപയോഗിച്ചാണ് പ്രചാരണം കൊഴുപ്പിക്കുന്നത്.

മുൻ പ്രധാനമന്ത്രി നഫ്താലി ബെന്നറ്റ് നയിക്കുന്ന ടുഗെദർ പാർട്ടി, മുൻ സൈനിക മേധാവി ഗഡി ഐസൻകോട്ട് എന്നിവര്‍ നേതൃത്വം നൽകുന്ന 'യാഷർ' പാർട്ടി എന്നിവയാണ് ഇപ്പോൾ സർവേകളിൽ മുന്നേറ്റം നടത്തുന്നത്. പ്രതിപക്ഷ സഖ്യത്തിന് അനുകൂലമായി രാജ്യത്ത് വലിയ ജനവികാരം രൂപപ്പെടുന്നതായാണ് പുതിയ സർവേകൾ സൂചിപ്പിക്കുന്നത്. ബെന്യാമിൻ നെതന്യാഹു നയിക്കുന്ന ലിക്വിഡ് പാർട്ടി സര്‍വേകൾ പ്രകാരം പിന്നിലാണ്.

]]> 2020-ലെ തെരഞ്ഞെടുപ്പിൽ ചൈന വിവരങ്ങൾ ചോർത്തിയെന്ന് ഡൊണാൾഡ് ട്രംപ് https://www.sandhesam.com/Donald-Trump-says-new-records-prove-China-interfered-in-the-2020-US-election https://www.sandhesam.com/Donald-Trump-says-new-records-prove-China-interfered-in-the-2020-US-election Fri, 17 Jul 2026 14:20:19 +0530 Web Desk വാഷിംഗ്ടൺ: ചൈനക്കെതിരെ ഗുരുതര ആരോപണവുമായി യുഎസ് പ്രസിഡന്‍റ് ഡൊണാൾഡ് ട്രംപ്. 2020-ലെ അമേരിക്കൻ പ്രസിഡന്റ് തെരഞ്ഞെടുപ്പിൽ ചൈന വിവരങ്ങൾ ചോർത്തിയെന്ന് ഡൊണാൾഡ് ട്രംപ്. ചരിത്രത്തിലെ ഏറ്റവുംവലിയ ഡാറ്റാ ലംഘനത്തിലൂടെ ചൈന നിയമവിരുദ്ധമായി 22 കോടി അമേരിക്കൻ വോട്ടർമാരുടെ വിവരങ്ങൾ കൈക്കലാക്കിയെന്നാണ് ട്രംപിന്‍റെ ആരോപണം 2020-ലെ തെരഞ്ഞെടുപ്പിൽ ജോ ബൈഡനോട് പരാജയപ്പെട്ടത് ഇക്കാരണത്താലാണെന്നും ട്രംപ് പറഞ്ഞു. വൈറ്റ് ഹൗസിൽ നടത്തിയ ടെലിവിഷൻ പ്രസംഗത്തിലാണ് ട്രംപിന്റെ ആരോപണം. അമേരിക്കൻ തെരഞ്ഞെടുപ്പ് സംവിധാനത്തിലെ "ഞെട്ടിക്കുന്ന സുരക്ഷാ വീഴ്ചകൾ" വെളിപ്പെടുത്തുന്ന രഹസ്യാന്വേഷണ വിവരങ്ങൾ താൻ ഉടൻ പരസ്യപ്പെടുത്തുമെന്നാണ് ട്രംപിന്റെ പ്രഖ്യാപനം.

തെരഞ്ഞെടുപ്പ് അട്ടിമറിക്കപ്പെട്ടിട്ടില്ലെന്ന യുഎസ് ഇന്റലിജൻസ് ഏജൻസികളുടെ മുൻകാല കണ്ടെത്തലുകളെ പൂർണ്ണമായും തള്ളിക്കൊണ്ടാണ് ട്രംപ് വീണ്ടും ആരോപണവുമായി രംഗത്തെത്തിയിരിക്കുന്നത്. ചൈനയുടെ ഇടപെടലുകളെക്കുറിച്ചുള്ള റിപ്പോർട്ടുകൾ രഹസ്യാന്വേഷണ വിഭാഗത്തിലെ ചില ഉന്നത ഉദ്യോഗസ്ഥർ ബോധപൂർവ്വം തന്നിൽ നിന്നും മറച്ചുവെച്ചു. തന്റെ ഭരണകൂടത്തെ തകർക്കാനും ജോ ബൈഡനെ സഹായിക്കാനും വേണ്ടിയാണ് ഇത്തരം വിവരങ്ങൾ പൂഴ്ത്തിവെച്ചതെന്നും ട്രംപ് ആരോപിച്ചു. വോട്ടിംഗ് മെഷീനുകളിലും ബാലറ്റ് എണ്ണുന്ന സംവിധാനങ്ങളിലും ഹാക്കിംഗ് സാധ്യതകൾ നിലനിൽക്കുന്നുണ്ടെന്നും അദ്ദേഹം കൂട്ടിച്ചേർത്തു. "നമ്മുടെ തെരഞ്ഞെടുപ്പ് സംവിധാനം തികച്ചും തകർന്നതും സുരക്ഷിതമല്ലാത്തതുമാണ് എന്ന് ഈ രേഖകൾ തെളിയിക്കുന്നു. കോടിക്കണക്കിന് വോട്ടർമാരുടെ വിവരങ്ങളാണ് വിദേശ രാജ്യങ്ങളുടെ കൈകളിലുള്ളത്"- ഡൊണാൾഡ് ട്രംപ് ആരോപിച്ചു.

അതേസമയം ട്രംപിന്റെ ആരോപണങ്ങൾ ചൈന ശക്തമായി നിഷേധിച്ചു. തങ്ങൾ മറ്റൊരു രാജ്യത്തിന്റെയും ആഭ്യന്തര കാര്യങ്ങളിൽ ഇടപെടാറില്ലെന്നും യുഎസ് പ്രസിഡന്റ് തിരഞ്ഞെടുപ്പിൽ ചൈന ഒരിക്കലും ഇടപെട്ടിട്ടില്ലെന്നും ഭാവിയിൽ ഇടപെടില്ലെന്നും വാഷിംഗ്ടണിലെ ചൈനീസ് എംബസി വക്താവ് വ്യക്തമാക്കി. യുഎസ് ഇന്റലിജൻസ് വിഭാഗത്തിന്റെ ഔദ്യോഗിക വിലയിരുത്തലുകളും ട്രംപിന്റെ വാദങ്ങൾക്ക് വിരുദ്ധമാണ്. 2021-ൽ യുഎസ് ഇന്റലിജൻസ് വിഭാഗം പുറത്തുവിട്ട റിപ്പോർട്ടിൽ, 2020-ലെ തെരഞ്ഞെടുപ്പിൽ വോട്ടർ രജിസ്ട്രേഷൻ, ബാലറ്റുകൾ, വോട്ടെണ്ണൽ എന്നിവയുൾപ്പെടെയുള്ള ഒരു സാങ്കേതിക വശങ്ങളിലും മാറ്റം വരുത്താൻ ചൈനയോ മറ്റ് വിദേശ ശക്തികളോ ശ്രമിച്ചതിന് യാതൊരു തെളിവുമില്ലെന്ന് വ്യക്തമാക്കിയിരുന്നു.

]]> 'വഖഫ് ബോര്‍ഡില്‍ അമുസ്ലീങ്ങളെ തിരുകിക്കയറ്റാനുള്ള ശ്രമം ഗൗരവകരം; സര്‍ക്കാര്‍ ഹര്‍ജിക്കാര്‍ക്കൊപ്പം ഒത്തുകളിക്കുന്നു':പിണറായി വിജയൻ https://www.sandhesam.com/Government-colluded-with-the-petitioners-to-sabotage-waqf-board-%3A-Pinarayi https://www.sandhesam.com/Government-colluded-with-the-petitioners-to-sabotage-waqf-board-%3A-Pinarayi Fri, 17 Jul 2026 13:23:12 +0530 Web Desk തിരുവനന്തപുരം: വഖഫ് ബോര്‍ഡുമായി ബന്ധപ്പെട്ട വിഷയങ്ങളില്‍ സംസ്ഥാന സര്‍ക്കാര്‍ നീക്കത്തെ വിമര്‍ശിച്ച് പ്രതിപക്ഷ നേതാവ് പിണറായി വിജയന്‍. വഖഫ് ബോര്‍ഡില്‍ അമുസ്ലീങ്ങളെ ഉള്‍പ്പെടുത്താനുള്ള നീക്കം സംഘപരിവാര്‍ അജണ്ടയുടെ ഭാഗമാണെന്നും ഇത് നടപ്പിലാക്കാന്‍ സംസ്ഥാന സര്‍ക്കാര്‍ ശ്രമിക്കുകയാണെന്നും പ്രതിപക്ഷ നേതാവ് ആരോപിച്ചു.

വഖഫ് ബോര്‍ഡിന്റെ പ്രവര്‍ത്തനങ്ങളെയാകെ സ്തംഭിപ്പിക്കാന്‍ ഉതകുന്ന നിലപാടാണ് സര്‍ക്കാര്‍ സ്വീകരിച്ചിരിക്കുന്നത്. വഖഫ് ബോര്‍ഡ് മാനേജ്മെന്റില്‍ അമുസ്ലീങ്ങളെ തിരുകിക്കയറ്റാനുള്ള ശ്രമം ഗൗരവകരമാണ്. ഇത്തരം നടപടികള്‍ രാജ്യത്തെ മതനിരപേക്ഷ നിലപാടുകള്‍ക്ക് വിരുദ്ധമാണെന്നും ബിജെപി ഭരിക്കുന്ന സംസ്ഥാനങ്ങളിലെ സര്‍ക്കാരുകള്‍ സ്വീകരിക്കുന്നതിന് സമാനമായ നിലപാടാണ് കേരളത്തിലെ സര്‍ക്കാരും ഇപ്പോള്‍ സ്വീകരിക്കുന്നതെന്നും പിണറായി പറഞ്ഞു.

ഹൈക്കോടതിയില്‍ ഇതുമായി ബന്ധപ്പെട്ട് വന്ന കേസില്‍ ഹര്‍ജിക്കാര്‍ക്കൊപ്പം ചേര്‍ന്ന് ഒത്തുകളിക്കുകയാണ് സര്‍ക്കാര്‍ ചെയ്തത്. ഇതിലൂടെ വഖഫ് ബോര്‍ഡിന്റെ സ്വതന്ത്ര സ്വഭാവം നഷ്ടപ്പെടുത്താനാണ് നീക്കമെന്നും പിണറായി ആരോപിച്ചു. ഇന്ന് മുസ്ലിം വിഭാഗത്തിനെതിരെ സ്വീകരിക്കുന്ന ഈ നിലപാട് നാളെ മറ്റു മതവിഭാഗങ്ങളുടെ കാര്യത്തിലും സര്‍ക്കാര്‍ സ്വീകരിച്ചേക്കാമെന്ന ആശങ്കയുണ്ട്. സംഘപരിവാര്‍ താല്‍പ്പര്യങ്ങള്‍ക്ക് വഴങ്ങുന്ന രീതിയിലുള്ള നിലപാടാണ് സര്‍ക്കാര്‍ സ്വീകരിക്കുന്നതെന്നും ഇത് മതനിരപേക്ഷമായ സമീപനത്തിന് ഒട്ടും നിരക്കാത്തതാണെന്നും പിണറായി പറഞ്ഞു.

കേന്ദ്രത്തിന്റെ നീക്കത്തില്‍ മുമ്പ് ആശങ്ക പ്രകടിപ്പിച്ചവരാണ് കോണ്‍ഗ്രസുകാര്‍. ഇപ്പോള്‍ അവര്‍ അത് വള്ളിപ്പുള്ളി വിടാതെ നടപ്പിലാക്കാന്‍ പോവുകയാണ് സര്‍ക്കാര്‍. ഇക്കാര്യം കേരള ഹൈക്കോടതിയെ അറിയിച്ചിട്ടുമുണ്ട്. കെ സി വേണുഗോപാല്‍ നിയമത്തിനെതിരായ നിലപാട് പ്രകടിപ്പിച്ചിട്ടുണ്ട്. അതൊക്കെ അവഗണിക്കുകയാണ് സര്‍ക്കാര്‍ ചെയ്യുന്നത്. ന്യൂനപക്ഷങ്ങളെ വഞ്ചിക്കുന്ന നിലപാടാണ് യുഡിഎഫ് സര്‍ക്കാര്‍ സ്വീകരിച്ചത്.

വഖഫ് ബോര്‍ഡില്‍ അമുസ്ലിങ്ങളെ ഉള്‍പ്പെടുത്തുന്നതിനെതിരെ സുപ്രീംകോടതിയില്‍ ഹര്‍ജി കൊടുത്ത രാഷ്ട്രീയ പാര്‍ട്ടിയാണ് ലീഗ്. ലീഗിന്റെ മന്ത്രിക്കാണ് വഖഫ് വകുപ്പിന്റെ ചുമതലയുള്ളത്. ചുമതല ഏറ്റെടുത്ത ഉടന്‍ ലീഗിന്റെ പ്രഖ്യാപിത നയത്തിനെതിരായ നിലപാടാണ് സ്വീകരിച്ചിരിക്കുന്നത്. ഇത് മന്ത്രിയുടെ വ്യക്തിപരമായ നിലപാടാണ് എന്ന് കരുതുന്നില്ല. മുസ്ലിം ലീഗിന്റെ നിലപാടില്‍ മാറ്റം വന്നതിന്റെ ഭാഗമായാകാം മന്ത്രി ഈ നിലപാട് സ്വീകരിച്ചത് എന്ന് മാത്രമേ കരുതാന്‍ കഴിയൂ. ഇത് വിരോധാഭാസമാണെന്നും പിണറായി വിജയന്‍ കുറ്റപ്പെടുത്തി.

]]> 'കേരളത്തില്‍ 10,000 കോടി നിക്ഷേപിക്കാന്‍ കത്ത് നല്‍കിയിട്ടില്ല'- ടാറ്റ ഗ്രൂപ്പ് https://www.sandhesam.com/No-letter-has-been-given-to-invest-Rs-10%2C000-crore-in-Kerala-Tata-Group https://www.sandhesam.com/No-letter-has-been-given-to-invest-Rs-10%2C000-crore-in-Kerala-Tata-Group Fri, 17 Jul 2026 13:13:41 +0530 Web Desk

മുംബൈ: കേരളത്തില്‍ കപ്പല്‍ നിര്‍മ്മാണ സംരംഭം ആരംഭിക്കാന്‍ ടാറ്റ ഗ്രൂപ്പ് ഒരുങ്ങുന്നതായുള്ള മുഖ്യമന്ത്രി വിഡി സതീശന്റെ അവകാശവാദം തള്ളി ടാറ്റ ഗ്രൂപ്പ്. സംസ്ഥാനത്ത് നിര്‍മ്മാണ സംരംഭത്തില്‍ 10,000 കോടി രൂപ നിക്ഷേപിക്കാന്‍ ടാറ്റ ഗ്രൂപ്പ് പദ്ധതിയിടുന്നതായും ഇതുമായി ബന്ധപ്പെട്ട അനുമതിക്കായി ടാറ്റ ഗ്രൂപ്പ് അപേക്ഷ നല്‍കിയതായും ബ്ലൂംബെര്‍ഗിന് നല്‍കിയ അഭിമുഖത്തില്‍ വി ഡി സതീശന്‍ പറഞ്ഞിരുന്നു.

എന്നാല്‍ ദക്ഷിണേന്ത്യയിലോ മറ്റെവിടെയെങ്കിലുമോ ഇങ്ങനെയൊരു പദ്ധതി ആലോചനയിലില്ലെന്ന് ടാറ്റ ഗ്രൂപ്പ് വക്താവ് വ്യക്തമാക്കിയതായി ഇക്കണോണിക്‌ ടൈംസ് റിപ്പോര്‍ട്ട് ചെയ്തു. ഇത്തരമൊരു പദ്ധതിയെ കുറിച്ച് തങ്ങള്‍ക്ക് അറിയില്ലെന്നാണ് ടാറ്റ ഗ്രൂപ്പിൻ്റെ വിശദീകരണം.

'ബ്ലൂംബെര്‍ഗ് അഭിമുഖത്തിന്റെ വിഡിയോ കണ്ടു, മുഖ്യമന്ത്രി എന്താണ് പറഞ്ഞതെന്നറിയില്ല. അദ്ദേഹം പറയാന്‍ ഉദ്ദേശിച്ച കാര്യമണോ ഇതെന്ന് സംശയമുണ്ടെന്നും' ടാറ്റ ഗ്രൂപ്പ് എക്‌സിക്യൂട്ടീവ് പറഞ്ഞു.

കേരളത്തില്‍ കപ്പല്‍ നിര്‍മ്മാണ സംരംഭത്തില്‍ 10,000 കോടി രൂപ നിക്ഷേപിക്കാന്‍ ടാറ്റ ഗ്രൂപ്പില്‍ നിന്ന് അപേക്ഷ കിട്ടിയെന്നാണ് മുഖ്യമന്ത്രി അഭിമുഖത്തില്‍ പറഞ്ഞത്. അപേക്ഷ വിശദമായി പരിശോധിച്ച ശേഷം സര്‍ക്കാര്‍ തീരുമാനമെടുക്കും. തുടര്‍ന്ന് കപ്പല്‍ നിര്‍മ്മാണത്തിന് ആവശ്യമായ സ്ഥലം അനുവദിക്കും. ടാറ്റ ഗ്രൂപ്പിന്റെ നിര്‍ദേശത്തെ സംസ്ഥാന സര്‍ക്കാര്‍ അനുകൂലമായാണ് കാണുന്നത്. ഒരു മാസത്തിനകം ഇതിന് അംഗീകാരം നല്‍കാന്‍ കഴിയുമെന്ന് പ്രതീക്ഷിക്കുന്നതായും വി ഡി സതീശന്‍ പറഞ്ഞിരുന്നു..

]]> രാജ്യത്തെ ആദ്യ ഹൈഡ്രജൻ ട്രെയിൻ പ്രധാനമന്ത്രി ഫ്ലാ​ഗ് ഓഫ് ചെയ്തു https://www.sandhesam.com/PM--flags-off-Indias-first-hydrogen-powered-train-from-Jind-railway-station https://www.sandhesam.com/PM--flags-off-Indias-first-hydrogen-powered-train-from-Jind-railway-station Fri, 17 Jul 2026 13:04:23 +0530 Web Desk ഹരിയാനയിലെ ജിന്ദിൽ ഇന്ത്യയുടെ ആദ്യ ഹൈഡ്രജൻ ട്രെയിൻ പ്രധാനമന്ത്രി ഫ്ലാഗ് ഓഫ് ചെയ്തു; ഹരിത സാങ്കേതികവിദ്യയിൽ ഇന്ത്യൻ റെയിൽവേയ്ക്ക് ചരിത്ര നേട്ടം.

ഇന്ത്യയുടെ ആദ്യത്തെ ഹൈഡ്രജൻ അധിഷ്ഠിത ട്രെയിൻ ഹരിയാനയിലെ ജിന്ദിൽ പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്തു. ലോകത്ത് വളരെ കുറച്ചു രാജ്യങ്ങൾ മാത്രം പരീക്ഷിച്ചിട്ടുള്ള ഹരിത സാങ്കേതികവിദ്യയിൽ ഇന്ത്യൻ റെയിൽവേ കൈവരിച്ച ചരിത്രപരമായ നാഴികക്കല്ലാണിത്.

റെയിൽവേയുടെ കണക്കുകൾ പ്രകാരം, ലോകത്തിലെ തന്നെ ഏറ്റവും നീളമേറിയതും (എട്ട് പാസഞ്ചർ കോച്ചുകളും രണ്ട് ഡ്രൈവിംഗ് പവർ കാറുകളും) ഏറ്റവും ശക്തവുമായ (2400 കിലോവാട്ട്) ഹൈഡ്രജൻ ട്രെയിൻ സെറ്റുകളിൽ ഒന്നാണിത്.

89 കിലോമീറ്റർ നീളമുള്ള ജിന്ദ്-സോണിപത് റെയിൽവേ സെക്ഷനിൽ പരമാവധി 75 കിലോമീറ്റർ വേഗതയിൽ ഓടുന്ന ഈ ട്രെയിന് കുറഞ്ഞത് 682 യാത്രക്കാരെ വഹിക്കാൻ ശേഷിയുണ്ട്. ദിവസം രണ്ട് റൗണ്ട് സർവീസുകൾ നടത്തുന്ന ട്രെയിൻ ആകെ 356 കിലോമീറ്റർ ദൂരം സഞ്ചരിക്കും. ഇതിനായി ഏകദേശം 300 കിലോഗ്രാം ഹൈഡ്രജൻ ആവശ്യമായി വരുമെന്നാണ് കണക്കാക്കുന്നത്.

ഫ്രഞ്ച് നിർമ്മാണ കമ്പനിയായ ആൽസ്റ്റം 2016-ൽ ബെർലിനിൽ നടന്ന ഒരു പ്രദർശനത്തിലാണ് ഈ സാങ്കേതികവിദ്യ ആദ്യമായി അവതരിപ്പിച്ചത്. രണ്ട് കോച്ചുകളുള്ള അവരുടെ 'കൊറാഡിയ ഐലിന്റ്' എന്ന ട്രെയിൻ രണ്ട് വർഷത്തിന് ശേഷം ജർമ്മനിയിൽ സർവീസ് ആരംഭിച്ചതോടെ ലോകത്തിലെ ആദ്യത്തെ ഹൈഡ്രജൻ പാസഞ്ചർ ട്രെയിനായി അത് മാറി.

പിന്നീട് ജപ്പാൻ, ചൈന, യുഎസ് എന്നീ രാജ്യങ്ങളും സ്വന്തമായി ഹൈഡ്രജൻ ട്രെയിനുകൾ പുറത്തിറക്കി. എങ്കിലും, ചരക്കുനീക്കത്തിനും വൻതോതിലുള്ള യാത്രക്കാരുടെ ഗതാഗതത്തിനുമായി ഈ സാങ്കേതികവിദ്യ ഇപ്പോഴും വികസിച്ചുകൊണ്ടിരിക്കുകയാണ്. അതുകൊണ്ടാണ് ചുരുക്കം ചില രാജ്യങ്ങളിൽ മാത്രം ഈ സർവീസ് ഉള്ളതും, അവ പ്രധാനമായും ചെറിയ ദൂരങ്ങളിലേക്ക് മാത്രം ഉപയോഗിക്കുന്നതും.

സാധാരണ ഇലക്ട്രിക് ട്രെയിനുകൾക്ക് ഓടാൻ മുകളിലുള്ള വൈദ്യുത ലൈനുകൾ ആവശ്യമാണ്. എന്നാൽ ഹൈഡ്രജൻ ട്രെയിനുകൾക്ക് ഇതിന്റെ ആവശ്യമില്ല. ഹൈഡ്രജനും ഓക്സിജനും തമ്മിൽ രാസപ്രവർത്തനം നടത്തി വൈദ്യുതി ഉത്പാദിപ്പിച്ചാണ് ഇവ പ്രവർത്തിക്കുന്നത്.

ഇന്ത്യൻ ഹൈഡ്രജൻ ട്രെയിന്റെ കാര്യത്തിൽ, രണ്ട് ഡ്രൈവിംഗ് പവർ കാറുകളിലും ഹൈഡ്രജൻ ഫ്യുവൽ സെല്ലുകളും ലിഥിയം ഫെറോ ഫോസ്ഫേറ്റ് ബാറ്ററിയും അടങ്ങുന്ന നാല് സംയോജിത പവർ പാക്കുകൾ വീതം ഉണ്ടായിരിക്കും.

ട്രെയിനിൽ സൂക്ഷിച്ചിരിക്കുന്ന ഹൈഡ്രജനും (440 കിലോഗ്രാം) പുറത്തുനിന്നുള്ള വായുവിലെ ഓക്സിജനും ഫ്യുവൽ സെല്ലിലേക്ക് ഉയർന്ന മർദ്ദത്തിൽ എത്തിച്ചാണ് വൈദ്യുതോർജ്ജം ഉത്പാദിപ്പിക്കുന്നത്. ഒരു പവർ പാക്ക് 300 കിലോവാട്ട് ഊർജ്ജം പുറപ്പെടുവിക്കും (ഫ്യുവൽ സെല്ലിൽ നിന്ന് 115 കിലോവാട്ടും ബാറ്ററിയിൽ നിന്ന് 185 കിലോവാട്ടും). അങ്ങനെ നാല് പവർ പാക്കുകൾ ചേർന്ന് 1200 കിലോവാട്ട് പവർ നൽകും.

ട്രെയിനിൽ രണ്ട് പവർ കാറുകൾ ഉള്ളതിനാൽ ആകെ ഉത്പാദിപ്പിക്കുന്ന പവർ 2400 കിലോവാട്ട് (3200 എച്ച്പി) ആയി ഉയരും. ഇത് സാധാരണ മെമു അല്ലെങ്കിൽ ഡെമു ട്രെയിനുകൾക്ക് തുല്യമായ കരുത്താണ്. പഴയ ഡെമു ട്രെയിനുകളിലെ ഡീസൽ എഞ്ചിനുകൾ മാറ്റി പകരം മലിനീകരണമില്ലാത്ത ഹൈഡ്രജൻ-ഇലക്ട്രിക് എഞ്ചിനുകൾ ഘടിപ്പിച്ചാണ് ഈ പുതിയ ട്രെയിൻ നിർമ്മിച്ചതെന്ന് ഉന്നത റെയിൽവേ ഉദ്യോഗസ്ഥൻ വ്യക്തമാക്കി.

]]> പബ്ലിക് റിലേഷൻസ് കൗൺസിൽ ഓഫ് ഇന്ത്യയുടെ തിരുവനന്തപുരം ചാപ്റ്റർ ആരംഭിക്കുന്നു https://www.sandhesam.com/Public-Relations-Council-of-Indias-Thiruvananthapuram-chapter-to-begin-operations-soon https://www.sandhesam.com/Public-Relations-Council-of-Indias-Thiruvananthapuram-chapter-to-begin-operations-soon Fri, 17 Jul 2026 12:26:28 +0530 Web Desk പബ്ലിക് റിലേഷൻസ്, ജേണലിസം, പരസ്യമേഖല എന്നിവയിലെ പ്രൊഫഷണലുകളുടെ ഇന്ത്യയിലെ ഏറ്റവും വലിയ കൂട്ടായ്മയായ പബ്ലിക് റിലേഷൻസ് കൗൺസിൽ ഓഫ് ഇന്ത്യയുടെ (PRCI) പുതിയ ചാപ്റ്റർ തിരുവനന്തപുരത്ത് പ്രവർത്തനം ആരംഭിക്കുന്നു. കമ്മ്യൂണിക്കേഷൻ രംഗത്തെ പ്രൊഫഷണലുകൾക്ക് പരസ്പരം ബന്ധപ്പെടാനും, അറിവുകളും കഴിവുകളും പങ്കുവെക്കാനും, ഈ മേഖലയിലേക്ക് കടന്നുവരുന്ന യുവതലമുറയ്ക്ക് കൃത്യമായ മാർഗ്ഗനിർദ്ദേശം നൽകാനുമാണ് പുതിയ ചാപ്റ്ററിലൂടെ സംഘടന ലക്ഷ്യമിടുന്നത്.

തിരുവനന്തപുരം ചാപ്റ്ററിന്റെ ഔദ്യോഗിക ഇൻസ്റ്റലേഷനും ഭാരവാഹികളുടെ സ്ഥാനാരോഹണവും ജൂലൈ 18-ന്, 11 മണിക്ക് തിരുവനന്തപുരം പ്രസ് ക്ലബ്ബിൽ നടക്കും. മുതിർന്ന മാധ്യമപ്രവർത്തകനായ ജെ.എസ്. ഇന്ദുകുമാർ ചെയർമാനായും, ഷൽമ നന്ദ വൈസ് ചെയർമാനായും, അഖിലേഷ് നായർ ജനറൽ സെക്രട്ടറിയായും, എസ്. ശ്യാം ജോയിന്റ് സെക്രട്ടറിയായും, എസ്. മുജീബ് ട്രഷററായും സ്ഥാനമേൽക്കും. സജി ഡൊമനിക്, സാജുദ്ദീൻ ജെ.എസ്, അജയ് തുണ്ടത്തിൽ, സാജൻ എസ്, പ്രബോധ് പി.ജി എന്നിവരാണ് എക്സിക്യൂട്ടീവ് കമ്മിറ്റി അംഗങ്ങൾ. കായിക യുവജനക്ഷേമ വകുപ്പ് സ്പെഷ്യൽ സെക്രട്ടറി എൻ. പ്രശാന്ത് ഐ.എ.എസ് ആണ് ചടങ്ങിലെ മുഖ്യാതിഥി. വികസന പദ്ധതികൾ ജനങ്ങളിലേക്ക് എത്തിക്കുന്നതിന് പി.ആർ എങ്ങനെ ഫലപ്രദമായി ഉപയോഗപ്പെടുത്താം  എന്ന വിഷയത്തിൽ അദ്ദേഹം പ്രഭാഷണം നടത്തും. നാഷണൽ ​ഗവേണിം​ഗ് കൗൺസിൽ ചെയർമാൻ ഡോ. ടി. വിനയ കുമാർ, കേരള ചാപ്റ്റർ ഹെഡ് റാം സി മേനോൻ എന്നിവ‍ർ ചടങ്ങിൽ പങ്കെടുക്കും.

2004-ൽ കർണാടക പവർ കോർപ്പറേഷൻ ലിമിറ്റഡിലെ കോർപ്പറേറ്റ് കമ്മ്യൂണിക്കേഷൻസ് മുൻ ഡയറക്ടറും മുതിർന്ന പ്രൊഫഷണലുമായ ശ്രീ. എം.ബി. ജയറാം സ്ഥാപിച്ച PRCI-ക്ക് നിലവിൽ രാജ്യത്തുടനീളം 60 സജീവ ചാപ്റ്ററുകളുണ്ട്. ഈ ശൃംഖലയുടെ കരുത്തുമായാണ് സംഘടന ഇപ്പോൾ തിരുവനന്തപുരത്തേക്കും പ്രവർത്തനം വ്യാപിപ്പിക്കുന്നത്. ചെയർമാൻ എമെരിറ്റസ് ശ്രീ. എം.ബി. ജയറാം, ചെയ‍ർമാൻ ഗവേണിംഗ് കൗൺസിൽ  ഡോ. ടി. വിനയ കുമാർ, നാഷണൽ പ്രസിഡന്റ് ശ്രീമതി. ഗീത ശങ്കർ എന്നിവരുടെ നേതൃത്വത്തിലാണ് സംഘടന ദേശീയ തലത്തിൽ പ്രവർത്തിക്കുന്നത്.

മാസ് കമ്മ്യൂണിക്കേഷൻ മേഖല അതിവേഗം വളരുന്ന സാഹചര്യത്തിൽ, വിദ്യാർത്ഥികളെ പ്രൊഫഷണൽ ലോകത്തിന് അനുയോജ്യരായ രീതിയിൽ പ്രാപ്തരാക്കാൻ 2013-ൽ PRCI രൂപീകരിച്ചതാണ് 'യങ് കമ്മ്യൂണിക്കേറ്റേഴ്സ് ക്ലബ്ബ്' (YCC). കേരളത്തിലെ പ്രമുഖ കോളേജുകളും സർവ്വകലാശാലകളും ഉൾപ്പെടെ രാജ്യത്തുടനീളം 80-ലധികം സജീവ വൈ.സി.സി ചാപ്റ്ററുകൾ ഇന്ന് പ്രവർത്തിക്കുന്നുണ്ട്. തിരുവനന്തപുരം ചാപ്റ്റർ ആരംഭിക്കുന്നതോടെ ഈ മേഖലയിലെ കൂടുതൽ വിദ്യാർത്ഥികൾക്ക് ഇതിന്റെ പ്രയോജനം ലഭിക്കും.

PRCI-യുടെ അന്താരാഷ്ട്ര വിഭാഗമായ വേൾഡ് കമ്മ്യൂണിക്കേറ്റേഴ്സ് കൗൺസിലിന് (WCC) യു.എ.ഇ, നേപ്പാൾ, ഭൂട്ടാൻ, ശ്രീലങ്ക, സിംഗപ്പൂർ എന്നീ രാജ്യങ്ങളിൽ ശക്തമായ സാന്നിധ്യമുണ്ട്. കമ്മ്യൂണിക്കേഷൻ രംഗത്തെ മികവിനായി പ്രൊഫഷണലുകൾക്ക് 'ചാണക്യ' പുരസ്കാരവും, വിദ്യാർത്ഥികൾക്കായി 'കൗടില്യ' പുരസ്കാരവും സംഘടന വർഷംതോറും നൽകിവരുന്നു. കൂടാതെ 'ചാണക്യ', 'കൗടില്യ', വനിതകൾക്കായുള്ള 'ആധ്വിക' എന്നീ മാഗസിനുകളും PRCI പ്രസിദ്ധീകരിക്കുന്നുണ്ട്. 

]]> വിശുദ്ധ ജലത്താൽ മിശിഹ സ്നാനം ചെയ്ത കുഞ്ഞ് ഇന്ന് പ്രതിയോഗി! https://www.sandhesam.com/Its-totally-surreal-that-Messi-recorded-a-commercial-with-baby-Lamine-Yamal-19-years-ago https://www.sandhesam.com/Its-totally-surreal-that-Messi-recorded-a-commercial-with-baby-Lamine-Yamal-19-years-ago Fri, 17 Jul 2026 11:42:58 +0530 Web Desk ലോകമെമ്പാടുമുള്ള ഫുട്ബോൾ പ്രേമികൾ കാത്തിരിക്കുന്ന ആ മഹാപോരാട്ടത്തിന് വേദി ഒരുങ്ങിക്കഴിഞ്ഞു. 2026 ഫിഫ ലോകകപ്പ് ഫൈനലിൽ നിലവിലെ ചാമ്പ്യന്മാരായ അർജന്റീന യൂറോപ്യൻ കരുത്തരായ സ്പെയിനെ തിങ്കളാഴ്ച നേരിടുകയാണ്. എന്നാൽ ന്യൂജേഴ്‌സിയിലെ മെറ്റ്‌ലൈഫ് സ്റ്റേഡിയത്തിൽ കലാശപ്പോരിനിറങ്ങുമ്പോൾ അത് ബാഴ്സയേയും മെസിയേയും സ്പാനിഷ് ഫുട്ബോളിനേയും നെഞ്ചിൽ കൊണ്ടുനടന്നവർക്ക് കുറച്ച് സ്പെഷ്യലാണ്, ഫുട്ബോൾ ചരിത്രത്തിലെ തന്നെ ഏറ്റവും മനോഹരമായ ഒരു നിയോഗത്തിൻ്റെ പൂർത്തീകരണമാണ്! 

പത്തൊൻപത് വർഷങ്ങൾക്ക് മുൻപ് പകർത്തിയ ഒരു അപൂർവ ചിത്രം ഈ ലോകകപ്പ് ഫൈനലിന് നൽകുന്ന പ്രവചനാതീതമായ വൈകാരികത ഒന്നു വേറെ തന്നെയാണ്. അർജന്റീനയുടെ ഇതിഹാസ നായകൻ ലയണൽ മെസിയും സ്പെയിനിൻ്റെ കൗമാര വിസ്മയം ലമീൻ യമാലും തമ്മിലുള്ള ആ അപൂർവ ചരിത്രമാണ് ഫുട്ബോൾ ലോകത്ത് വീണ്ടും ചർച്ചയാവുന്നത്.

2007ൽ ബാഴ്സലോണയുടെ കാമ്പ് നൗ ഡ്രസ്സിംഗ് റൂമിൽ വെച്ചാണ് ആ ചിത്രം പിറക്കുന്നത്. അന്ന് ബാഴ്സലോണയുടെ വളർന്നു വരുന്ന 20 വയസ്സുകാരനായ താരമായിരുന്നു ലയണൽ മെസി. സ്പാനിഷ് പത്രമായ ഡിയാരിയോ സ്പോർട്ടും യുണിസെഫും ചേർന്ന് നടത്തിയ ഒരു ചാരിറ്റി റാഫിളിൽ വിജയിച്ചതായിരുന്നു ലമീൻ യമാലിൻ്റെ കുടുംബം. സമ്മാനമായി ബാഴ്സലോണ താരത്തോടൊപ്പം ഒരു ഫോട്ടോ ഷൂട്ടിന് അവർക്ക് അവസരം ലഭിച്ചു.

ഡ്രസ്സിംഗ് റൂമിലെ ഒരു പ്ലാസ്റ്റിക് ടബ്ബിൽ കിടക്കുന്ന അഞ്ചു മാസം പ്രായമുള്ള കുഞ്ഞ് ലമീനെ മെസി പരിചരിക്കുന്നതും കുളിപ്പിക്കുന്നതുമായിരുന്നു ആ ഫോട്ടോ. അപ്പൊഴത്തെ ആ 20കാരൻ മെസിക്ക് ഒരു കൈക്കുഞ്ഞിനെ എങ്ങനെ എടുക്കണമെന്ന് പോലും ആദ്യമറിയില്ലായിരുന്നു എന്ന് ഫോട്ടോ എടുത്ത ജോവാൻ മോണ്ട്ഫോർട്ട് പിന്നീട് വെളിപ്പെടുത്തിയിരുന്നു. 

2024 യൂറോ കപ്പിൻ്റെ സമയത്ത് യമാലിൻ്റെ പിതാവ് ഇൻസ്റ്റാഗ്രാമിൽ "രണ്ട് ഇതിഹാസങ്ങളുടെ തുടക്കം" എന്ന ക്യാപ്ഷനോടെ പങ്കുവെച്ചപ്പോഴാണ് ഈ ചിത്രം ലോകത്തിൻ്റെ ശ്രദ്ധയിലേക്ക് വീണ്ടുമെത്തിയത്. ഇന്ന് മെസിക്ക് പ്രായം 39, യമാലിന് 19. അന്ന് ആ ടബ്ബിലിരുന്ന് മെസിയുടെ കൈയിൽ നിന്ന് 'ഫുട്ബോളിൻ്റെ വിശുദ്ധ ജലം' കൊണ്ട് സ്നാനം ചെയ്യപ്പെട്ട ആ കുഞ്ഞ്, ഇന്ന് അതേ ദൈവത്തിൻ്റെ നേർക്കുനേർ ഒരു ലോകകപ്പ് ഫൈനലിൽ അണിനിരക്കുന്നു!  

]]> 'ബിസ്മയത്തിൻ്റെ അതിതീവ്ര നാളുകൾ ,പകൽ സൺ ഉഷാറാക്കും രാത്രി സണ്ണി എടങ്ങേറാക്കും' :സർക്കാരിനെ ട്രോളി വി ശിവൻകുട്ടി https://www.sandhesam.com/V-Sivankutty-trolls-govt-on-undeclared-load-shedding https://www.sandhesam.com/V-Sivankutty-trolls-govt-on-undeclared-load-shedding Thu, 16 Jul 2026 15:36:14 +0530 Web Desk തിരുവനന്തപുരം: കഴിഞ്ഞ മൂന്ന് ദിവസമായി നേരിട്ട സംസ്ഥാന വ്യാപക പവര്‍ കട്ടിൽ സംസ്ഥാന സർക്കാരിനെതിരെ പരിഹാസവുമായി മുൻ വിദ്യാഭ്യാസ മന്ത്രിയും സിപിഎം നേതാവുമായ വി ശിവൻകുട്ടി. ബിസ്മയത്തിന്റെ അതിതീവ്ര നാളുകൾ എന്ന കുറിപ്പോടെയാണ് പകൽ സൺ ഉഷാറാക്കും രാത്രി സണ്ണി എടങ്ങേറാക്കുമെന്ന് യുഡിഎഫ് സർക്കാരിനെ പരിഹസിക്കുന്നത്. മൺസൂൺ കാലത്തെ രൂക്ഷമായ ചൂടിനിടയിൽ രാത്രി കാലത്തുണ്ടാകുന്ന പവർ കട്ടിനാണ് പരിഹാസം. സംസ്ഥാനത്ത് വൈദ്യുതി നിയന്ത്രണം എത്ര നാൾ തുടരേണ്ടി വരുമെന്ന് അറിയില്ലെന്ന വൈദ്യുതി വകുപ്പ് മന്ത്രിയുടെ പ്രതികരണത്തിന് പിന്നാലെയാണ് വി ശിവൻകുട്ടിയുടെ പരിഹാസം.

സംസ്ഥാനത്ത് വൈദ്യുതി ഉപയോ​ഗം കുത്തനെ കൂടിയെന്നും നിയന്ത്രണം എത്ര നാൾ തുടരേണ്ടി വരുമെന്ന് അറിയില്ലെന്നും വൈദ്യുതി വകുപ്പ് മന്ത്രി സണ്ണി ജോസഫ് വ്യാഴാഴ്ച രാവിലെ പ്രതികരിച്ചിരുന്നു. കൈമാറ്റ വ്യവസ്ഥയിൽ വാങ്ങിയ വൈദ്യുതി തിരിച്ചു നൽകേണ്ടത് ബാധ്യതയാണെന്നും സണ്ണി ജോസഫ് പറഞ്ഞു. കേന്ദ്ര പൂളിൽ നിന്ന് ലഭിക്കുന്ന വൈദ്യുതി കുറ‍ഞ്ഞു

]]> 'ശശികലയോടുള്ള അനുഭാവപൂർണമായ സമീപനം കെഎസ്‍യുവിനോട് കാണിക്കാം'; മുഖ്യമന്ത്രിക്കെതിരെ കെപിസിസി വക്താവ് https://www.sandhesam.com/CM-vs-KSU https://www.sandhesam.com/CM-vs-KSU Thu, 16 Jul 2026 15:26:01 +0530 Web Desk തിരുവനന്തപുരം: മുഖ്യമന്ത്രി വി ഡി സതീശനെതിരെ വീണ്ടും രൂക്ഷവിമർശനുമായി കോൺഗ്രസ് വക്താവ് വി ആർ അനൂപ്. ഹിന്ദു ഐക്യവേദി നേതാക്കള്‍ക്ക് കൂടിക്കാഴ്ചയ്ക്ക് സമയം കൊടുത്ത മുഖ്യമന്ത്രി, കെപിസിസിയുടെ ജനറൽ സെക്രട്ടറി പി എം നിയാസിനെയും കെഎസ്‍യു സംസ്ഥാന പ്രസിഡന്റ് അലോഷ്യസ് സേവ്യറിനും കൂടിക്കാഴ്ചയ്ക്ക് അവസരം നൽകാത്തതിന് പിന്നാലെയാണ് വിമർശനം. ഹിന്ദു ഐക്യവേദിയോട് കാണിച്ച അനുഭാവ പൂർണമായ സമീപനം ഇവരോടും കാണിക്കേണ്ടതായിരുന്നുവെന്ന് അനൂപ് ഫെയ്സ്ബുക്കിൽ കുറിച്ചു.

നേരത്തെ ജാതിപ്പേര് ഉപയോഗിച്ച് മുഖ്യമന്ത്രിയായി സത്യപ്രതിജ്ഞ ചെയ്ത വി ഡി സതീശനെതിരെ രൂക്ഷവിമർശനുമായി വി ആർ അനൂപ് രം​ഗത്തെത്തിയുരന്നു. ഔദ്യോഗിക കൃത്യനിർവഹണത്തിൻ്റെ തിരക്കുകൾക്കിടയിലും, വായനക്ക് വലിയ സമയം കണ്ടെത്തുന്ന സതീശൻ അംബേദ്കറെ വായിക്കാൻ അധിക സമയം കണ്ടെത്തണമെന്നാണ് അനൂപ് അന്ന് ഫെയ്സ്ബുക്കിൽ കുറിച്ചത്.

ഫെയ്സ്ബുക്ക് പോസ്റ്റിൻ്റെ പൂർണരൂപം

പി എം നിയാസ് എന്ന കെപിസിസിയുടെ ജനറൽ സെക്രട്ടറി, തെരഞ്ഞെടുപ്പ് കമീഷണറായി നിയമിതനായ വ്യക്തിയുടെ സംഘപരിവാർ ബന്ധത്തെപ്പറ്റി അദ്ദേഹത്തിൻ്റെ ബോധ്യം അവതരിപ്പിക്കാൻ, കൂടിക്കാഴ്ചയ്ക്ക് സമയം ചോദിച്ചപ്പോൾ മുഖ്യമന്ത്രിയുടെ ഓഫീസിൽനിന്ന് അത് അനുവദിച്ച് കിട്ടിയിട്ടില്ല. മുഖ്യമന്ത്രിയോട് പ്ലീഡർ നിയമനത്തിൽ പരാതി ഉന്നയിച്ച അലോഷ്യസ് സേവ്യറിനും ഇതുവരെ കൂടിക്കാഴ്ചയ്ക്ക് സമയം അനുവദിക്കപ്പെട്ടിട്ടില്ല എന്നാണ് മനസ്സിലാക്കുന്നത്.

ഹിന്ദു ഐക്യവേദിയുടെ നേതാക്കളായ ശശികലയോടും ആർ വി ബാബുവിനോടും കാണിച്ച ആ അനുഭാവപൂർണമായ സമീപനമെങ്കിലും കെപിസിസിയുടെ ജനറൽ സെക്രട്ടറിയോടും കെഎസ്‍യുവിൻ്റെ സംസ്ഥാന പ്രസിഡൻ്റിനോടും കാണിക്കേണ്ടതായിരുന്നു എന്നാണ് ബഹുമാനപ്പെട്ട മുഖ്യമന്ത്രിയോട് പറയാനുള്ളത്. അവർ അത് അർഹിക്കുന്നുണ്ട് സർ. അത് അവരുടെ അവകാശമാണ് സർ. ഇത് അവരുടെ കൂടി സർക്കാർ ആണ് സർ. ഇത് ഞങ്ങളുടെ കൂടി സർക്കാർ ആണ് സർ.

]]> ബിജെപിയിൽ ഫണ്ട് തട്ടിപ്പ്; 140മണ്ഡലങ്ങളിലേയും ഫണ്ട് അന്വേഷിക്കും, ആർഎസ്എസിനു അതൃപ്തി https://www.sandhesam.com/Fund-heist-in-BJP https://www.sandhesam.com/Fund-heist-in-BJP Thu, 16 Jul 2026 15:20:38 +0530 Web Desk തിരുവനന്തപുരം: സംസ്ഥാന ബിജെപിയിലെ ഫണ്ട് തട്ടിപ്പിൽ വെട്ടിലായി നേതൃത്വം. സമഗ്ര അന്വേഷണം വേണമെന്ന ആവശ്യവുമായി ഒരു വിഭാഗം നേതാക്കൾ രം​ഗത്തെത്തി. ഇതോടെ 140 മണ്ഡലങ്ങളിലെയും ഫണ്ട് വിനിയോഗത്തെ കുറിച്ച് അന്വേഷിക്കാനാണ് സംസ്ഥാന നേതൃത്വത്തിൻ്റെ തീരുമാനം. തെരഞ്ഞെടുപ്പ് സമയത്ത് കേന്ദ്രത്തിൽ നിന്നും സൗജന്യമായി എത്തിച്ച കൊടിതോരണങ്ങൾ ഉൾപ്പെടെ മറിച്ചു വിറ്റു എന്നതാണ് ആരോപണം.

അതിനിടെ, കൊടിതോരണങ്ങൾ വഴിവിട്ട് തയ്യാറാക്കിയതിന് ബിജെപി നേതാവിന് കമ്മീഷൻ കൊടുത്തതായി കമ്പനി പ്രതിനിധി പറയുന്ന പുതിയ ശബ്ദരേഖ പുറത്തുവന്നു. വിവിധ ജില്ലകളിൽ വ്യാപകമായി ഫണ്ട് വെട്ടിച്ചിട്ടും പാർട്ടി നേതൃത്വം എല്ലാം മൂടിവെക്കുന്നുവെന്നാണ് എതിർചേരിയുടെ ആക്ഷേപം. എന്നാൽ സംസ്ഥാന അധ്യക്ഷൻ വിദേശത്ത് നിന്നെത്തിയ ശേഷം ഫണ്ട് തട്ടിച്ചവർക്കെതിരെ കടുത്ത നടപടി ഉണ്ടാകുമെന്നാണ് നേതൃത്വത്തോട് അടുത്ത വൃത്തങ്ങൾ പറയുന്നത്.

ബിജെപി ദേശീയനേതൃത്വത്തെ വെട്ടിലാക്കുന്നത് അയോധ്യ ഫണ്ട് തട്ടിപ്പാണെങ്കിൽ കേരള ബിജെപിക്ക് മുന്നിലെ പ്രതിസന്ധി തെരഞ്ഞെടുപ്പ് ഫണ്ട് തിരിമറിയാണ്. കേന്ദ്രം ഫ്രീയായി നൽകിയ കൊടി, തോരണങ്ങൾ വൻ തുകക്ക് താഴേ തട്ടിലേക്ക് മറിച്ചുവിറ്റു. ഇഷ്ടമുള്ള സ്വകാര്യകമ്പനികളിൽ നിന്ന് തുക കൂട്ടി കൊടിയടിച്ച് തയ്യാറാക്കി കമ്മീഷൻ കൈപ്പറ്റി. തലസ്ഥാനത്തെ വൻകിട ഹോട്ടലിൽ കൂട്ടത്തോടെ മുറി ബുക് ചെയ്ത് ഫണ്ട് തട്ടി എന്നടക്കം ഇതുവരെ പുറത്തുവന്നുകൊണ്ടിരുക്കുന്നത് വലിയ തിരിമറികളാണ്. ഇതിനിടെയാണ് കൊടിയടിച്ചതിൽ കമ്മീഷൻ നൽകിയ ഒരു കമ്പനി പ്രതിനിധിയുടെ ഓഡിയോ പുറത്തുവരുന്നത്.

]]> ISROയിൽ കൂട്ടരാജി; ഗഗൻയാൻ ഉൾപ്പെടെയുള്ള ദൗത്യങ്ങളെ ബാധിച്ചേക്കാം https://www.sandhesam.com/100-experienced-ISRO-scientists-quits-to-join-the-booming-private-aerospace-sector https://www.sandhesam.com/100-experienced-ISRO-scientists-quits-to-join-the-booming-private-aerospace-sector Thu, 16 Jul 2026 15:07:47 +0530 Web Desk മനുഷ്യരെ ആദ്യമായി ബഹിരാകാശത്തയക്കാനുള്ള ഇന്ത്യയുടെ ഗഗൻയാൻ ദൗത്യം ഉൾപ്പെടെയുള്ള സുപ്രധാന ബഹിരാകാശ പദ്ധതികൾ നിർണായക ഘട്ടത്തിലൂടെ കടന്നുപോകുന്നതിനിടെ, ഇന്ത്യൻ സ്പേസ് റിസർച്ച് ഓർഗനൈസേഷനിൽ (ISRO) നിന്നും പരിചയസമ്പന്നരായ ശാസ്ത്രജ്ഞർ കൂട്ടത്തോടെ രാജി വെക്കുന്നതായി റിപ്പോർട്ട്. കഴിഞ്ഞ ഏതാനും മാസങ്ങൾക്കുള്ളിൽ നൂറോളം ശാസ്ത്രജ്ഞർ രാജി വെച്ചതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. കൊഴിഞ്ഞുപോക്ക് വർധിച്ചതിനെത്തുടർന്ന്, സുപ്രധാന ദൗത്യങ്ങളിൽ പ്രവർത്തിക്കുന്ന ശാസ്ത്രജ്ഞരുടെ സ്വമേധയായുള്ള വിരമിക്കലും രാജിയും നിയന്ത്രിക്കുന്നതിനായി ജൂലൈ 14-ന് ബഹിരാകാശ വകുപ്പ് (DoS) പുതിയ മെമ്മോറാണ്ടം പുറപ്പെടുവിച്ചു.

പുതിയ നിയമപ്രകാരം, ഗഗൻയാൻ ഉൾപ്പെടെയുള്ള പ്രധാന ദൗത്യങ്ങളിൽ പ്രവർത്തിക്കുന്ന ഗ്രൂപ്പ് 'എ' സയന്റിഫിക് ആൻഡ് ടെക്നിക്കൽ ഉദ്യോഗസ്ഥരുടെ രാജി അപേക്ഷകൾ ഇനി മുതൽ ഒരു സാധാരണ ഭരണപരമായ പ്രക്രിയയായി പരിഗണിക്കില്ല. മുൻകാലങ്ങളിൽ ഇത്തരം അപേക്ഷകൾ അംഗീകരിക്കാൻ ഐഎസ്ആർഒ കേന്ദ്രങ്ങളിലെ ഡയറക്ടർമാർക്ക് അധികാരമുണ്ടായിരുന്നു. എന്നാൽ പുതുക്കിയ മാർഗനിർദ്ദേശങ്ങൾ പ്രകാരം ഈ അധികാരം എടുത്തുകളയുകയും, രാജിക്കാര്യങ്ങളിൽ കേന്ദ്ര ബഹിരാകാശ വകുപ്പ് തലത്തിൽ വിശദമായ പരിശോധനകൾക്ക് ശേഷം മാത്രമേ അന്തിമ അനുമതി നൽകുകയുള്ളൂ എന്നും തീരുമാനിച്ചു. തന്ത്രപ്രധാനമായ ദൗത്യങ്ങൾക്കായി നിർണായക മാനവശേഷി നിലനിർത്തുക എന്ന ലക്ഷ്യത്തോടെയാണ് ഈ തീരുമാനം.

ഐഎസ്ആർഒയിൽ ജീവനക്കാരുടെ കൊഴിഞ്ഞുപോക്ക് പുതിയ കാര്യമല്ലെങ്കിലും, നിലവിലെ രാജികൾ ഇന്ത്യയുടെ ആദ്യത്തെ മനുഷ്യ ബഹിരാകാശ യാത്രാ ദൗത്യമായ ഗഗൻയാൻ പോലുള്ളവയെ സാരമായി ബാധിച്ചിട്ടുണ്ടെന്ന് റിപ്പോർട്ടുകൾ സൂചിപ്പിക്കുന്നു. പെട്ടെന്ന് പകരം വയ്ക്കാൻ സാധിക്കാത്ത പ്രത്യേക വൈദഗ്ധ്യമുള്ളവരാണ് ഇത്തരം ദേശീയ പ്രാധാന്യമുള്ള ദൗത്യങ്ങളിൽ പ്രവർത്തിക്കുന്നതെന്നും, ഇവരുടെ പെട്ടെന്നുള്ള പിന്മാറ്റം പദ്ധതികളുടെ സമയക്രമത്തെയും തുടർച്ചയെയും പ്രതികൂലമായി ബാധിക്കുമെന്നും ബഹിരാകാശ വകുപ്പ് ചൂണ്ടിക്കാട്ടുന്നു.

ശാസ്ത്രജ്ഞർ കൂട്ടത്തോടെ രാജി വെക്കുന്നതിന്റെ യഥാർത്ഥ കാരണം ബഹിരാകാശ വകുപ്പോ ഐഎസ്ആർഒയോ ഔദ്യോഗികമായി വ്യക്തമാക്കിയിട്ടില്ല. എങ്കിലും, ഇന്ത്യയിലെ സ്വകാര്യ ബഹിരാകാശ മേഖലയിലുണ്ടായ ദ്രുതഗതിയിലുള്ള വളർച്ചയാണ് ഇതിന് പിന്നിലെ പ്രധാന ഘടകങ്ങളിലൊന്നെന്ന് വിയോൺ റിപ്പോർട്ട് ചെയ്യുന്നു. സ്വകാര്യ മേഖലയ്ക്കായി ബഹിരാകാശ രംഗം തുറന്നുകൊടുത്തതോടെ, പല സ്റ്റാർട്ടപ്പുകളും എയ്‌റോസ്‌പേസ് കമ്പനികളും സാങ്കേതികവും നേതൃത്വപരവുമായ റോളുകൾക്കായി പരിചയസമ്പന്നരായ ഐഎസ്ആർഒ ശാസ്ത്രജ്ഞരെ തേടുന്നുണ്ട്. ഇതിന് പുറമെ ഉപഗ്രഹ നിർമാണത്തിലും വിക്ഷേപണ സാങ്കേതികവിദ്യയിലും വ്യവസായങ്ങളെ ഉൾപ്പെടുത്താനുള്ള സർക്കാരിന്റെ നീക്കവും പുറത്ത് ഇത്തരം പ്രൊഫഷണലുകളുടെ ആവശ്യകത വർധിപ്പിച്ചു.

എന്നാൽ, കേവലം ഭരണപരമായ നിയന്ത്രണങ്ങൾ കൊണ്ട് മാത്രം ഈ പ്രതിസന്ധി പരിഹരിക്കാനാകില്ലെന്ന് മുൻ ഐഎസ്ആർഒ ഉദ്യോഗസ്ഥർ മുന്നറിയിപ്പ് നൽകുന്നു. മികച്ച കരിയർ വളർച്ച, തൊഴിൽ സംസ്കാരം, മികച്ച നേതൃത്വം, പ്രചോദനം തുടങ്ങിയ വിശാലമായ പ്രശ്നങ്ങൾ പരിഹരിച്ചാൽ മാത്രമേ മികച്ച പ്രതിഭകളെ നിലനിർത്താനാകൂ എന്ന് അവർ വാദിക്കുന്നു. 2017-ൽ പുറത്തുവന്ന ഒരു വിവരാവകാശ രേഖ പ്രകാരം, അഞ്ച് വർഷത്തിനിടെ ഏകദേശം 300 ശാസ്ത്രജ്ഞർ ഐഎസ്ആർഒ വിട്ടുപോയതായി കണ്ടെത്തിയിരുന്നു.

]]> CBSE ത്രിഭാഷാ പദ്ധതി ഒമ്പതാം ക്ലാസിൽ ആരംഭിക്കരുതെന്ന് സുപ്രീംകോടതി https://www.sandhesam.com/SC-rules-against-starting-the-three-language-policy-in-Class-9 https://www.sandhesam.com/SC-rules-against-starting-the-three-language-policy-in-Class-9 Thu, 16 Jul 2026 15:00:51 +0530 Web Desk ന്യൂഡൽഹി: സിബിഎസ്ഇ പാഠ്യപദ്ധതിയുടെ ഭാഗമായി ഒമ്പതാം ക്ലാസിൽ ത്രിഭാഷാ പദ്ധതി ആരംഭിക്കുന്നതിൽ ആശങ്ക രേഖപ്പെടുത്തി സുപ്രീം കോടതി. ബോർഡ് പരീക്ഷകൾക്ക് തയ്യാറെടുക്കുന്ന  വിദ്യാർഥകൾക്ക് ഒമ്പതാം ക്ലാസിൽ പുതിയൊരു ഭാഷാപഠനംകൂടി അടിച്ചേൽപ്പിക്കുന്നത് അധിക സമ്മർദത്തിന് കാരണമാകുമെന്ന് ജസ്റ്റിസ് ബി. വി. നാഗരത്ന അധ്യക്ഷയായ ബെഞ്ച് നിരീക്ഷിച്ചു. പദ്ധതി ഒരു കാരണവശാലും ഒമ്പതാം ക്ലാസിൽ ആരംഭിക്കരുതെന്നും ഇത് വിദ്യാർഥികളുടെ പഠനഭാരം വർധിപ്പിക്കുമെന്നും കോടതി വ്യക്തമാക്കി.

ഭാഷാപഠനം ആരംഭിക്കേണ്ടത് അഞ്ചാം ക്ലാസിലോ ആറാം ക്ലാസിലോ ആണെന്നും ഒമ്പതാം ക്ലാസിൽ ഇത് തുടങ്ങുന്നത് പ്രായോഗികമല്ലെന്നും കോടതി ചൂണ്ടിക്കാട്ടി. ത്രിഭാഷാ പദ്ധതിയുടെ ഭാഗമായി ഹിന്ദി ഭാഷ നിർബന്ധമായും പഠിപ്പിക്കണമെന്ന് എവിടെയും നിഷ്കർഷിച്ചിട്ടില്ലെന്നും ജസ്റ്റിസ് നാഗരത്ന വ്യക്തമാക്കി.

തമിഴ്നാട്ടിലെ എല്ലാ ജില്ലകളിലും ജവഹർ നവോദയ സ്കൂളുകൾ ആരംഭിക്കുന്നതിന് സംസ്ഥാന സർക്കാർ സഹായം നൽകണമെന്ന മദ്രാസ് ഹൈക്കോടതി ഉത്തരവിനെതിരെ തമിഴ്നാട് സർക്കാർ നൽകിയ അപ്പീൽ പരിഗണിക്കവെയാണ് കോടതിയുടെ നിരീക്ഷണം. ത്രിഭാഷാ പദ്ധതിയോടുള്ള വിയോജിപ്പ് ചൂണ്ടിക്കാട്ടിയാണ് തമിഴ്നാട് സർക്കാർ നവോദയ സ്കൂളുകൾ തുടങ്ങുന്നതിനെ എതിർക്കുന്നത്. എന്നാൽ, കേന്ദ്ര സർക്കാർ കൊണ്ടുവന്ന പദ്ധതി എന്ന ഒരൊറ്റ കാരണത്താൽ അതിനെ എതിർക്കുന്നത് ശരിയായ നിലപാടല്ലെന്നും ജസ്റ്റിസ് നാഗരത്ന ചൂണ്ടിക്കാട്ടി.

സിബിഎസ്ഇയുടെ ത്രിഭാഷാ പദ്ധതിക്കെതിരെയുള്ള ഹർജി ജസ്റ്റിസ് സൂര്യകാന്ത് അധ്യക്ഷനായ ബെഞ്ച് അടുത്ത ആഴ്ച പരിഗണിക്കും. നേരത്തെ, ഈ പദ്ധതി നടപ്പിലാക്കുന്നത് സ്റ്റേ ചെയ്യാൻ സുപ്രീം കോടതി വിസമ്മതിച്ചിരുന്നു.

]]> ഷഹാനയുടെ മരണം: മതം മാറണമെന്നും സ്വകാര്യ ദൃശ്യങ്ങൾ പ്രചരിപ്പിക്കുമെന്നും പ്രതി ഭീഷണിപ്പെടുത്തി https://www.sandhesam.com/Adoor-Shahanas-death-boy-friend-in-custody https://www.sandhesam.com/Adoor-Shahanas-death-boy-friend-in-custody Thu, 16 Jul 2026 14:53:35 +0530 Web Desk പത്തനംതിട്ട: അടൂരിലെ യുവതിയുടെ മരണത്തില്‍ അറസ്റ്റിലായ പ്രതി അരുണിനെതിരെ ഗുരുതര ആരോപണങ്ങളുമായി അന്വേഷണ സംഘം. മരിച്ച ഷഹാനയെ പ്രതി മതം മാറാന്‍ നിര്‍ബന്ധിക്കുകയും സ്വകാര്യ ദൃശ്യങ്ങള്‍ സമൂഹമാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്യ്തുവെന്ന് പോലീസ് വ്യക്തമാക്കുന്നു.

മാസങ്ങള്‍ക്ക് മുന്‍പ് അരുണ്‍ മതം മാറി വിവാഹം കഴിക്കാന്‍ ഷഹാനയോട് ആവശ്യപ്പെട്ടെങ്കിലും യുവതി അത് നിരസിച്ചിരുന്നു. തന്റെ കുഞ്ഞിനെ നോക്കി സ്വന്തം ജോലി ചെയ്ത് ജീവിക്കാനാണ് താല്‍പ്പര്യമെന്ന് ഷഹാന അരുണിനെ അറിയിച്ചിരുന്നു. ഇതിന്റെ വൈരാഗ്യത്തില്‍ പ്രതി യുവതിയെ ക്രൂരമായി മര്‍ദ്ദിച്ചിരുന്നതായി പോലീസ് കണ്ടെത്തി. ഷഹനയുടെ മൊബൈല്‍ ഫോണില്‍ നിന്നും സ്വകാര്യ ചിത്രങ്ങളും വീഡിയോകളും പ്രതി പകര്‍ത്തിയിരുന്നു. വിവാഹത്തിന് വഴങ്ങിയില്ലെങ്കില്‍ ഇവ സോഷ്യല്‍ മീഡിയ വഴി പ്രചരിപ്പിക്കുമെന്നും പ്രതി ഭീഷണിപ്പെടുത്തി.

മരിക്കുന്ന ദിവസം ഷഹാന വീട്ടിലേക്ക് പോകുന്ന സമയത്ത് പ്രതി വഴിയില്‍ കാത്തുനിന്ന് പുറകെ ചെല്ലുകയും വാതില്‍ തള്ളിത്തുറന്ന് അകത്ത് കയറുകയും ചെയ്തു. തുടര്‍ന്ന് ഇവര്‍ തമ്മില്‍ വഴക്കുണ്ടാകുകയും ഷഹാനയെ പ്രതി മര്‍ദ്ദിക്കുകയും ചെയ്തിരുന്നു. മര്‍ദ്ദിച്ച കാര്യം പ്രതി പോലീസിനോട് സമ്മതിച്ചതായും റിപ്പോര്‍ട്ടുകളുണ്ട്. നിലവില്‍ പ്രതി അരുണിനെതിരെ ആത്മഹത്യാ പ്രേരണാ കുറ്റം ചുമത്തിയാണ് അറസ്റ്റ് ചെയ്തത്. ഭർത്താവുമായി പിരിഞ്ഞു കഴിയുകയായിരുന്ന ഷഹനയെ കഴിഞ്ഞ തിങ്കളാഴ്ച രാത്രി ഏഴുമണിയോടെയാണ് വീട്ടിലെ സ്റ്റെയർകേസിൽ തൂങ്ങിമരിച്ച നിലയിൽ കണ്ടെത്തിയത്.

]]> പ്ലീഡര്‍ നിയമനം; കെ എസ് യു വിനെ അപമാനിച്ചതിനു പിന്നാലെ സംസ്ഥാന പ്രസിഡണ്ടിന് കൂടിക്കാഴ്ചക്ക് അനുമതി നിഷേധിച്ച് മുഖ്യമന്ത്രി https://www.sandhesam.com/cm-and-ksu-leaders-cross-swords-on-pleader-appointment-issue https://www.sandhesam.com/cm-and-ksu-leaders-cross-swords-on-pleader-appointment-issue Thu, 16 Jul 2026 14:42:38 +0530 Web Desk തിരുവനന്തപുരം : പ്ലീഡര്‍ നിയമന വിവാദത്തില്‍ കെ എസ് യുവിനെ അധിക്ഷേപിച്ചതിനു പിന്നാലെ സംസ്ഥാന പ്രസിഡണ്ട് അലോഷ്യസ് സേവ്യറിന് കൂടിക്കാഴ്ചക്ക് അനുമതി നിഷേധിച്ച് മുഖ്യമന്ത്രി വി ഡി സതീശന്‍. ഗവണ്‍മെന്റ് പ്ലീഡര്‍ നിയമനത്തിലെ കെ എസ് യു പ്രതിഷേധത്തെ പരിഹസിച്ചു തള്ളിയ മുഖ്യമന്ത്രിയുടെ പരാമര്‍ശത്തിന് പിന്നാലെയാണ് പരാതി അറിയിക്കാന്‍ അലോഷ്യസ് സേവ്യര്‍ കൂടിക്കാഴ്ചക്ക് അനുമതി തേടിയത്. എന്നാല്‍ അനുമതി നിഷേധിക്കുകയായിരുന്നു.

മുഖ്യമന്ത്രിയുടെ അധിക്ഷേപ പരാമര്‍ശം പിന്‍വലിക്കണമെന്നും വിവാദ പ്ലീഡര്‍ നിയമനം പിന്‍വലിക്കണമെന്നും ആവശ്യപ്പെടാന്‍ കെ എസ് യു സംസ്ഥാന കമ്മിറ്റി തീരുമാനിച്ചിരുന്നു. പ്ലീഡര്‍ നിയമനത്തില്‍ കെ എസ് യുവിന് എന്തു കാര്യം എന്നായിരുന്നു മുഖ്യമന്ത്രിയുടെ ചോദ്യം. വി ഡി സതീശൻ്റെ പരിഹാസത്തിനെതിരെ കെ എസ് യു സംസ്ഥാന ഭാരവാഹികളുള്‍പ്പെടെ രൂക്ഷമായ ഭാഷയിലാണ് പ്രതികരിച്ചത്.

മുഖ്യമന്ത്രിയുടെ പരാമര്‍ശത്തില്‍ കോണ്‍ഗ്രസിനകത്തും അതൃപ്തിയുണ്ട്. അതേസമയം കെ എസ് യുവിനെതിരായ വിമര്‍ശനത്തില്‍ വി ഡി സതീശനെ പിന്തുണച്ച് കോഴിക്കോട് ഡി സി സി ജനറല്‍ സെക്രട്ടറി നിജേഷ് അരവിന്ദ് രംഗത്തെത്തി. കെ എസ് യു നേതാക്കളുടെ നിലപാട് അരോചകമെന്നും കുത്തിത്തിരുപ്പുകളുടെ അംബാസഡര്‍മാരായി അവര്‍ മാറുന്നുവെന്നും നിജേഷ് വിമര്‍ശിച്ചു.

ഗവണ്‍മെണ്ട് പ്ലീഡര്‍ നിയമന വിവാദത്തില്‍ സംഘപരിവാറിന് വേണ്ടിയാണ് മുഖ്യമന്ത്രി കെ എസ് യുവിനെ അപമാനിച്ചതെന്ന് എസ് എഫ് ഐയുടെ പ്രതികരിച്ചു. സംഘപരിവാറുകാരനെ നിയമിച്ചതില്‍ കെ എസ് യുവിന് എന്ത് കാര്യമെന്ന് ചോദിച്ച മുഖ്യമന്ത്രി നാളെ യൂത്ത് കോണ്‍ഗ്രസിന് എന്ത് കാര്യമെന്ന് ചോദിക്കും. മറ്റന്നാള്‍ കെ പി സി സിക്ക് എന്ത് കാര്യം എന്ന ചോദ്യം വരും. പിന്നീട് സോണിയ ഗാന്ധിക്കും രാഹുല്‍ ഗാന്ധിക്കും ഖര്‍ഗേയ്ക്കും എന്ത് കാര്യം എന്ന് ചോദിക്കുമെന്നും എസ് എഫ് ഐ സംസ്ഥാന സെക്രട്ടറി പി എസ് സഞ്ജീവ് പരിഹസിച്ചു.

]]> ലോകകപ്പ് നോക്കൗട്ടുകളുടെ രാജാവ്: സെമിയിൽ മെസി തകർത്തെറിഞ്ഞ ചരിത്ര റെക്കോർഡുകൾ! https://www.sandhesam.com/Lionell-Messi-the-real-GOAT https://www.sandhesam.com/Lionell-Messi-the-real-GOAT Thu, 16 Jul 2026 14:21:26 +0530 Web Desk എതിരാളികളെയും സമയത്തെയും ഒരുപോലെ നിശ്ചലമാക്കിയ പ്രകടനവുമായാണ് ലയണൽ മെസി അർജന്റീനയെ ഇംഗ്ലണ്ടിനെതിരെ 2-1ന്റെ ഇതിഹാസ തുല്യമായ തിരിച്ചുവരവ് ജയത്തിലേക്ക് നയിച്ചത്. മത്സരത്തിന്റെ 55-ാം മിനിറ്റിൽ ആന്റണി ഗോർഡൻ നേടിയ ഗോളിലൂടെ 'ത്രീ ലയൺസ്'  മുന്നിലെത്തിയിരുന്നു. കളിയുടെ 85-ാം മിനിറ്റ് വരെ 0-1ന് പിന്നിലായിരുന്നിട്ടും ഗോളടിക്കാരുടെ പട്ടികയിൽ ഇടംപിടിക്കാതെ തന്നെ ലോക ചാമ്പ്യന്മാർക്ക് നോക്കൗട്ട് ഘട്ടത്തിൽ മറ്റൊരു ഉജ്ജ്വലമായ തിരിച്ചുവരവ് വിജയം കൂടി സമ്മാനിക്കാൻ മെസിയുടെ മാന്ത്രിക ബുദ്ധിക്ക് കഴിഞ്ഞു.

വീഡിയോ കാണാൻ ലിങ്കിൽ ക്ലിക്ക് ചെയ്യുക

https://youtu.be/CiLevdv8-SI?si=s9Mrbi9GubwsV3Wi

പരിശീലകൻ ലയണൽ സ്കലോണിയുടെ നിർണായകമായ തന്ത്രപരമായ മാറ്റമാണ് ഇംഗ്ലണ്ടിന്റെ തകർച്ചയ്ക്ക് വഴിയൊരുക്കിയത്. ഇതിലൂടെ മെസിക്ക് തന്റെ പ്രിയപ്പെട്ട പൊസിഷനായ റൈറ്റ് വിങ്ങിൽ കൂടുതൽ സ്പേസ് കണ്ടെത്താനായി. തുടർന്ന് 39-ാം വയസ്സിലും കളം നിറഞ്ഞ മെസി നൽകിയ മാച്ച് ടേണിങ് പാസ് സ്വീകരിച്ച് ബോക്സിന് പുറത്തുനിന്ന് എൻസോ ഫെർണാണ്ടസ് അർജന്റീനയുടെ സമനില ഗോൾ നേടി. ഇംഗ്ലീഷ് ഗോളി ജോർദാൻ പിക്ക്ഫോർഡിനെ കാഴ്ചക്കാരനാക്കി പന്തിന്റെ വേഗതയും ഇടതുവശത്തേക്കുള്ള സ്വിങ്ങും ചേർന്ന ഒരു വെടിയുണ്ട ഷോട്ടായിരുന്നു അത്. തൊട്ടുപിന്നാലെ ഇഞ്ചുറി ടൈമിൽ മെസി ബോക്സിലേക്ക് ഉയർത്തി നൽകിയ മനോഹരമായ ക്രോസിനെ പകരക്കാരനായി വന്ന ലൗട്ടാരോ മാർട്ടീനസ് ഒരു തകർപ്പൻ ഹെഡ്ഡറിലൂടെ വലയിലാക്കി.

ഈ വിജയത്തോടെ മെസിയും അർജന്റീനയും ലോകകപ്പ് ഫൈനലിലേക്ക് മാർച്ച് ചെയ്തതിനൊപ്പം ഒരുപിടി പുതിയ റെക്കോർഡുകളും കുറിച്ചു. ഇംഗ്ലണ്ടിനെതിരായ സെമിഫൈനലിൽ മെസി തകർത്ത പ്രധാന റെക്കോർഡുകൾ താഴെ പറയുന്നവയാണ്: 

മത്സരത്തിലെ രണ്ട് അസിസ്റ്റുകളോടെ ആറ് ലോകകപ്പ് പതിപ്പുകളിലായി ഏറ്റവും കൂടുതൽ അസിസ്റ്റുകൾ (12 എണ്ണം) നൽകിയ താരമെന്ന തന്റെ സ്വന്തം റെക്കോർഡ് മെസി കൂടുതൽ ശക്തമാക്കി. ഇതിൽ 10 അസിസ്റ്റുകളും പിറന്നത് നോക്കൗട്ട് ഘട്ടങ്ങളിലാണ്. ഒപ്റ്റയുടെ കണക്കുകൾ പ്രകാരം കഴിഞ്ഞ 60 വർഷത്തെ ലോകകപ്പ് ചരിത്രത്തിൽ മറ്റൊരു കളിക്കാരനും എട്ടിൽ കൂടുതൽ അസിസ്റ്റുകൾ നേടാൻ കഴിഞ്ഞിട്ടില്ല.

സീനിയർ തലത്തിൽ ഇംഗ്ലണ്ടിനെതിരായ തന്റെ ആദ്യ മത്സരത്തിൽ മെസി ഒൻപത് ഡ്രിബ്ലിംഗുകൾ വിജയകരമായി പൂർത്തിയാക്കി. ഒരു അന്താരാഷ്ട്ര മത്സരത്തിൽ മെസി പൂർത്തിയാക്കുന്ന ഏറ്റവും ഉയർന്ന ഡ്രിബ്ലിംഗുകളുടെ എണ്ണത്തിന് ഒപ്പമാണിത്. ഇതോടെ ഒരു ലോകകപ്പ് നോക്കൗട്ട് മത്സരത്തിൽ ഒൻപത് ഡ്രിബ്ലിംഗുകളും രണ്ട് അസിസ്റ്റുകളും രേഖപ്പെടുത്തുന്ന ആദ്യ കളിക്കാരനായി മെസി മാറി.

  • 2026ൽ ഇംഗ്ലണ്ടിനെതിരെ ഒൻപത് ഡ്രിബ്ലിങ്
  • 2018ൽ ഐസ്ലൻഡിനെതിരെ ഒൻപത് ഡ്രിബ്ലിങ്
  • 2010ൽ ജർമനിക്കെതിരെ ഒൻപത് ഡ്രിബ്ലിങ്

ക്ലബ്ബിനായും രാജ്യത്തിനായും കളിച്ച തുടർച്ചയായ 13 മത്സരങ്ങളിൽ മെസി ഇപ്പോൾ ഗോളോ അസിസ്റ്റോ നേടിയിട്ടുണ്ട്. മെസിയുടെ പ്രൊഫഷണൽ കരിയറിലെ രണ്ടാമത്തെ ഏറ്റവും ദൈർഘ്യമേറിയ ഗോൾ/അസിസ്റ്റ് കുതിപ്പാണിത്. 

2014, 2022 വർഷങ്ങൾക്ക് ശേഷം മെസി തന്റെ കരിയറിലെ മൂന്നാമത്തെ ലോകകപ്പ് ഫൈനലിലാണ് ഇനി ബൂട്ട് കെട്ടാൻ ഒരുങ്ങുന്നത്. ബ്രസീലിന്റെ കഫുവിന് (1994, '98, '02) ശേഷം മൂന്ന് ലോകകപ്പ് ഫൈനലുകളിൽ കളിക്കുന്ന ചരിത്രത്തിലെ രണ്ടാമത്തെ മാത്രം താരമായി മെസി മാറും.

ഒരു ലോകകപ്പ് ടൂർണമെന്റിൽ ബോക്സിന് പുറത്തുനിന്ന് അഞ്ച് ഗോളുകൾ നേടുന്ന ആദ്യ ടീമായി അർജന്റീന മാറി. 1966ന് ശേഷം ഒരു പതിപ്പിൽ നേടുന്ന ഏറ്റവും ഉയർന്ന റെക്കോർഡിനൊപ്പമാണിത്. മെസി (രണ്ട് തവണ), ജിയോവാനി ലോ സെൽസോ, ജൂലിയൻ അൽവാരസ്, എൻസോ ഫെർണാണ്ടസ് എന്നിവരാണ് ഈ ഗോളുകൾ നേടിയത്.

ഞായറാഴ്ച രാത്രി ഈസ്റ്റ് റഥർഫോർഡിലെ മെറ്റ്‌ലൈഫ് സ്റ്റേഡിയത്തിൽ നടക്കുന്ന ഫൈനലിൽ സ്പെയിനെ നേരിടുമ്പോൾ 1962ൽ ബ്രസീലിന് ശേഷം ലോകകപ്പ് കിരീടം നിലനിർത്തുന്ന ആദ്യ ടീമാകാനുള്ള സുവർണ്ണാവസരമാണ് അർജന്റീനയ്ക്ക് മുന്നിലുള്ളത്.

അതേസമയം മൂന്നാം സ്ഥാനക്കാർക്കായുള്ള പ്ലേ-ഓഫ് മത്സരത്തിൽ ഇംഗ്ലണ്ട് ഫ്രാൻസിനെ നേരിടും. മിയാമിയിലെ ഹാർഡ് റോക്ക് സ്റ്റേഡിയത്തിലാണ് ഈ മത്സരം നടക്കുക.

]]> 19-ാം ദിവസത്തിൽ സോനം വാങ്‌ചുക്കിൻ്റെ ഭാരം 9 കിലോ കുറഞ്ഞു; ജീവന്‍ രക്ഷിക്കാന്‍ വേണ്ടതെല്ലാം ചെയ്യണമെന്ന് കേന്ദ്രത്തോട് ഡല്‍ഹി ഹൈക്കോടതി https://www.sandhesam.com/I%E2%80%99m-Not-in-good-shape-but-not-so-bad-either...%3ASonam-W https://www.sandhesam.com/I%E2%80%99m-Not-in-good-shape-but-not-so-bad-either...%3ASonam-W Thu, 16 Jul 2026 13:42:26 +0530 Web Desk ന്യൂഡൽഹി: ജന്തർ മന്തറിൽ അനിശ്ചിതകാല നിരാഹാര സമരം നടത്തുന്ന പരിസ്ഥിതി-വിദ്യാഭ്യാസ പ്രവർത്തകൻ സോനം വാങ്‌ചുക്കിൻ്റെ ശരീരഭാരം സമരത്തിന്റെ 19-ാം ദിവസത്തിൽ 9 കിലോയിലധികം കുറഞ്ഞതായി ഡോക്ടർമാർ അറിയിച്ചു. അതേസമയം, സമരം അവസാനിപ്പിക്കില്ലെന്ന് വ്യക്തമാക്കിയ വാങ്‌ചുക്ക് , ജൂലൈ 20-ന് ആസൂത്രണം ചെയ്തിരിക്കുന്ന പാർലമെന്റ് മാർച്ചിൽ പങ്കുചേരാൻ അനുയായികളോട് ആഹ്വാനം ചെയ്തു.

വാങ്‌ചുക്കിൻ്റെ ആരോഗ്യം നിരീക്ഷിക്കുന്ന മുതിർന്ന ജനറൽ ഫിസിഷ്യൻ ഡോ.സതീഷ് ലാംബ നൽകിയ വിവരങ്ങൾ പ്രകാരം, അദ്ദേഹത്തിന്റെ രക്തത്തിലെ പഞ്ചസാരയുടെ അളവ് 80 mg/dL, പൾസ് നിരക്ക് മിനിറ്റിൽ 72, രക്തസമ്മർദം കിടക്കുമ്പോൾ 105/61 mmHg, ഇരിക്കുമ്പോൾ 101/65 mmHg എന്നിങ്ങനെയാണ്. ശരീരത്തിൽ ആവശ്യത്തിന് ജലാംശം ഉണ്ടെന്നും അദ്ദേഹം പൂർണ മാനസികാരോഗ്യത്തോടെ ഇരിക്കുന്നുവെന്നും ഡോക്ടർ വ്യക്തമാക്കി.

ഇതിനിടെ,സോനം വാങ്ചുകിന്റെ ആരോഗ്യസ്ഥിതിയില്‍ ആശങ്കയ അറിയിച്ച് ഡല്‍ഹി ഹൈക്കോടതി. വാങ്ചുകിന്റെ ശാരീരികാവസ്ഥ ദിവസേന പരിശോധിക്കാന്‍ ഡോക്ടര്‍മാരുടെ സംഘത്തെ നിയോഗിക്കണമെന്ന് ഡല്‍ഹി ഹൈക്കോടതി കേന്ദ്ര-സംസ്ഥാന സര്‍ക്കാരുകളോട് നിര്‍ദേശിച്ചു. 19 ദിവസമായി തുടരുന്ന നിരാഹാര സമരം വാങ്ചുകിന്റെ ആരോഗ്യത്തെ ഗുരുതരമായി ബാധിച്ച പശ്ചാത്തലത്തിലാണ് ഡല്‍ഹി ഹൈക്കോടതിയുടെ ഇടപെടല്‍.

ചീഫ് ജസ്റ്റിസ് ദേവേന്ദ്ര കുമാര്‍ ഉപാധ്യായ, ജസ്റ്റിസ് തേജസ് കരിയ എന്നിവരടങ്ങിയ ഡിവിഷന്‍ ബെഞ്ചാണ് നിര്‍ണായക ഉത്തരവ് പുറപ്പെടുവിച്ചത്. ഡോക്ടര്‍മാരുടെ നിര്‍ദേശപ്രകാരം ആവശ്യമായ ഏത് അടിയന്തര വൈദ്യസഹായവും വാങ്ചുകിന് നല്‍കാന്‍ കേന്ദ്രസര്‍ക്കാര്‍ തയ്യാറാകണമെന്നും കോടതി വ്യക്തമാക്കി. ഏത് പൗരന്റെയും ജീവന്‍ വിലപ്പെട്ടതാണെന്ന് കോടതി നിരീക്ഷിച്ചു. ആവശ്യമെങ്കില്‍ മാത്രം ഇടപെടാമെന്ന കേന്ദ്ര സര്‍ക്കാരിന്റെ ഉറപ്പ് രേഖപ്പെടുത്തിക്കൊണ്ട് ഇതുമായി ബന്ധപ്പെട്ട പൊതുതാല്‍പ്പര്യ ഹരജി കോടതി തീര്‍പ്പാക്കി.

]]> ദൈവത്തിൻ്റെ ഇടംകാലുകൊണ്ടുള്ള വിസ്മയം, ഇംഗ്ലണ്ടിനെ വീഴ്ത്തി മെസ്സിയും സംഘവും ഫൈനലിൽ https://www.sandhesam.com/rgentina-reached-the-FIFA-World-Cup-2026-final https://www.sandhesam.com/rgentina-reached-the-FIFA-World-Cup-2026-final Thu, 16 Jul 2026 13:03:54 +0530 Web Desk അറ്റ്ലാന്റ : ഫിഫ ലോകകപ്പ് 2026 രണ്ടാം സെമി ഫൈനലിൽ ആവേശകരമായ തിരിച്ചുവരവിലൂടെ ഇംഗ്ലണ്ടിനെ പരാജയപ്പെടുത്തി അർജന്റീന ഫൈനലിൽ പ്രവേശിച്ചു.അറ്റ്ലാന്റയിൽ നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്കാണ് നിലവിലെ ചാമ്പ്യന്മാരായ അർജന്റീനയുടെ വിജയം. മത്സരത്തിന്റെ ഭൂരിഭാഗം സമയവും ഇംഗ്ലണ്ട് മുൻതൂക്കം പുലർത്തിയെങ്കിലും, അവസാന നിമിഷങ്ങളിൽ ലയണൽ മെസ്സിയുടെ മികവിൽ അർജന്റീന കളി തിരിച്ചുപിടിക്കുകയായിരുന്നു.

മത്സരത്തിന്റെ 55 ആം മിനിറ്റിൽ മോർഗൻ റോജേഴ്സിന്റെ അസിസ്റ്റിലൂടെ ആന്തണി ഗോർഡൻ ഇംഗ്ലണ്ടിന് വേണ്ടി ഗോൾ നേടി അക്കൗണ്ട് തുറന്നു. തുടർന്ന് ഇംഗ്ലണ്ട് പ്രതിരോധം ശക്തമാക്കുകയും ലയണൽ മെസ്സിയെ തളച്ചിടുകയും ചെയ്തു. എന്നാൽ, മത്സരത്തിന്റെ 85ാം മിനിറ്റിൽ ലയണൽ മെസ്സിയുടെ അസിസ്റ്റിൽ എൻസോ ഫെർണാണ്ടസ് നേടിയ തകർപ്പൻ ലോങ്ങ് റേഞ്ച് ഗോളിലൂടെ അർജന്റീന സമനില പിടിച്ചു. തുടർന്ന് 92ാം മിനിറ്റിൽ മെസ്സിയുടെ ക്രോസിൽ നിന്ന് ലൗട്ടാരോ മാർട്ടിനെസ് വിജയഗോൾ സ്വന്തമാക്കിയതോടെ അർജന്റീന ഫൈനലിലേക്ക് മുന്നേറി. ഇംഗ്ലണ്ട് വിജയത്തിന് തൊട്ടടുത്ത് എത്തിയെങ്കിലും അവസാന നിമിഷത്തെ പിഴവുകൾ അവർക്ക് വിനയാകുകയായിരുന്നു.

അന്ന് ദൈവത്തിന്റെ കരങ്ങളാണ് ഇംഗ്ലണ്ടിന്റെ ലോകകപ്പ് സ്വപ്നങ്ങൾ തകർത്തത് എങ്കിൽ ഇത്തവണ ഇംഗ്ലണ്ട് കാണാൻ പോകുന്നത് ദൈവത്തിന്റെ ഇടംകാലുകൊണ്ടുള്ള വിസ്മയമാണ്...ഇംഗ്ലണ്ടിനെതിരായ അർജന്റീനയുടെ 2026 ലോകകപ്പ് സെമി ഫൈനലിന് മുൻപ് സ്വീഡിഷ് ഇതിഹാസ താരം സ്ലാട്ടൻ ഇബ്രാഹിമോവിച്ചിന്റെ വാക്കുകൾ ഇങ്ങനെയായിരുന്നു. സ്ലാട്ടന്റെ വാക്കുകൾ അക്ഷരാർഥത്തിൽ യാഥാർഥ്യമാകുന്നതാണ് അറ്റ്ലാന്റ സ്റ്റേഡിയത്തിൽ കണ്ടത്.  ഒരിക്കൽ കൂടി ലോകം ആ നീലയിലെ വെള്ളവരയൻ ജേഴ്സിയുടെ പോരാട്ടവീര്യത്തിന് സാക്ഷ്യം വഹിച്ചു. തോൽവിയുടെ അരികിൽ നിന്ന് ഫീനിക്സ് പക്ഷിയെപ്പോലെ പറന്നുയർന്ന സ്കലോനിയുടെ നിലവിലെ ചാമ്പ്യന്മാരായ അർജന്റീന, ഇംഗ്ലണ്ടിനെ 2-1 ന് തകർത്ത് ലോകകപ്പിന്റെ ഫൈനൽ ഉറപ്പിച്ചിരിക്കുന്നു. 

]]> വിഴിഞ്ഞം ഓഹരി കൈമാറ്റം: സർക്കാർ നിലപാട് ദുരൂഹം; മുഖ്യമന്ത്രിയുടെ വാദങ്ങൾ അടിസ്ഥാനരഹിതമെന്ന് പ്രതിപക്ഷ നേതാവ് https://www.sandhesam.com/Vizhinjam-share-transfer%3A-Governments-stance-is-ambiguous%3A-Opposition-leader https://www.sandhesam.com/Vizhinjam-share-transfer%3A-Governments-stance-is-ambiguous%3A-Opposition-leader Wed, 15 Jul 2026 17:17:19 +0530 Web Desk വിഴിഞ്ഞം അന്താരാഷ്ട്ര തുറമുഖത്തിലെ ഓഹരി കൈമാറ്റവുമായി ബന്ധപ്പെട്ട് താൻ ഉന്നയിച്ച ഗൗരവകരമായ ആശങ്കകൾക്ക് വസ്തുതാപരമായ മറുപടി നൽകുന്നതിന് പകരം, അടിസ്ഥാനരഹിതമായ ആരോപണങ്ങൾ ഉന്നയിക്കാനാണ് മുഖ്യമന്ത്രി ശ്രമിക്കുന്നതെന്ന് പ്രതിപക്ഷ നേതാവ് പിണറായി വിജയൻ മുഖ്യമന്ത്രിക്കെഴുതിയ കത്തിൽ ചൂണ്ടിക്കാട്ടി. കൺസഷൻ എഗ്രിമെന്റ് പ്രകാരം വിഴിഞ്ഞം പദ്ധതിയുടെ നടത്തിപ്പും പരിപാലനവും മാത്രമാണ് അദാനി ഗ്രൂപ്പിനുള്ളതെന്നും, തുറമുഖം പൂർണ്ണമായും കേരള സർക്കാരിന്റെ ഉടമസ്ഥതയിലാണെന്നുമുള്ള വസ്തുത മുഖ്യമന്ത്രി വിസ്മരിക്കരുത്. കൺസഷനയർ കമ്പനിയിൽ സർക്കാർ ഓഹരി പങ്കാളിയല്ലെന്ന് വരുത്തിത്തീർത്ത് തടിതപ്പാനാണ് മുഖ്യമന്ത്രി ശ്രമിക്കുന്നത്. തുറമുഖം കോർപ്പറേറ്റുകൾക്ക് വിട്ടുകൊടുക്കാതെ സർക്കാർ സംരക്ഷിക്കുമെന്ന നിലപാട് അസന്ദിഗ്ധമായി പ്രഖ്യാപിക്കാൻ അദ്ദേഹം തയ്യാറാകണമെന്നും പ്രതിപക്ഷ നേതാവ് ആവശ്യപ്പെട്ടു.

​വിഴിഞ്ഞം കോൺക്ലേവിനെ ഓഹരി കൈമാറ്റവുമായി ബന്ധിപ്പിക്കുന്നത് മുഖ്യമന്ത്രിയുടെ ദുസ്സൂചന നിറഞ്ഞ ദുരാരോപണമാണെന്ന് പിണറായി വിജയൻ കുറ്റപ്പെടുത്തി. 2025-ൽ തലസ്ഥാനത്ത് സംഘടിപ്പിച്ച വിഴിഞ്ഞം കോൺക്ലേവ് പോർട്ടിന്റെ പ്രവർത്തനക്ഷമതയും വ്യാവസായിക വളർച്ചയും ചർച്ച ചെയ്യാനുള്ള വേദിയായിരുന്നു. അദാനി ഗ്രൂപ്പിന്റെ ഓഹരി കൈമാറ്റം സംബന്ധിച്ച ഒരു ചർച്ചയും എൽ.ഡി.എഫ് സർക്കാരിന്റെ കാലത്ത് നടന്നിട്ടില്ലെന്ന് തുറമുഖ വകുപ്പിലെ ഫയലുകൾ പരിശോധിച്ചാൽ വ്യക്തമാകും. വസ്തുതകൾ ഇതായിരിക്കെ, ഊഹങ്ങളും അഭ്യൂഹങ്ങളും പ്രചരിപ്പിക്കുന്നത് ഒരു മുഖ്യമന്ത്രിക്ക് ചേർന്നതല്ലെന്നും അദ്ദേഹം ചൂണ്ടിക്കാട്ടി.

​കരാറിലെ 5.9 ക്ലോസ് പ്രകാരം വിഴിഞ്ഞത്തിന് 250 കിലോമീറ്ററിനുള്ളിൽ മറ്റൊരു തുറമുഖത്ത് ഓഹരി പങ്കാളിത്തമുള്ള കമ്പനിക്ക് വിഴിഞ്ഞത്ത് ഓഹരി കൈമാറാൻ നിയമപരമായ തടസ്സങ്ങളുണ്ട്. തൂത്തുക്കുടി തുറമുഖത്ത് പൂർണ്ണ അവകാശമുള്ള എം.എസ്.സി കമ്പനിയുമായുള്ള അദാനി ഗ്രൂപ്പിന്റെ നീക്കം കരാർ ലംഘനമാണ്. എന്നിട്ടും, ഇക്കാര്യത്തിൽ കൃത്യമായ നിലപാട് സ്വീകരിക്കാൻ സർക്കാർ മടിക്കുന്നതും, മുൻ സർക്കാരിന്റെ തലയിൽ കെട്ടിവെക്കാൻ ശ്രമിക്കുന്നതും ദൗർഭാഗ്യകരമാണ്. സർക്കാർ മുൻകൂർ അനുമതിയില്ലാതെ അദാനി ഗ്രൂപ്പ് സെബിക്ക് കത്ത് നൽകിയ ഗുരുതരമായ അപാകത ചൂണ്ടിക്കാട്ടിയിട്ടും, അക്കാര്യത്തിൽ മൗനം പാലിച്ചതും സർക്കാർ ഉത്തരവുകൾ പുറത്തിറക്കാൻ വൈകിയതും വലിയ ദുരൂഹതകൾക്കാണ് വഴിവെക്കുന്നത്.

​ഇതിനൊപ്പം തന്നെ, കൺസഷൻ എഗ്രിമെന്റിലെ ക്ലോസ് 5.8.1 പ്രകാരം വിഴിഞ്ഞം തുറമുഖത്ത് നോൺ-ഡിസ്ക്രിമിനേറ്ററി ആക്സസ് എല്ലാവർക്കും ലഭ്യമാണെന്ന് ഉറപ്പുവരുത്തേണ്ട ബാധ്യത കൺസഷണയർക്കുണ്ട്. കരാറിലെ ഈ വ്യവസ്ഥകൾ സ്വകാര്യ കമ്പനി കർശനമായി പാലിക്കുന്നുണ്ടെന്ന് ഉറപ്പുവരുത്തേണ്ടത് സർക്കാരിന്റെ കടമയാണ്. കമ്പനിക്ക് വഴിവിട്ട സൗജന്യങ്ങൾ നൽകി സംസ്ഥാന താൽപ്പര്യങ്ങൾ ബലികഴിക്കരുത്. ദേശീയ സുരക്ഷയെ ബാധിക്കുന്ന തരത്തിൽ സായുധ സേനകളുടെ സാന്നിധ്യത്തോട് പോർട്ട് ഓപ്പറേറ്റർമാർ നിഷേധാത്മക സമീപനം സ്വീകരിക്കുന്നത് ഗൗരവത്തോടെ കാണണം.

​വിഴിഞ്ഞം തുറമുഖം കേരളത്തിന്റെ സ്വത്താണെന്നും, അത് കുത്തക ശക്തികളുടെ പിടിയിലമരാതെ സംരക്ഷിക്കപ്പെടണമെന്നും പ്രതിപക്ഷ നേതാവ് ഓർമ്മിപ്പിച്ചു. കരാർ വ്യവസ്ഥകൾ കർശനമായി നടപ്പിലാക്കണമെന്നും, അദാനി ഗ്രൂപ്പിന്റെ കരാർ ലംഘനങ്ങൾക്കെതിരെ ശക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. വികസനപ്രവർത്തനങ്ങൾക്ക് പിന്തുണ തുടരുമെന്നും എന്നാൽ നാടിന്റെ താൽപ്പര്യങ്ങൾക്കെതിരായ ഏതു നീക്കത്തെയും ശക്തമായി എതിർക്കുമെന്നും പ്രതിപക്ഷ നേതാവ് വ്യക്തമാക്കി.

]]> സംസ്ഥാന വഖഫ് ബോർഡിൻ്റെ പ്രവർത്തനം ഹൈക്കോടതി താൽക്കാലികമായി മരവിപ്പിച്ചു https://www.sandhesam.com/The-High-Court-temporarily-freezes-the-operations-of-the-State-Waqf-Board. https://www.sandhesam.com/The-High-Court-temporarily-freezes-the-operations-of-the-State-Waqf-Board. Wed, 15 Jul 2026 16:46:17 +0530 Web Desk കൊച്ചി: സംസ്ഥാന വഖഫ് ബോർഡിന്റെ പ്രവർത്തനം താത്കാലികമായി മരവിപ്പിച്ച് ഹൈക്കോടതി. വഖഫ് ബോർഡ് പ്രവർത്തനങ്ങൾക്കെതിരെ നൽകിയ നിരവധി ഹർജികൾ പരിഗണിച്ചാണ് കോടതി നടപടി. ഭരണഘടന വിരുദ്ധമായ പ്രവർത്തങ്ങൾ അടക്കം ആരോപിച്ചായിരുന്നു ഹർജികൾ കേസിൽ ഇനിയൊരു ഉത്തരവ് ഉണ്ടാകും വരെ വഖഫ് ബോർഡ് നടപടികൾ നിർത്തിവെക്കണം. സംസ്ഥാന വഖഫ് വകുപ്പിന്റെ ജോയിന്റ് സെക്രട്ടറിക്ക് താത്കാലിക ചുമതല നൽകി കോടതി. നയപരമായ തീരുമാനങ്ങൾ പാടില്ലെന്നും മൂലധന നിക്ഷേപങ്ങളോ ചിലവോ പാടില്ലെന്നും ജുഡീഷ്യൽ സിറ്റിംഗ് നടത്താനും അനുമതി ഇല്ലെന്നും കോടതി വ്യക്തമാക്കി. കേസ് ബുധനാഴ്ച വീണ്ടും പരിഗണിക്കും.

മുൻ സർക്കാർ ചട്ട വിരുദ്ധമായി രൂപീകരിച്ച വഖഫ് ബോർഡ് പിരിച്ചു വിടണമെന്ന ഹർജിയിൽ സർക്കാരിന്റെ വിശദീകരണം ഹൈക്കോടതി തേടിയിരുന്നു. ക്രൈസ്തവ സഭകളുടെ കൂട്ടായ്മയായ ആക്‌ട്സ് നൽകിയ ഹർജിയിൽ ആയിരുന്നു നടപടി. കേരള വഖഫ് ബോർഡിൽ അമുസ്ലിം വിഭാഗത്തിൽപ്പെട്ട രണ്ട് അംഗങ്ങളെ ഉൾപ്പെടുത്താത്തതിനെതിരെ ബിജെപി സംസ്ഥാന ഉപാധ്യക്ഷൻ ഷോൺ ജോർജ്  ഹർജി നല്‍കിയിരുന്നു. 2025ലെ വഖഫ് നിയമഭേദഗതി പ്രകാരം ബോർഡിൽ രണ്ട് അമുസ്ലിം അംഗങ്ങൾ ഉണ്ടായിരിക്കണമെന്ന നിബന്ധന പാലിക്കാതെയാണ് ബോർഡ് രൂപീകരിച്ചതെന്നും നിലവിലെ ബോർഡിന്റെ പ്രവർത്തനം നിയമവിരുദ്ധമാണെന്നും ഹർജിയിൽ ചൂണ്ടിക്കാണിക്കുന്നു. 2026ൽ വഖഫ് ബോർഡ് പുന:സംഘടിപ്പിച്ചപ്പോൾ 9 പേരെയാണ് സർക്കാർ നിശ്ചയിച്ചത്. ഇതിൽ എല്ലാവരും മുസ്ലീം സമുദായത്തിൽപ്പെട്ടവരാണെന്നും ഇത് നിയമവിരുദ്ധമാണെന്നുമാണ് ഷോണിന്‍റെ വാദം.

]]> കേന്ദ്രത്തിനെതിരായ പ്രതിഷേധത്തിന് പോകാൻ പ്രത്യേക ട്രെയിൻ വാടകയ്ക്കെടുത്ത് സിപിഐ https://www.sandhesam.com/CPI-hires-a-train-for-their-cadres-travel-to-Delhi https://www.sandhesam.com/CPI-hires-a-train-for-their-cadres-travel-to-Delhi Wed, 15 Jul 2026 16:42:44 +0530 Web Desk
കേന്ദ്ര സർക്കാരിനെതിരെ ഡൽഹിയിൽ നടത്തുന്ന പ്രതിഷേധ മാർച്ചിനായി പ്രത്യേക ട്രെയിൻ വാടകയ്ക്കെടുക്കാൻ സിപിഐ സംസ്ഥാന നേതൃത്വം. 18 കോച്ചുകളുള്ള ഒരു ട്രെയിൻ പൂർണമായും വാടകയ്ക്കെടുക്കാനാണ് പാർട്ടി സംസ്ഥാന നേതൃയോഗങ്ങളിൽ തീരുമാനമായത്. ഇതിനായുള്ള പ്രാഥമിക ബുക്കിങ് തുകയായ 9 ലക്ഷം രൂപ പാർട്ടി റെയിൽവേയ്ക്ക് അഡ്വാൻസായി കൈമാറിക്കഴിഞ്ഞു.
കേരളത്തിൽ നിന്ന് ഒരു രാഷ്ട്രീയ പാർട്ടി തങ്ങളുടെ പ്രവർത്തകർക്ക് മാത്രമായി ഒരു ട്രെയിൻ ബുക്ക് ചെയ്ത് ഡൽഹിക്ക് യാത്ര തിരിക്കുന്നത് ഇതാദ്യമായാണ്. സെപ്റ്റംബർ 1നാണ് സിപിഐയുടെ ദേശീയതല പ്രതിഷേധ പരിപാടി ഡൽഹിയിൽ നിശ്ചയിച്ചിരിക്കുന്നത്.
കേരളത്തിൽ നിന്ന് ആയിരത്തഞ്ഞൂറോളം ‌പാർട്ടി പ്രവർത്തകരാണ് ഈ പ്രതിഷേധ മാർച്ചിൽ പങ്കെടുക്കുക. ഇത്രയും പേർക്ക് ഒരുമിച്ച് യാത്ര ചെയ്യാനുള്ള സൗകര്യം മുൻനിർത്തിയാണ് പ്രത്യേക ട്രെയിൻ എന്ന തീരുമാനത്തിലേക്ക് പാർട്ടി എത്തിയത്.
]]> സോളാർ കേസിൽ ​ഗുരുതര ആക്ഷേപവുമായി ടെനി ജോപ്പൻ; 'ചോദ്യം ചെയ്യാൻ വിളിച്ചപ്പോൾ ഐജി ഹേമചന്ദ്രൻ മുഖത്തടിച്ചു' https://www.sandhesam.com/Tenni-Joppan-makes-serious-allegations-in-the-solar-case https://www.sandhesam.com/Tenni-Joppan-makes-serious-allegations-in-the-solar-case Wed, 15 Jul 2026 16:30:44 +0530 Web Desk തിരുവനന്തപുരം: ഉമ്മൻ ചാണ്ടിയെ ക്രൂശിക്കാൻ വേണ്ടി തന്നെ ഉപ്രദവിച്ചുവെന്നും 13 വർഷമായി താനും കുടുംബവും അനുഭവിച്ച വേദനയ്ക്ക് പരിഹാരം ആയെന്നും ടെന്നി ജോപ്പൻ. ദൈവത്തോടു നന്ദി പറയുന്നു. അറസ്റ്റിന് മുമ്പ് ചോദ്യം ചെയ്യാൻ വിളിച്ചപ്പോൾ ഐജി ഹേമചന്ദ്രൻ തന്നെ മുഖത്തടിച്ചു. ശത്രുക്കൾ പുറത്തല്ല, ഉള്ളിൽ തന്നെയായിരുന്നുവെന്നും കോടതി വിധി ഉമ്മൻ ചാണ്ടിയ്ക്ക് സമർപ്പിക്കുന്നുവെന്നും ടെനി ജോപ്പൻ മാധ്യമങ്ങളോട് പറഞ്ഞു. സോളാർ സാമ്പത്തിക തട്ടിപ്പ് കേസിൽ ടെന്നി ജോപ്പനെ പ്രതിപ്പട്ടികയിൽ നിന്ന് ഒഴിവാക്കാൻ ഹൈക്കോടതി അനുമതി നൽകിയിരുന്നു.

ദൈവത്തിന് നന്ദിയുണ്ട്. തന്നെ കേസിൽ കുടുക്കിയത് ഉമ്മൻ ചാണ്ടിയെ ലക്ഷ്യമിട്ടാണ്. അന്ന് കുടുക്കിയവർ എല്ലാം സന്തോഷിക്കട്ടെ. താൻ ആരുടേയും പേര് പറയുന്നില്ലെന്നും ടെനി ജോപ്പൻ പറഞ്ഞു. നിലവിൽ തനിക്ക് പെൻഷൻ കിട്ടുന്നില്ല. പുതിയ സർക്കാരിന് അപേക്ഷ നൽകി കാത്തിരിക്കുകയാണെന്നും ജോപ്പൻ ഏഷ്യാനെറ്റ് ന്യൂസിനോട് പറഞ്ഞു. മല്ലേലിൽ ശ്രീധരൻ നായർ നൽകിയ കേസിൽ നിന്നാണ് ടെന്നി ജോപ്പനെ ഒഴിവാക്കിയത്. കേസിൽ മൂന്നാം പ്രതിയായിരുന്നു ഉമ്മൻചാണ്ടിയുടെ പിഎ ആയിരുന്ന ടെന്നി ജോപ്പൻ. സരിത നായർക്ക് പണം കൊടുക്കാൻ ജോപ്പൻ സമ്മർദ്ദം ചെലുത്തി എന്ന മല്ലേലി ശ്രീധരൻ നായരുടെ മൊഴിപ്രകാരമാണ് ടെന്നി ജോപ്പനെ പ്രതിചേർത്തത്. മുൻ മുഖ്യമന്ത്രി ഉമ്മൻചാണ്ടിയുടെ പിഎ ആയിരുന്ന ടെന്നി ജോപ്പൻ ഈ കേസിൽ അറസ്റ്റിലായിരുന്നു. സോളാർ കേസിൽ ഉമ്മൻചാണ്ടിയുടെ ഓഫീസുമായി ബന്ധപ്പെട്ട ഏക അറസ്റ്റായിരുന്നു ടെന്നി ജോപ്പന്റേത്.

ടെന്നി ജോപ്പനെതിനെ കേസുമായി മുന്നോട്ട് പോകാൻ താത്പര്യമില്ലെന്ന് ശ്രീധരൻ നായർ ഹൈക്കോടതി അറിയിച്ചിരുന്നു. ജോപ്പനെതിരായ കേസ് കോടതിക്ക് പുറത്ത് പരിഹരിച്ചെന്നും കോടതിയെ അറിയിച്ചു. തുടർന്നാണ് ഹൈക്കോടതി ടെന്നി ജോപ്പനെ പ്രതിപ്പട്ടികയിൽ നിന്ന് ഒഴിവാക്കാൻ അനുമതി നൽകിയത്. പത്തനംതിട്ട കോന്നി പൊലീസ് ജില്ല JFMC കോടതിയിൽ നൽകിയ കുറ്റപത്രത്തിൽ വിചാരണ തുടങ്ങിയിരുന്നില്ല. കുറ്റപത്രം റദ്ദാക്കണം എന്നാവശ്യപ്പെട്ടാണ് ടെന്നി ജോപ്പൻ ഹൈക്കോടതിയെ സമീപിച്ചത്. തിരുവഞ്ചൂർ രാധാകൃഷ്ണൻ ആഭ്യന്തരമന്ത്രിയായിരിക്കെ ഉമ്മൻ ചാണ്ടിയുടെ വിശ്വസ്തനായിരുന്ന ടെന്നി ജോപ്പന്റെ അറസ്റ്റ് വലിയ രാഷ്ട്രീയ വിവാദമായിരുന്നു.

]]> ബിജെപിയിൽ ഫണ്ട് വിവാദം പുകയുന്നു; സംസ്ഥാന സെക്രട്ടറി എം പി അഞ്ജനയ്ക്കെതിരെ കമ്മിഷൻ ആരോപണവുമായി ഓഡിയോ പുറത്ത് https://www.sandhesam.com/Fund-heist-in-Kerala-BJP https://www.sandhesam.com/Fund-heist-in-Kerala-BJP Wed, 15 Jul 2026 16:18:10 +0530 Web Desk തിരുവനന്തപുരം: സംസ്ഥാന ബിജെപിയെ പിടിച്ചുലച്ച് തെരഞ്ഞെടുപ്പ് ഫണ്ട് തിരിമറി വിവാദം. കൊടിതോരണങ്ങൾ വഴിവിട്ട് തയ്യാറാക്കിയതിന് ബിജെപി നേതാവിന് കമ്മീഷൻ കൊടുത്തതായി കമ്പനി പ്രതിനിധി പറയുന്ന പുതിയ ശബ്ദരേഖ പുറത്തുവന്നു. വിവിധ ജില്ലകളിൽ വ്യാപകമായി ഫണ്ട് വെട്ടിച്ചിട്ടും പാർട്ടി നേതൃത്വം എല്ലാം മൂടിവെക്കുന്നുവെന്നാണ് എതിർചേരിയുടെ ആക്ഷേപം. എന്നാൽ സംസ്ഥാന അധ്യക്ഷൻ വിദേശത്ത് നിന്നെത്തിയ ശേഷം ഫണ്ട് തട്ടിച്ചവർക്കെതിരെ കടുത്ത നടപടി ഉണ്ടാകുമെന്നാണ് നേതൃത്വത്തോട് അടുത്ത വൃത്തങ്ങൾ പറയുന്നത്.

ബിജെപി ദേശീയനേതൃത്വത്തെ വെട്ടിലാക്കുന്നത് അയോധ്യ ഫണ്ട് തട്ടിപ്പാണെങ്കിൽ കേരള ബിജെപിക്ക് മുന്നിലെ പ്രതിസന്ധി തെരഞ്ഞെടുപ്പ് ഫണ്ട് തിരിമറി. കേന്ദ്രം ഫ്രീയായി നൽകിയ കൊടി, തോരണങ്ങൾ വൻ തുകക്ക് താഴേ തട്ടിലേക്ക് മറിച്ചുവിറ്റു. ഇഷ്ടമുള്ള സ്വകാര്യകമ്പനികളിൽ നിന്ന് തുക കൂട്ടി കൊടിയടിച്ച് തയ്യാറാക്കി കമ്മീഷൻ കൈപ്പറ്റി. തലസ്ഥാനത്തെ വൻകിട ഹോട്ടലിൽ കൂട്ടത്തോടെ മുറി ബുക് ചെയ്ത് ഫണ്ട് തട്ടി എന്നടക്കം ഇതുവരെ പുറത്തുവന്നുകൊണ്ടിരുക്കുന്നത് വലിയ തിരിമറി. ഇതിനിടെയാണ് കൊടിയടിച്ചതിൽ കമ്മീഷൻ നൽകിയ ഒരു കമ്പനി പ്രതിനിധിയുടെ ഓഡിയോ പുറത്തുവരുന്നത്.

പാർട്ടി സംസ്ഥാന സെക്രട്ടറി എം പി അഞ്ജന മുപ്പത്തിയൊന്ന് ലക്ഷം രൂപ കമ്മിഷൻ കൈപ്പറ്റിയെന്ന് വ്യക്തമാക്കുന്ന ശബ്ദരേഖയാണ് ഇപ്പോൾ പുറത്തുവന്നിരിക്കുന്നത്. കമ്മിഷൻ നൽകിയ കമ്പനിയുടെ പ്രതിനിധിയുടേതെന്ന് കരുതുന്ന ഓഡിയോ സന്ദേശം പുറത്തായതോടെ പാർട്ടി നേതൃത്വം കടുത്ത രാഷ്ട്രീയ സമ്മർദ്ദത്തിലായി.നേരത്തെ തയ്യാറാക്കിയ കരാർ പ്രകാരം പദ്ധതിയുടെ മുഴുവൻ തുകയും കൈമാറിയ ശേഷം മാത്രമേ കമ്മിഷൻ നൽകാവൂ എന്നായിരുന്നു ആദ്യ ധാരണ. 

എന്നാൽ, കരാർ തുകയിൽ 4.65 ലക്ഷം രൂപ ബാക്കി നിൽക്കെത്തന്നെ 31 ലക്ഷം രൂപ അഞ്ജനയ്ക്ക് കമ്മിഷനായി മുൻകൂർ നൽകുകയായിരുന്നുവെന്ന് ഓഡിയോയിൽ പറയുന്നു. തെരഞ്ഞെടുപ്പ് പൂർത്തിയായ ഉടൻ തന്നെ ബാക്കി തുക റിലീസ് ചെയ്യാമെന്ന് സംസ്ഥാന സെക്രട്ടറി ഉറപ്പുനൽകിയിരുന്നതായും ശബ്ദരേഖയിൽ വ്യക്തമാക്കുന്നുണ്ട്. അതേസമയം, തെരഞ്ഞെടുപ്പ് കഴിഞ്ഞ് മാസങ്ങൾ പിന്നിട്ടിട്ടും ബാക്കി ഫണ്ട് നൽകാൻ ബിജെപി നേതൃത്വം തയ്യാറാകുന്നില്ലെന്നാണ് കമ്പനി പ്രതിനിധിയുടെ പരാതി. 

നിലവിൽ പാർട്ടിയിലെ ആരും തന്നെ തങ്ങളുടെ ഫോൺ കോളുകളോട് പ്രതികരിക്കുന്നില്ലെന്നും ഇത് തന്നെ കമ്പനിക്കുള്ളിൽ കടുത്ത പ്രതിസന്ധിയിലാക്കിയിരിക്കുകയാണെന്നും ഇയാൾ ഓഡിയോയിൽ പറയുന്നു. പാർട്ടി ആഭ്യന്തരമായി നടത്തിയ അന്വേഷണത്തിൽ തെളിവായി ലഭിച്ച ഓഡിയോ സന്ദേശമാണ് ഇപ്പോൾ മാധ്യമങ്ങളിലൂടെ പുറത്തുവന്നിരിക്കുന്നത്. ബിജെപി ഫണ്ട് തട്ടിപ്പുമായി ബന്ധപ്പെട്ട് ഉയർന്ന പുതിയ വെളിപ്പെടുത്തൽ വരും ദിവസങ്ങളിൽ സംസ്ഥാന രാഷ്ട്രീയത്തിൽ വലിയ ചർച്ചകൾക്ക് വഴിവെക്കും.

]]> ബലൂചിസ്ഥാൻ സ്വാതന്ത്ര്യം പ്രഖ്യാപിച്ചു; ഒന്നും മിണ്ടാതെ പാക്കിസ്ഥാൻ https://www.sandhesam.com/Balochistan-declares-freedom%2C-claiming-control-over-80-of-its-territories https://www.sandhesam.com/Balochistan-declares-freedom%2C-claiming-control-over-80-of-its-territories Wed, 15 Jul 2026 16:02:39 +0530 Web Desk
പാകിസ്താനിൽ നിന്ന് ബലൂചിസ്താൻ സ്വാതന്ത്ര്യം പ്രഖ്യാപിച്ചതായി അവകാശപ്പെടുന്ന പ്രസ്താവന സോഷ്യൽ മീഡിയയിൽ വ്യാപകമായി പ്രചരിക്കുന്നു. 'റിപ്പബ്ലിക് ഓഫ് ബലൂചിസ്താൻ' എന്ന പേരിൽ പുറത്തിറങ്ങിയ കത്തിൽ പ്രവിശ്യയുടെ 85 ശതമാനം പ്രദേശവും ഇപ്പോൾ തങ്ങളുടെ പൂർണ്ണ നിയന്ത്രണത്തിലാണെന്ന് ബലൂച് വിഭാഗം അവകാശപ്പെടുന്നു. എന്നാൽ, വൈറലായ കത്തിന്റെ ആധികാരികത സ്ഥിരീകരിച്ചിട്ടില്ല.
പുതിയ ഭരണകൂടം രൂപീകരിച്ചതായും സ്വന്തമായി ദേശീയ പതാക, ദേശീയ ഗാനം, കറൻസി, സ്വതന്ത്ര ഭരണസംവിധാനം എന്നിവ ബലൂചിസ്താൻ സ്വീകരിച്ചതായും കത്തിൽ പറയുന്നു.
'മാ ചുക്കായിൻ ബലൂചാനി' എന്ന ഗാനം ദേശീയ ഗാനമായി അംഗീകരിച്ചതായും 'ബലൂചി ഫലൂസ്' എന്ന പേരിൽ പുതിയ കറൻസി അവതരിപ്പിച്ചതായും കത്ത് അവകാശപ്പെടുന്നു. മേഖലയിലെ സ്വർണ്ണ-ചെമ്പ് ഖനികൾ, 150-ലധികം സജീവ വാതകപ്പാടങ്ങൾ, 1200-ലധികം കൽക്കരി ഖനികൾ എന്നിവയുൾപ്പെടെയുള്ള പ്രകൃതിവിഭവങ്ങളുടെ പൂർണ്ണ നിയന്ത്രണം പുതിയ ഭരണകൂടം ഏറ്റെടുത്തതായാണ് അവകാശവാദം.
]]> ഡോ.അനിൽ മേനോനും സംഘവും അന്താരാഷ്ട്ര ബഹിരാകാശ നിലയത്തിൽ https://www.sandhesam.com/Anil-menon-and-fellow-astronauts-boards-ISS https://www.sandhesam.com/Anil-menon-and-fellow-astronauts-boards-ISS Wed, 15 Jul 2026 15:54:37 +0530 Web Desk ആഗോള ബഹിരാകാശ ഗവേഷണ രംഗത്ത് കേരളത്തിന് അഭിമാന നിമിഷം. ചരിത്രത്തിലാദ്യമായി ഒരു മലയാളി വംശജൻ അന്താരാഷ്ട്ര ബഹിരാകാശ നിലയത്തിൽ എത്തിച്ചേർന്നു. നാസയുടെ ഇന്ത്യൻ-അമേരിക്കൻ ബഹിരാകാശ സഞ്ചാരിയായ ഡോ. അനിൽ മേനോനാണ് ഈ അപൂർവ്വ നേട്ടം കൈവരിച്ചത്. ‘എക്സ്പെഡിഷൻ 74′ ദൗത്യത്തിന്റെ ഭാഗമായി യാത്ര തിരിച്ച അനിൽ മേനോനും സംഘവും ഇന്ത്യൻ സമയം പുലർച്ചെ രണ്ട് മണിയോടെയാണ് നിലയത്തിനുള്ളിൽ പ്രവേശിച്ചത്. രണ്ട് റഷ്യൻ ബഹിരാകാശ സഞ്ചാരികളായ പ്യോത്തർ ഡുബ്രോവ്, അന്ന കിക്കിന എന്നിവരാണ് ഈ ദൗത്യത്തിൽ അനിൽ മേനോനൊപ്പമുള്ളത്. കസാഖിസ്താനിലെ ബൈക്കനൂർ കോസ്മോഡ്രോമിൽ നിന്നും വിജയകരമായി വിക്ഷേപിച്ച റഷ്യൻ നിർമ്മിത ‘സോയൂസ് എംഎസ് 29’ പേടകമാണ് ഇവരെ ലക്ഷ്യസ്ഥാനത്ത് എത്തിച്ചത്. രാത്രി 11.26 ഓടെ പേടകം വിജയകരമായി ബഹിരാകാശ നിലയവുമായി ഘടിപ്പിച്ചു. 

ഏകദേശം എട്ട് മാസക്കാലം നീണ്ടുനിൽക്കുന്ന പരീക്ഷണങ്ങൾ പൂർത്തിയാക്കി അടുത്ത വർഷം ഏപ്രിലിലായിരിക്കും ഈ സംഘം ഭൂമിയിലേക്ക് മടങ്ങുക. റഷ്യൻ ബഹിരാകാശ ഏജൻസിയായ റോസ്കോസ്മോസിന്റെ നേതൃത്വത്തിൽ നിർണായകമായ ഒട്ടേറെ വൈദ്യശാസ്ത്ര പരീക്ഷണങ്ങളാണ് ഈ ദൗത്യത്തിലൂടെ ലക്ഷ്യമിടുന്നത്. ബഹിരാകാശത്തെ പ്രതികൂല സാഹചര്യങ്ങളിൽ മനുഷ്യശരീരത്തിനുണ്ടാകുന്ന വ്യതിയാനങ്ങൾ നിരീക്ഷിക്കുക,മൈക്രോ ഗ്രാവിറ്റി അവസ്ഥയിൽ മനുഷ്യരിലെ രക്തയോട്ടം, നാഡീവ്യൂഹ ഘടന, രക്തത്തിലെ ഘടകങ്ങൾ എന്നിവയിലുണ്ടാകുന്ന മാറ്റങ്ങൾ പഠിക്കുക,നിലയത്തിലെ കുടിവെള്ളം ശുദ്ധീകരിച്ച് ഐവി ഫ്ലൂയിഡ് നിർമ്മിക്കാനുള്ള അത്യാധുനിക സാങ്കേതികവിദ്യ വികസിപ്പിക്കുക തുടങ്ങിയവയാണ് ഈ ദൗത്യത്തിന്റെ ലക്ഷ്യം. 

പാലക്കാട് ഒറ്റപ്പാലം സ്വദേശിയായ ശങ്കരൻ മേനോന്റെയും യുക്രെയ്ൻ സ്വദേശിനിയായ അമ്മയുടെയും മകനായി അമേരിക്കയിലാണ് അനിൽ മേനോൻ ജനിച്ചതും വളർന്നതും. ഹാർവാർഡ് സർവകലാശാലയിൽ നിന്ന് ന്യൂറോ ബയോളജിയിൽ ബിരുദം നേടിയ അദ്ദേഹം, സ്റ്റാൻഫോർഡ് സർവകലാശാലയിൽ നിന്ന് മെഡിക്കൽ ബിരുദവും ഒപ്പം മെക്കാനിക്കൽ എന്‍ജിനീയറിംഗിൽ ബിരുദാനന്തര ബിരുദവും കരസ്ഥമാക്കിയിട്ടുണ്ട്. യുഎസ് വ്യോമസേനയിൽ കേണലായും സേവനമനുഷ്ഠിച്ചിട്ടുണ്ട്.
എമർജൻസി മെഡിസിൻ വിദഗ്ദ്ധനായ അനിൽ, 2014‑ൽ നാസയിൽ ഫ്ലൈറ്റ് സർജനായി ചേർന്നുകൊണ്ട് ബഹിരാകാശ യാത്രികരുടെ ആരോഗ്യ പരിപാലന രംഗത്തേക്ക് പ്രവേശിച്ചു. പിന്നീട് പ്രമുഖ സ്വകാര്യ ബഹിരാകാശ കമ്പനിയായ സ്‌പേസ് എക്‌സിന്റെ ആദ്യ ഫ്ലൈറ്റ് സർജനായും മെഡിക്കൽ ഡയറക്ടറായും അദ്ദേഹം നിയമിതനായി. 2021 ഡിസംബറിലാണ് നാസയുടെ ബഹിരാകാശ യാത്രികരുടെ ഔദ്യോഗിക പാനലിലേക്ക് അനിൽ മേനോൻ തെരഞ്ഞെടുക്കപ്പെടുന്നത്. സ്‌പേസ് എക്‌സ് ജീവനക്കാരിയായ അന്ന മേനോനാണ് ഭാര്യ.

]]> ഇറാനെതിരെ വീണ്ടും US ആക്രമണം; തകർത്തുതരിപ്പണമാക്കുമെന്ന് ട്രംപ്; തിരിച്ചടിച്ച് ഇറാൻ https://www.sandhesam.com/Sheikh-Isa-Air-Base-and-the-U.S.-Fifth-Fleet-in-Bahrain-have-come-under--Iranian-missile-attacks https://www.sandhesam.com/Sheikh-Isa-Air-Base-and-the-U.S.-Fifth-Fleet-in-Bahrain-have-come-under--Iranian-missile-attacks Wed, 15 Jul 2026 15:08:38 +0530 Web Desk തെഹ്‌റാന്‍: പശ്ചിമേഷ്യയെ മുള്‍മുനയിലാക്കി ഇറാന്‍-അമേരിക്ക സംഘര്‍ഷം രൂക്ഷം. ഇറാന്റെ സിരിക്, കിഴക്കന്‍ ഹോര്‍മോസ്ഗാന്‍, ബാംപൂര്‍, ചബഹാര്‍, ബന്ദര്‍ അബ്ബാസ്, അഹ്വാസ്, ഖേഷം ദ്വീപ് എന്നിവിടങ്ങളില്‍ തുടരെ സ്‌ഫോടനങ്ങളുണ്ടായി. തുടര്‍ന്ന് ജോര്‍ദാനിലെ അമേരിക്കന്‍ താവളത്തിന് നേരെ ഇറാന്‍ തിരിച്ചടിച്ചു. ഹോര്‍മൂസിലും ആക്രമണം തുടരുകയാണ്. രണ്ട് യുഎഇ സൂപ്പര്‍ ടാങ്കറുകള്‍ ആക്രമിക്കപ്പെട്ടു. രണ്ട് അംഗങ്ങളും ആക്രമിക്കപ്പെട്ടു. നിരവധി സെയിലര്‍മാരെ കാണാനില്ലെന്നാണ് റിപ്പോര്‍ട്ട്. ഹോര്‍മൂസിലെ കപ്പല്‍ ആക്രമണങ്ങളെ അപലപിച്ച് അന്താരാഷ്ട്ര സമുദ്ര സംഘടന രംഗത്തെത്തി.

സംഘർഷം അയവില്ലാതെ തുടരുന്ന സാഹചര്യത്തിൽ ഇറാനിയൻ തുറമുഖങ്ങൾക്ക് മേൽ അമേരിക്ക വീണ്ടും ഉപരോധം ഏർപ്പെടുത്തി. ഹോർമുസ് കടലിടുക്കിലൂടെ കടന്നുപോകാൻ ശ്രമിക്കുന്ന കപ്പലുകൾക്ക് നേരെ ഇറാന്റെ ഭാ​ഗത്ത് നിന്ന് ആക്രമണങ്ങൾ ഉണ്ടാകുന്ന സാഹചര്യത്തിലാണ് യുഎസ് സൈന്യത്തിന്റെ നടപടി. മിഡിൽ ഈസ്റ്റിലുടനീളം ഇറാൻ നടത്തുന്ന തിരിച്ചടികൾക്കിടെയാണ് ഈ ഉപരോധം വരുന്നത്.

]]> വി ഡി സതീശൻ ഇനി തന്നെ കാണുന്നത് ഫോട്ടോയിൽ മാത്രമായിരിക്കും, ഇപ്പോൾ ന്യായീകരണം പറയുന്നതിൽ കാര്യമില്ലെന്നും ജി സുകുമാരൻ നായർ https://www.sandhesam.com/G-Sukumaran-nair-on-CM https://www.sandhesam.com/G-Sukumaran-nair-on-CM Wed, 15 Jul 2026 14:44:14 +0530 Web Desk ബജറ്റ് തിരക്കുകൾ ചൂണ്ടിക്കാട്ടി കൂടിക്കാഴ്ചയ്ക്ക് സമയം അനുവദിക്കാതിരുന്ന മുഖ്യമന്ത്രിവി ഡി സതീശന്റെ വിശദീകരണങ്ങളെ പൂർണ്ണമായി തള്ളി എൻഎസ്എസ് ജനറൽ സെക്രട്ടറി ജി സുകുമാരൻ നായർ രംഗത്ത്. ഇനി മുഖ്യമന്ത്രി തന്നെ കാണുന്നത് ഫോട്ടോയിൽ മാത്രമായിരിക്കും. ഔദ്യോഗിക ആവശ്യങ്ങൾക്കായി കൂടിക്കാഴ്ചയ്ക്ക് അനുമതി തേടിയപ്പോൾ മുഖ്യമന്ത്രിയുടെ ഓഫീസിൽ നിന്നും തിരികെ വിളിച്ചിരുന്നു എന്നത് വാസ്തവമാണ്. 

എന്നാൽ കൂടിക്കാഴ്ചയ്ക്കുള്ള കൃത്യമായ തീയതിയോ സമയമോ കൈമാറാൻ അവർ തയ്യാറായില്ല. ബജറ്റ് തയ്യാറെടുപ്പുകളുടെ തിരക്കായതിനാലാണ് അനുമതി നൽകാതിരുന്നതെങ്കിൽ അത് അപ്പോൾത്തന്നെ അറിയിക്കാമായിരുന്നുവെന്നും, ഇപ്പോൾ നടത്തുന്ന ന്യായീകരണങ്ങൾക്കൊന്നും യാതൊരു പ്രസക്തിയുമില്ലെന്നും അദ്ദേഹം കൂട്ടിച്ചേർത്തു.മുഖ്യമന്ത്രിയെ നേരിൽക്കണ്ട് ബോധിപ്പിക്കാൻ ഉദ്ദേശിച്ച വിഷയങ്ങളുടെ പ്രസക്തി ഇപ്പോൾ നഷ്ടപ്പെട്ടതായും, ഇനി രാഷ്ട്രീയ നേതൃത്വങ്ങളുമായി ഇത്തരമൊരു കൂടിക്കാഴ്ചയ്ക്ക് തനിക്ക് താല്പര്യമില്ലെന്നും എൻഎസ്എസ് ജനറൽ സെക്രട്ടറി വ്യക്തമാക്കി. 

]]> ഗ്രഹാം സ്റ്റെയ്ൻസിനേയും മക്കളേയും ചുട്ടുകൊന്ന ദാരാസിങ്ങിനെ വിട്ടയയ്ക്കാൻ ഒഡിഷ സർക്കാർ https://www.sandhesam.com/Murderer-of-Graham-staines-Dara-singh-to-be-released-by-Odisha-govt https://www.sandhesam.com/Murderer-of-Graham-staines-Dara-singh-to-be-released-by-Odisha-govt Wed, 15 Jul 2026 14:34:39 +0530 Web Desk ഭുവനേശ്വർ: ഓസ്‌ട്രേലിയൻ മിഷണറി ഗ്രഹാം സ്റ്റെയ്ൻസിനേയും രണ്ട് മക്കളേയും ജീവനോടെ ചുട്ടെരിച്ച കേസിൽ പ്രതി ദാരസിങ് ജയിൽ മോചിതനാവുന്നു. സ്വാതന്ത്ര്യദിനത്തോടനുബന്ധിച്ച് ഒഡിഷ സർക്കാർ ജയിൽമോചിതരാക്കുന്നവരിൽ ദാരാസിങ്ങിന്റെ പേരും പരിഗണിക്കുന്നുണ്ടെന്നാണ് റിപ്പോർട്ടുകൾ.

26 വർഷത്തിലേറെയായി താൻ ജയിലിലാണെന്നും തന്റെ മുൻകാല പ്രവൃത്തികളിൽ പശ്ചാത്താപമുണ്ടെന്നും കാണിച്ച് ദാരാ സിങ് സുപ്രീം കോടതിയിൽ അപേക്ഷ നൽകിയിരുന്നു. ദാരാ സിങ്ങിന്റെ മോചനം സംബന്ധിച്ച് തീരുമാനമെടുക്കാൻ ഒഡീഷ സർക്കാരിന്റെ സ്‌ക്രീനിങ് കമ്മിറ്റിയോട് സുപ്രീം കോടതി ആവശ്യപ്പെട്ടിട്ടുണ്ട്. ഇതിൽ ഓഗസ്ത് 19-ന് വാദം കേൾക്കും.

1999 ജനുവരി 22-ന് ഒഡീഷയിലെ കിയോഞ്ജർ ജില്ലയിലുള്ള മനോഹർപുർ ഗ്രാമത്തിൽവെച്ചാണ് ഓസ്ട്രേലിയൻ മിഷനറിയായ ഗ്രഹാം സ്റ്റെയ്ൻസിനെയും അദ്ദേഹത്തിന്റെ മക്കളായ പത്തുവയസ്സുകാരൻ ഫിലിപ്പിനെയും ആറുവയസ്സുകാരൻ തിമോത്തിയെയും ജീവനോടെ ചുട്ടുകൊന്നത്. സ്റ്റേഷൻ വാഗണിൽ ഉറങ്ങുന്നതിനിടെ ഒരു സംഘം ആളുകൾ വാഹനം വളയുകയും തീയിടുകയുമായിരുന്നു.

ദാരാസിങ് എന്നറിയപ്പെടുന്ന രവീന്ദ്ര പാൽ ആണ് ഈ കേസിൽ ശിക്ഷിക്കപ്പെട്ട പ്രധാന പ്രതി. നിലവിൽ ജീവപര്യന്തം തടവുശിക്ഷ അനുഭവിക്കുകയാണ് ഇയാൾ. കേസിലെ മറ്റൊരു പ്രതിയായിരുന്ന മഹേന്ദ്ര ഹെംബ്രമിനെ 25 വർഷത്തെ ജയിൽവാസത്തിന് ശേഷം 2025 ഏപ്രിലിൽ മോചിപ്പിച്ചിരുന്നു.

]]> ഫ്രാൻസിന്റെ ട്രിപ്പിൾ എഞ്ചിനെ പൂട്ടി സ്പെയിൻ ഫൈനലിൽ https://www.sandhesam.com/spain-enters-final https://www.sandhesam.com/spain-enters-final Wed, 15 Jul 2026 13:34:13 +0530 Web Desk 2026 ഫിഫ ലോകകപ്പിന്റെ ഗ്രൂപ്പ് ഘട്ടത്തിൽ കേപ് വെർഡെ സ്പെയ്നിനെ ഗോൾരഹിത സമനിലയിൽ തളച്ച് ലോകത്തെ വിസ്മയിപ്പിച്ചിരുന്നു. എന്നാൽ ടൂർണമെന്റുകളിലെ ഫേവറിറ്റുകളായിരുന്ന, റഷ്യൻ ലോകകപ്പിലെ ചാംപ്യന്മാരും ഖത്തർ ലോകകപ്പിലെ ഫൈനലിസ്റ്റുമായ ഫ്രാൻസിന് കേപ് വെർഡെ ചെയ്തത് പോലൊന്ന് ആവർത്തിക്കാനായില്ല. സ്പെയ്നിന്റെ കളി ശൈലിക്ക് മുൻപിൽ എംബാപ്പെയ്ക്കും സംഘത്തിനും മുട്ടുമടക്കേണ്ടി വന്നു. ആവേശകരമായ ഒന്നാം സെമി ഫൈനലിൽ മുൻ ചാമ്പ്യന്മാരായ ഫ്രാൻസിനെ എതിരില്ലാത്ത രണ്ട് ഗോളുകൾക്ക് തകർത്ത് സ്പെയിൻ ഫൈനലിൽ. 

ടെക്സാസിലെ ഡള്ളസ് സ്റ്റേഡിയത്തിൽ നടന്ന പോരാട്ടത്തിൽ മിഹേൽ ഒയാർസബാൽ, പെഡ്രോ പോറോ എന്നിവരാണ് ലാ റോജയ്ക്കായി വലകുലുക്കിയത്. 2010ൽ ലോകകിരീടം ചൂടിയതിന് ശേഷം ഇതാദ്യമായാണ് സ്പെയിൻ ലോകകപ്പിന്റെ ഫൈനലിലേക്ക് യോഗ്യത നേടുന്നത്.  ലൂയിസ് ഡി ലാ ഫുവെന്റെയുടെ കീഴിലിറങ്ങിയ സ്പെയിൻ, ഫ്രഞ്ച് പടയുടെ ആക്രമണങ്ങളുടെ മൂർച്ച കുറച്ചുകൊണ്ട് ക്ലിനിക്കൽ പ്രകടനമാണ് പുറത്തെടുത്തത്. ഈ വിജയത്തോടെ തുടർച്ചയായ മൂന്ന് ടൂർണമെന്റുകളിലാണ് (യൂറോ 2024, നേഷൻസ് ലീഗ്, ലോകകപ്പ് 2026) സ്പെയിൻ ഫ്രാൻസിനെ സെമിയിൽ പുറത്താക്കുന്നത്. 

]]> ‘തെരഞ്ഞെടുപ്പ് പരാജയം വിശദമായി ചർച്ച ചെയ്തു, പാർട്ടിക്ക് പല തലങ്ങളിൽ ജാഗ്രതകുറവ് ഉണ്ടായി’; എംഎ ബേബി https://www.sandhesam.com/Election-defeat-discussed-in-detail%2C-party-lacked-vigilance-at-many-levels-MA-Baby https://www.sandhesam.com/Election-defeat-discussed-in-detail%2C-party-lacked-vigilance-at-many-levels-MA-Baby Tue, 14 Jul 2026 19:01:34 +0530 Web Desk ന്യൂഡൽഹി: വിവിധ സംസ്ഥാനങ്ങളിൽ നടന്ന തെര‍ഞ്ഞെടുപ്പുകളുടെ ഫലം കേന്ദ്രകമ്മിറ്റിയോ​ഗം വിശദമായി വിലയിരുത്തിയെന്ന് സിപിഐ എം ജനറൽ സെക്രട്ടറി എം എ ബേബി പറഞ്ഞു. അതത് സംസ്ഥാന കമ്മിറ്റികളുടെ വിലയിരുത്തലുകളുടെ അടിസ്ഥാനത്തിൽ നിലവിലെ രാഷ്ട്രീയ സഹാചര്യങ്ങൾ കേന്ദ്രകമ്മിറ്റി ചർച്ചചെയ്തു. തെരഞ്ഞെടുപ്പിൽ പാർടിക്കുണ്ടായ ന്യൂനതകളും പ്രചാരണത്തിലെ പോരായ്മകളും സ്ഥാനാർഥി നിർണയത്തിലെ വീഴ്ചയും എല്ലാം വിശദമായി ചർച്ചചെയ്തെന്നും എം എ ബേബി വാർത്താസമ്മേളനത്തിൽ പറഞ്ഞു.

തിരിച്ചടികളെ നേരിടാനും ശക്തമായി തിരിച്ചുവരാനും പാർടി ആവശ്യമായ തിരുത്തൽനടപടികൾ സ്വീകരിക്കും. പശ്ചിമ ബം​ഗാളിലും കേരളത്തിലും ചേരുന്ന വിപുലീകൃത സംസ്ഥാന കമ്മിറ്റി യോ​ഗങ്ങളിൽ ഇത് സംബന്ധിച്ച തീരുമാനങ്ങളുണ്ടാകും. ആഗസ്ത് അവസാന ആഴ്ചയാണ് ബം​ഗാളിൽ സംസ്ഥാന കമ്മിറ്റി ചേരുന്നത്. കേരളത്തിൽ സെപ്തംബർ പകുതിയോടെയും.

രാജ്യത്തെ വിവിധ രാഷ്ട്രീയ സംഭവവികാസങ്ങളും കേന്ദ്രകമ്മിറ്റിയോ​ഗം ചർച്ചചെയ്തു. ഇന്ത്യയുടെ ജിഡിപി വളർച്ചാനിരക്ക് 6.6ശതമാനത്തിലേക്ക് താഴ്ന്നുവെന്ന് അടിവരയിടുന്നതാണ് ആർബിഐയുടെ ജൂണിലെ ബുള്ളറ്റിൻ. കാവർഷക്കെടുതിയും പ്രതിസന്ധി രൂക്ഷമാക്കും. സംസ്ഥാനങ്ങളുമായോ രാഷ്ട്രീയ പാർടികളുമായോ കൂടിയാലോചിക്കാതെയാണ് ബിജെപി സർക്കാർ ഭക്ഷ്യസുരക്ഷാ നിയമത്തിലെ ഭേദ​ഗതി അവതരിപ്പിച്ചത്. രാജ്യത്തെ ദുർബലവിഭാ​ഗങ്ങളെയും ദക്ഷിണേന്ത്യൻ സംസ്ഥാനങ്ങളെയും സാരമായി ബാധിക്കുന്നതാണ് ഈ നീക്കം. സംഘപരിവാറിന് രാജ്യത്തോടോ അവർ പറയുന്ന വിശ്വാസങ്ങളോടെ യാതൊരു ഉത്കണ്ഠയുമില്ലെന്ന് തെളിയിക്കുന്നതാണ് അയോധ്യയിലെ രാമക്ഷേത്രത്തിലെ തട്ടിപ്പ്. ക്ഷേത്രക്കൊള്ളയിലെ യഥാർത്ഥ കുറ്റവാളികളെ കണ്ടെത്തി നിയമത്തിന് മുന്നിൽ കൊണ്ടുവരണം. ജനസംഖ്യാപരമായ മാറ്റങ്ങൾ കൊണ്ടുവരുന്നതിന് ഉന്നതാധികാര സമിതിയെ രൂപീകരിച്ചത് അപകടകരമായ നീക്കമാണ്. ഈ സമിതിയിൽ വിദ​ഗ്ധരായ ആരെയും ഉൾപ്പെടുത്തിയിട്ടില്ല. ന്യൂനപക്ഷവിഭാ​ഗങ്ങളെ ലക്ഷ്യംവെച്ചുള്ള ആർഎസ്എസിന്റെ പദ്ധതിയാണിത്. ഭാവിയിൽ പൗരത്വ നിയമവുമായും ഇതിനെ ബന്ധിപ്പിച്ചേക്കും. ജർമനിയിൽ അഡോൾഫ് ഹിറ്റ്ലർ നടപ്പാക്കിയ ന്യൂറംബർഗ് നിയമങ്ങളുമായും സാദൃശ്യമുണ്ട്. ഈ നടപടികളെല്ലാം ബിജെപി സർക്കാരിന്റെ നവഫാസിസ്റ്റ് പ്രവണതകളെ തുറന്നുകാട്ടുന്നതാണ്.

കേരളത്തിലെ യുഡിഎഫ് സർക്കാര്‍ മൃദുഹിന്ദുത്വ നടപടികളാണ് സ്വീകരിക്കുനന്ത്. ​ഗവർണർ ആർഎസ്എസുകാരെ യൂണിവേഴ്സിറ്റികളിൽ വൈസ് ചാൻസലർമാരായി നിയമിച്ചപ്പോൾ സർക്കാർ യാതൊരു എതിർപ്പും ഉന്നയിച്ചില്ല. വിഴിഞ്ഞത്തെ ഓഹരിക്കൈമാറ്റം സംബന്ധിച്ച് ദുർബലമായ വാദങ്ങളാണ് സർക്കാർ ഉയർത്തുന്നത്.

കേന്ദ്ര ട്രേഡ് യൂണിയനുകളും സംയുക്ത കിസാൻ മോർ‌ച്ചയും പ്രഖ്യാപിച്ചിട്ടുള്ള ആ​ഗസ്ത് 10ലെ പ്രക്ഷോഭത്തിന് പാർടി പിന്തുണ നൽകുമെന്നും എം എ ബേബി പറഞ്ഞു.

]]> എം ജി ശ്രീകുമാറിനും ആലങ്കോട് ലീലാകൃഷ്ണനും എസ് ബി ടി ഓർമ്മക്കൂട് പുരസ്കാരങ്ങൾ https://www.sandhesam.com/SBT-Memorial-Awards-to-MG-Sreekumar-and-Alankode-Leelakrishnan https://www.sandhesam.com/SBT-Memorial-Awards-to-MG-Sreekumar-and-Alankode-Leelakrishnan Tue, 14 Jul 2026 18:17:02 +0530 Web Desk സ്റ്റേറ്റ് ബാങ്ക് ഓഫ് ട്രാവൻകൂറിൽ ജോലി ചെയ്തിരുന്ന ഓഫീസർമാരുടെ കൂട്ടായ്മയായ 'എസ് ബി ടി ഓർമ്മക്കൂടി'ന്റെ ഈ വർഷത്തെ പ്രതിഭാ പുരസ്കാരത്തിനു എം ജി ശ്രീകുമാറും സാഹിത്യ പുരസ്കാരത്തിനു ആലങ്കോട് ലീലാകൃഷ്ണനും തിരഞ്ഞെടുക്കപ്പെട്ടു. പ്രൊഫ അലിയാർ, ഡോ കെ എസ് രവികുമാർ, ജോൺ സാമൂവൽ എന്നിവരടങ്ങുന്ന ജൂറിയാണ് പുരസ്ക്കര ജേതാക്കളെ തിരഞ്ഞെടുത്തത്.

25000 രൂപയുടെ ക്യാഷ് അവാർഡ്, ആർട്ടിസ്റ്റ് ഭട്ടതിരി രൂപകൽപ്പന ചെയ്ത ശിൽപ്പം, പ്രശസ്തി പത്രം എന്നിവ അടങ്ങുന്നതാണ് പുരസ്കാരം. ജൂലൈ 25 ന് തിരുവനന്തപുരം ബിഷപ്പ് പെരേര ഹാളിൽ നടക്കുന്ന രണ്ടാമത് എസ് ബി ടി സ്മൃതി സംഗമത്തിൽ വെച്ചു പുരസ്കാരങ്ങൾ നൽകുന്നതാണ്. രാജ്യത്തിന്റെ വിവിധ ഭാഗങ്ങളിൽ നിന്നുള്ള എസ് ബി ടി യിൽ ജോലി ചെയ്തിരുന്ന അറുനൂറിൽപരം ഉദ്യോഗസ്ഥർ സംഗമത്തിൽ പങ്കെടുക്കുമെന്ന് ഓർഗനൈസിങ്ങ് കമ്മിറ്റി ഭാരവാഹികൾ അറിയിച്ചു.

പത്ര സമ്മേളനത്തിൽ ജൂറി അംഗങ്ങൾ ആയ പ്രൊഫ അലിയാർ, ഡോ കെ എസ് രവികുമാർ, ഓർമ്മക്കൂട് ഭാരവാഹികൾ ആയ പി വി ശിവൻ, ദേവി പ്രസാദ്, സാംകുട്ടി മാത്യൂസ്, ജി എസ് നായർ, സാലിയമ്മ സക്കറിയ, ഗോപാൽ, ജി ആർ ജയകൃഷ്ണൻ തുടങ്ങിയവർ പങ്കെടുത്തു.

]]> സെക്രട്ടേറിയറ്റിലേക്ക് ദിവസവുമുള്ള യാത്ര മൂലമുണ്ടാകുന്ന കടുത്ത ഗതാഗതക്കുരുക്ക്; ജയലളിതയുടെ പോയസ് ഗാർഡനിലെ വീട് വാങ്ങാൻ വിജയ് https://www.sandhesam.com/Heavy-traffic-jam-due-to-daily-commute-to-Secretariat-Vijay-to-buy-Jayalalithaas-house-in-Poes-Garden https://www.sandhesam.com/Heavy-traffic-jam-due-to-daily-commute-to-Secretariat-Vijay-to-buy-Jayalalithaas-house-in-Poes-Garden Tue, 14 Jul 2026 17:49:21 +0530 Web Desk ചെന്നൈ: തമിഴ്നാട് മുഖ്യമന്ത്രിയായി ചുമതലേയറ്റതിന് പിന്നാലെ വാർത്തകളിൽ നിറഞ്ഞ് നിൽക്കുകയാണ് വിജയ്. ഇപ്പോഴിതാ മുൻമുഖ്യമന്ത്രി ജയലളിതയുടെ പോയസ് ഗാർഡനിലെ വസതിയായ വേദ നിലയം വാങ്ങാൻ വിജയ് തയ്യാറെടുക്കുന്നെന്ന വാർത്തയാണ് പുറത്തുവരുന്നത്. ജയലളിതയുടെ വീട് സ്വന്തമാക്കാനുള്ള ആഗ്രഹം കൊണ്ടല്ല വിജയ്‌യുടെ ഈ നീക്കം, മറിച്ച് നീലാങ്കരയിലെ വീട്ടിൽ നിന്ന് സെക്രട്ടേറിയറ്റിലേക്ക് ദിവസവുമുള്ള യാത്ര മൂലമുണ്ടാകുന്ന കടുത്ത ഗതാഗതക്കുരുക്ക് ഒഴിവാക്കാനായാണിത്.

സർക്കാർ ജീവനക്കാരെ പോലെ ആഴ്ചയിൽ അഞ്ച് ദിവസവും മുഖ്യമന്ത്രി വിജയ് ഓഫീസിൽ എത്താറുണ്ട്. രാവിലെ 10 മണിയ്ക്ക് വന്നാൽ വൈകീട്ട് ആറിന് മാത്രമേ അദ്ദേഹം മടങ്ങാറുള്ളൂ. ഉച്ചഭക്ഷണവുമായി ഓഫീസിലേക്കുന്ന മുഖ്യമന്ത്രി നാട്ടിൽ ചർച്ചാവിഷയവുമാണ്. എന്നാൽ നീലാങ്കരയിലെ വീട്ടിൽ നിന്ന് സെക്രട്ടേറിയറ്റിലേക്കുള്ള യാത്ര സാധാരണക്കാർക്ക് വലിയ ബുദ്ധിമുട്ടായി മാറുകയാണ്. മുഖ്യമന്ത്രിയുടെ വാഹനവ്യൂഹത്തിന് കടന്നുപോകാൻ ഗാതഗതം നിയന്ത്രിക്കുന്നതാണ് സാധാരണക്കാരെ വലയ്ക്കുന്നത്.

നീലാങ്കരയിലെ വിജയ്‌യുടെ വീട്ടിൽ നിന്ന് സെക്രട്ടേറിയറ്റിലേക്ക് 17 കിലോമീറ്റർ ദൂരമുണ്ട്. ഇസിആർ റോഡിലൂടെയുള്ള ഈ യാത്രയിൽ മുഖ്യമന്ത്രിയുടെ വാഹനവ്യൂഹം കടന്നുപോകാൻ പോലീസ് ഗതാഗതം നിയന്ത്രിക്കുന്നത് പതിവാണ്. ഇത് വിദ്യാർഥികളെയും ഓഫീസുകളിലേക്ക് പോകുന്നവരെയും ഒരുപോലെ ബാധിക്കുന്നുണ്ട്. ഇതേത്തുടർന്ന് സെക്രട്ടേറിയറ്റിനടുത്തേക്ക് താമസം മാറമെന്ന് മുഖ്യമന്ത്രിക്ക് നിർദേശം ലഭിച്ചിരുന്നു. ഗ്രീൻവേസ് റോഡിലെ വസതികളിലേക്ക്  വിജയ് താമസം മാറിയേക്കുമെന്ന് റിപ്പോർട്ടുകളുണ്ടായിരുന്നു.

 ജയലളിതയുടെ പ്രശസ്തമായ പോയസ് ഗാർഡനിലെ 'വേദ നിലയം' എന്ന വീട് വാങ്ങാൻ വിജയ്‌യുടെ ഭാഗത്ത് നിന്ന് ചർച്ചകൾ നടക്കുന്നെന്നാണ് വാർത്തകൾ പുറത്തുവരുന്നത്. വീടിൻ്റെ ഇപ്പോഴത്തെ ഉടമ ജയലളിതയുടെ അനന്തരവളായ ദീപയാണ്. 350 കോടി രൂപയ്ക്ക് വീട് വാങ്ങാനുള്ള ചർച്ചകളാണ് ഇപ്പോൾ പുരോഗമിക്കുന്നത്. ഇടപാട് യാഥാർഥ്യമായാൽ നഗരത്തിനകത്തേക്ക് വിജയ് താമസം മാറ്റും. ഇതോടെ ഗതാഗതക്കുരുക്കിന് പരിഹാരവുമാകും.

]]> പൾസർ സുനിക്ക് തിരിച്ചടി, ശിക്ഷ മരവിപ്പിക്കണമെന്ന് ആവശ്യപ്പെട്ടുള്ള ഹർജി ഹൈക്കോടതി തള്ളി https://www.sandhesam.com/High-Court-rejects-Pulsar-Sunis-plea-seeking-suspension-of-sentence https://www.sandhesam.com/High-Court-rejects-Pulsar-Sunis-plea-seeking-suspension-of-sentence Tue, 14 Jul 2026 17:38:04 +0530 Web Desk കൊച്ചി: നടിയെ ആക്രമിച്ച കേസില്‍ ശിക്ഷ മരവിപ്പിക്കണമെന്ന് ആവശ്യപ്പെട്ടുള്ള മുഖ്യപ്രതി പൾസർ സുനിയുടെ ഹർജി തള്ളി. അപ്പീലിൽ തീരുമാനം വരുന്നതുവരെ ശിക്ഷ മരവിപ്പിക്കണമെന്ന ആവശ്യം ഹൈക്കോടതിയാണ് ഹർജി തള്ളിയത്. ഇരയുടെ അന്തസ്സും കണക്കിലെടുക്കണമെന്ന് കോടതി നിരീക്ഷിച്ചു. 20 വർഷം തടവിനാണ് പൾസർ സുനിയെ വിചാരണ കോടതി ശിക്ഷിച്ചത്. ശിക്ഷ റദ്ദാക്കണമെന്ന് ആവശ്യപ്പെട്ട് പൾസർ സുനി നൽകിയ അപ്പീൽ ഹൈക്കോടതിയുടെ പരിഗണനയിലാണ്. 

നടന്നത് ഹീനമായ കുറ്റകൃത്യമാണെന്നും ഒന്നാം പ്രതി കുറ്റക്കാരനാണെന്ന് വിചാരണ കോടതി കണ്ടെത്തിയെന്നും നടി കോടതിയിൽ ചൂണ്ടിക്കാട്ടിയിരുന്നു. ശിക്ഷ മരവിപ്പിച്ചാൽ കുറ്റകൃത്യത്തിൻ്റെ ഗൗരവം കുറച്ചു കാണുന്നുവെന്ന് കരുതപ്പെടുമെന്നും നടി വാദിച്ചു. പ്രതികളുടെ ശിക്ഷ മരവിപ്പിക്കരുതെന്ന് പ്രോസിക്യൂഷൻ കോടതിയിൽ ആവശ്യപ്പെട്ടു. ശിക്ഷ വർധിപ്പിക്കണമെന്ന അപ്പീൽ, കോടതി പരിഗണനയിലാണ്. ഒന്നാം പ്രതി കൊടും ക്രിമിനലാണ്. തുടർച്ചയായി ജാമ്യാപേക്ഷ നൽകിയതിന് പ്രതിക്ക് കോടതി പിഴയിട്ടിട്ടുണ്ട്. സുപ്രീംകോടതി ജാമ്യം നൽകി ഇറങ്ങി ഒരുമാസമാകും മുൻപ് പ്രതി വീണ്ടും മറ്റൊരു കേസിൽ പ്രതിയായി. പ്രതി സ്ഥിരം കുറ്റവാളിയാണെന്നും സർക്കാർ വാദിച്ചു. ഇരു കൂട്ടരുടേയും വാദം കേട്ട ശേഷമാണ് കോടതി ഹർജി തള്ളിയത്.

]]> സംഘർഷത്തിന് അയവില്ല യുഎസ് നാവിക ഉപരോധം തുടർന്നാൽ ആഗോള എണ്ണ വിപണി തകർക്കുമെന്ന് ഇറാൻ്റെ ഭീഷണി https://www.sandhesam.com/Iran-threatens-to-disrupt-global-oil-market-if-US-naval-blockade-continues https://www.sandhesam.com/Iran-threatens-to-disrupt-global-oil-market-if-US-naval-blockade-continues Tue, 14 Jul 2026 17:32:19 +0530 Web Desk തെഹ്റാൻ:ഹോർമുസ് കടലിടുക്കിൽ അമേരിക്ക സൈനിക ഇടപെടൽ തുടർന്നാൽ ആഗോള എണ്ണ, വാതക വിതരണം പൂർണ്ണമായും തടസ്സപ്പെടുമെന്ന് ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സിന്റെ മുന്നറിയിപ്പ്. ആഗോള ഊർജ്ജ വിപണിയെ ആശ്രയിക്കുന്ന ഇന്ത്യ ഉൾപ്പെടെയുള്ള രാജ്യങ്ങളെ ഇത് സാരമായി ബാധിക്കും.  ഇരുരാജ്യങ്ങളും തമ്മിൽ ശക്തമായ മിസൈലാക്രമണങ്ങൾ ഉണ്ടായതിന് പിന്നാലെയാണ് ഇറാൻ പുതിയ മുന്നറിയിപ്പ്.

ലോകത്തിലെ ആകെ എണ്ണ വ്യാപാരത്തിന്റെ അഞ്ചിലൊന്നും കടന്നുപോകുന്ന ഹോർമുസ് കടലിടുക്കിൽ ഇന്ത്യൻ നാവികർ ഉൾപ്പെടെയുള്ളവർ സഞ്ചരിച്ച ചരക്കുകപ്പലുകൾക്ക് നേരെ ഇതിനകം തന്നെ ആക്രമണങ്ങൾ ഉണ്ടായിട്ടുണ്ട്. മേഖലയിലെ യു.എസ് ഇടപെടൽ അവസാനിപ്പിച്ചാൽ മാത്രമേ കപ്പൽ ഗതാഗതം സാധാരണ നിലയിലാകൂ എന്നും അല്ലാത്തപക്ഷം ആഗോള ഊർജ്ജ വിപണിയിൽ വൻ പ്രതിസന്ധി ഉണ്ടാകുമെന്നും ഇറാന്റെ ഔദ്യോഗിക മാധ്യമങ്ങൾ പുറത്തുവിട്ട പ്രസ്താവനയിൽ പറയുന്നു.
ഇറാനെതിരെ നാവിക ഉപരോധം പുനഃസ്ഥാപിക്കുമെന്നും ഹോർമുസ് കടലിടുക്കിന്റെ സുരക്ഷ ഉറപ്പാക്കുന്നതിന് ഈ പാതയിലൂടെ കടന്നുപോകുന്ന ചരക്കുകപ്പലുകളിൽ നിന്ന് 20 ശതമാനം തുക ഈടാക്കുമെന്നുമുള്ള യു.എസ് പ്രസിഡന്റ് ഡൊണാൾഡ് ട്രംപിന്റെ പ്രഖ്യാപനത്തെ ഇറാൻ പൂർണ്ണമായും തള്ളി. 20 ശതമാനം തുക എന്നത് വളരെ കൂടുതലാണെന്ന് ഇറാന്റെ വിദേശകാര്യ മന്ത്രി അബ്ബാസ് അരാഗ്ചി പരിഹസിച്ചു. കടലിടുക്കിന്റെ പരമാധികാരം തങ്ങൾക്കാണെന്നും ഏകപക്ഷീയമായി നിയന്ത്രണം ഏറ്റെടുക്കാനാണ് വാഷിംഗ്ടൺ ശ്രമിക്കുന്നതെന്നും ഇറാൻ കുറ്റപ്പെടുത്തി.

 ഇറാനെതിരെ ആക്രമണം തുടർന്ന് അമേരിക്ക. ഇറാനിയൻ മാധ്യമങ്ങളുടെ റിപ്പോർട്ട് പ്രകാരം കിഷ്, ഖെഷം ദ്വീപുകൾ, ബുഷെഹർ, ബന്ദർ അബ്ബാസ് എന്നിവിടങ്ങളിൽ ശക്തമായ സ്ഫോടനങ്ങൾ റിപ്പോർട്ട് ചെയ്തതായാണ് ഇറാനിയൻ മാധ്യമങ്ങൾ റിപ്പോർട്ട് ചെയ്യുന്നത്. തെക്കൻ ഇറാനിലെ പ്രധാന തുറമുഖ നഗരമായ ബന്ദർ അബ്ബാസിന്റെ പടിഞ്ഞാറൻ ഭാഗത്ത് ഇന്ന് അഞ്ച് സ്ഫോടനങ്ങൾ ഉണ്ടായതായാണ് ഇറാന്റെ ഔദ്യോഗിക മാധ്യമമായ ഐആർഐബി റിപ്പോർട്ട് ചെയ്യുന്നത്. ഇതിനിടെ ഹോർമോസ്ഗാൻ പ്രവിശ്യയിൽ ഇന്ന് പുലർച്ചെയുണ്ടായ അമേരിക്കൻ ആക്രമണത്തിൽ ഒരേ കുടുംബത്തിലെ മൂന്ന് പേർ കൊല്ലപ്പെട്ടതായി ഇറാന്റെ ഔദ്യോഗിക മാധ്യമങ്ങൾ റിപ്പോർട്ട് ചെയ്തിട്ടുണ്ട്. ബുഷെഹർ, ചാബഹാർ, ജാസ്ക്, കോനാറക്, അബു മൂസ, ബന്ദർ അബ്ബാസ് എന്നിവിടങ്ങളിൽ ഇന്നലെ വ്യാപക ആക്രമണം നടത്തിയതാണ് അമേരിക്കൻ സൈന്യത്തിൻ്റെ അവകാശവാദം.

അമേരിക്കൻ ആക്രമണങ്ങൾക്ക് തിരിച്ചടിയായി ​ഗൾഫിലെ അമേരിക്കൻ സൈനിക താവളങ്ങളെ ലക്ഷ്യമിട്ട് ഇറാനും ആക്രമണങ്ങൾ നടത്തി. കുവൈത്ത്, ബഹ്‌റൈൻ, ജോർദാൻ എന്നിവിടങ്ങളിലെ അമേരിക്കൻ സൈനിക താവളങ്ങളെ ലക്ഷ്യമിട്ടായിരുന്നു ഇറാൻ്റെ ആക്രമണം. ഹോർമുസ് കടലിടുക്കിലൂടെ സഞ്ചരിച്ചിരുന്ന രണ്ട് കപ്പലുകളെ ലക്ഷ്യമിട്ടതായും ഇറാൻ അവകാശവാദം ഉന്നയിച്ചിട്ടുണ്ട്. അമേരിക്കൻ ആക്രമണത്തിന് പിന്നാലെ ഇറാൻ ബഹ്‌റൈനിലേക്ക് നിരവധി മിസൈൽ ആക്രമണങ്ങൾ നടത്തി. ഇറാനിൽ നിന്ന് തൊടുത്ത നാല് മിസൈലുകൾ ജോർദാന്റെ വ്യോമപ്രതിരോധ സംവിധാനം വെടിവെച്ചിട്ടുവെന്നാണ് ജോർദാന്റെ ഔദ്യോഗിക വാർത്താ ഏജൻസിയായ പെട്ര റിപ്പോർട്ട് ചെയ്യുന്നത്. യുഎഇയുടെ രണ്ട് എണ്ണകപ്പലുകൾക്ക് നേരെ ഇറാന്റെ മിസൈൽ ആക്രമണമുണ്ടായതായി യുഎഇ പ്രതിരോധ മന്ത്രാലയം സ്ഥിരീകരിച്ചിട്ടുണ്ട്. നിയന്ത്രണം വിട്ട രണ്ട് സൂപ്പർടാങ്കറുകളെ ആക്രമിച്ച് പ്രവർത്തനരഹിതമാക്കി എന്നാണ് ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സിൻ്റെ അവകാശവാദം.

അമേരിക്കൻ പ്രസിഡന്റ് ഡോണൾഡ് ട്രംപ് ഇറാനെതിരായ സൈനിക നടപടികൾ ജൂലൈ 7ന് പുനരാരംഭിച്ചതായി കോൺഗ്രസിനെ ഔദ്യോഗികമായി അറിയിച്ചു. ഹുർമുസ് കടലിടുക്കിലെ സുരക്ഷാ സാഹചര്യങ്ങൾ വഷളായതിനെത്തുടർന്ന് ഇറാനെതിരെ ശക്തമായ സൈനിക നടപടികൾ പുനരാരംഭിച്ചതായാണ് ട്രംപ് അറിയിച്ചത്. ഈ മാസം ഏഴാം തീയതി മുതൽ ഇറാൻ കേന്ദ്രങ്ങളെ ലക്ഷ്യമാക്കി സൈനിക നടപടികൾ ആരംഭിച്ചതായും, ഇത് സംബന്ധിച്ച ഔദ്യോഗിക റിപ്പോർട്ട് യു.എസ് കോൺഗ്രസിന് സമർപ്പിച്ചതായും വൈറ്റ് ഹൗസ് വ്യക്തമാക്കി.

]]> എവറസ്റ്റിൽ നിന്ന് ബഹിരാകാശത്തേക്ക്, സ്പേസ് എക്സ് മുതൽ നാസ വരെ; ചരിത്രം കുറിക്കാൻ അനിൽ മേനോൻ https://www.sandhesam.com/From-Everest-to-space%2C-from-SpaceX-to-NASA-Anil-Menon-to-make-history https://www.sandhesam.com/From-Everest-to-space%2C-from-SpaceX-to-NASA-Anil-Menon-to-make-history Tue, 14 Jul 2026 16:55:13 +0530 Web Desk വാഷിങ്ടൺ:ബഹിരാകാശ ചരിത്രത്തിലേക്ക് ആദ്യമായൊരു മലയാളി. നാസയുടെ പുതിയ ബഹിരാകാശ ദൗത്യത്തിലൂടെ ബഹിരാകാശത്തെത്തുന്ന ആദ്യ മലയാളിയെന്ന ചരിത്രനേട്ടം കുറിക്കാനൊരുങ്ങുകയാണ് നാസാ ശാസ്ത്രജ്ഞൻ അനിൽ മേനോൻ.

അമേരിക്കയിലെ മിനിയാപൊളിസിൽ ജനിച്ചുവളർന്ന അനിലിന് എന്താണ് മലയാളി ബന്ധം. അനിലിന്റെ പിതാവ് ശങ്കരൻ മേനോൻ പാലക്കാട് ഒറ്റപ്പാലം സ്വദേശിയാണ്. മുതുമുത്തച്ഛൻ പ്രശസ്ത നിയമജ്ഞനും സ്വാതന്ത്ര്യസമര സേനാനിയുമായ സർ ചേറ്റൂർ ശങ്കരൻ നായർ. അമ്മ എലിസബത്ത് ഉക്രെയ്നിൽ നിന്ന് അമേരിക്കയിലേക്ക് കുടിയേറിയ വ്യക്തിയാണ്. പലതവണ കേരളത്തിലെത്തിയിട്ടുണ്ട്. "ബഹിരാകാശത്തുനിന്ന് കേരളത്തിന്റെ മനോഹരമായ തീരപ്രദേശങ്ങളും കായലുകളും കാണാൻ ഞാൻ കാത്തിരിക്കുകയാണ്" എന്നാണ് അനിലിന്റെ വാക്കുകൾ.

ബഹിരാകാശ യാത്രികനിലേക്കെത്തും മുൻപ് ആരായിരുന്നു അനിൽ മേനോൻ? ഹാർവഡിൽ നിന്ന് ന്യൂറോബയോളജിയിൽ ബിരുദം നേടി. സ്റ്റാൻഫഡിൽനിന്ന് മെക്കാനിക്കൽ എൻജിനീയറിങിൽ മറ്റൊരു ബിരുദം. പിന്നീട് മെഡിക്കൽ സ്കൂളിൽനിന്ന് മെഡിക്കൽ യോഗ്യത നേടി. എമർജൻസി മെഡിസിൻ ഫിസിഷ്യനായി. എയ്‌റോസ്‌പേസ് മെഡിസിനിൽ ആഴത്തിലുള്ള പഠനം നടത്തി. നാഡീവ്യവസ്ഥയെ ദുർബലമാകുന്ന ഹണ്ടിങ്ടൻ ഡിസീസ് എന്ന രോഗാവസ്ഥയെപ്പറ്റി നടത്തിയ ഗവേഷണം ശ്രദ്ധേയമായി.

യുഎസ് എയർഫോഴ്‌സിൽ പ്രവർത്തിക്കുന്നതിനിടെ ഓപ്പറേഷൻ എൻഡ്യൂറിങ് ഫ്രീഡത്തിന്റെ ഭാഗമായി അഫ്ഗാനിസ്ഥാനിലും ജോലി ചെയ്തു. ഈ സമയം ഹെയ്റ്റിയിലും നേപ്പാളിലുമുൾപ്പെടെ ഭൂകമ്പ രക്ഷാദൗത്യങ്ങളിൽ പങ്കെടുത്തിരുന്നു. എവറസ്റ്റിൽ പർവതാരോഹകർക്ക് വൈദ്യസഹായം നൽകുന്ന ഹിമാലയൻ റെസ്‌ക്യൂ അസോസിയേഷനിലും പ്രവർത്തിച്ചിട്ടുണ്ട്. പോളിയോ പ്രതിരോധ കുത്തിവെപ്പ് പ്രവർത്തനങ്ങൾക്കായി റോട്ടറി അംബാസേഡോറിയൽ സ്‌കോളർ എന്ന നിലയിൽ ഒരു വർഷം ഇന്ത്യയിലും ചിലവഴിച്ചു. പൈലറ്റായി 1,000 മണിക്കൂറിലധികം പ്രവർത്തിച്ച അനിൽ സർട്ടിഫൈഡ് ഫ്ലൈറ്റ് ഇൻസ്ട്രക്ടർ കൂടിയാണ്.

2014-ലാണ് ഫ്ലൈറ്റ് സർജനായി നാസയിൽ ചേരുന്നത്. അവിടെ ഐഎസ്എസിലെ ബഹിരാകാശയാത്രികരോടൊപ്പം പ്രവർത്തിച്ചു. 2018-ൽ സ്പേസ് എക്സിലേക്ക്. ആദ്യത്തെ ഫ്ലൈറ്റ് സർജനും പിന്നീട് അതിന്റെ മെഡിക്കൽ ഡയറക്ടറുമായി. സ്‌പേസ്എക്‌സിനെ ആദ്യത്തെ മനുഷ്യരഹിത ബഹിരാകാശ ദൗത്യങ്ങൾക്കായി തയ്യാറെടുക്കുന്നതിന് പിന്തുണ നൽകി. സ്‌പേസ് എക്‌സിന്റെ ആദ്യത്തെ ക്രൂ വിക്ഷേപണമായ ഡെമോ-2, ലോകത്തിലെ ആദ്യത്തെ സിവിലിയൻ ഓർബിറ്റൽ ഫ്ലൈറ്റ് ആയ ഇൻസ്പിരേഷൻ4 തുടങ്ങിയ ദൗത്യങ്ങളിലും പങ്കാളിയായി. ചന്ദ്രനിലേക്കും ചൊവ്വയിലേക്കുമുള്ള ഭാവി ദൗത്യങ്ങൾക്കായി രൂപകൽപ്പന ചെയ്ത ഹെവി-ലിഫ്റ്റ് ലോഞ്ച് സംവിധാനമായ സ്റ്റാർഷിപ്പിന്റെ വികസനത്തിന് പിന്നിലും അദ്ദേഹത്തിന്റെ സംഭാവനകളുണ്ട്. അങ്ങനെ പ്രായോഗിക തലത്തിൽ പ്രവർത്തിച്ചുള്ള പരിചയം ഒരുപാടുണ്ട്. 2021-ൽ നാസയുടെ ബഹിരാകാശ യാത്രികനായി അനിൽ തിരഞ്ഞെടുക്കപ്പെട്ടു. 12,000-ത്തിലധികം അപേക്ഷകരിൽ നിന്ന് ആസ്ട്രോനട്ട് ഗ്രൂപ്പ് 23-ൽ ചേരാൻ നാസ തിരഞ്ഞെടുത്ത വ്യക്തി. അങ്ങനെ രണ്ടു വർഷത്തെ പരിശീലനവും നേടി.

അദ്ദേഹത്തിന്റെ ഭാര്യ അന്ന മേനോനും ബഹിരാകാശ സഞ്ചാരിയാണ്. 2024 സെപ്തംബറിൽ സ്‌പേസ്എക്‌സ് പോളാരിസ് ഡോൺ സ്വകാര്യ ദൗത്യത്തിന്റെ ഭാഗമായി അന്ന ഏകദേശം അഞ്ച് ദിവസം ഭ്രമണപഥത്തിൽ സഞ്ചരിച്ചിരുന്നു.

കസാക്കിസ്ഥാനിലെ ബൈക്കോനൂർ കോസ്മോഡ്രോമിൽ നിന്ന് റോസ്കോസ്മോസ് സോയൂസ് എംഎസ്-29 എന്ന പേടകത്തിലാണ് അനിൽ മേനോന്റെ സ്വപ്നയാത്ര. എട്ടുമാസം നീണ്ടുനിൽക്കുന്ന ദൗത്യത്തിൽ റഷ്യൻ സഞ്ചാരികളായ പ്യോട്ടർ ദുബ്രോവ്, അന്ന കികിന എന്നിവരും ഒപ്പമുണ്ടാകും. ബഹിരാകാശനിലയത്തിലെ ഫ്ലൈറ്റ് എൻജിനീയറുടെ പതിവ് ജോലികൾക്ക് പുറമെ മൈക്രോ ഗ്രാവിറ്റിയിൽ മനുഷ്യശരീരത്തിന്റെ രക്തയോട്ടത്തിലുണ്ടാകുന്ന മാറ്റങ്ങളെക്കുറിച്ച് അദ്ദേഹം ഗവേഷണം നടത്തും. സൂക്ഷ്മഗുരുത്വാകർഷണത്തിൽ ശരീരത്തിലെ ദ്രാവകങ്ങൾ മുകൾഭാഗത്തേക്ക് തള്ളപ്പെടുന്നതും പഠനവിധേയമാക്കും. കുടിവെള്ളത്തിൽ നിന്ന് ഐവി ഫ്ലൂയിഡുകൾ നിർമ്മിക്കാനുള്ള സാങ്കേതികവിദ്യയും, ആർട്ടിഫിഷ്യൽ ഇൻ്റലിജൻസ് ഉപയോഗിച്ചുള്ള മെഡിക്കൽ പരിശോധനകളും ഭാവിയിലെ ദീർഘദൂര ദൗത്യങ്ങൾക്ക് സഹായകമാകുന്ന പുതിയ മെഡിക്കൽ സാങ്കേതികവിദ്യകളും പരീക്ഷിക്കും.

]]> കണ്ഠരര് രാജീവരുടെ മകന്‍ ബ്രഹ്മദത്തന്‍ ശബരിമല തന്ത്രി ആയേക്കും; എതിര്‍പ്പില്ലെന്ന് ബോര്‍ഡ് https://www.sandhesam.com/KANDARARU-BRAHMADATHAN-MAY-BECOME-THE-NEXT-SABARIAMALA-THANTHRY https://www.sandhesam.com/KANDARARU-BRAHMADATHAN-MAY-BECOME-THE-NEXT-SABARIAMALA-THANTHRY Tue, 14 Jul 2026 16:21:45 +0530 Web Desk പത്തനംതിട്ട: ഈ മണ്ഡല മകരവിളക്ക് സീസണില്‍ കണ്ഠരര് രാജീവരുടെ മകന്‍ കണ്ഠരര് ബ്രഹ്മദത്തന്‍ ശബരിമല തന്ത്രി ആയേക്കും. ശബരിമല തന്ത്രിയായി എത്തേണ്ടിയിരുന്ന കണ്ഠരര് രാജീവര്‍ക്ക് പകരം അദ്ദേഹത്തിന്റെ മകനെ തന്ത്രി ആക്കണമെന്ന ആവശ്യത്തെ തിരുവിതാംകൂര്‍ ദേവസ്വം ബോര്‍ഡിലെ ഭൂരിഭാഗം പേരും അനുകൂലിച്ചതായാണ് റിപ്പോര്‍ട്ട്. അതേസമയം താഴമണ്‍ കുടുംബത്തെ തന്ത്രി സ്ഥാനത്ത് നിന്നും മാറ്റേണ്ട സാഹചര്യം ഇല്ലെന്ന് ബോര്‍ഡ് കോടതിയെ അറിയിക്കുമെന്നാണ് സൂചന. വിഷയത്തില്‍ അന്തിമ തീരുമാനമെടുക്കേണ്ടത് ഹൈക്കോടതി ദേവസ്വം ബെഞ്ചാണ്.

അതേസമയം, ശബരിമല തന്ത്രിയാകാന്‍ ബ്രഹ്മദത്തന്‍ യോഗ്യനാണെന്ന് ദേവസ്വം ബോര്‍ഡ് പ്രസിഡന്റ് കെ ജയകുമാര്‍ പറഞ്ഞു. ബ്രഹ്മദത്തനെ തന്ത്രിയാക്കാന്‍ ബോര്‍ഡിന് വിരോധമില്ലെന്നും അദ്ദേഹം അഭിപ്രായപ്പെട്ടു. കോടതി നിരീക്ഷിക്കുന്ന കേസ് ആയതുകൊണ്ട് കോടതിയുടെ അഭിപ്രായം തേടുമെന്നും താഴമണ്‍ കുടുംബത്തെ അപകീര്‍ത്തിപ്പെടുത്തേണ്ട കാര്യമില്ലെന്നും അദ്ദേഹം പ്രതികരിച്ചു.

തന്ത്രി ആരാകണം എന്ന കാര്യം ഹൈക്കോടതി തീരുമാനിക്കുമെന്നാണ് ദേവസ്വം ബോര്‍ഡ് മെമ്പര്‍ പി ഡി സന്തോഷ് കുമാര്‍ പ്രതികരിച്ചത്. സ്വര്‍ണ്ണക്കൊള്ളയുമായി ബന്ധപ്പെട്ട് രണ്ട് കേസുകളില്‍ കണ്ഠരര് രാജീവര്‍ പ്രതി ആണ്. താഴമണ്‍ കുടുംബത്തെ മാറ്റുന്ന കാര്യം കൂട്ടായി എടുക്കേണ്ട തീരുമാനമാണെന്നും അദ്ദേഹം പറഞ്ഞു. വിഷയത്തില്‍ തനിക്ക് വ്യക്തിപരമായി അഭിപ്രായമില്ലെന്നും കോടതി എന്താണോ പറയുന്നത് അത് അനുസരിച്ച് തീരുമാനിക്കുമെന്നുമാണ് സന്തോഷ് പ്രതികരിച്ചത്.

കഴിഞ്ഞ ദിവസമാണ് ശബരിമല തന്ത്രി സ്ഥാനത്ത് നിന്നും തന്നെ ഒഴിവാക്കണമെന്ന് ആവശ്യപ്പെട്ട് കണ്ഠരര് രാജീവര് തിരുവിതാംകൂര്‍ ദേവസ്വം ബോര്‍ഡിന് കത്ത് നല്‍കിയത്. പകരം മകന്‍ ബ്രഹ്മദത്തന് തന്ത്രിസ്ഥാനം നല്‍കണമെന്നും കണ്ഠരര് രാജീവര് ആവശ്യപ്പെട്ടു. ഊഴമനുസരിച്ച് ഈ മണ്ഡല മകരവിളക്ക് സീസണില്‍ തന്ത്രിയായി എത്തേണ്ടത് കണ്ഠരര് രാജീവര് ആയിരുന്നു. എന്നാല്‍ അനാരോഗ്യം മൂലം തനിക്ക് തന്ത്രിസ്ഥാനത്തു നിന്ന് ചടങ്ങുകള്‍ ചെയ്യാന്‍ ബുദ്ധിമുട്ടുണ്ടെന്നാണ് കത്തില്‍ പറയുന്നത്.

ശബരിമലയുടെ താന്ത്രികാവകാശമുള്ള താഴമണ്‍ മഠത്തിലെ കണ്ഠരര് മോഹനരും രാജീവരും ആണ് തന്ത്രിസ്ഥാനം വഹിച്ച് വന്നിരുന്നത്. പിന്നീട് കണ്ഠരര് മോഹനര്‍ മാറി പകരം മകന്‍ കണ്ഠരര് മഹേഷ് മോഹനര്‍ക്കായി ചുമതല. പിന്നാലെയാണ് കണ്ഠരര് രാജീവരും തന്ത്രിസ്ഥാനം മകന് നല്‍കണമെന്ന ആവശ്യവുമായി രംഗത്തെത്തിയിട്ടുള്ളത്.

kandararu brahmadathan
കണ്ണൂർ സർവ്വ
]]> ജയിലിൽ നിന്ന് സത്യപ്രതിജ്ഞ, ചരിത്രം കുറിച്ച് സു​ഗതൻ; സംസ്ഥാനത്ത് ആദ്യം https://www.sandhesam.com/Sugathan-takes-oath-from-jail%2C-creates-history-first-in-the-state https://www.sandhesam.com/Sugathan-takes-oath-from-jail%2C-creates-history-first-in-the-state Tue, 14 Jul 2026 16:11:26 +0530 Web Desk

തൃശൂര്‍: തിരുവനന്തപുരം കോര്‍പ്പറേഷന്‍ കൗണ്‍സിലറായി ബിജെപിയിലെ ആര്‍ സുഗതന്‍ വീണ്ടും സത്യപ്രതിജ്ഞ ചെയ്തു. വിയ്യൂര്‍ സെന്‍ട്രല്‍ ജയിലിലെ സെന്‍ട്രല്‍ ഹാളില്‍ വെച്ചായിരുന്നു സത്യപ്രതിജ്ഞ. മേയര്‍ വി വി രാജേഷ് സത്യവാചകം ചൊല്ലിക്കൊടുത്തു. ഈശ്വരനാമത്തിലാണ് സുഗതന്‍ സത്യപ്രതിജ്ഞ ചെയ്തത്.

വിയ്യൂര്‍ ജയിലിലെ ലൈബ്രറി ഹാളില്‍ മൂന്നു ചെയറുകളാണ് സജ്ജീകരിച്ചിരുന്നത്. മേയര്‍ വി വി രാജേഷ്, കോര്‍പ്പറേഷന്‍ സെക്രട്ടറി, ജയില്‍ സൂപ്രണ്ടിന്റെ ചുമതലയുള്ള രാജേഷ് കുമാര്‍ എന്നിവരാണ് ഡയസില്‍ ഇരുന്നത്. തിരുവനന്തപുരം വാഴോട്ടുകോണം കൗണ്‍സിലറാണ് സുഗതന്‍. കാപ്പാ കേസില്‍ തടവിലായി വിയ്യൂര്‍ സെന്‍ട്രല്‍ ജയിലിലാണ് സുഗതനുള്ളത്.

ഈ മാസം സത്യപ്രതിജ്ഞ ചെയ്തില്ലെങ്കില്‍ സുഗതന്‍ അയോഗ്യനാക്കപ്പെടുമായിരുന്നു. ഈ സാഹചര്യത്തിലാണ് സത്യപ്രതിജ്ഞ ചെയ്യാന്‍ അനുമതി തേടി സുഗതന്‍ കോടതിയെ സമീപിച്ചത്. വധശ്രമക്കേസിലും പൊലീസിനെ ആക്രമിച്ച കേസിലും നെടുമങ്ങാട് കോടതി സുഗതന് ഒരു ദിവസത്തെ ജാമ്യം അനുവദിച്ചിരുന്നു. എന്നാല്‍ കാപ്പാ കേസുള്ളതിനാല്‍ ജയില്‍ മോചിതനാക്കാന്‍ കഴിയാത്ത സാഹചര്യത്തില്‍, ജയിലില്‍ തന്നെ സത്യപ്രതിജ്ഞ ചെയ്യാന്‍ അനുവദിക്കുകയായിരുന്നു.

തിരുവനന്തപുരം കോര്‍പ്പറേഷനില്‍ സുഗതന്‍ ഉള്‍പ്പെടെ ബിജെപി ഭരണമുന്നണിക്ക് 101 അംഗങ്ങളാണുള്ളത്. സുഗതന് വീണ്ടും സത്യപ്രതിജ്ഞ ചെയ്യാന്‍ ഹൈക്കോടതി അനുമതി നല്‍കിയത് ബിജെപിക്ക് ആശ്വാസമാണ്. നേരത്തെ ഹിന്ദു ദൈവങ്ങളുടെയും ബലിദാനികളുടേയും പേരില്‍ സത്യപ്രതിജ്ഞ ചെയ്തതിനാല്‍ സുഗതന്‍ അടക്കമുള്ളവരുടെ കൗണ്‍സിലര്‍ സ്ഥാനം ഹൈക്കോടതി റദ്ദാക്കിയിരുന്നു. വീണ്ടും സത്യപ്രതിജ്ഞ ചെയ്യാന്‍ കോടതി ഉത്തരവിടുകയായിരുന്നു.

]]> റിലീസിനു മുന്നേ മുന്നൂറു കോടി കളക്ഷനുമായി സൂര്യ ചിത്രം 'വിശ്വനാഥൻ ആൻ്റ് സൺസ്' https://www.sandhesam.com/Suriyas-film-Vishwanathan-and-Sons-collects-Rs-300-crores-before-release https://www.sandhesam.com/Suriyas-film-Vishwanathan-and-Sons-collects-Rs-300-crores-before-release Tue, 14 Jul 2026 15:44:40 +0530 Web Desk സൂര്യയെ നായകനാക്കി സൂപ്പർ ഹിറ്റ് തെലുങ്ക് സംവിധായകൻ വെങ്കി അറ്റ്ലൂരി ഒരുക്കുന്ന 'വിശ്വനാഥ് ആൻഡ് സൺസ്' റിലീസിനൊരുങ്ങുക yuയാണ്. ഓഗസ്റ്റ് 14 നാണ് ചിത്രത്തിന്റെ ആഗോള റിലീസ്. ചിത്രം കേരളത്തിൽ പ്രദർശനത്തിന് എത്തിക്കുന്നത് ന്യൂ സൂര്യ ഫിലിംസാണ്. ഇപ്പോഴിതാ ചിത്രത്തിൻറെ റീ സെയിൽ കണക്കുകൾ പുറത്തുവന്നിരിക്കുകയാണ്. റിലീസിന് മുൻപ് തന്നെ പ്രീ സെയിലിലൂടെ 300 കോടിയാണ് ചിത്രം നേടിയതെന്നാണ് ഡിടി നെക്സ്റ്റ് റിപ്പോർട്ട്.

മലയാളി താരം മമിത ബൈജു നായികയായി എത്തുന്ന ചിത്രം, ഫോർച്യൂൺ ഫോര്‍ സിനിമാസുമായി ചേര്‍ന്ന്, സിതാര എന്‍റര്‍ടെയ്ന്‍‍മെന്‍റ്സ് ബാനറിൽ സൂര്യദേവര നാഗ വംശി, സായ് സൗജന്യ എന്നിവരാണ് നിർമ്മിച്ചിരിക്കുന്നത്. ശ്രീകര സ്റ്റുഡിയോസ് ആണ് ചിത്രം അവതരിപ്പിക്കുന്നത്. അടുത്തിടെ ചിത്രത്തിലെ ആദ്യ ഗാനമായ 'പട്ടാമ്പൂച്ചി'യുടെ ലിറിക്കൽ വീഡിയോ പുറത്ത് വരികയും മികച്ച പ്രേക്ഷക പ്രതികരണം നേടുകയും ചെയ്തിരുന്നു. ദേശീയ അവാർഡ് ജേതാവായ ജി വി പ്രകാശ് കുമാർ ആണ് ഗാനത്തിന് സംഗീതം ഒരുക്കിയത്. നായികയായ മമിത ബൈജുവിൻ്റെ നൃത്തമാണ് ഈ ചടുലമായ പ്രണയ ഗാനത്തിൻ്റെ ഹൈലൈറ്റ്.

സൂര്യയുടെ കരിയറിലെ നാല്പത്തിയാറാം ചിത്രമായി എത്തുന്ന വിശ്വനാഥ് ആൻഡ് സൺസ്, ബ്ലോക്ക്ബസ്റ്റർ ഹിറ്റായ ലക്കി ഭാസ്കറിന് ശേഷം വെങ്കി അറ്റ്ലൂരി ഒരുക്കുന്ന ചിത്രമാണ്. സംവിധായകൻ വെങ്കി അറ്റ്ലൂരി തന്നെയാണ് ചിത്രം രചിച്ചിരിക്കുന്നതും. രവീണ ടണ്ഡന്‍, രാധിക ശരത്കുമാര്‍, ഭവാനി ശ്രീ എന്നിവരാണ് ചിത്രത്തിലെ മറ്റു താരങ്ങൾ. ഒരു പക്കാ ഫാമിലി എന്റെർറ്റൈനെർ ആയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇതിന്റെ ടീസർ, പോസ്റ്ററുകൾ എന്നിവ നൽകുന്നത്.

ചിത്രത്തിന്റെ ഒടിടി റൈറ്റ്‍സ് നെറ്റ്ഫ്ലിക്സ് ആണ് സ്വന്തമാക്കിയത്. ഛായാഗ്രഹണം - നിമിഷ് രവി, സംഗീതം- ജി വി പ്രകാശ് കുമാർ, എഡിറ്റർ - നവീൻ നൂലി, പ്രൊഡക്ഷൻ ഡിസൈനർ - ബംഗ്ലാൻ, എക്സിക്യൂട്ടീവ് പ്രൊഡ്യൂസർ - യലമഞ്ചിളി ഗോപാല കൃഷ്ണ (നാനി), ലൈൻ പ്രൊഡ്യൂസർ - കരുമാഞ്ചി ഉമാ മഹേശ്വര റാവു, കലാസംവിധായകർ - ശിവ കാമേഷ് ഡി, ജിത്തു സെബാസ്റ്റ്യൻ, ഫൈറ്റ് മാസ്റ്റർ - വി. വെങ്കട്ട്, നൃത്തസംവിധാനം - ശേഖർ വിജെ, വിജയ് ബിന്നി, സംഭാഷണങ്ങൾ - കെ. എൻ. വിജയകുമാർ, ചീഫ് കോ-ഡയറക്റ്റർ - ശ്രീവാസ്തവ , കോ-ഡയറക്ടർ - അഞ്ജി ചോഡപനിഡി, വിഎഫ്എക്സ് സൂപ്പർവൈസർ - വാസുദേവ റാവു മൊജ്ജാദ, ഡിഐ - ന്യൂബ് സ്റ്റുഡിയോസ്, കളറിസ്റ്റ് - വൈശാഖ് ശിവ, ഡോൾബി അറ്റ്മോസ് മിക്സ് - ടി. ഉദയ് കുമാർ, ടീസർ കട്ട് - ബലറാം കൃഷ്ണൻ, വിഷ്ണു രാമഗിരി, നിഖിൽ നാദെല്ല, ചീഫ് അസോസിയേറ്റ് എഡിറ്റർ - ബലറാം കൃഷ്ണൻ, അസോസിയേറ്റ് എഡിറ്റർ - ശ്രീനിവാസ് നദിമിണ്ടി, ഡയറക്ഷൻ ഡിപ്പാർട്ട്മെന്റ് - വിജയകുമാർ, ബാലയ്യ ഡി രാജശേഖർ, രാമറാവു ആലുബെല്ലി, രാം സന്ദീപ് വർമ്മ ജമ്പാന, രമേഷ് അഗുരി, നവീൻ ഈദാര, സായ് ചരൺ വണ്ടവസു, റിഷ ചെറുകുരി, ശിവ ശങ്കർ, അനീഷ് ദേവൻപള്ളി, കലാൽ വെങ്കി ഗൌഡ്, ഡിഒപി ടീം - ആൻസൺ ടൈറ്റസ്, ഹെമിൽ സുഗുനൻ, അഭിജിത് ഷാബു, നിഖില ലാൽകുമാർ, ഹരി ബാബു, പ്രവീൺ, കോസ്റ്റ്യൂം ഡിസൈനർമാർ - അർച്ചന റാവു, സന്ധ്യ സബ്ബവരപു, മോഷൻ ജിഎഫ്എക്സ് - സബാരി രാമിറോ, പ്രൊഡക്ഷൻ കൺട്രോളർ - രുദ്രേഷ് എസ്, പബ്ലിസിറ്റി ഡിസൈനർ - കബിലൻ, ഡിജിറ്റൽ മാർക്കറ്റിംഗ് - സന്ദീപ് കുൽക്കർണി, 

]]> 1000 മിസൈലുകൾ ‘ലോഡഡ്‌’; തന്നെ വധിക്കാനുള്ള നീക്കത്തിൽ ഇറാന് മുന്നറിയിപ്പുമായി ട്രംപ് https://www.sandhesam.com/1000-Missiles-are-Locked-and-Loaded-and-aimed-at-the-Islamic-Republic-of-Iran%3A-Trump https://www.sandhesam.com/1000-Missiles-are-Locked-and-Loaded-and-aimed-at-the-Islamic-Republic-of-Iran%3A-Trump Sat, 11 Jul 2026 11:42:26 +0530 Web Desk വാഷിങ്ടൺ: തന്നെ വധിക്കാൻ ഇറാൻ ശ്രമിച്ചാൽ രാജ്യത്തെ പൂർണമായും തകർക്കാൻ 1,000 മിസൈലുകൾ സജ്ജമാക്കി നിർത്തിയിട്ടുണ്ടെന്ന കടുത്ത മുന്നറിയിപ്പുമായി യുഎസ് പ്രസിഡന്റ് ഡൊണാൾഡ് ട്രംപ്. തന്റെ ഔദ്യോഗിക സോഷ്യൽ മീഡിയ പ്ലാറ്റ്‌ഫോമായ ‘ട്രൂത്ത് സോഷ്യൽ’ വഴിയാണ് ട്രംപ് ഇക്കാര്യം വ്യക്തമാക്കിയത്. യുഎസ് പ്രസിഡന്റിനെ വധിക്കാൻ ഇറാൻ ശ്രമിക്കുകയാണെങ്കിൽ ആ രാജ്യത്തെ തകർക്കാനുള്ള കൃത്യമായ ഉത്തരവുകൾ നൽകിക്കഴിഞ്ഞുവെഎന്നും യുഎസ് സൈന്യം ഇതിനായി പൂർണ സജ്ജമാണെന്നും ട്രംപ് പറഞ്ഞു.

“അമേരിക്കൻ ഐക്യനാടുകളുടെ നിലവിലെ പ്രസിഡന്റിനെ, അതായത് എന്നെ വധിക്കാനോ അതിന് ശ്രമിക്കാനോ ഇറാൻ സർക്കാർ മുതിർന്നാൽ, ഇസ്ലാമിക് റിപ്പബ്ലിക് ഓഫ് ഇറാന് നേരെ 1,000 മിസൈലുകൾ ലക്ഷ്യം വെച്ച് സജ്ജമാക്കി നിർത്തിയിട്ടുണ്ട്. തൊട്ടുപിന്നാലെ ആയിരക്കണക്കിന് മിസൈലുകൾ വേറെയും കുതിക്കും. ഇതിനായുള്ള ഉത്തരവുകൾ നൽകിക്കഴിഞ്ഞു. ഇറാന്റെ എല്ലാ മേഖലകളും പൂർണമായും തുടച്ചുനീക്കാനും നശിപ്പിക്കാനും യുഎസ് സൈന്യം തയ്യാറാണ്. തൽക്കാലം ഒരു വർഷത്തേക്കാണ് ഈ ഉത്തരവ്, ഇത് നീട്ടാനും സാധ്യതയുണ്ട്,” ട്രംപ് സോഷ്യൽ മീഡിയയിൽ കുറിച്ചു.

തനിക്കെതിരെയുള്ള വധശ്രമം വിജയിച്ചാൽ ഇറാൻ തലസ്ഥാനമായ ടെഹ്‌റാനിൽ ബോംബാക്രമണം നടത്താൻ യുഎസ് ഉദ്യോഗസ്ഥർക്ക് നിർദേശം നൽകിയിട്ടുണ്ടെന്ന് ‘ദി ന്യൂയോർക്ക് പോസ്റ്റിന്’ നൽകിയ അഭിമുഖത്തിലും ട്രംപ് അവകാശപ്പെട്ടിരുന്നു. ഇതിന് പിന്നാലെയാണ് സോഷ്യൽ മീഡിയ പോസ്റ്റും ഷെയർ ചെയ്തത്.

ട്രംപിനെ വധിക്കാൻ ഇറാൻ പുതിയ പദ്ധതികൾ ആസൂത്രണം ചെയ്യുന്നതായി ഇസ്രായേൽ യുഎസിന് രഹസ്യവിവരങ്ങൾ കൈമാറിയെന്ന സിഎൻഎൻ റിപ്പോർട്ടിന് പിന്നാലെയാണ് പ്രസിഡന്റിന്റെ ഈ കടുത്ത പ്രതികരണം. ഈ ആഴ്ചയാണ് ഇസ്രായേലിൽ നിന്ന് യുഎസിന് ഇത് സംബന്ധിച്ച നിർണായക മുന്നറിയിപ്പ് ലഭിച്ചതെന്ന് റിപ്പോർട്ടുകൾ സൂചിപ്പിക്കുന്നു.

]]> നരേന്ദ്ര മോദി ന്യൂസിലൻഡിൽ; 40 വർഷത്തിനിടെ സന്ദർശനം നടത്തുന്ന ആദ്യ ഇന്ത്യൻ പ്രധാനമന്ത്രി https://www.sandhesam.com/Modi-in-Newzealand https://www.sandhesam.com/Modi-in-Newzealand Sat, 11 Jul 2026 11:30:13 +0530 Web Desk ഓക്‌ലൻഡ്: ഇന്ത്യൻ പ്രധാനമന്ത്രി നരേന്ദ്ര മോദിയും ന്യൂസിലൻഡ് പ്രധാനമന്ത്രി ക്രിസ്റ്റഫർ ലക്സണും തമ്മിലുള്ള ഉഭയകക്ഷി ചർച്ചകൾ ഇന്ന് നടക്കും. വ്യാപാരം, നിക്ഷേപം, ക്ഷീരവികസനം, കൃഷി, കായികരംഗം എന്നിവയിലെ അത്യാധുനിക സാങ്കേതികവിദ്യകൾ തുടങ്ങിയ മേഖലകളിൽ ഇരുരാജ്യങ്ങളും തമ്മിലുള്ള സഹകരണം ശക്തമാക്കുന്നതിനാണ് ചർച്ചകളിൽ മുൻഗണന നൽകുന്നത്.

മൂന്ന് രാഷ്ട്രങ്ങളിലെ സന്ദർശനത്തിന്റെ അവസാന ഘട്ടമായാണ് പ്രധാനമന്ത്രി മോദി ഓക്‌ലൻഡിലെത്തിയത്. വിമാനത്താവളത്തിൽ ന്യൂസിലൻഡ് പ്രധാനമന്ത്രി ക്രിസ്റ്റഫർ ലക്സൺ നേരിട്ടെത്തി അദ്ദേഹത്തെ സ്വീകരിച്ചു. 40 വർഷത്തിനിടെ ഒരു ഇന്ത്യൻ പ്രധാനമന്ത്രി ന്യൂസിലൻഡ് സന്ദർശിക്കുന്നത് ഇതാദ്യമായാണ്.

]]> വീണ്ടും സൂപ്പർ സബ്ബ് മെറീനോ; ബെൽജിയത്തെ കീഴടക്കി സ്‌പെയിൻ സെമിയിൽ https://www.sandhesam.com/spain-defeats-portugal-and-enters-semi https://www.sandhesam.com/spain-defeats-portugal-and-enters-semi Sat, 11 Jul 2026 11:13:04 +0530 Web Desk 2026 ഫിഫ ലോകകപ്പിലെ ആദ്യ സെമി ഫൈനൽ ചിത്രം തെളിഞ്ഞു. ക്വാർട്ടർ ഫൈനൽ പോരാട്ടത്തിൽ ബെൽജിയത്തെ ഒന്നിനെതിരെ രണ്ട് ഗോളുകൾക്ക് ലാ റോജ തകർത്തതോടെ ഫ്രാൻസ് സെമി ഫൈനലിൽ സ്പെയിനിനെ നേരിടും. പ്രീ ക്വാർട്ടറിൽ പോർച്ചുഗലിനെതിരെ വിജയഗോൾ നേടിയ സൂപ്പർ സബ് മിക്കൽ മെറിനോ തന്നെയാണ് ഇത്തവണയും സ്പെയിന്റെ രക്ഷകനായത്. മത്സരത്തിന്റെ 88-ാം മിനിറ്റിലായിരുന്നു മെറിനോയിലൂടെ സ്പെയ്ൻ സമനില പൂട്ട് പൊളിച്ചത്.

ആദ്യ പകുതിയിലെ 30-ാം മിനിറ്റിൽ ഫാബിയൻ റൂയിസിലൂടെ സ്പെയിനാണ് ആദ്യം മുന്നിലെത്തിയത്. വലതുവിങ്ങിലൂടെ ലാമിൻ യമാൽ നൽകിയ പന്ത് പെഡ്രോ പോറോ സ്വീകരിച്ച് ബോക്സിന്റെ മധ്യത്തിലുണ്ടായിരുന്ന ഡാനി ഓൽമോയ്ക്ക് നൽകി. ഓൽമോ തൊടുത്ത ശക്തമായ ഷോട്ട് ബെൽജിയം കീപ്പർ തിബോ കോർട്ടോ തട്ടിയകറ്റിയെങ്കിലും റീബൗണ്ടിൽ നിന്ന് ഫാബിയൻ റൂയിസ് പന്ത് വലയിലെത്തിച്ചു.

എന്നാൽ 41-ാം മിനിറ്റിൽ ചാൾസ് ഡി കെറ്റലെയറിന്റെ ഹെഡ്ഡറിലൂടെ ബെൽജിയം സമനില പിടിച്ചു. ഈ ലോകകപ്പിൽ സ്പെയിൻ വഴങ്ങുന്ന ആദ്യ ഗോൾ കൂടിയായിരുന്നു ഇത്. സൂപ്പർ താരം കെവിൻ ഡി ബ്രൂയ്ന നൽകിയ മനോഹരമായ പാസ് സ്വീകരിച്ച് റൈറ്റ് ബാക്ക് തിമോത്തി കാസ്റ്റഗ്നെ നൽകിയ കൃത്യതയാർന്ന ക്രോസ് ബോക്സിനുള്ളിൽ മാർക്ക് ചെയ്യപ്പെടാതെ നിന്ന ചാൾസ് ഡി കെറ്റലെയർ തകർപ്പൻ ഹെഡ്ഡറിലൂടെ സ്പാനിഷ് ഗോളി ഉനായ് സിമോണിനെ കീഴടക്കി വലയിലെത്തിച്ചു. 

മത്സരത്തിലുടനീളം ഇരുടീമുകളും മികച്ച ഗോൾ അവസരങ്ങൾ സൃഷ്ടിച്ചുകൊണ്ട് ആവേശകരമായ പോരാട്ടമാണ് പുറത്തെടുത്തത്. 71ാം മിനിറ്റിൽ ലീഡ് ഉയർത്താൻ സ്പെയ്നിന് ഒരു അവസരം തെളിഞ്ഞിരുന്നു. സ്പാനിഷ് മുന്നേറ്റനിര താരം മിക്കൽ ഒയാർസബാൽ ബോക്സിനുള്ളിൽ നിന്ന് തൊടുത്ത അപകടകരമായ ഷോട്ട് തിബോ കോർട്ടോ ഉജ്ജ്വലമായി രക്ഷപ്പെടുത്തി. ഈ സേവിനിടെയാണ് കോർട്ടോയ്ക്ക് പരിക്കേൽക്കുന്നതും പിന്നീട് സബ്സ്റ്റിറ്റ്യൂട്ട് ചെയ്യപ്പെടേണ്ടി വന്നതും.  

പകരക്കാരനായി ഇറങ്ങിയ പൗ കുബാർസി ബോക്സിന് പുറത്തുനിന്ന് തൊടുത്ത ദീർഘദൂര ഷോട്ട് ബെൽജിയത്തിന്റെ പകരക്കാരൻ ഗോൾകീപ്പർ സെനെ ലാമൻസിന്റെ കൈകളിൽ നിന്ന് വിട്ടുപോയി. പന്ത് ക്ലിയർ ചെയ്യുന്നതിൽ വന്ന പിഴവ് മുതലെടുത്ത് പാഞ്ഞടുത്ത മിക്കൽ മെറിനോ റീബൗണ്ടിലൂടെ സ്പെയിന്റെ വിജയഗോൾ നേടുകയായിരുന്നു.  

ലൂക്കാക്കുവും ഡോകുവും ചേർന്നുള്ള സഖ്യം സ്പാനിഷ് പ്രതിരോധത്തെ പലപ്പോഴും പരീക്ഷിച്ചു. ജെറമി ഡോകുവിന്റെ വിങ്ങിലൂടെയുള്ള വേഗതയേറിയ മുന്നേറ്റങ്ങൾ സ്പെയിൻ ബോക്സിൽ വലിയ ഭീതി സൃഷ്ടിച്ചെങ്കിലും ഫിനിഷിംഗിലെ പോരായ്മകൾ ബെൽജിയത്തിന് തിരിച്ചടിയായി.

ബെൽജിയത്തിന്റെ പ്രധാന താരം യൂറി ടീലേമാൻസ് മത്സരത്തിന് തൊട്ടുമുമ്പുള്ള വാം അപ്പിനിടെ പരിക്കേറ്റ് പുറത്തായത് ടീമിന് കനത്ത തിരിച്ചടിയാവുകയായിരുന്നു. വിജയത്തോടെ ടൂർണമെന്റിലെ തങ്ങളുടെ അപരാജിത കുതിപ്പ് തുടരാനും 2010ന് ശേഷം ആദ്യമായി ലോകകപ്പ് സെമിയിലെത്താനും സ്പെയിന് സാധിച്ചു. രാജ്യാന്തര ഫുട്ബോളിൽ സ്പെയ്നിന്റെ തോൽവി അറിയാത്ത 36ാമത്തെ മത്സരമായി ഇത് മാറി. 

]]> ബൈക്ക് ഡിവൈഡറിൽ ഇടിച്ച് സുഹൃത്തുക്കൾ മരിച്ച സംഭവത്തിൽ വഴിത്തിരിവ്; അപകടം കാറിടിച്ച് https://www.sandhesam.com/Turning-point-in-Thiruvallam-road-accident%3A-Car-hits-bike-from-behind https://www.sandhesam.com/Turning-point-in-Thiruvallam-road-accident%3A-Car-hits-bike-from-behind Fri, 10 Jul 2026 12:30:26 +0530 Web Desk തിരുവല്ലം: കഴക്കൂട്ടം-കാരോട് ദേശീയപാതയിൽ സുഹൃത്തുക്കൾ സഞ്ചരിച്ച ബൈക്ക് ഡിവൈഡറിലേക്ക് ഇടിച്ചുകയറി ഐടി ജീവനക്കാരായ രണ്ടുപേർ മരിച്ച സംഭവത്തിൽ വൻ വഴിത്തിരിവ്. കാർ ഇടിച്ചാണ് ഇവർ സഞ്ചരിച്ച ബൈക്ക് നിയന്ത്രണം വിട്ടതെന്ന് പോലീസ് കണ്ടെത്തി. കഴക്കൂട്ടം യു.എസ്.ടി. ഗ്ലോബൽ ജീവനക്കാരൻ നവീൻ സിബി (25), കഴക്കൂട്ടം കിൻഫ്രയിലെ ഇ.വൈ. ജി.ബി.എസ്. ഇന്ത്യ ലിമിറ്റഡിലെ ജീവനക്കാരി മൃദുല ആൻ ഉമ്മൻ (25) എന്നിവരാണ് മരിച്ചത്. വ്യാഴാഴ്ച ഉച്ചയ്ക്ക് 2:30-ഓടെ പാച്ചല്ലൂരിലെ ടോളിനടുത്തുള്ള ഡിവൈഡറിലാണ് ബൈക്ക് ഇടിച്ചുകയറിയത്. നിയന്ത്രണം വിട്ടാണ് ബൈക്ക് ഡിവൈഡറിലേക്ക് ഇടിച്ചുകയറിയതെന്നായിരുന്നു പ്രാഥമിക നിഗമനം.

എന്നാൽ അപകട സ്ഥലം സന്ദർശിച്ച പോലീസിന് തോന്നിയ സംശയമാണ് സംഭവത്തിന് പിന്നിലെ കാരണം കണ്ടെത്താൻ സഹായിച്ചത്. കാർ ഡ്രൈവർ വിഷ്ണുവിനെ പോലീസ് കസ്റ്റഡിയിലെടുത്തിട്ടുണ്ട്. ഇയാൾ കുറ്റംസമ്മതിച്ചതായാണ് വിവരം.

മൃദുല സംഭവസ്ഥലത്തും ആശുപത്രിയിലേക്കു കൊണ്ടുപോകുംവഴി നവീനും മരിക്കുകയായിരുന്നു. അപകടത്തിൽ മൃദുല മീറ്ററുകളോളം തെറിച്ച് പോയിരുന്നു. അപകടത്തിൽപ്പെട്ട ബൈക്കിന്റെ ഹാൻഡിലിൽ ഉണ്ടായിരുന്ന കാറിന്റെ പെയിന്റ്, മറ്റു അസ്വാഭാവികതകളുമാണ് പോലീസിന് സംശയങ്ങളുണ്ടാക്കിയത്.

തുടർന്ന് നടത്തിയ സിസിടിവി കേന്ദ്രീകരിച്ചുള്ള അന്വേഷണത്തിലാണ് അപകടം കാറിടിച്ചതിനെ തുടർന്നാണെന്ന് വ്യക്തമായത്. മാറനല്ലൂർ സ്വദേശിയായ കാർ ഡ്രൈവർ വിഷ്ണുവിനെ വീട്ടിലെത്തിയാണ് പോലീസ് കസ്റ്റഡിയിലെടുത്തത്. ഭയന്നത് കൊണ്ടാണ് നിർത്താതെ പോയതെന്നാണ് ഇയാൽ പോലീസിനോട് പറഞ്ഞിരിക്കുന്നത്.

എറണാകുളം മുളവൂർ ഈസ്റ്റ് വാഴപ്പിള്ളി നിരപ്പിൽ വലിയവീട്ടിൽ പറമ്പിൽ സിബി ജോസഫിന്റെയും ശാലിനിയുടെയും മകനാണ് നവീൻ. സഹോദരി: നവ്യ സിബി.ഇടുക്കി തൊടുപുഴ കരിങ്കുന്നം മ്രാല അരികുപുറത്ത് ഉമ്മൻ വർഗീസിന്റെയും സജി ഉമ്മന്റെയും മകളാണ് മൃദുല ആൻ ഉമ്മൻ. സഹോദരങ്ങൾ: മഹിമ മറിയാൻ ഉമ്മൻ, മേഘ സൂസൻ ഉമ്മൻ.

]]> ബിജെപിയിൽ തിരഞ്ഞെടുപ്പ് ഫണ്ട് വിവാദം; പ്രമുഖ നേതാക്കൾക്കെതിരെ അച്ചടക്ക നടപടി വന്നേക്കും https://www.sandhesam.com/%E0%B4%AC%E0%B4%BF%E0%B4%9C%E0%B5%86%E0%B4%AA%E0%B4%BF%E0%B4%AF%E0%B4%BF%E0%B5%BD-%E0%B4%A4%E0%B4%BF%E0%B4%B0%E0%B4%9E%E0%B5%8D%E0%B4%9E%E0%B5%86%E0%B4%9F%E0%B5%81%E0%B4%AA%E0%B5%8D%E0%B4%AA%E0%B5%8D-%E0%B4%AB%E0%B4%A3%E0%B5%8D%E0%B4%9F%E0%B5%8D-%E0%B4%B5%E0%B4%BF%E0%B4%B5%E0%B4%BE%E0%B4%A6%E0%B4%82-%E0%B4%AA%E0%B5%8D%E0%B4%B0%E0%B4%AE%E0%B5%81%E0%B4%96-%E0%B4%A8%E0%B5%87%E0%B4%A4%E0%B4%BE%E0%B4%95%E0%B5%8D%E0%B4%95%E0%B5%BE%E0%B4%95%E0%B5%8D%E0%B4%95%E0%B5%86%E0%B4%A4%E0%B4%BF%E0%B4%B0%E0%B5%86-%E0%B4%85%E0%B4%9A%E0%B5%8D%E0%B4%9A%E0%B4%9F%E0%B4%95%E0%B5%8D%E0%B4%95-%E0%B4%A8%E0%B4%9F%E0%B4%AA%E0%B4%9F%E0%B4%BF-%E0%B4%B5%E0%B4%A8%E0%B5%8D%E0%B4%A8%E0%B5%87%E0%B4%95%E0%B5%8D%E0%B4%95%E0%B5%81%E0%B4%82 https://www.sandhesam.com/%E0%B4%AC%E0%B4%BF%E0%B4%9C%E0%B5%86%E0%B4%AA%E0%B4%BF%E0%B4%AF%E0%B4%BF%E0%B5%BD-%E0%B4%A4%E0%B4%BF%E0%B4%B0%E0%B4%9E%E0%B5%8D%E0%B4%9E%E0%B5%86%E0%B4%9F%E0%B5%81%E0%B4%AA%E0%B5%8D%E0%B4%AA%E0%B5%8D-%E0%B4%AB%E0%B4%A3%E0%B5%8D%E0%B4%9F%E0%B5%8D-%E0%B4%B5%E0%B4%BF%E0%B4%B5%E0%B4%BE%E0%B4%A6%E0%B4%82-%E0%B4%AA%E0%B5%8D%E0%B4%B0%E0%B4%AE%E0%B5%81%E0%B4%96-%E0%B4%A8%E0%B5%87%E0%B4%A4%E0%B4%BE%E0%B4%95%E0%B5%8D%E0%B4%95%E0%B5%BE%E0%B4%95%E0%B5%8D%E0%B4%95%E0%B5%86%E0%B4%A4%E0%B4%BF%E0%B4%B0%E0%B5%86-%E0%B4%85%E0%B4%9A%E0%B5%8D%E0%B4%9A%E0%B4%9F%E0%B4%95%E0%B5%8D%E0%B4%95-%E0%B4%A8%E0%B4%9F%E0%B4%AA%E0%B4%9F%E0%B4%BF-%E0%B4%B5%E0%B4%A8%E0%B5%8D%E0%B4%A8%E0%B5%87%E0%B4%95%E0%B5%8D%E0%B4%95%E0%B5%81%E0%B4%82 Fri, 10 Jul 2026 12:23:26 +0530 Web Desk തിരുവനന്തപുരം: നിയമസഭാ തിരഞ്ഞെടുപ്പ് ഫണ്ടുമായി ബന്ധപ്പെട്ട് ഉയർന്ന ഗുരുതരമായ സാമ്പത്തിക ക്രമക്കേടുകളെത്തുടർന്ന് കേരള ബിജെപിയിൽ വൻ അഴിച്ചുപണിക്ക് വഴിയൊരുങ്ങുന്നതായി റിപ്പോർട്ട്. പാർട്ടിയിലെ പ്രധാന ഭാരവാഹികൾ ഉൾപ്പെട്ട അഴിമതി ആരോപണങ്ങളിൽ കേന്ദ്ര നേതൃത്വത്തിന്റെ നിർദേശപ്രകാരം സംസ്ഥാന അധ്യക്ഷൻ നടപടികൾ ആരംഭിച്ചതെന്നാണ് പുറത്തുവരുന്ന വിവരങ്ങൾ.

തിരഞ്ഞെടുപ്പ് പ്രചാരണത്തിനായി ഒരുകോടി കൊടികൾ നിർമ്മിക്കാനുള്ള മൂന്നരക്കോടി രൂപയുടെ കരാറിലാണ് പ്രധാനമായും വെട്ടിപ്പ് നടന്നത്. കേന്ദ്ര നേതൃത്വം നൽകുന്ന കൊടികൾ ലഭിക്കാൻ വൈകിയ സാഹചര്യം മുതലെടുത്ത്, പാർട്ടിയിലെ ചില നേതാക്കൾ തന്നെ ഒരു തട്ടിക്കൂട്ട് സ്വകാര്യ കമ്പനി രൂപീകരിച്ച് കരാർ നൽകുകയായിരുന്നു. ഈ ഇടപാടിലൂടെ ഒരു സംസ്ഥാന സെക്രട്ടറിയും യുവമോർച്ച നേതാവും ചേർന്ന് 54 ലക്ഷം രൂപ കമ്മീഷനായി കൈപ്പറ്റിയെന്ന് പാർട്ടി ട്രഷറർക്ക് വിവരം ലഭിച്ചിരുന്നു. പിന്നാലെ കേന്ദ്രം അയച്ച കൊടികൾ ഉപയോഗിക്കാതെ പാർട്ടി ഓഫീസിൽ കെട്ടിക്കിടക്കുകയാണ്.

ഹെലികോപ്റ്റർ, വാഹന വാടക ഇനങ്ങളിലും ലക്ഷങ്ങളുടെ ക്രമക്കേട് നടന്നതായി റിപ്പോർട്ടുണ്ട്. പ്രചാരണത്തിനായി മൂന്ന് ഹെലികോപ്റ്ററുകൾ 136 മണിക്കൂർ പറക്കാൻ കരാർ നൽകിയെങ്കിലും ആകെ ഉപയോഗിച്ചത് 42 മണിക്കൂർ മാത്രമാണ്. ഇതിനുപുറമെ, തിരരഞ്ഞെടുപ്പ് ആവശ്യങ്ങൾക്കായി വാടകയ്‌ക്കെടുത്ത 200 കാറുകളിൽ പകുതി പോലും ഉപയോഗിക്കാതെ തന്നെ ട്രിപ്പ് ഷീറ്റുകളിൽ തിരുമറി നടത്തി ഒരുകോടിയോളം രൂപതട്ടിയെടുത്തതായും പാർട്ടിക്കുള്ളിൽ പരാതി ഉയർന്നിട്ടുണ്ട്. സോഷ്യൽ മീഡിയ പരസ്യങ്ങൾക്കായി കോടികൾ ചെലവാക്കിയതിലും പരാതി ഉയർന്നിട്ടുണ്ട്.

സാമ്പത്തിക ആരോപണങ്ങൾ നേരിടുന്ന സംസ്ഥാന സെക്രട്ടറി, മേഖല സെക്രട്ടറി, സംസ്ഥാന കമ്മിറ്റി അംഗം എന്നിവരെ നിലവിലെ സ്ഥാനങ്ങളിൽ നിന്ന് മാറ്റിനിർത്താൻ നേതൃത്വം തീരുമാനിച്ചിട്ടുണ്ട്. വരാനിരിക്കുന്ന പുനസംഘടനയിൽ ഇവർക്ക് ഭാരവാഹിത്വമുണ്ടാകില്ല. കൂടാതെ, തിരുവിതാങ്കൂർ സഹകരണസംഘത്തിൽനിന്ന് വായ്പയെടുത്ത് തിരിച്ചടയ്ക്കാത്ത മറ്റൊരു സംസ്ഥാന സെക്രട്ടറിക്കും സ്ഥാനം നഷ്ടമായേക്കും. വിവാദങ്ങൾ പുറത്തുവന്നതോടെ, ഇവരെ സംരക്ഷിക്കുന്നവർക്കെതിരെയും പാർട്ടിക്കുള്ളിൽ പ്രതിഷേധം ശക്തമാണ്.

അച്ചടക്ക നടപടികൾ പാർട്ടിയുടെ ആഭ്യന്തര കാര്യമാണെന്നും അത് പൊതുസമൂഹത്തെയോ മാധ്യമങ്ങളെയോ ബാധിക്കുന്ന ഒന്നല്ലെന്നുമാണ് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിന്റെ നിലപാട്. എന്നാൽ ഗ്രൂപ്പ് പോര് അവസാനിപ്പിക്കാൻ എത്തിയ അധ്യക്ഷന്, അദ്ദേഹത്തിന്റെ കാലയളവിൽ തന്നെ ഉയർന്ന അഴിമതി ആരോപണങ്ങൾ വലിയ വെല്ലുവിളിയാണ് ഉയർത്തുന്നത്. ക്രമക്കേടിൽ പങ്കുള്ളവരെ ചുമതലകളിൽ നിന്ന് ഒഴിവാക്കുന്ന വിവരം അദ്ദേഹം കോർ കമ്മിറ്റി അംഗങ്ങളെ നേരിട്ട് അറിയിച്ചിട്ടുണ്ട്.

]]> 'തലമുതൽ കാൽവരെ തല്ലിച്ചതച്ചു, മതംമാറ്റാൻ ശ്രമിച്ചു'; ഗുരുതര ആരോപണവുമായി സാവരിയയുടെ ബന്ധുക്കൾ https://www.sandhesam.com/Relatives-raises-grave-atrocities-done-by-Sadarul-against-Sawariya https://www.sandhesam.com/Relatives-raises-grave-atrocities-done-by-Sadarul-against-Sawariya Thu, 09 Jul 2026 15:40:24 +0530 Web Desk ആലപ്പുഴ: ഉസ്‌ബെകിസ്താനിൽ ആലപ്പുഴ സ്വദേശിനിയായ മെഡിക്കൽ വിദ്യാർഥി കൊല്ലപ്പെട്ടതിൽ ഗുരുതര ആരോപണവുമായി കുടുംബം. ഹരിപ്പാട് സ്വദേശിയായ സാവരിയ(22)യാണ് സഹപാഠിയായ സാദറുൽ അനം(23) കൊലപ്പെടുത്തിയത്. പിന്നാലെ സദറുലിനെതിരേ ഗുരുതര ആരോപണങ്ങളാണ് സാവരിയയുടെ കുടുംബം ഉയർത്തിയത്. സാവരിയയെ മതംമാറ്റാൻ സാദറുൽ ശ്രമിച്ചെന്ന് ബന്ധുക്കൾ ആരോപിച്ചു.

സാവരിയയുടെ ദേഹത്ത് മുറിവുകളും ചതവുകളുമുണ്ടായിരുന്നെന്ന് സാവരിയയുടെ ബന്ധു ജനീഷ് മാധ്യമങ്ങളോട് പറഞ്ഞു. ‘കാൽ മുതൽ തല വരെ ചതച്ചെടുത്തിട്ടുണ്ട്. ഒരു ലാപ്‌ടോപ് കൊണ്ട് ഒരു നിമിഷംകൊണ്ട് അടിച്ചുകൊന്നതൊന്നുമല്ല. വളരെ ബ്രൂട്ടലായി ചെയ്തിരിക്കുന്നതെന്നാണ് അറിയാൻ കഴിഞ്ഞത്. അവിടുത്തെ പിള്ളേർ പറഞ്ഞത് സാവരിയയോട് മതംമാറാൻ സദറുൽ പലതവണ ആവശ്യപ്പെട്ടിരുന്നു എന്നാണ്. ഇത് അവർ കണ്ടിട്ടുണ്ട്. അവൾ സമ്മതിച്ചിരുന്നില്ല. അവസാനനിമിഷം എന്താണുണ്ടായതെന്ന് ആർക്കും അറിയില്ലെന്നാണ് ആ കുട്ടികൾ പറഞ്ഞത്’, അദ്ദേഹം പറഞ്ഞു.

ഉസ്‌ബെക്കിസ്താനിലെ മെഡിക്കൽ കോളേജിലെ ഒന്നാം വർഷ വിദ്യാർഥികളായിരുന്നു സാവരിയയും സദറുലും. സാവരിയയും സദറുലും തമ്മിൽ സംസാരിച്ചു നിൽക്കുന്നതിനിടെ പെട്ടെന്നുണ്ടായ പ്രകോപനത്തെ തുടർന്ന് പ്രതി പെൺകുട്ടിയുടെ തലയ്ക്ക് ലാപ്‌ടോപ് കൊണ്ട് അടിക്കുകയായിരുന്നെന്നാണ് വിവരം. കഴിഞ്ഞ വെള്ളിയാഴ്ചയായിരുന്നു സംഭവം. തുടർന്ന് പ്രതി തന്നെ കഴിഞ്ഞ  സാവരിയയെ അവിടുത്തെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. എന്നാൽ സാവരിയ ചികിത്സയിലിരിക്കെ ശനിയാഴ്ച മരിച്ചു. മൃതദേഹം നാട്ടിലെത്തിച്ചിട്ടുണ്ട്.

]]> വയനാട് ദുരന്തത്തിൽ മുഖ്യമന്ത്രിക്കെതിരെ ആഞ്ഞടിച്ച് പിണറായി; അനുമതി ലഭിച്ചത് സൂത്രപണിയിലൂടെയല്ല, 'തീവ്ര മഴ ഉണ്ടായിട്ടും യെല്ലോ അലർട്ട് മാത്രം' https://www.sandhesam.com/Pinarayi-slams-CM-on-Wayanad-tunnel-and-tragedy https://www.sandhesam.com/Pinarayi-slams-CM-on-Wayanad-tunnel-and-tragedy Thu, 09 Jul 2026 15:01:14 +0530 Web Desk കൽപ്പറ്റ: വയനാട് തുരങ്കപാതയ്ക്ക് പാരിസ്ഥിതിക അനുമതി ലഭിച്ചതുമായി ബന്ധപ്പെട്ട് മുഖ്യമന്ത്രി വാർത്താസമ്മേളനത്തിൽ നടത്തിയ പ്രസ്താവന തെറ്റാണെന്ന് പ്രതിപക്ഷ നേതാവ് പിണറായി വിജയൻ. വീഴ്ച മറക്കാൻ വേണ്ടി വിവാദം ഉണ്ടാക്കാൻ ബോധപൂർവമായ ശ്രമമാണ് നടക്കുന്നതെന്നും പാരിസ്ഥിതിക അനുമതി ലഭിച്ചത് സൂത്രപണിയിലൂടെയല്ലെന്നും പിണറായി പറഞ്ഞു. വയനാട്ടിൽ ദുരന്തം നടന്ന സ്ഥലം സന്ദർശിച്ചതിന് ശേഷം മാധ്യമങ്ങളോട് സംസാരിക്കുകയായിരുന്നു പിണറായി.

സുതാര്യമായി നടന്ന പഠനമാണിത്. 2023 ലാണ് പഠനം നടന്നത്. എല്ലാ പഠനവും പൂർത്തീകരിച്ചു. സംസ്ഥാനവും കേന്ദ്രവും അനുമതി നൽകി. ഹൈക്കോടതി 2025 ഡിസംബർ 16 ന് അനുമതി ലഭിച്ചതിനെതിരായ ഹർജികൾ തള്ളി. അപ്പീലുകൾ സുപ്രീം കോടതിയിൽ എത്തി. സുപ്രീം കോടതിയും ഹൈക്കോടതി വിധി ശരിവച്ചു. പാരിസ്ഥിതിക അനുമതി സമ്മർദം ചെലുത്തി വാങ്ങി എന്ന ആരോപണം കോടതിയോട് ഉള്ള അവഗണനയാണ്. പലരേയും പഴി ചാരി മന്ത്രിമാർ ഉത്തരവാദിത്തത്തിൽ നിന്ന് ഒഴിഞ്ഞു മാറുകയാണെന്നും പിണറായി പറഞ്ഞു.

ഉന്നതതല യോഗമാണ് മണ്ണ് നീക്കാൻ നിർദേശം നൽകിയത്. ആ തീരുമാനം എങ്ങനെയാണ് അട്ടിമറിക്കപ്പെട്ടത്. ആരാണ് ഉത്തരവാദി. അനന്തമായ സാധ്യത തുറക്കുന്ന പദ്ധതിയാണ് വയനാട് തുരങ്കപാത പദ്ധതി. പദ്ധതിയുടെ ഭാഗമായി നീക്കം ചെയ്ത മണ്ണ് കൂനയായി നിൽക്കുന്നുണ്ട്. അതും മുകളിൽ നിന്ന് വന്ന മണ്ണും ചേർന്നാണ് ഒലിച്ചിറങ്ങിയത്. ക്യാമ്പിൽ ഉള്ളവർ ചില പ്രയാസങ്ങൾ അറിയിച്ചു. ആവശ്യത്തിന് വസ്ത്രങ്ങൾ ഇല്ല. സ്ത്രീകൾ ഉടുത്തു വന്ന വസ്ത്രത്തിൽ തന്നെയാണ് തുടരുന്നത്. അക്കാര്യത്തിൽ ശ്രദ്ധവേണം. ജീവൻ നഷ്ടപ്പെട്ടവരുടെ കുടുംബത്തിനൊപ്പം ചേരുന്നു. അനുശോചനം അറിയിക്കുന്നു. കാണാതായവർക്ക് വേണ്ടി തെരച്ചിൽ തുടരുന്നുണ്ട്. സർക്കാരിന്റെ പ്രവർത്തനങ്ങൾക്ക് എല്ലാവിധ പിന്തുണയും നൽകുമെന്നും പിണറായി പറഞ്ഞു.

]]> ഹോർമുസിൽ വീണ്ടും കപ്പലുകൾക്ക് നേരെ ഇറാന്റെ മിസൈലാക്രമണം; തിരിച്ചടിക്കാനൊരുങ്ങി അമേരിക്ക? https://www.sandhesam.com/Iran-attacks-oil-tanker-near-Oman-coast https://www.sandhesam.com/Iran-attacks-oil-tanker-near-Oman-coast Tue, 07 Jul 2026 17:01:37 +0530 Web Desk വാഷിംഗ്ടൺ: ഹോർമുസ് കടലിടുക്കിലൂടെ കടന്നുപോയ വാണിജ്യ കപ്പലുകൾക്ക് നേരെ തിങ്കളാഴ്ച രാത്രി ഇറാൻ സൈന്യം വീണ്ടും മിസൈൽ ആക്രമണം നടത്തിയതായി അമേരിക്കൻ ഉദ്യോഗസ്ഥരെ ഉദ്ധരിച്ച് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. അമേരിക്കയും ഇറാനും തമ്മിലുണ്ടായിരുന്ന ഒരാഴ്ചത്തെ വെടിനിർത്തൽ കരാർ അവസാനിച്ചതിനു പിന്നാലെയാണ് ആക്രമണമെന്നാണ് വിവരം. ഇരുരാജ്യങ്ങളും ഒപ്പുവെച്ച സമാധാന കരാറിനും തിരിച്ചടിയാണ് പുതിയ നീക്കം.

ഒമാൻ തീരത്തിന് സമീപം സഞ്ചരിക്കുകയായിരുന്ന ഒരു എണ്ണക്കപ്പലിന് നേരെ അജ്ഞാത വസ്തു പതിക്കുകയും കപ്പലിന് തീപിടിക്കുകയും ചെയ്തതായി യുണൈറ്റഡ് കിംഗ്ഡം മാരിടൈം ട്രേഡ് ഓപ്പറേഷൻസ് ഏജൻസി സ്ഥിരീകരിച്ചു. ഒമാനിലെ ലിമയ്ക്ക് കിഴക്ക് എട്ട് നോട്ടിക്കൽ മൈൽ മാറിയാണ് സംഭവം. ആക്രമണത്തിൽ ആർക്കും പരിക്കേറ്റിട്ടില്ലെന്നും പാരിസ്ഥിതിക ആഘാതങ്ങൾ റിപ്പോർട്ട് ചെയ്തിട്ടില്ലെന്നും യുകെ ഏജൻസി വ്യക്തമാക്കി.

]]> ഗാസയില്‍ ഭരണം ഒഴിഞ്ഞതായി ഹമാസ്, ആയുധം താഴെവെക്കില്ലെന്ന് പ്രഖ്യാപനം https://www.sandhesam.com/Hamas-steps-down-from-Gaza-control%2C-declares-it-will-not-lay-down-its-arms https://www.sandhesam.com/Hamas-steps-down-from-Gaza-control%2C-declares-it-will-not-lay-down-its-arms Tue, 07 Jul 2026 16:45:58 +0530 Web Desk

ഗാസ സിറ്റി: ഗാസയിലെ തങ്ങളുടെ ഭരണം അവസാനിപ്പിക്കുന്നതായും ഭരണം ഐക്യരാഷ്ട്രസഭയുടെ പിന്തുണയുള്ള ഒരു സാങ്കേതിക സമിതിക്ക് (ടെക്‌നോക്രാറ്റിക് കമ്മിറ്റി) കൈമാറാന്‍ ഒരുങ്ങുകയാണെന്നും സായുധ സംഘടനയായ ഹമാസ് പ്രഖ്യാപിച്ചു. അമേരിക്കയുടെ മധ്യസ്ഥതയില്‍ ഒപ്പുവെച്ച വെടിനിര്‍ത്തല്‍ കരാറിന്റെ ഭാഗമായാണ് ഈ നിര്‍ണായക നീക്കം. എന്നാല്‍, തങ്ങളുടെ പക്കലുള്ള ആയുധങ്ങള്‍ താഴെവെക്കാനോ സുരക്ഷാ ചുമതലകള്‍ അന്താരാഷ്ട്ര സേനയ്ക്ക് കൈമാറാനോ ഹമാസ് തയ്യാറായിട്ടില്ല. ഹമാസിനെ പൂര്‍ണമായി നിരായുധരാക്കുക എന്നതായിരുന്നു അമേരിക്കയുടെയും ഇസ്രായേലിന്റെയും പ്രധാന ആവശ്യം.

ഗാസയിലെ ഹമാസ് ഭരണകൂടത്തിന്റെ തലവനായ മുഹമ്മദ് അല്‍ ഫറാ തന്റെ പദവി രാജിവെക്കുകയും, ഭരണം 'നാഷണല്‍ കമ്മിറ്റി ഫോര്‍ ദി അഡ്മിനിസ്‌ട്രേഷന്‍ ഓഫ് ഗാസ' (എന്‍സിഎജി) എന്ന സമിതിക്ക് കൈമാറാന്‍ നിര്‍ദ്ദേശിക്കുകയും ചെയ്തു. ഗാസയിലെ ഭരണപരമായ ചുമതലകളില്‍ നിന്ന് ഹമാസ് ഉടനടി പിന്മാറുമെങ്കിലും, പുതിയ സമിതി ചുമതലയേല്‍ക്കുന്നത് വരെ സര്‍ക്കാര്‍ ജീവനക്കാരും സിവില്‍ സര്‍വീസ് ഉദ്യോഗസ്ഥരും തങ്ങളുടെ തസ്തികകളില്‍ തുടരും. 2006ലെ തെരഞ്ഞെടുപ്പ് വിജയത്തിന് ശേഷം നിയന്ത്രണം ഏറ്റെടുത്ത ഹമാസ് കഴിഞ്ഞ രണ്ട് പതിറ്റാണ്ടായി ഗാസയില്‍ ഭരണം നടത്തിവരികയായിരുന്നു. അതിനാല്‍ തന്നെ പുതിയ പ്രഖ്യാപനം ഗാസയില്‍ വലിയ രാഷ്ട്രീയ മാറ്റത്തിനാണ് വഴിതുറന്നിരിക്കുന്നത്.

ഗാസയിലെ ഭരണസംവിധാനം കൈമാറുന്നതിനുള്ള എല്ലാ ഒരുക്കങ്ങളും പൂര്‍ത്തിയായെന്ന് ഉറപ്പുവരുത്തിയ ശേഷമാണ് താന്‍ രാജി സമര്‍പ്പിക്കുന്നതെന്ന് അല്‍ ഫറാ വ്യക്തമാക്കി. ഭരണപരമായ ഈ മാറ്റം എളുപ്പമാക്കുന്നതിനാണ് കമ്മിറ്റി പിരിച്ചുവിടാന്‍ തീരുമാനിച്ചതെന്ന് ഹമാസ് ഗവണ്‍മെന്റ് മീഡിയ ഓഫീസ് ജനറല്‍ ഡയറക്ടര്‍ ഇസ്മായില്‍ അല്‍ തവാബ്തയും അറിയിച്ചു.

]]> അയോധ്യയിലെ ഭക്തരുടെ കാണിക്കപ്പണം കൊണ്ട് കാമുകിക്ക് ഐഫോണും സഹോദരന് ആഡംബര വിവാഹവും; പ്രാഥമിക റിപ്പോര്‍ട്ടിൽ നിന്ന് ചമ്പത് റായിയെ ഒഴിവാക്കി https://www.sandhesam.com/SIT-omits-Champath-Rai-from-prelinamary-report https://www.sandhesam.com/SIT-omits-Champath-Rai-from-prelinamary-report Tue, 07 Jul 2026 16:04:42 +0530 Web Desk ലഖ്നൗ: അയോധ്യയിലെ രാമക്ഷേത്രത്തിലെ കാണിക്ക മോഷ്ടിച്ച് ആഡംബര ജീവിതം നയിച്ച പ്രതിയുടെ മൊഴി പുറത്ത്. ഭക്തർ സമർപ്പിച്ച പണം കുടുംബത്തിനും സുഹൃത്തുക്കൾക്കും കാമുകിക്കും വേണ്ടി ചിലവഴിച്ചുവെന്ന് പ്രതി സമ്മതിച്ചതായി അന്വേഷണ ഉദ്യോഗസ്ഥരെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്തു. മോഷണക്കേസിൽ കുറ്റാരോപിതരായ എട്ട് കൗണ്ടിങ് സ്റ്റാഫുകളിൽ ഒരാളായ അവിനാഷ് ശുക്ലയുടെ മൊഴിയിലാണ് ഞെട്ടിക്കുന്ന വെളിപ്പെടുത്തലുകൾ ഉള്ളത്.

അവിനാഷ് ശുക്ല മാത്രം ഏകദേശം 20 ലക്ഷം രൂപ കൈക്കലാക്കിയതായി പോലീസ് രേഖകൾ സൂചിപ്പിക്കുന്നു. സംശയിക്കപ്പെടുന്നവരിൽ ഏറ്റവും കൂടുതൽ തുക മോഷ്ടിച്ചത് ഇയാളാണെന്നാണ് വിവരം. ഇതിൽ 19 ലക്ഷം രൂപ താൻ പല കാര്യങ്ങൾക്കായി ചിലവഴിച്ചതായി ഇയാൾ സമ്മതിച്ചിട്ടുണ്ട്. സ്വന്തം സഹോദരന്റെ ആഡംബര വിവാഹത്തിനായി 6 ലക്ഷം രൂപയും മറ്റൊരു സഹോദരന് 5 മുതൽ 6 ലക്ഷം രൂപയും ഇയാൾ നൽകി. ഇതിനുപുറമെ, തന്റെ കാമുകിക്ക് ഒരു വിലകൂടിയ ഐഫോൺ സമ്മാനമായി നൽകുകയും യുവതിയുടെ അക്കൗണ്ടിലേക്ക് 2.5 ലക്ഷം രൂപ കൈമാറിയതായും പ്രതി വെളിപ്പെടുത്തി.

പ്രതികളുടെ ബാങ്ക് അക്കൗണ്ടുകൾ, സാമ്പത്തിക ഇടപാടുകൾ, ഇതുമായി ബന്ധപ്പെട്ട മറ്റ് ആസ്തികൾ എന്നിവ കേന്ദ്രീകരിച്ച് അന്വേഷണ ഉദ്യോഗസ്ഥർ ഇപ്പോൾ വിശദമായ പരിശോധന നടത്തിവരികയാണ്.

അയോധ്യ ക്ഷേത്രക്കൊള്ളയില്‍ പ്രത്യേക അന്വേഷണ സംഘം സര്‍ക്കാരിന് പ്രാഥമിക റിപ്പോര്‍ട്ട് നല്‍കിയത് ചമ്പത് റായിയുടെ പേര് ഒഴിവാക്കി. ട്രസ്റ്റ് നേതൃതലത്തില്‍ അനില്‍ മിശ്രയെ മാത്രമാണ് റിപ്പോര്‍ട്ട് കുറ്റപ്പെടുത്തുന്നത്. പുതുതായി ചുമതലയേറ്റ താല്‍ക്കാലിക ജനറല്‍ സെക്രട്ടറി കൃഷ്ണമോഹന്‍റെ അയോധ്യയിലെ ഭൂമി ഇടപാടില്‍ അന്വേഷണം വേണമെന്ന് കോൺഗ്രസ് ആവശ്യപ്പെട്ടു.

]]> വയനാട് തുരങ്കപാത നിർമാണസ്ഥലത്തിന് സമീപം മണ്ണിടിച്ചിൽ; മൂന്ന് മരണം; നിരവധിപേർ കുടുങ്ങിക്കിടക്കുന്നു https://www.sandhesam.com/Landslide-near-Wayanad-tunnel-construction-site-three-dead-many-trapped https://www.sandhesam.com/Landslide-near-Wayanad-tunnel-construction-site-three-dead-many-trapped Tue, 07 Jul 2026 15:39:06 +0530 Web Desk മേപ്പാടി: വയനാട് കള്ളാടിയിൽ മീനാക്ഷി പാലത്തിനു സമീപമുണ്ടായ മണ്ണിടിച്ചിൽ മരണസംഖ്യ ഉയരുന്നു. മൂന്നുപേർ മരിച്ചതായാണ് റിപ്പോർട്ട്. മരിച്ചവർ അതിഥി തൊഴിലാളികളാണ്. മണ്ണിനടിയിൽ എത്രപേരാണ് കുടുങ്ങിക്കിടക്കുന്നത് എന്ന് സംബന്ധിച്ച് നിലവിൽ വ്യക്തതയില്ല. തുരങ്കപാതയ്ക്ക് വേണ്ടി എടുത്ത മണ്ണ് നിരങ്ങിവന്നാണ് അപകടമുണ്ടായത്. മണ്ണിടിച്ചിലിൽ ഒരു വീടും പള്ളിയും പൂർണമായും തകർന്നു. അതേസമയം, മന്ത്രിമാരായ ടി സിദ്ധീഖും അനിൽ കുമാറും വയനാട്ടിലേക്ക് തിരിച്ചിട്ടിട്ടുണ്ട്. മുഖ്യമന്ത്രി വി.ഡി.സതീശനുമായി കൂടിക്കാഴ്ച്ച നടത്തിയതിന് ശേഷമാണ് മന്ത്രിമാർ വയനാട്ടിലേക്ക് തിരിച്ചത്. നിലവിൽ പ്രദേശത്ത് കനത്ത മഴ തുടരുകയാണ്.

ഇന്ന് രാവിലെയാണ് കള്ളാടി മീനാക്ഷി പാലത്തിന് സമീപമാണ് മണ്ണിടിച്ചിൽ ഉണ്ടായത്. സ്ഥലത്ത് നിരവധി പേർ കുടുങ്ങിക്കിടക്കുന്നുണ്ടെന്ന സംശയത്തെ തുടർന്ന് പ്രദേശത്ത് തെരച്ചിൽ ശക്തമാക്കി. നാട്ടുകാരും ഫയർഫോഴ്സും പ്രദേശത്ത് രക്ഷാപ്രവർത്തനം നടത്തിവരികയാണ്.  വാഹനങ്ങൾ അടക്കം മണ്ണിനടിയിൽ കുടുങ്ങിക്കിടക്കുന്നിരുന്നു. തുരങ്ക പാതയ്ക്കായി കെട്ടി ഉണ്ടാക്കിയ കോൺക്രീറ്റ് മതിൽ ഉൾപ്പെടെ ഇടിഞ്ഞുവീണാണ് അപകടം. കഴിഞ്ഞ ദിവസം അതിതീവ്ര മഴയാണ് ജില്ലയിൽ പെയ്തത്. തൊഴിലാളികളും റോഡിൽ ഉണ്ടായിരുന്ന യാത്രക്കാരും മണ്ണിനടിയിൽ ഉൾപ്പെട്ടിട്ടുണ്ടെന്നാണ് ആശങ്ക. അഞ്ച് പേരെ ആശുപത്രിയിലാക്കിയതായി ദുരന്തനിവാരണ അതോറിറ്റി അറിയിച്ചു. നിലവിൽ 9 പേരാണ് വയനാട് വിംസ് ആശുപത്രിയിൽ ചികിത്സയിലുള്ളത്. ഹിര കുമാർ (32), ദിലീപ് (19), സൂരജ് യാദവ് (25), സഞ്‌ജയ് താക്കൂർ (35), രജനീഷ് (27), തന്മയ് ഘോഷ് (28), കൂപമാൽ (ജയ) (37), കുഞ്ചു (39), സന്തോഷ് കുമാർ എന്നിവരാണ് ചികിത്സയിലുള്ളത്. 

വയനാട് അപകടം ദൗർഭാ​ഗ്യകരമെന്ന് മുഖ്യമന്ത്രി വിഡി സതീശൻ പറഞ്ഞു. തുരങ്കപാതയുടെ നിർമാണം നടക്കുന്ന സ്ഥലത്ത് അശാസ്ത്രീയമായി കൂട്ടിയിട്ടിരുന്ന മണ്ണ് മാറ്റണമെന്ന് മുൻകൂട്ടി പറഞ്ഞിരുന്നു. മണ്ണ് മാറ്റണമെന്ന് 20ന് കളക്ടർ ഉത്തരവിറക്കിയിരുന്നു. എന്നാൽ, കരാറുകാർ നിർദ്ദേശങ്ങൾ പാലിച്ചില്ലെന്നും ‌മുഖ്യമന്ത്രി പ്രതികരിച്ചു. 

]]> ഒരു രാഷ്ട്രീയ പാര്‍ട്ടിയുമായും ഒരു കാലത്തും ബന്ധപ്പെട്ടിട്ടില്ലെന്ന് ശേഷാദ്രിനാഥന്‍ https://www.sandhesam.com/Seshadrinathan-clarifies-on-his-political-past https://www.sandhesam.com/Seshadrinathan-clarifies-on-his-political-past Tue, 07 Jul 2026 10:20:17 +0530 Web Desk തിരുവനന്തപുരം: സംസ്ഥാന തെരഞ്ഞെടുപ്പ് കമ്മീഷറായി നിയമിച്ചത് സംബന്ധിച്ച വിവാദങ്ങള്‍ക്കിടെ തനിക്കെതിരായ ആരോപണങ്ങൾ തളളി സംസ്ഥാന തെരഞ്ഞെടുപ്പ് കമ്മീഷണര്‍ എന്‍ ശേഷാദ്രിനാഥന്‍. ഒരു രാഷ്ട്രീയ പാര്‍ട്ടിയുമായും ഒരു കാലത്തും ബന്ധപ്പെട്ടിട്ടില്ലെന്ന് ശേഷാദ്രിനാഥന്‍ പറഞ്ഞു. കോളേജ് പഠനകാലത്ത് ക്ലാസ് റെപ്രസന്റേറ്റീവ് പോലും ആയിട്ടില്ലെന്നും സ്വതന്ത്രവും നീതിപൂര്‍വ്വവുമായ പ്രവര്‍ത്തനം ഉറപ്പാക്കുമെന്നും ശേഷാദ്രിനാഥന്‍ പറഞ്ഞു. കോൺഗ്രസ് നേതാവ് പിഎം നിയാസുമായി ദീര്‍ഘകാലത്തെ ബന്ധമുണ്ടെന്നും അദ്ദേഹം പറഞ്ഞു. 

'ഒരു കാലത്തും ഒരാളുമായും ബന്ധമില്ല. യുയുസി ആയെന്നൊക്കെയാണ് പറയുന്നത്. ഞാന്‍ പഠിക്കുന്ന കാലത്ത് ഒരു ക്ലാസ് റെപ്രസന്റേറ്റീവ് പോലും ആയിട്ടില്ല. മത്സരിച്ചിട്ടുപോലമില്ല കോളേജില്‍ പഠിക്കുമ്പോള്‍. പ്രൊഫഷനില്‍ മാത്രം ഫോക്കസ് ചെയ്ത് സിവില്‍ നിയമത്തില്‍ ശ്രദ്ധ കേന്ദ്രീകരിച്ച് ജീവിക്കുകയായിരുന്നു. ഒരു രാഷ്ട്രീയ പാര്‍ട്ടിയുമായോ സംഘടനയുമായോ ഒരു ബന്ധവുമില്ല. ഒരു വിവാദപരമായ പോസ്റ്റും ഞാന്‍ ഇട്ടിട്ടില്ല. എന്റെ അടുത്ത സുഹൃത്താണ് പിഎം നിയാസ്. ദീര്‍ഘകാലമായി അറിയാം', ശേഷാദ്രിനാഥന്‍ പറഞ്ഞു.

]]> പിടികിട്ടാപ്പുള്ളി സുകുമാരക്കുറുപ്പിന് എന്ത് സംഭവിച്ചെന്ന് വീണ്ടും അന്വേഷിക്കാനൊരുങ്ങി ക്രൈംബ്രാഞ്ച് https://www.sandhesam.com/Sukuramara-kurup-case https://www.sandhesam.com/Sukuramara-kurup-case Tue, 07 Jul 2026 10:15:43 +0530 Web Desk തിരുവനന്തപുരം: കേരളത്തിന്‍റെ കുറ്റകൃത്യ ചരിത്രത്തിലെ ഏറ്റവും വലിയ ദുരൂഹത നീക്കാൻ കേരള പൊലീസ്,  പിടികിട്ടാപ്പുള്ളിയായ സുകുമാരക്കുറുപ്പിന് എന്ത് സംഭവിച്ചെന്ന് വീണ്ടും അന്വേഷിക്കാനൊരുങ്ങി ക്രൈംബ്രാഞ്ച്. രഹസ്യ അന്വേഷണത്തിനാണ് ക്രൈംബ്രാഞ്ച് നീക്കം. കുറുപ്പ് എവിടെപ്പോയി എന്നത് 42 വർഷം നീണ്ട ദുരൂഹതയാണ്. ഇൻഷുറൻസ് തട്ടിയെടുക്കാനായി സുഹൃത്തിനെ ചുട്ടുകൊലപ്പെടുത്തുകയായിരുന്നു കുറുപ്പ്. കുറുപ്പ് ജീവിച്ചിരിപ്പുണ്ടോ മരിച്ചോയെന്ന് ഇനിയും വ്യക്തമല്ല. വർഷങ്ങളായി മരവിച്ച കേസാണ് ക്രൈംബ്രാഞ്ചിൽ പുനഃപരിശോധിച്ചത്. കേരള പോലീസിന്റെ പട്ടികയിലെ ഏറ്റവും പ്രധാനപ്പെട്ട പിടികിട്ടാപുള്ളിയാണ് സുകുമാരക്കുറുപ്പ്. ഐജി അജിത ബീഗത്തിൻ്റെ നേതൃത്വത്തിൽ കേസിൻ്റെ പരിശോധന നടത്തിയിരിക്കുകയാണ്

]]> സഹപാഠി ലാപ്ടോപ് കൊണ്ട് തലയ്ക്കടിച്ചു; ഉസ്ബക്കിസ്ഥാനിൽ മലയാളി വിദ്യാർഥിനി കൊല്ലപ്പെട്ടു https://www.sandhesam.com/Malayali-student-killed-in-Uzbekistan-after-classmate-hits-her-on-the-head-with-laptop https://www.sandhesam.com/Malayali-student-killed-in-Uzbekistan-after-classmate-hits-her-on-the-head-with-laptop Tue, 07 Jul 2026 09:57:42 +0530 Web Desk ആലപ്പുഴ: മലയാളി മെഡിക്കല്‍ വിദ്യാര്‍ത്ഥി ഉസ്‌ബെക്കിസ്താനില്‍ കൊല്ലപ്പെട്ടു. ആലപ്പുഴ ഹരിപ്പാട് സ്വദേശിനിയായ സാവരിയ(22) ആണ് മരിച്ചത്. സഹപാഠി ലാപ്‌ടോപ്പ് ഉപയോഗിച്ച് തലക്കടിച്ച് കൊലപ്പെടുത്തുകയായിരുന്നുവെന്നാണ് വിവരം. മലപ്പുറം സ്വദേശിയായ യുവാവ് ഉസ്‌ബെക്കിസ്താനില്‍ പിടിയിലായിട്ടുണ്ട്. പെരിന്തല്‍മണ്ണ സ്വദേശിയായ സദറുല്‍ അനം(23) ആണ് അറസ്റ്റിലായത്. ഇയാളും മെഡിക്കല്‍ വിദ്യാര്‍ത്ഥിയാണ്.

ഉസ്‌ബെക്കിസ്ഥാനിലെ ബുഖാറ സ്റ്റേറ്റ് മെഡിക്കല്‍ യൂണിവേഴ്‌സിറ്റിയിലെ വിദ്യാര്‍ത്ഥികള്‍ ആണ് ഇരുവരും. കുട്ടിയെ ഫോണില്‍ വിളിച്ച് ലഭിക്കാത്തത് മൂലം വീട്ടുകാര്‍ അന്വേഷിച്ചപ്പോഴാണ് കൊലപാതക വിവരം പുറത്തറിയുന്നത്. കൊല്ലപ്പെട്ട പെണ്‍കുട്ടിയുടെ മൃതദേഹം ഡല്‍ഹിയില്‍ എത്തിച്ചിട്ടുണ്ട്.

]]> യുഎസിനെ ഒന്നിനെതിരെ നാലു ഗോളുകൾക്കു തകർത്ത് ബെൽജിയം ക്വാർട്ടർ ഫൈനലിൽ https://www.sandhesam.com/United-States-eliminated-from-World-Cup%2C-losing-4-1-to-Belgium https://www.sandhesam.com/United-States-eliminated-from-World-Cup%2C-losing-4-1-to-Belgium Tue, 07 Jul 2026 09:53:55 +0530 Web Desk  ആതിഥേയരായ യുഎസിനെ ഒന്നിനെതിരെ നാലു ഗോളുകൾക്കു തകർത്ത് ഫിഫ ലോകകപ്പിൻ്റെ ക്വാർട്ടർ ഫൈനലിൽ കടന്ന് ബൽജിയം. സിയാറ്റിൽ സ്റ്റേഡിയത്തിൽ നടന്ന പോരാട്ടത്തിൽ ആദ്യ പകുതിയിൽ ചാൾസ് ഡെ കെറ്റലരെയുടെ ഇരട്ട ഗോളുകളും (9, 33), രണ്ടാം പകുതിയിൽ ഹൻസ് വനകൻ്റെ (57)യും റൊമേലു ലുക്കാക്കുവിൻ്റെയും (90+3) ഗോളുകളുമാണ് ബൽജിയത്തെ വിജയത്തിലെത്തിച്ചത്. 31–ാം മിനിറ്റിൽ മാലിക് ടിൽമാനാണ് യുഎസിൻ്റെ ആശ്വാസ ഗോൾ കണ്ടെത്തിയത്. ശനിയാഴ്ച നടക്കുന്ന ക്വാർട്ടർ‍ ഫൈനലിൽ സ്പെയിനാണ് ബൽജിയത്തിന്റെ എതിരാളികൾ. പന്തടക്കത്തിലും പാസുകളിലും യുഎസിനേക്കാൾ പിന്നിലായിട്ടും തുടർച്ചയായി നടത്തിയ ആക്രമണങ്ങളാണ് പോരാട്ടത്തിൽ ബൽജിയത്തിന് മേൽക്കൈ നേടിക്കൊടുത്തത്. 15 ഷോട്ടുകൾ ബൽജിയം ഗോൾ ലക്ഷ്യമാക്കി പായിച്ചപ്പോൾ അതിൽ ഏഴെണ്ണം ഓൺ ടാർഗറ്റായിരുന്നു. അതേസമയം യുഎസിൻ്റെ രണ്ട് ഷോട്ടുകൾ മാത്രമാണ് ഓൺ ടാർഗറ്റായത്

]]> ഒ​റ്റ​ ​ഗോ​ളി​ൽ​ ​സ്പാ​നി​ഷ് ​ജ​യം, പോ​ർ​ച്ചു​ഗ​ൽ​ ​പ്രീ​ ​ക്വാ​ർ​ട്ട​റി​ൽ​ ​പു​റ​ത്ത് https://www.sandhesam.com/Spain-defeats-Portugal--1-0 https://www.sandhesam.com/Spain-defeats-Portugal--1-0 Tue, 07 Jul 2026 09:21:04 +0530 Web Desk ഡാ​ല​സ് ​:​ ​ആ​വേ​ശ​പ്പോ​രാ​ട്ട​ത്തി​ന്റെ​ 90​-ാം​ ​മി​നി​ട്ടി​ൽ​ ​മൈ​ക്കേ​ൽ​ ​മെ​റീ​നോ​ ​നേ​ടി​യ​ ​ഗോ​ളി​ന് ​പോ​ർ​ച്ചു​ഗ​ലി​നെ​ ​തോ​ൽ​പ്പി​ച്ച് ​സ്പെ​യ്ൻ​ ​ലോ​ക​ക​പ്പ് ​ക്വാ​ർ​ട്ട​ർ​ ​ഫൈ​ന​ലി​ലെ​ത്തി.​ഇ​രു​ ​പ​കു​തി​ക​ളി​ലും​ ​ഇ​രു​ഭാ​ഗ​ത്തും​ ​മി​ക​ച്ച​ ​മു​ന്നേ​റ്റ​ങ്ങ​ളു​ണ്ടാ​യെ​ങ്കി​ലും​ ​ഗോ​ൾ​ ​കീ​പ്പ​ർ​മാ​രു​ടെ​ ​സേ​വു​ക​ളാ​ണ് ​ല​ക്ഷ്യം​ ​ഭേ​ദി​ക്കു​ന്ന​തി​ൽ​ ​ത​ട​സ​മാ​യി​ ​നി​ന്ന​ത്.​ ​എ​ന്നാ​ൽ​ ​ക​ളി​ ​അ​വ​സാ​ന​ത്തോ​ട് ​അ​ടു​ത്ത​പ്പോ​ൾ​ ​ല​ക്ഷ്യം​ ​തെ​റ്റി​നി​ന്ന​ ​ഗോ​ളി​യെ​ ​മ​റി​ക​ട​ന്ന് ​മെ​റീ​ന​ ​പെ​ട്ടെ​ന്ന് ​ല​ഭി​ച്ച​ ​അ​വ​സ​ര​ത്തി​ൽ​ ​സ്കോ​ർ​ ​ചെ​യ്തു.


41​കാ​ര​ൻ​ ​ക്രി​സ്റ്റ്യാ​നോ​ ​റൊ​ണാ​ൾ​ഡോ​യു​ടെ​ ​നേ​തൃ​ത്വ​ത്തി​ലി​റ​ങ്ങി​യ​ ​പോ​ർ​ച്ചു​ഗ​ലി​നെ​തി​രെ​ 18​കാ​ര​ൻ​ ​ലാ​മി​ൻ​ ​യ​മാ​ലി​നെ​ ​കു​ന്ത​മു​ന​യാ​ക്കി​യാ​ണ് ​സ്പെ​യ്ൻ​ ​ക​ളി​ച്ച​ത്.​ ​ആ​ദ്യ​ ​മു​ന്നേ​റ്റം​ ​സ്പാ​നി​ഷ് ​പ​ട​യു​ടേ​താ​യി​രു​ന്നു​വെ​ങ്കി​ലും​ ​പോ​ർ​ച്ചു​ഗ​ൽ​ ​ഗോ​ളി​ ​ഡീ​ഗോ​ ​കോ​സ്റ്റ​ ​ഇ​ര​ട്ട​ ​സേ​വു​ക​ളി​ലൂ​ടെ​യ​ത് ​നി​ർ​വീ​ര്യ​മാ​ക്കി.37​-ാം​ ​മി​നി​ട്ടി​ൽ​ ​ക്രി​സ്റ്റ്യാ​നോ​ ​റൊ​ണാ​ൾ​ഡോ​യു​ടെ​ ​ഒ​രു​ ​ബൈ​സ​ക്കി​ൾ​ ​കി​ക്കി​നു​ള്ള​ ​ശ്ര​മം​ ​സ്പാ​നി​ഷ് ​ഗോ​ളി​ ​ഉ​നേ​യ് ​സി​മോ​ൺ​ ​ഡൈ​വ് ​ചെ​യ്ത് ​ക​യ്യി​ലൊ​തു​ക്കി.

മത്സരം എക്സ്ട്രാ ടൈമിലേക്ക് നീങ്ങുമെന്ന് കരുതിയിരിക്കെയാണ് 91-ാം മിനിറ്റിൽ സ്പെയിൻ ആരാധകരെ ആവേശത്തിലാഴ്ത്തിയ ആ നിമിഷം പിറന്നത്.  മിക്കൽ മെറിനോ പോർച്ചുഗൽ ഗോളി ഡിയോഗോ കോസ്റ്റയെ മറികടന്ന് പന്ത് വലയിലെത്തിക്കുകയായിരുന്നു. 85-ാം മിനിറ്റിൽ ഡാനി ഓൽമോയ്ക്ക് പകരക്കാരനായി ആണ് മെറിനോ കളത്തിലിറങ്ങിയത്. 

91-ാം മിനിറ്റിൽ പോർച്ചുഗൽ പ്രതിരോധം റഫറിയോട് തർക്കിച്ചു നിന്ന നിമിഷം മുതലെടുത്ത് മെറിനോ കളി വേഗത്തിൽ പുനരാരംഭിക്കുകയും ബോക്സിലേക്ക് കുതിച്ചു കയറി ഗോൾ നേടുകയും ചെയ്തു. ഈ ഒറ്റ ഗോളിന്റെ കരുത്തിൽ നിലവിലെ യൂറോപ്യൻ ചാമ്പ്യന്മാരായ സ്പെയിൻ ലോകകപ്പിന്റെ അവസാന എട്ടിൽ ഇടംപിടിച്ചു. മത്സരത്തിൽ 15 ഷോട്ടുകളാണ് സ്പെയ്നിൽ നിന്ന് വന്നത്. ഓൺ ടാർഗറ്റിലേക്ക് എത്തിയത് ആറെണ്ണവും. മറുവശത്ത് പോർച്ചുഗൽ 10 ഷോട്ടുകൾ ഉതിർത്തപ്പോൾ ടാർഗറ്റിലേക്ക് എത്തിയത് മൂന്നെണ്ണം മാത്രം. പന്ത് കൈവശം വെക്കുന്നതിലും പാസ് കൃത്യതയിലും പോർച്ചുഗലിനേക്കാൾ നേരിയ മുൻതൂക്കം സ്പെയ്നിനായിരുന്നു. 

തന്റെ കരിയറിലെ 233-ാം അന്താരാഷ്ട്ര മത്സരത്തിനാണ് ക്രിസ്റ്റ്യാനോ റൊണാൾഡോ പോർച്ചുഗലിനായി ബൂട്ട് കെട്ടിയത്. തന്റെ അവസാന ലോകകപ്പ് ക്യാമ്പയിൻ വിജയകരമാക്കാൻ റൊണാൾഡോ 90 മിനിറ്റും മൈതാനത്ത് സജീവമായി ഉണ്ടായിരുന്നു. മുൻനിരയിൽ പോർച്ചുഗലിന്റെ ആക്രമണങ്ങൾക്ക് താരം നേതൃത്വം നൽകിയെങ്കിലും സ്പെയിനിന്റെ യുവ പ്രതിരോധ നിരയായ പൗ കുബാർസിയും ലപോർട്ടയും റൊണാൾഡോയ്ക്ക് കൂടുതൽ അവസരങ്ങൾ നൽകിയില്ല. മത്സരത്തിന്റെ അവസാന നിമിഷങ്ങളിൽ ഗോൾ നേടാൻ ചില അവസരങ്ങൾ ലഭിച്ചെങ്കിലും അവ ലക്ഷ്യത്തിലെത്തിക്കാൻ സാധിച്ചില്ല.

]]> പാക്ക് അധീന കശ്മീരിലെ പ്രക്ഷോഭം; നിയന്ത്രണരേഖയിലെ അതിർത്തി തുറന്നുനൽകണമെന്നു പ്രക്ഷോഭകാരികൾ https://www.sandhesam.com/POK-unrest https://www.sandhesam.com/POK-unrest Mon, 06 Jul 2026 16:45:21 +0530 Web Desk പാക്ക് അധീന കശ്മീരിൽ പ്രക്ഷോഭം തുടരുന്നതിനിടെ ഇന്ത്യയുടെ സഹായം ആവശ്യപ്പെട്ട് നേതാക്കൾ. പാക്ക് ഭരണത്തിൽ അസ്വസ്ഥരായ ജനങ്ങൾ മേഖലയിൽ ആരംഭിച്ച പ്രക്ഷോഭം ദിവസങ്ങൾ പിന്നിടുകയും ഡസൻ കണക്കിനുപേർ കൊല്ലപ്പെടുകയും ചെയ്തതിനു പിന്നാലെയാണ് ഇന്ത്യൻ സഹായമാവശ്യപ്പെട്ട് സമരനേതാക്കൾ രംഗത്തെത്തിയത്. മേഖലയിൽ പാക്കിസ്ഥാൻ സാമ്പത്തിക ഉപരോധമേർപ്പെടുത്തിയിരിക്കുകയാണെന്ന് ജോയിന്റ് അവാമി ആക്‌ഷൻ കമ്മിറ്റി നേതാവും ഇന്ത്യയോട് അടുത്ത ബന്ധം പുലർത്തുന്നയാളുമായ സർദാർ അമാൻ ഖാൻ പറഞ്ഞു. പാക്ക അധീന കശ്മീരിലേക്ക് ഇന്ത്യ സഹായമെത്തിക്കണമെന്നും നിയന്ത്രണരേഖയിലെ അതിർത്തി തുറന്നുനൽകണമെന്നുമാണ് അമാൻ ഖാന്റെ ആവശ്യം.

‘ഞങ്ങൾക്ക് ഇന്ത്യയുടെ സഹായം ആവശ്യമുണ്ട്. ഇവിടെ റേഷൻ ക്ഷാമം നേരിടുകയാണ്.’–പാക്ക് അധീന കശ്മീരിൽ പ്രക്ഷോഭം നടത്തുന്ന ജനക്കൂട്ടത്തെ റവാലകോട്ട് ഈദ്ഗാഹ് ഗ്രൗണ്ടിൽ അഭിസംബോധന ചെയ്ത് സർദാർ അമാൻ ഖാൻ പറയുന്നതിന്റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചു. മേഖലയിൽ ഭക്ഷണത്തിനും മരുന്നിനും ക്ഷാമം അനുഭവപ്പെടുന്നുണ്ടെന്നും സുരക്ഷാ ഉദ്യോഗസ്ഥർ പ്രക്ഷോഭകർക്കെതിരെ ആക്രമണം ശക്തമാക്കിയെന്നും അദ്ദേഹം പറയുന്നു. പ്രക്ഷോഭം കനത്താൽ നിയന്ത്രണരേഖയിലേക്ക് പോകുമോയെന്ന് അമാൻ ഖാൻ ജനങ്ങളോടു ചോദിക്കുമ്പോൾ ‘അങ്ങോട്ടേക്ക് പോകാം’ എന്നാണ് ജനക്കൂട്ടം മറുപടി പറയുന്നത്. ജനങ്ങളുടെ ആവശ്യങ്ങള്‍ക്ക് അധികൃതർ വെടിയുണ്ട കൊണ്ടാണ് മറുപടി നൽകുന്നതെങ്കിൽ ഞങ്ങൾക്കും മറ്റു വഴികളുണ്ടെന്നും അദ്ദേഹം മുന്നറിയിപ്പു നൽകുന്നു. 

]]> ഫിഫ ലോകകപ്പ് 2026ന് ആവേശം പകരാൻ ആലപ്പുഴയിൽ നിന്ന് ആഗോള നിലവാരത്തിലുള്ള മ്യൂസിക് ആന്തം;‘One Arena’ https://www.sandhesam.com/One-arena-sung-by-Rosan-beomes-huge-hit https://www.sandhesam.com/One-arena-sung-by-Rosan-beomes-huge-hit Mon, 06 Jul 2026 16:29:37 +0530 Web Desk അതിരുകൾക്കും ഭാഷകൾക്കും അപ്പുറം ഒരേ വികാരത്തിൽ മനുഷ്യരെ കൂട്ടിയിണക്കുന്ന ഫുട്ബോളിന്റെ വർണക്കാഴ്ചയിലാണ് ലോകം. ജൂൺ 11ന് കാൽപന്തുകളിയുടെ ആരവത്തിന് കിക്കോഫ് മുഴങ്ങിയപ്പോൾ എല്ലാ കണ്ണുകളും പച്ചപ്പട്ട് വിരിച്ച മൈതാനത്തേക്കായിരുന്നു. ഇതിനിടെ ജൂൺ 20ന് റിലീസ് ചെയ്ത ഒരു മ്യൂസിക് ആൽബമാണ് സോഷ്യൽ മീഡിയയിൽ തരംഗമാകുന്നത്. ഫിഫ ട്രിബ്യൂട്ട് മ്യൂസിക് ആൽബമായ 'വൺ അരീന'യെക്കുറിച്ചാണ് പറഞ്ഞുവരുന്നത്. ലോകമെമ്പാടും ഈ പാട്ട് ആസ്വദിക്കുന്നമ്പോൾ മലയാളികൾ അഭിമാനിക്കാം.

കാരണം ഈ പാട്ടിന് മുന്നിലും പിന്നിലും പ്രവർത്തിച്ചവർ എല്ലാം മലയാളികൾ തന്നെയാണ്. മിഥുൻ കെ എം വരികൾ എഴുതി സംഗീതം നിർവഹിച്ച ഗാനം 18കാരിയായ റോസാൻ ആന്റണിയാണ് ആലപിച്ചിരിക്കുന്നത്. തിരുവാണിയൂർ ഗ്ലോബൽ പബ്ലിക് സ്കൂളിൽ പ്ലസ് ടു പഠനം പൂർത്തിയാക്കിയ റോസാൻ തൃശൂർ സ്വദേശിയായ ആന്റണിയുടെയും കൊച്ചി സ്വദേശിയായ ടെസയുടെയും രണ്ടാമത്തെ മകളാണ്.

]]> ഹൈക്കോടതിയിലെ സീനിയർ ഗവൺമെന്റ് പ്ലീഡർ രാജിവെച്ചു; യുഡിഎഫ് സര്‍ക്കാരിന്റെ കാലത്തെ രണ്ടാമത്തെ രാജി https://www.sandhesam.com/senior-govt-pleader-resigns https://www.sandhesam.com/senior-govt-pleader-resigns Mon, 06 Jul 2026 16:10:11 +0530 Web Desk ഹൈക്കോടതിയിലെ അഡ്വക്കേറ്റ് ജനറൽ ഓഫീസിലെ സീനിയർ ഗവൺമെന്റ് പ്ലീഡർ എം വി വിപിൻ സ്ഥാനം രാജിവെച്ചു. മുഖ്യമന്ത്രിയുടെ നിര്‍ദേശത്തെത്തുടർന്നാണ് രാജി സമർപ്പിച്ചത്. വിപിന്റെ രാജി നിയമവകുപ്പ് അംഗീകരിച്ചിട്ടുണ്ട്. യുഡിഎഫ് സർക്കാർ അധികാരമേറ്റതിന് ശേഷം ഹൈക്കോടതിയിലെ അഭിഭാഷക നിയമനങ്ങളുമായി ബന്ധപ്പെട്ട് ഉണ്ടാകുന്ന രണ്ടാമത്തെ രാജിയാണിത്.വിപിന് സിപിഐഎമ്മുമായി അടുത്ത ബന്ധമുണ്ടെന്ന് ആരോപിച്ച് ലോയേഴ്സ് കോൺഗ്രസ് മുഖ്യമന്ത്രിക്ക് പരാതി നൽകിയിരുന്നു. കഴിഞ്ഞ നിയമസഭാ തെരഞ്ഞെടുപ്പിൽ കളമശ്ശേരി മണ്ഡലത്തിലെ എൽഡിഎഫ് സ്ഥാനാർത്ഥി പി രാജീവിന്റെ പ്രചാരണ പരിപാടികളിൽ വിപിൻ സജീവമായി പങ്കെടുത്തെന്നാണ് ലോയേഴ്സ് കോൺഗ്രസിന്റെ പരാതി.

ഹൈക്കോടതിയിലെ പുതിയ അഭിഭാഷക നിയമനങ്ങളെച്ചൊല്ലി ലോയേഴ്സ് കോൺഗ്രസിനുള്ളിൽ വലിയ അതൃപ്തിയാണ് നിലനിൽക്കുന്നത്. രാഷ്ട്രീയ പശ്ചാത്തലം കൃത്യമായി പരിശോധിക്കാതെയാണ് നിയമനങ്ങൾ നടക്കുന്നതെന്നാണ് ഇവരുടെ ആക്ഷേപം.വിപിന്റെ രാജിക്ക് പിന്നാലെ, സീനിയർ ജി പി. യായി നിയമിതയായ പി ദീപ്തിയും സ്പെഷ്യൽ ജി പിയായി നിയമിതനായ ജോൺ വർഗീസും ഇതുവരെ ചുമതലയേറ്റിട്ടില്ല. ദേവസ്വം വകുപ്പിന്റെ പ്രത്യേക അഭിഭാഷകനായി നിയമിതനായ കെ ബി പ്രദീപ് കഴിഞ്ഞ ദിവസം രാജിവെച്ചിരുന്നു. സ്മാർട്ട് ക്രിയേഷൻസ് കേസിൽ അഭിഭാഷകനായിരുന്ന പ്രദീപിനെ ദേവസ്വം സ്പെഷ്യൽ ഗവൺമെന്റ് പ്ലീഡറാക്കിയതിനെതിരെ വ്യാപക വിമർശനം ഉയർന്നതോടെ മുഖ്യമന്ത്രി രാജി ആവശ്യപ്പെടുകയായിരുന്നു.

കോൺഗ്രസ് അനുഭാവമുള്ള അഭിഭാഷകരെ പൂർണ്ണമായും അവഗണിച്ച്, വ്യക്തിപരമായ താൽപ്പര്യങ്ങളുടെ അടിസ്ഥാനത്തിലാണ് ഹൈക്കോടതിയിലെ പുതിയ നിയമനങ്ങൾ നടക്കുന്നതെന്ന് കാണിച്ച് ലോയേഴ്സ് കോൺഗ്രസ് സംസ്ഥാന അധ്യക്ഷൻ പി കെ അബ്ദുറഹ്മാൻ കെപിസിസി അധ്യക്ഷന് പരാതി നൽകിയിട്ടുണ്ട്. പാർട്ടിക്ക് വേണ്ടി സജീവമായി രംഗത്തുള്ള ലോയേഴ്സ് കോൺഗ്രസ് അംഗങ്ങളെ ഇത്തരം പദവികളിലേക്ക് പരിഗണിക്കണമെന്നാണ് സംഘടനയുടെ ആവശ്യം.

]]> 'വൈഭവിന് വേണ്ടി സഞ്ജുവിനെ പുറത്താക്കിയത് വിചിത്രം, ഇരുവര്‍ക്കും കളിക്കാമായിരുന്നു' https://www.sandhesam.com/sanju-samson-should-have-included https://www.sandhesam.com/sanju-samson-should-have-included Mon, 06 Jul 2026 16:04:41 +0530 Web Desk ഇംഗ്ലണ്ടിനെതിരായ പരമ്പരയിലെ രണ്ടാം ടി20യിൽ നിന്ന് സഞ്ജു സാംസണിനെ മാറ്റി നിർത്തിയത് വലിയ ചർച്ചകൾക്കാണ് വഴിയൊരുക്കിയത്. അയർലൻഡിനെതിരായ മത്സരങ്ങളിലും ഇംഗ്ലണ്ടിനെതിരായ ആദ്യ മത്സരത്തിലും സഞ്ജുവിന് തിളങ്ങാനായില്ല. ഇതോടെ സഞ്ജുവിന് പകരം ഓപ്പണിംഗിൽ ഇന്ത്യ ബാറ്റിംഗ് സെൻസേഷൻ വൈഭവ് സൂര്യവൻഷിക്ക് അവസരം നൽകി. സഞ്ജുവിനോട് ചെയ്യുന്നത് ശരിയല്ല എന്നാണ് ഇന്ത്യൻ മുൻ താരം ആകാശ് ചോപ്ര ഇത് ചൂണ്ടി അഭിപ്രായപ്പെടുന്നത്. 

ഇപ്പോള്‍ മുന്‍താരം സഞ്ജയ് മഞ്ജരേക്കറും ഇതേകാര്യം വ്യക്തമാക്കി രംഗത്തെത്തിയിരിക്കുകയാണ്.

ഇംഗ്ലണ്ടിനെതിരായ രണ്ടാം ടി20 മത്സരത്തില്‍ വൈഭവ് ഇന്ത്യന്‍ ജേഴ്‌സിയില്‍ അരങ്ങേറ്റം കുറിച്ചതില്‍ സന്തോഷമുണ്ടെന്നും എന്നാല്‍ സഞ്ജു സാംസണെ പ്ലേയിങ് ഇലവനില്‍ നിന്ന് ഒഴിവാക്കിയ തീരുമാനം അങ്ങേയറ്റം 'വിചിത്ര'മാണെന്നും സഞ്ജയ് മഞ്ജരേക്കര്‍ പറഞ്ഞു. വൈഭവിനെ ടീമില്‍ ഉള്‍പ്പെടുത്താന്‍ സഞ്ജുവിനെ പുറത്തിരുത്തേണ്ട ഒരു ആവശ്യവുമില്ലായിരുന്നുവെന്നും, ഇരുവര്‍ക്കും ഒരുമിച്ച് ടീമില്‍ കളിക്കാമായിരുന്നുവെന്നും മഞ്ജരേക്കര്‍ അഭിപ്രായപ്പെട്ടു.

'വൈഭവിനെ ഇന്ത്യന്‍ ജേഴ്‌സിയില്‍ കാണാനായതില്‍ വലിയ സന്തോഷം. പക്ഷേ സഞ്ജു സാംസണിന്റെ കാര്യമോ?! തമാശ പറയുകയാണോ! പരിക്ക് പറ്റിയതായിരിക്കും എന്ന് ഞാന്‍ കരുതുന്നു. അതല്ലെങ്കില്‍, ഇത് ക്രിക്കറ്റ് ചരിത്രത്തിലെ തന്നെ ഏറ്റവും വിചിത്രമായ ടീം തിരഞ്ഞെടുപ്പാണ്! വൈഭവിനെ കളിപ്പിക്കാന്‍ സഞ്ജുവിനെ പുറത്തിരുത്തേണ്ട കാര്യമുണ്ടോ, മൂന്നാം നമ്പരില്‍ ബാറ്റിങ്ങിന് ഇറക്കി രണ്ടുപേര്‍ക്കും കളിക്കാന്‍ അവസരം നല്‍കാമായിരുന്നു' -മഞ്ജരേക്കര്‍ എക്‌സില്‍ കുറിച്ചു.

]]> കോറോ ഹെല്‍ത്തില്‍ തല്‍സ്ഥിതി തുടരാന്‍ തീരുമാനം https://www.sandhesam.com/Coro-health-labour-strike https://www.sandhesam.com/Coro-health-labour-strike Mon, 06 Jul 2026 15:59:25 +0530 Web Desk കൊച്ചി: ഇന്‍ഫോപാര്‍ക്ക് കേന്ദ്രീകരിച്ച് പ്രവര്‍ത്തിക്കുന്ന യുഎസ് ആസ്ഥാനമായുള്ള മെഡിക്കല്‍ കോഡിങ് കമ്പനിയായ കോറോ ഹെല്‍ത്ത് പത്താം തീയതി വരെ തുറന്നുപ്രവര്‍ത്തിക്കും. മുന്‍കൂര്‍ നോട്ടീസ് നല്‍കാതെ 700ലധികം ജീവനക്കാരെ കൂട്ടത്തോടെ പിരിച്ചുവിട്ടതിനെ തുടര്‍ന്ന് തൊഴിലാളികളുടെ ഭാഗത്ത് നിന്ന് പ്രതിഷേധം തുടരുന്നതിനിടെ, കമ്പനി പ്രതിനിധിയുമായി ലേബര്‍ കമ്മീഷണറും തൃക്കാക്കര എംഎല്‍എ ഉമാ തോമസും നടത്തിയ ചര്‍ച്ചയെ തുടര്‍ന്നാണ് തല്‍സ്ഥിതി തുടരാന്‍ തീരുമാനിച്ചത്. പത്താംതീയതി കമ്പനി പ്രതിനിധിയുമായി തൊഴില്‍മന്ത്രി ബിന്ദു കൃഷ്ണ നടത്തുന്ന ചര്‍ച്ചയില്‍ അന്തിമ തീരുമാനം ഉണ്ടാവും.

കമ്പനിയുടെ ലീഗല്‍ പ്രതിനിധിയുമായി നടത്തിയ ചര്‍ച്ചയില്‍ തല്‍സ്ഥിതി തുടരാന്‍ തീരുമാനിച്ചതായി ഉമാ തോമസ് മാധ്യമങ്ങളോട് പറഞ്ഞു. എല്ലാ സൗകര്യങ്ങളും ഉറപ്പാക്കി ഇന്നുമുതല്‍ തന്നെ ജീവനക്കാരെ ഓഫീസില്‍ പ്രവേശിക്കാന്‍ അനുവദിക്കും. വര്‍ക്കില്ലെങ്കിലും ജീവനക്കാരെ ഓഫീസില്‍ കയറ്റാന്‍ കമ്പനി സമ്മതിച്ചിട്ടുണ്ട്. ഡൈനിങ്, വാഷ്‌റൂം ഉള്‍പ്പെടെ എല്ലാ സൗകര്യങ്ങളും ജീവനക്കാര്‍ക്ക് ലഭ്യമാക്കും. പത്താംതീയതി കമ്പനി പ്രതിനിധിയുമായി തൊഴില്‍മന്ത്രി ബിന്ദു കൃഷ്ണ നടത്തുന്ന ചര്‍ച്ചയില്‍ സമവായം ഉണ്ടാവുമെന്ന് പ്രതീക്ഷിക്കുന്നതായും ഉമാ തോമസ് അറിയിച്ചു.

പത്താംതീയതി മുതല്‍ സാധാരണ നിലയില്‍ പ്രവര്‍ത്തിക്കുന്നതിന് കമ്പനിക്ക് ആവശ്യമായ സഹായങ്ങള്‍ സര്‍ക്കാര്‍ നല്‍കുമെന്നാണ് മന്ത്രി പറഞ്ഞിരിക്കുന്നതെന്ന് ലേബര്‍ കമ്മീഷണര്‍ പറഞ്ഞു. ഇപ്പോള്‍ നിയമനടപടി സ്വീകരിക്കുന്നില്ല. പത്താംതീയതിയിലെ മീറ്റിങ്ങില്‍ ജീവനക്കാര്‍ക്ക് അനുകൂല തീരുമാനം ഉണ്ടാകുമെന്നാണ് പ്രതീക്ഷിക്കുന്നത്. അതുവരെ കാത്തിരിക്കും. പത്താംതീയതിയിലെ മീറ്റിങ്ങില്‍ സമവായത്തില്‍ എത്താന്‍ സാധിച്ചില്ലെങ്കില്‍ നിയമനടപടിയുമായി മുന്നോട്ടുപോകുമെന്നും ലേബര്‍ കമ്മീഷണര്‍ അറിയിച്ചു.

വ്യാവസായിക തര്‍ക്ക പരിഹാര നിയമം അനുസരിച്ച് 100 തൊഴിലാളികളില്‍ കൂടുതലുള്ള സ്ഥാപനങ്ങള്‍ അടച്ചുപൂട്ടണമെങ്കില്‍ 90 ദിവസത്തിന് മുന്‍പ് സര്‍ക്കാരിന്റെ അനുമതി വാങ്ങേണ്ടതാണ്. ഇവിടെ ഇത് സംഭവിച്ചിട്ടില്ല. പൂട്ടുന്നതുമായി ബന്ധപ്പെട്ട് കമ്പനിയുടെ ഭാഗത്ത് നിന്ന് ഒരു അറിയിപ്പും സര്‍ക്കാരിന് ലഭിച്ചിട്ടില്ല. അതിനാല്‍ പത്താംതീയതിയില്‍ ജീവനക്കാര്‍ക്ക് അനുകൂലമായ നിലപാട് സ്വീകരിക്കാതെ അടച്ചുപൂട്ടാനാണ് കമ്പനി അധികൃതര്‍ തീരുമാനമെടുക്കുന്നതെങ്കില്‍ അടച്ചുപൂട്ടുന്നത് നിയമപരമല്ല എന്ന് കാട്ടി നിയമനടപടികളുമായി സര്‍ക്കാര്‍ മുന്നോട്ടുപോകുമെന്നും ലേബര്‍ കമ്മീഷണര്‍ അറിയിച്ചു. കമ്പനിയുടെ കേരളത്തിലെ പ്രവര്‍ത്തനങ്ങള്‍ ലാഭകരമല്ലെന്നും പുതിയ പ്രോജക്ട് ലഭിക്കുന്നില്ലെന്നുമാണ് അടച്ചുപൂട്ടാനുള്ള കമ്പനിയുടെ തീരുമാനത്തിന് പിന്നിലെ കാരണമായി ലീഗല്‍ പ്രതിനിധി വിശദീകരിക്കുന്നതെന്നും ലേബര്‍ കമ്മീഷണര്‍ കൂട്ടിച്ചേര്‍ത്തു.

]]> ഓണത്തിന് കേരളത്തിലേക്ക് നൂറ് സ്പെഷ്യൽ ട്രെയിനുകൾ; പ്രഖ്യാപനവുമായി റെയിൽവേ https://www.sandhesam.com/100-special-trains-during-Onam https://www.sandhesam.com/100-special-trains-during-Onam Mon, 06 Jul 2026 15:52:15 +0530 Web Desk ഭുവനേശ്വർ: ഓണക്കാലത്തെ യാത്രക്കാരുടെ തിരക്ക് കണക്കിലെടുത്ത് കേരളത്തിലേക്ക് നൂറ് അധിക സ്പെഷ്യൽ ട്രെയിനുകൾ അനുവദിക്കുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. തിങ്കളാഴ്ച ഒഡീഷയിലെ ഭുവനേശ്വറിൽ മാധ്യമങ്ങളോട് സംസാരിക്കവെയാണ് മന്ത്രി ഇക്കാര്യം അറിയിച്ചത്.

ഉത്സവ സീസണിലെ വലിയ തിരക്ക് മുൻകൂട്ടിക്കണ്ടാണ് ഈ അധിക സർവീസുകൾ ഏർപ്പെടുത്താൻ റെയിൽവേ തീരുമാനിച്ചത്. സ്പെഷ്യൽ ട്രെയിനുകളുടെ സമയക്രമം, റൂട്ടുകൾ, സ്റ്റോപ്പുകൾ എന്നിവ സംബന്ധിച്ച കൂടുതൽ വിവരങ്ങൾ റെയിൽവേ ഉടൻതന്നെ ഔദ്യോഗികമായി പുറത്തുവിടുമെന്ന് മന്ത്രി വ്യക്തമാക്കി.

സാധാരണയായി ഓണക്കാലത്ത് മാസങ്ങൾക്ക് മുമ്പേതന്നെ ടിക്കറ്റുകൾ ബുക്ക് ചെയ്യപ്പെടാറുണ്ട്. അതിനാൽ, നാട്ടിലേക്ക് മടങ്ങാൻ ആഗ്രഹിക്കുന്ന മലയാളി യാത്രക്കാർക്ക് സ്പെഷ്യൽ ട്രെയിനുകൾ ആശ്വാസമാകുമെന്ന് മന്ത്രി കൂട്ടിച്ചേർത്തു. കേരളത്തിലേക്കുള്ള സർവീസുകൾക്ക് പുറമെ, പുരിയിലെ രഥയാത്രയോടനുബന്ധിച്ച് മുന്നൂറിലധികം സ്പെഷ്യൽ ട്രെയിനുകൾ ഓടിക്കുമെന്നും മന്ത്രി അറിയിച്ചു.

]]> ട്രംപ് വിളിച്ചു; ഫിഫ നിയമം കാറ്റിൽപ്പറത്തി യുഎസ് താരത്തിൻ്റെ റെഡ് കാർഡ് റദ്ദാക്കി https://www.sandhesam.com/FIFA-pressured-by-Trump--to-withdraw-redcard https://www.sandhesam.com/FIFA-pressured-by-Trump--to-withdraw-redcard Mon, 06 Jul 2026 15:46:48 +0530 Web Desk വാഷിങ്ടൺ: പ്രസിഡന്റ് ഡൊണാൾഡ് ട്രംപിന്റെ ഇടപെടലിൽ ചുവപ്പുകാർഡ് കിട്ടിയ യു.എസ്. സ്‌ട്രൈക്കർ ഫോളാരിൻ ബലോഗന്റെ ഒരു മത്സരവിലക്ക് ഫിഫ നീക്കി. ഇതോടെ തിങ്കളാഴ്ച ബെൽജിയത്തിനെതിരേ പ്രീ-ക്വാർട്ടറിൽ താരത്തിന് കളത്തിലിറങ്ങാനാകും. ഫിഫ പ്രസിഡന്റ് ജിയാനി ഇൻഫാന്റിനോയെ ട്രംപ് ഫോണിൽ വിളിച്ച് ബലോഗന്റെ റെഡ് കാർഡ് പുനഃപരിശോധിക്കാൻ ആവശ്യപ്പെടുകയായിരുന്നു. ഇക്കാര്യം ആവശ്യപ്പെട്ട് ട്രംപ് മൂന്നുതവണയാണ് ഇൻഫാന്റിനോയെ വിളിച്ചതെന്നും റിപ്പോർട്ടുകളുണ്ട്. ഫിഫയുടെ തീരുമാനത്തെ ട്രംപ് സാമൂഹിക മാധ്യമ പ്ലാറ്റ്‌ഫോമായ ട്രൂത്ത് സോഷ്യലിലൂടെ സ്വാഗതം ചെയ്തു.

ടൂർണമെന്റിൽ മൂന്ന് ഗോളുകളോടെ യു.എസ്.എ.യുടെ ടോപ് സ്‌കോററായ ബലോഗന് ബോസ്‌നിയയ്‌ക്കെതിരായ മത്സരത്തിലാണ് റെഡ് കാർഡ് ലഭിച്ചത്. ബോസ്‌നിയൻ താരം താരിക് മുഹാരെമോവിച്ചിനെ ഫൗൾ ചെയ്തതിന് വാർ പരിശോധനയ്ക്ക് ശേഷം ബലോഗനെ പുറത്താക്കുകയായിരുന്നു. ഇതോടെ ബെൽജിയത്തിനെതിരായ മത്സരം താരത്തിന് സ്വമേധയാ നഷ്ടമാകേണ്ടതാണ്. എന്നാൽ ഫിഫ അച്ചടക്ക സമിതിയുടെ 27-ാം വകുപ്പ് പ്രകാരം ഈ ശിക്ഷ താത്കാലികമായി മാറ്റിവയ്ക്കാൻ ഫിഫ തീരുമാനിക്കുകയായിരുന്നു. ശരിയായ കാര്യം ചെയ്തതിനും വലിയൊരു അനീതി തിരുത്തിയതിനും ഫിഫയ്ക്ക് നന്ദിയെന്ന് തീരുമാനത്തെ സ്വാഗതം ചെയ്തുകൊണ്ട് ട്രംപ് ട്രൂത്ത് സോഷ്യലിൽ കുറിച്ചു.

ട്രെയിനിങ്ങിന് പോകുന്നതിനിടെയാണ് യു.എസ്. ടീം ഈ വാർത്തയറിയുന്നത്. ആദ്യം വിശ്വസിച്ചില്ലെന്നും പിന്നീട് വലിയ സന്തോഷം തോന്നിയെന്നും യു.എസ്. താരം ക്രിസ്റ്റ്യൻ പുലിസിച്ച് പറഞ്ഞു. ഫിഫയുടെ തീരുമാനത്തെ യു.എസ്. പരിശീലകൻ മൗറീഷ്യോ പൊച്ചെറ്റിനോയും പിന്തുണച്ചു. ഫുട്‌ബോൾ ലോകത്തെ 99.9 ശതമാനം ആളുകളും ഇതൊരു അന്യായമായ ശിക്ഷയാണെന്നാണ് പറഞ്ഞതെന്നും, മുൻകാലങ്ങളിൽ ശിക്ഷ പിന്നീട് നടപ്പാക്കാൻ മാറ്റിവെച്ച ചരിത്രമുണ്ടെന്നും അദ്ദേഹം കൂട്ടിച്ചേർത്തു.

അതേസമയം വിഷയത്തിൽ ബെൽജിയം വലിയ പ്രതിഷേധമറിയിച്ചു. ഫിഫയുടെ തീരുമാനം അദ്ഭുതപ്പെടുത്തിയെന്നും നിയമപരമായി മുന്നോട്ടുപോകുമെന്നും ബെൽജിയം ഫുട്‌ബോൾ അസോസിയേഷൻ അറിയിച്ചു. ഫിഫയുടെ അച്ചടക്ക നിയമത്തിലെ ആർട്ടിക്കിൾ 66.4 പ്രകാരം ചുവപ്പുകാർഡ് കിട്ടുന്ന താരം അടുത്ത മത്സരം നിർബന്ധമായും മിസ് ചെയ്യണമെന്നാണ് നിയമമെന്നും അവർ ചൂണ്ടിക്കാട്ടി. ഫിഫ ഓഫീസിൽ ജൂലായ് അഞ്ചാണ് ഏപ്രിൽ ഫൂളെന്ന് തങ്ങൾക്കറിയില്ലായിരുന്നെന്ന് ബെൽജിയം പരിശീലകൻ റൂഡി ഗാർഷ്യ പരിഹസിച്ചു.

ലോകകപ്പ് ചരിത്രത്തിൽ ഇതുവരെ 189 റെഡ് കാർഡുകൾ പിറന്നിട്ടുണ്ടെങ്കിലും, പുറത്താക്കപ്പെട്ടിട്ടും തൊട്ടടുത്ത മത്സരത്തിൽ വിലക്ക് നേരിടാതെ കളിക്കാൻ അനുവാദം ലഭിക്കുന്ന രണ്ടാമത്തെ താരം മാത്രമാണ് ബലോഗൻ. 1962-ൽ ബ്രസീലിന്റെ ഗാരിഞ്ചയ്ക്ക് ഇത്തരമൊരു ഇളവ് ലഭിച്ചിരുന്നെങ്കിലും അന്ന് ഇന്നത്തെപ്പോലെ ഓട്ടോമാറ്റിക് സസ്‌പെൻഷൻ നിയമങ്ങൾ ഇല്ലായിരുന്നു. ഈ ലോകകപ്പിൽ റെഡ് കാർഡ് കണ്ട മറ്റ് 11 കളിക്കാർക്കും കൃത്യമായി വിലക്ക് ഏർപ്പെടുത്തിയ ഫിഫ, അമേരിക്കൻ താരത്തിന് മാത്രം എന്ത് അടിസ്ഥാനത്തിലാണ് ഇളവ് നൽകിയതെന്ന ചോദ്യം ശക്തമാണ്. യുഎസ് സ്റ്റേറ്റ് സെക്രട്ടറി മാർക്കോ റൂബിയോ അടക്കമുള്ള ഭരണാധികാരികൾ ഇതിൽ നേരത്തേ ഇടപെട്ടിരുന്നു. വൈറ്റ് ഹൗസിന്റെ സമ്മർദ്ദത്തിന് ഫിഫ വഴങ്ങിയത് കായിക ലോകത്ത് വലിയ ചർച്ചയായിട്ടുണ്ട്.

]]> കാനറികളുടെ നെഞ്ചുതകർത്ത് ഹാളണ്ടിന്റെ ഇരട്ട ഗോൾ; നോർവെ ക്വാർട്ടറിൽ https://www.sandhesam.com/Brazil-crashes-out-of-WC https://www.sandhesam.com/Brazil-crashes-out-of-WC Mon, 06 Jul 2026 15:30:11 +0530 Web Desk അഞ്ച് ലോകകിരീടങ്ങളുടെ പെരുമയുമായെത്തിയ ബ്രസീലിനെ ഒന്നിനെതിരെ രണ്ട് ഗോളുകൾക്ക് അട്ടിമറിച്ച് നോർവെ 2026 ഫിഫ ലോകകപ്പിന്റെ ക്വാർട്ടർ ഫൈനലിൽ പ്രവേശിച്ചു. ന്യൂയോർക്കിലെ ന്യൂ ജേഴ്‌സി സ്‌റ്റേഡിയത്തിൽ നടന്ന ആവേശകരമായ മത്സരത്തിൽ സൂപ്പർ താരം എർലിങ് ഹാളണ്ടിന്റെ ഇരട്ട ഗോൾ മികവിലാണ് നോർവെ ചരിത്ര വിജയം സ്വന്തമാക്കിയത്. കളിയുടെ അവസാന നിമിഷത്തിൽ പെനാൽറ്റിയിലൂടെ നെയ്മർ ബ്രസീലിനായി ഒരു ഗോൾ മടക്കിയെങ്കിലും പരാജയം ഒഴിവാക്കാനായില്ല. ഈ തോൽവിയോടെ ബ്രസീൽ ലോകകപ്പിൽ നിന്ന് പുറത്തായി.

മത്സരത്തിന്റെ 14-ാം മിനിറ്റിൽ ബ്രസീലിന് അനുകൂലമായി ലഭിച്ച പെനാൽറ്റി ബ്രൂണോ ഗ്വിമറെഷ് നഷ്ടപ്പെടുത്തിയത് കാനറികൾക്ക് വലിയ തിരിച്ചടിയായി മാറിയിരുന്നു. മത്തിയുസ് കുന്യയെ ബോക്‌സിൽ വീഴ്ത്തിയതിനാണ് വാർ പരിശോധനയ്ക്ക് ശേഷം റഫറി പെനാൽറ്റി അനുവദിച്ചത്. എന്നാൽ ബ്രൂണോയുടെ കിക്ക് നോർവെ ഗോൾകീപ്പർ ഓർയാൻ നീലാൻഡ് തട്ടിയകറ്റുകയായിരുന്നു. ആദ്യ പകുതിയിൽ ഇരുടീമുകൾക്കും മികച്ച അവസരങ്ങൾ ലഭിച്ചെങ്കിലും ഗോൾ നേടാൻ ആർക്കും സാധിച്ചില്ല.

രണ്ടാം പകുതിയിൽ എൻഡ്രിക്കും നെയ്മറും കളത്തിലിറങ്ങിയിട്ടും ബ്രസീലിന്റെ ആക്രമണങ്ങൾക്ക് മൂർച്ച കൂട്ടാനായില്ല. തുടർന്ന് 79-ാം മിനിറ്റിൽ ആന്ദ്രേസ് ഷിൽഡെറപ്പ് ഉയർത്തി നൽകിയ പന്ത് മനോഹരമായൊരു ഹെഡറിലൂടെ വലയിലെത്തിച്ച് ഹാളണ്ട് നോർവെയ്ക്ക് ആദ്യ ലീഡ് സമ്മാനിച്ചു. പിന്നാലെ 90-ാം മിനിറ്റിൽ മികച്ചൊരു ഇടംകാലൻ ഷോട്ടിലൂടെ ഹാളണ്ട് നോർവെയുടെ വിജയവും ഈ ലോകകപ്പിലെ തന്റെ ഏഴാം ഗോളും തികച്ചു. കളി അവസാനിക്കാൻ നിമിഷങ്ങൾ ബാക്കിനിൽക്കേ ഇൻജുറി ടൈമിൽ കാസെമിറോയെ ഫൗൾ ചെയ്തതിന് ലഭിച്ച പെനാൽറ്റി ലക്ഷ്യത്തിലെത്തിച്ച് നെയ്മർ ബ്രസീലിന്റെ ആശ്വാസ ഗോൾ നേടി.

ഫുട്ബോൾ ചരിത്രത്തിൽ ബ്രസീലിന് ഇതുവരെ തോൽപ്പിക്കാൻ കഴിയാത്ത ഒരേയൊരു ടീമെന്ന തങ്ങളുടെ വിചിത്രമായ റെക്കോഡ് നിലനിർത്താനും ഈ വിജയത്തോടെ നോർവെയ്ക്കായി. ഇരുടീമുകളും ഇതുവരെ ആറ് തവണ നേർക്കുനേർ വന്നപ്പോൾ ഒന്നുപോലും വിജയിക്കാൻ ബ്രസീലിന് കഴിഞ്ഞിട്ടില്ല. മൂന്നാം മിനിറ്റിൽ പാട്രിക് ബെർഗ് നേടിയ ഗോൾ ഓഫ്‌സൈഡ് ചതിക്കുഴിയിൽ പെട്ടില്ലായിരുന്നെങ്കിൽ നോർവെയുടെ വിജയത്തിന്റെ മാറ്റ് കൂടുമായിരുന്നു.

]]> മെക്സിക്കോയെ വീഴ്ത്തി ഇംഗ്ലണ്ട് ക്വാർട്ടറിൽ; ബെല്ലിങ്ഹാമിന് ഇരട്ടഗോൾ https://www.sandhesam.com/England-enters-quarter https://www.sandhesam.com/England-enters-quarter Mon, 06 Jul 2026 15:25:53 +0530 Web Desk പ്രീക്വാർട്ടർ പോരാട്ടത്തിൽ ആതിഥേയരായ മെക്സിക്കോയെ കീഴടക്കി മുൻ ലോക ചാമ്പ്യന്മാരായ ഇംഗ്ലണ്ട് ക്വാർട്ടർ ഫൈനലിൽ കടന്നു. മത്സരത്തിന്റെ ഭൂരിഭാഗം സമയവും പത്തുപേരുമായി കളിക്കേണ്ടി വന്നിട്ടും തകർപ്പൻ പ്രതിരോധവും മൂർച്ചയേറിയ കൗണ്ടർ അറ്റാക്കുകളുമായി ഇംഗ്ലണ്ട് വിജയം പിടിച്ചെടുക്കുകയായിരുന്നു.മത്സരത്തിലുടനീളം മെക്സിക്കോ കളിയിൽ ആധിപത്യം പുലർത്തിയെങ്കിലും, ലഭിച്ച അവസരങ്ങൾ കൃത്യമായി ലക്ഷ്യത്തിലെത്തിച്ച ഇംഗ്ലണ്ടിന്റെ ക്ലിനിക്കൽ ഫിനിഷിങ്ങാണ് മത്സരത്തിൽ നിർണായകമായത്.

ആദ്യ പകുതിയിൽ മെക്സിക്കൻ മുന്നേറ്റങ്ങളുടെ വേലിയേറ്റത്തിനിടയിൽ കളിക്ക് വിപരീതമായാണ് ഇംഗ്ലണ്ട് ലീഡെടുത്തത്. മെക്സിക്കോയെ അക്ഷരാർഥത്തിൽ ഞെട്ടിച്ചുകൊണ്ട് വെറും 99 സെക്കൻഡിനിടയിലാണ് ഇംഗ്ലണ്ട് തുടരെ രണ്ട് ഗോളുകൾ വലയിലെത്തിച്ചത്. യുവ മിഡ്‌ഫീൽഡർ ജൂഡ് ബെല്ലിങ്ഹാമിന്റെ ഇരട്ട ഗോളുകളാണ് ഇംഗ്ലണ്ടിന് മികച്ച അടിത്തറ പാകിയത്.

]]> 13കാരിയെ സഹപാഠികള്‍ ചേര്‍ന്ന് പീഡിപ്പിച്ച സംഭവം; ചൂഷണത്തിനിരയായ കാര്യം സ്കൂൾ ടീച്ചറെ അറിയിച്ചത് പെൺകുട്ടിയുടെ സഹോദരി https://www.sandhesam.com/13-year-old-raped-by-10-youngsters https://www.sandhesam.com/13-year-old-raped-by-10-youngsters Sat, 04 Jul 2026 17:04:23 +0530 Web Desk പത്തനംതിട്ട: പത്തനംതിട്ടയിൽ 13കാരിയെ സഹപാഠികള്‍ ചേര്‍ന്ന് പീഡിപ്പിച്ച സംഭവത്തിൽ കൂടുതൽ വിവരങ്ങൾ പുറത്ത്. പെൺകുട്ടിയുടെ സഹോദരിയാണ് ചൂഷണത്തിനിരയായ കാര്യം സ്കൂൾ ടീച്ചറെ അറിയിക്കുന്നത്. ചൈൽഡ് ഹെൽപ് ലൈൻ കൗൺസിലിംഗ് വഴിയാണ് പീഡന വിവരം പുറത്ത് വരുന്നത്.

ഒമ്പതാം ക്ലാസ് വിദ്യാർത്ഥിനിയാണ് പീഡനത്തിന് ഇരയായത്. സ്കൂൾ ടീച്ചർ ആണ് ചൈൽഡ് ഹെൽപ്പ് ലൈനിൽ അറിയിച്ചത്. തുടർന്ന് നടത്തിയ കൗൺസിലിങ്ങിൽ 10 പേരുടെ പേരുകൾ പെൺകുട്ടി വെളിപ്പെടുത്തി. കേസിൽ 10 പേരുടെയും പങ്ക് പൊലീസ് അന്വേഷിക്കുകയാണ്. ഇതിൽ പ്രായപൂർത്തിയായവരും ഉണ്ട്. സഹപാഠിയായ പെൺകുട്ടിയുടെ വീട്ടിലും സ്കൂളിലെ ശുചിമുറിയിലും വെച്ചാണ് പീഡനം നടന്നത്. സഹപാഠിയായ പെൺകുട്ടിയും പോക്സോ കേസിൽ പ്രതിയാണ്. 13കാരിയെ ചൈൽഡ് ഹെൽപ് ലൈൻ അഭയ കേന്ദ്രത്തിലേക്ക് മാറ്റിയിട്ടുണ്ട്. കൂടൽ പൊലീസ് അന്വേഷണം ഊർജിതമാക്കി.

]]> '15 കോടി ലഭിക്കും', ബിജെപി നേതാവിൻ്റെ വീഡിയോ പ്രദര്‍ശിപ്പിച്ച് മാലാ പാര്‍വതി, ശ്വേതാ മേനോന് ദുരുദ്ദേശ്യമെന്നും നടി https://www.sandhesam.com/malaparvathy-lashes-out-against-Swetha https://www.sandhesam.com/malaparvathy-lashes-out-against-Swetha Sat, 04 Jul 2026 16:55:25 +0530 Web Desk അമ്മ പ്രസിഡന്റ് ശ്വേത മേനോനെതിരെ ആരോപണവുമായി നടി മാലാ പാര്‍വതി. അമ്മയിൽ നടക്കുന്നത് കഴിഞ്ഞ 32 വർഷത്തിനിടെ കേട്ടു കേൾവി പോലും ഇല്ലാത്തതാണ് എന്ന് മാലാ പാര്‍വതി പറഞ്ഞു. കലാകാരൻമാർക്ക് ഇടയിൽ ധ്രുവീകരണം നടത്തുന്ന ഒരാൾ അല്ല അമ്മ ഭരിക്കേണ്ടത് എന്നും മാലാ പാര്‍വതി പറഞ്ഞു. വാര്‍ത്താ സമ്മേളനത്തിലായിരുന്നു മാലാ പാര്‍വതി ആരോപണങ്ങള്‍ ഉന്നയിച്ചത്.

അദാനി ഗ്രൂപ്പിൽനിന്ന് 'അമ്മ' സംഘടനയ്ക്ക് 15 കോടി സംഭാവനയായി ലഭിക്കുമെന്ന് ബിജെപി നേതാവ് പദ്‍മജ മേനോൻ ഒരു അഭിമുഖത്തിൽ പറയുന്നതിന്റെ വീഡിയോ വാർത്താസമ്മേളനത്തിൽ മാലാ പാർവതി പ്രദർശിപ്പിച്ചു. ഒരു മൾട്ടി നാഷണൽ കമ്പനിയിൽനിന്നും തങ്ങൾക്ക് 15 കോടി രൂപ വേണ്ടെന്ന് മാലാ പാർവതി പറഞ്ഞു. ഒരു മൾട്ടി നാഷണൽ കമ്പനിയിൽനിന്ന് ശ്വേതയുടെ വിശ്വാസ്യതയിൽ 15 കോടി രൂപ കൊണ്ടുവരുമെന്ന് പറയുന്നത് ഒരു രാഷ്ട്രീയ നേതാവാണ്. ഞങ്ങളുടെ അറിവിൽ അവർ അമ്മ അംഗമല്ല. മൾട്ടി നാഷണൽ കമ്പനിയുടെ 15 കോടി രൂപ ആവശ്യമില്ല എന്നതാണ് ഞങ്ങളുടെ പ്രധാന കാര്യമെന്നും മാലാ പാർവതി പറഞ്ഞു.

ശ്വേത കോൺഗ്രസ് ആണെന്ന് പറയുന്നു. അവർക്ക് ഏത് പാർട്ടി വേണമെങ്കിലും ആവാം. അതിൽ ഞങ്ങൾക്ക് എതിർപ്പില്ല. അജൻഡകൾ നടപ്പാക്കാൻ ശ്രമിച്ചാൽ എതിർക്കും. അത് ചോദ്യം ചെയ്യുന്ന ആളായിരുന്നു അൻസിബ. അൻസിബയെന്ന മുസ്ലിം നാമധാരിയായ വ്യക്തിയെ വർഗീയവാദിയാക്കി, ജിഹാദിയാക്കി ഓടിക്കാനുള്ള ശ്രമമാണ് നടന്നത്. ഹിന്ദു ക്ഷേത്രത്തിൽനിന്ന് പണം വാങ്ങിയതിന്റെ പേരിൽ അവർ വർഗീയത നടപ്പിലാക്കിയെന്ന് ഓരോരുത്തരെയും വിളിച്ചുപറഞ്ഞ് ധ്രുവീകരണം ഉണ്ടാക്കാൻ ശ്രമിക്കും എന്നുള്ളത് ആരോപണമല്ല, എന്റെ അനുഭവമമാണ്. എന്തുകൊണ്ടാണ് ശ്വേത എനിക്ക് മൈക്ക് തരാതെ ജനറൽ ബോഡിയിൽ വട്ടം പിടിച്ചുനിന്നത്? ഞാൻ സംസാരിക്കാൻ പാടില്ല, മാധ്യമങ്ങളിൽ പോവും എന്നാണ് പറഞ്ഞത്. രമേഷ് പിഷാരടിയുടെ ഫോൺ സംഭാഷണം അജൻഡയോടുകൂടി അവർ പുറത്തുവിട്ടു. ഒരാൾ കൂടി ആ ഫോൺകോളിൽ ഉണ്ടായിരുന്നുവെന്നും മാലാ പാർവതി പറഞ്ഞു.

]]> അലി ഖമനേയ്ക്ക് കണ്ണീരിൽ കുതിർന്ന വിട നൽകി ഇറാൻ https://www.sandhesam.com/Millions-of-Iranians-came-out-for-khomeinis-funeral-procession https://www.sandhesam.com/Millions-of-Iranians-came-out-for-khomeinis-funeral-procession Sat, 04 Jul 2026 16:36:04 +0530 Web Desk ടെഹ്റാൻ: അലി ഖമനേയിക്കൊപ്പം ഇറാൻ ജനതയെ കണ്ണീരണിയിച്ച് അദ്ദേഹത്തിന്റെ 14 മാസം പ്രായമുള്ള പേരമകളുടെ ശവമഞ്ചവും. അലി ഖമനേയിയുടെ ശവമഞ്ചത്തിനരികെയാണ് അദ്ദേഹത്തിനൊപ്പം കൊല്ലപ്പെട്ട കുടുംബാം​ഗങ്ങളുടെ ശവമഞ്ചവും പൊതുദർശനത്തിനായി വെച്ചിരിക്കുന്നത്. ഇതിൽ ഖമനേയിയുടെ പേരമകളായ 14 മാസം മാത്രം പ്രായമുള്ള സഹ്റ മൊഹമ്മദിയുടെ ശവമഞ്ചവുമുണ്ട്. ഈ ചെറിയ ശവമഞ്ചത്തിനരികെ സ്ഥാപിച്ച കുഞ്ഞ് സഹ്റയുടെ ചിത്രവും ഏവരെയും കണ്ണീരണിയിച്ചു.

നിറകണ്ണുകളോടെയാണ് ഇറാൻ ജനത മുൻ പരമോന്നത നേതാവിനും കുടുംബാം​ഗങ്ങൾക്കും യാത്രമൊഴിയേകുന്നത്. ഇറാന്റെ പതാക പുതപ്പിച്ചാണ് ഖമനേയിയുടെ ശവമഞ്ചം പൊതുദർശനം നടക്കുന്ന വേദിയിലെത്തിച്ചത്. അദ്ദേഹത്തിന്റെ തലപ്പാവും ശവമഞ്ചത്തിന് മുകളിൽവെച്ചിരുന്നു.

തങ്ങളുടെ പ്രിയനേതാവിന് യാത്രമൊഴിയേകാൻ ആയിരങ്ങളാണ് ടെഹ്റാനിലെ ​ഗ്രാൻഡ് മൊസല്ലയിലും പരിസരത്തും എത്തിച്ചേർന്നിരിക്കുന്നത്. ശനിയാഴ്ച മുതലാണ് ഇവിടെ പൊതുജനങ്ങൾക്ക് ആദരാഞ്ജലി അർപ്പിക്കാനായി പ്രവേശനം അനുവദിച്ച് തുടങ്ങിയത്. അടുത്ത മൂന്നുദിവസത്തിനുള്ളിൽ ഏകദേശം 20 ദശലക്ഷം പേരെങ്കിലും ഇവിടെ എത്തിച്ചേരുമെന്നാണ് അധികൃതരുടെ കണക്കുക്കൂട്ടൽ. ഇതിനായി എല്ലാ സജ്ജീകരണങ്ങളും തയ്യാറാക്കിയിട്ടുണ്ട്.

]]> ചരിത്രം കുറിച്ച് ഈജിപ്ത്; വിജയം പലസ്തീന്‍ ജനതയ്ക്ക് സമര്‍പ്പിച്ച് പരിശീലകന്‍ ഹൊസാം ഹസ്സന്‍ https://www.sandhesam.com/egypt-enters-pre-quarter https://www.sandhesam.com/egypt-enters-pre-quarter Sat, 04 Jul 2026 09:59:31 +0530 Web Desk ലോകകപ്പ് ഫുട്ബോളിൽ ചരിത്രം രചിക്കുന്നത് തുടർന്ന് മുഹമ്മദ് സലായും സംഘവും. പെനാൽറ്റി ഷൂട്ടൗട്ട് വരെ നീണ്ട മത്സരത്തിൽ ഓസ്ട്രേലിയയെ വീഴ്ത്തിയാണ് ഈജിപ്ത് ചരിത്രത്തിലാദ്യമായി പ്രീക്വാർട്ടറിൽ കടന്നത്. നാലാം ലോകകപ്പ് കളിക്കുന്ന ഈജിപ്ത് 2026 എഡിഷനിൽ ന്യൂസീലൻഡിനെ വീഴ്ത്തിയാണ് ആദ്യ ലോകകപ്പ് വിജയം നേടിയത്. തൊട്ടുപിന്നാലെ നോക്കൗട്ടിൽ കടന്നും, ഇപ്പോൾ പ്രീക്വാർട്ടറിലേക്കു മാർച്ച് ചെയ്തും ഫുട്ബോൾ ലോകത്തെ ഞെട്ടിച്ചു. 2018ൽ റഷ്യയിൽ നടന്ന ലോകകപ്പിൽ ഗ്രൂപ്പ് ഘട്ടത്തിലെ മൂന്നു മത്സരങ്ങളിലും ഈജിപ്ത് തോറ്റിരുന്നു. ഖത്തർ ലോകകപ്പിനു യോഗ്യത നേടാൻ പോലും ടീമിനു സാധിച്ചിരുന്നില്ല

അതേസമയം ഓസ്ട്രേലിയയുടെ തോൽവിയോടെ ലോകകപ്പിൽ ഏഷ്യയുടെ അവസാന പ്രതീക്ഷയും കെട്ടടങ്ങി. എഎഫ്സിയുടെ ഭാഗമായ ടീമുകളിൽ ജപ്പാനും ഓസ്ട്രേലിയയും മാത്രമാണ് ലോകകപ്പ് ഗ്രൂപ്പ് ഘട്ടം കടന്നത്. നോക്കൗട്ടിൽ ബ്രസീലിനോടു തോറ്റ് ജപ്പാൻ പുറത്തായിരുന്നു. ഏഷ്യയിൽനിന്നുള്ള ദക്ഷിണകൊറിയ, ഖത്തർ, ഇറാൻ, സൗദി അറേബ്യ, ഇറാഖ്, ജോർദാൻ, ഉസ്ബക്കിസ്ഥാൻ ടീമുകൾക്ക് ഗ്രൂപ്പ് ഘട്ടം പിന്നിടാൻ സാധിച്ചിരുന്നില്ല. ഡാലസിൽ നിശ്ചിത സമയത്ത് ഓരോ ഗോൾ വീതം നേടി ഓസ്ട്രേലിയയും ഈജിപ്തും സമനില പാലിച്ചതോടെയാണ് പോരാട്ടം ഷൂട്ടൗട്ടിലേക്കു നീണ്ടത്. ഷൂട്ടൗട്ടിൽ 4–2നാണ് ഈജിപ്ത് വിജയിച്ചത്. ഈജിപ്തിനായി കിക്കെടുത്ത മഹമൂദ് സാബർ, റാമി റബിയ, മുഹമ്മദ് സലാ, ഹുസാം അബ്ദെൽമഗുദ് എന്നിവർ ലക്ഷ്യം കണ്ടു. ഓസ്ട്രേലിയൻ താരങ്ങളായ ഹാരി സൗട്ടറിന്റെയും ലുകാസ് ഹെറിങ്ടനിന്റെയും ഷോട്ടുകൾ പുറത്തേക്കു പോയതാണ് സോക്കറൂസിനു തിരിച്ചടിയായത്. ജാക്സൻ ഇർവിൻ, അവെർ മബിൽ എന്നിവർ പന്തു വലയിലെത്തിച്ചു. നോക്കൗട്ടിൽ അർജന്റീന ആയിരിക്കും ഈജിപ്തിന്റെ എതിരാളികൾ.

]]> അയോധ്യയിലെ സംഭാവനക്കൊള്ള; യോഗിയും മോദിയും നേർക്ക് നേർക്ക് https://www.sandhesam.com/Infight-in-BJP-on-Ayodhya-donation-heist https://www.sandhesam.com/Infight-in-BJP-on-Ayodhya-donation-heist Sat, 04 Jul 2026 09:08:52 +0530 Web Desk ന്യൂഡൽഹി : സംഭാവനക്കൊള്ളയിൽ ദുഃഖവും രോഷവും പ്രകടിപ്പിച്ച് ആർ.എസ്.എസ്. അയോധ്യയിലെ ശ്രീരാമലല്ല ക്ഷേത്രത്തിലെ ഭണ്ഡാരപ്പെട്ടികളിൽനിന്നുള്ള മോഷണം ഹിന്ദുസമൂഹത്തിന്റെയും രാമഭക്തരുടെയും വികാരങ്ങളെയും വിശ്വാസങ്ങളെയും വല്ലാതെ വ്രണപ്പെടുത്തിയെന്ന് ആർ.എസ്.എസ്. ജനറൽ സെക്രട്ടറി ദത്താത്രേയ ഹൊസബളെ പറഞ്ഞു. അന്വേഷണത്തിൽ കുറ്റക്കാരെന്നു കണ്ടെത്തുന്നവർക്കെല്ലാം കടുത്ത ശിക്ഷ ഉറപ്പാക്കണമെന്നും അദ്ദേഹം ആവശ്യപ്പെട്ടു.

എന്നാൽ, ശ്രീരാമജന്മഭൂമി തീർഥക്ഷേത്ര ട്രസ്റ്റിനെയോ അംഗങ്ങളെയോ ഹൊസബളെ തള്ളിപ്പറഞ്ഞില്ല. അറസ്റ്റിലായവരുടെ സംഘപരിവാർ ബന്ധവും ഹൊസബളെ സൂചിപ്പിച്ചില്ല.

അതെ സമയം,  പ്രധാനമന്ത്രി നരേന്ദ്രമോദിയും ഉത്തർപ്രദേശ് മുഖ്യമന്ത്രി യോഗി ആദിത്യനാഥും തമ്മിലുള്ള ശീതയുദ്ധത്തിന്റെ തുടർച്ചയാണ് നിലവിലെ സംഭവങ്ങളെന്നു കരുതുന്നവർ ഏറെയാണ്. ക്ഷേത്രകാര്യങ്ങളിലും ഉത്തർപ്രദേശിലെ രാഷ്ട്രീയ കാര്യങ്ങളിലും ആദിത്യനാഥിന്റെ അഭിപ്രായങ്ങൾ മാനിക്കാതെയായിരുന്നു പ്രധാനമന്ത്രി നീങ്ങിയിരുന്നത്. സുപ്രീംകോടതി വിധിയെത്തുടർന്ന് ട്രസ്റ്റ് രൂപീകരിച്ചതു മുതൽ ഉത്തർപ്രദേശ് സർക്കാരിനു കാര്യമായ പങ്കാളിത്തമുണ്ടായിരുന്നില്ല. പ്രധാനമന്ത്രി മോദിയുടെ മുൻ പ്രിൻസിപ്പൽ സെക്രട്ടറിയായ നൃപേന്ദ്ര മിശ്രയായിരുന്നു രാമക്ഷേത്ര നിർമാണ സമിതിയുടെ ചുമതലക്കാരൻ. ക്ഷേത്രത്തിന്റെ നിലവിലെ ഭരണസംവിധാനങ്ങളും ആയിരത്തിലേറെ ജീവനക്കാരുടെ നിയമനങ്ങളുമെല്ലാം നടത്തിയതും ട്രസ്റ്റിന്റെ മേൽനോട്ടത്തിലായിരുന്നു.

രാമക്ഷേത്രം യാഥാർഥ്യമായത് കഴിഞ്ഞ ലോക്സഭാ തിരഞ്ഞെടുപ്പിൽ ഉത്തർപ്രദേശിൽ വലിയ നേട്ടമുണ്ടാക്കാൻ ബിജെപിയെ സഹായിക്കുമെന്നു പ്രധാനമന്ത്രി പ്രതീക്ഷിച്ചിരുന്നു. നാനൂറിനു മുകളിൽ സീറ്റുകൾ നേടുമെന്നു പ്രഖ്യാപിച്ച് പ്രചാരണം നയിക്കാൻ പ്രധാനമന്ത്രി തയാറായതും അതുകൊണ്ടുതന്നെ. എന്നാൽ, കനത്ത തിരിച്ചടിയാണ് ഉത്തർപ്രദേശിൽ നിന്നുണ്ടായത്. 2019 ൽ ഉത്തർപ്രദേശിലെ 80 സീറ്റിൽ 71ലും ജയിച്ച ബിജെപിക്ക് 2024 ലഭിച്ചത് 36 സീറ്റുകൾ മാത്രം. അയോധ്യ ഉൾപ്പെടുന്ന സീറ്റും നഷ്ടമായി. യോഗി ആദിത്യനാഥിന്റെ അഭിപ്രായങ്ങൾ മുഖവിലയ്ക്കെടുക്കാതെ സ്ഥാനാർഥി നിർണയം നടത്തിയതാണു തിരിച്ചടിക്കു കാരണമെന്ന് അന്നുതന്നെ വിലയിരുത്തലുണ്ടായിരുന്നു.

]]> അയോധ്യ രാമക്ഷേത്രത്തിലെ സംഭാവന കൊള്ള: മഹാകുംഭമേള സമയത്ത് ഭക്തർ കൂടിയതോടെ മോഷണവും വർദ്ധിച്ചു https://www.sandhesam.com/donation-heist-in-ayodhya-ram-temple https://www.sandhesam.com/donation-heist-in-ayodhya-ram-temple Sat, 04 Jul 2026 08:43:05 +0530 Web Desk അയോധ്യയിലെ രാമക്ഷേത്രത്തിൽ കാണിക്കയായി ലഭിച്ച പണം മോഷ്ടിച്ചതുമായി ബന്ധപ്പെട്ട് നടക്കുന്ന അന്വേഷണത്തിൽ പുതിയ വിവരങ്ങൾ പുറത്തുവന്നു. മുൻപ് ചെറിയ രീതിയിലുള്ള പണം തട്ടലുകൾ ശ്രദ്ധയിൽപ്പെട്ടിട്ടും അവഗണിക്കുകയായിരുന്നു. എന്നാൽ കഴിഞ്ഞ വർഷത്തെ മഹാകുംഭമേള സമയത്ത് ഭക്തരുടെ എണ്ണവും കാണിക്കപ്പണവും വലിയ തോതിൽ വർദ്ധിക്കുകയും, പണം എണ്ണാൻ കൂടുതൽ ആളുകളെ നിയോഗിക്കുകയും ചെയ്തതോടെ ഈ മോഷണം വളരെ ആസൂത്രിതമായ രീതിയിലായി മാറി. ക്ഷേത്ര ഭരണവിഭാഗത്തിലെയും പൊലീസിലെയും ഉന്നത വൃത്തങ്ങളാണ് ഈ വിവരങ്ങൾ പുറത്തുവിട്ടത്.

സാധാരണ ദിവസങ്ങളിൽ 84,000 നും ഒരു ലക്ഷത്തിനും ഇടയിലാണ് ക്ഷേത്രത്തിലെത്തുന്ന ഭക്തരുടെ എണ്ണം. എന്നാൽ 2025 ജനുവരി 13 മുതൽ ഫെബ്രുവരി 26 വരെ നടന്ന 45 ദിവസത്തെ ഉത്സവകാലത്തെ തിരക്കേറിയ ദിവസങ്ങളിൽ ഇത് 10 മുതൽ 12 ലക്ഷം വരെയായി ഉയർന്നിരുന്നു.

സ്റ്റേറ്റ് ബാങ്ക് ഓഫ് ഇന്ത്യയെ സഹായിക്കുന്നതിനായി, ശ്രീരാമ ജന്മഭൂമി തീർത്ഥക്ഷേത്ര ട്രസ്റ്റ് അംഗങ്ങളുടെ ശുപാർശപ്രകാരമാണ് പണം എണ്ണാൻ കൂടുതൽ ജീവനക്കാരെ നിയോഗിച്ചത്.

"2024-ലെ പ്രതിഷ്ഠാ ചടങ്ങിന് ശേഷം ഭക്തരുടെ എണ്ണത്തിൽ വലിയ വർദ്ധനവുണ്ടായത് മഹാകുംഭമേള സമയത്താണ്. അതോടൊപ്പം കാണിക്കപ്പണവും വൻതോതിൽ കൂടി. പണം എണ്ണുന്നതിന് കൂടുതൽ ആളുകളുടെ സഹായം ആവശ്യമായി വന്നപ്പോൾ, നാട്ടുകാർക്ക് ജോലി നൽകാനായി ചില ശുപാർശകൾ ഉണ്ടായി. എസ്.ബി.ഐക്ക് വേണ്ടി ഒരു സ്വകാര്യ ഏജൻസിയാണ് ഇവരെ നിയമിച്ചത്. എല്ലാം വിശ്വാസത്തിന്റെ പുറത്താണ് നടന്നത്, എന്നാൽ ഇത് ഇത്രയും വലിയൊരു ആസൂത്രിത മോഷണമായി മാറുമെന്ന് ആരും കരുതിയിരുന്നില്ല," എന്ന് ഒരു ക്ഷേത്ര ഭാരവാഹി പറഞ്ഞു.

കാണിക്കപ്പണം എണ്ണുന്നതിനും അത് ബാങ്ക് ശാഖയിലേക്ക് സുരക്ഷിതമായി എത്തിക്കുന്നതിനുമുള്ള സുരക്ഷാ ചുമതലയും ജീവനക്കാരെ നൽകിയതും എസ്.ബി.ഐ കരാർ നൽകിയ 'സൈനിക് സെക്യൂരിറ്റി സർവീസസ്' എന്ന സ്ഥാപനമായിരുന്നു. തങ്ങളുടെ ഏജൻസി ബാങ്കുകൾക്കും മറ്റ് സ്ഥാപനങ്ങൾക്കും ഹൗസ് കീപ്പിംഗ് ജീവനക്കാരെയാണ് നൽകാറുള്ളതെന്ന് സൈനിക് സെക്യൂരിറ്റി സർവീസസ് ഡയറക്ടർ ഗൗരവ് സിംഗ് പറഞ്ഞു.

"ഞങ്ങൾ ബാങ്കിംഗ് ജോലികൾക്കുള്ള ആളുകളെയല്ല, ശുചീകരണ ജീവനക്കാരെയാണ് നൽകുന്നത്. അവരെക്കൊണ്ട് എന്ത് ജോലി ചെയ്യിക്കണം എന്നത് ബാങ്കോ അല്ലെങ്കിൽ ആ സ്ഥാപനമോ ആണ് തീരുമാനിക്കുന്നത്," ഗൗരവ് സിംഗ് വ്യക്തമാക്കി. രാമക്ഷേത്രത്തിലെ നിയമനത്തിൽ ആളുകളെ തിരഞ്ഞെടുക്കാനുള്ള സ്വാതന്ത്ര്യം തങ്ങളുടെ ഏജൻസിക്ക് ഇല്ലായിരുന്നുവെന്നും ഗൗരവ്  കൂട്ടിച്ചേർത്തു.

"ഈ കേസിൽ, നിയമിക്കേണ്ട ആളുകളുടെ പേരുകൾ എസ്.ബി.ഐ തന്നെയാണ് ഞങ്ങൾക്ക് നൽകിയത്. ഞങ്ങൾ അവരുടെ തിരിച്ചറിയൽ കാർഡുകൾ പരിശോധിച്ച് യോഗ്യത ഉറപ്പുവരുത്തുകയും പേപ്പർ ജോലികൾ പൂർത്തിയാക്കുകയുമാണ് ചെയ്തത്. ഈ വ്യക്തികൾ മുൻപ് ഒരിക്കലും ഞങ്ങളോടൊപ്പം ജോലി ചെയ്തിട്ടില്ല," ഗൗരവ് സിംഗ് പറഞ്ഞു. ഇതുമായി ബന്ധപ്പെട്ട രേഖകൾ കേസ് അന്വേഷിക്കുന്ന പ്രത്യേക അന്വേഷണ സംഘത്തിന് കൈമാറിയിട്ടുണ്ടെന്നും ഗൗരവ് പറഞ്ഞു.

വിവരങ്ങൾ അനുസരിച്ച്, ജീവനക്കാരുടെ നിയമനത്തെച്ചൊല്ലിയും പണം തട്ടുന്നതിനെച്ചൊല്ലിയും ട്രസ്റ്റിലെ രണ്ട് അംഗങ്ങൾ തമ്മിലുണ്ടായ ആഭ്യന്തര തർക്കമാണ് ഈ വിഷയം ജനശ്രദ്ധയിൽ എത്തിച്ചത്.

]]> അടിക്ക് തിരിച്ചടി, അര്‍ജന്റീനയെ വിറപ്പിച്ച് കേപ് വെര്‍ദെ;ഒടുവിൽ സെൽഫ് ഗോളിൽ രക്ഷപ്പെട്ട് അർജന്റീന https://www.sandhesam.com/Argentina-secured-a-hard-fought-3-2-victory-over-Cape-Verde-in-extra-time https://www.sandhesam.com/Argentina-secured-a-hard-fought-3-2-victory-over-Cape-Verde-in-extra-time Sat, 04 Jul 2026 08:31:54 +0530 Web Desk അടി...തിരിച്ചടി...അർജന്റീനക്കാരുടെ ജീവൻ തിരിച്ചുകിട്ടിയ 111-ാം മിനിറ്റ്. ആദ്യമായി ലോകകപ്പിനെത്തിയ ഒരു സംഘം ലോകഫുട്‌ബോളിൽ അടരാടിയ അർജന്റീനയെ വിറപ്പിച്ചുനിർത്തിയത് 120 മിനിറ്റ്. ആ പോരാട്ടത്തിന് സമാനതകളില്ല. ലോകകപ്പ് ചരിത്രത്തിലെ തന്നെ ഏറ്റവും ഉജ്ജ്വലമായ മത്സരങ്ങളിലൊന്നിൽ ലോകചാമ്പ്യന്മാർ കടന്നുകൂടിയെന്നുമാത്രം. വീരോചിതപോരാട്ടത്തിനൊടുക്കം ലോകത്തിന്റെ കയ്യടി നേടി കേപ് വെർദെ മടങ്ങുന്നു. മെസ്സിയുടെ സ്വപ്‌നങ്ങൾക്ക് ജീവൻവെച്ചു...വിറച്ചുജയിച്ച് അർജന്റീന പ്രീ-ക്വാർട്ടറിൽ.

29 ാം മിനിറ്റിൽ ലയണൽ മെസ്സിയാണ് അർജന്റീനയെ ആദ്യം മുന്നിലെത്തിച്ചത്. 59 ാം മിനിറ്റിൽ ഡെറോയ് ഡ്യുവേർട്ട് ഗോൾ മടക്കി. നിശ്ചിത സമയത്ത് ഇരുടീമുകളും ഓരോ ഗോൾ നേടി സമനില പാലിച്ചതോടെ മത്സരം എക്ട്രാ ടൈമിലേക്ക് നീണ്ടു. 92 ാം മിനിറ്റിൽ ലിസാൻഡ്രോ മാർട്ടിനെസിന്റെ ഗോളിൽ അർജന്റീന മുന്നിലെത്തി. പിന്നാലെ 103 ാം മിനിറ്റിൽ സിഡ്നി ലോപസ് കബ്രാൽ കാബോ വെർദെയെ വീണ്ടും ഒപ്പമെത്തിച്ചു. എന്നാൽ 111 ാം മിനിറ്റിൽ കാബോ വെർദെ പ്രതിരോധ താരം ഡൈനേ ബോർഗെസിന്റെ സെൽഫ് ഗോളിൽ അർജന്റീന വീണ്ടും ലീഡ് പിടിക്കുകയായിരുന്നു.

29 ാം മിനിറ്റിൽ കാബോ വെർദെ പ്രതിരോധനിരയുടെ മുകളിലൂടെ ലിസാൻഡ്രോ മാർട്ടിനെസ് നൽകിയ ചിപ്പ് പാസ് മുന്നോട്ട് കുതിക്കുന്നതിനിടെ കൃത്യതയോടെ വരുതിയിലാക്കിയ മെസ്സി, പന്ത് വലയുടെ മുകൾത്തട്ടിലേക്ക് വകഞ്ഞിട്ടപ്പോൾ കാബോ വെർദെ ഗോൾ കീപ്പർ വൊസീഞ്ഞ തീർത്തും നിസഹായനായിരുന്നു (1–0). ഈ ലോകകപ്പിൽ മെസ്സിയുടെ ഏഴാം ഗോളാണിത്. ഇതോടെ ഗോൾഡൻ ബൂട്ട് മത്സരത്തിൽ കിലിയൻ എംബപെയെ മറികടന്ന് മെസ്സി മുന്നിലെത്തി. ലോകകപ്പ് ചരിത്രത്തിൽ ഇതോടെ മെസ്സിക്ക് 20 ഗോളുമായി.

59 ാം മിനിറ്റിൽ വലതുവിങ്ങിൽ നിന്ന് പന്തുമായി മുന്നേറി പെനാൽറ്റി ബോക്സിനുള്ളിൽ കാബോ വെർദെ മിഡ് ഫീൽഡർ ഡെറോയ് ഡ്യുവേർട്ടിന് റയാബ് മെൻഡസിന്റെ ക്ലിനിക്കൽ പാസ്. പോസ്റ്റിന്റെ കോണിൽ നിന്ന് മികച്ചൊരു ടച്ചിലൂടെ പന്ത് മെരുക്കിയ ഡെറോയ് ഡ്യുവേർട്ടിന്റെ ഷോട്ട് ഗോൾ കീപ്പർ എമിലിയാനോ മാർട്ടിനസിനെ കാഴ്ചക്കാരനാക്കി വലയിൽ പതിച്ചു (1–1).

73 ാം മിനിറ്റിൽ മെസ്സിയെ ഡെറോയ് ഡ്യുവേർട്ട് ഫൗൾ ചെയ്തതിന് അർജന്റീനയ്ക്ക് ഫ്രീ കിക്ക്. മെസ്സി ഗോൾവല ലക്ഷ്യമാക്കി തൊടുത്ത ഷോട്ട് പ്രതിരോധമതിൽ തീർത്ത വൊസീഞ്ഞ ഡൈവ് ചെയ്ത് കൈ കൊണ്ട് തട്ടിയകറ്റി. ഏക്ട്രാ ടൈമിലെ 92 ാം മിനിറ്റിൽ ലഭിച്ച കോർണറിൽ മെസ്സിയുടെ ഔട്ട്‌സ്വിംഗർ പാസ് ഹെഡ് ചെയ്ത് മാക് അലിസ്റ്റർ ബാക്ക് പോസ്റ്റിലേക്ക് തട്ടിവിട്ടു. സ്വതന്ത്രനായി നിന്ന ലിസാൻഡ്രോ മാർട്ടിനെസ്, വലതുഭാഗത്ത് നിന്ന് വൊസീഞ്ഞയെ കബളിപ്പിച്ച് ഗോൾവല കുലുക്കി (2-1).

103 ാം മിനിറ്റിൽ വീണ്ടും കാബോ വെർദെയുടെ തിരിച്ചടി. ലിസാൻഡ്രോ മാർട്ടിനെസിന്റെ ഗോളിന് ശേഷം ഒട്ടും പതറാതെ കളിച്ച കാബോ വെർദെ, ടൂർണമെന്റിലെ തന്നെ ഏറ്റവും മികച്ച ഗോളുകളിലൊന്നുമായി വീണ്ടും ഒപ്പമെത്തി. 18 യാർഡ് അകലെ നിന്ന് ഇടതുഭാഗത്തുകൂടി കബ്രാൽ ബോക്സിലേക്ക് വെട്ടിച്ച് കയറി. മാർട്ടിനസിന് ഒരവസരവും നൽകാതെ, വലത് പോസ്റ്റിന്റെ മുകൾ മൂലയിലേക്ക് അവിശ്വസനീയ ഷോട്ട് (2-2).

111 ാം മിനിറ്റിലാണ് കാബോ വെർദെയുടെ വിധി നിർണയിച്ച സെൽഫ് ഗോൾ പിറന്നത്. മെസ്സിയുടെ കോർണർ കിക്കിൽ ഉയർന്നു ചാടിയ ക്രിസ്റ്റ്യൻ റൊമേറോയുടെ ഹെഡർ കാബോ വെർദെ പ്രതിരോധ താരം ഡൈനേ ബോർഗെസിന്റെ കയ്യിൽ തട്ടിത്തെറിച്ച് വലയിൽ പതിക്കുകയായിരുന്നു. (3–2). പിന്നാലെ കാബോ വെർദെ താരങ്ങൾ തുടരെ കടന്നാക്രമണം നടത്തി അർജന്റീനയ്‌ക്ക് കടുത്ത ഭീഷണിയുയർത്തി. പെനാൽറ്റി ഏരിയയിൽ നിന്നുള്ള 15 എണ്ണം ഉൾപ്പെടെ മത്സരത്തിൽ അർജന്റീന നടത്തിയ 20 ഗോൾശ്രമങ്ങളാണ് കാബോ വെർദെ ഗോൾ കീപ്പർ വൊസീഞ്ഞയും സഹതാരങ്ങളും നിഷ്ഫലമാക്കിയത്.

]]> വര്‍ക്കല വിജയനെ ശാസ്തമംഗലം ക്രൈംബ്രാഞ്ച് ക്യാമ്പില്‍ തല്ലിക്കൊന്നു; ജഡം പൊന്മുടിയില്‍ കൊണ്ടുപോയി ചുട്ടുകരിച്ചു https://www.sandhesam.com/VRKALA-VIJAYAN-WAS-KILLED-UNDER-POLICE-CUSTODY https://www.sandhesam.com/VRKALA-VIJAYAN-WAS-KILLED-UNDER-POLICE-CUSTODY Fri, 03 Jul 2026 17:09:46 +0530 Web Desk

''വര്‍ക്കല വിജയനെ ശാസ്തമംഗലം ക്രൈംബ്രാഞ്ച് ക്യാമ്പില്‍ തല്ലിക്കൊന്നതാണ്. ജഡം പൊന്മുടി അപ്പര്‍ സാനിട്ടോറിയത്തില്‍ കൊണ്ടുപോയി ആസിഡൊഴിച്ചു കരിച്ചു. എന്റെ വണ്ടിയിലാണ് ജഡം കൊണ്ടുപോയത്. കൊന്നതാരെല്ലാമെന്ന് എനിക്കറിയാം. ജഡം കരിച്ചതാരെന്നറിയാം. ഏതു കോടതിയിലും ഈ സത്യം ഞാന്‍ ഏറ്റുപറയാം.''

ശാസ്തമംഗലം ക്രൈംബ്രാഞ്ച് അനാലിസിസ് വിംഗിലെ പൊലിസ് ഡ്രൈവറായിരുന്ന പി. ദയാനന്ദന്‍ 'മലയാളം വാരിക'യ്ക്ക് നല്‍കിയ അഭിമുഖത്തില്‍ വെളിപ്പെടുത്തി. കടങ്കഥയായി മാറിക്കഴിഞ്ഞ നക്സലൈറ്റ് വിജയന്റെ തിരോധാനത്തില്‍, ഏറ്റുപറയാന്‍ സന്നദ്ധനായി. കുറ്റകൃത്യത്തിന് പങ്കാളിയായ ഒരു പൊലീസുദ്യോഗസ്ഥന്‍ രംഗപ്രവേശം ചെയ്യുകയാണ്.

തിരുനെല്ലിക്കാട്ടില്‍ നക്സലൈറ്റ് വര്‍ഗീസിനെ വെടിവെച്ചുകൊന്ന പൊലീസുകാരന്റെ കുറ്റസമ്മതാണ് ആറുമാസം മുന്‍പ് സര്‍വ്വീസില്‍ നിന്നും പിരിഞ്ഞ ദയാനന്ദന്റെ ഏറ്റുപറയലിന് പ്രചോദനമാകുന്നത്. നക്സലൈറ്റുകളെ ക്രൂരമായി അടിച്ചമര്‍ത്തുന്നതിനായി രൂപീകരിച്ച ക്രൈംബ്രാഞ്ചിലെ അനാലിസിസ് വിംഗില്‍ (A.W) ആദ്യന്തം അംഗമായിരുന്ന ഡ്രൈവര്‍ ദയാനന്ദന്‍ അന്നത്തെ കൊടുംക്രൂരതകള്‍ വിവരിക്കുമ്പോള്‍ കരാളതയുടെ ആ കാലഘട്ടത്തിലെ ഒരദ്ധ്യായം കൂടി പൊതുജനസമക്ഷമെത്തുന്നു. അടിയന്തരാവസ്ഥയ്‌ക്കെതിരെ പോസ്റ്ററൊട്ടിച്ചു എന്നതു മാത്രമാണ് ഈ ചെറുപ്പക്കാരന്‍ പിടിക്കപ്പെടാന്‍ കാരണം. നീണ്ട നിയമയുദ്ധങ്ങള്‍ക്കുശേഷവും, കടങ്കഥയായിത്തന്നെ അവശേഷിച്ച വിജയന്റെ തിരോധാനത്തില്‍ ഏറ്റവും പ്രധാന നിയമപ്രശ്‌നം കൊലപാതക സാഹചര്യവും ജഡം മറവു ചെയ്തതു സംബന്ധിച്ച തെളിവില്ലായ്മയുമാണ്.

അറ്റുപോയ ആ സുപ്രധാനമായ കണ്ണിയാണ് ദയാനന്ദന്റെ കുറ്റസമ്മതത്തിലൂടെ പുറത്തുവരുന്നത്. തന്റെ ചുമതലയിലും ഉത്തരവാദിത്തത്തിലുമുണ്ടായിരുന്ന കെ.എല്‍.ഒ. 559 എന്ന സ്റ്റാന്‍ഡേര്‍ഡ്-20 വാനിലാണ് ചാക്കില്‍കെട്ടിയ വിജയന്റെ ജഡം കൊണ്ടുപോയതെന്നും പൊന്‍മുടി അപ്പര്‍ സാനിട്ടോറിയത്തിലെ കൊക്കയില്‍ ആസിഡൊഴിച്ച് ജഡം കരിച്ചുവെന്നും ദയാനന്ദന്‍ ഏറ്റുപറയുന്നു.

വിജയന്റെ അന്ത്യനിമിഷങ്ങള്‍ക്ക് സതി ദൃക്സാക്ഷിയായിരുന്നു. സതി എന്നറിയപ്പെടുന്ന സതിറാവു ശാസ്തമംഗലം ക്യാമ്പില്‍ വിജയനോടൊപ്പം തടവുകാരനായിരുന്നു.

]]> നിര്‍ണായക വിഷയങ്ങളില്‍ പാര്‍ട്ടിയില്‍ ചര്‍ച്ച വേണം; അടിയന്തരമായി നേതൃയോഗം വിളിക്കണം; കെപിസിസി അധ്യക്ഷന് കത്ത് https://www.sandhesam.com/Critical-issues-need-to-be-discussed-within-the-party-an-urgent-leadership-meeting-should-be-called-Letter-to-KPCC-president https://www.sandhesam.com/Critical-issues-need-to-be-discussed-within-the-party-an-urgent-leadership-meeting-should-be-called-Letter-to-KPCC-president Fri, 03 Jul 2026 16:19:10 +0530 Web Desk തിരുവനന്തപുരം: വിവാദ വിഷയങ്ങള്‍ ചര്‍ച്ച ചെയ്യാന്‍ അടിയന്തരമായി കെപിസിസി യോഗം വിളിച്ചു ചേര്‍ക്കണമെന്ന് കോണ്‍ഗ്രസ് സംസ്ഥാന അധ്യക്ഷന് കത്ത്. കെപിസിസി ജനറല്‍ സെക്രട്ടറി എംആര്‍ അഭിലാഷ് ആണ് കത്തു നല്‍കിയത്. പ്ലീഡര്‍ നിയമനം മുതല്‍ അദാനി വിഷയം വരെ പാര്‍ട്ടി നേതൃയോഗത്തില്‍ ചര്‍ച്ച ചെയ്യണമെന്നാണ് കത്തില്‍ ആവശ്യപ്പെട്ടിട്ടുള്ളത്. കെസി വേണുഗോപാല്‍ പക്ഷത്തുള്ള നേതാവാണ് അഭിലാഷ്.

നിര്‍ണായക വിഷയങ്ങളില്‍ പാര്‍ട്ടിയില്‍ ചര്‍ച്ച വേണമെന്ന് കത്തില്‍ ആവശ്യപ്പെടുന്നു. വിഴിഞ്ഞം- അദാനി വിഷയത്തില്‍ കോണ്‍ഗ്രസില്‍ വ്യത്യസ്ത അഭിപ്രായങ്ങള്‍ നിലനില്‍ക്കുന്ന സാഹചര്യത്തിലാണ് കെപിസിസി നേതാവിന്റെ കത്ത്. പുതിയ സര്‍ക്കാര്‍ രൂപീകരിച്ചശേഷം കഴിഞ്ഞ മാസം 6 നായിരുന്നു അവസാനമായി കെപിസിസി യോഗം ചേര്‍ന്നത്.

നയപരമായ വിഷയങ്ങളും സര്‍ക്കാരുമായി ബന്ധപ്പെട്ട വിഷയങ്ങളും ചര്‍ച്ച ചെയ്യാന്‍ പാര്‍ട്ടി-സര്‍ക്കാര്‍ ഏകോപന സംവിധാനം ഉണ്ടാക്കുമെന്ന് അന്നത്തെ യോഗത്തില്‍ ധാരണയായിരുന്നു. കരിമണല്‍ വിഷയത്തില്‍ ദേശീയ നയത്തിന്റെ അടിസ്ഥാനത്തില്‍ മാത്രമേ മുന്നോട്ടുപോകാനാകൂവെന്ന് കെ സി വേണുഗോപാല്‍ പറഞ്ഞിരുന്നു. സംസ്ഥാന തെരഞ്ഞെടുപ്പ് കമ്മീഷണര്‍ നിയമനത്തിലും പാര്‍ട്ടിക്കുള്ളില്‍ അഭിപ്രായ ഭിന്നതയുണ്ടായിരുന്നു. എതിർപ്പുമായി കെപിസിസി നേതാവ് പരസ്യമായി രംഗത്തു വരികയും ചെയ്തിരുന്നു.

]]> ടോൾബൂത്തിലേക്ക് ഇടിച്ചുകയറിയ എൽപിജി ടാങ്കർ തീ​ഗോളമായി; നാലുമരണം https://www.sandhesam.com/LPG-tanker-crashes-into-toll-booth%2C-bursts-into-flames-four-dead https://www.sandhesam.com/LPG-tanker-crashes-into-toll-booth%2C-bursts-into-flames-four-dead Fri, 03 Jul 2026 16:11:07 +0530 Web Desk ലഖ്നൗ: ഉത്തർപ്രദേശിൽ കഴിഞ്ഞയാഴ്ചയുണ്ടായ എൽപിജി ടാങ്കർ അപകടത്തിന്റെ സിസിടിവി ദൃശ്യങ്ങൾ പുറത്ത്. നിയന്ത്രണംവിട്ട ടാങ്കർ ടോൾബൂത്തിലേക്ക് ഇടിച്ചുകയറിയുണ്ടായ അപകടത്തിന്റെ ദൃശ്യങ്ങളാണ് പുറത്തുവന്നത്. ടാങ്കർ ഇടിച്ചതിന് പിന്നാലെയുണ്ടായ തീപ്പിടിത്തത്തിൽ നാലുപേരാണ് മരിച്ചത്.

ജൂൺ 26-ന് രാവിലെ 6.40-ന് കൗശാംബിയിലെ ടോൾ ബൂത്തിലായിരുന്നു അപകടം. രണ്ട് എൽപിജി ടാങ്കറുകളാണ് ഒരേസമയം ടോൾബൂത്തിലേക്കെത്തിയത്. ഇതിൽ ഒരു ടാങ്കറാണ് നിയന്ത്രണംവിട്ട് ടോൾബൂത്തിന് സമീപത്തെ ഡിവൈഡറുകളിലേക്ക് ഇടിച്ചുകയറിയത്. അപകടത്തിന് പിന്നാലെ ടാങ്കറിൽനിന്ന് പാചകവാതകം ചോരുകയും വലിയ സ്ഫോടനശബ്ദത്തോടെ തീ ആളിപ്പടരുകയുമായിരുന്നു. നിമിഷങ്ങൾക്കുള്ളിൽ പ്രദേശത്ത് വൻ തീ​ഗോളമുയർന്നു. കിലോമീറ്ററുകളോളം കനത്ത പുകയും പടർന്നു. ഏകദേശം രണ്ടുകിലോമീറ്റർ അകലെനിന്ന് വരെ തീ​ഗോളം കണ്ടിരുന്നതായാണ് റിപ്പോർട്ടുകളിൽ പറയുന്നത്.

അപകടത്തിൽപ്പെട്ട ടാങ്കറിന്റെ ഡ്രൈവർ ധർമേന്ദ്ര ദുബെ, ടോൾപ്ലാസ ജീവനക്കാരൻ അലോക് എന്നിവർ സംഭവസ്ഥലത്തുവെച്ച് തന്നെ മരിച്ചിരുന്നു. ടോൾപ്ലാസയിലുണ്ടായിരുന്ന ഒട്ടേറെ ജീവനക്കാർക്കും ​ഗുരുതരമായി പൊള്ളലേറ്റു. ഇവരിൽ രണ്ടുപേർ ചികിത്സയിലിരിക്കെ മരിച്ചു.

]]> 'മോളിവുഡ് ടൈംസ്' ഒടിടിയിലെത്തി https://www.sandhesam.com/Mollywood-times-in-OTT https://www.sandhesam.com/Mollywood-times-in-OTT Fri, 03 Jul 2026 15:33:46 +0530 Web Desk

നസ്ലനെ കേന്ദ്ര കഥാപാത്രമാക്കി അഭിനവ് സുന്ദര്‍ നായക് ഒരുക്കിയ 'മോളിവുഡ് ടൈംസ്' ഒടിടിയിലെത്തി. സംഗീത് പ്രതാപ്, ഷറഫുദ്ദീന്‍, റോഷന്‍ ഷാനവാസ്, ജഗദീഷ്, അപ്പുണ്ണി ശശി, പ്രശാന്ത് അലക്‌സാണ്ടര്‍, ബാലചന്ദ്രന്‍ ചുള്ളിക്കാട്, അല്‍ത്താഫ് സലീം, ഗോപിക രമേശ്, രാജേഷ് മാധവന്‍, ബേസിൽ ജോസഫ്, വിനീത് ശ്രീനിവാസൻ എന്നിങ്ങനെ വലിയൊരു താരനിര തന്നെയുണ്ട് ചിത്രത്തിൽ.  ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാന്‍ തന്നെ നിര്‍മ്മിക്കുന്ന ചിത്രത്തിന്റെ തിരക്കഥ രചിച്ചത് രാമു സുനിലാണ്. ജിയോ ഹോട്ട്സ്റ്റാറിൽ ആണ് മോളിവുഡ് ടൈംസ് സ്ട്രീമിങ് ആരംഭിച്ചിരിക്കുന്നത്.

]]> ചരിത്രമെഴുതി ക്രിസ്റ്റ്യാനോ, ഇഞ്ചുറി ടൈമിൽ രക്ഷകനായി റാമോസ്; ക്രോയേഷ്യയെ വീഴ്ത്തി പോർച്ചുഗൽ പ്രീ ക്വാർട്ടറിൽ https://www.sandhesam.com/portugal-enters-pre-quarter https://www.sandhesam.com/portugal-enters-pre-quarter Fri, 03 Jul 2026 14:55:10 +0530 Web Desk ടൊറാന്‍റോ: ഫിഫ ലോകകപ്പിലെ വാശിയേറിയ പോരാട്ടത്തിൽ കരുത്തരായ ക്രൊയേഷ്യയെ പരാജയപ്പെടുത്തി പോർച്ചു​ഗൽ പ്രീ ക്വാർട്ടറിൽ. അവസാന നിമിഷം വരെ അത്യന്തം നാടകീയത നിറഞ്ഞുനിന്ന മത്സരത്തിൽ ഒന്നിനെതിരെ രണ്ട് ​ഗോളുകൾക്കായിരുന്നു പറങ്കിപ്പടയുടെ ജയം. സൂപ്പർ താരം ക്രിസ്റ്റ്യാനോ റൊണാൾഡോയും ഗോൺസാലോ റാമോസുമാണ് ​ഗോളുകൾ നേടിയത്. ഇവാൻ പെരിസിച്ച് ക്രൊയേഷ്യയ്ക്ക് വേണ്ടി വലകുലുക്കി.

മത്സരത്തിന്റെ ആദ്യ പകുതിയിൽ ഇരുടീമുകളും ​ഗോളുകൾക്കായി കിണഞ്ഞ് ശ്രമിച്ചു. പോർച്ചു​ഗലായിരുന്നു കൂടുതൽ അപകടകാരികൾ. ബ്രൂണോ ഫെർണാണ്ടസും ക്യാൻസലോയും മികച്ച അവസരങ്ങൾ സൃഷ്ടിച്ചെങ്കിലും ക്രോയേഷ്യൻ ഗോൾകീപ്പർ ഡൊമിനിക് ലിവാകോവിച്ച് തകർപ്പൻ സേവുകളുമായി പാറ പോലെ ഉറച്ചുനിന്നു. ഇതോടെ ആദ്യ പകുതി ​ഗോൾ രഹിതമായി അവസാനിച്ചു.

കളി മാറിയ രണ്ടാം പകുതിയിലാണ് മൂന്ന് ഗോളുകളും പിറന്നത്. തുടക്കത്തിൽ തന്നെ പോർച്ചുഗലിനെ ഞെട്ടിച്ചുകൊണ്ട് ക്രോയേഷ്യയുടെ ​ഗോൾ. ബോക്സിനുള്ളിലേക്ക് വന്ന പന്ത് സ്വീകരിച്ച ഇവാൻ പെരിസിച്ചിന്റെ മനോഹരമായ ഹെഡര്‍ പോർച്ചുഗൽ ഗോളി ഡിയോഗോ കോസ്റ്റയെ മറികടന്ന് വലയിൽ പതിച്ചു. ​ഗോൾ വഴങ്ങിയതോടെ പോർച്ചു​ഗൽ ആക്രമണം കടുപ്പിച്ചു. 

നീണ്ട വാര്‍ പരിശോധനകൾക്കൊടുവിൽ കോര്‍ണര്‍ കിക്കിനിടെ ബോക്സിനുള്ളിലെ ഫൗൾ കണ്ടെത്തിയ റഫറി പോർച്ചുഗലിന് അനുകൂലമായി പെനാൽറ്റി വിധിച്ചു. കിക്കെടുത്ത ക്യാപ്റ്റൻ ക്രിസ്റ്റ്യാനോ റൊണാൾഡോ ലക്ഷ്യം കണ്ടു. കരിയറിലെ 146-ാം അന്താരാഷ്ട്ര ഗോളും ലോകകപ്പ് നോക്കൗട്ട് മത്സരങ്ങളിലെ ആദ്യ ​ഗോളും സ്വന്തമാക്കി. ഈ ലോകകപ്പിലെ താരത്തിന്റെ മൂന്നാം ​ഗോൾ കൂടിയായിരുന്നു ഇത്. 68-ാം മിനിറ്റിൽ ​ഗോൾ നേടിയതിന് പിന്നാലെ റൊണാൾഡോയെ കോച്ച് പിൻവലിച്ചു. ഇതിൽ താരം അതീവ നിരാശനായാണ് കാണപ്പെട്ടത്. 

മത്സരം എക്സ്ട്രാ ടൈമിലേക്ക് നീങ്ങുമെന്ന പ്രതീതി നിലനിന്നിരുന്നെങ്കിലും ഇൻജുറി ടൈമിന്‍റെ നാലാം മിനിറ്റിൽ (90+4) റാമോസ് പോർച്ചുഗലിന്‍റെ വിജയ ഗോൾ നേടി. 10 മിനിറ്റ് നീണ്ട ഇഞ്ചുറി ടൈം നിശ്ചിത സമയവും കഴിഞ്ഞ് നീങ്ങിയതോടെ കാണികളും കളിക്കാരും ഒരുപോലെ ആകാംക്ഷാഭരിതരായി.

കളിയുടെ അവസാന സെക്കന്‍ഡില്‍ ക്രൊയേഷ്യ വീണ്ടും വല കുലുക്കിയെങ്കിലും വാർ പരിശോധനയിൽ റഫറി ഓഫ് സൈഡ് വിധിക്കുകയായിരുന്നു. ഇതോടെ പോർച്ചു​ഗൽ പ്രീ ക്വാർട്ടറിലേയ്ക്ക് മുന്നേറി. ക്രൊയേഷ്യയുടെ ഇതിഹാസ താരം ലൂക്കാ മോഡ്രിച്ചിന് ലോകകിരീടമില്ലാതെ മടങ്ങേണ്ടിയും വന്നു. പ്രീ ക്വാർട്ടറിൽ സ്പെയിനാണ് പോർച്ചു​ഗലിന്റെ എതിരാളികൾ. 

]]> അദാനി വിഴിഞ്ഞം തുറമുഖ ഓഹരി വിൽക്കുന്നത് തുറമുഖ വികസനത്തിനോ ? https://www.sandhesam.com/Is-Adani-selling-its-Vizhinjam-port-stake-for-port-development https://www.sandhesam.com/Is-Adani-selling-its-Vizhinjam-port-stake-for-port-development Fri, 03 Jul 2026 14:44:51 +0530 Web Desk ടി.ജെ.ശ്രീലാൽ


മെഡിറ്ററേനിയൻ ഷിപ്പിംഗ് കമ്പനി അദാനി പോർട്ട്സിൽ നിന്ന് വിഴിഞ്ഞം തുറമുഖത്തിന്റെ ഓഹരികൾ വാങ്ങുന്നതോടെ തുറമുഖ വികസനത്തിലും സംസ്ഥാന വികസനത്തിലും വൻകുതിപ്പുണ്ടാകുമെന്ന് പ്രഖ്യാപിച്ചാണ് സംസ്ഥാനത്തെ സർവ്വ മാധ്യമങ്ങളും കഴിഞ്ഞ ദിവസം ഈ വാർത്ത പ്രസിദ്ധീകരിച്ചത്.

ഇത് സത്യമാണോ?  അദാനിയുടെ കൈവശമുള്ള വിഴിഞ്ഞം തുറമുഖത്തിന്റെ 49% ഓഹരികളാണ് 13000 കോടി ( 1.4 ബില്യൺ ഡോളർ) നൽകി എം എസ് സി വാങ്ങുന്നത്. 25%ത്തിൽ കൂടുതൽ ഓഹരി വിൽക്കണമെങ്കിൽ സംസ്ഥാന സർക്കാരിന്റെ അനുവാദം വാങ്ങണമെന്ന കരാർ വ്യവസ്ഥ ലംഘിച്ചാണ് ഈ കച്ചവടം. 

വിഴിഞ്ഞം പദ്ധതിയുടെ ഒന്നാംഘട്ടം പൂർത്തിയായപ്പോൾ നടത്തിപ്പുകാരായ അദാനിയുടെ നിക്ഷേപം 2497 കോടി രൂപയാണ്. സംസ്ഥാന സർക്കാരിന്റെ വിഹിതം 5370 കോടിയും മൂന്നാം കക്ഷിയായ കേന്ദ്രസർക്കാരിന്റെ വിഹിതം 818 കോടിയും. കേന്ദ്ര വിഹിതം വിജിഎഫ് ആയിട്ടാണ്. അത് തുറമുഖ നടത്തിപ്പ് അവകാശം കേരളത്തിന്  തിരിച്ചു കിട്ടുമ്പോൾ നമ്മൾ  പലിശ സഹിതം തിരിച്ചടയ്ക്കുകയും വേണം. 

അതായത് ഏതാണ്ട് 3000 കോടി നിക്ഷേപിച്ച അദാനിക്ക് തുടക്കത്തിൽ തന്നെ തുറമുഖത്തിന്റെ ഓഹരി മറിച്ച് വിൽക്കുമ്പോൾ കിട്ടുന്നത് 13000 കോടി. ഓഹരി കൈമാറ്റം നടന്നാലുടൻ മെഡിറ്ററേനിയൻ കമ്പനി അദാനിക്ക് 5000 കോടി കൈമാറും. ബാക്കിയുള്ള 8000 കോടി 2028ലും. 

എന്തുകൊണ്ട് ഈ വിൽപന

പ്രവർത്തനം തുടങ്ങി ഒരു മാസം കൊണ്ട് ചരക്ക് നീക്കത്തിൽ റെക്കോഡ് വരുമാനം ലഭിച്ച വിഴിഞ്ഞം തുറമുഖത്തിന്റെ ഓഹരി എന്തുകൊണ്ടാണ് അദാനി വിൽക്കുന്നത്?

കാരങ്ങൾ പലതാണ്. നിലവിൽ അദാനിക്ക് ലോൺ കൊടുക്കാത്തതായി രാജ്യത്തെ ഒരു പ്രമുഖ ബാങ്കുമില്ല. നമ്മുടെ ഏറ്റവും വലിയ ബാങ്കായ എസ് ബി ഐ ആണ് അദാനിക്ക് ലോൺ കൊടുത്തവരിൽ ഏറ്റവും മുന്നിൽ.   ആസ്ത്രേലിയയിൽ ഖനി വാങ്ങാൻ എസ്ബിഐ നൽകിയത് 100 കോടി. ഇതടക്കം എസ് ബി ഐ അദാനിക്ക് ലോണായി നൽകിയിട്ടുള്ളത് 27,000 കോടി രൂപയാണ്. അദാനിക്ക് ലോൺ നൽകാൻ വേണ്ടിയാണ് സ്റ്റേറ്റ് ബാങ്ക് ഓഫ് ട്രാവൻകൂർ അടക്കമുള്ള  സബ്സിഡിയറി ബാങ്കുകളെ  എസ്ബിഐയിൽ ലയിപ്പിച്ചത് എന്ന ആരോപണം വരെയുണ്ട്. 

ദേശസാൽകൃത ബാങ്കുകളിലെ നമ്മുടെ പണം മാത്രമല്ല ബിസിനസ് ചെയ്യാൻ അദാനി കൊണ്ട് പോയിട്ടുള്ളത്. മരണമോ അപകടമോ ഉണ്ടായാൽ കുടുംബ ഭദ്രതയ്ക്കായി നമ്മൾ മാസ വരുമാനത്തിൽ നിന്ന് മാറ്റി വച്ച് ലൈഫ് ഇൻഷുറൻസ് കോർപറേഷനിൽ (LIC) അടയ്ക്കുന്ന പോളിസി പണവും അദാനിക്ക് ലഭിച്ചിട്ടുണ്ട്. 48,285 കോടി രൂപയാണ്  LIC അദാനി ഗ്രൂപ്പിന് ബിസ്നസ് ചെയ്യാൻ കടം നൽകിയിരിക്കുന്നത്. 38,000 കോടി അദാനി ഓഹരികളിൽ നിക്ഷേപമായും 10,000 കോടി കടമായും. 

ലോൺ എടുത്ത വകയിൽ അദാനി ഗ്രൂപ്പുകളുടെ ആകെ കടം 3.36 ലക്ഷം കോടി രൂപയാണ്. ഇതിൽ 50% നൽകിയിട്ടുള്ളത് നമ്മളുടെ ദേശസാൽകൃത ബാങ്കുകളാണ്. 23% ആഗോള ബാങ്കുകൾ. 18% ആഗോള മൂലധന നിക്ഷേപ കമ്പനികളും. ഇതിന് പുറത്താണ് അമേരിക്കയിലെ രണ്ട് കേസുകൾ അവിടെ കോടതിക്ക് പുറത്ത് ഒത്തു തീർപ്പാക്കുന്നതിനായി അദാനി ഗ്രൂപ്പ് ചിലവഴിച്ച 3000 കോടി. 

 2023ൽ ഹിണ്ടൻബർഗ് ആരോപണങ്ങൾ ഉയർന്നതോടെ അദാനിയുടെ ഓഹരികൾ കൂപ്പു കുത്തി. അമേരിക്കയിൽ അഴിമതി കേസുകൾ വന്നു. ഇതോടെ ലോകത്തിലെ ഏറ്റവും വലിയ പെൻഷൻ ഫണ്ട് നിക്ഷേപകരായ നോർവെ അടക്കം പല ആഗോള നിക്ഷേപകരും അദാനി കമ്പനികളിൽ നിന്ന് അവരുടെ നിക്ഷേപം പിൻവലിച്ചു. 

ഇത്രയും കേൾക്കുമ്പോൾ ചോദ്യമായോ പരിഹാസമായോ ഉയരുന്ന ഒരു സംശയമുണ്ട്.  അപ്പോ അദാനി സാമ്പത്തിക പ്രതിസന്ധിയിലാണോ? 
ഉത്തരം അല്ലേ അല്ല എന്ന് തന്നെ. കാരണം ചങ്ങാത്ത മുതലാളിമാർക്ക് ഒരിക്കലും സാമ്പത്തിക പ്രതിസന്ധി ഉണ്ടാകാറില്ല. അതുകൊണ്ട് തന്നെ അദാനിയുടെ സാമ്പത്തിക പ്രതിസന്ധിയല്ല പറഞ്ഞ് വന്നത്. എന്തുകൊണ്ട് തിടുക്കത്തിൽ അദാനി വിഴിഞ്ഞം പോർട്ടിന്റെ ഓഹരികൾ വിൽക്കുന്നു എന്നതാണ്. അതിന് വഴി വച്ച സാഹചര്യമാണ് ഇതുവരെ പറഞ്ഞത്. ഈ സാഹചര്യത്തിൽ വേണം വിഴിഞ്ഞം തുറമുഖത്തിന്റെ കുതിപ്പിനായാണ് അദാനി പോർട്ട്സ് മെഡിറ്ററേനിയൻ ഷിപ്പിംഗ് കമ്പനിക്ക് 49% ഓഹരികൾ വിൽക്കുന്നതെന്ന പ്രചാരണത്തിന്റെ പൊരുൾ മനസിലാക്കാൻ.

]]> വിഴിഞ്ഞം ഓഹരി കൈമാറ്റത്തില്‍ കോണ്‍ഗ്രസില്‍ ഭിന്നത; കടുത്ത നടപടി വേണമെന്ന് കെ സി പക്ഷം https://www.sandhesam.com/Congress-is-split-over-Vizhinjam-share-transfer https://www.sandhesam.com/Congress-is-split-over-Vizhinjam-share-transfer Fri, 03 Jul 2026 14:32:33 +0530 Web Desk തിരുവനന്തപുരം: വിഴിഞ്ഞം ഓഹരി കൈമാറ്റത്തില്‍ അദാനിയോടുള്ള നിലപാടില്‍ കോണ്‍ഗ്രസില്‍ ഭിന്നത. കടുത്ത നടപടി വേണമെന്നാണ് കെ സി പക്ഷത്തിന്‍റെ അഭിപ്രായം. കേരളം ഭരിക്കുന്നത് ബിജെപി സര്‍ക്കാരല്ലെന്ന് കെസി ഇന്നലെ മാധ്യമങ്ങളോട് പറഞ്ഞിരുന്നു. കെസി ശക്തമായ നിലപാട് എടുത്തതിന് പിന്നാലെയാണ് മുഖ്യമന്ത്രി ഇന്നലെ അദാനിക്ക് അതൃപ്തി അറിയിച്ച് കത്ത് നല്‍കിയത്. എന്നാല്‍, വിഷയത്തില്‍ തുടക്കത്തില്‍ തന്നെ ശക്തമായ നിലപാട് സ്വീകരിച്ചത് മുഖ്യമന്ത്രിയാണ് എന്നാണ് വി ഡി സതീശനെ അനുകൂലിക്കുന്ന വിഭാഗം പറയുന്നത്. എംഎസ്‍സി-അദാനി കരാർ കൈമാറ്റത്തിന് സർക്കാരിന്റെ അനുമതി വേണമെന്നായിരുന്നു മുഖ്യമന്ത്രി കഴിഞ്ഞ ദിവസം സഭയിൽ പറഞ്ഞത്. കരാർ കൈമാറ്റത്തിന് ഇതുവരെ അദാനി ഗ്രൂപ്പ് അനുമതി തേടിയിട്ടില്ലെന്നും, ഓഹരി കൈമാറ്റത്തിൽ സർക്കാരിന് ആശങ്ക ഉണ്ടെന്നും വി ഡി സതീശൻ സഭയിൽ പറഞ്ഞിരുന്നു.

വിഴിഞ്ഞം തുറമുഖത്തിന്റെ ഓഹരി കൈമാറാനുള്ള അദാനിയുടെ നടപടിയിൽ സർക്കാർ നിയമോപദേശം തേടും. ഒപ്പം വിദഗ്ധ പരിശോധനയും നടത്തും. കരാറിന് സർക്കാർ അതിവേഗം അനുമതി നൽകില്ല. എല്ലാം വ്യവസ്ഥകൾ അനുസരിച്ചാണ് നടക്കുന്നതെന്നും സർക്കാരിന്റെ അനുമതിക്ക് ശേഷം മാത്രമേ അന്തിമ കരാറിലേക്ക് പോകൂ എന്നുമാണ് അദാനിയുടെ നിലപാട്. അതേസമയം, വിവാദം സർക്കാരിനെതിരായ രാഷ്ട്രീയ ആയുധമാക്കി തന്നെ മുന്നോട്ട് പോകാനാണ് പ്രതിപക്ഷത്തിന്റെ തീരുമാനം.

]]> പണം എണ്ണുന്നതിനിടെ തിരിമറി; സോക്സിൽ വരെ നോട്ടുകൾ, അയോധ്യ ഫണ്ട് തട്ടിപ്പിൽ നിർണായക സിസിടിവി ദൃശ്യങ്ങൾ https://www.sandhesam.com/Ayodhya-ram-temple-donation-heist https://www.sandhesam.com/Ayodhya-ram-temple-donation-heist Fri, 03 Jul 2026 14:17:31 +0530 Web Desk അയോധ്യ: അയോധ്യയിലെ രാമക്ഷേത്രത്തിൽ നിന്നുള്ള സംഭാവനപ്പണം മോഷ്ടിച്ചെന്ന കേസിൽ നിർണായക സിസിടിവി ദൃശ്യങ്ങൾ പുറത്ത്. അറസ്റ്റിലായ എട്ട് പേരിൽ ചിലർ പണം എണ്ണുന്നതിനിടയിൽ നോട്ടുകെട്ടുകൾ മാറ്റിവെക്കുന്നതിന്റെയും ഒളിപ്പിക്കുന്നതിന്റെയും ദൃശ്യങ്ങളാണ് പുറത്തുവന്നിരിക്കുന്നത്. ക്ഷേത്രത്തിൽ നിന്ന് ശേഖരിച്ച സിസിടിവി ദൃശ്യങ്ങളിലാണ് ഇക്കാര്യമുള്ളത്. 

പണം എണ്ണുന്ന ജീവനക്കാരിൽ അഞ്ച് പേർ നോട്ടുകെട്ടുകൾ മാറ്റി അവരുടെ വസ്ത്രങ്ങൾക്കുള്ളിലും സോക്സുകളിലും ഒളിപ്പിക്കുന്നതായി കണ്ടെത്തിയെന്ന് അയോധ്യ പോലീസ് വൃത്തങ്ങൾ അറിയിച്ചു. ക്ഷേത്രത്തിലെ പിൽഗ്രിം ഫെസിലിറ്റി സെന്ററിൽ നിന്നുള്ള 45 ദിവസത്തെ ദൃശ്യങ്ങൾ വിശദമായി പരിശോധിച്ചപ്പോഴാണ് ഈ ദൃശ്യങ്ങൾ ലഭിച്ചത്.  

പണ്ണം എണ്ണുന്നതിനായി ഏർപ്പെടുത്തിയവരെ കണ്ടെത്തിയത് തങ്ങളല്ലെന്ന് ഇവരെ നിയോ​ഗിച്ച ഏജൻസി പറയുന്നു. സംഭാവനപ്പണം നിക്ഷേപിക്കുന്ന സ്റ്റേറ്റ് ബാങ്ക് ഓഫ് ഇന്ത്യ ശുപാർശ ചെയ്ത പേരുകൾ അനുസരിച്ചാണ് ഇവരെ നിയോ​ഗിച്ചതെന്ന് ഏജൻസി അറിയിച്ചു. പണം മോഷ്ടിച്ചവരുമായി ബന്ധപ്പെട്ട സ്ഥലങ്ങളിൽ പോലീസ് വ്യാപകമായി പരിശോധന നടത്തിയിരുന്നു. ഇതുവരെ ഏകദേശം 80 ലക്ഷത്തോളം രൂപയാണ് പോലീസ് കണ്ടെടുത്തത്.

ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റിന്റെ പരാതിയിൽ ജൂൺ 25-നാണ് പോലീസ് എഫ്.ഐ.ആർ രജിസ്റ്റർ ചെയ്തത്. കേസിൽ അവിനാഷ് ശുക്ല, ലവ്കുഷ് മിശ്ര, അനുകൽപ് മിശ്ര, മനീഷ് കുമാർ യാദവ്, കരുണേഷ് പാണ്ഡെ, രമാശങ്കർ മിശ്ര, റാം ശങ്കർ യാദവ് എന്ന ടിന്നു യാദവ്, സുഭാഷ് ശ്രീവാസ്തവ് എന്നീ എട്ട് പേരെ അറസ്റ്റ് ചെയ്തിരുന്നു. ഇവരിൽ ടിന്നു യാദവ് എന്നയാൾ ട്രസ്റ്റ് ജനറൽ സെക്രട്ടറി ചമ്പത് റായിയുടെ മുൻ ഡ്രൈവറും മനീഷ് യാദവ് ടിന്നുവിന്റെ അനന്തരവനുമാണ്. 

അനുകൽപ് മിശ്ര, ലവ്കുഷ് മിശ്ര, അവിനാഷ് ശുക്ല, മനീഷ് യാദവ് എന്നിവരുമായി ബന്ധപ്പെട്ട സ്ഥലങ്ങളിൽ നിന്നാണ് പണം വീണ്ടെടുത്തതെന്ന് പോലീസ് വൃത്തങ്ങൾ അറിയിച്ചു. ക്ഷേത്രത്തിലെ കാണിക്കവഞ്ചികളിലും മറ്റും ഭക്തർ സമർപ്പിക്കുന്ന നോട്ടുകളും നാണയങ്ങളും എണ്ണുന്നതിനായി ട്രസ്റ്റ് അമ്പതോളം പേരെ നിയോഗിച്ചിരുന്നതായാണ് റിപ്പോർട്ട്. 

ക്ഷേത്രത്തിൽ 45 ദിവസത്തിൽക്കൂടുതലുള്ള സിസിടിവി ദൃശ്യങ്ങൾ സൂക്ഷിച്ചുവെക്കാറില്ലാത്തതിനാൽ മോഷണം എത്ര നാളായി നടക്കുന്നുണ്ടെന്ന് കൃത്യമായി പറയാൻ കഴിയില്ലെന്ന് പോലീസ് പറഞ്ഞു. സംഭാവനപ്പണം മോഷ്ടിക്കാൻ മറ്റെന്തെങ്കിലും വഴികൾ ഉപയോഗിച്ചിട്ടുണ്ടോ എന്നും ബാങ്ക് ജീവനക്കാരും നിരീക്ഷണത്തിലാണെന്നും പോലീസ് അറിയിച്ചു. മോഷ്ടിച്ച പണം ഉപയോഗിച്ച് എന്തെങ്കിലും സ്വത്തുക്കളോ ആസ്തികളോ വാങ്ങിയിട്ടുണ്ടോ എന്ന് കണ്ടെത്താൻ പ്രതികളുടെ താമസസ്ഥലങ്ങളിൽ നിന്ന് കണ്ടെടുത്ത രേഖകൾ പോലീസ് പരിശോധിച്ചുവരികയാണ്. 

അറസ്റ്റിലായ എട്ട് പേരിൽ ആറ് പേരെ പണം എണ്ണുന്നതിനായി വാരണാസി ആസ്ഥാനമായുള്ള 'സൈനിക് സെക്യൂരിറ്റീസ്' എന്ന മാൻപവർ ഏജൻസി വഴി സ്റ്റേറ്റ് ബാങ്ക് ഓഫ് ഇന്ത്യയാണ് (എസ്ബിഐ) നിയമിച്ചത്. തന്റെ ഏജൻസി ബാങ്കുകൾക്കും മറ്റ് സ്ഥാപനങ്ങൾക്കും ഹൗസ് കീപ്പിംഗ് സ്റ്റാഫുകളെയാണ് നൽകാറുള്ളതെന്നും രാമക്ഷേത്രത്തിലേക്കുള്ള നിയമനത്തിൽ ആളുകളെ തിരഞ്ഞെടുക്കാനുള്ള സ്വാതന്ത്ര്യം ഏജൻസിക്ക് ഇല്ലായിരുന്നുവെന്നും ദി ഇന്ത്യൻ എക്സ്പ്രസിനോട് സംസാരിക്കവെ, സൈനിക് സെക്യൂരിറ്റീസ് ഡയറക്ടർ ഗൗരവ് സിംഗ് പറഞ്ഞു.

പണം എണ്ണുന്നവരുടെ ആധാർ കാർഡുകൾ പരിശോധിച്ച് യോഗ്യത ഉറപ്പുവരുത്തുകയും പേപ്പർവർക്കുകൾ പൂർത്തിയാക്കുകയുമാണ് ഏജൻസി ചെയ്തതെന്ന് ഗൗരവ് സിംഗ് പറഞ്ഞു. ഈ വ്യക്തികൾ ഇതിന് മുൻപ് ഒരിക്കലും ഇവർ ഏജൻസിക്കൊപ്പം ജോലി ചെയ്തിട്ടില്ലെന്നും ഇതിന്റെ രേഖാമൂലമുള്ള തെളിവുകൾ പ്രത്യേക അന്വേഷണ സംഘത്തിന് കൈമാറിയിട്ടുണ്ടെന്നും അദ്ദേഹം അറിയിച്ചു. 

]]> അവിശ്വസനീയം; പിന്നിൽ നിന്ന ശേഷം തിരിച്ചടിച്ച് ബെൽജിയവും ഇംഗ്ലണ്ടും പ്രീക്വാർട്ടറിൽ https://www.sandhesam.com/Belgium-and-England-enters-pre-quarter https://www.sandhesam.com/Belgium-and-England-enters-pre-quarter Thu, 02 Jul 2026 17:37:29 +0530 Web Desk അറ്റ്‌ലാന്റ: ഫിഫ ലോകകപ്പില്‍ പോരാട്ടച്ചൂട് കനക്കുന്നു. റൗണ്ട് ഓഫ് 32ൽ നടന്ന അത്യന്തം ആവേശകരമായ മത്സരങ്ങളിൽ ഇം​ഗ്ലണ്ടും ബെൽജിയവും അവിശ്വനീയമായ തിരിച്ചുവരവിലൂടെ പ്രീക്വാർട്ടർ യോ​ഗ്യത നേടി. ഡിആർ കോം​ഗോയെ ഒന്നിനെതിരെ രണ്ട് ​ഗോളുകൾക്ക് ഇം​ഗ്ലണ്ടും സെന​ഗലിനെതിരെ 3-2ന് ബെൽജിയവും വിജയിച്ചു. 

ഈ ലോകകപ്പിലെ ഏറ്റവും ആവേശകരമായ മത്സരങ്ങളിലൊന്ന് എന്ന് വിശേഷിപ്പിക്കാവുന്ന പോരാട്ടമാണ് അറ്റ്ലാന്റയിൽ ആഫ്രിക്കൻ കരുത്തരായ സെന​ഗലും ബെൽജിയവും തമ്മിൽ ന‍ടന്നത്. അധിക സമയത്തായിരുന്നു ബെല്‍ജിയത്തിന്റെ അവിശ്വസനീയ ജയം.

യൂറി ടൈലെമാന്‍സിന്റെ ഇരട്ട ഗോളുകളും റൊമേലു ലുക്കാക്കുവിന്റെ ഒരു ഗോളുമാണ് ബെല്‍ജിയത്തെ രക്ഷിച്ചത്. ഹബീബ് ഡിയാറ, ഇസ്മായില സാർ എന്നിവരാണ് സെനഗലിന് വേണ്ടി സ്‌കോര്‍ ചെയ്‌തത്. രണ്ട് ​ഗോളുകൾക്ക് പിന്നിൽ നിന്ന ശേഷമാണ് ബെൽജിയം വിജയം പിടിച്ചെടുത്തത്. 

മത്സരത്തിന്റെ തുടക്കം മുതൽ തിരമാല കണക്കെ ആഞ്ഞടിക്കുന്ന സെന​ഗലിനെയാണ് കാണാനായത്. ബെല്‍ജിയന്‍ പ്രതിരോധത്തെ തുടർച്ചയായി പരീക്ഷിച്ച സെന​ഗലിന്റെ ശ്രമങ്ങൾ 24-ാം മിനിറ്റില്‍ ഫലം കണ്ടു. സെനഗല്‍ നടത്തിയ മികച്ച നീക്കത്തിനൊടുവില്‍ വന്ന ഹെഡര്‍, ബെല്‍ജിയത്തിന്റെ സ്റ്റാര്‍ ഗോള്‍കീപ്പര്‍ തിബോ കുര്‍ട്ടോവയെ മറികടന്ന് പോസ്റ്റിൽ തട്ടിത്തെറിച്ചു. തിരിച്ചെത്തിയ പന്ത് കൃത്യമായി പൊസിഷന്‍ ചെയ്തിരുന്ന ഹബീബ് ഡിയാറ വലയിലേക്ക് തട്ടിയിട്ടു. ആദ്യ പാതി പിരിയുമ്പോൾ സെന​ഗൽ 1-0ന് മുന്നിൽ. 

രണ്ടാം പകുതിയുടെ തുടക്കത്തിൽ തന്നെ സെന​ഗൽ ലീഡ് രണ്ടാക്കി ഉയർത്തി. 51-ാം മിനിറ്റില്‍ സാദിയോ മാനെ നല്‍കിയ ഒരു പാസ് നെഞ്ചില്‍ സ്വീകരിച്ച ഇസ്മായില സാര്‍ അവിശ്വസനീയമായ പവര്‍ ഷോട്ടിലൂടെ വലയിലെത്തിച്ചു. മത്സരത്തിന്റെ 86-ാം മിനിറ്റ് വരെ 2 ​ഗോളുകൾക്ക് മുന്നിൽ നിന്ന സെന​ഗൽ വിജയമുറപ്പിച്ചിരുന്നു.

അവസാന 4 മിനിറ്റിനുള്ളിൽ രണ്ട് ​ഗോൾ തിരിച്ചടിച്ച് ബെൽജിയം മത്സരത്തെ അധിക സമയത്തേക്ക് എത്തിച്ചു. ഷൂട്ടൗട്ടിലേക്ക് നീങ്ങുമെന്ന് തോന്നിച്ച മത്സരത്തിൽ ഇഞ്ചുറി ടൈമിൽ ലഭിച്ച പെനാല്‍റ്റി ലക്ഷ്യത്തിലെത്തിച്ച് ടൈലെമാന്‍സ് ബെൽജിയത്തിന് അവിശ്വസനീയ ജയം സമ്മാനിച്ചു. ആതിഥേയരായ അമേരിക്കയാണ് പ്രീ ക്വാർട്ടറിൽ ബെൽജിയത്തിന്റെ എതിരാളികൾ. 

ബെൽജിയത്തിന്റെ ജയത്തോട് കിടപിടിക്കുന്ന വിജയം തന്നെയാണ് കോം​ഗോയ്ക്ക് എതിരെ ഇം​ഗ്ലണ്ട് സ്വന്തമാക്കിയത്. 75-ാം മിനിറ്റ് വരെ ഒരു ​ഗോളിന് പിന്നിൽ നിന്ന ശേഷം 15 മിനിറ്റിനുള്ളിൽ രണ്ട് ​ഗോളുകൾ തിരിച്ചടിച്ചാണ് ഇം​ഗ്ലണ്ട് വിജയിച്ചത്.

ഇം​ഗ്ലീഷ് ആരാധകരെ ഞെട്ടിച്ചുകൊണ്ട് മത്സരത്തിന്റെ 7-ാം മിനിറ്റിൽ തന്നെ കോം​ഗോ ലീഡ് നേടി. ബോക്‌സിനുള്ളില്‍ നിന്ന് കോംഗോ വിങ്ങര്‍ ബ്രയാന്‍ സിപെംഗ തൊടുത്ത ഷോട്ട് തടുക്കാൻ ഇം​ഗ്ലണ്ട് ​ഗോൾ കീപ്പറിന് കഴിഞ്ഞില്ല. 

ഒപ്പമെത്താൻ ഇം​ഗ്ലണ്ട് മികച്ച പല മുന്നേറ്റങ്ങളും നടത്തിയെങ്കിലും കോംഗോ ഗോള്‍കീപ്പര്‍ ലയണല്‍ എംപാസി എന്‍സൗ തകർപ്പൻ സേവുകളിലൂടെ കോം​ഗോയെ രക്ഷിച്ചു. ഹാരി കെയ്ന്‍, ജൂഡ് ബെല്ലിംഗ്ഹാം എന്നിവരുടെ ​ഗോൾ എന്നുറപ്പിച്ച നാല് ഷോട്ടുകളാണ് എൻസൗ തട്ടിയകറ്റിയത്. 

ഇംഗ്ലണ്ടിന് അനുകൂലമായ ഒരു പെനാല്‍റ്റി റഫറി നിഷേധിച്ചതും കോംഗോ സ്‌ട്രൈക്കര്‍ യോവാന്‍ വിസ്സയുടെ ഒരു ഷോട്ട് പോസ്റ്റില്‍ തട്ടി തെറിച്ചതും ഒന്നാം പകുതിയെ ആവേശഭരിതമാക്കി. ആദ്യ പകുതിയിൽ ഒരു ​ഗോൾ ലീഡുമായി ഇടവേളയ്ക്ക് പിരിഞ്ഞ കോം​ഗോ രണ്ടാം പകുതിയിലും മികച്ച പ്രകടനമാണ് പുറത്തെടുത്തത്. എന്നാൽ, ജയത്തിൽ കുറഞ്ഞതൊന്നും ഇം​ഗ്ലണ്ടിന് ചിന്തിക്കാൻ പോലും കഴിയുമായിരുന്നില്ല. 

75-ാം മിനിറ്റില്‍ ഇംഗ്ലണ്ട് ആരാധകർ കാത്തിരുന്ന നിമിഷമെത്തി. ആന്റണി ഗോര്‍ഡന്‍ ബോക്‌സിലേക്ക് നല്‍കിയ ക്രോസ് മനോഹരമായൊരു ഹെഡ്ഡറിലൂടെ ഹാരി കെയ്ന്‍ വലയിലെത്തിച്ചു. സമനില നേടിയതോടെ ജയത്തിലേയ്ക്ക് ആവശ്യമായ ഒരു ​ഗോളിന് വേണ്ടി ഇം​ഗ്ലണ്ട് ആക്രമണം കടുപ്പിച്ചു.

തുടർ ശ്രമങ്ങൾ 86-ാം മിനിറ്റില്‍ ഫലം കണ്ടു. കോം​ഗോ ആരാധകരെ ഞെട്ടിച്ച് ഹാരി കെയ്ൻ ഇം​ഗ്ലണ്ടിന്റെ വിജയഗോള്‍ നേടി. ബോക്സിനുള്ളിൽ നിന്ന് കെയ്ൻ തൊടുത്ത ബുള്ളറ്റ് ഷോട്ട് കോം​ഗോയുടെ വല തുളച്ചു. പ്രീക്വാർട്ടറിൽ മെക്‌സിക്കോയാണ് ഇംഗ്ലണ്ടിന്റെ എതിരാളികള്‍. 

മറ്റൊരു മത്സരത്തിൽ ആവേശ ജയവുമായി ആതിഥേയരായ അമേരിക്കയും പ്രീക്വാര്‍ട്ടറിലേക്ക് യോ​ഗ്യത നേടി. നിര്‍ണ്ണായക മത്സരത്തില്‍ ബോസ്‌നിയ ആന്‍ഡ് ഹെര്‍സഗോവിനയെ എതിരില്ലാത്ത രണ്ട് ഗോളുകള്‍ക്ക് തകർത്താണ് യുഎസ്എ പ്രീ ക്വാർട്ട‌ർ ഉറപ്പിച്ചത്. ഫോലാരിന്‍ ബലോഗന്‍, മാലിക് ടില്‍മാന്‍ എന്നിവരാണ് ​ഗോളുകൾ നേടിയത്. മത്സരത്തിന്റെ 64-ാം മിനിറ്റില്‍ അമേരിക്കൻ താരം ബലോഗന്‍ ചുവപ്പ് കാര്‍ഡ് കണ്ട് പുറത്തായിട്ടും അവസരം മുതലെടുക്കാൻ ബോസ്നിയയ്ക്ക് സാധിച്ചില്ല.

]]> 'സർക്കാർ അറിഞ്ഞില്ലേ? ജൂൺ 29ന് വിഴിഞ്ഞം കരാർ ഒപ്പിട്ടു'; 25 ശതമാനത്തിലേറെ ഓഹരി കൈമാറാൻ സർക്കാരിന്‍റെ മുൻകൂർ അനുമതി വേണമെന്ന് പിണറായി വിജയൻ https://www.sandhesam.com/Pinarayi-cricises-CM--on-Vizhinjam-port-contract-and-Finance-bill https://www.sandhesam.com/Pinarayi-cricises-CM--on-Vizhinjam-port-contract-and-Finance-bill Thu, 02 Jul 2026 17:12:48 +0530 Web Desk തിരുവനന്തപുരം:  വിഴിഞ്ഞത്തെ അദാനി - എംഎസ്‍സി ഓഹരി കൈമാറ്റം നിയമവിരുദ്ധമെന്ന് പ്രതിപക്ഷ നേതാവ് പിണറായി വിജയൻ. 25 ശതമാനത്തിൽ അധികം ഓഹരി കൈമാറ്റം വേണമെങ്കിൽ സംസ്ഥാന സർക്കാരിൻറെ മുൻകൂർ അംഗീകാരം ആവശ്യമാണ്. അതാണ് കരാറിലെ വ്യവസ്ഥ. സംസ്ഥാന സർക്കാരിന്‍റെ അറിവോടെയുള്ള നീക്കമാണോ നടന്നതെന്ന് പിണറായി വിജയൻ ചോദിച്ചു. ജൂൺ 29 തന്നെ കരാർ ഒപ്പിട്ടു കഴിഞ്ഞു. കരാർ ലംഘിച്ചതിന് സർക്കാർ ഏത് തരത്തിലുള്ള നിയമ നടപടി സ്വീകരിക്കുമെന്ന് മുഖ്യമന്ത്രി വി ഡി സതീശൻ വ്യക്തമാക്കണം. വലിയ വിദേശ നിക്ഷേപം എന്ന രീതിയിൽ പ്രചാരണം ഉണ്ട്. ഓഹരി കൈ മാറ്റത്തിലൂടെ അദാനി ഗ്രൂപ്പിന് ലാഭമുണ്ടാക്കാനുള്ള ഇടപാടാണ് നടന്നിരിക്കുന്നതെന്നും പിണറായി വിജയൻ വിമർശിച്ചു.

കോർപറേറ്റ് മുതലാളിമാരുടെ ലാഭക്കൊതിക്ക് കുടപിടിക്കുന്ന സർക്കാരിന്‍റെ യഥാർത്ഥ മുഖം കണ്ടെന്ന് പ്രതിപക്ഷ നേതാവ് പിണറായി വിജയൻ. നാടിന്‍റെ താൽപര്യം കണക്കിലെടുക്കപ്പെടുന്നില്ല. നിയമസഭാ നടപടിക്രമങ്ങളും ചട്ടങ്ങളും കാറ്റിൽ പറത്തുകയാണ്. പുതിയ ബജറ്റിന്‍റെ ഷെഡ്യൂളിൽ ധനകാര്യ ബില്ല് ഉണ്ടായിരുന്നില്ല. മദ്യത്തിന്‍റെ നികുതി ഘടനയിലെ മാറ്റം തുടക്കത്തിൽ ആലോചനയിൽ ഇല്ലായിരുന്നു എന്നതിന് തെളിവാണിത്. മദ്യ കമ്പനികൾക്ക് ലാഭമുണ്ടാക്കാനാണ് രണ്ടാം ഘട്ടത്തിൽ ധനകാര്യ ബില്ല് തിരുകി കയറ്റിയത്. മുഖ്യമന്ത്രി വി ഡി സതീശൻ നിരന്തരം സഭയെ തെറ്റിദ്ധരിപ്പിക്കുകയാണെന്ന് പിണറായി വിജയൻ വിമർശിച്ചു.

ക്രമവിരുദ്ധമായി ധനബില്ല് ധൃതി പിടിച്ച് പാസാക്കാൻ സർക്കാർ ശ്രമിച്ചതിന് പിന്നിൽ നിഷിപ്ത താൽപര്യമാണ്. ഒരു തരത്തിൽ ഒളിച്ച് കടത്തലാണ് മുഖ്യമന്ത്രി ചെയ്തത്. മദ്യ കമ്പനികളെ സഹായിക്കലായിരുന്നു ഗൂഢലക്ഷ്യം. പുതിയ നികുതി നിർദ്ദേശത്തിന് സബ്ജക്റ്റ് കമ്മിറ്റി പരിശോധന വേണമായിരുന്നു. അതിന് സമയമോ സാവകാശമോ നൽകിയില്ല. അനാവശ്യ ധൃതിയും വാശിയും ധനബില്ല് പാസാക്കാൻ സർക്കാരിന്‍റെ ഭാഗത്ത് നിന്ന് ഉണ്ടായി. ഏത് മാർഗ്ഗവും ഉപയോഗിച്ച് മദ്യകമ്പനികൾക്ക് നികുതിയിളവ് നൽകണമെന്ന വാശിയിലായിരുന്നു മുഖ്യമന്ത്രി. യുഡിഎഫ് ആണ് അവസാനവാക്കെന്ന് മുഖ്യമന്ത്രി പറയുന്നു. അതേസമയം എല്ലാം യുഡിഎഫ് തീരുമാനിക്കുമെന്ന വാക്ക് മുഖ്യമന്ത്രി പ്രഹസനം ആക്കി. മുഖ്യമന്ത്രിയൊഴികെ മറ്റാരും മദ്യത്തിന്‍റെ നികുതിയിളവ് തീരുമാനം അറിഞ്ഞില്ല. മതസാമുദായിക നേതൃത്വത്തിൽ നിന്ന് ഉയർന്ന എതിർപ്പും മുഖ്യമന്ത്രി കണക്കിലെടുക്കുന്നില്ലെന്ന് പിണറായി വിജയൻ ആരോപിച്ചു.

]]> മണിരത്നത്തെയും വിസ്മയിപ്പിച്ച് 'ബാലൻ: ദി ബോയ്'; പ്രശംസയുമായി ഇതിഹാസ സംവിധായകൻ https://www.sandhesam.com/Maniratnam-praises-Balan-movie-team https://www.sandhesam.com/Maniratnam-praises-Balan-movie-team Thu, 02 Jul 2026 16:49:36 +0530 Web Desk 'മഞ്ഞുമ്മൽ ബോയ്സ്' എന്ന ഇൻഡസ്ട്രി ഹിറ്റിന് ശേഷം സംവിധായകൻ ചിദംബരം ഒരുക്കിയ 'ബാലൻ: ദി ബോയ്' തിയേറ്ററുകളിൽ മികച്ച പ്രേക്ഷക പ്രതികരണവുമായി മുന്നേറുകയാണ്. ഇതിനിടെ ചിത്രത്തിന് ലഭിച്ച പുതിയ അംഗീകാരമാണ് സിനിമാപ്രേമികളുടെ ശ്രദ്ധ പിടിച്ചുപറ്റുന്നത്. ഇന്ത്യൻ സിനിമയിലെ ഇതിഹാസ സംവിധായകൻ മണിരത്നം ചിത്രം കണ്ട ശേഷം അണിയറപ്രവർത്തകരെ അഭിനന്ദിച്ച് രംഗത്തെത്തിയിരിക്കുകയാണ്.

ചിത്രത്തിന്റെ പ്രത്യേക പ്രദർശനം കണ്ട ശേഷമാണ് മണിരത്നം തന്റെ പ്രശംസ അറിയിച്ചത്. സിനിമയുടെ തിരക്കഥയും അവതരണരീതിയും അഭിനേതാക്കളുടെ പ്രകടനവും അദ്ദേഹത്തെ ഏറെ ആകർഷിച്ചതായാണ് അണിയറപ്രവർത്തകർ അറിയിച്ചത്. ഇന്ത്യൻ സിനിമയിലെ ഏറ്റവും ശ്രദ്ധേയരായ സംവിധായകരിലൊരാളിൽ നിന്ന് ലഭിച്ച ഈ അംഗീകാരം ചിത്രത്തിന് വലിയ നേട്ടമായാണ് വിലയിരുത്തപ്പെടുന്നത്.

മണിരത്നത്തിന് മുമ്പ് തന്നെ തെന്നിന്ത്യൻ താരദമ്പതികളായ സൂര്യയും ജ്യോതികയും ചിത്രത്തെ പ്രശംസിച്ചിരുന്നു. 'മാസ്റ്റർപീസ്' എന്നാണ് ജ്യോതിക 'ബാലൻ: ദി ബോയ്'യെ വിശേഷിപ്പിച്ചത്. സംവിധായകൻ ചിദംബരത്തിന്റെയും തിരക്കഥാകൃത്ത് ജിത്തു മാധവന്റെയും മേക്കിങ്ങിനെ അവർ പ്രത്യേകം അഭിനന്ദിച്ചു. ഫർസാന പാലത്തിങ്കൽ, ആദിശേഷൻ കെ.ആർ, മുഹമ്മദ് സിനാൻ, ഡോളി ജൂൺ, ടൊവിനോ തോമസ് എന്നിവരുടെ പ്രകടനങ്ങൾക്കൊപ്പം സുഷിൻ ശ്യാമിന്റെ സംഗീതവും ഷൈജു ഖാലിദിന്റെ ഛായാഗ്രഹണവും ജ്യോതിക എടുത്തുപറഞ്ഞു.

]]> വിജയ്‍യുടെ 'ജനനായകൻ' ജൂലൈ അവസാനത്തോടെ റിലീസിനെത്തും https://www.sandhesam.com/Jananayagan-release-date https://www.sandhesam.com/Jananayagan-release-date Thu, 02 Jul 2026 16:38:52 +0530 Web Desk തമിഴ് സിനിമ ലോകം ഏറെ ആകാംഷയോടെ കാത്തിരിക്കുന്ന ചിത്രമാണ് വിജയുടെ അവസാനചിത്രമെന്ന രീതിയിൽ ശ്രദ്ധ നേടിയ ജനനായകൻ. പൊങ്കൽ റിലീസായി തിയേറ്ററുകളിൽ എത്തേണ്ടിയിരുന്ന ചിത്രത്തിന്റെ റിലീസ് സി.ബി.എഫ്.സി  തടയുകയായിരുന്നു.

ഇപ്പോഴിതാ, ആറ് മാസങ്ങൾക്ക് ശേഷം 'ജനനായകൻ' ഒടുവിൽ റിലീസിനൊരുങ്ങുകയാണ്.  ചിത്രത്തിന്റെ സെൻസറിംഗ് പൂർത്തിയാക്കിയ കേന്ദ്ര ഫിലിം സർട്ടിഫിക്കേഷൻ ബോർഡ് (CBFC), സെൻസർ സർട്ടിഫിക്കറ്റ് ലഭിക്കുന്നതിനായി ചിത്രത്തിൽ വരുത്തേണ്ട മാറ്റങ്ങളുടെ പട്ടിക നിർമ്മാതാക്കൾക്ക് അയച്ചിട്ടുണ്ടെന്ന് വിശ്വസനീയമായ കേന്ദ്രങ്ങൾ 'സ്ക്രീൻ' മാധ്യമത്തോട് സ്ഥിരീകരിച്ചു. 'എ' സർട്ടിഫിക്കറ്റ് ലഭിക്കാൻ സാധ്യതയുള്ള ചിത്രം ജൂലൈ അവസാനത്തോടെ റിലീസ് ചെയ്യാനാണ് സാധ്യത.

"സി.ബി.എഫ്.സി നിർദ്ദേശിച്ച മാറ്റങ്ങൾ എഡിറ്റ് ചെയ്ത് സമർപ്പിക്കാനുള്ള തയ്യാറെടുപ്പിലാണ് ടീം. അടുത്ത ആഴ്ചയോടെ ഡബ്ബിങ് ജോലികളും ആരംഭിക്കും. എല്ലാം വിചാരിച്ചതുപോലെ നടന്നാൽ ജൂലൈ അവസാനത്തോടെ ചിത്രം തിയേറ്ററുകളിലെത്തും," സിനിമയുടെ അണിയറപ്രവർത്തകരുടെ അടുത്ത സോഴ്സിൽ നിന്നും ലഭിച്ച വിവരമിങ്ങനെ.

കെ.വി.എൻ പ്രൊഡക്ഷൻസിന്റെ ബിസിനസ് ഹെഡ് ആയ സുപ്രീത് മോഹനും ഈ സമയക്രമം സ്ഥിരീകരിച്ചു. "എല്ലാം കൃത്യമായി ആസൂത്രണം ചെയ്തതുപോലെ മുന്നോട്ട് പോകുന്നുണ്ട്. ജൂലൈ അവസാന വാരത്തിലോ അല്ലെങ്കിൽ ഓഗസ്റ്റ് ആദ്യ വാരത്തിലോ ചിത്രം റിലീസ് ചെയ്യാനാണ് ഞങ്ങൾ ലക്ഷ്യമിടുന്നത്."

എച്ച്. വിനോദ് സംവിധാനം ചെയ്യുന്ന 'ജനനായകൻ' കെ.വി.എൻ പ്രൊഡക്ഷൻസിന്റെ ബാനറിൽ വെങ്കട്ട് കെ. നാരായണയാണ് നിർമ്മിക്കുന്നത്. പൂജ ഹെഗ്‌ഡെ നായികയാകുന്ന ചിത്രത്തിന് സംഗീതം പകരുന്നത് ജി.വി. പ്രകാശ് കുമാർ ആണ്. ഗൗതം വാസുദേവ് മേനോൻ, പ്രിയ ഭവാനി ശങ്കർ, അജ്മൽ അമീർ, യോഗി ബാബു തുടങ്ങിയവരും പ്രധാന വേഷങ്ങളിൽ എത്തുന്നു. രാഷ്ട്രീയത്തിൽ പൂർണ്ണമായി ശ്രദ്ധ കേന്ദ്രീകരിക്കുന്നതിനായി വിജയ് അഭിനയരംഗം വിടുന്നതിന് മുൻപ് പൂർത്തിയാക്കിയ ചിത്രം അദ്ദേഹത്തിന്റെ അവസാന ചിത്രമായി കണക്കാക്കപ്പെടുന്നു. രാഷ്ട്രീയ ത്രില്ലർ ചിത്രമാണ്  'ജനനായകൻ'. 

]]> ഇന്ത്യ-ജപ്പാൻ ബന്ധത്തിൽ പുതിയ അധ്യായം; പ്രതിരോധ-എഐ മേഖലകളിൽ നിർണായക കരാറുകൾ ഒപ്പുവെച്ചു https://www.sandhesam.com/New-chapter-in-India-Japan-relations-Key-agreements-signed-in-defense-and-AI-sectors https://www.sandhesam.com/New-chapter-in-India-Japan-relations-Key-agreements-signed-in-defense-and-AI-sectors Thu, 02 Jul 2026 16:22:05 +0530 Web Desk ന്യൂഡൽഹി: ഉഭയകക്ഷി ബന്ധം ശക്തിപ്പെടുത്താൻ ഇന്ത്യ- ജപ്പാൻ തീരുമാനം. പ്രധാനമന്ത്രി നരേന്ദ്ര മോദിയും ജാപ്പനീസ് പ്രധാനമന്ത്രി സനെയ് തകൈച്ചിയും തമ്മിൽ ന്യൂഡൽഹിയിൽ നടന്ന 16-ാമത് ഇന്ത്യ-ജപ്പാൻ വാർഷിക ഉച്ചകോടിയിലാണ് തീരുമാനമെടുത്തത്. ഇരുരാജ്യങ്ങളും തമ്മിലുള്ള തന്ത്രപരമായ ബന്ധം ശക്തിപ്പെടുത്തുന്നതിനുള്ള സുപ്രധാന തീരുമാനങ്ങൾ യോഗത്തിൽ കൈക്കൊണ്ടു. നിർമ്മിത ബുദ്ധി (AI), പ്രതിരോധം, ഊർജ്ജം, സാമ്പത്തിക സുരക്ഷ എന്നിവയിൽ കൂടുതൽ സഹകരിക്കാൻ ഇരുരാജ്യങ്ങളും തീരുമാനിച്ചു. ജപ്പാന്റെ ആദ്യ വനിതാ പ്രധാനമന്ത്രിയായ സനെയ് തകൈച്ചിയുടെ കന്നി ഇന്ത്യൻ സന്ദർശനമാണിതെന്ന് പ്രധാനമന്ത്രി മോദി എടുത്തുപറഞ്ഞു.

സാങ്കേതികവിദ്യയിലൂന്നിയുള്ള പങ്കാളിത്തം ഇരുരാജ്യങ്ങളും തമ്മിലുള്ള സഹകരണത്തിന്റെ ഏറ്റവും ശക്തമായ അടിസ്ഥാനമായി മാറുമെന്ന് ഇരു നേതാക്കളും പ്രഖ്യാപിച്ചു. ഇതിന്റെ ഭാഗമായി നിർമ്മിത ബുദ്ധി മേഖലയിൽ വിവിധ ഇന്ത്യൻ, ജാപ്പനീസ് സ്ഥാപനങ്ങൾ തമ്മിൽ കരാറുകളിൽ ഒപ്പിടുകയും ചെയ്തു. ഇതിന് പുറമെ പ്രതിരോധ രംഗത്തും സുപ്രധാനമായ കരാറിൽ ഇരുരാജ്യങ്ങളും ഒപ്പിട്ടു. സംയുക്ത പ്രതിരോധ വികസന പദ്ധതിയായ 'യൂണിക്കോൺ' നേവൽ റേഡിയോ ആന്റിന (Unicorn - Naval Radio Antenna) സംബന്ധിച്ച കരാറിലാണ് ഇരുരാജ്യങ്ങളും ഒപ്പിട്ടത്. ഇത് സമുദ്ര സുരക്ഷയ്ക്കും പ്രതിരോധ സാങ്കേതിക വിദ്യയ്ക്കും കരുത്തേകുമെന്ന് വിലയിരുത്തപ്പെടുന്നു. യുദ്ധക്കപ്പലുകളിൽ ഉപയോഗിക്കുന്ന അത്യാധുനിക ആന്റിന സിസ്റ്റം ആണ് യൂണിക്കോൺ. ജപ്പാൻ മറ്റൊരു രാജ്യത്തിന് കൈമാറുന്ന ആദ്യത്തെ തന്ത്രപ്രധാന സൈനിക സാങ്കേതികവിദ്യകളിൽ ഒന്നാണിത്. ഇന്ത്യയുടെ ഭാരത് ഇലക്ട്രോണിക്സ് ലിമിറ്റഡും (BEL) ജാപ്പനീസ് കമ്പനികളും ചേർന്നാണ് ഇന്ത്യൻ നാവികസേനയുടെ കപ്പലുകൾക്കായി ഇത് ഇന്ത്യയിൽ നിർമ്മിക്കുന്നത്.

ഇന്ത്യയിലുടനീളം 1,000 ബയോഗ്യാസ് പ്ലാന്റുകൾ സ്ഥാപിക്കുന്നതിനായി ഇന്ത്യ-ജപ്പാൻ ബയോഗ്യാസ് ഇനിഷ്യേറ്റീവ് ആണ് മറ്റൊരു സുപ്രധാന തീരുമാനം. ഗ്രാമീണ ഉപജീവനത്തിനും ഇന്ത്യയുടെ ഹരിത ഊർജ്ജ ലക്ഷ്യങ്ങൾക്കും സഹായകമാകുമെന്നാണ് പ്രതീക്ഷിക്കുന്നത്. ഇന്ത്യയിലേക്ക് 10 ട്രില്യൺ യെന്നിന്റെ ( ഏകദേശം 5.91 ലക്ഷം കോടി ഇന്ത്യൻ രൂപ) ജാപ്പനീസ് നിക്ഷേപം ആകർഷിക്കാനും അടുത്ത പത്ത് വർഷത്തിനുള്ളിൽ ഇന്ത്യയിലെ ജാപ്പനീസ് കമ്പനികളുടെ എണ്ണം ഇരട്ടിയാക്കാനുമാണ് ഇരുരാജ്യങ്ങളും ലക്ഷ്യമിടുന്നത്.

സ്വതന്ത്രവും സമൃദ്ധവും നിയമസാധുതയുള്ളതുമായ ഇന്തോ-പസഫിക് മേഖല ഉറപ്പാക്കുന്നതിന് ജപ്പാനും ഇന്ത്യയും മുൻഗണന നൽകുന്നു. സെമികണ്ടക്ടറുകൾ, നിർണ്ണായക ധാതുക്കൾ, ക്വാണ്ടം സാങ്കേതികവിദ്യ, ആരോഗ്യ സംരക്ഷണം എന്നീ മേഖലകളിൽ സഹകരണം വർദ്ധിപ്പിക്കാനും ഉച്ചകോടിയിൽ തീരുമാനമായി. അടിസ്ഥാന സൗകര്യ വികസനത്തിൽ നിന്ന് ആധുനിക സാങ്കേതികവിദ്യയിലേക്കും ആഗോള തന്ത്രപ്രധാന മേഖലകളിലേക്കും ഇന്ത്യ-ജപ്പാൻ ബന്ധം വളരുന്നതിന്റെ സൂചനയാണ് ഉച്ചകോടിയിലെ തീരുമാനങ്ങൾ.

]]> ഡച്ച് പടയെ തക‌ർത്ത് മൊറോക്കോ പ്രീക്വാർട്ടറിൽ, ജയം ഷൂട്ടൗട്ടിൽ https://www.sandhesam.com/morocco-defeats-netherlands-in-shoot-out https://www.sandhesam.com/morocco-defeats-netherlands-in-shoot-out Tue, 30 Jun 2026 11:56:43 +0530 Web Desk മെക്സിക്കോ: ഫിഫ ലോകകപ്പിലെ ആവേശപ്പോരാട്ടത്തിൽ നെതർലൻഡ്സിനെ തകർത്ത് മൊറോക്കോ പ്രീക്വാർട്ടറിൽ. നിശ്ചിത സമയത്തും അധിക സമയത്തും സമനില (1-1) പാലിച്ചതോടെ പെനാൽറ്റി ഷൂട്ടൗട്ടിലേയ്ക്ക് നീങ്ങിയ മത്സരത്തിൽ (3-2) ആയിരുന്നു മൊറോക്കോയുടെ ജയം. 

വീറും വാശിയും നിറഞ്ഞ മത്സരമാണ് നെതർലൻഡ്സും മൊറോക്കോയും തമ്മിൽ നടന്നത്. തുല്യശക്തികൾ നേർക്കുനേർ വന്ന മത്സരത്തിൽ തുടക്കം മുതൽ ഒട്ടേറെ അവസരങ്ങൾ പിറന്നിരുന്നു. ആക്രമണങ്ങളും പ്രത്യാക്രമണങ്ങളുമായി ഇരുടീമുകളും കളംനിറഞ്ഞതോടെ മെക്സിക്കോയിലെ മോൺടെറി സ്റ്റേഡിയും ആവേശക്കടലായി മാറി.

ആദ്യ അരമണിക്കൂറിൽ തന്നെ മൊറോക്കോ-നെതർലൻഡ്സ് താരങ്ങൾ തമ്മിലുള്ള​ ഏറ്റുമുട്ടലും ഡച്ച് ഗോൾ കീപ്പറുടെ തകർപ്പൻ സേവുകളുമെല്ലാം മത്സരത്തെ ചൂടുപിടിപ്പിച്ചു. ആദ്യ പകുതി ഗോൾ രഹിതമായതാണ് അവസാനിച്ചത്. രണ്ടാം പകുതിയിലും ഇരുടീമുകളും ലീഡിനായുള്ള ശ്രമങ്ങൾ തുടർന്നു. 72-ാം മിനിറ്റിൽ ഡച്ച് ആരാധകർ കാത്തിരുന്ന നിമിഷമെത്തി. കോഡി ഗാപ്കോ നെതർലൻഡ്സിനെ മുന്നിലെത്തിച്ചു. 

മത്സരത്തിൽ നെതർലൻഡ്സ് വിജയത്തിലേയ്ക്ക് അടുക്കുന്നുവെന്ന് തോന്നിച്ച നിമിഷം തന്നെ മൊറോക്കോ സമനില പിടിച്ചു. മത്സരത്തിന്റെ ഇഞ്ചുറി ടൈമിലായിരുന്നു സമനില ഗോൾ പിറന്നത്. 91-ാം മിനിറ്റിൽ തൽബി നീട്ടി നൽകിയ ക്രോസ് തകർപ്പൻ ഹെഡ്ഡറിലൂടെ ഡിയോപ് വലയിലാക്കി. തുടർന്ന് മത്സരം അധിക സമയത്തേയ്ക്ക് നീളുകയായിരുന്നു. 

ഭാഗ്യവും നിർഭാഗ്യവും മാറിമറിഞ്ഞ ഷൂട്ടൗട്ടിൽ മൂന്ന് നെതർലൻഡ്സ് താരങ്ങൾക്ക് ലക്ഷ്യം പിഴച്ചപ്പോൾ സമ്മർദ്ദത്തെ അതിജീവിച്ച മൊറോക്കൻ താരങ്ങൾ 3 കിക്കുകൾ ലക്ഷ്യത്തിലെത്തിക്കുകയായിരുന്നു

]]> സഹകരണരംഗത്തെ ആദ്യ വിമാനക്കമ്പനി ‘കോ-കേരളം’ വരുന്നു https://www.sandhesam.com/First-ever-airline-service-under-the-cooperative-sector-in-India https://www.sandhesam.com/First-ever-airline-service-under-the-cooperative-sector-in-India Tue, 30 Jun 2026 09:31:21 +0530 Web Desk കോഴിക്കോട്: സഹകരണമേഖലയിൽ വിമാനങ്ങൾ വാടകയ്ക്കെടുത്ത് സർവീസ് നടത്തുന്ന ആദ്യപദ്ധതിയുടെ പ്രാരംഭപ്രവർത്തനങ്ങൾ പൂർത്തിയായതായി എം.വി.ആർ. കാൻസർ സെന്റർ ആൻഡ്‌ റിസർച്ച് ഇൻസ്റ്റിറ്റ്യൂട്ട് ചെയർമാൻ സി.എൻ. വിജയകൃഷ്ണൻ പത്രസമ്മേളനത്തിൽ പറഞ്ഞു. ആദ്യഘട്ടത്തിൽ രണ്ട് വിമാനങ്ങളാണ് വാടകയ്ക്കെടുക്കുക. നെടുമ്പാശ്ശേരി ആസ്ഥാനമായി കരിപ്പൂർ, കണ്ണൂർ, മംഗളൂരു, ബെംഗളൂരു, ചെന്നൈ, കോയമ്പത്തൂർ, മധുര എന്നിവിടങ്ങളുമായി ബന്ധിപ്പിച്ചാണ് വിമാനസർവീസ് നടത്തുക.

പദ്ധതിനടത്തിപ്പിനായി സഹകരണമേഖലയിൽ കമ്പനി രൂപവത്കരിക്കും. 200 സഹകരണസംഘങ്ങൾ രണ്ടുകോടിരൂപ വീതം ഓഹരിയെടുത്താണ് പദ്ധതിയുടെ ആദ്യഘട്ടം നടപ്പാക്കുക. മുഖ്യമന്ത്രി ചെയർമാനും സഹകരണമന്ത്രി വൈസ് ചെയർമാനുമായാണ് കമ്പനി രൂപവത്കരിക്കുക. സർക്കാരിന് ഇതിൽ ചെലവൊന്നുമില്ല. സർവീസ് വിജയകരമെന്നുകണ്ടാൽ കൂടുതൽ സർവീസ് നടത്തും.

ആഭ്യന്തരയാത്രകൾ ചെലവുകുറഞ്ഞതും വേഗമുള്ളതുമാക്കുകയാണ് ഇതിന്റെ ലക്ഷ്യം. 72 പേർക്ക് കയറാവുന്ന വിമാനമാണ് ലക്ഷ്യമിടുന്നത്. വിമാനസർവീസിനൊപ്പം ഏവിയേഷൻ ഇൻസ്റ്റിറ്റ്യൂട്ട് ആരംഭിക്കാനും ആലോചനയുണ്ട്. 3.20 കോടിരൂപയാണ് ഒരുവിമാനത്തിന് ഒരുമാസം ചെലവ് പ്രതീക്ഷിക്കുന്നത്. ഒരുവർഷം വിമാനത്തിൽ ഒരാൾപോലും കയറിയില്ലെങ്കിലും 32 കോടി രൂപമാത്രമേ നഷ്ടമുണ്ടാവുകയുള്ളൂ. ‘കോ-കേരളം’ വിമാനസർവീസ് എത്രയുംവേഗം തുടങ്ങാൻകഴിയുമെന്നാണ് പ്രതീക്ഷ. നിലമ്പൂർ-നഞ്ചൻകോട് റെയിൽവേപ്പാതയ്ക്കുവേണ്ടി പൊതുതാത്പര്യ ഹർജി ഫയൽചെയ്യാൻ ഉദ്ദേശ്യമുണ്ടെന്നും വിജയകൃഷ്ണൻ പറഞ്ഞു.

]]> പ്രധാന ഡാമുകളില്‍ ജലനിരപ്പ് 25 ശതമാനത്തില്‍ താഴെ;വൈദ്യുതി പ്രതിസന്ധി രൂക്ഷമാകും https://www.sandhesam.com/Power-crisis-looms-large https://www.sandhesam.com/Power-crisis-looms-large Tue, 30 Jun 2026 09:24:40 +0530 Web Desk കൊച്ചി: കാലവര്‍ഷം ആരംഭിച്ച് ഒരുമാസം പൂര്‍ത്തിയാകുമ്പോള്‍ വൈദ്യുതി ഉത്പാദനത്തില്‍ ആശ്രയിക്കുന്ന പ്രധാന ഡാമുകളില്‍ ജലനിരപ്പ് 25 ശതമാനത്തില്‍ താഴെ. ഇടുക്കി ഡാമില്‍ സംഭരണ ശേഷിയുടെ 23.19 ശതമാനം, പത്തനംതിട്ടയിലെ ശബരിഗിരി പദ്ധതിയുടെ ജലസംഭരണികളായ കക്കി- ആനത്തോട്, കൊച്ചു പമ്പ ഡാമുകളില്‍ സംഭരണ ശേഷിയുടെ 21.79 ശതമാനം എന്നിങ്ങനെയാണ് ഇന്നലത്തെ ജലനിരപ്പ്. കഴിഞ്ഞവര്‍ഷം ഇതേസമയം കെഎസ്ഇബി ഡാമുകളിലെ ശരാശരി സംഭരണ നില 52.4 ശതമാനമായിരുന്നു.

ഒരുമാസം ലഭിച്ച മഴയുടെ കണക്കെടുത്താല്‍ സംസ്ഥാനത്ത് ശരാശരിയെക്കാള്‍ 34 ശതമാനം കുറവാണ്. ഇതുതുടര്‍ന്നാല്‍ വൈദ്യുതി പ്രതിസന്ധി രൂക്ഷമാകും. പസിഫിക് സമുദ്രത്തില്‍ എല്‍നിനോ പ്രതിഭാസം ശക്തമാകുന്ന വര്‍ഷങ്ങളില്‍ കാലവര്‍ഷക്കാറ്റിന്റെ ശക്തി കുറവാണ്. ഇത്തവണ സംസ്ഥാനത്ത് പെയ്ത മഴയില്‍ കൂടുതലും തീരപ്രദേശത്തും ഇടനാട്ടിലുമാണ്. സംസ്ഥാനത്തെ പ്രധാന ഡാമുകളെല്ലാം മലയോരത്താണ്. ഈ ഡാമുകളുടെ വൃഷ്ടി പ്രദേശങ്ങളില്‍ ഇത്തവണ മഴ കുറവായിരുന്നു.

അതേസമയം,വൈദ്യുതി പ്രതിസന്ധിയുടെ പശ്ചാത്തലത്തില്‍ സംസ്ഥാനത്ത് ഉയര്‍ന്ന വിലയ്ക്ക് വൈദ്യുതി വാങ്ങാന്‍ കെഎസ്ഇബിക്ക് വൈദ്യുതി റെഗുലേറ്ററി കമ്മീഷന്‍ അനുമതി നല്‍കി. സെപ്റ്റംബര്‍ ഒഴികെ ജൂലൈ മുതല്‍ ഡിസംബര്‍ വരെ ഉയര്‍ന്ന വിലയ്ക്ക് വൈദ്യുതി വാങ്ങാം എന്ന് ഉത്തരവില്‍ പറയുന്നു. വൈദ്യുതി പ്രതിസന്ധിയെ തുടര്‍ന്ന് ഏര്‍പ്പെടുത്തിയ അപ്രഖ്യാപിത ലോഡ് ഷെഡ്ഡിങ്ങിനെതിരെ വ്യാപക വിമര്‍ശനമുള്ളതായി കമ്മീഷന്‍ ഉത്തരവില്‍ ചൂണ്ടിക്കാട്ടുന്നു. ലോഡ് ഷെഡ്ഡിങ്ങിനെ കുറിച്ച് ഒരു മണിക്കൂര്‍ മുമ്പെങ്കിലും ഉപഭോക്താക്കളെ അറിയിക്കണമെന്നാണ് റെഗുലേറ്ററി കമ്മീഷന്റെ നിര്‍ദേശം. മണ്‍സൂണ്‍ ശക്തിപ്പെടുമ്പോള്‍ ഉയര്‍ന്ന വിലയ്ക്ക് വൈദ്യുതി വാങ്ങുന്നതിന്റെ ബാധ്യത കുറയ്ക്കാന്‍ കെഎസ്ഇബി ശ്രമിക്കണമെന്നും റെഗുലേറ്ററി കമ്മീഷന്‍ ഉത്തരവില്‍ ചൂണ്ടിക്കാണിക്കുന്നു.മുന്‍വര്‍ഷങ്ങളിലെ ജൂണ്‍ മാസങ്ങളെ അപേക്ഷിച്ച് ഈ വര്‍ഷം ദൈനംദിന വൈദ്യുതി ഉപഭോഗത്തിലും പീക്ക് ആവശ്യകതയിലും ഗണ്യമായ വര്‍ധനയാണ് രേഖപ്പെടുത്തിയിട്ടുള്ളത്.

]]> ജപ്പാൻ്റെ ലോകകപ്പ് സ്വപ്‌നങ്ങള്‍ക്ക് വീണ്ടും ബ്രസീല്‍ ചങ്ങലപ്പൂട്ടിട്ടു https://www.sandhesam.com/Brazil-defeats-Japan https://www.sandhesam.com/Brazil-defeats-Japan Tue, 30 Jun 2026 09:20:00 +0530 Web Desk ഫിഫ ലോകകപ്പ് റൗണ്ട് ഓഫ് 32 ൽ ജപ്പാനെ തോൽപ്പിച്ച് ബ്രസീൽ പ്രീ-ക്വാർട്ടറിൽ. ഒന്നിനെതിരെ രണ്ടു ഗോളുകൾക്കാണ് കാനറികളുടെ വിജയം. പകരക്കാരനായി ഇറങ്ങിയ ഗബ്രിയേൽ മാർട്ടിനെല്ലി രണ്ടാംപകുതിയുടെ ഇൻജുറി ടൈമിലാണ് (90+6) ബ്രസീലിന്‍റെ വിജയഗോൾ നേടിയത്.

മത്സരത്തിന്‍റെ 29ാം മിനിറ്റിൽ കെയ്ഷു സനോയിലൂടെ ജപ്പാനാണ് ആദ്യം ലീഡെടുത്തത്. ഇടവേളക്കുശേഷം കാസെമിറോ 56-ാം മിനിറ്റിൽ ഒപ്പമെത്തിച്ചു.

മത്സരം അധിക സമയത്തേക്ക് പോകുമെന്ന് ഏവരും ഉറപ്പിച്ചിരിക്കെയാണ് മാർട്ടിനെല്ലി ടീമിന്‍റെ ര‍ക്ഷകനായി അവതരിക്കുന്നത്. ബോക്സിനു തൊട്ടു വെളിയിൽനിന്ന് പ്രതിരോധ താരങ്ങൾക്കിടയിലൂടെ ബ്രൂണോ ഗ്യുമറേസ് നൽകിയ പന്താണ് താരം വലയിലാക്കിയത്.

മത്സരത്തിൽ പന്തടക്കത്തിൽ ബ്രസീൽ മുന്നിട്ടുനിന്നെങ്കിലും ഗോൾ നീക്കങ്ങളെല്ലാം ജപ്പാന്‍റെ പ്രതിരോധത്തിൽ തട്ടിതെറിച്ചു. മൈതാനത്തിന്‍റെ മധ്യത്തിൽനിന്ന് ഡാനിലോ നൽകിയ ഒരു മോശം പാസ് തട്ടിയെടുത്ത് സനോ നടത്തിയ ഒറ്റയാൾ കുതിപ്പാണ് ജപ്പാന് ലീഡ് നേടുകൊടുത്തത്.

കാസെമിറോയെയും മറികടന്നെത്തി ബോക്സിനു തൊട്ടുമുന്നിൽനിന്ന് തൊടുത്ത ഒരു ലോ ഡ്രൈവ് ഷോട്ട് അലിസൺ ബെക്കറെയും നിസ്സഹായനാക്കി വലയിലായി.

ഇടവേളക്കുശേഷം ലൂക്കാസ് പക്വേറ്റയെ പിൻവലിച്ച് യുവതാരം എൻഡ്രിക്കിനെ കളത്തിലിറക്കി.. 56ാം മിനിറ്റിൽ കാസെമിറോ ഒരു കിടിലൻ ഹെഡ്ഡറിലൂടെ ടീമിനെ ഒപ്പമെത്തിച്ചു. പ്രതിരോധ താരം ഗബ്രിയേൽ ബോക്സിനുള്ളിലേക്ക് ഉയർത്തി നൽകിയ ക്രോസാണ് താരം ഹെഡ്ഡറിലൂടെ വലയിലാക്കിയത്.

65ാം മിനിറ്റിൽ കുൻഹയെ പിൻവലിച്ച് മാർട്ടിനെല്ലി എത്തി. ജപ്പാൻ ബോക്സിനകത്ത് ബ്രസീൽ തുടരാക്രമണങ്ങളുമായി കളംനിറഞ്ഞു. പ്രതിരോധിക്കാൻ ജപ്പാനും ഏറെ പ്രയാസപ്പെട്ടു.

ഇതിനിടെ ജപ്പാൻ രണ്ടു മാറ്റങ്ങൾ വരുത്തി. അവസാന മിനിറ്റിൽ ഗോൾ മടക്കാനുള്ള ബ്രസീൽ നീക്കം ഫലം കണ്ടു. പ്രീ ക്വാർട്ടറിൽ നോർവെ-ഐവറി കോസ്റ്റ് മത്സരത്തിലെ വിജയികളെയാണ് ബ്രസീൽ നേരിടുക.

]]> ജർമനി പുറത്ത്, വീണത് ഷൂട്ടൗട്ടിൽ; പാരഗ്വായ് പ്രീ-ക്വാർട്ടറിൽ https://www.sandhesam.com/paraguay-defeats-germany-in-shoot-out https://www.sandhesam.com/paraguay-defeats-germany-in-shoot-out Tue, 30 Jun 2026 08:54:40 +0530 Web Desk ബോസ്റ്റൺ: ലോകകപ്പിൽ ജർമനിക്ക് ഷോക്ക്. റൗണ്ട് ഓഫ് 32 മത്സരത്തിൽ പാരഗ്വായ് യോട് ഷൂട്ടൗട്ടിൽ തോറ്റ് പുറത്ത്. പാരഗ്വായ് പ്രീ-ക്വാർട്ടറിലേക്ക് മുന്നേറി. നിശ്ചിത സമയത്ത് ഇരുടീമുകളും ഓരോ ഗോൾ വീതമടിച്ച് സമനിലയിൽ പിരിഞ്ഞു. ജർമനിയെ ഞെട്ടിച്ച് പാരഗ്വായ് ആണ് ആദ്യം ലീഡെടുത്തത്. 42-ാം മിനിറ്റിൽ ജൂലിയോ എൻസീസോയാണ് ഗോളടിച്ചത്. രണ്ടാം പകുതിയിൽ ജർമനിയുടെ തിരിച്ചടിയെത്തി. കായ് ഹവേർട്‌സാണ് ഗോളടിച്ചത്. ഇടതുവിങ്ങിൽ നിന്ന് ഫ്‌ലോറിയൻ വിർട്‌സ് നൽകിയ ക്രോസ് തലവെച്ച് ഹാവേർട്‌സ് സമനില പിടിച്ചു. എക്സ്ട്രാടൈമിലും സമനില തുടർന്നതോടെയാണ് ഷൂട്ടൗട്ടിലേക്ക് കടന്നത്. അവിടെ മുൻ ജേതാക്കൾക്ക് പിഴച്ചു.

ഷൂട്ടൗട്ടിൽ ജർമനിയുടെ ഹാവേർട്‌സ്, നിക്ക് വോൾട്ട് മേഡ് എന്നിവരുടെ കിക്കും പാഴായി. അതേസമയം അവസാന രണ്ട് പാരഗ്വായ് താരങ്ങളുടെ കിക്കും ലക്ഷ്യത്തിലെത്തിയില്ല. അതോടെ സഡൻ ഡത്തിലേക്ക്. ജൊനാഥൻ ടായുടെ കിക്ക് പാഴായപ്പോൾ പാരഗ്വായ് വലകുലുക്കി. ജർമനി പുറത്ത്. പാരഗ്വായ് അടുത്ത റൗണ്ടിലേക്ക്.

എക്വഡോറിനെതിരായ തോൽവിയുടെ നിരാശ മാറ്റി പ്രീ-ക്വാർട്ടർ ടിക്കറ്റെടുക്കുക ലക്ഷ്യമിട്ടാണ് ജർമനിയെത്തിയത്. ജമാൽ മുസിയാലയ്ക്ക് പകരം സൂപ്പർ സബ്ബ് ഉൺഡാവിനെ ജർമൻ പരിശീലകൻ ജൂലിയൻ നഗൽസ്മാൻ ആദ്യപതിനൊന്നിലിറക്കി. തുടക്കം മുതൽ തന്നെ ആധിപത്യത്തോടെയാണ് ജർമനി പന്തുതട്ടിയത്. ബോൾ പൊസഷനിലും അവസരങ്ങൾ സൃഷ്ടിക്കുന്നതിലുമെല്ലാം ജർമനി മുന്നിട്ടുനിന്നു. പാരഗ്വായ്ക്ക് ചുരുക്കം ചില അവസരങ്ങൾ മാത്രമേ ലഭിച്ചുള്ളൂ. മത്സരത്തിന്റെ ആദ്യപകുതി സമനിലയിൽ അവസാനിക്കുമെന്നാണ് കരുതിയത്. എന്നാൽ ജർമനിയെ ഞെട്ടിച്ച് പാരഗ്വായ് ലീഡെടുത്തു. 42-ാം മിനിറ്റിൽ ജൂലിയോ എൻസീസോയാണ് ഗോളടിച്ചത്.

പാരഗ്വായ് ടീമിന്റെ ഒത്തിണക്കം പ്രകടമാകുന്ന ഗോളായിരുന്നു അത്. പെനാൽറ്റി ബോക്‌സിന് പുറത്തുനിന്ന് നടത്തിയ മീകച്ച നീക്കമാണ് ഗോളിൽ കലാശിച്ചത്. വലതുവിങ്ങിൽ നിന്ന് മാത്യാസ് ഗലർസ നൽകിയ ക്രോസ്സ് ടോപ് ക്ലാസ് ഹെഡറിലൂടെ എൻസീസോ വലയിലാക്കി. ജർമൻ ഗോൡമാനുവൽ ന്യൂയറിന് ഒന്നും ചെയ്യാനായില്ല. ആദ്യ പകുതി ഒരു ഗോളിന് പാരഗ്വായ് മുന്നിട്ടുനിന്നു. ബോൾ പൊസിഷനിലും ഷോട്ടുകളുടെ എണ്ണത്തിലും ബഹുദൂരം മുന്നിലായിരുന്നു ജർമനി.

രണ്ടാം പകുതിയിൽ കടുത്ത പോരാട്ടമായിരുന്നു. എങ്ങനെയും തിരിച്ചടിക്കുക എന്ന ലക്ഷ്യത്തിലായിരുന്നു ജർമനി. ഫെലിക്‌സ് മേച്ചയെ പിൻവലിച്ച് ലിയോൺ ഗോറട്‌സ്‌കെയെ നഗൽമസ്മാൻ കളത്തിലിറക്കി. മിനിറ്റുകൾക്കകം ജർമനിയുടെ മറുപടിയെത്തി. കായ് ഹവേർട്‌സാണ് ഗോളടിച്ചത്. ഇടതുവിങ്ങിൽ നിന്ന് ഫ്‌ലോറിയൻ വിർട്‌സ് നൽകിയ ക്രോസ് തലവെച്ച് ഹാവേർട്‌സ് സമനില പിടിച്ചു. സ്‌കോർ 1-1. ഗോൾ വീണതിന് പിന്നാലെയും ജർമനി മുന്നേറ്റങ്ങൾ തുടർന്നു. 59-ാം മിനിറ്റിൽ പാരഗ്വായ് താരം ഗുസ്റ്റാവോ കബല്ലേറോയുടെ ഷോട്ട് ന്യൂയർ സേവ് ചെയ്തു.

63-ാം മിനിറ്റിൽ ഉൺഡാവിനെ പിൻവലിച്ച് ജമാൽ മുസിയാല ജർമൻ ടീമിലെത്തി. ജർമൻ മുന്നേറ്റനിര പാരഗ്വായ് പ്രതിരോധത്തിന് നിരന്തരം ഭീഷണി ഉയർത്തിക്കൊണ്ടേയിരുന്നു. പക്ഷേ ഗോൾ മാത്രം പിറന്നില്ല. അതോടെ നിശ്ചിത സമയത്ത് മത്സരം സമനിലയിൽ അവസാനിച്ചു. മത്സരം എക്‌സ്ട്രാടൈമിലേക്ക് കടന്നു. എക്സ്ട്രാ ടൈമിലും ഗോൾ പിറക്കാതെ വന്നതോടെ മത്സരം പെനാൽറ്റി ഷൂട്ടൗട്ടിലേക്ക് കടന്നു. പെനാൽഷൂട്ടൗട്ടിൽ ആദ്യ അഞ്ച്കിക്കും കടന്ന് സഡൻഡത്തിൽ പാരഗ്വായ് വിജയഭേരി മുഴക്കി.

]]> ഹണി റോസിനോട് ഖേദം പ്രകടിപ്പിച്ച് ബോബി ചെമ്മണ്ണൂർ; കേസ് പിൻവലിക്കണമെന്ന് അഭ്യർഥന https://www.sandhesam.com/Bobby-Chemmanur-has-issued-a-public-apology-to-actress-Honey-Rose https://www.sandhesam.com/Bobby-Chemmanur-has-issued-a-public-apology-to-actress-Honey-Rose Mon, 29 Jun 2026 14:51:27 +0530 Web Desk നടി ഹണി റോസിനെതിരായ അധിക്ഷേപ പരാമർശത്തിൽ ഖേദം പ്രകടിപ്പിച്ച് വ്യവസായി ബോബി ചെമ്മണ്ണൂർ. താൻ മൂലം നടിക്കുണ്ടായ ബുദ്ധിമുട്ടുകൾക്ക് ബോബി ഖേദം പ്രകടിപ്പിച്ചു. വാക്കുകൾക്കും അതുണ്ടാക്കിയ ആഘാതത്തിനും പൂർണ ഉത്തരവാദിത്തം ഏറ്റെടുക്കുന്നതായും ബോബി ചെമ്മണ്ണൂർ സാമൂഹികമാധ്യമങ്ങളിൽ കുറിച്ചു.

എല്ലാവരോടും സ്‌നേഹത്തോടെയും ബഹുമാനത്തോടെയും മാത്രം പെരുമാറാന്‍ ആഗ്രഹിക്കുന്ന വ്യക്തിയാണ് താനെന്നും ആരെയും മനഃപൂര്‍വം വേദനിപ്പിക്കാന്‍ ശ്രമിച്ചിട്ടില്ലെന്നും അദ്ദേഹം കൂട്ടിച്ചേര്‍ത്തു. തന്റെ ഭാഗത്തുനിന്നുണ്ടായ തെറ്റ് തിരിച്ചറിഞ്ഞ് നല്‍കിയ ഈ ക്ഷമാപണം സ്വീകരിച്ച് ഹണി റോസ് കേസ് പിന്‍വലിക്കാന്‍ തയ്യാറാകുമെന്നാണ് പ്രതീക്ഷിക്കുന്നത്. വിഷയം മാനുഷിക പരിഗണനയോടെ കാണണം. വിവാദങ്ങള്‍ക്കപ്പുറം പോസിറ്റീവായി മുന്നോട്ട് പോകാനാണ് താന്‍ ആഗ്രഹിക്കുന്നതെന്നും ബോബി ചെമ്മണൂര്‍ വ്യക്തമാക്കി. ''എന്റെ പ്രിയപ്പെട്ട സുഹൃത്തുക്കളെ, യഥാര്‍ഥത്തില്‍ ഞാന്‍ എല്ലാവരോടും ദയയോടും ബഹുമാനത്തോടും സ്‌നേഹത്തോടും പരിഗണനയോടും കൂടി മാത്രം പെരുമാറുന്ന ഒരു വ്യക്തിയാണ്. ഞാന്‍ ഒരിക്കലും മനഃപൂര്‍വം ആരെയും ഉപദ്രവിക്കുകയോ മോശമായി പെരുമാറുകയോ ചെയ്തിട്ടില്ല, ഒപ്പം സാധ്യമാകുമ്പോഴെല്ലാം മറ്റുള്ളവരെ സഹായിക്കാന്‍ എപ്പോഴും ശ്രമിക്കാറുമുണ്ട്. ഞാന്‍ എപ്പോഴെങ്കിലും സോഷ്യല്‍ മീഡിയയില്‍ തമാശകളും രസകരമായ ഉള്ളടക്കങ്ങളും പങ്കുവെക്കാറുണ്ടെന്നത് ശരിയാണ്, എന്നാല്‍ അവയൊന്നും ആരെയും അപമാനിക്കാനോ വേദനിപ്പിക്കാനോ വിഷമിപ്പിക്കാനോ ഉള്ള ഉദ്ദേശത്തോടെ ചെയ്തതല്ല.

ഹണി റോസിനെക്കുറിച്ച് ഞാന്‍ നടത്തിയ പ്രസ്താവനകള്‍ അവര്‍ക്കും അവരുടെ കുടുംബത്തിനും വലിയ മാനസികവിഷമം ഉണ്ടാക്കിയതായി ഞാന്‍ ഇപ്പോള്‍ മനസ്സിലാക്കുന്നു. ഞാന്‍ വരുത്തിവച്ച ബുദ്ധിമുട്ടുകള്‍ക്ക് ഞാന്‍ ആത്മാര്‍ഥമായി ക്ഷമ ചോദിക്കുന്നു. എന്റെ വാക്കുകളുടെയും അവ ഉണ്ടാക്കിയ ആഘാതത്തിന്റെയും പൂര്‍ണ ഉത്തരവാദിത്തം ഞാന്‍ ഏറ്റെടുക്കുന്നുവെന്നും ബോബി ചെമ്മണ്ണൂര്‍ പറഞ്ഞു. ജ്വല്ലറി ഉദ്ഘാടന ചടങ്ങിനിടെ ബോബി ചെമ്മണ്ണൂര്‍ നടത്തിയ ലൈംഗികച്ചുവയുള്ളതും സ്ത്രീത്വത്തെ അപമാനിക്കുന്നതുമായ പരാമര്‍ശങ്ങള്‍ക്കെതിരെ ഹണി റോസ് നിയമപോരാട്ടത്തിന് ഇറങ്ങിയതാണ് ഇരുവരും തമ്മിലുള്ള വിവാദത്തിന് കാരണമായത്. സംഭവത്തിന് പിന്നാലെ ഹണി റോസ് എറണാകുളം സെന്‍ട്രല്‍ പൊലീസില്‍ പരാതി നല്‍കുകയും, ഇതിന്റെ അടിസ്ഥാനത്തില്‍ ബോബി ചെമ്മണ്ണൂരിനെ പൊലീസ് കസ്റ്റഡിയിലെടുക്കുകയും ചെയ്തിരുന്നു. ഹണി റോസും ബോബി ചെമ്മണ്ണൂരും തമ്മിലുള്ള നിയമപോരാട്ടം തുടരുന്നതിനിടെയാണ് ബോബി ചെമ്മണൂര്‍ പരസ്യമായ മാപ്പപേക്ഷയുമായി എത്തിയിരിക്കുന്നത്.

]]> സി.ജെ.പി പ്രതിഷേധത്തിനൊപ്പം ജന്തർമന്തറിൽ സോനം വാങ്ചുക്ക് നിരാഹാരസമരം തുടങ്ങി https://www.sandhesam.com/Second-day-of--Wangchuks-hunger-strike https://www.sandhesam.com/Second-day-of--Wangchuks-hunger-strike Mon, 29 Jun 2026 14:43:34 +0530 Web Desk ന്യൂഡൽഹി: പരീക്ഷാ ക്രമക്കേടിൽ വിദ്യാഭ്യാസമന്ത്രി ധർമേന്ദ്ര പ്രധാന്റെ രാജിയാവശ്യപ്പെട്ട് കോക്രോച്ച് ജനതാ പാർട്ടി (സി.ജെ.പി.) നടത്തുന്ന പ്രതിഷേധത്തിനൊപ്പം ഡൽഹി ജന്തർമന്തറിൽ സോനം വാങ്ചുക്ക് നിരാഹാരസമരം രണ്ടാം ദിവസത്തേക്ക് കടന്നു.. നിരാഹാര സമരത്തിനായി ജന്തർമന്തറിലെത്തുംമുൻപ് വാങ്ചുക്കും സി.ജെ.പി. സ്ഥാപകൻ അഭിജീത് ദീപ്‌കെയും രാജ്ഘട്ടിലെത്തി ഗാന്ധി സമാധിയിൽ ആദരമർപ്പിച്ചു.

കർഷകരും ഞായറാഴ്ച ജന്തർമന്തറിൽ പ്രതിഷേധത്തിനെത്തി. ധർമേന്ദ്ര പ്രധാൻ രാജിവെക്കുംവരെ പിന്നോട്ടില്ലെന്ന് സി.ജെ.പി.യും സോനം വാങ്ചുക്കും വ്യക്തമാക്കി. 40 വർഷമായി വിദ്യാഭ്യാസ മേഖലയാണ് തന്റെ ഹൃദയത്തിലെന്നും അതിനാൽ വിദ്യാർഥികളുടെ പ്രശ്‌നം വരുമ്പോൾ മിണ്ടാതിരിക്കാനാവില്ലെന്നും വാങ്ചുക്ക് പറഞ്ഞു.

ലഡാക്കിൽ വലിയ സമരത്തിന് നേതൃത്വം നൽകിയ സാമൂഹികപ്രവർത്തകനായ വാങ്ചുക്കിനെ രാജ്യസുരക്ഷാ നിയമപ്രകാരം സർക്കാർ ആറുമാസം തടവിലിട്ടിരുന്നു. രാജസ്ഥാനിലെ ജോധ്പുർ ജയിലിൽനിന്ന് മാർച്ചിലാണ് അദ്ദേഹത്തെ മോചിപ്പിച്ചത്.

ഉത്തർപ്രദേശ്, ഹരിയാണ, പഞ്ചാബ് എന്നിവിടങ്ങളിൽനിന്ന് ജന്തർമന്തറിലേക്ക് വരാനിരുന്ന ഒട്ടേറെ കർഷകരെ സർക്കാർ വീട്ടുതടങ്കലിലാക്കിയെന്ന് അഭിജീത് ദീപ്‌കെ ആരോപിച്ചു. ജയ്പുരിലെ നീരജാ മോഡി സ്കൂളിന്റെ നാലാം നിലയിൽനിന്ന് വീണു മരിച്ച അമൈറ എന്ന ആറാംക്ലാസ് വിദ്യാർഥിനിയുടെ കുടുംബവും സമരത്തിനെത്തി. തന്റെ മകളുടെ മരണത്തിൽ ഇതുവരെ യാതൊരു നടപടിയും സ്‌കൂളധികൃതർക്കെതിരേയുണ്ടായില്ലെന്ന് അമ്മ ആരോപിച്ചു.

]]> ഹോർമുസിൽ ആശ്വാസം; സംഘർഷം അവസാനിപ്പിക്കാൻ യുഎസും ഇറാനും ധാരണയിലേക്ക്; നാളെ ഖത്തറിൽ ചർച്ച https://www.sandhesam.com/The-US-and-Iran-have-agreed-to-stop-attacking-each-other https://www.sandhesam.com/The-US-and-Iran-have-agreed-to-stop-attacking-each-other Mon, 29 Jun 2026 14:29:15 +0530 Web Desk ഡൽഹി: താൽകാലിക സമാധാന കരാർ നിലനിൽക്കുന്ന പശ്ചാത്തലത്തിലും കഴിഞ്ഞ ദിവസങ്ങളിലായി യുഎസും ഇറാനും ശക്തമായ വ്യോമാക്രമണങ്ങളിലൂടെ ഏറ്റുമുട്ടിയിരുന്നു. ഇപ്പോഴിതാ ലോകത്തിന് ആശ്വാസമായി ഇരുരാജ്യങ്ങളും ആക്രമണങ്ങൾ അവസാനിപ്പിക്കാൻ ധാരണയിലെത്തിയതായാണ് വിവരം. ഹോർമുസ് കടലിടുക്കിനെ ചൊല്ലിയുള്ള തർക്കങ്ങൾക്ക് പരിഹാരം കാണുന്നതിനായി ഇരുരാജ്യങ്ങളും ചൊവ്വാഴ്ച ഖത്തർ തലസ്ഥാനമായ ദോഹയിൽ വെച്ച് ചർച്ച നടത്തുമെന്നാണ് റിപ്പോർട്ട്.

കഴിഞ്ഞ വാരാന്ത്യത്തിൽ ഇരുരാജ്യങ്ങളും പരസ്പരം വീണ്ടും ആക്രമണം ആരംഭിച്ചതോടെ വെടിനിർത്തൽ കരാർ പൂർണ്ണമായും തകർച്ചയുടെ വക്കിലെത്തിയിരുന്നു. ഹോർമുസിൽ വാണിജ്യ കപ്പലുകൾക്ക് നേരെ ആക്രമണമുണ്ടായതാണ് ഇരുരാജ്യങ്ങളും തമ്മിലുള്ള സംഘർഷം വീണ്ടും വഷളാക്കിയത്. വാണിജ്യ കപ്പലുകളുടെ ഗതാഗതത്തിന് ഇറാൻ നിരന്തരം ഭീഷണി ഉയർത്തുകയാണെന്ന് ആരോപിച്ച് യുഎസ് സൈന്യം ഇറാന്റെ സൈനിക കേന്ദ്രങ്ങൾക്ക് നേരെ ബോംബാക്രമണം നടത്തി.

ആദ്യമുണ്ടായ കപ്പൽ ആക്രമണത്തിന്റെ ഉത്തരവാദിത്തം ഇറാൻ നിഷേധിച്ചെങ്കിലും, യുഎസ് നടത്തിയ വ്യോമാക്രമണത്തിന് തിരിച്ചടിയായി കുവൈറ്റിലെയും ബഹ്‌റൈനിലെയും അമേരിക്കൻ സൈനിക താവളങ്ങളെ ലക്ഷ്യമിട്ട് ഇറാൻ മിസൈൽ ആക്രമണം നടത്തി. തങ്ങളുടെ അനുമതിയില്ലാതെ ജലപാതയിലൂടെയുള്ള ഗതാഗതം അനുവദിക്കില്ലെന്ന് ഇറാൻ വ്യക്തമാക്കിയതിനു പിന്നാലെ കരാർ ലംഘനം ആരോപിച്ച് ഇറാനിൽ വ്യോമാക്രമണം നടത്താൻ പ്രസിഡന്റ് ഡോണൾഡ് ട്രംപ് അമേരിക്കൻ സൈന്യത്തിന് നിർദേശം നൽകുകയായിരുന്നു.

ഇറാൻ എന്ന രാജ്യം ഇനി നിലനിൽക്കില്ല എന്ന കടുത്ത മുന്നറിയിപ്പും ട്രംപ് നൽകിയിരുന്നു. ഞായറാഴ്ച ഇറാന്റെ 10 സൈനിക കേന്ദ്രങ്ങൾ ലക്ഷ്യമിട്ട് യുഎസ് വ്യോമസേനയും നാവികസേനയും ശക്തമായ ആക്രമണം നടത്തി. ഇതിന് തിരിച്ചടിയായാണ് കുവൈറ്റിലെയും ബഹ്‌റൈനിലെയും യുഎസ് കേന്ദ്രങ്ങൾക്ക് നേരെ ഇറാൻ ഡ്രോൺ-മിസൈൽ ആക്രമണം നടത്തിയതെന്ന് അസോസിയേറ്റഡ് പ്രസ് റിപ്പോർട്ട് ചെയ്തു

]]> പ്രീ ക്വാർട്ടറിലേക്ക് യോഗ്യത നേടുന്ന ആദ്യ ടീമായി കാനഡ; സൗത്ത് ആഫ്രിക്കയെ തകർത്തത് എക്സ്ട്രാ ടൈമിൽ പിറന്ന ഗോളിൽ https://www.sandhesam.com/Canada--is-heading-to-the-final-16 https://www.sandhesam.com/Canada--is-heading-to-the-final-16 Mon, 29 Jun 2026 14:14:49 +0530 Web Desk ലോസ് ആഞ്ചലസ്: എക്സ്ട്രാ ടൈമിൽ പിറന്ന ഗോളിൽ സൗത്ത് ആഫ്രിക്കയെ തകർത്ത് ലോകകപ്പിന്റെ സഹ ആതിഥേയരായ കാനഡ പ്രീ ക്വാർട്ടറിലേക്ക്. സ്റ്റീഫൻ എസ്റ്റാക്വിയോ ആണ് കാനഡയുടെ വിജയ ഗോൾ നേടിയത്. ഇരുടീമുകളും വിജയത്തിന് വേണ്ടി തന്നെ പൊരുതി കളിച്ച മത്സരമായിരുന്നു ഇന്നലെ ലോസ് ആഞ്ചലസ് സ്റ്റേഡിയത്തിൽ നടന്നത്.

കളിയിൽ 55 % ബോൾ പൊസഷൻ കൈവശം വച്ചെങ്കിലും വിജയ ഗോൾ നേടാൻ മാത്രം സൗത്ത് ആഫ്രിക്കയ്ക്ക് സാധിച്ചിരുന്നില്ല. അതേസമയം 7 ഓൺ ടാർഗ്ഗറ്റ് ഷോട്ടുകളാണ് കാനഡ സൗത്ത് ആഫ്രിക്കൻ ഗോൾ മുഖത്തേക്ക് പായിച്ചത്. രണ്ട് പകുതിയിലും ആക്രമിച്ച് കളിച്ച ഇരുടീമുകളുടെയും നിരവധി അവസരങ്ങളാണ് ഗോൾ ആവാതെ പോയത്. അവസാനത്തോടടുക്കുമ്പോൾ മത്സരം എക്സ്ട്രാ ടൈമിലേക്കും ഷൂട്ടൗട്ടിലേക്കും നീങ്ങുമെന്ന് തോന്നിച്ചെങ്കിലും സ്റ്റീഫൻ എസ്റ്റാക്വിയോയുടെ ഗംഭീരമായൊരു ഗോൾ സൗത്ത് ആഫ്രിക്കയുടെ പ്രീക്വാർട്ടർ സ്വപ്നങ്ങളെ കൂടിയാണ് തകർത്തത്. കാനഡയുടെ ആദ്യ പ്രീ ക്വാർട്ടർ പ്രവേശനം കൂടിയാണ് ഇന്ന് നടന്നത്.

അതേസമയം നാളെ നടക്കുന്ന നെതർലൻഡ്സ്- മൊറോക്കോ മത്സര വിജയികളാണ് പ്രീ ക്വാർട്ടറിൽ കാനഡയുടെ എതിരാളികൾ. ഗ്രൂപ്പ് എഫിലെ ചാമ്പ്യന്മാരായാണ് നെതർലൻഡ്സ് എത്തുന്നത്. ആദ്യ മത്സരത്തിൽ ജപ്പാനോട് സമനില ഏറ്റുവാങ്ങിയെങ്കിലും സ്വീഡനുമായും ട്യുണീഷ്യയുമായും മികച്ച വിജയം കരസ്ഥമാക്കിയ ആത്മവിശ്വാസത്തിലാണ് നെതർലൻഡ്സ് എത്തുന്നത്. എന്നാൽ മൊറോക്കോ എത്തുന്നത് ഗ്രൂപ്പിൽ രണ്ടാം സ്ഥാനക്കാരായാണ്. ആദ്യ മത്സരത്തിൽ ഗ്രൂപ്പ് ചാമ്പ്യന്മാരായ ബ്രസീലിനെ സമനിലയിൽ തളക്കുകയും ഹെയ്തിയോടും സ്കോട്ലൻഡിനോടും വിജയിച്ചതിന്റെയും ആത്മവിശ്വാസത്തിലാണ് മൊറോക്കോ എത്തുന്നത്. നാളെ നടക്കുന്ന മറ്റൊരു നോക്ക്ഔട്ട് മത്സരത്തിൽ ബ്രസീൽ ജപ്പാനെയും ജർമനി പരാഗ്വായ്മായും ഏറ്റുമുട്ടും.

]]> സ്വന്തം മന്ത്രാലയത്തിൻ്റെ പദ്ധതിയിൽ നിന്ന് വെള്ളരിക്ക കൃഷിക്ക് 99 ലക്ഷം സബ്‌സിഡി വാങ്ങി കേന്ദ്രമന്ത്രി https://www.sandhesam.com/Union-Minister-receives-Rs-99-lakh-subsidy-for-cucumber-cultivation-from-his-own-ministrys-scheme https://www.sandhesam.com/Union-Minister-receives-Rs-99-lakh-subsidy-for-cucumber-cultivation-from-his-own-ministrys-scheme Sat, 27 Jun 2026 17:15:21 +0530 Web Desk ന്യൂഡൽഹി: മധ്യ രാജസ്ഥാനിലെ വിശാലമായ ഒരു ഫാമിൽ, കൽമതിലുകളും കമ്പിവേലികളും കൊണ്ട് സംരക്ഷിക്കപ്പെട്ട ഒരു പഴത്തോട്ടം, കൃത്രിമ കുളങ്ങൾ, നാല് വലിയ പോളിഹൗസുകൾ എന്നിവയുണ്ട്. അവിടെ സ്ഥാപിച്ചിരിക്കുന്ന ഒരു വെള്ള സൈൻബോർഡിൽ ഇങ്ങനെ എഴുതിയിരിക്കുന്നു: “നാഷണൽ ഹോർട്ടികൾച്ചർ ബോർഡ്, കാർഷിക-കർഷക ക്ഷേമ മന്ത്രാലയം, ഭാരത സർക്കാർ എന്നിവയുടെ സഹായത്തോടെയുള്ളത്”.

ഗുണഭോക്താവ്: “ശ്രീ. ഭഗീരഥ് ചൗധരി”. സബ്‌സിഡി തുക: “50% (99,60,000)”.

എന്നാൽ ആ സൈൻബോർഡിൽ പറയാത്ത കാര്യങ്ങളാണ് ഏറ്റവും ശ്രദ്ധേയം.

കേന്ദ്ര കാർഷിക-കർഷക ക്ഷേമ മന്ത്രാലയത്തിലെ സഹമന്ത്രിയാണ് ചൗധരി. സ്വന്തം മന്ത്രാലയത്തിന് കീഴിലുള്ള ഒരു പദ്ധതിയിലൂടെയും, താൻ തന്നെ എക്സ്-ഒഫീഷ്യോ വൈസ് പ്രസിഡന്റായ ബോർഡ് അംഗീകരിച്ചതുമായ സബ്‌സിഡി മൂന്ന് മാസം മുമ്പാണ് അദ്ദേഹം കൈപ്പറ്റിയതെന്ന് 'ദി ഇന്ത്യൻ എക്സ്പ്രസ്' നടത്തിയ അന്വേഷണത്തിൽ വ്യക്തമാകുന്നു.

ലാഭം ലക്ഷ്യമിട്ട് തിരഞ്ഞെടുത്ത പച്ചക്കറികളും പൂക്കളും കൃഷി ചെയ്യുന്ന വാണിജ്യ കൃഷി പ്രോത്സാഹിപ്പിക്കുന്നതിനുള്ള ഈ പദ്ധതി, മിഷൻ ഫോർ ഇന്റഗ്രേറ്റഡ് ഡെവലപ്‌മെന്റ് ഓഫ് ഹോർട്ടികൾച്ചറിന്റെ കീഴിലാണ് വരുന്നത്. 2014-15 ൽ ആരംഭിച്ച ഈ പദ്ധതി നിയന്ത്രിക്കുന്നത് ചൗധരിയുടെ മന്ത്രാലയത്തിന്റെ ഭരണപരമായ നിയന്ത്രണത്തിലുള്ള സ്വയംഭരണ സ്ഥാപനമായ നാഷണൽ ഹോർട്ടികൾച്ചർ ബോർഡ് ആണ്.

ഉൾപ്പെടുന്ന വിളകൾ: കാപ്സിക്കം, വെള്ളരിക്ക, തക്കാളി എന്നിവയും റോസ്, ആന്തൂറിയം, ഓർക്കിഡ് ഉൾപ്പെടെ എട്ട് തരം പൂക്കൾ എന്നിവ വളർത്തുന്നതിന് പദ്ധതി ചെലവിന്റെ പരമാവധി 50 ശതമാനം സബ്‌സിഡി, ഒരു കുടുംബത്തിന് ഒരു കോടി രൂപ വരെ ഈ സംരംഭം വാഗ്‌ദാനം ചെയ്യുന്നു.

16,592 ചതുരശ്ര മീറ്ററിൽ വെള്ളരിക്ക കൃഷി ചെയ്യുന്നതിനുള്ള ചൗധരിയുടെ പ്രോജക്റ്റ്, “ഡെവലപ്‌മെന്റ് ഓഫ് കൊമേഴ്‌സ്യൽ ഹോർട്ടികൾച്ചർ ത്രൂ പ്രൊഡക്ഷൻ ആൻഡ് പോസ്റ്റ്-ഹാർവെസ്റ്റ് മാനേജ്‌മെന്റ് ഓഫ് ഹോർട്ടികൾച്ചർ ക്രോപ്സ്” എന്ന പദ്ധതിക്ക് കീഴിൽ 2025-ൽ എൻഎച്ച്ബി അംഗീകരിച്ച 467 പ്രോജക്റ്റുകളിൽ ഒന്നാണ്.

എൻഎച്ച്ബിയുടെ ഔദ്യോഗിക വെബ്‌സൈറ്റ് അനുസരിച്ച്, കേന്ദ്ര കാർഷിക മന്ത്രി എക്‌സ്-ഒഫീഷ്യോ പ്രസിഡന്റും കേന്ദ്ര കാർഷിക സഹമന്ത്രി എക്‌സ്-ഒഫീഷ്യോ വൈസ് പ്രസിഡന്റുമായ ബോർഡ് ഓഫ് ഡയറക്ടേഴ്‌സ് ആണ് ഇതിന്റെ പ്രവർത്തനങ്ങൾ നിയന്ത്രിക്കുന്നത്.

]]> അമേരിക്കയുടെ ആക്രമണത്തിന് പിന്നാലെ ഇറാൻ്റെ തിരിച്ചടി; ബഹ്റൈനിലേക്ക് ഡ്രോൺ ആക്രമണം https://www.sandhesam.com/US-attacks-Iran https://www.sandhesam.com/US-attacks-Iran Sat, 27 Jun 2026 17:04:51 +0530 Web Desk വാഷിംഗ്ടൺ: അമേരിക്ക ഇറാനിലെ സൈനിക കേന്ദ്രങ്ങൾ ലക്ഷ്യമാക്കി വ്യോമാക്രമണം നടത്തിയതിന് മണിക്കൂറുകൾക്കകം ശക്തമായ തിരിച്ചടിയുമായി ഇറാൻ. ബഹ്റൈനിലേക്ക് ഡ്രോൺ ആക്രമണം നടത്തിയതോടൊപ്പം ഹോർമുസ് കടലിടുക്കിലൂടെ സഞ്ചരിച്ചിരുന്ന ഒരു എണ്ണക്കപ്പലും ആക്രമിക്കപ്പെട്ടു. ഒരാഴ്ച മുമ്പ് നിലവിൽ വന്ന അമേരിക്ക-ഇറാൻ വെടിനിർത്തൽ കരാറിന് ശേഷമുള്ള ഏറ്റവും ഗുരുതരമായ സംഘർഷമായാണ് പുതിയ സംഭവവികാസങ്ങളെ വിലയിരുത്തുന്നത്.

അമേരിക്കൻ നാവികസേനയുടെ അഞ്ചാം ഫ്ലീറ്റ് ആസ്ഥാനം പ്രവർത്തിക്കുന്ന ബഹ്റൈൻ, ഇറാൻ നടത്തിയ ഡ്രോൺ ആക്രമണത്തെ ശക്തമായി അപലപിച്ചു. അതേസമയം, ബ്രിട്ടീഷ് സൈന്യം ഹോർമുസ് കടലിടുക്കിലൂടെ സഞ്ചരിച്ചിരുന്ന ഒരു വാണിജ്യ എണ്ണക്കപ്പൽ ആക്രമിക്കപ്പെട്ടതായി സ്ഥിരീകരിച്ചു. ആക്രമണത്തിൻ്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ലെങ്കിലും സംശയത്തിന്റെ മുന പ്രധാനമായും ഇറാനിലേക്കാണ് നീളുന്നത്.

അമേരിക്ക ഇറാന്റെ തെക്കൻ തീരപ്രദേശങ്ങളിലെ മിസൈൽ, ഡ്രോൺ, റഡാർ കേന്ദ്രങ്ങൾ ആക്രമിച്ചതിന് പിന്നാലെയാണ് അമേരിക്കയുമായി ബന്ധപ്പെട്ട ലക്ഷ്യങ്ങൾക്കെതിരെ തിരിച്ചടി നടത്തിയതെന്ന് ഇറാൻ വ്യക്തമാക്കിയത്.

ഐക്യരാഷ്ട്രസഭാ ചാർട്ടറും കഴിഞ്ഞയാഴ്ച ഒപ്പുവെച്ച 14 ഇന ധാരണാപത്രവും അമേരിക്ക ലംഘിച്ചെന്നാണ് ഇറാൻ്റെ വിദേശകാര്യ മന്ത്രാലയം ആരോപിച്ചത്. എന്നാൽ തിരിച്ചടിയുടെ ലക്ഷ്യങ്ങൾ ഏതൊക്കെയാണെന്നോ ആക്രമണം നടന്ന സ്ഥലം എവിടെയാണെന്നോ ടെഹ്റാൻ വെളിപ്പെടുത്തിയിട്ടില്ല.

വാണിജ്യ കപ്പലിന് നേരെ ഇറാൻ ഡ്രോൺ ആക്രമണം നടത്തിയെന്ന് ആരോപിച്ചാണ് അമേരിക്ക വെള്ളിയാഴ്ച രാത്രി വ്യോമാക്രമണം നടത്തിയത്.
വെടിനിർത്തൽ കരാർ ലംഘിച്ചത് ഇറാനാണെന്ന് അമേരിക്കൻ പ്രസിഡൻ്റ് ഡൊണാൾഡ് ട്രംപ് ആരോപിച്ചു. "ഇന്നലെ അവർ നാല് തവണ ആക്രമിച്ചു. അത് അംഗീകരിക്കാനാവില്ല," എന്നാണ് സൈനിക നടപടിക്ക് തൊട്ടുമുമ്പ് ട്രംപ് മാധ്യമങ്ങളോട് പറഞ്ഞത്.

തുടർന്ന് അമേരിക്കൻ സൈന്യം ഇറാൻ്റെ മിസൈൽ വിക്ഷേപണ കേന്ദ്രങ്ങൾ, ഡ്രോൺ താവളങ്ങൾ, തീരദേശ റഡാർ സംവിധാനങ്ങൾ എന്നിവ ലക്ഷ്യമാക്കി ആക്രമണം നടത്തിയതായി യുഎസ് സെൻട്രൽ കമാൻഡ് അറിയിച്ചു.

]]> മന്ത്രി മാത്രമല്ല; സർക്കാർ പദ്ധതി ഗുണഭോക്താക്കളിൽ ഐഎഎസ് ഉദ്യോഗസ്ഥൻ്റെ ഭാര്യയും മകനും അമ്മയും https://www.sandhesam.com/Corruption-by-IAS-officer-and-family https://www.sandhesam.com/Corruption-by-IAS-officer-and-family Sat, 27 Jun 2026 16:39:29 +0530 Web Desk ന്യൂഡൽഹി: കേന്ദ്ര മന്ത്രി മാത്രമല്ല ഇതിലുള്ളത്. വാണിജ്യ കൃഷി പ്രോത്സാഹിപ്പിക്കുന്നതിനായുള്ള കേന്ദ്ര കൃഷി-കർഷക ക്ഷേമ മന്ത്രാലയത്തിൻ്റെ പദ്ധതിയിൽ രാജസ്ഥാനിൽ നിന്നുള്ള ഗുണഭോക്താക്കളിൽ ഒരു മുതിർന്ന ഐഎഎസ് ഉദ്യോഗസ്ഥൻ്റെ അമ്മയും ഭാര്യയും മകനും ഉൾപ്പെട്ടിട്ടുണ്ടെന്ന് 'ദി ഇന്ത്യൻ എക്സ്പ്രസ്' നടത്തിയ അന്വേഷണ രേഖകൾ വ്യക്തമാക്കുന്നു.

മത്സ്യബന്ധന, മൃഗസംരക്ഷണ, ക്ഷീരവികസന മന്ത്രാലയത്തിലെ സെക്രട്ടറിയായ, 1994 ബാച്ച് രാജസ്ഥാൻ കേഡർ ഐഎഎസ് ഉദ്യോഗസ്ഥൻ നരേഷ് പാൽ ഗംഗ്വാറിന്റെ മൂന്ന് കുടുംബാംഗങ്ങൾക്ക് ഈ പദ്ധതിക്ക് കീഴിൽ അഞ്ച് വർഷത്തിനിടെ ആകെ 1.16 കോടിയിലധികം രൂപ സബ്‌സിഡിയായി ലഭിച്ചതായി രേഖകൾ കാണിക്കുന്നു.

കേന്ദ്ര കൃഷി മന്ത്രാലയത്തിന് കീഴിലുള്ള നാഷണൽ ഹോർട്ടികൾച്ചർ ബോർഡ് നടപ്പിലാക്കുന്ന 'ഡെവലപ്‌മെന്റ് ഓഫ് കൊമേഴ്‌സ്യൽ ഹോർട്ടികൾച്ചർ ത്രൂ പ്രൊഡക്ഷൻ ആൻഡ് പോസ്റ്റ്-ഹാർവെസ്റ്റ് മാനേജ്‌മെന്റ് ഓഫ് ഹോർട്ടികൾച്ചർ ക്രോപ്‌സ്' (തോട്ടവിളകളുടെ ഉത്പാദനവും വിളവെടുപ്പാനന്തര മാനേജ്‌മെന്റും വഴിയുള്ള വാണിജ്യ തോട്ടവിള വികസനം) എന്ന പദ്ധതിയാണിത്.

Wife, Mother, Son of IAS Secretary Naresh Pal Gangwar Got ₹1.16 Crore in Farm Subsidies From Government Scheme

രേഖകൾ പ്രകാരം, ഡിപ്പാർട്ട്‌മെൻ്റ് ഓഫ് പേഴ്‌സണൽ ആൻഡ് ട്രെയിനിങ്ങിൽ 2021-22 വർഷത്തേക്ക് സമർപ്പിച്ച നിർബന്ധിത വാർഷിക സ്ഥാവര സ്വത്ത് വിവര പ്രഖ്യാപനത്തിൽ ഈ പദ്ധതിക്ക് കീഴിൽ അംഗീകരിച്ച ഒരു പ്രോജക്റ്റിന്റെ വിവരങ്ങൾ മാത്രമാണ് ഗംഗ്വാർ വെളിപ്പെടുത്തിയിട്ടുള്ളത്. തിരഞ്ഞെടുക്കപ്പെട്ട പച്ചക്കറികളുടെയും പൂക്കളുടെയും വലിയ തോതിലുള്ള വാണിജ്യ കൃഷിയുടെ വിവരങ്ങൾ മാത്രം വെളിപ്പെടുത്തിയാൽ മതിയെന്നാണ് സർവീസ് ചട്ടങ്ങൾ അനുശാസിക്കുന്നതെന്ന് ഗംഗ്വാർ 'ദി ഇന്ത്യൻ എക്സ്പ്രസിനോട്' പറഞ്ഞു. ഇത് 2014-15ൽ ആരംഭിച്ചതും ചൗധരിയുടെ മന്ത്രാലയത്തിൻ്റെ ഭരണപരമായ നിയന്ത്രണത്തിലുള്ള സ്വയംഭരണ സ്ഥാപനമായ നാഷണൽ ഹോർട്ടികൾച്ചർ ബോർഡ് നിയന്ത്രിക്കുന്നതുമായ മിഷൻ ഫോർ ഇന്റഗ്രേറ്റഡ് ഡെവലപ്‌മെൻ്റ് ഓഫ് ഹോർട്ടികൾച്ചറിൻ്റെ കീഴിലാണ് വരുന്നത്.

കുടുംബാംഗങ്ങൾക്ക് ലഭിച്ച സബ്‌സിഡികളുടെ വിവരങ്ങൾ

അമ്മ (ബിന്ദുമതി): ജോർപുര ജോബ്നർ തഹസിലിന് കീഴിലുള്ള ഭാസിംഗ്പുര ഗ്രാമത്തിൽ വെള്ളരി കൃഷി ചെയ്യുന്നതിനായുള്ള പദ്ധതിക്കായി 2025 ജനുവരിയിൽ ഇവരുടെ ബാങ്ക് അക്കൗണ്ടിലേക്ക് 46.03 ലക്ഷം രൂപ സബ്‌സിഡിയായി ലഭിച്ചു. പദ്ധതി പ്രദേശവും ചെലവും: 8,880 ചതുരശ്ര മീറ്റർ; 99.38 ലക്ഷം രൂപ. ഈ സമയത്ത് ഗംഗ്വാർ കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രാലയത്തിൽ അഡീഷണൽ സെക്രട്ടറിയായി സേവനമനുഷ്ഠിക്കുകയായിരുന്നു.

മകൻ (കുമാർ ഋത്വിക്): ജോർപുര ജോബ്നർ തഹസിലിന് കീഴിലുള്ള ധാനി ബോരാജ് ഗ്രാമത്തിൽ വെള്ളരി കൃഷി ചെയ്യുന്നതിനുള്ള പ്രോജക്റ്റിനായി 2023 മാർച്ചിൽ ഇയാളുടെ ബാങ്ക് അക്കൗണ്ടിൽ 46.49 ലക്ഷം രൂപ സബ്‌സിഡി ലഭിച്ചു. വിസ്തീർണവും പദ്ധതി ചെലവും: 8,736 ചതുരശ്ര മീറ്റർ; 97.94 ലക്ഷം രൂപ. ഈ സമയത്തും ഗംഗ്വാർ പരിസ്ഥിതി മന്ത്രാലയത്തിൽ അഡീഷണൽ സെക്രട്ടറിയായിരുന്നു.

ഭാര്യ (ഡോ.രഞ്ജിത സിങ്ങും മറ്റുള്ളവരും): ഫുലേര തഹസിലിന് കീഴിലുള്ള ധാനി ബോരാജ് ഗ്രാമത്തിൽ വെള്ളരി കൃഷി ചെയ്യുന്നതിനായി ഡോ.രഞ്ജിത സിങ്ങിന്റെയും മറ്റുള്ളവരുടെയും പേരിൽ ലിസ്റ്റ് ചെയ്ത പ്രോജക്റ്റിന് 2021-22ൽ 24.36 ലക്ഷം രൂപ സബ്‌സിഡി ബാങ്ക് അക്കൗണ്ടിൽ ലഭിച്ചു. പദ്ധതി പ്രദേശവും ചെലവും: 4,048 ചതുരശ്ര മീറ്റർ; 49.31 ലക്ഷം രൂപ. 2020 മെയ് മാസത്തിൽ അപേക്ഷാ നടപടികൾ ആരംഭിക്കുമ്പോൾ ഗംഗ്വാർ രാജസ്ഥാൻ സർക്കാരിൽ അഗ്രികൾച്ചർ പ്രൊഡക്ഷൻ കമ്മീഷണറും പ്രിൻസിപ്പൽ സെക്രട്ടറിയുമായിരുന്നു. പിന്നീട് 2020 ഡിസംബർ വരെ അദ്ദേഹം സംസ്ഥാനത്ത് വ്യവസായം/ എംഎസ്എംഇ/ നിക്ഷേപം ആൻഡ് എൻആർഐ പ്രിൻസിപ്പൽ സെക്രട്ടറിയായും ഭിവാദി ഇന്റഗ്രേറ്റഡ് ഡെവലപ്‌മെൻ്റ് അതോറിറ്റി ഒഎസ്ഡിയായും സേവനമനുഷ്ഠിച്ചു.

2026 ജനുവരി 1-ന് ഡിഒപിടിയിൽ ഫയൽ ചെയ്ത 2024-2025 വർഷത്തെ സ്ഥാവര സ്വത്ത് വിവര പ്രഖ്യാപനത്തിൽ, ധാനി ബോരാജ് ഗ്രാമത്തിലെ ഖസ്ര നമ്പർ 1203/544, 1205/544 എന്നിവയിലുള്ള കാർഷിക ഭൂമി തന്റെ ഭാര്യ, അമ്മ, മകൻ, മകൾ എന്നിവരുടെ പേരുകളിലാണെന്ന് ഗംഗ്വാർ പ്രഖ്യാപിച്ചിട്ടുണ്ട്.

]]> 32 മിനിറ്റിനുള്ളിൽ ഡെംബെലെയുടെ ഹാട്രിക്ക്; നോർവേയെ തകർത്ത് ഫ്രാൻസ് https://www.sandhesam.com/france-defeats-norway https://www.sandhesam.com/france-defeats-norway Sat, 27 Jun 2026 16:24:59 +0530 Web Desk ബോസ്റ്റൺ: ഒസ്മാൻ ഡെംബെലെയുടെ ഹാട്രിക്ക് മികവിൽ ലോകകപ്പിലെ ഗ്രൂപ്പ് ഐയിലെ അവസാന മത്സരത്തിൽ നോർവേയെ തകർത്ത് ഫ്രാൻസ്. ഒന്നിനെതിരേ നാല് ഗോളുകൾക്കായിരുന്നു ഫ്രാൻസിന്റെ ജയം. 7, 20, 32 മിനിറ്റുകളിലായിരുന്നു ഡെംബെലെയുടെ ഗോളുകൾ. ഇൻജുറി ടൈമിൽ ഡെറീറേ ടുവെയും ഫ്രാൻസിനായി സ്‌കോർ ചെയ്തു.

ഫൊണ്ടെയ്‌നും കിലിയൻ എംബാപ്പെയ്ക്കും ശേഷം ലോകകപ്പിൽ ഹാട്രിക്ക് നേടുന്ന മൂന്നാമത്തെ മാത്രം ഫ്രഞ്ച് താരമാണ് ഡെംബെലെ. താരത്തിന്റെ ആദ്യ രണ്ടു ഗോളുകൾക്കും അസിസ്റ്റ് ഒരുക്കിയത് കിലിയൻ എംബാപ്പെയായിരുന്നു.

21-ാം മിനിറ്റിൽ തിയോ ആസ്ഗാർഡാണ് നോർവേയ്ക്കായി സ്‌കോർ ചെയ്തത്. ആദ്യ ഇലവനിൽ 10 മാറ്റങ്ങളുമായി കളത്തിലിറങ്ങിയ നോർവേ പലപ്പോഴും ഫ്രാൻസ് പ്രതിരോധത്തെ വിറപ്പിച്ചിരുന്നു. 48-ാം മിനിറ്റിൽ നോർവേയ്ക്ക് അനുകൂലമായി പെനാൽറ്റി ലഭിച്ചെങ്കിലും സ്ട്രാന്റ് ലാർസന്റെ ദുർബലമായ കിക്ക് ഫ്രഞ്ച് ഗോളി മൈക്ക് മെന്യോൺ രക്ഷപ്പെടുത്തുകയായിരുന്നു. ഓസ്‌കാർ ബോബിനെ തിയോ ഹെർണാണ്ടസ് ബോക്‌സിൽ വീഴ്ത്തിയതിനായിരുന്നു പെനാൽറ്റി.

]]> ചരിത്രം തിരുത്തി 'ക്രിസ്റ്റ്യാനോ ഷോ'; - ഉസ്ബെക്കിസ്ഥാനെ ഏകപക്ഷീയമായ 5 ഗോളുകൾക്ക് പോർച്ചുഗൽ തകർത്തു https://www.sandhesam.com/Portual-drobbs-Usbekisthan https://www.sandhesam.com/Portual-drobbs-Usbekisthan Sat, 27 Jun 2026 15:59:17 +0530 Web Desk വിമർശിച്ചവർക്കെല്ലാം മൈതാനത്ത് വായടപ്പിക്കുന്ന മറുപടി നൽകിക്കൊണ്ടാണ് ഇതിഹാസതാരം ക്രിസ്റ്റ്യാനോ റൊണാൾഡോ ഇന്നലെ പോർച്ചുഗലിനെ വിജയത്തിലേക്ക് നയിച്ചത്. ലോകകപ്പിലെ ഗ്രൂപ്പ് കെ പോരാട്ടത്തിൽ പോർച്ചുഗൽ ഏകപക്ഷീയമായ അഞ്ചു ഗോളുകളുടെ വിജയമാണ് ഉസ്ബെക്കിസ്ഥാനെതിരെ സ്വന്തമാക്കിയത്. ഹൂസ്റ്റൺ സ്റ്റേഡിയത്തിൽ നടന്ന മത്സരത്തിൽ റൊണാൾഡോ ഇരട്ട ഗോളുകളും നേടി. 

അതേസമയം, ആദ്യ മത്സരത്തിൽ കോംഗോയോട് 1-1 ന് സമനില വഴങ്ങിയ പോർച്ചുഗലിന് നോക്കൗട്ട് സാധ്യതകൾ സജീവമാക്കാൻ ഇന്നലത്തെ വിജയം അത്യന്താപേക്ഷിതമായിരുന്നു. മൂന്ന് പോയിന്റും വലിയ ഗോൾ മാർജിനും സ്വന്തമാക്കിയ റോബർട്ടോ മാർട്ടിനെസിന്റെ സംഘം ഗ്രൂപ്പിൽ ശക്തമായ തിരിച്ചുവരവാണ് നടത്തിയത്.  
അവസാന മത്സരത്തിലെ രണ്ടു ഗോളുകളോടെ 41 കാരനായ റൊണാൾഡോ ഫുട്ബോൾ ചരിത്രത്തിൽ അതുല്യമായ രണ്ട് റെക്കോർഡുകളാണ് സ്വന്തം പേരിലാക്കിയത്. ആറു വ്യത്യസ്ത ലോകകപ്പ് പതിപ്പുകളിൽ ഗോൾ നേടുന്ന ലോകത്തിലെ ആദ്യ താരമായി റൊണാൾഡോ മാറി. ലോകകപ്പിൽ പോർച്ചുഗലിനായി ഏറ്റവും കൂടുതൽ ഗോൾ നേടുന്ന താരമെന്ന ഇതിഹാസ താരം യൂസേബിയോയുടെ (9 ഗോളുകൾ) ആറ് പതിറ്റാണ്ട് പഴക്കമുള്ള റെക്കോർഡും റൊണാൾഡോ (10 ഗോളുകൾ) ഇതോടെ മറികടന്നു. 

]]> ചമ്പക്കുളം മൂലം വള്ളംകളി വിവാദം; ‘മുഖ്യമന്ത്രി കുട്ടനാടിനെ അപമാനിച്ചു’, മാപ്പ് പറയണമെന്ന് ജലോത്സവ സമിതി https://www.sandhesam.com/Champakulam-boat-race-committee-demands-apology-from-CM https://www.sandhesam.com/Champakulam-boat-race-committee-demands-apology-from-CM Fri, 26 Jun 2026 16:59:28 +0530 Web Desk ചമ്പക്കുളം മൂലം വള്ളംകളിക്ക് പ്രാദേശിക അവധി നൽകുന്നതുമായി ബന്ധപ്പെട്ട് മുഖ്യമന്ത്രി വി ഡി സതീശൻ സ്വീകരിച്ച നിലപാടിനെതിരെ കുട്ടനാട്ടിൽ പ്രതിഷേധം പുകയുന്നു. മുഖ്യമന്ത്രി കുട്ടനാടിനെയും വള്ളംകളി പ്രേമികളെയും ആകെ അപമാനിച്ചിരിക്കുകയാണെന്നും അദ്ദേഹം പരസ്യമായി മാപ്പ് പറയണമെന്നും മൂലം വള്ളംകളി ജലോത്സവ സമിതി ആവശ്യപ്പെട്ടു. മുഖ്യമന്ത്രിയുടെ നിലപാടിൽ പ്രതിഷേധിച്ച് വൈകിട്ട് ചമ്പക്കുളത്ത് വൻ പ്രതിഷേധയോഗം സംഘടിപ്പിക്കുമെന്നും സമിതി ഭാരവാഹികൾ അറിയിച്ചു.

മുഖ്യമന്ത്രിയുടേത് അങ്ങേയറ്റം ധിക്കാരപരമായ സമീപനമാണെന്ന് ജലോത്സവ സമിതി ഭാരവാഹികൾ കുറ്റപ്പെടുത്തി.
അവധി നൽകുന്നതോ നൽകാത്തതോ അല്ല ഇവിടെ പ്രധാന പ്രശ്നം, മറിച്ച് അവധി നൽകില്ലെന്ന മുഖ്യമന്ത്രിയുടെ ധിക്കാരപരമായ നിലപാടാണ്. കുട്ടനാട് എംഎൽഎ റെജി ചെറിയാൻ ജനങ്ങളുടെ ന്യായമായ ആവശ്യമാണ് ഉന്നയിച്ചത്. അതിനെ തള്ളിക്കളഞ്ഞ മുഖ്യമന്ത്രിയുടെ നടപടി എംഎൽഎയുടെ മുഖത്തേറ്റ അടിയാണ്. ചമ്പക്കുളം മൂലം വള്ളംകളി എന്നത് കേവലമൊരു കായിക മത്സരം മാത്രമല്ല, അത് കുട്ടനാടിന്റെ ആത്മാവും ജനങ്ങളുടെ വികാരവുമാണ്. മുഖ്യമന്ത്രി രഹസ്യമായി പറഞ്ഞതായി പുറത്തുവന്ന വാർത്തകൾ അതീവ ഗൗരവമുള്ളതാണ്. വള്ളംകളിക്ക് അവധി പ്രഖ്യാപിക്കണമെന്ന ആവശ്യത്തിൽ നിന്ന് പിന്നോട്ടില്ലെന്നും ഭാരവാഹികൾ പറഞ്ഞു.

കുട്ടനാട് എംഎൽഎ റെജി ചെറിയാൻ ചമ്പക്കുളം മൂലം വള്ളംകളിക്ക് പ്രാദേശിക അവധി അനുവദിക്കണമെന്ന് മുഖ്യമന്ത്രിയോട് ഔദ്യോഗികമായി ആവശ്യപ്പെട്ടിരുന്നു. ഇതിന് മറുപടിയായി, ‘ആലോചിച്ച് മറുപടി പറയാം’ എന്ന് മുഖ്യമന്ത്രി പരസ്യമായി അറിയിച്ചു. എന്നാൽ, ഇതിന് ശേഷം സീറ്റിൽ വന്നിരുന്ന മുഖ്യമന്ത്രി, ‘അവധി കൊടുക്കില്ല’ എന്ന് ശബ്ദം കുറച്ച് പറയുന്നത് മൈക്കിലൂടെ നേരിയ രീതിയിൽ പുറത്തുകേൾക്കുകയായിരുന്നു.
ഈ ദൃശ്യങ്ങളും ഓഡിയോയും അടങ്ങിയ വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചതോടെയാണ് മുഖ്യമന്ത്രിക്കെതിരെ കുട്ടനാട്ടിലും വള്ളംകളി പ്രേമികൾക്കിടയിലും വലിയ രീതിയിലുള്ള ജനരോഷം ഉയർന്നത്. വരും ദിവസങ്ങളിൽ പ്രതിഷേധം കൂടുതൽ ശക്തമാക്കാനാണ് ജലോത്സവ സമിതിയുടെ തീരുമാനം.

]]> തിരുവനന്തപുരം കോർപ്പറേഷനിൽ അവിശ്വാസ നീക്കവുമായി യുഡിഎഫ്, ബിജെപി അഞ്ചുവര്‍ഷത്തേക്ക് സേഫ് എന്ന് മേയര്‍ രാജേഷ് https://www.sandhesam.com/NON-CONFIDENCE-MOTION-BY-UDF https://www.sandhesam.com/NON-CONFIDENCE-MOTION-BY-UDF Fri, 26 Jun 2026 16:54:25 +0530 Web Desk തിരുവനന്തപുരം: സത്യപ്രതിജ്ഞാ വിവാദങ്ങള്‍ക്കിടെ തിരുവനന്തപുരം കോര്‍പ്പറേഷനില്‍ അവിശ്വാസ പ്രമേയം കൊണ്ടു വരാന്‍ യുഡിഎഫ് നീക്കം. ഇന്നു വൈകീട്ടു ചേരുന്ന പാര്‍ലമെന്ററി പാര്‍ട്ടി യോഗം ഇക്കാര്യത്തില്‍ തീരുമാനമെടുത്തേക്കും. കോണ്‍ഗ്രസിന്റെ അവിശ്വാസ നീക്കത്തില്‍ ഇടതുപക്ഷത്തിന്റെ തീരുമാനം നിര്‍ണായകമാണ്.

101 അംഗ കോര്‍പറേഷനില്‍ ബിജെപിക്ക് 50 സീറ്റാണുള്ളത്. ഒരു സ്വതന്ത്രന്റെ പിന്തുണയോടെയാണ് ബിജെപി ഭരണം നടത്തുന്നത്. എല്‍ഡിഎഫിന് 29 സീറ്റും യുഡിഎഫിന് 20 സീറ്റുമാണ് നഗരസഭയിലുള്ളത്. ബിജെപി കൗണ്‍സിലര്‍ ആര്‍.സുഗതന്‍ കാപ്പ കേസില്‍ ജയിലിലാണ്. ഈ സാഹചര്യത്തില്‍ യുഡിഎഫും എല്‍ഡിഎഫും യുഡിഎഫ് വിമതനും ഒത്തുചേര്‍ന്നാൽ ഭരണപക്ഷത്തിനെതിരെ 50 പേരാകും.

പ്രതിപക്ഷം അവിശ്വാസം അവതരിപ്പിച്ചാല്‍ അതു നേരിടുമെന്ന് ബിജെപി നേതാവും മേയറുമായ വി വി രാജേഷ് പ്രതികരിച്ചു. തിരുവനന്തപുരം കോര്‍പ്പറേഷനില്‍ അഞ്ചു വര്‍ഷത്തേക്ക് ബിജെപി സേഫ് ആണെന്നും മേയര്‍ പറഞ്ഞു. ഈ മാസം 29 ന് കൗണ്‍സില്‍ യോഗം നടക്കും. ജയിലിലുള്ള ബിജെപി കൗണ്‍സിലര്‍ സുഗതന്റെ ജാമ്യത്തിനായി കോടതിയെ സമീപിക്കുമെന്നും മേയര്‍ പറഞ്ഞു. മേയര്‍ ഓഫീസില്‍ വരുന്നത് തടയുന്നത്, ജനങ്ങളെ ബുദ്ധിമുട്ടിക്കലാണെന്നും വി വി രാജേഷ് കൂട്ടിച്ചേര്‍ത്തു.

]]> ധര്‍മ്മേന്ദ്ര പ്രധാനും ഹര്‍ദീപ് സിങ് പുരിയും പുറത്തേക്ക്?; കേന്ദ്രമന്ത്രിസഭാ പുനഃസംഘടന ഉടനെന്ന് റിപ്പോര്‍ട്ട് https://www.sandhesam.com/Cabinet-reshuffle https://www.sandhesam.com/Cabinet-reshuffle Fri, 26 Jun 2026 16:46:54 +0530 Web Desk ന്യൂഡല്‍ഹി: കേന്ദ്രമന്ത്രിസഭാ പുനഃസംഘടന അടുത്തയാഴ്ച നടന്നേക്കുമെന്ന് റിപ്പോര്‍ട്ടുകള്‍. മുതിര്‍ന്ന കേന്ദ്രമന്ത്രിമാരില്‍ ചിലരെ ഒഴിവാക്കിയേക്കുമെന്നും, ചിലര്‍ക്ക് വകുപ്പുമാറ്റം ഉണ്ടായേക്കുമെന്നും സൂചനയുണ്ട്. ധനവകുപ്പിൽ നിന്നും നിര്‍മല സീതാരാമന്‍ മാറിയേക്കും. നീറ്റ് വിവാദത്തില്‍ കുടുങ്ങിയ കേന്ദ്രമന്ത്രി ധര്‍മ്മേന്ദ്ര പ്രധാനെ ഒഴിവാക്കിയേക്കും. കേന്ദ്രമന്ത്രി ഹര്‍ദീപ് സിങ് പുരിയും കേന്ദ്രമന്ത്രിസഭയില്‍ നിന്നും പുറത്താകുമെന്നാണ് റിപ്പോര്‍ട്ടുകള്‍.

പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറിയും മുന്‍ റിസര്‍വ് ബാങ്ക് ഗവര്‍ണറുമായ ശക്തികാന്ത ദാസ് കേന്ദ്രമന്ത്രിസഭയില്‍ ഇടംനേടുമെന്നാണ് അഭ്യൂഹം. ശക്തികാന്ത ദാസിന് ധനവകുപ്പ് നല്‍കിയാല്‍, നിര്‍മല സീതാരാമന്‍ മാനവവിഭവശേഷി വകുപ്പിലേക്ക് മാറിയേക്കും. ശിവസേന, തൃണമൂല്‍ പാര്‍ട്ടികള്‍ക്ക് മന്ത്രിസഭയില്‍ പ്രാതിനിധ്യം നല്‍കിയേക്കും. ശിവസേന ഉദ്ധവ് താക്കറെ പക്ഷത്തു നിന്നും എംപിമാരെ അടര്‍ത്തിമാറ്റുന്നതില്‍ നിര്‍ണായക പങ്കു വഹിച്ച ശ്രീകാന്ത് ഷിന്‍ഡേയെ കേന്ദ്രമന്ത്രിയാക്കുമെന്നും റിപ്പോര്‍ട്ടുണ്ട്.

ആം ആദ്മി പാര്‍ട്ടിയില്‍ നിന്നും ബിജെപിയിലേക്ക് എത്തിയ രാഘവ് ഛദ്ദ, അശോക് മിത്തല്‍ എന്നിവരെയും പരിഗണിക്കുന്നുണ്ട്. ബിജെപി ജനറല്‍ സെക്രട്ടറി തരുണ്‍ ഛുഗ്, മുതിര്‍ന്ന ബിജെപി നേതാവും മുന്‍ കേന്ദ്രമന്ത്രിയുമായ അനുരാഗ് താക്കൂര്‍ എന്നിവരും കേന്ദ്രമന്ത്രിസഭയില്‍ ഇടംപിടിച്ചേക്കുമെന്നും റിപ്പോര്‍ട്ടുണ്ട്. ജോര്‍ജ് കുര്യന്‍ രാജിവെച്ച സാഹചര്യത്തില്‍ കേരളത്തില്‍ നിന്നും ആരെങ്കിലും മന്ത്രിസഭയില്‍ ഇടംനേടുമോയെന്നതില്‍ ആകാംക്ഷ തുടരുകയാണ്. കഴിഞ്ഞദിവസം കേന്ദ്രമന്ത്രി അമിത് ഷാ രാഷ്ട്രപതിയുമായി നടത്തിയ കൂടിക്കാഴ്ചയില്‍ മന്ത്രിസഭാ പുനഃസംഘടനയും ചര്‍ച്ചയായതായാണ് സൂചന.

]]> മംദാനി അനുകൂലികൾക്ക് ഡെമോക്രാറ്റിക് പാർട്ടി തെരഞ്ഞെടുപ്പിൽ അട്ടിമറി ജയം https://www.sandhesam.com/Progressive-group-candidates-win-in-Democratic-party-elections https://www.sandhesam.com/Progressive-group-candidates-win-in-Democratic-party-elections Fri, 26 Jun 2026 16:37:51 +0530 Web Desk ന്യൂയോർക്ക്: വരാനിരിക്കുന്ന നവംബർ പൊതുതെരഞ്ഞെടുപ്പിന് മുന്നോടിയായി നടന്ന ഡെമോക്രാറ്റിക് പാർട്ടിയുടെ ആഭ്യന്തര പ്രൈമറി സ്ഥാനാർത്ഥി നിർണ്ണയ തെരഞ്ഞെടുപ്പിൽ നേതൃത്വത്തെ ഞെട്ടിച്ച് പാര്‍ട്ടിക്കകത്തെ പുരോഗമനപക്ഷ സ്ഥാനാർത്ഥികൾക്ക് വൻ വിജയം. ഇസ്രായേൽ-ഗാസ ആക്രമണത്തിൽ പലസ്തീൻ ജനതയ്ക്കൊപ്പം നിൽക്കുകയും മാനവികതയിലൂന്നിയ നിലപാടുകൾ സ്വീകരിക്കുകയും ചെയ്ത സ്ഥാനാർത്ഥികൾ പാർട്ടിയുടെ ഔദ്യോഗിക നേതൃത്വം പിന്തുണച്ച മിതവാദികളെ അട്ടിമറിച്ചു.

അമേരിക്കൻ രാഷ്ട്രീയത്തിന്റെ ഭാവി നിർണ്ണയിക്കുന്നതിൽ മാനവികതയും മനുഷ്യാവകാശങ്ങളും പ്രധാന രാഷ്ട്രീയ ആവശ്യമായി തിരിച്ചെത്തുന്നു എന്ന നിലയിൽ വിലയിരുത്തലുകൾ പുറത്തുവന്നു.

നവംബറിൽ അമേരിക്കയിൽ നടക്കാനിരിക്കുന്ന പൊതുതെരഞ്ഞെടുപ്പിന് മുന്നോടിയായാണ് പാര്‍ടിയിലെ പ്രൈമറി തെരഞ്ഞെടുപ്പ് നടത്തിയത്. റിപ്പബ്ലിക്കൻ പാർട്ടിക്കെതിരെ ഡെമോക്രാറ്റിക് പാർട്ടിയുടെ ഔദ്യോഗിക സ്ഥാനാർത്ഥി ആരാകണം എന്ന് തീരുമാനിക്കാനായി പാർട്ടിയിലെ വോട്ടർമാർ മാത്രം പങ്കെടുത്ത 'പ്രൈമറി തെരഞ്ഞെടുപ്പ്' ആണിത്. ന്യൂയോർക്ക് നഗരത്തിൽ ഡെമോക്രാറ്റിക് പാർട്ടിക്ക് വലിയ ജനപിന്തുണയുള്ളതിനാൽ, ഈ പ്രൈമറിയിൽ വിജയിക്കുന്നവർ നവംബറിൽ റിപ്പബ്ലിക്കൻ സ്ഥാനാർത്ഥികളെ നേരിടുമ്പോൾ എളുപ്പത്തിൽ വിജയിക്കുമെന്നാണ് വിലയിരുത്തലുകൾ.

ന്യൂയോർക്ക് മേയർ സോഹ്റാൻ മംദാനിയുടെ പിന്തുണയോടെ മത്സരിച്ച പുരോഗമനപക്ഷ സ്ഥാനാർത്ഥികളാണ് ഡെമോക്രാറ്റിക് പാര്‍ടിയിലെ എസ്റ്റാബ്ലിഷ്മെന്റ് നേതാക്കളെ അനായാസം പരാജയപ്പെടുത്തിയത്. ഗാസ വിഷയത്തിൽ വ്യക്തവും മാനുഷികവുമായ നിലപാട് സ്വീകരിച്ച ക്ലെയർ വാൽഡെസ് പാർട്ടി നേതൃത്വത്തിന്റെ പ്രിയങ്കരനായ അന്റോണിയോ റെയ്നോസോയെ പരാജയപ്പെടുത്തി പാർട്ടി ടിക്കറ്റ് ഉറപ്പിച്ചു.

ന്യൂയോർക്ക് നഗരത്തിലെ ലോവർ മാൻഹാട്ടൻ, ബ്രൂക്ലിൻ്റെ ചില ഭാഗങ്ങൾ എന്നിവ ഉൾപ്പെടുന്ന പത്താം കോൺഗ്രഷണൽ ഡിസ്ട്രിക്ട് മണ്ഡലത്തിൽ മുൻ സിറ്റി കൺട്രോളർ ആയിരുന്ന ബ്രാഡ് ലാൻഡർ തിളങ്ങുന്ന വിജയം നേടി. പാര്‍ടിയുടെ ഇപ്പോഴത്തെ പ്രതിനിധിയായ ഡാൻ ഗോൾഡ്മാനെ പരാജയപ്പെടുത്തിയാണ് വിജയിച്ചത്. ഇരുവരും ജൂതവിഭാഗത്തിൽ നിന്നുള്ളവരാണെങ്കിലും ഗാസയിൽ നടക്കുന്നത് 'വംശഹത്യ' ആണെന്ന് തുറന്നുപറഞ്ഞ ലാൻഡറെ വോട്ടർമാർ നെഞ്ചേറ്റുകയായിരുന്നു.

ക്ലെയർ വാൽഡെസിന്റെ മുന്നേറ്റത്തിന് പിന്നാലെ ബ്രൂക്ലിൻ നിവാസിയായ വരുൺ വെങ്കിടേഷ് എന്ന 27-കാരനായ വോട്ടറുടെ പ്രതികരണം വൈറലായി. "എനിക്ക് വോട്ടർ എന്ന നിലയിൽ ഒരു കൃത്യമായ മാനദണ്ഡം ഉണ്ടായിരുന്നു. സ്ഥാനാർത്ഥികൾ ഫലസ്തീൻ ജനതയ്ക്കായി എന്തുചെയ്യുന്നു എന്നത് മാത്രമായിരുന്നു അത്." എന്നായിരുന്നു പ്രതികരണം.

]]> ഡിഎംകെ മുഖപത്രമായ ‘മുരശൊലി’യിലെ ലേഖനത്തിൽ പിണറായിക്കും രാജീവിനും രൂക്ഷവിമർശനം https://www.sandhesam.com/Rift-in-CPM-DMK-relations https://www.sandhesam.com/Rift-in-CPM-DMK-relations Fri, 26 Jun 2026 16:19:59 +0530 Web Desk ചെന്നൈ: തമിഴ്നാട്ടിൽ ഡിഎംകെ-സിപിഎം പോര് ശക്തമാകുന്നു. പിണറായി വിജയനെയും കേരളത്തിലെ സിപിഎമ്മിനെയും രൂക്ഷമായി വിമർശിച്ച് ഡിഎംകെ മുഖപത്രം മുരശൊലിയിൽ ലേഖന പരമ്പര. വിഴിഞ്ഞം ചടങ്ങിൽ പ്രധാനമന്ത്രി നരേന്ദ്ര മോദിക്കും അദാനിക്കുമൊപ്പം നിൽക്കുന്ന പിണറായിയുടെ ചിത്രവും മുരശൊലിയിലെ ലേഖനത്തിൽ ഉൾപ്പെടുത്തിയിട്ടുണ്ട്. പിണറായിയുടെ നവകേരള രേഖ പരാമർശിച്ച്, സിപിഎമ്മിന്റെ സാമ്പത്തിക നയം എന്തെന്നും ലേഖനത്തിൽ ചോദിക്കുന്നുണ്ട്. വ്യവസായവകുപ്പ് മന്ത്രിയായിരുന്ന പി. രാജീവിനെതിരേയും ലേഖനത്തിൽ രൂക്ഷവിമർശനമുണ്ട്.

കഴിഞ്ഞ കുറച്ചുദിവസങ്ങളായി സിപിഎം തമിഴ്നാട് സംസ്ഥാന സെക്രട്ടറി ഷൺമുഖവും ഡിഎംകെ നേതാക്കളും തമ്മിൽ വാക്പോര് തുടരുകയാണ്. ഡിഎംകെയുടെ നവ ഉദാരവത്കരണ നയങ്ങൾ തോൽവിക്ക് കാരണമായെന്ന് ഷൺമുഖം ആരോപിച്ചിരുന്നു. ഇതിനെതിരേ ഡിഎംകെ നേതാക്കൾ രൂക്ഷമായ വിമർശനങ്ങളുയർത്തി. എംകെ സ്റ്റാലിൻ അനുവാദത്തോടെയല്ല ടിവികെയ്ക്ക് സിപിഎം പിന്തുണ നൽകിയതെന്നും ഡിഎംകെ നേതാക്കൾ ആരോപിച്ചു. ഇതിനിടെയാണ് പാർട്ടിയുടെ മുഖപത്രമായ മുരശൊലിയിൽ ഷൺമുഖത്തെ വ്യക്തിപരമായി കടന്നാക്രമിക്കുന്ന പരമ്പര പ്രസിദ്ധീകരിച്ചത്. ഇതിലാണ് കേരളത്തെ തോൽവിയെക്കുറിച്ചും പ്രതിപാദിക്കുന്നത്.

സിപിഎം സംസ്ഥാന സമ്മേളനത്തിൽ 'നവകേരളത്തിനായുള്ള നവവഴികൾ' എന്ന പേരിൽ പിണറായി വിജയൻ വികസന രേഖ അവതരിപ്പിച്ചതടക്കം ലേഖനത്തിൽ പരാമർശിക്കുന്നുണ്ട്. കേരളത്തിലെ വിഭവങ്ങൾ അദാനിക്കടക്കം കൈമാറിയത് ഇടത് സർക്കാരാണ്. സിപിഎം മുതലാളിത്തത്തെ എതിർക്കുമ്പോഴും, ബിർളയെ അടക്കം കേരളത്തിലേക്ക് ക്ഷണിച്ച് വരുത്തിയത് തങ്ങളാണെന്ന് പിണറായി വിജയന്റെ സർക്കാരിൽ വ്യവസായ മന്ത്രിയായിരുന്ന പി. രാജീവ് തന്നെ ചെന്നൈയിലെത്തി പ്രസംഗിച്ചിട്ടുണ്ട്. പിണറായി വിജയൻ സർക്കാരിന്റെ സാമ്പത്തിക നയം ഇങ്ങനെ ആയതുകൊണ്ടാണ് ജനം തൂത്തെറിഞ്ഞതെന്നും ലേഖനത്തിൽ വിമർശിക്കുന്നു. ഇത്തരത്തിലുള്ള സിപിഎമ്മിന് എങ്ങനെയാണ് ഡിഎംകെയെ വിമർശിക്കാനാകുക എന്നും ലേഖനം ചോദിക്കുന്നു.

ഡിഎംകെ ബന്ധം ഉപേക്ഷിച്ച് ടിവികെയ്ക്കൊപ്പം ചേർന്ന കോൺഗ്രസിനെ വിമർശിച്ച് പിണറായി വിജയൻ രംഗത്തെത്തുമ്പോഴാണ് തമിഴ്നാട്ടിൽ പിണറായിയെ ഡിഎംകെ കടന്നാക്രമിക്കുന്നത് എന്നതും ശ്രദ്ധേയമാണ്. സിപിഎമ്മിനെതിരേ വിമർശനമുന്നയിച്ച ഡിഎംകെയ്ക്കെതിരേ ടിവികെ രംഗത്തെത്തിയിരുന്നു. കരുണാനിധി ജീവിച്ചിരുന്നെങ്കിൽ ഇങ്ങനെ എഴുതാൻ സമ്മതിക്കില്ലായിരുന്നുവെന്ന് മന്ത്രി രാജ്മോഹൻ പറഞ്ഞിരുന്നു.

]]> രാമക്ഷേത്ര ഫണ്ട് വെട്ടിപ്പ്: 8 പേർ അറസ്റ്റിൽ; ട്രസ്റ്റ് തലവൻസ്ഥാനം രാജിവെച്ച് വിഎച്ച്പി ഉപാധ്യക്ഷൻ https://www.sandhesam.com/Donation-heist-in-Ram-mandir https://www.sandhesam.com/Donation-heist-in-Ram-mandir Fri, 26 Jun 2026 16:03:37 +0530 Web Desk അയോധ്യ: രാമക്ഷേത്ര നിർമാണവുമായി ബന്ധപ്പെട്ട സംഭാവന തട്ടിപ്പ് കേസിൽ അന്വേഷണം പുരോഗമിക്കവെ, വിശ്വഹിന്ദു പരിഷത് ഉപാധ്യക്ഷൻ ചമ്പത് റായ് രാമജന്മഭൂമി തീർത്ഥക്ഷേത്ര ട്രസ്റ്റിന്റെ തലവൻസ്ഥാനം രാജിവെച്ചു. ട്രസ്റ്റി അനിൽ മിശ്രയും രാജി സമർപ്പിച്ചിട്ടുണ്ട്. തട്ടിപ്പുമായി ബന്ധപ്പെട്ട വിവാദങ്ങൾക്കിടെ ധാർമിക ഉത്തരവാദിത്തം ഏറ്റെടുത്താണ് രാജി.

ഈ കേസിൽ എട്ടുപേരെ പോലീസ് അറസ്റ്റ് ചെയ്തതിനു പിന്നാലെയാണ് രാജി. പണം എണ്ണുന്ന ജീവനക്കാർ, എണ്ണൽ നടപടികളുടെ തലവൻ, മേൽനോട്ടം വഹിച്ച വിരമിച്ച ബാങ്ക് ഉദ്യോഗസ്ഥൻ, ട്രസ്റ്റ് ജനറൽ സെക്രട്ടറി ചമ്പത് റായിയുടെ ഡ്രൈവറും അടുത്ത സഹായിയുമായ രമാശങ്കർ യാദവ് എന്നിവരാണ് അറസ്റ്റിലായത്.

അയോധ്യ രാമക്ഷേത്രത്തിലേക്ക് ലഭിച്ച സംഭാവനകൾ വകമാറ്റിയെന്നാരോപിച്ചുള്ള കേസിൽ നേരത്തെ എട്ടുപേർക്കെതിരെ എഫ്.ഐ.ആർ. രജിസ്റ്റർ ചെയ്തിരുന്നു. ഉത്തർപ്രദേശ് സർക്കാരിന്റെ നിർദേശപ്രകാരം ഭാരതീയ ന്യായസംഹിതയിലെ (ബി.എൻ.എസ്.) വിവിധ വകുപ്പുകൾ പ്രകാരമാണ് കേസെടുത്തിരിക്കുന്നത്.

]]> ജര്‍മനിക്കെതിരെ അട്ടിമറി ജയവുമായി ഇക്വഡോര്‍ https://www.sandhesam.com/%E0%B4%9C%E0%B4%B0%E0%B5%8D%E0%B4%AE%E0%B4%A8%E0%B4%BF%E0%B4%95%E0%B5%8D%E0%B4%95%E0%B5%86%E0%B4%A4%E0%B4%BF%E0%B4%B0%E0%B5%86-%E0%B4%85%E0%B4%9F%E0%B5%8D%E0%B4%9F%E0%B4%BF%E0%B4%AE%E0%B4%B1%E0%B4%BF-%E0%B4%9C%E0%B4%AF%E0%B4%B5%E0%B5%81%E0%B4%AE%E0%B4%BE%E0%B4%AF%E0%B4%BF-%E0%B4%87%E0%B4%95%E0%B5%8D%E0%B4%B5%E0%B4%A1%E0%B5%8B%E0%B4%B0%E0%B5%8D https://www.sandhesam.com/%E0%B4%9C%E0%B4%B0%E0%B5%8D%E0%B4%AE%E0%B4%A8%E0%B4%BF%E0%B4%95%E0%B5%8D%E0%B4%95%E0%B5%86%E0%B4%A4%E0%B4%BF%E0%B4%B0%E0%B5%86-%E0%B4%85%E0%B4%9F%E0%B5%8D%E0%B4%9F%E0%B4%BF%E0%B4%AE%E0%B4%B1%E0%B4%BF-%E0%B4%9C%E0%B4%AF%E0%B4%B5%E0%B5%81%E0%B4%AE%E0%B4%BE%E0%B4%AF%E0%B4%BF-%E0%B4%87%E0%B4%95%E0%B5%8D%E0%B4%B5%E0%B4%A1%E0%B5%8B%E0%B4%B0%E0%B5%8D Fri, 26 Jun 2026 15:51:12 +0530 Web Desk ലോകകപ്പ് ഫുട്ബോളിൽ വൻ അട്ടിമറിയുമായി ഇക്വഡോർ. കരുത്തരായ ജർമ്മനിയെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി ഇക്വഡോർ ചരിത്ര വിജയം സ്വന്തമാക്കി. ജയത്തോടെ 2006ന് ശേഷം ആദ്യമായി ലോകകപ്പിന്റെ നോക്കൗട്ട് ഘട്ടത്തിലേക്ക് യോഗ്യത നേടാനും ഇക്വഡോറിനായി. മത്സരത്തിന്റെ തുടക്കം മുതൽ ആവേശം നിറഞ്ഞ പോരാട്ടത്തിനൊടുവിലാണ് മുൻ ലോക ചാമ്പ്യന്മാരായ ജർമ്മനിയെ ഇക്വഡോർ വീഴ്ത്തിയത്.

മത്സരത്തിന്റെ ഒന്നാം പകുതിയിൽ തന്നെ ഇക്വഡോർ ജർമ്മനിയെ പ്രതിരോധത്തിലാക്കിയിരുന്നു. കൗണ്ടർ അറ്റാക്കുകളിലൂടെ ജർമ്മൻ പ്രതിരോധ കോട്ട തകർത്ത ഇക്വഡോർ, മത്സരത്തിൽ രണ്ട് ഗോളുകളുടെ നിർണായക ലീഡ് നേടി. ജർമ്മൻ നിരയുടെ ഭാഗത്തുനിന്നും മത്സരത്തിലേക്ക് തിരിച്ചുവരാനുള്ള ശക്തമായ ശ്രമങ്ങൾ ഉണ്ടായെങ്കിലും ഇക്വഡോറിന്റെ കനത്ത പ്രതിരോധ നിരയെ പൂർണ്ണമായി മറികടക്കാൻ അവർക്കായില്ല.

മത്സരത്തിന്‍റെ രണ്ടാം മിനിറ്റിൽ ലെറോയ് സാനെയിലൂടെ ജർമ്മനി ആദ്യ ഗോൾ നേടി ലീഡ് എടുത്തെങ്കിലും ഒൻപതാം മിനിറ്റിൽ നിൽസൺ ആംഗുലോയിലൂടെ ഇക്വഡോർ സമനില പിടിച്ചു. രണ്ടാം പകുതിയിൽ ഒരു ഗോളുകൂടി അടിച്ച്  ജർമ്മനി കളിയിലേക്ക് തിരിച്ചുവരാൻ ശ്രമിച്ചെങ്കിലും, സമനില ഗോൾ നേടാനുള്ള അവരുടെ നീക്കങ്ങളെയും ഇക്വഡോർ ഗോൾകീപ്പറും പ്രതിരോധ നിരയും പരാജയപ്പെടുത്തി. ഇതിനിടെ ഗോൺസാലോ പ്ലാറ്റയിലൂടെ 77-ാം മിനിറ്റിൽ വിജയഗോളും ഇക്വഡോർ കണ്ടെത്തി. ഒടുവിൽ ഫൈനൽ വിസിൽ മുഴങ്ങിയപ്പോൾ ഒന്നിനെതിരെ രണ്ട് ഗോളുകളുടെ ചരിത്ര വിജയവുമായി ഇക്വഡോർ വിജയം സ്വന്തമാക്കി.

അഞ്ച് ലോകകപ്പുകളുടെ ചരിത്രത്തിൽ ഇക്വഡോർ ഇത് രണ്ടാം തവണയാണ് നോക്കൗട്ട് ഘട്ടത്തിൽ പ്രവേശിക്കുന്നത്. 2006-ലായിരുന്നു ടിം അവസാനമായി നോക്കൗട്ടിൽ എത്തിയത്. ഇതിനിടയിലുള്ള മൂന്ന് ടൂർണമെന്റുകളും (2002, 2014, 2022) ഗ്രൂപ്പ് ഘട്ടത്തിൽ തന്നെ അവസാനിച്ചു. ഇത്തവണയും വിധി ഏതാണ്ട് അങ്ങനെ തന്നെയാകുമായിരുന്നെങ്കിലും ശക്തമായ മടങ്ങിവരവാണ് ടിം കാഴ്ചവച്ചത്.

]]> ഇരട്ട ഭൂകമ്പത്തിൽ വിറങ്ങലിച്ച് വെനിസ്വേല; മരണസംഖ്യ 235 ആയി; നൂറുകണക്കിന് ആളുകൾ ഇപ്പോഴും കുടുങ്ങിക്കിടക്കുന്നതായി റിപ്പോർട്ട് https://www.sandhesam.com/Venezuela-Earthquake https://www.sandhesam.com/Venezuela-Earthquake Fri, 26 Jun 2026 15:16:43 +0530 Web Desk വെനിസ്വേലയുടെ വടക്കൻ തീരത്ത് ഉണ്ടായ ഇരട്ട ഭൂചനത്തിൽ മരണസംഖ്യ 235 ആയി ഉയർന്നു. 4,300 ലധികം ആളുകൾക്ക് പരിക്കേറ്റിട്ടുണ്ട്. അന്താരാഷ്ട്ര സംഘങ്ങൾ അടക്കം രക്ഷാപ്രവര്‍ത്തനങ്ങള്‍ക്ക് രംഗത്തിറങ്ങിയിട്ടുണ്ടെങ്കിലും, നൂറുകണക്കിന് ആളുകൾ ഇപ്പോഴും കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുകയാണ്. ആയിരക്കണക്കിന് ആളുകളെ കാണാതായിട്ടുണ്ടെന്നാണ് റിപ്പോർട്ട്.

]]> 4,400 ഫോൺ കോളുകൾ, ജന്മദിനത്തിൽ രഹസ്യ കൂടിക്കാഴ്ച; ഒടുവിൽ കാമുകനൊപ്പം ചേർന്ന് ക്രൂര കൊലപാതകം https://www.sandhesam.com/4400-%E0%B4%AB%E0%B5%8B%E0%B5%BA-%E0%B4%95%E0%B5%8B%E0%B4%B3%E0%B5%81%E0%B4%95%E0%B5%BE-%E0%B4%9C%E0%B4%A8%E0%B5%8D%E0%B4%AE%E0%B4%A6%E0%B4%BF%E0%B4%A8%E0%B4%A4%E0%B5%8D%E0%B4%A4%E0%B4%BF%E0%B5%BD-%E0%B4%B0%E0%B4%B9%E0%B4%B8%E0%B5%8D%E0%B4%AF-%E0%B4%95%E0%B5%82%E0%B4%9F%E0%B4%BF%E0%B4%95%E0%B5%8D%E0%B4%95%E0%B4%BE%E0%B4%B4%E0%B5%8D%E0%B4%9A-%E0%B4%92%E0%B4%9F%E0%B5%81%E0%B4%B5%E0%B4%BF%E0%B5%BD-%E0%B4%95%E0%B4%BE%E0%B4%AE%E0%B5%81%E0%B4%95%E0%B4%A8%E0%B5%8A%E0%B4%AA%E0%B5%8D%E0%B4%AA%E0%B4%82-%E0%B4%9A%E0%B5%87%E0%B5%BC%E0%B4%A8%E0%B5%8D%E0%B4%A8%E0%B5%8D-%E0%B4%95%E0%B5%8D%E0%B4%B0%E0%B5%82%E0%B4%B0-%E0%B4%95%E0%B5%8A%E0%B4%B2%E0%B4%AA%E0%B4%BE%E0%B4%A4%E0%B4%95%E0%B4%82 https://www.sandhesam.com/4400-%E0%B4%AB%E0%B5%8B%E0%B5%BA-%E0%B4%95%E0%B5%8B%E0%B4%B3%E0%B5%81%E0%B4%95%E0%B5%BE-%E0%B4%9C%E0%B4%A8%E0%B5%8D%E0%B4%AE%E0%B4%A6%E0%B4%BF%E0%B4%A8%E0%B4%A4%E0%B5%8D%E0%B4%A4%E0%B4%BF%E0%B5%BD-%E0%B4%B0%E0%B4%B9%E0%B4%B8%E0%B5%8D%E0%B4%AF-%E0%B4%95%E0%B5%82%E0%B4%9F%E0%B4%BF%E0%B4%95%E0%B5%8D%E0%B4%95%E0%B4%BE%E0%B4%B4%E0%B5%8D%E0%B4%9A-%E0%B4%92%E0%B4%9F%E0%B5%81%E0%B4%B5%E0%B4%BF%E0%B5%BD-%E0%B4%95%E0%B4%BE%E0%B4%AE%E0%B5%81%E0%B4%95%E0%B4%A8%E0%B5%8A%E0%B4%AA%E0%B5%8D%E0%B4%AA%E0%B4%82-%E0%B4%9A%E0%B5%87%E0%B5%BC%E0%B4%A8%E0%B5%8D%E0%B4%A8%E0%B5%8D-%E0%B4%95%E0%B5%8D%E0%B4%B0%E0%B5%82%E0%B4%B0-%E0%B4%95%E0%B5%8A%E0%B4%B2%E0%B4%AA%E0%B4%BE%E0%B4%A4%E0%B4%95%E0%B4%82 Thu, 25 Jun 2026 17:22:45 +0530 Web Desk പൂനെ: പൂനെയിലെ പ്രമുഖ വ്യവസായി കേതൻ അഗർവാളിനെ (26) ലോഹഗഡ് കോട്ടയിലെ കൊക്കയിൽ തള്ളിയിട്ട് കൊലപ്പെടുത്തിയ കേസിൽ പ്രതിശ്രുത വധു സിയ ഗോയലും (20) കാമുകൻ ചേതൻ ചൗധരിയും (22) അറസ്റ്റിലായതോടെ പുറത്തുവരുന്നത് സിനിമയെ വെല്ലുന്ന ക്രൂരമായ ഗൂഢാലോചനയുടെ കഥകൾ.

കഴിഞ്ഞ ആറ് മാസത്തിനിടെ സിയയും ചേതനും തമ്മിൽ 4,400-ലധികം തവണയാണ് ഫോണിൽ സംസാരിച്ചതെന്ന് പോലീസ് അന്വേഷണത്തിൽ വ്യക്തമായി. ഈ വർഷം അവസാനം ഉദയ്പൂരിലെ കൊട്ടാരത്തിൽ വെച്ച് ആഡംബരത്തോടെ നടക്കേണ്ടിയിരുന്ന ഇവരുടെ വിവാഹമാണ് ഒടുവിൽ കൊലപാതകത്തിൽ കലാശിച്ചത്.

കേസിൽ പോലീസ് അന്വേഷണത്തിൽ പുറത്തുവന്ന പ്രധാന വിവരങ്ങൾ ഇവയാണ്.

കേതനെ കൊലപ്പെടുത്താനായി സിയയും ചേതനും ഫോണിലൂടെ നൂറുകണക്കിന് മണിക്കൂറുകളാണ് സംസാരിച്ചത്. കഴിഞ്ഞ ആറ് മാസത്തിനിടെ ഇവർക്കിടയിൽ 4,400-ലധികം കോളുകൾ നടന്നു. കൃത്യമായ ആസൂത്രണത്തിന് ശേഷമാണ് ജൂൺ 18-ന് സിയ കേതനെ ലോഹഗഡ് കോട്ടയിലെ കുന്നിൻ മുകളിൽ നിന്ന് താഴേക്ക് തള്ളിയിട്ടതെന്ന് വാർത്താ ഏജൻസിയായ പിടിഐ റിപ്പോർട്ട് ചെയ്തു.

കൊലപാതകം നടന്ന ദിവസം സിയ തന്റെ കാമുകൻ ചേതനുമായി ഒരു കഫേയിൽ വെച്ച് രഹസ്യ കൂടിക്കാഴ്ച നടത്തിയിരുന്നു. ഇവിടെ വെച്ചാണ് കേതനെ വകവരുത്താനുള്ള അന്തിമ പ്ലാൻ ഇവർ തയ്യാറാക്കിയത്. കോട്ടയിലെ ഏത് ഭാഗത്തുനിന്ന് തള്ളിയിട്ടാലാണ് കേതൻ രക്ഷപ്പെടില്ലെന്ന് കണ്ടെത്താൻ ഇവർ അവിടെ സമയം ചിലവഴിച്ച് ആലോചിച്ചതായും പോലീസ് പറഞ്ഞു.

കൊലപാതകം നടക്കുന്നതിന് തൊട്ടുമുൻപ് ഇരുവരും അതീവ സന്തോഷത്തിലായിരുന്നുവെന്ന് കാണിക്കുന്ന ദൃശ്യങ്ങൾ ഇപ്പോൾ പുറത്തുവന്നിട്ടുണ്ട്. സിയയുടെ ജന്മദിനത്തിൽ കേതൻ ഒരുക്കിയ സർപ്രൈസ് പാർട്ടിയുടെയും ഇരുവരും ഒരുമിച്ച് നൃത്തം ചെയ്യുന്നതിന്റെയും വീഡിയോകൾ സോഷ്യൽ മീഡിയയിൽ വ്യാപകമായി പ്രചരിക്കുകയാണ്. ഈ സന്തോഷപ്രകടനങ്ങളെല്ലാം കൊലപാതകം മറയ്ക്കാനുള്ള നാടകമായിരുന്നുവെന്ന് പോലീസ് കരുതുന്നു.

വിവാഹത്തിന് മുന്നോടിയായുള്ള പ്രീ-വെഡ്ഡിങ് ഫോട്ടോഷൂട്ടിനായി ഇരുവരും ബാലിയിലേക്ക് പോകാൻ തീരുമാനിച്ചിരുന്നു. എന്നാൽ മുംബൈ എയർപോർട്ടിലേക്കുള്ള യാത്രയ്ക്കിടെ ഒരു ഫുഡ് പ്ലാസയിലെ ചവറ്റുകുട്ടയിൽ സിയ കേതന്റെ പാസ്‌പോർട്ട് രഹസ്യമായി കൊണ്ടിട്ടു. പാസ്‌പോർട്ട് കാണാതായതിനെ തുടർന്ന് കേതന് യാത്ര റദ്ദാക്കേണ്ടി വന്നു. കേതനെ ഇന്ത്യയിൽ വെച്ച് തന്നെ വകവരുത്താനുള്ള ആസൂത്രണത്തിന്റെ ഭാഗമായിരുന്നു ഇതെന്ന് പോലീസ് സംശയിക്കുന്നു.

കേതന്റെ സഹോദരി സഞ്ജനയിൽ നിന്നും മറ്റ് കുടുംബാംഗങ്ങളിൽ നിന്നും പോലീസ് വിവരങ്ങൾ ശേഖരിച്ചപ്പോൾ, സിയ മുൻപും പലതവണ കേതനെ ലോഹഗഡ് കോട്ടയിലേക്ക് പോകാൻ നിർബന്ധിച്ചിരുന്നതായി വ്യക്തമായി. ആ സമയങ്ങളിലെല്ലാം കാമുകനായ ചേതൻ ഇവരെ രഹസ്യമായി പിന്തുടർന്നിരുന്നതായും പോലീസ് കണ്ടെത്തിയിട്ടുണ്ട്.

കേതൻ അപകടത്തിൽപ്പെട്ടതാണെന്ന് വരുത്തിതീർക്കാനാണ് സിയ ആദ്യം ശ്രമിച്ചത്. ഫോട്ടോ എടുക്കുന്നതിനിടയിൽ കേതൻ കാൽ തെറ്റി വീഴുകയായിരുന്നു എന്നാണ് സിയ ആദ്യം പോലീസിനോട് പറഞ്ഞത്. എന്നാൽ പിന്നീട്, വെള്ളക്കുപ്പി തരുന്നതിനിടയിലാണ് കേതൻ വീണതെന്ന് മൊഴി മാറ്റിപ്പറഞ്ഞു. ഇവർ ചൂണ്ടിക്കാണിച്ച സ്ഥലം പെട്ടെന്ന് ആളുകളുടെ കണ്ണിൽപ്പെടാത്ത ഒരിടമായത് പോലീസിന്റെ സംശയം വർധിപ്പിച്ചു. തുടർന്ന് നടത്തിയ വിശദമായ ചോദ്യം ചെയ്യലിലാണ് പ്രതികൾ കുറ്റം സമ്മതിച്ചത്.

കഴിഞ്ഞ ഫെബ്രുവരിയിലായിരുന്നു കേതന്റെയും സിയയുടെയും നിശ്ചയം കഴിഞ്ഞത്. രാജസ്ഥാനിലെ ഉദയ്പൂരിലുള്ള ഒരു കൊട്ടാരത്തിൽ വെച്ച് വലിയ രീതിയിലുള്ള ഡെസ്റ്റിനേഷൻ വെഡ്ഡിങ് ആണ് കുടുംബം പ്ലാൻ ചെയ്തിരുന്നത്. അതിഥികൾക്കായി രണ്ട് പ്രത്യേക വിമാനങ്ങൾ വരെ കുടുംബം ബുക്ക് ചെയ്തിരുന്ന സാഹചര്യത്തിലാണ് ഈ ക്രൂരമായ കൊലപാതകം അരങ്ങേറിയത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു

]]> വെനിസ്വേലയിൽ അതിശക്തമായ ഭൂചലനം; 32 മരണം, വിമാനത്താവളം അടച്ചു, അവശിഷ്ടങ്ങൾക്കിടയിൽ തിരച്ചിൽ തുടരുന്നു https://www.sandhesam.com/Venezuela-7.5-magnitude-earthquake https://www.sandhesam.com/Venezuela-7.5-magnitude-earthquake Thu, 25 Jun 2026 17:12:01 +0530 Web Desk കാരാക്കസ്: വെനിസ്വേലയിൽ ഏതാനും മിനിറ്റുകളുടെ വ്യത്യാസത്തിൽ ഉണ്ടായ അതിശക്തമായ രണ്ട് ഭൂചലനങ്ങളിൽ 32 മരണം. നൂറുകണക്കിന് പേർ പരുക്കേറ്റ് ചികിത്സയിലാണ്.

ബുധനാഴ്ച അർധരാത്രിയോടെയുണ്ടായ ഭൂകമ്പത്തിൽ തലസ്ഥാനമായ കാരാക്കസ് ഉൾപ്പെടെയുള്ള നഗരങ്ങളിൽ വൻ നാശനഷ്ടമാണുണ്ടായത്. നിരവധി കെട്ടിടങ്ങൾ തകർന്നു വീണു. 1900-ന് ശേഷം വെനിസ്വേല നേരിടുന്ന ഏറ്റവും വലിയ ഭൂകമ്പമാണിതെന്നാണ് റിപ്പോർട്ടുകൾ. ദുരന്തത്തിന്റെ പശ്ചാത്തലത്തിൽ ആക്ടിങ് പ്രസിഡന്റ് ഡെൽസി റോഡ്രിഗസ് രാജ്യത്ത് അടിയന്തരാവസ്ഥ പ്രഖ്യാപിച്ചു.

യുഎസ് ജിയോളജിക്കൽ സർവേയുടെ കണക്കുകൾ പ്രകാരം ആദ്യ ഭൂചലനം റിക്ടർ സ്കെയിലിൽ 7.1 തീവ്രത രേഖപ്പെടുത്തി. തലസ്ഥാനമായ കാരാക്കസിൽ നിന്നും 168 കിലോമീറ്റർ പടിഞ്ഞാറുള്ള തീരദേശ നഗരമായ മൊറോണിന് സമീപം ഭൂമിക്ക് അടിയിൽ 13 കിലോമീറ്റർ ആഴത്തിലായിരുന്നു ഇതിന്റെ പ്രഭവകേന്ദ്രം. ഇതിന് തൊട്ടുപിന്നാലെ, ഒരു മിനിറ്റിനുള്ളിൽ തന്നെ റിക്ടർ സ്കെയിലിൽ 7.5 തീവ്രത രേഖപ്പെടുത്തിയ രണ്ടാമത്തെ അതിശക്തമായ ഭൂചലനവുമുണ്ടായി. മൊറോണിന് 16 കിലോമീറ്റർ തെക്കുപടിഞ്ഞാറായി 10 കിലോമീറ്റർ ആഴത്തിലായിരുന്നു രണ്ടാമത്തെ ഭൂകമ്പത്തിന്റെ പ്രഭവകേന്ദ്രം.

നൂറ്റാണ്ടിനിടയിലെ ഏറ്റവും ശക്തമായ തുടർ ഭൂചലനങ്ങളെ തുടർന്ന് പരിഭ്രാന്തരായ ജനങ്ങൾ വീടുകളിൽ നിന്നും ഓഫീസുകളിൽ നിന്നും തെരുവുകളിലേക്ക് ഓടിയിറങ്ങി. തലസ്ഥാനമായ കാരാക്കസിൽ നിരവധി വലിയ കെട്ടിടങ്ങളും മതിലുകളും തകർന്നു വീണു. കെട്ടിടാവശിഷ്ടങ്ങൾ വീണ് നഗരത്തിലെ പല തെരുവുകളും പൂർണമായി തടസപ്പെട്ടിരിക്കുകയാണ്.

ഭൂകമ്പത്തിൽ വൻതോതിൽ ആളപായമുണ്ടാകാൻ സാധ്യതയുണ്ടെന്ന് യുഎസ് ജിയോളജിക്കൽ സർവേ മുന്നറിയിപ്പ് നൽകി. ഔദ്യോഗികമായി മരണസംഖ്യ സ്ഥിരീകരിച്ചിട്ടില്ലെങ്കിലും ദുരന്തത്തിൽ പതിനായിരക്കണക്കിന് ആളുകൾ മരണപ്പെട്ടിട്ടുണ്ടാകാമെന്നാണ് പ്രാഥമിക നിഗമനമെന്ന് റോയിട്ടേഴ്സ് റിപ്പോർട്ട് ചെയ്യുന്നു. മരണസംഖ്യ 10,000 മുതൽ ഒരു ലക്ഷം വരെ ഉയർന്നേക്കാമെന്നാണ് സൂചനയെങ്കിലും ദുരന്തത്തിന്റെ യഥാർത്ഥ വ്യാപ്തി വ്യക്തമാകാൻ സമയമെടുക്കുമെന്ന് അധികൃതർ അറിയിച്ചു. തകർന്ന കെട്ടിടങ്ങൾക്കിടയിൽ കുടുങ്ങിക്കിടക്കുന്നവർക്കായുള്ള രക്ഷാപ്രവർത്തനം അടിയന്തരമായി പുരോഗമിക്കുകയാണ്. തുടർചലനങ്ങൾക്ക് സാധ്യതയുള്ളതിനാൽ ജനങ്ങൾ അതീവ ജാഗ്രത പാലിക്കണമെന്ന് അടിയന്തര രക്ഷാസേന മുന്നറിയിപ്പ് നൽകിയിട്ടുണ്ട്.

]]> ഒരു കാരണവശാലും കൊടുക്കില്ലെന്ന് മുഖ്യൻ, മുന്നണിക്കകത്ത് തന്നെയുള്ള എംഎൽഎയാണ് താനെന്ന് ഓർമിപ്പിച്ച് റെജി ചെറിയാൻ https://www.sandhesam.com/CMs-reply-on-leave https://www.sandhesam.com/CMs-reply-on-leave Thu, 25 Jun 2026 16:52:15 +0530 Web Desk ആലപ്പുഴ: കുട്ടനാട്ടിലെ പ്രാദേശിക അവധി വിവാദത്തിൽ പ്രതികരിച്ച് കുട്ടനാട് എംഎൽഎ റെജി ചെറിയാൻ. മുഖ്യമന്ത്രി വിഡി സതീശന്‍റെ മറുപടി വിഷമം ഉണ്ടാക്കിയെന്നും മുഖ്യമന്ത്രിയോട് നേരിട്ട് ഇക്കാര്യം ചോദിക്കും, മുന്നണിയിലും വിഷയം ഉന്നയിക്കും, മുന്നണിക്കകത്ത് തന്നെയുള്ള എംഎൽഎയാണ് താൻ. മുഖ്യമന്ത്രി ഏത് സാഹചര്യത്തിലാണ് അങ്ങനെ പറഞ്ഞത് എന്ന് അറിയില്ല. അവധി നൽകുമെന്നാണ് പ്രതീക്ഷ എന്നും റെജി ചെറിയാൻ പറഞ്ഞു.

ചമ്പക്കുളം മൂലം വള്ളംകളി നടക്കുന്ന 29 തിങ്കളാഴ്ച പ്രാദേശിക അവധി വേണമെന്ന് റെജി ചെറിയാൻ സഭയിൽ ആവശ്യം ഉന്നയിച്ചിരുന്നു. പരിഗണിക്കാമെന്ന് മറുപടി നൽകിയ മുഖ്യമന്ത്രി, കസേരയിലിരുന്ന ശേഷം തൊട്ടടുത്തിരിക്കുന്ന കുഞ്ഞാലിക്കുട്ടിയോട് ഒരു കാരണവശാലും നൽകില്ല എന്ന് പറയുന്ന വീഡിയോ വലിയ രീതിയില്‍ പ്രചരിക്കുകയും പിന്നാലെ വിവാദമാവുകയും ചെയ്തിരുന്നു. ഇതിന് പിന്നാലെയാണ് റെജി ചെറിയാന്‍റെ പ്രതികരണം.

]]> പാസ്പോ‍ട്ട് പൗരത്വം തെളിയിക്കാനുള്ള രേഖയല്ല, യാത്രാരേഖ മാത്രമെന്ന് വിദേശകാര്യ മന്ത്രാലയം https://www.sandhesam.com/The-Modi-government-says-that-a-passport-is-not-proof-of-citizenship https://www.sandhesam.com/The-Modi-government-says-that-a-passport-is-not-proof-of-citizenship Thu, 25 Jun 2026 16:42:41 +0530 Web Desk ന്യൂഡൽഹി: ഇന്ത്യൻ പൗരന്മാർക്ക് നൽകുന്ന പാസ്പോർട്ട്, പൗരത്വം തെളിയിക്കാനുള്ള രേഖയല്ലെന്ന് വിദേശകാര്യമന്ത്രാലയം. അന്താരാഷ്ട്ര യാത്രകൾക്കായി സർക്കാർ നൽകുന്ന പ്രാഥമിക യാത്രാരേഖ മാത്രമാണ് ഇത്. വിദേശത്തുള്ളപ്പോൾ ഇന്ത്യയിൽ നിന്നുള്ളയാളാണെന്ന് തെളിയിക്കാനുള്ള രേഖയാണ് പാസ്പോർട്ട് എന്നും വിദേശകാര്യമന്ത്രാലയം പറഞ്ഞു. പാസ്പോർട്ട് സേവാ ദിനമായ ജൂൺ 24-നായിരുന്നു വിദേശകാര്യമന്ത്രാലയം ഇതുമായി ബന്ധപ്പെട്ട് വ്യക്തത വരുത്തിയത്.

ആഗോളതലത്തിൽ പാസ്പോർട്ടിന്റെ സ്വീകാര്യ വർധിപ്പിക്കുന്നതിനും തട്ടിപ്പ് തടയുന്നതിനുമായി ബയോമെട്രിക് വിവരങ്ങളുൾപ്പെടുത്തിക്കൊണ്ടുള്ള ചിപ്പ് അധിഷ്ടിത ഇ-പാസ്പോർട്ട് നടപടികൾ വിവരിക്കുന്നതിനിടെയായിരുന്നു വിദേശകാര്യ മന്ത്രാലയം ഇക്കാര്യം എടുത്തുപറഞ്ഞത്. 1967-ലെ പാസ്പോർട്ട് നിയമം പ്രാബല്യത്തിൽവന്നതിന്റെ സ്മരണയ്ക്കായാണ് ജൂൺ 24 പാസ്പോർട്ട് സേവാ ദിവസ് ആയി ആചരിച്ചുവരുന്നത്.

പാസ്പോർട്ട് സേവാ പരിപാടിയുടെ നവീകരണത്തിന്റെ ഭാഗമായി കഴിഞ്ഞവർഷം ചിപ്പ് അധിഷ്ഠിത രേഖകൾ പുറത്തിറക്കിയിരുന്നു. ഇതിനുശേഷം 14.7 ദശലക്ഷം ഇ പാസ്പോർട്ടുകൾ നൽകിയതായി അധികൃതർ അറിയിച്ചു. പുതുതായി നൽകിവരുന്ന എല്ലാ പാസ്പോർട്ടുകളും ചിപ്പ് അധിഷ്ടിത പാസ്പോർട്ടുകളാണ്. ആകെ പാസ്പോർട്ടിന്റെ 10 ശതമാനവും നിലവിൽ ചിപ്പ് അധിഷ്ടിത പാസ്പോർട്ട് ആണെന്നും അധികൃതർ അറിയിച്ചു.

വിവിധ സർക്കാർ ഏജൻസികളിൽനിന്ന് ലഭിക്കുന്ന രേഖകളുടെ അടിസ്ഥാനത്തിൽ, വളരെയധികം സൂക്ഷ്മതയോടെ, ഒരുപാട് പ്രക്രിയകൾക്കൊടുവിലാണ് ഒരു പാസ്പോർട്ട് നൽകുന്നതെന്ന് ഉദ്യോഗസ്ഥൻ പറഞ്ഞു. ഇ പാസ്പോർട്ടുകൾ ഉയർന്ന സുരക്ഷ ഉറപ്പുവരുത്തുന്നു. വ്യാജരേഖാ നിർമാണം ചിപ്പ് അധിഷ്ടിത പാസ്പോർട്ടിൽ നടക്കില്ല. വിമാനത്താവളത്തിലെ ഇമിഗ്രേഷൻ നടപടിക്രമങ്ങൾ വളരെ വേഗത്തിൽ സുഗമമായി നടപ്പിലാക്കാനാകുമെന്നും ഉദ്യോഗസ്ഥനെ ഉദ്ധരിച്ച് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു,

]]> തിരുവനന്തപുരം കോർപ്പറേഷൻ ഓഫീസിൽ സംഘർഷം; മേയർക്ക് കാലിന് പരുക്ക്, 16 പേർ ആശുപത്രിയിൽ https://www.sandhesam.com/scuffle-in-corporation-office https://www.sandhesam.com/scuffle-in-corporation-office Thu, 25 Jun 2026 16:15:50 +0530 Web Desk തിരുവനന്തപുരം: സത്യപ്രതിജ്ഞാ ചട്ടം ലംഘിച്ചുവെന്ന് ആരോപിച്ച് തിരുവനന്തപുരം മേയർക്കെതിരെ എൽ.ഡി.എഫ് നടത്തിയ ഓഫീസ് ഉപരോധം സംഘർഷത്തിൽ കലാശിച്ചു. മേയർ രാജിവെക്കണമെന്ന് ആവശ്യപ്പെട്ട് ഇടതുമുന്നണി പ്രവർത്തകർ ഓഫീസ് ഉപരോധിച്ചതോടെ നഗരസഭ യുദ്ധക്കളമായി മാറി. മേയർ ഓഫീസിലേക്ക് പ്രവേശിക്കാൻ ശ്രമിച്ചതിനെ തുടർന്നുണ്ടായ കടുത്ത ഉന്തിലും തള്ളിലും പെട്ട് മേയറും മുതിർന്ന നേതാവ് വഞ്ചിയൂർ ബാബുവും നിലത്തുവീണു. മേയറുടെ വരവോടെ നഗരസഭയ്ക്കുള്ളിലും പുറത്തും വലിയ തോതിലുള്ള അടിയും സംഘർഷവുമാണ് അരങ്ങേറിയത്.

16 കൗൺസിലർമാർ മെഡിക്കൽ കോളജിൽ ചികിത്സ തേടി. മേയർ വി.വി.രാജേഷും ഡെപ്യൂട്ടി മേയർ ആശാ നാഥും ഉൾപ്പടെയുള്ളവരാണ് ചികിത്സ തേടിയത്. മേയർക്ക് കാലിനാണ് പരുക്കേറ്റത്. തുടർന്ന് ഡോക്ടർമാർ എക്സ് റേ എടുക്കാൻ നിർദേശിച്ചു. തലയ്ക്ക് പരിക്കുപറ്റിയ സിപിഎം കൗൺസിലറെയും ആശുപത്രിയിൽ പ്രവേശിപ്പിച്ചു. കാട്ടായിക്കോണം കൗൺസിലർ സിന്ധു ശശിയെയാണ് മെഡിക്കൽ കോളേജിൽ പ്രവേശിപ്പിച്ചത്. കൗൺസിലറുടെ തലയിൽ നാല് സ്റ്റിച്ചുണ്ട്.

ജനാധിപത്യപരമായ സമരമാണ് നടന്നതെന്ന് കോർപറേഷനിലെ സിപിഎം പാർലമെന്ററി പാർട്ടി ലീഡർ എസ്.പി.ദീപക് പറഞ്ഞു. എന്നാൽ ബലം പ്രയോഗിച്ചുള്ള സമരം അംഗീകരിക്കില്ല എന്ന് മേയർ പറഞ്ഞു. അനാവശ്യ പ്രകോപനം സിപിഎം കൗൺസിലർമാരുടെ ഭാഗത്തുനിന്നുണ്ടായി. രാവിലെ മുതൽ മേയറെ കാണാൻ എത്തിയ ജനങ്ങളെ തടഞ്ഞു. ബി.ജെ.പി. വനിതാ കൗൺസിലർമാരെ ആക്രമിച്ചു. തനിക്ക് കാലിന് പരിക്കേറ്റുവെന്നും മേയർ വി.വി. രാജേഷ് പറഞ്ഞു.

]]> ബഹ്‌റൈന്‍ രാജാവിന്‌ പിന്തുണ; ഒപ്പുശേഖരണവുമായി കേരളീയ സമാജം https://www.sandhesam.com/baharain-keraleeya-samajam https://www.sandhesam.com/baharain-keraleeya-samajam Thu, 25 Jun 2026 14:41:53 +0530 Web Desk മനാമ: ബഹ്‌റൈന്‍ രാജാവ്‌ ഹമദ് ബിന്‍ ഈസ ബിന്‍ സല്‍മാന്‍ അല്‍ ഖലീഫയോടുള്ള പിന്തുണ പ്രകടിപ്പിച്ച് ബഹ്‌റൈന്‍ കേരളീയ സമാജം ഒപ്പുശേഖരണ പരിപാടി സംഘടിപ്പിച്ചു. സമാജം പ്രസിഡന്റ് പി വി രാധാകൃഷ-്‌ണപിള്ള, ജനറല്‍ സെക്രട്ടറി വര്‍ഗീസ് കാരക്കൽ എന്നിവർ നേതൃത്വം നൽകി. സമാജം അംഗങ്ങളും ഇന്ത്യന്‍ സമൂഹത്തിലെ പ്രതിനിധികളും പങ്കെടുത്തു. ഹമദ് രാജാവിന്റെ നേതൃത്വത്തില്‍ രാജ്യത്തിന് കൈവന്ന നേട്ടങ്ങളെയും സുരക്ഷിതമായ സാമൂഹിക അന്തരീക്ഷത്തെയും അഭിനന്ദിക്കാനായിരുന്നു പരിപാടി.

]]> ബ്രസീൽ നോക്കൌട്ടിൽ: വിനീഷ്യസിന് ഡബിൾ; കളത്തിലെത്തി നെയ്മർ https://www.sandhesam.com/Brazil-enters-knockout--Neymar-played https://www.sandhesam.com/Brazil-enters-knockout--Neymar-played Thu, 25 Jun 2026 14:37:09 +0530 Web Desk മയാമി: അവസാന ഗ്രൂപ്പ് മത്സരത്തിൽ സ്കോട്ട്ലൻഡിനെ എതിരില്ലാത്ത മൂന്ന് ​ഗോളിന് തകർത്ത് ബ്രസീൽ നോ​ക്കൗട്ടിലേക്ക് കുതിച്ചു. ഇരട്ട ​ഗോളുമായി തിളങ്ങിയ വിനീഷ്യസ് ജൂനിയറാണ് ടീമിന് അനായാസ വിജയമൊരുക്കിയത്. പരിക്ക്‌ മാറിയ സൂപ്പർതാരം നെയ്‌മർ 76-ാം മിനിറ്റിൽ ടീമിനായി കളത്തിലിറങ്ങി. മൂന്ന് വർഷത്തിന് ശേഷമാണ് നെയ്മർ ബ്രസീലിനായി കളത്തിലിറങ്ങുന്നത്.

ഗ്രൂപ്പ് സിയില്‍ ചാമ്പ്യന്മാർ ആരാകുമെന്ന നിർണായക മത്സരത്തിൽ ഏഴാം മിനിറ്റിൽ തന്നെ വിനീഷ്യസ് ​ഗോൾ നേടി. സ്കോട്ടിഷ് ഡിഫൻഡറുടെ പിഴവിൽ നിന്നായിരുന്നു ഗോൾ. ആദ്യ ഗോൾ വഴങ്ങിയതോടെ കൂടുതൽ ഒത്തിണക്കത്തോടെ മുൻ ചാമ്പ്യന്മാർ പന്തുതട്ടി. 22-ാം മിനിറ്റിൽ വിനീഷ്യസ് വീണ്ടും വലയിലെത്തിച്ചെങ്കിലും വാർ പരിശോധനയിൽ ​ഗോൾ നിഷേധിക്കപ്പെട്ടു. പിന്നാലെ ആദ്യ പകുതിയുടെ അധിക സമയത്ത് സൂപ്പർ ഹെഡറിലൂടെ വിനീഷ്യസ് ബ്രസീലിന്റെ ലീഡുയർത്തി. 60-ാം മിനിറ്റിൽ മതേവൂസ്‌ കുന്യയിലൂടെ ബ്രസീൽ മൂന്നാം ഗോൾ നേടി.

മൂന്ന് വർഷത്തിന് ശേഷം സൂപ്പർ താരം നെയ്‌മാർ 76 ാം മിനിറ്റിൽ പകരക്കാരനായി കളിക്കാനിറങ്ങി. 2023 ഒക്‌ടോബറിലാണ്‌ നെയ്‌മർ അവസാനമായി ദേശീയ കുപ്പായമിട്ടത്‌. ഉറുഗ്വേക്കെതിരായ മത്സരത്തിൽ പരിക്കേറ്റ്‌ പുറത്തുപോയ താരത്തിന് പിന്നീട് ദേശീയ കുപ്പായത്തിൽ കളിക്കാൻ അവസരം ലഭിച്ചിരുന്നില്ല.

]]> മദ്യനയം യുഡിഎഫിൽ ചർച്ചചെയ്ത് തീരുമാനിക്കുമെന്ന് സതീശൻ https://www.sandhesam.com/Budget-reply-by-CM https://www.sandhesam.com/Budget-reply-by-CM Wed, 24 Jun 2026 17:09:00 +0530 Web Desk തിരുവനന്തപുരം: വീര്യം കുറഞ്ഞ മദ്യത്തിന്റെ നികുതി കുറയ്ക്കാനുള്ള ബജറ്റ് നിർദ്ദേശത്തിൽ മുന്നണിക്കുള്ളിൽ ഭിന്നത രൂക്ഷമാകുന്നതിനിടെ നിലപാട് വ്യക്തമാക്കി മുഖ്യമന്ത്രി വി.ഡി. സതീശൻ. വീര്യം കുറഞ്ഞ മദ്യവിൽപ്പനയുമായി ബന്ധപ്പെട്ട വിഷയം യുഡിഎഫിൽ വിശദമായി ചർച്ച ചെയ്യുമെന്നും ഇതിനായി ഒരു പ്രത്യേക മുന്നണി സമിതിയെ നിയോഗിക്കുമെന്നും മുഖ്യമന്ത്രി അറിയിച്ചു. നിയമസഭയിൽ ബജറ്റ് ചർച്ചക്ക് മറുപടി പറയുകയായിരുന്നു അദ്ദേഹം. മദ്യവിൽപ്പന നടത്തണോ വേണ്ടയോ എന്ന് യുഡിഎഫ് സമിതി തീരുമാനിക്കും. മുന്നണി അനുമതി നൽകിയാൽ മാത്രം വിൽപ്പനയുമായി മുന്നോട്ടുപോകും, ഇല്ലെങ്കിൽ പദ്ധതി നടപ്പാക്കില്ലെന്നും മുഖ്യമന്ത്രി വ്യക്തമാക്കി.

വീര്യം കുറഞ്ഞ മദ്യത്തിന് അനുമതി നൽകിയത് എൽഡിഎഫ് സർക്കാരിന്റെ കാലത്താണ്. ഒന്നാം പിണറായി സർക്കാരിന്റെ കാലത്ത് ഇത്തരം ഒരു തീരുമാനം എടുക്കുകയും രണ്ടാം പിണറായി സർക്കാരിന്റെ കാലത്ത് അത് നടപ്പിലാക്കുകയുമായിരുന്നു. വീര്യംകുറഞ്ഞ മദ്യം വിപണിയിൽ ഇറക്കാനുള്ള ചർച്ചകൾ ആരംഭിച്ചത് എം.വി. ഗോവിന്ദൻ എക്സൈസ് വകുപ്പ് മന്ത്രിയായിരിക്കുന്ന കാലത്താണ്. അദ്ദേഹമാണ് ബക്കാർഡിയുമായുള്ള ചർച്ചയ്ക്ക് തുടക്കമിട്ടത്. എന്നാൽ, യുഡിഎഫ് സർക്കാർ അധികാരത്തിലെത്തിയതിന് ശേഷം ആദ്യം ചെയ്തത്, മുൻ സർക്കാർ ചെയ്തതിന്റെ ഭാഗമായുള്ള തുടർനടപടികളായിരുന്നുവെന്നും മുഖ്യമന്ത്രി പറഞ്ഞു.

‘ബക്കാർഡി കമ്പനിയുമായുള്ള ഇടപാടിന്റെ ഭാഗമായാണ് മുഖ്യമന്ത്രി ടാക്സ് ഏർപ്പെടുത്തിയതെന്നാണ് ആരോപണം. എന്നാൽ, എത്ര കിട്ടി എന്ന് ഞാൻ പറഞ്ഞു തരാം. വീര്യംകുറഞ്ഞ മദ്യം ഇറക്കാൻ തീരുമാനിച്ചത് എൽഡിഎഫ് സർക്കാരാണ്. ഞങ്ങളുടെ മുമ്പിൽ വീര്യം കുറഞ്ഞ മദ്യം ഉണ്ട്. ഞങ്ങൾ അതിന് 120, 175 എന്നിങ്ങനെ ടാക്സ് നിശ്ചയിച്ചു. മദ്യ നയം രാഷ്ട്രീയ തീരുമാനമാണ്. യുഡിഎഫിൽ എല്ലാവരുമായി ഞങ്ങൾ സംസാരിക്കും. ഞങ്ങൾ ഒരു ഡ്രാഫ്റ്റ് രൂപപ്പെടുത്തും. അത് എല്ലാ കക്ഷികളുമായി ചർച്ച നടത്തി തീരുമാനമെടുക്കും. വീര്യംകുറഞ്ഞ മദ്യം കേരളത്തിൽ വിൽക്കണമെന്ന് യുഡിഎഫ് പോളിസി വന്നാൽ ഇതായിരിക്കും ടാക്സ്. ഇനി അങ്ങനെ വേണ്ട എന്ന് യുഡിഎഫ് തീരുമാനിച്ചാൽ വീര്യം കുറഞ്ഞ മദ്യം കേരളത്തിൽ വിൽക്കില്ല. അത് രാഷ്ട്രീയ തീരുമാനമാണ്’, മുഖ്യമന്ത്രി പറഞ്ഞു. 

]]> ഡബിൾ അടിച്ച് സൂപ്പർ താരം ഹാളണ്ട്, സെനഗലിനെ തകർത്ത് നോർവേ ലോകകപ്പ് നോക്കൗട്ടിൽ (3–2) https://www.sandhesam.com/Norway-enters-knockout https://www.sandhesam.com/Norway-enters-knockout Tue, 23 Jun 2026 16:21:13 +0530 Web Desk ഫിഫ ലോകകപ്പിൽ രണ്ടാം വിജയവുമായി എർലിങ് ഹാളണ്ടിന്റെ നോർവേ നോക്കൗട്ടിൽ കടന്നു. സെനഗലിനെ 3–2 എന്ന സ്കോറിനാണ് നോര്‍വേ വീഴ്ത്തിയത്. വിജയത്തോടെ ആറു പോയിന്റുമായി നോർവേ നോക്കൗട്ട് ഉറപ്പിച്ചു. ഐ ഗ്രൂപ്പിൽ രണ്ടാം സ്ഥാനത്താണ് നോർവേ. ഒന്നാമതുള്ള ഫ്രാൻസിനും ആറു പോയിന്റാണെങ്കിലും ഗോൾ വ്യത്യാസത്തിൽ ഫ്രാൻസാണു മുന്നിൽ. 27ന് നടക്കുന്ന ഫ്രാൻസ്– നോർവേ മത്സരത്തിലെ വിജയികൾ ഗ്രൂപ്പ് ചാംപ്യൻമാരാകും.

രണ്ടു കളികളും തോറ്റ സെനഗലിന് പോയിന്റൊന്നുമില്ലെങ്കിലും അവർ ലോകകപ്പിൽനിന്നു പുറത്തായിട്ടില്ല. അടുത്ത മത്സരത്തിൽ ഇറാഖിനെ വലിയ മാർജിനിൽ തോൽപിച്ചാൽ മികച്ച എട്ടു മൂന്നാം സ്ഥാനക്കാരിൽ ഇടം പിടിച്ച് നോക്കൗട്ടിൽ കടക്കാൻ സെനഗലിനും അവസരം ലഭിക്കും. 48,58 മിനിറ്റുകളിൽ ഹാളണ്ട് നേടിയ ഇരട്ട ഗോളുകളാണ് നോർവേയ്ക്കു നിര്‍ണായക വിജയം നേടിക്കൊടുത്തത്. 43–ാം മിനിറ്റിൽ മാർകസ് ഹോംഗ്രെൻ പെഡഴ്സനും നോർവേയ്ക്കായി ലക്ഷ്യം കണ്ടു. 53, 90+3 മിനിറ്റുകളിൽ ഇസ്മായില സാറാണ് സെനഗലിന്റെ രണ്ടു ഗോളുകളും നേടിയത്.

ആദ്യ പകുതി അവസാനിക്കാൻ മിനിറ്റുകൾ ശേഷിക്കെയാണ് നോര്‍വെ മത്സരത്തിലെ ആദ്യ ഗോൾ നേടുന്നത്. പെനാൽറ്റി ഏരിയയ്ക്കു പുറത്തുനിന്നു പന്തു ലഭിച്ച മാർകസ് ഹോംഗ്രെൻ പെഡേഴ്സൻ ബോക്സിലേക്കു കടന്നുകയറി സെനഗൽ ബോക്സിലേക്ക് ലക്ഷ്യമിടുകയായിരുന്നു. പകരക്കാരനായിറങ്ങിയ താരത്തിന്റെ ആദ്യ രാജ്യാന്തര ഗോളാണിത്. ആദ്യ പകുതിയിൽ നോർവേ ഒരു ഗോളിനു മുന്നിൽനിന്ന ശേഷം സംഭവബഹുലമായിരുന്നു മത്സരത്തിന്റെ രണ്ടാം പകുതി. രണ്ടാം പകുതിയുടെ തുടക്കത്തിൽ തന്നെ നോർവേ സ്കോർ രണ്ടാക്കി ഉയർത്തി. മാർട്ടിൻ ഒഡെഗാർഡിന്റെ പാസിൽ സൂപ്പർ താരം എർലിങ് ഹാളണ്ട് ലക്ഷ്യം കണ്ടു.

]]> മദ്യനികുതിയിളവ് 'ബക്കാർഡി' കമ്പനിക്ക് വേണ്ടി: പിണറായി വിജയൻ;സഭാ ടിവിയിൽ നിന്നും പ്രസംഗം മാറ്റി https://www.sandhesam.com/Pinarayi-blasts-CM-on-soft-liquor-deal https://www.sandhesam.com/Pinarayi-blasts-CM-on-soft-liquor-deal Tue, 23 Jun 2026 16:03:02 +0530 Web Desk തിരുവനന്തപുരം: യുഡിഎഫ് സർക്കാർ ആദ്യ ബജറ്റിൽ മദ്യത്തിന് നികുതിയിളവ് വരുത്തിയത് സ്വകാര്യ മദ്യക്കമ്പനിയെ സഹായിക്കാനാണെന്ന് പ്രതിപക്ഷ നേതാവ് പിണറായി വിജയൻ നിയമസഭയിൽ പറഞ്ഞു. കേരളത്തിലാകെ മദ്യമൊഴുക്കുന്നതിന് വേണ്ടിയുള്ള നയത്തിന്റെ ഭാ​ഗമാണ് മദ്യത്തിന്റെ നികുതി കുറയ്ക്കുന്നത്. ഈ നികുതിയിളവ് സാധാരണക്കാർക്ക് വേണ്ടിയുള്ളതല്ലെന്നും, ഇതിന്റെ യഥാർഥ ഗുണഭോക്താവ് കർണാടക ആസ്ഥാനമായി പ്രവർത്തിക്കുന്ന ഒരു പ്രമുഖ സ്വകാര്യ മദ്യക്കമ്പനിയാണെന്നും അദ്ദേഹം കുറ്റപ്പെടുത്തി.

കർണാടകയിലെ മദ്യക്കമ്പനിയായ ബർക്കാഡിക്ക് ലാഭമുണ്ടാക്കാൻ വേണ്ടിയുള്ളതാണ് യുഡിഎഫ് സർക്കാരിന്റെ നികുതിയിളവിനുള്ള തീരുമാനമെന്ന് പിണറായി വിജയൻ സഭയിൽ പറഞ്ഞു. 'ബക്കാർഡി ഇന്ത്യ പ്രൈവറ്റ് ലിമിറ്റഡ്' എന്ന കമ്പനി 2023-ലാണ് നികുതി വകുപ്പിന് അപേക്ഷ നൽകുന്നത്. എന്നാൽ അന്നത്തെ സർക്കാർ ഇതിൽ തീരുമാനമെടുത്തിരുന്നില്ല. എന്നാൽ പുതിയ സർക്കാർ അധികാരത്തിൽ വന്ന മെയ് 21ന് വെറും ഏഴ് ഉദ്യോഗസ്ഥർ ചേർന്ന് ഈ ഫയൽ ശരവേഗത്തിൽ നോക്കി തീർപ്പാക്കുകയാണുണ്ടായത്. ഇത് വ്യക്തമായ അഴിമതിയാണെന്ന് പിണറായി വിജയൻ സഭയെ അറിയിച്ചു.

പുതിയ ബജറ്റിന്റെ ഷെഡ്യൂൾ അവതരിപ്പിച്ചപ്പോൾ അതിൽ ഫിനാൻസ് ബിൽ ഉണ്ടായിരുന്നില്ല. ബജറ്റ് തയാറാക്കുമ്പോൾ പുതിയ നികുതി നിർദേശങ്ങളെക്കുറിച്ച് യാതൊരു ആലോചനയും ഇല്ലായിരുന്നു എന്നാണ് ഇത് വ്യക്തമാക്കുന്നത്. എന്നാൽ പിന്നീട് സ്വകാര്യ മദ്യക്കമ്പനിക്ക് ലാഭം കൊയ്യാൻ വേണ്ടി ഈ നിർദേശം ബജറ്റിൽ തിരുകിക്കയറ്റുകയായിരുന്നു. "ഈ നീക്കം നമ്മുടെ യുവാക്കളെ ലഹരിയിലേക്ക് തള്ളിവിടാൻ മാത്രമേ ഉപകരിക്കൂ. ഇത് നടപ്പിലായാൽ ശീതളപാനീയം പോലെ നാട്ടിൽ മദ്യം സുലഭമാകും. ഇത് നമ്മുടെ നാടിന് ഗുരുതരമായ പ്രത്യാഘാതങ്ങൾ ഉണ്ടാക്കും, ഇത് അനുവദിക്കാൻ കഴിയില്ല." - പിണറായി വിജയൻ പറഞ്ഞു.

മദ്യത്തിന്റെ നികുതിയിളവ് സംബന്ധിച്ച അടിയന്തര പ്രമേയത്തിന് സ്പീക്കർ അനുമതി നിഷേധിച്ചതിനെ തുടർന്ന് പ്രതിപക്ഷം നിയമസഭയിൽ നിന്ന് ഇറങ്ങിപ്പോയി.

]]> നിയമസഭയിൽ സ്റ്റാലിനെയും ഉദയനിധിയെയും കടന്നാക്രമിച്ച് വിജയ് https://www.sandhesam.com/Chief-Minister-of-Tamil-Nadu-was-breathing-fire-in-the-Assembly https://www.sandhesam.com/Chief-Minister-of-Tamil-Nadu-was-breathing-fire-in-the-Assembly Tue, 23 Jun 2026 15:21:53 +0530 Web Desk ചെന്നൈ: തമിഴ്‌നാട് നിയമസഭയിൽ മുഖ്യമന്ത്രി വിജയ്‌യും പ്രതിപക്ഷമായ ഡിഎംകെയും തമ്മിൽ അത്യന്തം നാടകീയമായ വാഗ്വാദങ്ങൾ അരങ്ങേറി. മുൻ മുഖ്യമന്ത്രി എം.കെ. സ്റ്റാലിനെയും മകൻ ഉദയനിധി സ്റ്റാലിനെയും കടുത്ത ഭാഷയിൽ വിമർശിച്ച വിജയ്, കൊളത്തൂർ മണ്ഡലത്തിലെ സ്റ്റാലിന്റെ തോൽവി പരാമർശിച്ചാണ് പരിഹാസം തൊടുത്തുവിട്ടത്. മുൻ സർക്കാർ നടത്തിയ അഴിമതികൾ തന്റെ സർക്കാർ ആവർത്തിക്കില്ലെന്നും ജനങ്ങളുടെ പണം കൊള്ളയടിക്കുന്നവരെ വെറുതെ വിടില്ലെന്നും വിജയ് സഭയിൽ പറഞ്ഞു.

പ്രസംഗത്തിനിടെ ഡിഎംകെ അംഗങ്ങൾ പ്രതിഷേധവുമായി രംഗത്തെത്തിയതോടെ വിജയ് തന്റെ പ്രശസ്തമായ സിനിമാ സ്റ്റൈലിലേക്ക് മാറി. "ഒരു കുട്ടിക്കഥ സൊല്ലട്ടുമാ" എന്ന് സ്പീക്കറുടെ അനുമതിയോടെ ചോദിച്ച വിജയ്, ഒരു വൃദ്ധനും കുട്ടിയും തമ്മിലുള്ള സംഭാഷണത്തിലൂടെ സ്റ്റാലിനെയും ഉദയനിധിയെയും പേരെടുത്തു പറയാതെ പരിഹസിച്ചു.

സംസ്ഥാനത്തിന്റെ സാമ്പത്തിക മാനേജ്‌മെന്റിനെക്കുറിച്ച് പുറത്തിറക്കിയ ധവളപത്രത്തെ ആധാരമാക്കിയായിരുന്നു വിജയയുടെ അഴിമതി ആരോപണങ്ങൾ. ഡിഎംകെ ഭരണകാലത്ത് പദവികൾ പണത്തിന് വിൽക്കുകയായിരുന്നുവെന്നും എന്നാൽ തന്റെ സർക്കാർ പുതിയ തൊഴിലവസരങ്ങൾ സൃഷ്ടിക്കുകയാണ് ചെയ്യുന്നതെന്നും വിജയ് പറഞ്ഞു. ജനങ്ങളുടെ പണം കട്ടുമുടിച്ച മുൻ ഭരണാധികാരികളെ നിയമത്തിന് മുന്നിൽ കൊണ്ടുവരുമെന്നും അദ്ദേഹം മുന്നറിയിപ്പ് നൽകി.

സംസ്ഥാനത്തെ ക്രമസമാധാന നില തകർന്നുവെന്ന ഡിഎംകെയുടെ വിമർശനത്തിനും വിജയ് കൃത്യമായ മറുപടി നൽകി. വെറും 40 ദിവസം മാത്രം പ്രായമുള്ള ഒരു സർക്കാരിന് വർഷങ്ങളായി നിലനിൽക്കുന്ന ലഹരിവ്യാപനവും സ്ത്രീകൾക്കെതിരെയുള്ള അതിക്രമങ്ങളും എങ്ങനെ പെട്ടെന്ന് പരിഹരിക്കാൻ കഴിയുമെന്ന് അദ്ദേഹം ചോദിച്ചു. നിലവിലെ ക്രമസമാധാന പ്രശ്നങ്ങൾക്ക് കാരണം മുൻ ഭരണകൂടത്തിന്റെ വീഴ്ചകളാണെന്നും വിജയ് കുറ്റപ്പെടുത്തി.

തമിഴ്‌നാട് രാഷ്ട്രീയത്തിൽ തങ്ങൾ 2.0, 3.0 പതിപ്പുകളാണെന്ന് അവകാശപ്പെട്ടവരെ ജനങ്ങൾ വീട്ടിലിരുത്തിയെന്ന് വിജയ് പരിഹസിച്ചു. ഇത് വെറും 'അഭിനേതാക്കളുടെ ഭരണം' ആണെന്ന ഡിഎംകെയുടെ പരിഹാസത്തിന്, യഥാർത്ഥ ഭരണം എന്താണെന്ന് കാണാൻ പോകുന്നതേയുള്ളൂ എന്നാണ് അദ്ദേഹം മറുപടി നൽകിയത്. മുൻ സർക്കാർ ചെയ്തതുപോലെ പണം കട്ടു മുടിക്കാനല്ല താൻ വന്നതെന്നും അദ്ദേഹം വ്യക്തമാക്കി.

]]> കേന്ദ്രമന്ത്രി ജോർജ് കുര്യൻ രാജിവെച്ചു https://www.sandhesam.com/Central-minister-George-Kurian-resigns https://www.sandhesam.com/Central-minister-George-Kurian-resigns Tue, 23 Jun 2026 14:58:19 +0530 Web Desk ഡൽഹി: കേന്ദ്ര ന്യൂനപക്ഷ-ഫിഷറീസ്‌ സഹമന്ത്രി ജോർജ് കുര്യൻ രാജിവെച്ചു.  രാജ്യസഭയിലെ ആറ് വർഷത്തെ കാലാവധി അവസാനിച്ചതിനെ തുടർന്നാണ് രാജി. രാജ്യസഭയിലേക്ക് അദ്ദേഹത്തിന് വീണ്ടും ബിജെപി അവസരം നൽകിയിരുന്നില്ല. രാഷ്ട്രപതി ദ്രൗപദി മുർമു ജോർജ് കുര്യന്റെ രാജി സ്വീകരിച്ചതായി രാഷ്ട്രപതി ഭവൻ പ്രസ്താവനയിൽ അറിയിച്ചു.

കോട്ടയം സ്വദേശിയായ ജോർജ് കുര്യൻ 1980-ൽ ബിജെപി രൂപീകൃതമായതു മുതൽ പാർട്ടിയുടെ ഭാഗമായി പ്രവർത്തിച്ചുവരികയാണ്. ബിജെപിയുടെ സംസ്ഥാന ഘടകത്തിന്റെ വൈസ് പ്രസിഡന്റായി സേവനമനുഷ്ഠിച്ചിട്ടുണ്ട്. ബിജെപി സംസ്ഥാന ജനറൽ സെക്രട്ടറി, ഭാരതീയ യുവമോർച്ചയുടെ ദേശീയ സെക്രട്ടറി, പാർട്ടിയുടെ ദേശീയ നിർവാഹക സമിതി അംഗം എന്നീ പദവികളും അദ്ദേഹം വഹിച്ചിട്ടുണ്ട്.

കേരളത്തിലെ ഏറ്റവും പ്രമുഖ ക്രൈസ്തവ സഭകളിലൊന്നായ സീറോ മലബാർ കത്തോലിക്കാ സഭയിലെ അംഗമാണ് ജോർജ് കുര്യൻ. കേരളത്തിൽ ബിജെപിയുടെ സ്വാധീനം ശക്തിപ്പെടുന്ന സാഹചര്യത്തിൽ ക്രൈസ്തവ സമൂഹവുമായുള്ള ബന്ധം ദൃഢമാക്കുന്നതിനായുള്ള നീക്കത്തിന്റെ ഭാ​ഗമായാണ് അദ്ദേഹത്തെ 2004-ൽ കേന്ദ്രമന്ത്രി സഭയിൽ ഉൾപ്പെടുത്തിയിരുന്നത്. 

ചാനൽ ചർച്ചകളിലെ സ്ഥിരം സാന്നിധ്യമായിരുന്ന അദ്ദേഹം ഒരു അഭിഭാഷകൻ കൂടിയാണ്. പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും കേരളത്തിലെത്തുമ്പോൾ അവരുടെ പ്രസം​ഗങ്ങൾ മലയാളത്തിലേയ്ക്ക് പരിഭാഷപ്പെടുത്തിയിരുന്നത് ജോർജ് കുര്യനായിരുന്നു. 

2016-ലെ കേരള നിയമസഭാ തെരഞ്ഞെടുപ്പിൽ അന്നത്തെ മുഖ്യമന്ത്രിയും കോൺഗ്രസ് സ്ഥാനാർത്ഥിയുമായിരുന്ന ഉമ്മൻ ചാണ്ടിക്കെതിരെ പുതുപ്പള്ളി മണ്ഡലത്തിൽ ജോർജ് കുര്യൻ മത്സരിച്ചെങ്കിലും പരാജയപ്പെട്ടു. 1999 മുതൽ 2004 വരെയുള്ള വാജ്‌പേയി സർക്കാരിൽ മുതിർന്ന ബിജെപി നേതാവ് ഒ. രാജഗോപാൽ കേന്ദ്രമന്ത്രിയായിരുന്നപ്പോൾ അദ്ദേഹത്തിന്റെ ഓഫീസറായും (ഓഫീസർ ഓൺ സ്പെഷ്യൽ ഡ്യൂട്ടി) ജോർജ് കുര്യൻ സേവനമനുഷ്ഠിച്ചിരുന്നു.

]]> തെലുങ്ക് സിനിമയുടെ ഷൂട്ടിങ് തടസ്സപ്പെടുത്തി കാട്ടാന പടയപ്പ https://www.sandhesam.com/padayappa-disrupts-film-shooting https://www.sandhesam.com/padayappa-disrupts-film-shooting Mon, 22 Jun 2026 16:40:17 +0530 Web Desk തെലുങ്കു സിനിമയുടെ ഷൂട്ടിങ് ലൊക്കേഷനിലേക്ക് പടയപ്പയുടെ ‘മാസ് എ‍ൻട്രി’. കഴിഞ്ഞ ദിവസം ഉച്ചയ്ക്കാണ് കുണ്ടള ഗോൾഫ് ക്ലബ്ബിൽ, അജയ് ഭൂപതി സംവിധാനം ചെയ്യുന്ന ‘ശ്രീനിവാസ മാങ്കപുരം’ എന്ന സിനിമയുടെ ലൊക്കേഷനിലേക്ക് പടയപ്പ എന്ന കാട്ടാനയെത്തിയത്. തെലുങ്കു നടൻ ഘട്ടമനേനി ജയകൃഷ്ണയും നടി റാഷ തദാനിയും ചേർന്നുള്ള ഭാഗങ്ങൾ ഗോൾഫ് ക്ലബ്ബിന്റെ മുൻപിലുള്ള വിശാലമായ പുൽമേട്ടിൽ ചിത്രീകരിക്കുന്നതിനിടെയാണു പടയപ്പയുടെ വരവ്.

ആനയെ കണ്ടതോടെ ഭയന്ന് ഷൂട്ടിങ് നിർത്തിവച്ച് എല്ലാവരും ഗോൾഫ് ക്ലബ്ബിന്റെ അകത്തു കയറി രക്ഷപ്പെട്ടു. വിവരമറിഞ്ഞ് സ്ഥലത്തെത്തിയ വനം വകുപ്പ് ആർആർടി സംഘമാണ് പുൽമേട്ടിൽ മേഞ്ഞുനടന്ന ആനയെ ഓടിച്ചത്. ഒരാഴ്ചയായി കുണ്ടള, ചെണ്ടുവര, ചിറ്റുവര മേഖലകളിലാണ ് പടയപ്പയുടെ സാന്നിധ്യമുള്ളത്.

]]> 'മഹേശന്റെ ആത്മഹത്യയിൽ എസ്ഐടി വേണം, വെള്ളാപ്പള്ളി നിയമത്തെ വെല്ലുവിളിക്കുന്നു': വി.എം.സുധീരൻ https://www.sandhesam.com/Take-action-against-Vellappally%3A-V-M-Sudheeran https://www.sandhesam.com/Take-action-against-Vellappally%3A-V-M-Sudheeran Mon, 22 Jun 2026 16:28:14 +0530 Web Desk

തിരുവനന്തപുരം: ബജറ്റിലെ മദ്യവ്യാപനത്തിനും കരിമണല്‍ ഖനന വിഷയത്തിലെ എതിർപ്പിന് പിന്നാലെ കെ കെ മഹേശൻ്റെ ആത്മഹത്യ കേസിലും സതീശൻ സർക്കാരിനെതിരെ നിലപാട് കടുപ്പിച്ച് മുതിർന്ന കോൺഗ്രസ് നേതാവ് വി എം സുധീരൻ രംഗത്ത്. എസ് എൻ ഡി പി യോഗം മുൻ മൈക്രോഫിനാൻസ് കോർഡിനേറ്റർ മഹേശൻ്റെ ആത്മഹത്യയുമായി ബന്ധപ്പെട്ടുള്ള അന്വേഷണത്തിലെ പോരായ്മ തുറന്നുകാട്ടി സുധീരൻ മുഖ്യമന്ത്രിക്ക് വീണ്ടും കത്തയച്ചു. കഴിഞ്ഞ ജൂൺ ആറിന് വിഷയത്തിൽ മുഖ്യമന്ത്രിക്ക് പരാതി നൽകിയിട്ടും കാര്യമായ നടപടികളൊന്നും ഉണ്ടായിട്ടില്ലെന്ന് സുധീരൻ കത്തിൽ ചൂണ്ടിക്കാട്ടി. കേസ് അന്വേഷിക്കാൻ പ്രത്യേക അന്വേഷണ സംഘത്തെ (എസ് ഐ ടി) നിയോഗിക്കണമെന്ന് വ്യക്തമാക്കിയ സുധീരൻ, കത്തിന്റെ പകർപ്പ് ആഭ്യന്തര മന്ത്രി രമേശ് ചെന്നിത്തലയ്ക്കും കൈമാറിയിട്ടുണ്ട്. വെള്ളാപ്പള്ളി നടേശൻ നിയമസംവിധാനത്തെ പരസ്യമായി വെല്ലുവിളിക്കുകയാണെന്നും ഈ സാഹചര്യത്തിൽ ഭരണസംവിധാനം ഉണർന്നു പ്രവർത്തിക്കാൻ ഇനിയും വൈകരുതെന്നും സുധീരൻ കത്തിലൂടെ ശക്തമായി ആവശ്യപ്പെട്ടു.

]]> ‘AMMA ഇപ്പോഴും പാർക്കിങ്‌ ലോട്ടിലിരുന്ന് വഴക്കിടുന്നു; താത്പര്യം പരദൂഷണം, സുവർണാവസരം പാഴാക്കി’:മല്ലിക സുകുമാരൻ https://www.sandhesam.com/Mallika-sukumaran-resigns-from-AMMA https://www.sandhesam.com/Mallika-sukumaran-resigns-from-AMMA Mon, 22 Jun 2026 16:17:12 +0530 Web Desk താരസംഘടനയായ അമ്മയിലെ തർക്കങ്ങളിൽ പ്രതികരിച്ച് നടി മല്ലിക സുകുമാരൻ. സംഘടനയുടെ പ്രാഥമിക അംഗത്വത്തിൽനിന്ന് രാജിവെച്ചശേഷം സോഷ്യൽ മീഡിയയിൽ പങ്കുവെച്ച നീണ്ട കുറിപ്പിൽ അതിരൂക്ഷമായ വിമർശനമാണ് അവർ ഉന്നയിച്ചത്. മലയാള സിനിമയ്ക്ക് സർക്കാർ വ്യവസായ പദവി നൽകിയ സമയത്ത് ആ സുവർണാവസരം അമ്മ സംഘടന ഉപയോഗിച്ചില്ലെന്ന് അവർ കുറ്റപ്പെടുത്തി.

ഈ ബജറ്റ് നമുക്ക് എങ്ങനെ പ്രയോജനപ്പെടുത്താം എന്നത് ആവേണ്ടിയിരുന്നു കഴിഞ്ഞദിവസത്തെ സംഘടനാ ജനറൽ ബോഡിയുടെ അജണ്ട. എന്നാൽ, അതിനുപകരം യോഗം മാറിയത് മോശം പെരുമാറ്റങ്ങളെക്കുറിച്ചും വ്യക്തിപരമായ തർക്കങ്ങളെക്കുറിച്ചും, വ്യക്തികളുടെ പ്രതിച്ഛായയെക്കുറിച്ചുമുള്ള പരസ്യമായ പോരുകളിലേക്കാണ്.

സർക്കാരുമായി എങ്ങനെ പങ്കാളികളാകാം എന്നതിനെക്കുറിച്ച് അമ്മയുടെ ഭാഗത്തുനിന്ന് ഒരൊറ്റ നിർദ്ദേശം പോലും വന്നതുമില്ല. ഇവിടെ പ്രശ്നം തർക്കങ്ങളല്ല, മറിച്ച് മുൻഗണനകളാണ്. വലിയ താരങ്ങളുടെ ഭാഗത്തുനിന്നുള്ള മൗനം സ്വാധീനശക്തിയുടെ പാഴാക്കലാകും. മോഹൻലാലും മമ്മൂട്ടിയും സംസാരിക്കുമ്പോൾ സർക്കാർ അത് കേൾക്കും.
വ്യവസായ പദവി എന്നത് ഒരു ട്രോഫിയല്ല. അതൊരു ഉത്തരവാദിത്തമാണ്. ഭൂമിയും വായ്പകളും കൊണ്ട് മാത്രം സംസ്കാരം നന്നാകില്ല. അതിന് നേതൃത്വ ഗുണമുള്ളവർ തന്നെ വേണം. കേരളം സിനിമയ്ക്ക് ഫാക്ടറിയുടെ താക്കോൽ കൈമാറിക്കഴിഞ്ഞു. പക്ഷേ 'അമ്മ' ഇപ്പോഴും പാർക്കിങ്‌ ലോട്ടിലിരുന്ന് വഴക്കിടുകയാണെന്നും അവർ കുറ്റപ്പെടുത്തി.

മല്ലിക സുകുമാരന്റെ നീണ്ട കുറിപ്പ് ഇങ്ങനെ:

അമ്മയ്ക്ക് ലഭിച്ചത് ഒരു സുവർണ്ണാവസരമായിരുന്നു. എന്നാൽ അവർ തിരഞ്ഞെടുത്തത് വളർച്ചയല്ല, മറിച്ച് പരദൂഷണമാണ്.

കേരള സർക്കാർ ഇപ്പോൾ ചെയ്തത് മലയാള സിനിമ കഴിഞ്ഞ 75 വർഷമായി കാത്തിരുന്ന ഒന്നാണ്: 2026-27 ബജറ്റിൽ സിനിമയ്ക്ക് "വ്യവസായ പദവി" (Industry Status) നൽകി. കുറഞ്ഞ നിരക്കിൽ ഭൂമി, വ്യവസായ അധിഷ്ഠിത വൈദ്യുതി നിരക്ക്, കെ.എസ്.ഐ.ഡി.സി (KSIDC) വായ്പകൾ, ഉയർന്ന സബ്‌സിഡി + സ്ത്രീകൾ നയിക്കുന്ന ചിത്രങ്ങൾക്ക് അധിക ആനുകൂല്യങ്ങൾ, വി.എഫ്.എക്സ് (VFX) പാർക്കുകൾ. ഇതൊരു വെറും ആനുകൂല്യങ്ങളുടെ പട്ടികയല്ല. കേരളത്തെ ഒരു സമ്പൂർണ്ണ സിനിമാ ഹബ്ബാക്കി മാറ്റാനുള്ള ഒരു ബ്ലൂപ്രിന്റാണ് (രൂപരേഖ). 50,000 തൊഴിലവസരങ്ങളും 5,000 കോടി രൂപയുടെ നിക്ഷേപവുമാണ് ഇതിലൂടെ ലക്ഷ്യമിടുന്നത്.

കഴിഞ്ഞ ദിവസം മലയാളത്തിലെ ഏറ്റവും വലിയ താരസംഘടനയായ 'അമ്മ' (AMMA) യോഗം ചേർന്നു. യോഗത്തിന്റെ അജണ്ട ഇതായിരിക്കണമായിരുന്നു: "സ്റ്റുഡിയോകൾ നിർമ്മിക്കുന്നതിനും, വനിതാ സാങ്കേതിക പ്രവർത്തകർക്ക് പരിശീലനം നൽകുന്നതിനും, അന്യസംസ്ഥാനങ്ങളിലേക്കുള്ള ചിത്രീകരണം തടയുന്നതിനും ഈ ബജറ്റ് നമുക്ക് എങ്ങനെ പ്രയോജനപ്പെടുത്താം?"

എന്നാൽ, അതിനുപകരം യോഗം മാറിയത് മോശം പെരുമാറ്റങ്ങളെക്കുറിച്ചും, വ്യക്തിപരമായ തർക്കങ്ങളെക്കുറിച്ചും, വ്യക്തിപ്രതിച്ഛായയെക്കുറിച്ചുമുള്ള പരസ്യമായ പോരുകളിലേക്കാണ്... ഒരു കൃത്യമായ കർമ്മപദ്ധതി പോലുമുണ്ടായില്ല. സ്കിൽ സെന്ററുകളോ വി.എഫ്.എക്സ് പാർക്കോ സ്ഥാപിക്കുന്നതിന് സർക്കാരുമായി എങ്ങനെ പങ്കാളികളാകാം എന്നതിനെക്കുറിച്ച് അമ്മയുടെ ഭാഗത്തുനിന്ന് ഒരൊറ്റ നിർദ്ദേശം പോലും വന്നതുമില്ല. ഇവിടെ പ്രശ്നം തർക്കങ്ങളല്ല, മറിച്ച് മുൻഗണനകളാണ്.

]]> ‘സമരക്കാർക്കെതിരെ ചെളിവെള്ളം?’; നിയമസഭയിൽ വെള്ളക്കുപ്പിയുമായി പിണറായി https://www.sandhesam.com/AIYF---AISF-PROTEST-MARCH-ON-PMSHRI https://www.sandhesam.com/AIYF---AISF-PROTEST-MARCH-ON-PMSHRI Mon, 22 Jun 2026 16:07:58 +0530 Web Desk തിരുവനന്തപുരം: പിഎം ശ്രീ കരാറിൽനിന്ന് സർക്കാർ പിന്മാറണമെന്ന് ആവശ്യപ്പെട്ട് എവൈഎഫും എഐഎസ്എഫും നിയമസഭയിലേക്ക് നടത്തിയ മാർച്ചിൽ പോലീസ് പ്രയോഗിച്ച ജലപീരങ്കിയെച്ചൊല്ലി സഭയിൽ ഭരണ-പ്രതിപക്ഷ പോര്. പ്രതിഷേധക്കാർക്ക് നേരെ പോലീസ് ഉപയോഗിച്ചത് വിഷലിപ്തമായ മലിനജലമാണെന്നാരോപിച്ച് പ്രതിപക്ഷ നേതാവ് പിണറായി വിജയൻ നിയമസഭയിൽ കുപ്പിവെള്ളവുമായി എത്തി. അമീബിക് മസ്തിഷ്ക ജ്വരം പകർത്താൻ സാധ്യതയുള്ള അത്യന്തം അപകടകരമായ മലിനജലമാണ് സമരക്കാർക്ക് നേരെ പ്രയോഗിച്ചതെന്ന് അദ്ദേഹം ആരോപിച്ചു. 

ജലപീരങ്കി പ്രയോഗം ഇതാദ്യമായല്ലെന്നും ഇതിലെന്തെങ്കിലും പഴയകാലത്തെ അഴുക്കാണോ എന്ന് അറിയില്ലെന്നും ആഭ്യന്തര മന്ത്രി രമേശ് ചെന്നിത്തല മറുപടി നൽകി. വാട്ടർ അതോറിറ്റിയിൽനിന്നുള്ള വെള്ളമാണ് ജലപീരങ്കിയിൽ നിറയ്ക്കുന്നതെന്നും മന്ത്രി വിശദീകരിച്ചു. എങ്കിലും, വെള്ളത്തിന്റെ ഗുണനിലവാരം പരിശോധിക്കുന്നതിനായി സാമ്പിൾ ലാബിലേക്ക് അയക്കാമെന്ന് അദ്ദേഹം ഉറപ്പുനൽകി. ലാബ് പരിശോധനാഫലം വന്നതിനുശേഷം വിഷയം കൂടുതൽ ചർച്ചചെയ്യാമെന്ന് സ്പീക്കറും വ്യക്തമാക്കി.

തിങ്കളാഴ്ച ചന്ദ്രശേഖർനായർ സ്റ്റേഡിയത്തിന് സമീപം പ്രതിഷേധത്തിനിടെ ബാരിക്കേഡ് മറികടക്കാൻ ശ്രമിച്ച പ്രവർത്തകർക്ക് നേരെ മൂന്ന് തവണയാണ് പോലീസ് ജലപീരങ്കി പ്രയോഗിച്ചത്. ആദ്യം കട്ടചെളിയും പിന്നീട് മഞ്ഞ നിറത്തിലുള്ള കലക്കവെള്ളവുമാണ് ടാങ്കിൽനിന്ന് ചീറ്റിയതെന്ന് പ്രതിഷേധക്കാർ പരാതിപ്പെട്ടിരുന്നു.

സെപ്റ്റിക് ടാങ്കിലെ വെള്ളമാണോ പോലീസ് കൊണ്ടുവന്നതെന്ന് സംശയമുണ്ടെന്നും പ്രയോഗത്തിന് ശേഷം പ്രവർത്തകർക്ക് ശരീരമാകെ ചൊറിച്ചിൽ അനുഭവപ്പെട്ടതായും നേതാക്കൾ പറഞ്ഞു. ടാങ്കിൽ കാലങ്ങളായുള്ള തുരുമ്പ് കലർന്നതാണ് വെള്ളം നിറം മാറാൻ കാരണമെന്നാണ് പോലീസിന്റെ വിശദീകരണം.

]]> ബ്രിട്ടീഷ് പ്രധാനമന്ത്രി കെയ്ർ സ്റ്റാർമർ രാജിവെച്ചു https://www.sandhesam.com/British-PM-keir-Starmer-resigns https://www.sandhesam.com/British-PM-keir-Starmer-resigns Mon, 22 Jun 2026 15:55:20 +0530 Web Desk ലണ്ടൻ: ബ്രിട്ടീഷ് പ്രധാനമന്ത്രി സ്ഥാനത്തുനിന്ന് കെയ്ർ സ്റ്റാർമർ രാജിവെച്ചു. ലേബർ പാർട്ടി ലീഡർ സ്ഥാനവും ഒഴിയുകയാണെന്ന് സ്റ്റാർമർ അറിയിച്ചു. പാർട്ടിക്കുള്ളിലെ ഭിന്നതയും ആഭ്യന്തര സംഘർഷവുമാണ് സ്റ്റാർമറുടെ രാജിയിലേക്ക് നയിച്ചത്.

ഇന്ന് രാവിലെയാണ് പ്രധാനമന്ത്രി സ്ഥാനമൊഴിയുന്നതായി സ്റ്റാർമർ ബ്രിട്ടൺ രാജാവിനെ അറിയിച്ചത്. അടുത്ത പ്രധാനമന്ത്രി ആരായാലും തന്റെ പരിപൂർണ പിന്തുണ അദ്ദേഹത്തിന് നൽകുമെന്ന് സ്റ്റാർമർ പ്രഖ്യാപിച്ചു. കഴിഞ്ഞ ആറ് വർഷക്കാലമായി തന്നെ പിന്തുണച്ച് ഒപ്പം നിന്നിരുന്ന എല്ലാവരോടും നന്ദി അറിയിക്കുന്നതായും അദ്ദേഹം പ്രതികരിച്ചു. പുതിയ പ്രധാനമന്ത്രി സ്ഥാനത്തേക്കുള്ള നാമനിർദേശങ്ങൾ ക്ഷണിക്കാൻ ലേബർ പാർട്ടി എക്‌സിക്യൂട്ടീവ് കമ്മിറ്റിയോട് അദ്ദേഹം നിർദേശിച്ചിട്ടുണ്ട്. സെപ്തംബറിനുള്ളിൽ അതുമായി ബന്ധപ്പെട്ട നടപടിക്രമങ്ങൾ പൂർത്തിയാക്കാനാണ് ആവശ്യപ്പെട്ടിരിക്കുന്നത്. അതുവരെ ഇടക്കാല പ്രധാനമന്ത്രിയായി സ്റ്റാർമർതന്നെ തുടരും.

2024 ജൂലൈ അഞ്ചിനാണ് ബ്രിട്ടന്റെ പ്രധാനമന്ത്രിയായി സ്റ്റാർമർ തിരഞ്ഞെടുക്കപ്പെട്ടത്. അന്ന് ചരിത്ര ഭൂരിപക്ഷത്തോടെയാണ് സ്റ്റാർമറും ലേബർ പാർട്ടിയും അധികാരത്തിലേറിയത്. എന്നാൽ, അധികം വൈകാതെതന്നെ വിവിധ വിവാദങ്ങളും പ്രതിഷേധങ്ങളും അദ്ദേഹത്തെ ചുറ്റിപ്പറ്റി ആരംഭിച്ചു. ജനങ്ങളുടെ ജീവിതനിലവാരം ഉയർത്തുമെന്ന തിരഞ്ഞെടുപ്പ് വാഗ്ദാനം പാലിക്കാൻ സർക്കാരിന് സാധിച്ചില്ലെന്ന പ്രചാരണം സ്റ്റാർമറുടെ പ്രധാനമന്ത്രിപദത്തെ സമ്മർദ്ദത്തിലാക്കിയിരുന്നു.

പാർട്ടിക്കുള്ളിൽത്തന്നെ ഒരുവിഭാഗം സ്റ്റാർമർക്കെതിരേ നിലകൊണ്ടിരുന്നു. ലേബർ പാർട്ടിയുടെ ആകെ എംപിമാരിൽ നാലിലൊന്നോളംവരുന്ന നൂറിലധികം ജനപ്രതിനിധികൾ സ്റ്റാർമർ പദവി ഒഴിയണമെന്ന് ആവശ്യപ്പെട്ട് രംഗത്തെത്തി. ഇതോടെ കാബിനറ്റ് മന്ത്രിമാർ, ഉപദേശകർ, പാർട്ടി ഫണ്ട് നൽകുന്നവർ, ട്രേഡ് യൂണിയൻ നേതാക്കൾ എന്നിവരുമായി നടത്തിയ ചർച്ചകൾക്ക് ശേഷമാണ് രാജിയല്ലാതെ മറ്റു വഴികളില്ലെന്ന തീരുമാനത്തിലേക്ക് സ്റ്റാർമർ എത്തിയതെന്നാണ് അന്താരാഷ്ട്ര മാധ്യമമായ ‘ദി ഒബ്‌സർവർ' റിപ്പോർട്ട് ചെയ്തത്.

]]> സ്പെയിനിന് പിന്നാലെ യുറഗ്വായ്‌യെയും സമനിലയിൽ തളച്ച് കേപ് വെർദെ https://www.sandhesam.com/Cape-Verde-shockingly-ties-Uruguay-for-second-straight-draw https://www.sandhesam.com/Cape-Verde-shockingly-ties-Uruguay-for-second-straight-draw Mon, 22 Jun 2026 06:59:53 +0530 Web Desk കാലിഫോർണിയ: ആദ്യം സ്പെയിൻ...പിന്നാലെ യുറഗ്വായ്...വമ്പന്മാരെ സമനിലയിൽ തളച്ച് കേപ് വെർദെ ചരിത്രമെഴുതുന്നു. സ്പെയിനിനെതിരേ ആദ്യ ലോകകപ്പ് പോയന്റാണെങ്കിൽ ഇക്കുറി ആദ്യ ലോകകപ്പ് ഗോൾ. ഒന്നിൽ നിർത്തിയില്ല, യുറഗ്വായ് വലയിൽ രണ്ടുതവണ പതിച്ചു. അതോടെ ലോകകപ്പിൽ ഞെട്ടിച്ച് തുടങ്ങി കേപ് വെർദെ. ഇരുടീമുകളും രണ്ട് ഗോൾവീതമടിച്ച് സമനിലയിൽ പിരിഞ്ഞു.

മത്സരത്തിൽ മികച്ച മുന്നേറ്റങ്ങളുമായി യുറഗ്വായ്‌യെ വിറപ്പിച്ചാണ് കേപ് വെർദെ തുടങ്ങിയത്. കൗണ്ടർ അറ്റാക്കുകളിൽ യുറഗ്വായ് പ്രതിരോധം പതറുന്ന കാഴ്ചയും കണ്ടു. 21-ാം മിനിറ്റിൽ യുറഗ്വായ്‌യെ ഞെട്ടിച്ച് കേപ് വെർദെ ലീഡെടുത്തു. ഫ്രീകിക്ക് മികച്ച ഷോട്ടിലൂടെ ലക്ഷ്യത്തിലെത്തിച്ച് കെവിൻ പീന ടീമിന് ചരിത്രഗോൾ സമ്മാനിച്ചു. കേപ് വെർദെയുടെ ആദ്യ ലോകകപ്പ് ഗോൾ. നേരത്തേ സ്‌പെയിനിനെതിരായ മത്സരം സമനിലയിലായതോടെ ലോകകപ്പിലെ ആദ്യ പോയന്റ് കേപ് വെർദെ സ്വന്തമാക്കിയിരുന്നു.

മത്സരത്തിൽ പക്ഷേ യുറഗ്വായ് തിരിച്ചുവന്ന് ലീഡെടുത്തു. മാക്‌സി അരാഹോ 44-ാം മിനിറ്റിൽ സമനില ഗോൾ നേടി. ഇടതുവിങ്ങിൽ നിന്നുവന്ന ക്രോസ് ഹെഡറിലൂടെ പോസ്റ്റിൽ തട്ടിത്തെറിച്ചു. അത് അരാഹോ അനായാസം വലയിലാക്കി. പിന്നാലെ ആദ്യപകുതിയുടെ ഇഞ്ചുറി ടൈമിൽ അഗസ്റ്റിൻ കനോബിയോയും ഗോളടിച്ചതോടെ യുറഗ്വായ് ആദ്യ പകുതിയിൽ മുന്നിട്ടുനിന്നു.

രണ്ടാം പകുതിയിലും വിട്ടുകൊടുക്കാതെ പോരാടുന്ന കേപ് വെർദെ സംഘത്തെയാണ് കണ്ടത്. കേപ് വെർദെയുടെ മുന്നേറ്റനിര പലകുറി യുറഗ്വായ് ഗോൾമുഖം വിറപ്പിച്ചു. മുൻ ചാമ്പ്യന്മാർ പ്രതിരോധിക്കാൻ ബുദ്ധിമുട്ടി. പകരക്കാരെ കളത്തിലിറക്കി കേപ് വെർദെ ഉണർന്നുകളിച്ചു. അതിന് പിന്നാലെ കേപ് വെർദെ രണ്ടാം ഗോളുമടിച്ചു. യുറഗ്വായ് പ്രതിരോധത്തിന്റെ പിഴവിൽ നിന്നാണ് ഗോൾ പിറന്നത്. യുറഗ്വായ് പ്രതിരോധതാരത്തിന്റെ പാസ് ലക്ഷ്യം തെറ്റി. ഓടിവന്ന ഗോൾകീപ്പർക്ക് പന്ത് കിട്ടുംമുൻപ് തന്നെ കേപ് വെർദെയുടെ ഹെലിയോ വരേല പോസ്റ്റിലേക്ക് ഷോട്ടുതിർത്തു. തുറന്ന ഗോൾവലയിലേക്ക് പതിച്ചതോടെ കേപ് വെർദെ സമനിലപിടിച്ചു. സ്കോർ 2-2.

പിന്നീട് യുറഗ്വായ് ടീമിന്റെ ആക്രമണങ്ങളായിരുന്നു മൈതാനത്ത് കണ്ടത്. യുറഗ്വായ്‌യുടെ മുന്നേറ്റങ്ങളിൽ കേപ് വെർദെ പ്രതിരോധം ആടിയുലഞ്ഞു. ബ്രയാൻ റോഡ്രിഗസും ബന്റൻകറും ഗോളിനടുത്തെത്തി. അതിനിടെ വലകുലുക്കിയെങ്കിലും ഓഫ്സൈഡായത് തിരിച്ചടിയായി. പിന്നീട് യുറഗ്വായ് നീക്കങ്ങളെ കൃത്യമായി പ്രതിരോധിച്ചു. മറുവശത്ത് കേപ് വെർദെ കൗണ്ടർ അറ്റാക്ക് ഗോളിനടുത്തെത്തിയെങ്കിലും ലക്ഷ്യത്തിലെത്തിയില്ല. അതോടെ മത്സരം സമനിലയിൽ അവസാനിച്ചു.

]]> ബെൽജിയത്തെ സമനിലയിൽ തളച്ച് ഇറാൻ https://www.sandhesam.com/%E0%B4%AC%E0%B5%86%E0%B5%BD%E0%B4%9C%E0%B4%BF%E0%B4%AF%E0%B4%A4%E0%B5%8D%E0%B4%A4%E0%B5%86-%E0%B4%B8%E0%B4%AE%E0%B4%A8%E0%B4%BF%E0%B4%B2%E0%B4%AF%E0%B4%BF%E0%B5%BD-%E0%B4%A4%E0%B4%B3%E0%B4%9A%E0%B5%8D%E0%B4%9A%E0%B5%8D-%E0%B4%87%E0%B4%B1%E0%B4%BE%E0%B5%BB https://www.sandhesam.com/%E0%B4%AC%E0%B5%86%E0%B5%BD%E0%B4%9C%E0%B4%BF%E0%B4%AF%E0%B4%A4%E0%B5%8D%E0%B4%A4%E0%B5%86-%E0%B4%B8%E0%B4%AE%E0%B4%A8%E0%B4%BF%E0%B4%B2%E0%B4%AF%E0%B4%BF%E0%B5%BD-%E0%B4%A4%E0%B4%B3%E0%B4%9A%E0%B5%8D%E0%B4%9A%E0%B5%8D-%E0%B4%87%E0%B4%B1%E0%B4%BE%E0%B5%BB Mon, 22 Jun 2026 06:29:11 +0530 Web Desk കാലിഫോർണിയ: തുടരെത്തുടരെ ആക്രമണപ്രത്യാക്രമണങ്ങൾ കണ്ട മത്സരം...67-ാം മിനിറ്റിൽ ബെൽജിയം താരത്തിന് ലഭിച്ച ചുവപ്പ് കാർഡ്. ആവേശം നിറഞ്ഞുനിന്ന മത്സരത്തിൽ പക്ഷേ ഗോൾ മാത്രം അകന്നുനിന്നു. ഗ്രൂപ്പ് ജിയിലെ മത്സരത്തിൽ ഇറാനും ബെൽജിയവും സമനിലയിൽ പിരിഞ്ഞു. 90 മിനിറ്റും ഇരുടീമുകളും പോരടിച്ചെങ്കിലും ആർക്കും വലകുലുക്കാനാവാതെ വന്നതോടെ ഗോൾരഹിത സമനിലയിൽ അവസാനിക്കുകയായിരുന്നു. ഇരുടീമുകളുടെയും രണ്ടാം സമനിലയാണിത്.

മത്സരം ആരംഭിച്ചതുമുതൽ ഗോൾ ലക്ഷ്യമിട്ട് ബെൽജിയം ആക്രമണമായിരുന്നു. ഒന്നിന് പിറകേ ഒന്നായി ബെൽജിയത്തിന്റെ മുന്നേറ്റനിര ഇറാൻ ഗോൾമുഖത്ത് ഇരച്ചെത്തി. റൊമേലു ലുക്കാക്കുവും കെവിൻ ഡിബ്രുയിനും ലിയാൻഡ്രോ ട്രൊസ്സാർഡും ഇറാൻ പ്രതിരോധത്തെ വിറപ്പിച്ചു. ആദ്യ 20 മിനിറ്റിനുള്ളിൽ തന്നെ ഒട്ടേറെ അവസരങ്ങളാണ് ഇവർ സൃഷ്ടിച്ചത്. പലപ്പോഴും ഗോളിനടുത്തെത്തി. എന്നാൽ ഇറാൻ പ്രതിരോധത്തെ മറികടക്കാനായില്ല. കിട്ടിയ അവസരങ്ങളിൽ ഇറാനും മുന്നേറി. 26-ാം മിനിറ്റിൽ ലഭിച്ച ഫ്രീകിക്കിൽ നിന്ന് തന്ത്രപരമായി ഇറാൻ വലകുലുക്കി. ഇറാൻ താരങ്ങൾ ഗോളാഘോഷവും നടത്തി. എന്നാൽ വാർ പരിശോധനയിൽ ഓഫ്‌സൈഡാണെന്ന് തെളിഞ്ഞതോടെ ഗോൾ നിഷേധിച്ചു.

]]> തമിഴ്‌നാട്ടിൽ സീഫുഡ് ഫാക്ടറിയിൽ വാതകച്ചോർച്ച: തൊഴിലാളികളായ ഏഴു സ്ത്രീകൾക്ക് ദാരുണാന്ത്യം; നിരവധി പേർ ഗുരുതരാവസ്ഥയിൽ https://www.sandhesam.com/Gas-leakage-in-sea-food-factory--7-dies https://www.sandhesam.com/Gas-leakage-in-sea-food-factory--7-dies Mon, 22 Jun 2026 05:53:21 +0530 Web Desk ചെന്നൈ: തമിഴ്‌നാട്ടിലെ തിരുവള്ളൂർ ജില്ലയിൽ സ്വകാര്യ സമുദ്രോത്പന്ന (സീഫുഡ്) കയറ്റുമതി സ്ഥാപനത്തിലുണ്ടായ അമോണിയ വാതകച്ചോർച്ചയെത്തുടർന്ന് ഏഴ് ഇതരസംസ്ഥാന വനിതാ തൊഴിലാളികൾക്ക് ദാരുണാന്ത്യം. അപകടത്തിൽ അറുപതിലധികം തൊഴിലാളികളെ വിവിധ ആശുപത്രികളിൽ പ്രവേശിപ്പിച്ചതായി ഉദ്യോഗസ്ഥരും പൊലീസ് വൃത്തങ്ങളും അറിയിച്ചു.

ഞായറാഴ്ച പെരിയപാളയത്തിനടുത്തുള്ള സെന്റ് പീറ്റേഴ്സ് പോൾ സീഫുഡ്സ് എക്സ്പോർട്ട്സ് എന്ന സ്ഥാപനത്തിലാണ് അപകടമുണ്ടായത്. അസം, ഒഡീഷ, ഝാർഖണ്ഡ് എന്നിവിടങ്ങളിൽ നിന്നുള്ള നൂറ്റിയിരുപതോളം ഇതരസംസ്ഥാന തൊഴിലാളികൾ ഫാക്ടറി സമുച്ചയത്തിനുള്ളിൽ തന്നെയുള്ള കെട്ടിടങ്ങളിലാണ് താമസിച്ചിരുന്നത്. ഞായറാഴ്ച അവധിയാതിനാൽ ഭൂരിഭാഗം തൊഴിലാളികളും താമസസ്ഥലത്തുണ്ടായിരുന്ന സമയത്താണ് വാതകച്ചോർച്ചയുണ്ടായത്.  

ഫാക്ടറിയുടെ പ്രോസസിംഗ് യൂണിറ്റിൽ നിന്ന് ചോർന്ന അമോണിയ അതിവേഗം തൊഴിലാളികളുടെ താമസസ്ഥലത്തേക്ക് വ്യാപിക്കുകയായിരുന്നു. വാതകം ശ്വസിച്ച പലർക്കും ശ്വാസതടസ്സം അനുഭവപ്പെടുകയും ചിലരുടെ മൂക്കിൽ നിന്നും വായിൽ നിന്നും രക്തസ്രാവം ഉണ്ടാവുകയും ചെയ്തു. അസ്വസ്ഥതകൾ അനുഭവപ്പെട്ട 67 തൊഴിലാളികളെ ഉടൻ തന്നെ സമീപത്തെ പ്രാദേശിക മെഡിക്കൽ സെന്ററുകളിലേക്ക് മാറ്റിയതായി തിരുവള്ളൂർ ജില്ലാ കളക്ടർ എസ്. കവിത അറിയിച്ചു. 

]]> ലോകമുറ്റുനോക്കിയ അമേരിക്ക ഇറാൻ സമാധാനക്കരാർ ചർച്ചകളുടെ ആദ്യഘട്ടം സ്വിറ്റ്സർലൻഡിൽ പൂർത്തിയായി https://www.sandhesam.com/US---Iran-peace-talks-conclude-in-Switserland https://www.sandhesam.com/US---Iran-peace-talks-conclude-in-Switserland Mon, 22 Jun 2026 05:45:26 +0530 Web Desk ബേൺ∙ പശ്ചിമേഷ്യയിൽ മാസങ്ങൾ നീണ്ട സംഘർഷങ്ങൾ അവസാനിപ്പിക്കുന്നതിനും തന്ത്രപ്രധാനമായ ഹോർമുസ് കടലിടുക്ക് വീണ്ടും തുറക്കുന്നതിനുമായി ഒപ്പുവച്ച ധാരണാപത്രത്തിന്റെ അടിസ്ഥാനത്തിൽ യുഎസും ഇറാനും തമ്മിലുള്ള ആദ്യ റൗണ്ട് ചർച്ചകൾ സ്വിറ്റ്സർലൻഡിൽ പൂർത്തിയായി. ഇതിനിടെ ഇരുരാജ്യങ്ങളും തമ്മിൽ വാക്പോരും രൂക്ഷമാവുകയാണ്. ലബനനിലെ ഇറാൻ പിന്തുണയുള്ള ഗ്രൂപ്പുകളെ നിയന്ത്രിക്കണമെന്നും ഇസ്രയേലിനെതിരായ ആക്രമണങ്ങൾ നിർത്തണമെന്നുമുള്ള മുന്നറിയിപ്പുമായി യുഎസ് പ്രസിഡൻ്റ് ഡോണൾഡ് ട്രംപ് രംഗത്തെത്തി. ഹിസ്ബുല്ലയെ പരോക്ഷമായി സൂചിപ്പിച്ചുകൊണ്ടായിരുന്നു ട്രംപിൻ്റെ പരാമർശം. ഇവരെ നിയന്ത്രിച്ചില്ലെങ്കിൽ കഴിഞ്ഞ ആഴ്ചത്തേതിനേക്കാൾ ശക്തമായ ആക്രമണം നേരിടേണ്ടിവരുമെന്നും ട്രംപ് മുന്നറിയിപ്പ് നൽകി.ഇതിൽ പ്രതിഷേധിച്ച് ഇറാൻ സംഘം ചർച്ചാവേദിയിൽ നിന്ന് തുടക്കത്തിൽ ഇറങ്ങി പോക്ക് നടത്തി.ലബനനിൽ ഇസ്രയേൽ നടത്തുന്ന ആക്രമണങ്ങൾ അവസാനിക്കുന്നതിനെ ആശ്രയിച്ചായിരിക്കും ചർച്ചയുടെ ഗതിയെന്ന് ഇറാനിയൻ പ്രതിനിധി സംഘം അറിയിച്ചതായും റിപ്പോർട്ടുകളുണ്ട്.

ചർച്ചകളിൽ അമേരിക്കയെ പ്രതിനിധീകരിച്ച് വൈസ് പ്രസിഡൻ്റ് ജെ.ഡി. വാൻസ് പങ്കെടുത്തു.ഇറാൻ പ്രതിനിധി സംഘത്തിൽ പാർലമെന്റ് സ്പീക്കർ മുഹമ്മദ് ബാഗെർ ഘാലിബാഫ്, വിദേശകാര്യമന്ത്രി അബ്ബാസ് അരഗ്ചി എന്നിവരാണ് ഉണ്ടായിരുന്നത്. ഖത്തർ, പാകിസ്ഥാൻ എന്നീ രാജ്യങ്ങളുടെ ഭരണകൂട പ്രതിനിധികളും മധ്യസ്ഥതയ്ക്കായി ചർച്ചയിൽ പങ്കെടുത്തു.ലെബനനിലെ അടിയന്തര വെടിനിർത്തൽ, ഇറാന്റെ ആണവസമ്പുഷ്ടീകരണ ശേഷി എന്നിവയാണ് ഈ ഘട്ടത്തിൽ പ്രധാനമായും ചർച്ചയായത്. മേഖലയിലെ വൻശക്തികൾ തമ്മിലുള്ള സമാധാനം പശ്ചിമേഷ്യയിലെ യുദ്ധസാഹചര്യങ്ങൾക്ക് വലിയ ആശ്വാസമാകുമെന്നാണ് വിലയിരുത്തപ്പെടുന്നത്.

]]> സംഘടന കുറ്റാരോപിതരുടെ കൈയ്യിലേക്ക് പോകുന്നു, അജണ്ടവച്ച് പുറത്താക്കാൻ നീക്കം; അമ്മയിൽ നിന്ന് രാജിവച്ച് ശ്വേത മേനോൻ https://www.sandhesam.com/Swetha-Menon-resigns-from-AMMA-president-post https://www.sandhesam.com/Swetha-Menon-resigns-from-AMMA-president-post Mon, 22 Jun 2026 05:29:28 +0530 Web Desk താരസംഘടനയായ അമ്മയിൽ കൂട്ടരാജി. നാടകീയ രംഗങ്ങൾക്കൊടുവിൽ ഭരണസമിതി ഒന്നടങ്കം രാജിവച്ചു. താനും കമ്മിറ്റിയും രാജിവച്ചതായും അമ്മ സംഘടനയുടെ അംഗത്വം ഉപേക്ഷിച്ചതായും നടി ശ്വേതാ മേനോൻ പറഞ്ഞു. ഞായറാഴ്ച ചേർന്ന ജനറൽബോഡി യോഗത്തിനുശേഷം മാധ്യമങ്ങളോട് സംസാരിക്കുകയായിരുന്നു ശ്വേത.

അമ്മ സംഘടന വീണ്ടും കുറ്റാരോപിതരുടെ കൈയ്യിലേക്ക് പോവുകയാണെന്നും അജണ്ടവച്ച് പുറത്താക്കാൻ ശ്രമം നടന്നുവെന്നും ശ്വേത പറഞ്ഞു. "ഞാനും എന്റെ കമ്മിറ്റിയും രാജിവച്ചു. ഞാൻ വ്യക്തിപരമായി അമ്മ സംഘടനയുടെ അംഗത്വം ഉപേക്ഷിക്കുകയാണ്. മുൻപ് കുറച്ചു സ്ത്രീകൾ പറഞ്ഞതുപോലെ അമ്മ സംഘടന വീണ്ടും കുറ്റാരോപിതരുടെ കൈയ്യിലേക്ക് പോവുകയാണ്. അതിനുള്ള അജണ്ടയാണ് നടന്നത്," ശ്വേത പറഞ്ഞു.

രജിസ്ട്രേഷൻ അടക്കമുള്ള കാര്യങ്ങളിൽ മാറ്റം വരുത്തി അവിശ്വാസ പ്രമേയത്തിനായി ഒപ്പ് ശേഖരിച്ചുവെന്നും തങ്ങളുടെ കമ്മിറ്റിയിലെ കണക്കുകൾ കൃത്യമാണെന്നും ശ്വേത പറഞ്ഞു. മുൻ കമ്മിറ്റികളിലെ കണക്കുകളിൽ കുഴപ്പങ്ങൾ ഉണ്ടായിരുന്നുവെന്നും ഇന്ന് താൻ അമ്മയിൽ അംഗമല്ലാത്തതുകൊണ്ടാണ് ഇതെല്ലാം പുറത്തു പറയുന്നതെന്നും ശ്വേത കൂട്ടിച്ചേർത്തു.

സംഘടനയുടെ വാർഷിക റിപ്പോർട്ടിലെ ചർച്ചകൾക്കു ശേഷമായിരുന്നു രാജിവയ്ക്കാൻ ശ്വേതയടക്കമുള്ള ഭരണസമിതി തീരുമാനിച്ചത്. റിപ്പോർട്ടും കണക്കും അംഗീകരിക്കാൻ വാർഷിക ജനറൽബോഡി തയ്യാറായില്ലെന്നാണ് വിവരം. 17 അംഗങ്ങളാണ് എക്സിക്യൂട്ടീവ് കമ്മിറ്റിയിലുണ്ടായിരുന്നത്. നിലവിൽ സംഘടനയുടെ ഭരണം താത്കാലിക സമിതിക്ക് നൽകുമെന്നാണ് സൂചന.

]]> തനിക്കൊപ്പം ഫോട്ടോ എടുക്കാന്‍ മെലോണി കെഞ്ചിയെന്ന് ട്രംപ്;വിടുവായത്തമെന്ന് ഇറ്റാലിയന്‍ പ്രധാനമന്ത്രി https://www.sandhesam.com/Meloni-tears-into-Trump https://www.sandhesam.com/Meloni-tears-into-Trump Sat, 20 Jun 2026 15:16:45 +0530 Web Desk

മിലാന്‍: ജി7 ഉച്ചകോടിക്കിടെ ഇറ്റാലിയന്‍ പ്രധാനമന്ത്രി തന്നോടൊപ്പം ഫോട്ടോയെടുക്കാന്‍ കെഞ്ചിയെന്ന യുഎസ് പ്രസിഡന്റ് ഡോണള്‍ഡ് ട്രംപിന്റെ അവകാശവാദത്തെ നിഷേധിച്ച് ജോര്‍ജിയ മെലോണി രംഗത്ത്. ട്രംപിന്റെ വാദങ്ങള്‍ തികച്ചും അടിസ്ഥാനരഹിതവും കെട്ടിച്ചമച്ചതുമാണെന്ന് ഇറ്റാലിയന്‍ പ്രധാനമന്ത്രി വ്യക്തമാക്കി.

ഇറ്റലിയിലെ ലാ7 ടിവി ചാനലിന് നല്‍കിയ അഭിമുഖത്തിലാണ് ട്രംപ് തനിക്ക് മെലോണിയോട് സംസാരിക്കേണ്ട യാതൊരു ആവശ്യവുമുണ്ടായിരുന്നില്ലെന്നും, താന്‍ സംസാരിച്ചതില്‍ അവര്‍ ഒരുപക്ഷേ സന്തോഷിക്കുന്നുണ്ടാകുമെന്നും പറഞ്ഞത്. 'അവര്‍ ഒരുപക്ഷേ ഞാന്‍ സംസാരിച്ചതില്‍ സന്തോഷിക്കുന്നുണ്ടാകും. എനിക്ക് അവരോട് സംസാരിക്കേണ്ട കാര്യമില്ലായിരുന്നു. എന്നോടൊപ്പം ഒരു ഫോട്ടോ എടുക്കാന്‍ അവര്‍ യാചിക്കുകയായിരുന്നു. അത്രയധികം അവര്‍ അത് ആഗ്രഹിച്ചു. ഞാന്‍ സമ്മതിക്കുമായിരുന്നില്ല, പക്ഷേ കൂടുതല്‍ ചോദിച്ചപ്പോള്‍ എനിക്ക് അവരോട് പാവം തോന്നി' -ട്രംപ് ചാനലിനോട് പറഞ്ഞു.

ട്രംപിന്റെ പരാമര്‍ശം തള്ളിക്കളഞ്ഞ മെലോണി, ഇതില്‍ താന്‍ ആശ്ചര്യപ്പെട്ടെന്നും പ്രതികരിച്ചു. സ്വന്തം സഖ്യകക്ഷികള്‍ക്കുനേരെ ട്രംപ് അധിക്ഷേപ പരാമര്‍ശങ്ങള്‍ നടത്തുന്നത് ആദ്യമായല്ലെന്നും ഇറ്റാലിയന്‍ പ്രധാനമന്ത്രി എക്‌സില്‍ പോസ്റ്റ് ചെയ്ത വിഡിയോയില്‍ പറഞ്ഞു.

'ഡോണള്‍ഡ് ട്രംപിന്റെ പരാമര്‍ശം പൂര്‍ണമായും കെട്ടിച്ചമച്ചതാണ്, എനിക്ക് വലിയ ആശ്ചര്യം തോന്നുന്നു. യുഎസ് പ്രസിഡന്റ് സ്വന്തം സഖ്യകക്ഷികളോട് എന്തിനാണ് ഇങ്ങനെ പെരുമാറുന്നതെന്ന് എനിക്കറിയില്ല; എന്തായാലും ഇത് ആദ്യമായിട്ടല്ല സംഭവിക്കുന്നത്. പാശ്ചാത്യ രാജ്യങ്ങളുടെയും അമേരിക്കയുടെയും ശത്രുക്കളോട് അദ്ദേഹം ഇതേ സമീപനം കാണിക്കുന്നില്ല എന്നത് സങ്കടകരമാണ്. ശത്രുക്കളോട് അദ്ദേഹം വളരെ അയഞ്ഞ സമീപനമാണ് സ്വീകരിക്കുന്നത്. എന്നാല്‍ ഒരു കാര്യം അദ്ദേഹം ഓര്‍ക്കണം; ഞാനും ഇറ്റലിയും ആരുടെയും മുന്നില്‍ യാചിക്കാറില്ല' -അവര്‍ പറഞ്ഞു.

ട്രംപിന്റെ അധിക്ഷേപ പരാമര്‍ശത്തില്‍ പ്രതിഷേധിച്ച് ഇറ്റാലിയന്‍ വിദേശകാര്യ മന്ത്രി ആന്റോണിയോ തയാനി യുഎസ് സന്ദര്‍ശനം റദ്ദാക്കി. മെലോണിക്കെതിരായ ട്രംപിന്റെ വാക്കുകള്‍ ഇറ്റലിയെ ഒന്നടങ്കം അപമാനിക്കുന്നതാണെന്ന് അദ്ദേഹം എക്‌സില്‍ കുറിച്ചു. ജൂണ്‍ 21, 22 തീയതികളില്‍ യു.എസ് സന്ദര്‍ശിക്കേണ്ടതായിരുന്നു തയാനി. ഭീഷണിയുടെ നിഴലില്‍ പോലും മെലോണി ഒരു ഫോട്ടോയ്ക്കായി ആരുടെയും മുന്നില്‍ യാചിക്കുമെന്ന് താന്‍ കരുതുന്നില്ലെന്ന് ഇറ്റാലിയന്‍ പ്രതിരോധ മന്ത്രി ഗ്വിഡോ ക്രോസെറ്റോയും വ്യക്തമാക്കി.

]]> ‘വി.ഡി സതീശൻ അഹങ്കാരി, ഇനി കാലുപിടിക്കാനില്ല’: സുകുമാരൻ നായർ https://www.sandhesam.com/V-D-Satheesan-ia-arrogant-%3A-Sukumaran-Nair https://www.sandhesam.com/V-D-Satheesan-ia-arrogant-%3A-Sukumaran-Nair Sat, 20 Jun 2026 15:03:16 +0530 Web Desk ചങ്ങനാശ്ശേരി: മുഖ്യമന്ത്രിയുമായി കൂടിക്കാഴ്ചയ്ക്ക് അനുമതി ലഭിക്കാത്തതിൽ അതൃപ്തി പ്രകടിപ്പിച്ച് എൻഎസ്എസ് ജനറൽ സെക്രട്ടറി ജി. സുകുമാരൻ നായർ. വി.ഡി. സതീശൻ അഹങ്കാരിയാണെന്നായിരുന്നു സുകുമാരൻ നായരുടെ പ്രതികരണം. ഇനി മുഖ്യമന്ത്രിയുടെ കാല് പിടിക്കാൻ ഇല്ലെന്നും സുകുമാരൻ നായർ പറഞ്ഞു.

കൂടിക്കാഴ്ചയ്ക്ക് അനുമതിതേടി രണ്ടുതവണ എൻഎസ്എസ് നേതൃത്വം മുഖ്യമന്ത്രിയുടെ ഓഫീസുമായി ബന്ധപ്പെട്ടിരുന്നു. ഇൻകം ടാക്‌സ് ഭേദഗതിയുമായി ബന്ധപ്പെട്ടാണ് കൂടിക്കാഴ്ച ആവശ്യപ്പെട്ടത്. കഴിഞ്ഞ സർക്കാരിന്റെ കാലത്ത് നൽകിയ നിവേദനത്തിന്റെ തുടർച്ചയായിരുന്നു ഇത്. എന്നാൽ, രണ്ട് തവണയും കൂടിക്കാഴ്ചയ്ക്ക് അനുമതി ലഭിച്ചില്ല. ഇതിന് പിന്നാലെയാണ് പെരുന്നയിൽ ഇന്ന് ചേർന്ന എൻഎസ്എസ് വാർഷിക ബജറ്റ്് യോഗത്തിൽ മുഖ്യമന്ത്രിക്കെതിരേ വിമർശനമുന്നയിച്ചത്.

തിരഞ്ഞെടുപ്പിന് മുൻപുതന്നെ വി.ഡി സതീശനും സുകുമാരൻ നായരും തമ്മിലുള്ള വാക്‌പോര് ആരംഭിച്ചിരുന്നു. സമുദായ നേതാക്കളുടെ തിണ്ണ നിരങ്ങാൻ പോകേണ്ടതില്ലെന്ന വി.ഡി സതീശൻ്റെ പ്രസ്താവന സുകുമാരൻ നായരെ ചൊടിപ്പിച്ചിരുന്നു. വി.ഡി സതീശൻ പെരുന്നയിലെത്തി മണിക്കൂറുകളോളം തിണ്ണനിരങ്ങിയ ആളാണ് വി.ഡി സതീശൻ എന്ന് സുകുമാരൻ നായർ മറുപടി നൽകുകയും ചെയ്തിരുന്നു. 

]]> ‘യുഡിഎഫ് സർക്കാർ കേന്ദ്രഭരണത്തോട് അടിയറവ് പറയുന്നു’: കെ രാജൻ https://www.sandhesam.com/%E0%B4%AF%E0%B5%81%E0%B4%A1%E0%B4%BF%E0%B4%8E%E0%B4%AB%E0%B5%8D-%E0%B4%B8%E0%B5%BC%E0%B4%95%E0%B5%8D%E0%B4%95%E0%B4%BE%E0%B5%BC-%E0%B4%95%E0%B5%87%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%AD%E0%B4%B0%E0%B4%A3%E0%B4%A4%E0%B5%8D%E0%B4%A4%E0%B5%8B%E0%B4%9F%E0%B5%8D-%E0%B4%85%E0%B4%9F%E0%B4%BF%E0%B4%AF%E0%B4%B1%E0%B4%B5%E0%B5%8D-%E0%B4%AA%E0%B4%B1%E0%B4%AF%E0%B5%81%E0%B4%A8%E0%B5%8D%E0%B4%A8%E0%B5%81-%E0%B4%95%E0%B5%86-%E0%B4%B0%E0%B4%BE%E0%B4%9C%E0%B5%BB https://www.sandhesam.com/%E0%B4%AF%E0%B5%81%E0%B4%A1%E0%B4%BF%E0%B4%8E%E0%B4%AB%E0%B5%8D-%E0%B4%B8%E0%B5%BC%E0%B4%95%E0%B5%8D%E0%B4%95%E0%B4%BE%E0%B5%BC-%E0%B4%95%E0%B5%87%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%AD%E0%B4%B0%E0%B4%A3%E0%B4%A4%E0%B5%8D%E0%B4%A4%E0%B5%8B%E0%B4%9F%E0%B5%8D-%E0%B4%85%E0%B4%9F%E0%B4%BF%E0%B4%AF%E0%B4%B1%E0%B4%B5%E0%B5%8D-%E0%B4%AA%E0%B4%B1%E0%B4%AF%E0%B5%81%E0%B4%A8%E0%B5%8D%E0%B4%A8%E0%B5%81-%E0%B4%95%E0%B5%86-%E0%B4%B0%E0%B4%BE%E0%B4%9C%E0%B5%BB Sat, 20 Jun 2026 14:56:15 +0530 Web Desk പിഎം ശ്രീ മരവിപ്പിക്കാൻ കത്ത് നൽകിയില്ലെന്ന്  മുഖ്യമന്ത്രി പറഞ്ഞത് വസ്തുതാപരമായ തെറ്റെന്ന് കെ രാജൻ എംഎൽഎ. സർക്കാർ കേന്ദ്രത്തിന് അടിയറവ് പറയുകയാണെന്നും അദ്ദേഹം വിമർശിച്ചു. മതന്യൂനപക്ഷങ്ങൾ ആശങ്കപ്പെട്ട ആശയങ്ങളും പാഠങ്ങളും നടപ്പിലാക്കുന്നുവെന്നും കെ രാജൻ പറഞ്ഞു

വന്ദേമാതരം പൂർണമായി ചെല്ലിയതു മുതൽ കേന്ദ്രത്തോട് കീഴടങ്ങൽ നയമാണ് സർക്കാർ അവലംബിക്കുന്നത്.  ഗവർണർ ഉദ്യോഗസ്ഥന്മാരെ നേരിട്ട് വിളിച്ച് പദ്ധതി ചർച്ച ചെയ്തു..ഇക്കാര്യത്തിലും മുഖ്യമന്ത്രി മൌനം പാലിക്കുകയാണ്. പിഎം ശ്രീ മരവിപ്പിക്കാൻ കത്ത് നൽകിയില്ല എന്ന്  മുഖ്യമന്ത്രി പറഞ്ഞു, അത് വസ്തുതാപരമായ തെറ്റാണ്. എം.ഒ.യു. ഒപ്പ് വെച്ച് 22 ദിവസത്തിനകം കേന്ദ്രത്തെ അറിയിച്ചു. കേരളം ദേശീയ വിദ്യാഭ്യാസ നടപ്പിലാക്കാൻ വിമുഖത കാണിക്കുന്നു എന്ന് കേന്ദ്രം സുപ്രീംകോടതിയിൽ പോലും അറിയിച്ചതാണ്. എം.ഒ.യു ഒപ്പ് വെച്ചതിനപ്പുറം ഒന്നും നടന്നിട്ടില്ലെന്നും കെ രാജൻ പറഞ്ഞു.

]]> 'എത്ര കിട്ടി', സതീശൻ പറയണമെന്ന് രാജേഷ്; വീര്യം കുറഞ്ഞ മദ്യത്തിൽ പൊള്ളി സർക്കാർ https://www.sandhesam.com/Excise-policy-is-diluted-to-help-liquor-barons-from-Karnataka%3A-M-B-Rajesh https://www.sandhesam.com/Excise-policy-is-diluted-to-help-liquor-barons-from-Karnataka%3A-M-B-Rajesh Sat, 20 Jun 2026 14:16:16 +0530 Web Desk പാലക്കാട്: വീര്യം കുറഞ്ഞ മദ്യത്തിന് നികുതി ഇളവ് നൽകുന്നതിനെതിരെ പ്രതിപക്ഷം രം​ഗത്ത്. ബജറ്റ് വലിയ അഴിമതിക്ക് കളമൊരുക്കുന്നുവെന്ന് മുൻ എക്സൈസ് മന്ത്രി എം ബി രാജേഷ് ആരോപിച്ചു. വീര്യം കുറഞ്ഞ മദ്യത്തിന് നികുതി ഇളവ് നൽകി. മദ്യം ഒഴുക്കാനാണ് സർക്കാർ ലക്ഷ്യമിടുന്നതെന്നും മദ്യത്തിന് എതിരായി വലിയ പ്രസംഗം നടത്തിയവർ മദ്യം സുലഭമാക്കുകയാണെന്നും അദ്ദേഹം പറഞ്ഞു. മുഖ്യമന്ത്രി മദ്യക്കമ്പനികളുടെ കൈയിൽ നിന്നും എത്ര പണം വാങ്ങി. വിഡി സതീശൻ എത്ര കിട്ടിയെന്ന് വ്യക്തമാക്കണമെന്നും രാജേഷ് കടുപ്പിച്ചു. സർക്കാർ ജീവനക്കാർക്ക് അനുകൂല്യം ഇല്ല. അപ്പോഴാണ് മദ്യം ഒഴുക്കുന്ന ഈ വിസ്മയം. കർണാടക മദ്യ ലോബി ഇതിന് പിന്നിലുണ്ടെന്നും രാജേഷ് ആരോപിച്ചു.

മുഖ്യമന്ത്രി വി. ഡി. സതീശൻ അവതരിപ്പിച്ച ബജറ്റിലാണ്, സംസ്ഥാന ചരിത്രത്തിൽ ആദ്യമായി വീര്യം കുറഞ്ഞ മദ്യത്തിന്റെ നികുതി പകുതിയ്ക്കും താഴെയായി കുറച്ചത്. റെഡി ടു ഡ്രിങ്ക് ഗണത്തിൽ പെടുന്ന മദ്യത്തിന്റെ നികുതി കുറഞ്ഞതോടെ, മദ്യ ഉപഭോഗം ഇരട്ടിയാകും. കുട്ടികൾക്ക് വരെ സുലഭമായി മദ്യം ലഭിക്കുന്ന അവസ്ഥയാകും. പഴം, പച്ചക്കറി എന്നിവയിൽ നിന്നും ഉൽപാദിപ്പിക്കുന്ന വീര്യം കുറഞ്ഞ മദ്യത്തിന് വൈനുകൾക്ക് ഏർപ്പെടുത്തുന്ന നികുതി മാത്രമാണ് ഉള്ളത്. അതേസമയം സ്പിരിറ്റിൽ നിന്നും ഉൽപാദിപ്പിക്കുന്ന വീര്യം കുറഞ്ഞ മദ്യത്തിന് കൂടിയ നികുതിയാണ് ഏർപ്പെടുത്താറുള്ളത്. പക്ഷെ ഇത്തവണ എല്ലാവരെയും ഞെട്ടിച്ചു നികുതി വെട്ടി കുറച്ചു. കർണാടക കേന്ദ്രമായി പ്രവർത്തിക്കുന്ന ഒരു കമ്പനിയാണ് ഈ രംഗത്ത് ഉള്ളത്. നികുതി കുറച്ചത് അവർക്ക് മാത്രമാണ് ലാഭം. അത്‌ കൊണ്ട് തന്നെ ഈ പ്രഖ്യാപനത്തിലൂടെ എത്ര കിട്ടിയെന്ന് മുഖ്യമന്ത്രി വ്യക്തമാക്കണം എന്ന് എം. ബി. രാജേഷ് ആവശ്യപ്പെട്ടു.

എൽ. ഡി എഫ് സർക്കാരിൻ്റെ കാലത്തു ഇതേ ആവശ്യവുമായി കമ്പനി വന്നെങ്കിലും, അംഗീകരിച്ചില്ല. സമൂഹത്തിൽ മദ്യ ഉപഭോഗം കൂടുന്നത് ആണെന്ന് അന്നേ ചൂണ്ടിക്കാട്ടപ്പെട്ടിരുന്നു. കേരളത്തിൽ മദ്യം ഒഴുകാനുള്ള വിസ്മയം ആണ് ഇപ്പോൾ യുഡിഫ് സർക്കാർ നടത്തുന്നത് എന്നും എം. ബി. രാജേഷ് വിമർശിച്ചു.

അതേസമയം, വീര്യം കുറഞ്ഞ മദ്യത്തിന്‍റെ വിൽപനയ്ക്ക് സാധ്യത തുറന്ന് ബജറ്റിൽ നികുതി ഘടന പ്രഖ്യാപിച്ചതിൽ യുഡിഎഫ് സര്‍ക്കാരിലും പുറത്തും വിവാദം. നികുതി ഘടന പരിഷ്കരം എക്സൈസ് മന്ത്രി എം ലിജു മുന്‍കൂട്ടി അറിഞ്ഞില്ലെന്നാണ് വിവരം. നയപരമായ മാറ്റമെങ്കിൽ എക്സൈസ് വകുപ്പാണ് തയ്യാറാക്കേണ്ടത്. ഇക്കാര്യം പാര്‍ട്ടിയിൽ ചര്‍ച്ചയാകാനാണ് സാധ്യത. വിദേശ മദ്യ ചട്ടങ്ങളിൽ എൽഡിഎഫ് സര്‍ക്കാര്‍ കൊണ്ടു വന്ന ഭേദഗതിയുടെ അടിസ്ഥാനത്തിലാണ് 0.5 ശതമാനം മുതൽ 20 ശതമാനം വരെ വീര്യമുളള മദ്യത്തിന് മുഖ്യമന്ത്രി വി.ഡി സതീശൻ നികുതി ഘടന പ്രഖ്യാപിച്ചത്.

]]> തർക്കത്തിനിടെ വായ പൊത്തിപ്പിടിച്ച് സംസാരിച്ചു;'പുതിയ വിനീഷ്യസ് നിയമം' പ്രകാരം പരാഗ്വൻ താരത്തിന് ചുവപ്പ് കാർഡ് https://www.sandhesam.com/Almiron--became-one-of-the-first-footballers-sanctioned-under-the-new--Vinicius-Law https://www.sandhesam.com/Almiron--became-one-of-the-first-footballers-sanctioned-under-the-new--Vinicius-Law Sat, 20 Jun 2026 14:00:56 +0530 Web Desk വാഷിങ്ടൺ: തർക്കത്തിനിടെ വായ പൊത്തിപ്പിടിച്ച് സംസാരിച്ചതിന് പരഗ്വായ് താരം മിഗ്വേൽ അൽമിറോണ് ചുവപ്പ് കാർഡ്. തുർക്കിക്കെതിരായ മത്സരത്തിലെ ആദ്യപകുതിയുടെ ഇഞ്ചുറി ടൈമിലാണ് സംഭവം. ഫിഫയുടെ പുതിയ ചട്ടപ്രകാരമാണ് നടപടി. ഈ നിയമപ്രകാരം പുറത്താവുന്ന ആദ്യ താരമാണ് അൽമിറോൺ. മത്സരത്തിൽ 65-ാം സെക്കൻഡിൽ നേടിയ ഗോളിന് പരഗ്വായ് തുർക്കിയെ പരാജയപ്പെടുത്തി.

ആദ്യപകുതിയുടെ അവസാന മിനിറ്റുകളിൽ നാടകീയമായ രംഗങ്ങൾക്കാണ് സ്റ്റേഡിയം സാക്ഷ്യംവഹിച്ചത്. കളിക്കളത്തിൽ ഇരുടീമിലെയും കളിക്കാർ തമ്മിൽ തർക്കമുടലെടുക്കുകയായിരുന്നു. അതോടെ ടീമംഗങ്ങൾ ചേരിതിരിഞ്ഞ് വാഗ്വാദത്തിലേർപ്പെട്ടു. അതിനിടെ പരഗ്വായ് താരം മിഗ്വൽ അൽമിറോൺ തുർക്കിയുടെ മെർട് മുൾഡറിനടുത്തു വന്ന് വായ പൊത്തിപ്പിടിച്ച് സംസാരിച്ചു. ഉടൻ തന്നെ തുർക്കി താരം ഇത് റഫറിയെ അറിയിച്ചു. പിന്നാലെ റഫറി ഇക്കാര്യം വിശദമായി പരിശോധിച്ചു. വാർ പരിശോധനയിൽ അൽമിറോൺ വായ പൊത്തിപ്പിടിച്ചാണ് സംസാരിച്ചതെന്ന് വ്യക്തമാകുകയും ചെയ്തു. അതോടെ റഫറി ഒന്നും ആലോചിച്ചില്ല. ചുവപ്പ് കാർഡ് നൽകി താരത്തെ പുറത്താക്കി.

എതിർടീമിലെ താരങ്ങളുമായി തർക്കത്തിലേർപ്പെടുമ്പോഴോ മറ്റോ വായ പൊത്തിപ്പിടിച്ച് സംസാരിച്ചാൽ ചുവപ്പ് കാർഡ് നൽകുമെന്ന പുതിയ 'വിനീഷ്യസ് നിയമ"ത്തെ കുറിച്ച്  ഫിഫ നേരത്തേ കളിക്കാർക്ക് മുന്നറിയിപ്പ് നൽകിയിരുന്നു. ടൂർണമെന്റിന് മുൻപാണ് ഫിഫ ഈ പുതിയ നിർദേശം നൽകിയത്. 

]]> യുഎസ്എ നോക്കൗട്ടില്‍;ഓസ്‌ട്രേലിയയെ 2-0ത്തിന് വീഴ്ത്തി https://www.sandhesam.com/usa-defeats-australia-2-0 https://www.sandhesam.com/usa-defeats-australia-2-0 Sat, 20 Jun 2026 10:57:13 +0530 Web Desk വാഷിങ്ടന്‍: ഫിഫ ലോകകപ്പില്‍ തുടരെ രണ്ടാം ജയവുമായി ആതിഥേരായ യുഎസ്എ നോക്കൗട്ടില്‍. ഓസ്‌ട്രേലിയയെ മറുപടിയില്ലാത്ത രണ്ട് ഗോളുകള്‍ക്ക് വീഴ്ത്തിയാണ് യുഎസ്എ ജയം സ്വന്തമാക്കിയത്. മത്സരത്തിലുടനീളം യുഎസ്എയുടെ ആധിപത്യമാണ് കണ്ടത്. അലക്‌സ് ഫ്രീമാനാണ് യുഎസ്എയുടെ ഒരു ഗോള്‍ നേടിയത്. ഓസ്‌ട്രേലിയന്‍ താരം കാമറോണ്‍ ബര്‍ജസിന്റെ ഓണ്‍ ഗോളും യുഎസ്എയ്ക്ക് അനുകൂലമായി. ആദ്യ മത്സരത്തില്‍ ആതിഥേയര്‍ പരാഗ്വെയെ വീഴ്ത്തിയിരുന്നു.

ഓസ്‌ട്രേലിയക്കെതിരെ കളിയുടെ ആദ്യ പകുതിയില്‍ തന്നെ യുഎസ്എ രണ്ട് ഗോളുകള്‍ നേടി. 11ാം മിനിറ്റില്‍ സെല്‍ഫ് ഗോളും 43ാം മിനിറ്റില്‍ ഫ്രീമാന്റെ ഗോളും വന്നു. രണ്ടാം പകുതിയില്‍ ഇരു ടീമുകളും ഗോള്‍ നേടിയില്ല. ആക്രമണത്തില്‍ മുന്നില്‍ നിന്നത് യുഎസ്എയായിരുന്നു. ലക്ഷ്യത്തിലേക്ക് ഇരു ടീമുകളും രണ്ട് ഷോട്ടുകളാണ് പായിച്ചത്.

മത്സരത്തിന്റെ തുടക്കത്തില്‍ ഇരു ടീമുകളും പതിഞ്ഞാണ് ആരംഭിച്ചത്. താളം കണ്ടെത്താന്‍ ഇരു പക്ഷവും സമയമെടുത്തതോടെ ആദ്യ ഘട്ടത്തില്‍ വലിയ മുന്നേറ്റങ്ങള്‍ കണ്ടില്ല. സോക്കറൂസാണ് ആക്രമണത്തിന് തുടക്കമിട്ടത്. മുഹമ്മദ് ടോറെ, എയ്ഡന്‍ ഒനെയ്ല്‍ അടക്കമുള്ള താരങ്ങള്‍ ചില മുന്നേറ്റങ്ങള്‍ നടത്തി.

താളം കണ്ടെത്തിയതോടെ യുഎസ്എ പ്രത്യാക്രമണങ്ങള്‍ തുടങ്ങി. അതിന്റെ ഫലം 11ാം മിനിറ്റില്‍ തന്നെ വന്നു. യുഎസ്എ താരം ഫൊളാരിന്‍ ബലോഗനന്റെ മികച്ച മുന്നേറ്റമാണ് ഓസ്‌ട്രേലിയന്‍ താരം കാമറോണ്‍ ബര്‍ജസിന്റെ സെല്‍ഫ് ഗോളില്‍ കലാശിച്ചത്. ഇടതു വിങ്ങില്‍ നിന്നു ലഭിച്ച പന്തുമായി മുന്നേറിയ ബലോഗന്‍ ബോക്‌സിനുള്ളില്‍ നിന്നു നല്‍കിയ പാസ് ക്ലിയര്‍ ചെയ്യാനുള്ള ശ്രമത്തിനിടെ ബര്‍ജസിന്റെ കാലില്‍ തട്ടി പന്ത് സ്വന്തം പോസ്റ്റില്‍ തന്നെ പതിച്ചു.

ഗോള്‍ വീണതോടെ അമേരിക്ക ആക്രമണം കടുപ്പിച്ചു. യുഎസ്എ കടുത്ത ആക്രമണം അഴിച്ചുവിട്ടതോടെ ഓസ്‌ട്രേലിയ പ്രതിരോധത്തിലേക്ക് വലിഞ്ഞു. യുഎസ് താരങ്ങളായ ടൈലര്‍ ആഡംസും മാലിക്ക് ടില്‍മാനും റിക്കാര്‍ഡോ പെപ്പിയും സെര്‍ജിനോ ബെസ്റ്റും ഓസ്‌ട്രേലിയന്‍ ഗോള്‍മുഖത്ത് നിരന്തരം അപകടം വിതച്ചു. ഫൊളാരിന്‍ ബലോഗനനും മികച്ച മുന്നേറ്റങ്ങളുമായി കളം വാണു. യുഎസ് മുന്നേറ്റങ്ങള്‍ തടയുന്നതിനിടെ ഓസ്‌ട്രേലിയന്‍ പ്രതിരോധ താരങ്ങളായ ജോര്‍ദാന്‍ ബോസും അലെസാന്‍ഡ്രോ സിര്‍ക്കാറ്റിയും മഞ്ഞക്കാര്‍ഡും കണ്ടു.

രണ്ടാം പകുതിയില്‍ സ്‌ട്രൈക്കര്‍ മുഹമ്മദ് ടോറെയെ മാറ്റി പരിശീലകന്‍ നെസ്റ്റോറി ഇരന്‍കുന്‍ഡയെ കളത്തിലിറക്കിയെങ്കിലും സോക്കറൂസിനു ഗോള്‍ കണ്ടെത്താന്‍ മാത്രം കഴിഞ്ഞില്ല. കളി അവസാന ഘട്ടത്തിലേക്ക് കടന്ന സമയത്ത് ഓസ്‌ട്രേലിയ ചില മികച്ച മുന്നേറ്റങ്ങള്‍ നടത്തിയെങ്കിലും യുഎസ് പ്രതിരോധം ഉറച്ചു നിന്നതോടെ ആ പ്രതീക്ഷകളും അവസാനിച്ചു. 2-0ത്തിന്റെ ജയവുമായി യുഎസ്എ നോക്കൗട്ട് ഉറപ്പാക്കി.

]]> അമേരിക്കൻ പ്രസിഡൻ്റിന് ഖത്തറിൻ്റെ സമ്മാനം; 3700 കോടി രൂപ വിലവരുന്ന ബോയിംഗ് 747-8 വിമാനം https://www.sandhesam.com/US-President-DonaldTrump-unveils-the-newly-refurbished-AirForceOne-aircraft-gifted-by-Qatar https://www.sandhesam.com/US-President-DonaldTrump-unveils-the-newly-refurbished-AirForceOne-aircraft-gifted-by-Qatar Sat, 20 Jun 2026 10:46:11 +0530 Web Desk വാഷിംഗ്ടൺ: അമേരിക്കൻ പ്രസിഡൻ്റിന് ഖത്തറിൻ്റെ വൻ സമ്മാനം. ഭാവിയിൽ പ്രസിഡൻ്റിൻ്റെ ഔദ്യോഗിക വിമാനമായ എയർ ഫോഴ്സ് വൺ ആയി ഉപയോഗിക്കാൻ 3700 കോടി രൂപ വിലവരുന്ന പുതിയ ബോയിംഗ് 747-8 വിമാനമാണ് ഖത്തർ ട്രംപിന് സമ്മാനിച്ചത്. പുത്തൻ വിമാനം ട്രംപ് വെള്ളിയാഴ്ച ഔദ്യോഗികമായി പുറത്തിറക്കി. വാഷിംഗ്ടണിന് പുറത്തുള്ള സൈനിക താവളമായ ജോയിന്റ് ബേസ് ആൻഡ്രൂസിലെ ഒരു കൂറ്റൻ ഹാങ്ങറിൽ നടന്ന ചടങ്ങിലാണ് ട്രംപ് ഈ വിമാനം പൊതുജനങ്ങൾക്ക് മുന്നിൽ പ്രദർശിപ്പിച്ചത്. പതിറ്റാണ്ടുകളായി പ്രസിഡന്റിന്റെ വിമാനത്താവളമായി പ്രവർത്തിക്കുന്ന ഈ താവളത്തിൽ എത്തിയ ട്രംപ്, വിമാനത്തിൽ നിന്ന് താഴേക്ക് ഇറങ്ങി എയർഫോഴ്സ് ഉദ്യോഗസ്ഥരെ അഭിവാദ്യം ചെയ്യുകയും അവിടെ ഒത്തുകൂടിയ സൈനികരെ അഭിസംബോധന ചെയ്ത് സംസാരിക്കുകയും ചെയ്തു.

ഇതുപോലൊരു വിമാനം ലോകത്ത് ഇനി വേറെ ഉണ്ടാകില്ലെന്നും, ഇത് ലോകത്തിലെ ഏറ്റവും ആഡംബരമേറിയ വിമാനമായാണ് കണക്കാക്കപ്പെടുന്നതെന്നും ട്രംപ് തൻ്റെ പ്രസംഗത്തിൽ അവകാശപ്പെട്ടത്. നിലവിലുള്ള വിമാനത്തേക്കാൾ വളരെ വലുതായതിനാൽ ഈ പുതിയ ജെറ്റ് വിമാനം സൂക്ഷിക്കുന്നതിനായി പ്രത്യേകമായി ഒരു ഹാംഗർ തന്നെ നിർമ്മിക്കേണ്ടി വന്നതായും ട്രംപ് കൂട്ടിച്ചേർത്തു. അമേരിക്കയുടെ 250-ാം ജന്മദിനമായ വരാനിരിക്കുന്ന ജൂലൈ 4-ന് വാഷിംഗ്ടണിൽ നടക്കുന്ന വൻകിട ഫ്ലൈഓവറിന് ഈ പുതിയ വിമാനമായിരിക്കും നേതൃത്വം നൽകുകയെന്നും പ്രസിഡൻ്റ് പ്രഖ്യാപിച്ചു.

]]> കുന്യയുടെ ഇരട്ട ഗോൾ; ഹെയ്തിയെ മൂന്ന് ഗോളിന് തകർത്ത് ബ്രസീൽ https://www.sandhesam.com/Brazil-defeats-Haiti--3-0 https://www.sandhesam.com/Brazil-defeats-Haiti--3-0 Sat, 20 Jun 2026 10:32:35 +0530 Web Desk ഫിലഡെൽഫിയ (യു.എസ്.എ.): ഫിഫ ലോകകപ്പിൽ ഹെയ്തിക്കെതിരേ ഏകപക്ഷീയമായ മൂന്നു ഗോളിന്റെ ജയവുമായി അഞ്ചുതവണ ലോകചാമ്പ്യന്മാരായ ബ്രസീൽ. ഒന്നാംപകുതിയിലാണ് മൂന്നു ഗോളുകളും പിറന്നത്. മാത്യൂസ് കുന്യയുടെ ഇരട്ടഗോളും വിനീഷ്യസ് ജൂനിയറിന്റെ തകർപ്പൻ ഗോളുമാണ് ബ്രസീലിന് തുണയായത്. കഴിഞ്ഞയാഴ്ച മൊറോക്കോയ്‌ക്കെതിരേ സമനിലയിൽ പിരിഞ്ഞതിന്റെ നിരാശ തീർക്കാൻ വിജയദാഹത്തോടെ കളത്തിലിറങ്ങിയ ലാറ്റിനമേരിക്കൻ ശക്തർ, തുടക്കം മുതൽത്തന്നെ മത്സരത്തിൽ ആധിപത്യം പുലർത്തി.

22-ാം മിനിറ്റിൽ വിനീഷ്യസ് ജൂനിയർ ബോക്‌സിലേക്ക് കട്ട് ചെയ്തുതൊടുത്ത ഷോട്ട് ഹെയ്തി ഗോൾകീപ്പർ പ്ലാസിഡ് തടുത്തെങ്കിലും റീബൗണ്ടായി വന്ന പന്ത് ഹെയ്തി പ്രതിരോധ താരം ഡെൽക്രോയിയുടെ ശരീരത്തിൽ തട്ടി മാത്യൂസ് കുന്യയിലേക്കെത്തി. കുന്യയുടെ ബൂട്ടിൽ തട്ടി പന്ത് വലയിലേക്ക് കയറുകയായിരുന്നു (1-0).

36-ാം മിനിറ്റിൽ കുന്യയിലൂടെതന്നെ ബ്രസീൽ ലീഡുയർത്തി. ഹെയ്തിയുടെ ഒരു മുന്നേറ്റം തടഞ്ഞുനിർത്തി കാസെമിറോ നടത്തിയ മികച്ചൊരു ഇടപെടലാണ് ഈ ഗോളിന് വഴിയൊരുങ്ങിയത്. തുടർന്ന് പന്തുമായി മുന്നേറിയ വിനീഷ്യസ് ജൂനിയർ ബോക്‌സിനുള്ളിലേക്ക് നൽകിയ മനോഹരമായ പാസ്, കുന്യ ഇടംകാൽകൊണ്ട് ഹെയ്തി ഗോൾകീപ്പർക്ക് ഒരവസരവും നൽകാതെ പോസ്റ്റിന്റെ ഇടത് മൂലയിലേക്ക് അടിച്ചുകയറ്റി (2-0).

രണ്ടു ഗോളുകൾക്ക് മുന്നിലെത്തിയതോടെ ബ്രസീൽ മത്സരത്തിൽ പൂർണ നിയന്ത്രണമേറ്റെടുത്തു. ആദ്യ പകുതിയുടെ ഇഞ്ചുറി ടൈമിൽ (45+3 മിനിറ്റ്) ബ്രസീൽ ഹെയ്തിയുടെ മേൽ മൂന്നാം പ്രഹരവും ഏൽപ്പിച്ചു. പക്വേറ്റ നൽകിയ മികച്ചൊരു ചിപ് പാസ് സ്വീകരിച്ച് ഇടതുഭാഗത്തുകൂടെ കുതിച്ചുപാഞ്ഞ വിനീഷ്യസ് ജൂനിയർ, തടയാൻ വന്ന ഹെയ്തി ഗോൾകീപ്പർ പ്ലാസിഡിന് മുകളിലൂടെ പന്ത് മനോഹരമായി ചിപ് ചെയ്ത് വലയിലാക്കി. ഇതോടെ ആദ്യ പകുതി അവസാനിക്കുമ്പോൾ ബ്രസീൽ 3-0 എന്ന ശക്തമായ ലീഡ് സ്വന്തമാക്കി.

രണ്ടാം പകുതിയിൽ കൂടുതൽ ആക്രമണങ്ങൾ ലക്ഷ്യമിട്ട് ഹെയ്തി 4-4-2 ഫോർമേഷനിലേക്ക് മാറി കളി ശൈലി പരിഷ്‌കരിച്ചു. ആദ്യ പകുതിയേക്കാൾ മന്ദഗതിയിലാണ് ബ്രസീൽ ഈ പകുതിയിൽ പന്തുതട്ടിയത്. മൂന്ന് ഗോളിന്റെ ആശ്വാസത്തിൽ ഹെയ്തിക്ക് കളി നിയന്ത്രിക്കാൻ അവസരം നൽകിയ ബ്രസീൽ, കൗണ്ടർ അറ്റാക്കുകൾക്കാണ് പ്രധാനമായും ശ്രമിച്ചത്. ഹെയ്തി താരം സിമോൺ ഒരു ക്രോസിലൂടെ ബ്രസീൽ ഗോൾമുഖത്ത് ഭീതി സൃഷ്ടിച്ചെങ്കിലും ഗോൾകീപ്പർ അലിസൺ സമയോചിതമായി ഇടപെട്ട് പന്ത് കൈക്കലാക്കി.

]]> ഒരു കല്ലറയിൽ രണ്ട് മൃതദേഹം? പായയിൽ പൊതിഞ്ഞ നിലയിൽ; ദുരൂഹതയുണർത്തി വാണിയപ്പാറ ഇൻഫാൻ്റ് ജീസസ് ചർച്ചിലെ കല്ലറ https://www.sandhesam.com/two-remains-in-a-single-grave-at-Infant-Jesus-Church https://www.sandhesam.com/two-remains-in-a-single-grave-at-Infant-Jesus-Church Sat, 20 Jun 2026 10:21:00 +0530 Web Desk കണ്ണൂർ: വാണിയപ്പാറ ഇൻഫൻറ് ജീസസ് പള്ളി സെമിത്തേരി കല്ലറയിലെ ദുരൂഹതയിൽ അന്വേഷണം ഊർജ്ജിതമാക്കി പൊലീസ്. 2006 ലും 2015 ലും അടക്കം ചെയ്ത രണ്ടുപേരുടെ ശരീര അവശിഷ്ടങ്ങളാണ് കല്ലറയിൽ ഉള്ളതെന്നാണ് പ്രാഥമിക നിഗമനം. ഇത് സ്ഥിരീകരിക്കാൻ മരിച്ചവരുടെ ബന്ധുക്കളെ വിളിച്ചു വരുത്തും. 2006 ൽ റോസമ്മ, 2015 ൽ ജയ്സൺ എന്നിവരുടെ മൃതദേഹങ്ങളാണ് 38 -ാം നമ്പർ കല്ലറയിൽ അടക്കിയിരുന്നത് എന്നാണ് കണ്ടെത്തൽ. 

ഇപ്പോൾ കണ്ടെത്തിയ പ്ലാസ്റ്റിക് പായ റോസമ്മയുടെ ശവപ്പെട്ടിക്കൊപ്പം ഉണ്ടായിരുന്നതാണ് എന്നാണ് പൊലീസ് സംശയിക്കുന്നത്. സംസ്കാരസമയത്തെ ചിത്രങ്ങളിൽ ഇതിന്റെ തെളിവ് ലഭിച്ചതായാണ് സൂചന. എന്നാൽ ആദ്യത്തെ ശരീര അവശിഷ്ടം മാറ്റാതെ എങ്ങനെ രണ്ടാമത്തേത് അടക്കം ചെയ്തു എന്നതിൽ സംശയം തുടരുകയാണ്. തുടർന്ന് പള്ളി ഭാരവാഹികളുടെ മൊഴി എടുത്തേക്കും.

കഴിഞ്ഞ വെള്ളിയാഴ്ച മറ്റൊരു മൃതദേഹം സംസ്കരിക്കുന്നതിനായി കല്ലറ തുറന്നപ്പോഴാണ് ഒരേ കല്ലറയ്ക്കുള്ളിൽ രണ്ട് മൃതദേഹങ്ങൾ കണ്ടെത്തിയത്. നാട്ടുകാരനായ ജിൽസ് ഉണ്ണിമാക്കൽ സോഷ്യൽ മീഡിയയിൽ പങ്കുവെച്ച കുറിപ്പിലൂടെയാണ് സംഭവം പുറംലോകമറിഞ്ഞത്. ക്രൈസ്തവ ആചാരപ്രകാരം മൃതദേഹങ്ങൾ പായയിൽ പൊതിഞ്ഞ് സംസ്കരിക്കാറില്ല എന്നത്  ദുരൂഹതയുണ്ടാക്കിയെന്ന് ജിൽസ് ഉണ്ണിമാക്കൽ പറഞ്ഞു. അതേസമയം, പള്ളി അധികൃതരാണ് പോലീസിനെ വിവരമറിയിച്ചതെന്ന് വികാരി ഫാദർ ജിൽബർട്ട് കൊന്നയിൽ അറിയിച്ചു.

സംഭവത്തിൽ കരിക്കോട്ടക്കരി പോലീസ് അന്വേഷണം ആരംഭിച്ചിട്ടുണ്ട്. കല്ലറകളുടെ നമ്പറുകൾ മാറ്റിയപ്പോൾ സംഭവിച്ച പിഴവാകാം ഇതെന്നാണ് പോലീസിന്റെ പ്രാഥമിക നിഗമനം. 

]]> ക്ഷേമ പെൻഷൻ വർദ്ധനയില്ല; സർക്കാർ ജീവനക്കാർക്ക് ആശ്വാസപ്രഖ്യാപനങ്ങളില്ല https://www.sandhesam.com/vds-budget https://www.sandhesam.com/vds-budget Fri, 19 Jun 2026 17:56:50 +0530 Web Desk തിരുവനന്തപുരം: വലിയ പ്രഖ്യാപനങ്ങൾ കാത്തിരുന്ന ജനങ്ങളെയും സർക്കാർ ജീവനക്കാരെയും ഒരുപോലെ നിരാശപ്പെടുത്തി മുഖ്യമന്ത്രി വി ഡി സതീശൻ നിയമസഭയിൽ അവതരിപ്പിച്ച 2026-27 വർഷത്തെ പുതുക്കിയ സംസ്ഥാന ബജറ്റ്. സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധികളുടെ പശ്ചാത്തലത്തിൽ, പൊതുസമൂഹം ഏറെ പ്രതീക്ഷയോടെ ഉറ്റുനോക്കിയിരുന്ന സാമൂഹ്യ സുരക്ഷാ ക്ഷേമ പെൻഷനുകളിൽ ഇത്തവണ യാതൊരുവിധ വർദ്ധനവും വരുത്തിയിട്ടില്ല. ഇതോടൊപ്പം, ശമ്പള പരിഷ്‌കരണവും കുടിശ്ശികകളുടെ വിതരണവും പ്രതീക്ഷിച്ചിരുന്ന സർക്കാർ ജീവനക്കാർക്കും ബജറ്റിൽ വലിയ തോതിലുള്ള അനുകൂല പ്രഖ്യാപനങ്ങൾ ഉൾപ്പെടുത്തിയിട്ടില്ല എന്നത് ശ്രദ്ധേയമാണ്.

സംസ്ഥാനത്തെ ലക്ഷക്കണക്കിന് വരുന്ന നിർധനരായ സാധാരണക്കാർക്ക് കൈത്താങ്ങാകേണ്ട സാമൂഹ്യ സുരക്ഷാ ക്ഷേമ പെൻഷൻ തുക ഉയർത്താൻ ഇത്തവണ സർക്കാർ തയ്യാറായിട്ടില്ല. ഖജനാവിന്റെ നിലവിലെ ശോചനീയാവസ്ഥയും തീർപ്പാക്കാനുള്ള വൻ സാമ്പത്തിക ബാദ്ധ്യതകളും കണക്കിലെടുത്താണ് ജനപ്രിയമായ പെൻഷൻ വർദ്ധനവിൽ നിന്നും സർക്കാർ പിൻവാങ്ങിയതെന്നാണ് സൂചന.

കഴിഞ്ഞ സർക്കാരിന്റെ കാലത്തെ വൻ ബാദ്ധ്യതകളും കുടിശ്ശികകളും തങ്ങളുടെ ചുമലിലാണെന്ന് ആമുഖത്തിൽ വ്യക്തമാക്കിയ മുഖ്യമന്ത്രി, ജീവനക്കാർ ഏറെ പ്രതീക്ഷയോടെ കാത്തിരുന്ന ഡി.എ കുടിശ്ശികകൾ തീർപ്പാക്കുന്നതിനെക്കുറിച്ച് ബജറ്റിൽ യാതൊരുവിധ വ്യക്തതയും നൽകിയിട്ടില്ല. വലിയ സാമ്പത്തിക ആനുകൂല്യങ്ങൾ പ്രതീക്ഷിച്ച ജീവനക്കാർക്ക് ബജറ്റ് വലിയ രീതിയിൽ ആശ്വാസകരമായ പ്രഖ്യാപനങ്ങളൊന്നും നൽകുന്നില്ല.

പതിവ് വിതരണം മാത്രം: ജീവനക്കാരുടെ ഡി.എയും പെൻഷൻകാരുടെ ഡി.ആറും ഇനി മുതൽ മുടക്കം കൂടാതെ കൃത്യമായി നൽകുമെന്ന ഒരു ഉറപ്പ് മാത്രമാണ് ബജറ്റിലുള്ളത്. കുടിശ്ശികകളെക്കുറിച്ച് ബജറ്റ് പൂർണ്ണമായി മൗനം പാലിക്കുന്നു.

ലീവ് സറണ്ടറിൽ ഉറപ്പില്ല: ജീവനക്കാരുടെ ലീവ് സറണ്ടർ ആനുകൂല്യങ്ങളുടെ കാര്യത്തിൽ വ്യക്തമായ പ്രഖ്യാപനങ്ങൾക്ക് പകരം 'ഉചിതമായ തീരുമാനം കൈക്കൊള്ളും' എന്ന പ്രഖ്യാപനം മാത്രമാണ് ബജറ്റിലുള്ളത്.

എൻ.പി.എസ് പരിഷ്‌കരണത്തിൽ അവ്യക്തത: മുൻ സർക്കാർ പ്രഖ്യാപിച്ച അഷ്വേർഡ് പെൻഷൻ പദ്ധതിയിലെ അവ്യക്തതകൾ നീക്കിയ ശേഷം നിലവിലുള്ള എൻ.പി.എസ് പെൻഷൻ സംവിധാനം പരിഷ്‌കരിക്കാൻ നടപടി സ്വീകരിക്കുമെന്ന് പറയുന്നുണ്ടെങ്കിലും സാമ്പത്തിക ആനുകൂല്യങ്ങൾ എപ്പോൾ ലഭ്യമാകുമെന്ന കാര്യത്തിൽ ഉറപ്പുകളില്ല.

മെഡിസെപ്പ് പുനഃക്രമീകരണം: നിലവിലുള്ള 'മെഡിസെപ്പ്' ആരോഗ്യ സുരക്ഷാ പദ്ധതി സമഗ്രമായി പരിഷ്‌കരിക്കുമെന്ന പ്രഖ്യാപനവും ബജറ്റിലുണ്ട്.

]]> വനത്തിൽ നിന്ന് കണ്ടെത്തിയ 'മൗഗ്ലി ഗേൾ' യാത്രയായി https://www.sandhesam.com/Mowgli-Girl%2C-Found-in-forest-in-2017%2C-dies-at-18-in-Lucknow-after-years-of-rehabilitation https://www.sandhesam.com/Mowgli-Girl%2C-Found-in-forest-in-2017%2C-dies-at-18-in-Lucknow-after-years-of-rehabilitation Fri, 19 Jun 2026 17:49:21 +0530 Web Desk ലക്നൗ: വർഷങ്ങൾക്ക് മുൻപ് ഉത്ത‌‌ർപ്രദേശിലെ വനത്തിൽ നിന്ന് കണ്ടെത്തി രാജ്യാന്തര ശ്രദ്ധനേടിയ ‘മൗഗ്ലി ഗേൾ’ അന്തരിച്ചു. പുനരധിവാസ കാലത്ത് ‘എഹ്സാസ്’ എന്ന് പേര് ലഭിച്ച പതിനെട്ടുകാരിയായ പെൺകുട്ടി ലഖ്‌നൗവിലെ ആശുപത്രിയിൽ ശ്വാസകോശ രോഗത്തെ തുടർന്നാണ് മരണത്തിന് കീഴടങ്ങിയത്.

2017 ജനുവരിയിൽ ഉത്തർപ്രദേശിലെ കതാർണിയഘട്ട് വന്യജീവി സങ്കേതത്തിലെ റോഡിലൂടെ അലഞ്ഞുതിരിഞ്ഞ് നടക്കുന്ന നിലയിലാണ് പെൺകുട്ടിയെ കണ്ടെത്തിയത്. ഈ സമയം മനുഷ്യരുമായി യാതൊരു സമ്പർക്കവുമില്ലാത്ത അവസ്ഥയിലായിരുന്നു പെൺകുട്ടി. മൃഗങ്ങളെ പോലെ നാലുകാലിൽ നടക്കുക, വസ്ത്രം ധരിക്കാൻ വിസമ്മതിക്കുക, ആളുകളെ കാണുമ്പോൾ ഭയപ്പെടുക, നിലവിളിയിലൂടെയും ആംഗ്യഭാഷയിലൂടെയും ആശയവിനിമയം നടത്തുക എന്നിങ്ങനെയായിരുന്നു അവളുടെ രീതി.

പ്രശസ്തമായ ജംഗിൾ ബുക്ക് കഥയിലെ കാട്ടുബാലനായ മൗഗ്ലിയോട് സാദൃശ്യം തോന്നിയതോടെയാണ് പെൺകുട്ടിയെ മൗഗ്ലിയെന്ന് വിളിക്കാൻ തുടങ്ങിയത്. ഇക്കഴിഞ്ഞ ഒമ്പത് വർഷമായി പ്രത്യേക പരിചരണത്തിലൂടെ പെൺകുട്ടിയെ സാധാരണ ജീവിതത്തിലേയ്ക്ക് കൊണ്ടുവരാനുള്ള ശ്രമത്തിലായിരുന്നു അധികൃത‌ർ. കൃത്യമായ പരിചരണത്തിനിടെ കുട്ടി വസ്ത്രങ്ങൾ ധരിച്ചു തുടങ്ങുകയും രണ്ടുകാലിൽ നിവർന്നു നിൽക്കാൻ പഠിക്കുകയും ചെയ്തിരുന്നു. പെരുമാറ്റത്തിൽ ഉൾപ്പെടെ സാരമായ മാറ്റങ്ങൾ പ്രകടമാകുന്നതിനിടെയാണ് ശ്വാസകോശ രോഗത്തിന്റെ രൂപത്തിൽ മരണം അവളെ തേടിയെത്തിയത്.

]]> നിതിൻ രാജിൻ്റെ മരണം; ഒന്നാം പ്രതി ഡോ. എം കെ റാമിന് മുൻ‌കൂർ ജാമ്യമില്ല, ഹർജി തള്ളി ഹൈക്കോടതി https://www.sandhesam.com/Nithin-rajs-death https://www.sandhesam.com/Nithin-rajs-death Fri, 19 Jun 2026 17:40:06 +0530 Web Desk കണ്ണൂർ: കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജ് ആത്മഹത്യ ചെയ്ത സംഭവത്തിൽ ഒന്നാം പ്രതിയായ അധ്യാപകൻ ഡോ എം കെ റാമിന് മുൻ‌കൂർ ജാമ്യമില്ല. ഹൈക്കോടതിയാണ് റാമിന് മുൻ‌കൂർ ജാമ്യാപേക്ഷ തള്ളിയത്. നേരത്തെ, തലശ്ശേരി അഡിഷനൽ സെഷൻസ് കോടതിയും റാമിന്‍റെ ജാമ്യാപേക്ഷ തള്ളിയിരുന്നു.

ഏപ്രില്‍ 10 നാണ് നിതിന്‍ രാജ് കോളേജ് കെട്ടിടത്തില്‍ നിന്നും ചാടി ജീവനൊടുക്കിയതായി കുടുംബം അറിയുന്നത്. വകുപ്പ് മേധാവി റാം മാനസികമായി പീഡിപ്പിക്കുന്നുണ്ടെന്ന് നിതിന്‍ നേരത്തെ തന്നെ കുടുംബത്തെ അറിയിച്ചിരുന്നു. അധ്യാപകരായ ഡോ എം കെ റാം, സംഗീത നമ്പ്യാർ എന്നിവരാണ് കേസിലെ പ്രതികൾ. നിതിൻ രാജിന്റെ മരണത്തിൽ അധ്യാപകനെതിരെ ഗുരുതര ആരോപണങ്ങളുമായി വിദ്യാർത്ഥികൾ രം​ഗത്തെത്തിയിരുന്നു. ഡെന്റൽ അനാട്ടമി വിഭാഗം മേധാവി എം കെ റാം മാനസികവും ശാരീരികവുമായി പീഡിപ്പിച്ചിരുന്നതായി വിദ്യാർഥികൾ പൊലീസിന് മൊഴി നൽകിയിരുന്നു. സംഭവത്തെ തുടർന്ന് കോളേജിൽ നിന്നും ഡോ എം കെ റാമിനെയും, ഡോ സംഗീത നമ്പ്യാരെയും പുറത്താക്കിയിരുന്നു.

]]> മുതിര്‍ന്ന മാധ്യമപ്രവര്‍ത്തകന്‍ എന്‍ ആര്‍ എസ് ബാബു അന്തരിച്ചു https://www.sandhesam.com/senior-journalist-nrs-babu-passed-away https://www.sandhesam.com/senior-journalist-nrs-babu-passed-away Fri, 19 Jun 2026 17:33:51 +0530 Web Desk

തിരുവനന്തപുരം: മുതിര്‍ന്ന മാധ്യമപ്രവര്‍ത്തകന്‍ എന്‍ ആര്‍ എസ് ബാബു(84) അന്തരിച്ചു. പട്ടം വൃന്ദാവന്‍ ഗാര്‍ഡന്‍സിലെ വസതിയിലായിരുന്നു അന്ത്യം. പ്രസ് ക്ലബ് ഹോണററി അംഗവും തിരുവനന്തപുരം പ്രസ്‌ക്ലബിന്റെ ഇന്‍സ്‌റിറ്റിയൂട്ട് ഓഫ് ജേണലിസം മുന്‍ ഡയറക്ടറുമായിരുന്നു.

ജേണലിസം അധ്യാപകന്‍ കൂടിയായ അദ്ദേഹം കലാകൗമുദി വാരിക എഡിറ്റര്‍, കേരളകൗമുദി ദിനപത്രം ഡെപ്യൂട്ടി എഡിറ്റര്‍ എന്നി നിലകളില്‍ പ്രശസ്തനായിരുന്നു. കേരള കൗമുദിയിലൂടെയാണ് പത്രപ്രവര്‍ത്തന രംഗത്തേയ്ക്ക് കടന്നു വന്നത്. കേരളത്തിലെ ആദ്യത്തെ സോഫ്റ്റ്വെയര്‍ - മള്‍ട്ടിമീഡിയ സ്ഥാപനങ്ങളിലൊന്നായ ഇന്‍വിസ് മള്‍ട്ടിമീഡിയ ഫൗണ്ടര്‍-ചെയര്‍മാനാണ്.

എന്‍ ആര്‍ എസിന്റെ നിരവധി റിപ്പോര്‍ട്ടുകള്‍ ശ്രദ്ധേയമാണ്. മാധ്യമ രംഗത്തെ അദ്ദേഹത്തിന്റെ സമഗ്ര സംഭാവനകള്‍ പരിഗണിച്ച് നിരവധി അവാര്‍ഡുകളും അദ്ദേഹത്തെ തേടിയെത്തിയിട്ടുണ്ട്.

]]> ശബരിമല സ്വര്‍ണകൊള്ള; കുറ്റപത്രത്തില്‍ ഉടന്‍ തീരുമാനം വേണമെന്ന് ഹൈക്കോടതി https://www.sandhesam.com/sabarimala-gold-heist https://www.sandhesam.com/sabarimala-gold-heist Fri, 19 Jun 2026 17:22:19 +0530 Web Desk കൊച്ചി: ശബരിമല സ്വര്‍ണകൊള്ള കേസിലെ കുറ്റപത്രത്തില്‍ ഉടന്‍ തീരുമാനം വേണമെന്ന് ഹൈക്കോടതി. പ്രത്യേക അന്വേഷണ സംഘം (എസ്ഐടി) സമർപ്പിച്ച റിപ്പോർട്ട് പരിശോധിച്ച ശേഷമാണ് കോടതിയുടെ നിർദേശം. അന്തിമ കുറ്റപത്രം എന്ന് നല്‍കാനാകുമെന്ന് അറിയിക്കണമെന്ന് കോടതി വ്യക്തമാക്കി.

ജൂണ്‍ 29നകം തീരുമാനം അറിയിക്കണമെന്ന് ജസ്റ്റീസ് രാജ വിജയരാഘവൻ അധ്യക്ഷനായ ബെഞ്ച് ആവശ്യപ്പെട്ടു. അന്വേഷണം അന്തിമഘട്ടത്തിലാണെന്ന് എസ്‌ഐടി റിപ്പോർട്ടിൽ അറിയിച്ചു. സ്വർണക്കൊള്ളയിൽ പ്രതികളുടെ പങ്ക് വ്യക്തമാണെന്നും ഗുഡാലോചന അന്വേഷിച്ചുവരികയാണെന്നും എസ്ഐടി വ്യക്തമാക്കി.

നേരത്തെ, കേസിൽ അന്വേഷണ സംഘത്തിന് എതിരെ വിജിലന്‍സ് കോടതി നടത്തിയ പരാമര്‍ശങ്ങള്‍ ഹൈക്കോടതി നീക്കം ചെയ്തിരുന്നു. കേസില്‍ അറസ്റ്റിലായി ജാമ്യം ലഭിച്ച തന്ത്രി കണ്ഠരര് രാജീവരർക്കെതിരെ തെളിവുകളുടെ ഒരു കണിക പോലുമില്ല എന്ന പരാമര്‍ശവും ജാമ്യ ഉത്തരവിലെ പരാമർശമുമായിരുന്നു കോടതി നീക്കിയത്.

]]> 'ലോക്കര്‍ തുറക്കുമ്പോള്‍ വിസ്മയം ഉണ്ടോയെന്ന് നോക്കാമല്ലോ...?'; ഇഡി പരിശോധനയില്‍ പിണറായി വിജയന്‍ https://www.sandhesam.com/Pinarayi-on-ED-raid https://www.sandhesam.com/Pinarayi-on-ED-raid Fri, 19 Jun 2026 16:55:54 +0530 Web Desk തിരുവനന്തപുരം: സിഎംആര്‍എല്‍ - എക്‌സാലോജിക് സാമ്പത്തിക ഇടപാടു കേസുമായി ബന്ധപ്പെട്ട് വീണയുടെ ബാങ്ക് ലോക്കറില്‍ ഇഡി നടത്തിയ പരിശോധനയില്‍ പ്രതികരണവുമായി പ്രതിപക്ഷ നേതാവ് പിണറായി വിജയന്‍. അന്വേഷണം നേരത്തെ നടക്കുന്നതല്ലേ ?. അവര്‍ വീട്ടില്‍ വന്നതല്ലേ ?. വീട്ടില്‍ വന്നപ്പോള്‍ ബാങ്ക് ലോക്കറുണ്ടെന്ന് അറിഞ്ഞു. ആ ബാങ്ക് ലോക്കര്‍ അവര്‍ക്ക് കാണണമായിരിക്കും. പിണറായി പറഞ്ഞു.

നിങ്ങള്‍ ( മാധ്യമങ്ങള്‍) കാമറയുമായി ചെന്നു നോക്ക്. ലോക്കര്‍ തുറക്കുമ്പോള്‍ മഹാകാര്യങ്ങള്‍ ഉണ്ടോയെന്ന് നോക്കാമല്ലോ ?. വിസ്മയങ്ങള്‍ ഉണ്ടോന്ന് നോക്കാമല്ലോയെന്നും പിണറായി വിജയന്‍ പ്രതികരിച്ചു. സംസ്ഥാന സര്‍ക്കാരിന്റെ ബജറ്റുമായി ബന്ധപ്പെട്ട് വാര്‍ത്താസമ്മേളനത്തിനിടെയായിരുന്നു പിണറായി വിജയന്റെ പ്രതികരണം.

മാസപ്പടി കേസ് അന്വേഷണവുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയൻ ന്റെ മകള്‍ ടി വീണയുടെ തിരുവനന്തപുരം ആയുര്‍വേദ കോളജിന് സമീപത്തെ എച്ച്ഡിഎഫ്‌സി ബാങ്കിലെ ലോക്കറിലാണ് ഇഡി ഉദ്യോഗസ്ഥര്‍ എത്തി പരിശോധന നടത്തിയത്. കേന്ദ്രസേനയുടെ സുരക്ഷയുടെ അകമ്പടിയോടെയാണ് ഇഡി സംഘം പരിശോധനയ്ക്ക് എത്തിയത്. കേസുമായി ബന്ധപ്പെട്ട് വീണാ വിജയന്റെ ബാങ്ക് അക്കൗണ്ട് നേരത്തെ ഇ ഡി മരവിപ്പിച്ചിരുന്നു. കഴിഞ്ഞ ദിവസം വീണയെ കൊച്ചിയില്‍ വിളിച്ചുവരുത്തി മൊഴി എടുത്തിരുന്നു.

]]> ബജറ്റ് നൽകുന്നത് വികസന മുരടിപ്പ് എന്ന ഗ്യാരണ്ടി; പറയുന്ന കാര്യങ്ങൾ ചെയ്യാനുള്ള പണം ബജറ്റിൽ ഇല്ലെന്ന് തോമസ് ഐസക് https://www.sandhesam.com/Thomas-issac-blasts-budget-as-hollow-and-anti-developement https://www.sandhesam.com/Thomas-issac-blasts-budget-as-hollow-and-anti-developement Fri, 19 Jun 2026 16:44:40 +0530 Web Desk ബജറ്റ് നൽകുന്നത് വികസന മുരടിപ്പ് എന്ന ഗ്യാരണ്ടിയെന്ന് മുൻ ധനമന്ത്രി തോമസ് ഐസക്. ഈ പറയുന്ന കാര്യങ്ങൾ ഒന്നും ചെയ്യാനുള്ള പണം ബജറ്റിൽ ഇല്ലെന്നും അദ്ദേഹം പറഞ്ഞു.

ഹരിപ്പാട് പുതിയ മെഡിക്കൽ കോളേജ് വരുന്നതിന് ആകെ വിലയിരുത്തിയത് 100 കോടി രൂപയാണെന്നും ഉമ്മൻ ചാണ്ടി ഇൻഷുറൻസ് പദ്ധതിക്ക് വകയിരുത്തിയത് വെറും പത്ത് കോടി മാത്രമാണെന്നും അദ്ദേഹം ചൂണ്ടിക്കാണിച്ചു.

നികുതി കുടിശ്ശിക പിരിച്ചെടുത്താൽ പ്രശ്നം തീരുമെന്ന് മുഖ്യമന്ത്രി പറഞ്ഞിരുന്നുവെന്നും എന്നാൽ ഈ ബജറ്റിൽ നികുതി എഴുതിത്തള്ളലാണ് ഉണ്ടായിരിക്കുന്നതെന്നും അദ്ദേഹം വ്യക്തമാക്കി. വീര്യം കുറഞ്ഞ കോർപറേറ്റ് മദ്യം ഒഴുക്കാനുള്ള ഉപായമായിട്ട് ഈ ബജറ്റ് മാറിയെന്നും അദ്ദേഹം പറഞ്ഞു.

ബജറ്റ് പ്രസംഗം കഥപറച്ചിലായിപ്പോയെന്നും അദ്ദേഹം വിമർശിച്ചു. SC-ST വിഭാഗത്തിൽ എൽഡിഎഫിനുള്ള സ്വാധീനം കുറയ്ക്കാൻ ദുഷ്പ്രചരണം നടത്തുന്നുവെന്നും തോമസ് ഐസക് പറഞ്ഞു.

കിഫ്‌ബിയിൽ അനിശ്ചിതത്വം സൃഷ്ടിച്ചത് നിരാശാജനകമാണെന്നും വ്യക്തമായ സമീപനം ബജറ്റ് പ്രസംഗത്തിൽ ഉണ്ടാവുമെന്ന് കരുതിയെന്നും അദ്ദേഹം കൂട്ടിച്ചേർത്തു. കിഫ്ബിയെ എന്ത് വേണമെങ്കിലും ചെയ്യാമെന്നും പക്ഷേ തുടങ്ങി വെച്ച ഒരു പദ്ധതിയും നിർത്താൻ അനുവദിക്കില്ലെന്നും അദ്ദേഹം വ്യക്തമാക്കി. ബജറ്റ് തമാശയാക്കിക്കളഞ്ഞെന്നും അദ്ദേഹം പറഞ്ഞു.

ഏതെങ്കിലും ധനസഹായ പദ്ധതി നിർത്തിയാൽ നാട്ടുകാരെ അണിനിരത്തി നേരിടുമെന്നും തോമസ് ഐസക് പറഞ്ഞു. മിഷൻ സമുദ്ര  എങ്ങനെ നടപ്പാക്കുമെന്നും എവിടെയാണ് പശ്ചാത്തല സൗകര്യമെന്നും അദ്ദേഹം ചോദിച്ചു.

ആരോഗ്യ മേഖലയിലെ കുത്തക കമ്പനികളെ വെച്ച് കൊണ്ട് എങ്ങോട്ടാണ് നെഹ്റുവിയൻ സോഷ്യലിസ്റ്റുകൾ കേരളത്തെ കൊണ്ട് പോകുന്നതെന്നും അദ്ദേഹം ചോദിച്ചു.

കഴിഞ്ഞ പത്ത് വർഷക്കാലം ഉണ്ടായ സമാനതകളില്ലാത്ത വികസന നേട്ടങ്ങളാണെന്നും അദ്ദേഹം പറഞ്ഞു. ഈ നേട്ടങ്ങളെ കൂടി ഇല്ലായ്മ ചെയ്യുന്ന ബജറ്റാണ് അവതരിപ്പിച്ചതെന്നും അദ്ദേഹം കൂട്ടിച്ചേർത്തു. ലൈഫ് മിഷൻ നിർത്തലാക്കുമെന്നാണ് പറഞ്ഞിരിക്കുന്നത്. ഏറ്റവും നല്ല നേട്ടങ്ങൾ കൊയ്ത പാർപ്പിട പദ്ധതിയാണതെന്നും പേര് മാറ്റുന്നെങ്കിൽ മാറ്റിക്കോട്ടെ ആ സമീപനം നിലനിർത്തിയാൽ മതിയെന്നും അദ്ദേഹം പറഞ്ഞു.

]]> സ്പാനിഷ് ആക്രമണമുന കുത്തിയകറ്റി വൊസിന്യ ചരിത്രത്തിലേക്ക് https://www.sandhesam.com/40-year-old-Cape-Verde-goalkeeper-keeps-favorite-Spain-to-0-goals-at-World-Cup https://www.sandhesam.com/40-year-old-Cape-Verde-goalkeeper-keeps-favorite-Spain-to-0-goals-at-World-Cup Tue, 16 Jun 2026 18:23:49 +0530 Web Desk ബുള്ളറ്റ് ഹെഡ്ഡറുകൾ, വെടിച്ചില്ല് ഷോട്ടുകൾ, നിരനിരയായി മുന്നേറ്റങ്ങൾ.. ആ പത്ത് പേരെയും കടന്ന് ഗോൾവരയ്ക്ക് തൊട്ടടുത്തുവരെയെത്തി യൂറോപ്യൻ ചാമ്പ്യന്മാരെന്ന പകിട്ടോടെ സ്പെയിനിൻ്റെ സൈന്യം. അത്രമാത്രം. അതിനപ്പുറത്തേക്ക് കടന്നില്ല. തന്നെ മറികടന്ന് പന്ത് ഗോൾവല കുലുക്കില്ലെന്ന് ഒരു നാൽപ്പതുകാരൻ കട്ടായം പറഞ്ഞു. ജീവൻ കൊടുത്തും പോരാടുമെന്ന പ്രഖ്യാപനം. അവിടെ യൂറോപ്പിനെ അടക്കിഭരിച്ച സ്വപ്നസംഘത്തിന് നിരാശയോടെ മടങ്ങേണ്ടിവന്നു. നാൽപ്പതാം വയസ്സിൽ ലോകകപ്പ് അരങ്ങേറ്റം കുറിക്കുന്ന ഒരു മനുഷ്യന്റെ അസാമാന്യ പോരാട്ടം. ഒരു ചങ്കുറപ്പിന്റെ പേര് കൂടിയാണ് വൊസിന്യ.

]]> തിരുവനന്തപുരത്ത് പ്രണയപ്പക; പട്ടാപ്പകല്‍ പ്ലസ് ടു വിദ്യാര്‍ഥിനിയെ കുത്തിപ്പരിക്കേല്‍പ്പിച്ചു, ഓടി രക്ഷപ്പെട്ട് പ്രതി https://www.sandhesam.com/16year-old-girl-stabbed https://www.sandhesam.com/16year-old-girl-stabbed Tue, 16 Jun 2026 17:53:00 +0530 Web Desk

തിരുവനന്തപുരം: പ്രണയം നിരസിച്ചതിന് 16കാരിയെ കുത്തിപ്പരിക്കേല്‍പ്പിച്ചു. പെണ്‍കുട്ടിക്ക് കഴുത്തിലും വയറ്റിലുമാണ് കുത്തേറ്റത്. പെണ്‍കുട്ടിയെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ല എന്നാണ് ആശുപത്രി വൃത്തങ്ങള്‍ പറയുന്നത്. പനവൂര്‍ സ്വദേശി ഫഹദ് ആണ് ആക്രമിച്ചത്.

തിരുവനന്തപുരം കന്യാകുളങ്ങരയില്‍ ഉച്ചയ്ക്ക് ഒരു മണിക്കാണ് സംഭവം. പ്ലസ് ടു വിദ്യാര്‍ഥിനിയാണ് ആക്രമണത്തിന് ഇരയായത്. ഉച്ചയ്ക്ക് ഇടവേളയില്‍ സ്‌കൂളില്‍ നിന്ന് പുറത്ത് ഇറങ്ങിയ സമയത്താകാം ആക്രമണമെന്നാണ് വിവരം. 16കാരിയെ ആക്രമിച്ചതിന് പിന്നാലെ പ്രതി ഓടി രക്ഷപ്പെടുകയായിരുന്നു. നാട്ടുകാര്‍ ചേര്‍ന്നാണ് പെണ്‍കുട്ടിയെ ആശുപത്രിയില്‍ എത്തിച്ചത്.

കേസില്‍ വട്ടപ്പാറ പൊലീസ് അന്വേഷണം ആരംഭിച്ചിട്ടുണ്ട്. സിസിടിവി ദൃശ്യങ്ങള്‍ കേന്ദ്രീകരിച്ചാണ് അന്വേഷണം. പ്രതിക്കായി തിരച്ചില്‍ ഊര്‍ജ്ജിതമാക്കിയിട്ടുണ്ട്.

]]> ശബരിമല ശ്രീകോവിലിന് മുകളിൽ അസാധാരണ നിറവ്യത്യാസം; തിരുവാഭരണ കമ്മീഷണർ പരിശോധന നടത്തി https://www.sandhesam.com/Sabarimala-temple https://www.sandhesam.com/Sabarimala-temple Tue, 16 Jun 2026 17:47:19 +0530 Web Desk ശബരിമല: ശബരിമലയിലെ സ്വർണ്ണം പൊതിഞ്ഞ ശ്രീകോവിലിൻ്റെ മുകളിൽ അസാധാരണമായ രീതിയിൽ നിറവ്യത്യാസം കണ്ടെത്തി. ശ്രീകോവിലിന്റെ മുകൾഭാഗത്ത് എന്തോ ദ്രാവകം ഒഴിച്ചതാണോ എന്ന സംശയമാണ് നിലവിൽ ഉയർന്നിരിക്കുന്നത്. ഈ സാഹചര്യത്തിൽ വിഷയത്തിന്റെ ഗൗരവം കണക്കിലെടുത്ത് ഉന്നത ഉദ്യോഗസ്ഥർ ഉൾപ്പെടെയുള്ളവർ ശബരിമലയിൽ നേരിട്ടെത്തി പരിശോധനകൾ നടത്തി. ശ്രീകോവിലിന്റെ സ്വർണ്ണ മേൽക്കൂരയിലെ നിറവ്യത്യാസം ശ്രദ്ധയിൽപ്പെട്ടയുടൻ തന്നെ തിരുവാഭരണ കമ്മീഷണർ അടക്കമുള്ള പ്രമുഖ ഉദ്യോഗസ്ഥർ സ്ഥലത്ത് എത്തിച്ചേരുകയും സംശയകരമായ ഭാഗങ്ങളിൽ വിശദമായ പരിശോധന നടത്തുകയും ചെയ്തതായി എഷ്യാനെറ്റ് ന്യൂസ് റിപ്പോർട്ട് ചെയ്തു.. 

പ്രാഥമിക പരിശോധനകൾക്ക് ശേഷം, ശ്രീകോവിലിന് മുകളിൽ ഒഴുകിയിറങ്ങിയത് നെയ്യാണെന്നാണ് അധികൃതരുടെ വിലയിരുത്തൽ. ഭക്തർ സമർപ്പിക്കുന്ന നെയ്യ് വീണതാകാം ഈ നിറവ്യത്യാസത്തിന് കാരണമായതെന്നാണ് ഉദ്യോഗസ്ഥ സംഘം വിലയിരുത്തുന്നത്. എങ്കിലും സ്വർണ്ണപാളികൾക്ക് മുകളിൽ ദ്രാവകം വീണതുമായി ബന്ധപ്പെട്ട കാര്യങ്ങളിൽ കൂടുതൽ വ്യക്തത വരുത്താൻ അധികൃതർ നടപടികൾ സ്വീകരിച്ചു വരികയാണ്. ശബരിമല തീർത്ഥാടനവുമായി ബന്ധപ്പെട്ട് ഏറെ പ്രാധാന്യമുള്ള സ്വർണ്ണ ശ്രീകോവിലിൽ ഇത്തരമൊരു വ്യത്യാസം കണ്ടത് അധികൃതർ അതീവ ശ്രദ്ധയോടെയാണ് വീക്ഷിക്കുന്നത്.

അതേസമയം, ശബരിമല സ്വർണക്കൊള്ളയിൽ സന്നിധാനത്ത് പരിശോധനയ്ക്ക് എസ്ഐടി കഴിഞ്ഞ ദിവസം പരിശോധന നടത്തിയിരുന്നു. പ്രഭാമണ്ഡലം അടക്കം ഇളക്കിയാണ് പരിശോധന നടത്തി.ക്. ഹൈക്കോടതിയുടെ പ്രത്യേക അനുമതി വാങ്ങിയായായിരുന്നു പരിശോധന. ഇതിന് പിന്നാലെയാണ് ശ്രീകോവിലിൽ നിറവ്യത്യാസം കണ്ടെത്തിയെന്ന വാര്‍ത്ത പുറത്തുവന്നിരിക്കുന്നത്.

]]> നാല് സംസ്ഥാനങ്ങളിൽ നിയമസഭാ തെരഞ്ഞെടുപ്പ് നേരത്തെ നടന്നേക്കാം; തെരഞ്ഞെടുപ്പ് ഒരുക്കങ്ങൾ വേ​ഗത്തിലാക്കാൻ ബിജെപി നിർദേശം https://www.sandhesam.com/BJP-may-prepone-elections-in-four-states https://www.sandhesam.com/BJP-may-prepone-elections-in-four-states Tue, 16 Jun 2026 17:42:28 +0530 Web Desk നാല് സംസ്ഥാനങ്ങളിലെ നിയമസഭാ തിരഞ്ഞെടുപ്പുകൾ നേരത്തെ നടത്താൻ സാധ്യതയെന്ന് റിപ്പോർട്ട്. ഉത്തർപ്രദേശ്, ഉത്തരാഖണ്ഡ്, ഗോവ, പഞ്ചാബ് എന്നീ സംസ്ഥാനങ്ങളിലെ തിരഞ്ഞെടുപ്പുകൾ നിശ്ചയിച്ച തീയതികളേക്കാൾ മുന്നേ നടത്താനുള്ള ആലോചനകൾ നടക്കുന്നതായാണ് വിവരം. 2027 ഫെബ്രുവരിയിൽ രാജ്യവ്യാപകമായി ആരംഭിക്കാൻ നിശ്ചയിച്ചിരിക്കുന്ന സെൻസസ് വിവരശേഖരണ നടപടികളെ ബാധിക്കാതിരിക്കാനാണ് തിരഞ്ഞെടുപ്പുകൾ നേരത്തെ നടത്താൻ ആലോചിക്കുന്നതെന്നാണ് റിപ്പോർട്ട്. 

]]> വിമാനത്തില്‍ യൂത്ത് കോണ്‍ഗ്രസ് പ്രവര്‍ത്തകരെ മര്‍ദിച്ചെന്ന കേസ്: ഇ പി ജയരാജനെതിരെ പുനരന്വേഷണം വേണമെന്ന് കോടതി https://www.sandhesam.com/E-P-Jayarajan-flight-case https://www.sandhesam.com/E-P-Jayarajan-flight-case Tue, 16 Jun 2026 17:09:58 +0530 Web Desk

തിരുവനന്തപുരം: വിമാനത്തില്‍ വെച്ച് മുന്‍ മുഖ്യമന്ത്രി പിണറായി വിജയനെതിരെ പ്രതിഷേധിച്ച യൂത്ത് കോണ്‍ഗ്രസ് പ്രവര്‍ത്തകരെ മര്‍ദിച്ചെന്ന പരാതിയില്‍ ഇ.പി.ജയരാജനെതിരെ വീണ്ടും അന്വേഷണം നടത്താന്‍ കോടതി ഉത്തരവിട്ടു. ഇ പി ജയരാജന് ക്ലീന്‍ ചിറ്റ് നല്‍കി പൊലീസ് സമര്‍പ്പിച്ച റിപ്പോര്‍ട്ട് തള്ളിക്കൊണ്ടാണ് കോടതിയുടെ നിര്‍ണായക നടപടി. പുതിയ അന്വേഷണം നടത്തി റിപ്പോര്‍ട്ട് സമര്‍പ്പിക്കാനാണ് തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയുടെ ഉത്തരവ്. ജയരാജനെതിരെ കേസെടുക്കാന്‍ കഴിയില്ലെന്ന വലിയതുറ പൊലീസിന്റെ റിപ്പോര്‍ട്ടും കോടതി തള്ളി..

2022-ല്‍ ഇന്‍ഡിഗോ വിമാനത്തില്‍ വെച്ച് അന്ന് മുഖ്യമന്ത്രിയായിരുന്ന പിണറായി വിജയന് നേരെ പ്രതിഷേധിച്ചപ്പോള്‍ ഇ പി ജയരാജന്‍ തങ്ങളെ മര്‍ദ്ദിച്ചുവെന്ന് ആരോപിച്ച് ഫര്‍സീന്‍ മജീദ് ഉള്‍പ്പെടെയുള്ള യൂത്ത് കോണ്‍ഗ്രസ് പ്രവര്‍ത്തകരാണ് പരാതി നല്‍കിയത്. പരാതി അന്വേഷിച്ച പൊലീസ് കേസ് അവസാനിപ്പിക്കാന്‍ ശുപാര്‍ശ ചെയ്തിരുന്നു. എന്നാല്‍ പരാതി തള്ളിക്കളയാനാകില്ലെന്ന് വ്യക്തമാക്കിയ കോടതി, ജയരാജനും അദ്ദേഹത്തിന്റെ ഗണ്‍മാന്‍ അനില്‍കുമാറിനുമെതിരെയുള്ള ആരോപണങ്ങളില്‍ അന്വേഷണം നടത്താന്‍ ഉത്തരവിടുകയായിരുന്നു.

കോടതി ഉത്തരവിനെത്തുടര്‍ന്ന് ആദ്യപടിയെന്നോണം കേസിന്റെ എല്ലാ വശങ്ങളും പരിശോധിക്കാന്‍ പൊലീസ് തയ്യാറാവും. പുനരന്വേഷണത്തിന്റെ ഭാഗമായി ജയരാജന്റേതടക്കമുള്ളവരുടെ മൊഴികള്‍ വീണ്ടും രേഖപ്പെടുത്തിയേക്കും. വിമാനത്തിലെ പ്രതിഷേധവുമായി ബന്ധപ്പെട്ട് യൂത്ത് കോണ്‍ഗ്രസ് പ്രവര്‍ത്തകര്‍ക്കെതിരെ നിലവിലുള്ള കേസിന് സമാന്തരമായിട്ടായിരിക്കും ജയരാജനെതിരെയുള്ള ഈ അന്വേഷണവും മുന്നോട്ട് പോവുക.
]]> ‘യുഎസിൻ്റെ കീഴിലല്ല ഞങ്ങൾ, ട്രംപിൻ്റെ കരാറിൽ പങ്കാളികളുമല്ല’; ലെബനനിൽനിന്ന് പിന്മാറില്ലെന്ന് ഇസ്രയേൽ https://www.sandhesam.com/Israeli-ministers-reject-the-US-brokered-Iran-deal https://www.sandhesam.com/Israeli-ministers-reject-the-US-brokered-Iran-deal Mon, 15 Jun 2026 17:26:05 +0530 Web Desk ടെൽ അവീവ്: ഇറാൻ-യുഎസ് സമാധാന കരാറിനെ തള്ളി ഇസ്രയേൽ മന്ത്രിമാർ. ട്രംപിന്റെ കരാറിൽ ഇസ്രയേൽ പങ്കാളിയല്ലെന്നും അമേരിക്കയുടെ കീഴിലല്ല തങ്ങളുള്ളതെന്നും ദേശീയ സുരക്ഷാ മന്ത്രി ഇതാമർ ബെൻ ഗ്വിർ പറഞ്ഞു. തെക്കൻ ലെബനനിൽനിന്ന് ഇസ്രയേൽ പിൻമാറില്ലെന്ന് പ്രതിരോധ മന്ത്രി ഇസ്രയേൽ കാറ്റ്‌സും പറഞ്ഞു. ഇറാൻ-യുഎസ് കരാറിൽ ലെബനനിലെ സൈനിക നടപടി പിൻവലിക്കുന്നതടക്കം ഉൾപ്പെടുന്നുവെന്ന റിപ്പോർട്ടുകൾക്കിടയിലാണ് ഇസ്രയേൽ മന്ത്രിമാർ കടുത്ത വിയോജിപ്പുമായി രംഗത്തെത്തിയിരിക്കുന്നത്. നെതന്യാഹു മന്ത്രിസഭയിലെ മറ്റു മന്ത്രിമാരും വിയോജിപ്പുമായി രംഗത്തെത്തിയിട്ടുണ്ട്. അതേസമയം, നെതന്യാഹുവു നിലപാട് വ്യക്തമാക്കിയിട്ടില്ല.

അന്താരാഷ്ട്ര സമ്മർദ്ദത്തിന് ഞങ്ങൾ വഴങ്ങിയ ഓരോ തവണയും, പലിശയോടെ രക്തം ചിന്തേണ്ടിവന്നിട്ടുണ്ടെന്നും ബെൻ ഗ്വിർ പറഞ്ഞു. 'ഓസ്ലോ ഉടമ്പടിയിൽ അതാണ് സംഭവിച്ചത്., 2006-ലെ ലെബനൻ കരാറിലും അത് ശരിയായിരുന്നു, ഗാസയിലെ എല്ലാ കാലഘട്ടത്തിലും അത് ശരിയായിരുന്നു, എല്ലായ്‌പ്പോഴും ഞങ്ങളുടെ മുഖത്ത് പൊട്ടിത്തെറിച്ചു', ഇസ്രയേൽ ദേശീയ സുരക്ഷാ മന്ത്രി പറഞ്ഞു.

ഇസ്രായേലിലെ പൗരന്മാർ, ഐഡിഎഫ് സൈനികർ, യഹൂദ ജനത എന്നിവരോടാണ് ഞങ്ങളുടെ കടമ, യഹൂദർക്ക് സുരക്ഷ നൽകുന്നതാണ് ഞങ്ങളുടെ കർത്തവ്യം. ഞങ്ങൾ അമേരിക്കയെ സ്‌നേഹിക്കുന്നു, പ്രസിഡന്റ് ട്രംപിനോട് നന്ദിയുണ്ട്. എന്നിരുന്നാലും, ഇസ്രായേൽ ഒരു ബനാന റിപ്പബ്ലിക് അല്ലെന്നും അദ്ദേഹം കൂട്ടിച്ചേർത്തു.

ഇസ്രയേൽ പ്രധാനമന്ത്രിയെ എല്ലായ്‌പ്പോഴും ഇക്കാര്യം ഓർമ്മപ്പെടുത്താറുണ്ടെന്നും ചരിത്രപരമായ തീരുമാനം എടുക്കണമെന്നും ദേശീയ സുരക്ഷാ മന്ത്രി ആവശ്യപ്പെട്ടു.

'ഞാൻ പ്രധാനമന്ത്രിയോട് എപ്പോഴും ഇക്കാര്യങ്ങൾ പറയാറുണ്ട്, എല്ലാ പ്രധാനപ്പെട്ട ചരിത്രസന്ധികളിലും അടച്ചിട്ട മുറികളിൽ അവ ആവർത്തിക്കാറുണ്ട്. ചരിത്ര നിമിഷങ്ങളിൽ, ചരിത്രപരമായ തീരുമാനം എടുക്കണം. എന്റെ നിലപാട് വ്യക്തമാണ്, ഞങ്ങളുടെ സുരക്ഷ ഉറപ്പാക്കാത്ത ഈ കരാറിൽ ഞങ്ങൾ പങ്കാളികളല്ല, അത് ഞങ്ങളെ ഒരുതരത്തിലും ബാധ്യസ്ഥരാക്കുന്നില്ല. ഹിസ്ബുള്ളയെ നിരായുധരാക്കുന്നതിൽ കുറഞ്ഞ ഒന്നിനും ഞങ്ങൾ വിട്ടുവീഴ്ച ചെയ്യില്ല. ഞങ്ങളുടെ പോരാളികൾ പിടിച്ചെടുത്ത, ഭീകരവാദ അടിസ്ഥാന സൗകര്യങ്ങൾ നീക്കംചെയ്ത ഒരു പ്രദേശത്തുനിന്നും ഞങ്ങൾ പിന്മാറില്ല', ബെൻ ഗ്വിർ പരസ്യപ്രസ്താവനയിൽ അറിയിച്ചു.

ലെബനനിൽ ഇസ്രയേലിലേക്ക് ഏതെങ്കിലും തരത്തിലുള്ള ആക്രമണം നടന്നാൽ തിരിച്ചടിക്കുമെന്നും അദ്ദേഹം വ്യക്തമാക്കി. ശത്രുക്കൾക്ക് മുന്നിൽ തലകുനിക്കാൻ ഇനി ഉദ്ദേശിക്കുന്നില്ല. അടിവാങ്ങി നിശ്ശബ്ദരായിരുന്ന യഹൂദരുടെ കാലം കഴിഞ്ഞു. ഇനി അത് ഒരിക്കലും ഉണ്ടാകില്ലെന്നും അദ്ദേഹം കൂട്ടിച്ചേർത്തു.

ലെബനൻ, സിറിയ, ഗാസ എന്നിവിടങ്ങളിൽ ഐഡിഎഫ് അനിശ്ചിത കാലം തുടരുമെന്നും ഇതുമായി ബന്ധപ്പെട്ട് പ്രധാനമന്ത്രിയുമായി ചേർന്ന് നയം രൂപീകരിച്ചതാണെന്നും ഇസ്രയേൽ പ്രതിരോധ മന്ത്രി ഇസ്രയേൽ കാറ്റ്‌സ് വ്യക്തമാക്കി.

'ഇസ്രയേലിന്റെ സുരക്ഷാ മേഖലകളിൽനിന്ന് പ്രാദേശിക താമസക്കാരെ ഒഴിപ്പിക്കും. ഭൂമിക്ക് മുകളിലും താഴെയുമുള്ള എല്ലാ ഭീകരവാദ അടിസ്ഥാന സൗകര്യങ്ങളും സഹായം ചെയ്യുന്ന ഗ്രാമങ്ങളും നശിപ്പിക്കും', പ്രതിരോധ മന്ത്രി പറഞ്ഞു.

ലെബനനിൽനിന്ന് ഇസ്രയേൽ പിൻമാറില്ലെന്നതടക്കമുള്ള കാര്യങ്ങൾ പ്രധാനമന്ത്രി ബെഞ്ചമിൻ നെതന്യാഹു യുഎസ് പ്രസിഡന്റ് ട്രംപിനോടും മറ്റ് ഉന്നത അമേരിക്കൻ ഉദ്യോഗസ്ഥരോടും വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു. 'ഇസ്രായേലിന്റെ സുരക്ഷാ താൽപ്പര്യങ്ങളിലോ പൗരന്മാരുടെ സംരക്ഷണത്തിലോ ഞങ്ങൾ വിട്ടുവീഴ്ച ചെയ്യില്ല. സുരക്ഷാ മേഖലകളിൽനിന്ന് ഞങ്ങൾ പിന്മാറില്ല. ലെബനനിലെ സംഭവങ്ങളുടെ പേരിൽ ഇറാൻ ഇസ്രായേലിനെ ആക്രമിക്കുകയാണെങ്കിൽ, ഞങ്ങൾ അതിനെതിരേ പൂർണശക്തിയോടെ തിരിച്ചടിക്കും', ഇസ്രയേൽ കാറ്റ്സ് മുന്നറിയിപ്പ് നൽകി.

]]> എ.പദ്മകുമാറിനെ പാർട്ടിയിൽനിന്ന് സസ്‌പെൻഡ് ചെയ്തു https://www.sandhesam.com/CPM-suspends-A-Padmakumar https://www.sandhesam.com/CPM-suspends-A-Padmakumar Mon, 15 Jun 2026 17:04:19 +0530 Web Desk പത്തനംതിട്ട: തിരുവതാംകൂർ ദേവസ്വം ബോർഡ് മുൻ പ്രസിഡന്റും സിപിഎം പത്തനംതിട്ട ജില്ലാ കമ്മിറ്റി അംഗവുമായ എ. പദ്മകുമാറിനെ പാർട്ടിയിൽ നിന്ന് സസ്പെൻഡ് ചെയ്തു. പാർട്ടിയെ പ്രതിസന്ധിയിലാക്കിയെന്ന ആരോപണം ഉയർന്ന ഘട്ടത്തിലൊക്കെ നടപടിക്ക് മടിച്ച സി.പി.എം. ഒടുവിൽ തിരഞ്ഞെടുപ്പ് തോൽവിക്ക് പിന്നാലെ നടപടിക്ക് തയ്യാറാവുകയായിരുന്നു.

ശബരിമല സ്വർണക്കൊള്ളക്കേസ് നിയമസഭാതിരഞ്ഞെടുപ്പിൽ എൽ.ഡി..എഫിന്റെ തോൽവിക്ക് കാരണമായെന്ന് സംസ്ഥാന നേതൃത്വം വിലയിരുത്തി അത് കണക്കിലെടുത്ത് ജില്ലാക്കമ്മിറ്റിയോട് നടപടിയെടുക്കാൻ നിർദേശിച്ചതാണ് സസ്പെൻഷനിലേക്ക് നയിച്ചത്. എത്രകാലത്തേക്കാണ് നടപടി എന്ന് വ്യക്തമല്ല. മുതിർന്ന നേതാവ് തോമസ് ഐസക് പങ്കെടുത്ത ജില്ലാ കമ്മിറ്റി യോഗമാണ് നടപടിയെടുത്തത്. ജില്ലാ കമ്മിറ്റിക്ക് ശേഷം ജില്ലാ സെക്രട്ടേറിയറ്റ് യോഗം ചേർന്നു. പുറത്താക്കൽ പോലെ കടുത്ത നടപടി ആലോചിച്ചിരുന്നെങ്കിലും സസ്പെൻഷനിൽ ഒതുക്കുകയായിരുന്നു.

നടപടി വരുന്ന പക്ഷം പലതും തുറന്നുപറയേണ്ടി വരുമെന്ന് പദ്മകുമാർ അടുത്ത സുഹൃത്തുക്കളോട് കഴിഞ്ഞ ദിവസങ്ങളിൽ സൂചനനൽകുകയും ചെയ്തിരുന്നു. ഇന്നിപ്പോൾ സസ്പെൻഷനിൽ നടപടി ഒതുങ്ങുന്നതോടെ വെളിപ്പെടുത്തലുകൾക്ക് അദ്ദേഹം തയ്യാറാകുമോ എന്നാണ് ഏവരും ഉറ്റുനോക്കുന്നത്.

]]> ലോകകപ്പിൽ വൻ വിവാദം; വാർ റഫറിയുടെ കൈ കൊണ്ടുള്ള ആംഗ്യം വംശീയവാദികളുടേതെന്ന് ആരോപണം https://www.sandhesam.com/FIFA-have-launched-an-investigation-into-assistant-VAR-Shaun-Evans https://www.sandhesam.com/FIFA-have-launched-an-investigation-into-assistant-VAR-Shaun-Evans Mon, 15 Jun 2026 16:40:46 +0530 Web Desk ലാസ് വെഗാസ്: ഫിഫ ലോകകപ്പില്‍ ആവേശപോരാട്ടങ്ങള്‍ അരങ്ങേറുന്നതിനിടെ കളിക്കളത്തിന് പുറത്ത് വൻ വംശീയ വിവാദം. മത്സരത്തിനിടെ വാർ (VAR) റഫറി ക്യാമറയ്ക്ക് മുന്നിൽ കൈ കൊണ്ട് കാണിച്ച ആഗ്യമാണ് വെള്ളക്കാരുടെ മേധാവിത്വത്തിന്‍റെ അടയാളമാണെന്ന ആരോപണവുമായി സമൂഹമാധ്യമങ്ങളില്‍ കടുത്ത വിമര്‍ശനത്തിന് കാരണമായത്. ഗ്രൂപ്പ് ഇ-യിലെ ജർമ്മനി - ക്യൂറസാവ് മത്സരത്തിനിടെയായിരുന്നു വിവാദ സംഭവം.

മത്സരത്തിന് തൊട്ടുമുമ്പ് ഒഫീഷ്യലുകളെ പ്രേക്ഷകർക്ക് പരിചയപ്പെടുത്തുന്നതിനിടയിലാണ് വാർ ചുമതലയിലുണ്ടായിരുന്ന ഓസ്‌ട്രേലിയൻ റഫറി ഷോൺ ഇവാൻസ് ക്യാമറയ്ക്ക് നേരെ തിരിഞ്ഞ് വിരലുകള്‍ താഴേക്ക് തിരിച്ച് ഒ.കെ എന്ന് കൈകൊണ്ട് കാണിച്ചത്. ഇത് തീവ്ര വലതുപക്ഷ വംശീയ ഗ്രൂപ്പുകൾ പരസ്പരം തിരിച്ചറിയാൻ ഉപയോഗിക്കുന്ന 'വൈറ്റ് പവർ' ചിഹ്നമാണെന്ന് ചൂണ്ടിക്കാണിച്ചാണ് ഫുട്ബോൾ ആരാധകർ ഫിഫയ്ക്കെതിരെ രംഗത്തെത്തിയത്.

വിവേചനത്തിനെതിരെ പ്രവർത്തിക്കുന്ന അന്താരാഷ്ട്ര സംഘടനയായ 'ഫെയർ നെറ്റ്‌വർക്ക്' വിഷയത്തിൽ കടുത്ത നിലപാടുമായി രംഗത്തെത്തിയിട്ടുണ്ട്. റഫറി ഷോൺ ഇവാൻസിനെ ലോകകപ്പ് പാനലിൽ നിന്ന് ഉടനടി പുറത്താക്കണമെന്ന് അവർ ഫിഫയോട് ആവശ്യപ്പെട്ടു.കോടിക്കണക്കിന് ആളുകൾ തത്സമയം കാണുന്ന ക്യാമറയ്ക്ക് മുന്നിൽ ഒരു വാർ ഒഫീഷ്യൽ എന്തിനാണ് ഈ ചിഹ്നം കാണിക്കുന്നത്? ഇത് മനഃപൂർവം തീവ്ര വംശീയ ആശയങ്ങൾ പ്രചരിപ്പിക്കാൻ ചെയ്തതാണ്. ഇങ്ങനെയുള്ളവരെ ലോകകപ്പ് നിയന്ത്രിക്കാൻ അനുവദിക്കരുതെന്നും ഫെയർ നെറ്റ്‌വർക്ക് പ്രസ്താവനയിലൂടെ വ്യക്തമാക്കി. ഈ വിവാദത്തിന് പിന്നാലെ, പിന്നീട് നടന്ന മത്സരങ്ങളുടെ തത്സമയ സംപ്രേഷണത്തിൽ റഫറിമാരുടെ പാനലിനെ പ്രേക്ഷകർക്ക് പരിചയപ്പെടുത്തുന്ന രീതി തന്നെ ഒഴിവാക്കിയതായും റിപ്പോർട്ടുകളുണ്ട്.

]]> സ്റ്റാൻഫോർഡിൽ സുന്ദർ പിച്ചൈയ്‌ക്കെതിരെ വൻ പ്രതിഷേധം; പ്രസംഗം തുടങ്ങിയ ഉടൻ വിദ്യാർത്ഥികൾ ഇറങ്ങിപ്പോയി https://www.sandhesam.com/students-staged-a-dramatic-walkout-during-Sundar-Pichais-address-at-Stanford-University https://www.sandhesam.com/students-staged-a-dramatic-walkout-during-Sundar-Pichais-address-at-Stanford-University Mon, 15 Jun 2026 12:47:53 +0530 Web Desk

കാലിഫോർണിയ: അമേരിക്കയിലെ പ്രശസ്തമായ സ്റ്റാൻഫോർഡ് സർവകലാശാലയുടെ 135-ാമത് ബിരുദദാന ചടങ്ങ് രാഷ്ട്രീയ പ്രതിഷേധത്തിന് വേദിയായി. ചടങ്ങിൽ മുഖ്യപ്രഭാഷണം നടത്താനായി ഗൂഗിളിന്റെയും ആൽഫബെറ്റിന്റെയും ചീഫ് എക്സിക്യൂട്ടീവ് ഓഫീസറും സ്റ്റാൻഫോർഡിലെ മുൻകാല വിദ്യാർത്ഥിയുമായ സുന്ദർ പിച്ചൈ സ്റ്റേജിലേക്ക് എത്തിയ ഉടൻ നൂറിലധികം വിദ്യാർത്ഥികൾ കൂട്ടത്തോടെ ഹാൾ ബഹിഷ്‌കരിച്ച് പുറത്തുപോയി. പാലസ്തീൻ അനുകൂല വിദ്യാർത്ഥി സംഘടനകളുടെ നേതൃത്വത്തിലായിരുന്നു ഈ നീക്കം.

ഗൂഗിളും ആമസോണും സംയുക്തമായി ഇസ്രായേൽ സർക്കാരുമായി ഒപ്പുവെച്ച 1.2 ബില്യൺ ഡോളറിന്റെ 'പ്രൊജക്ട് നിംബസ്' എന്ന ക്ലൗഡ് കമ്പ്യൂട്ടിങ്, കൃത്രിമബുദ്ധി സാങ്കേതികവിദ്യാ കരാറിനെതിരെയായിരുന്നു വിദ്യാർത്ഥികളുടെ പ്രതിഷേധം. ഗാസയിൽ തുടരുന്ന കനത്ത സംഘർഷങ്ങൾക്കിടയിൽ, ഇസ്രായേൽ സൈന്യത്തിന് പലസ്തീനികളെ നിരീക്ഷിക്കാനും പീഡിപ്പിക്കാനും ഗൂഗിളിന്റെ സാങ്കേതികവിദ്യ ഉപയോഗിക്കപ്പെടുന്നുണ്ടെന്നാണ് പ്രതിഷേധക്കാരുടെ പ്രധാന ആരോപണം.

സ്റ്റാൻഫോർഡ് സ്റ്റേഡിയത്തിൽ സുന്ദർ പിച്ചൈ സംസാരിക്കാൻ എഴുന്നേറ്റയുടൻ വിദ്യാർത്ഥികൾ തങ്ങളുടെ ഇരിപ്പിടങ്ങളിൽ നിന്ന് എഴുന്നേറ്റ് പാലസ്തീൻ പതാകകൾ വീശുകയും "പാലസ്തീന് സ്വാതന്ത്ര്യം നൽകുക" എന്ന മുദ്രാവാക്യങ്ങൾ ഉച്ചത്തിൽ വിളിക്കുകയും ചെയ്തു. ആഴ്ചകൾക്ക് മുൻപ് തന്നെ വിദ്യാർത്ഥി കൂട്ടായ്മകൾ ഈ പ്രതിഷേധം ആസൂത്രണം ചെയ്തിരുന്നു. ഈ നീക്കം വ്യക്തിപരമായി സുന്ദർ പിച്ചൈയെ ലക്ഷ്യം വെച്ചുള്ളതല്ലെന്നും, മറിച്ച് ഗൂഗിളിന്റെ ജനവിരുദ്ധ നയങ്ങളിലേക്ക് ലോകശ്രദ്ധ തിരിക്കാനാണെന്നും വിദ്യാർത്ഥി പ്രതിനിധികൾ വ്യക്തമാക്കി.

വിദ്യാർത്ഥികളുടെ ഇറങ്ങിപ്പോക്കിനിടയിലും ബിരുദദാന ചടങ്ങുകൾ തുടർന്നു. സഭയിലുണ്ടായിരുന്ന ബാക്കി വിദ്യാർത്ഥികളെ അഭിസംബോധന ചെയ്ത് സുന്ദർ പിച്ചൈ തന്റെ പ്രഭാഷണം പൂർത്തിയാക്കി. കഠിനാധ്വാനം, പ്രതിസന്ധികളെ അതിജീവിക്കൽ, വ്യക്തിപരമായ ശരിയായ തീരുമാനങ്ങൾ എന്നിവയെക്കുറിച്ചാണ് അദ്ദേഹം സംസാരിച്ചത്. എന്നാൽ'കൃത്രിമബുദ്ധി' എന്ന വിഷയം തന്റെ പ്രസംഗത്തിൽ അദ്ദേഹം ബോധപൂർവ്വം പൂർണ്ണമായി ഒഴിവാക്കി. ഇന്ത്യയിൽ നിന്നും ഒരു സാധാരണ വിദ്യാർത്ഥിയായി സ്റ്റാൻഫോർഡിൽ എത്തിയ തന്റെ പഴയകാല ഓർമ്മകളും അദ്ദേഹം പങ്കുവെച്ചു. എന്നാൽ ഈ പ്രതിഷേധങ്ങളോട് വേദിയിലോ പുറത്തോ ഔദ്യോഗികമായി പ്രതികരിക്കാൻ സുന്ദർ പിച്ചൈ തയ്യാറായില്ല.

]]> വീണ്ടും ഷി​ഗല്ല മരണം; മലപ്പുറം സ്വദേശിയായ ഏഴ് വയസുകാരൻ മരിച്ചു https://www.sandhesam.com/7-year-old-dies-due-to-Shigella https://www.sandhesam.com/7-year-old-dies-due-to-Shigella Mon, 15 Jun 2026 12:29:31 +0530 Web Desk കോഴിക്കോട്: ഷി​ഗല്ല രോ​ഗബാധിതനായി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരുന്ന ഏഴ് വയസുകാരൻ മരിച്ചു. മലപ്പുറം പൂക്കോട്ടൂർ സ്വദേശിയായ കുട്ടിയാണ് മരിച്ചത്. പനിയെയും വയറിളക്കത്തെയും തുടർന്ന് ഈ മാസം 12നാണ് കുട്ടിയെ ആശുപത്രിയിൽ പ്രവേശിപ്പിച്ചത്.

ആ​ദ്യം മഞ്ചേരി മെഡിക്കൽ കോളേജ് ആശുപത്രിയിലായിരുന്നു കുട്ടിയെ ചികിത്സിച്ചത്. അസുഖം മൂർഛിച്ചതോടെ കോഴിക്കോട്ടേക്ക് മാറ്റുകയായിരുന്നു. ഷി​ഗല്ല ബാധിച്ച് ഈ വർഷത്തെ നാലാമത്തെ മരണമാണിത്.

സംസ്ഥാനത്ത്‌ 135 ഷിഗല്ല കേസുകളാണ്‌ ഇതിനകം റിപ്പോർട്ട്‌ ചെയ്‌തത്‌. കൂടുതൽ ഷിഗല്ല ബാധിതർ കോഴിക്കോടാണ്‌– 68 പേർ.

]]> നെതർലൻഡ്സിനെ സമനിലയിൽ കുരുക്കി ജപ്പാൻ https://www.sandhesam.com/Japan-draws-with-Netherland https://www.sandhesam.com/Japan-draws-with-Netherland Mon, 15 Jun 2026 12:00:32 +0530 Web Desk ആർലിങ്ടൺ : ആർലിംഗ്ടണിലെ ഡല്ലാസ് സ്റ്റേഡിയത്തിൽ നടന്ന ഗ്രൂപ്പ് എഫിലെ വാശിയേറിയ പോരാട്ടത്തിൽ, യൂറോപ്യൻ വമ്പന്മാരായ നെതർലൻഡ്സിനെ സമനിലയിൽ കുരുക്കി ജപ്പാൻ. ആവേശകരമായ മത്സരത്തിൽ ഇരു ടീമുകളും 2-2 എന്ന നിലയിൽ പോയിന്റുകൾ പങ്കുവെച്ചു.

ഗോൾരഹിതമായ ആദ്യപകുതിക്ക് ശേഷം രണ്ടാം പകുതിയിലാണ് കളി ആവേശഭരിതമായത്. 51-ാം മിനിറ്റിൽ നായകൻ വിർജിൽ വാൻ ഡിക് ഒരു തകർപ്പൻ ഹെഡ്ഡറിലൂടെ നെതർലൻഡ്സിന് ലീഡ് സമ്മാനിച്ചു. എന്നാൽ ആ ആവേശം അധികനേരം നീണ്ടുനിന്നില്ല. 57-ാം മിനിറ്റിൽ കെയ്റ്റോ നകാമുറ ജപ്പാനായി മറുപടി നൽകി.

67-ാം മിനിറ്റിൽ ക്രിസെൻസിയോ സമ്മർവില്ലെയിലൂടെ നെതർലൻഡ്സ് വീണ്ടും മുന്നിലെത്തി. തോൽവി സമ്മതിക്കാൻ തയ്യാറാകാതിരുന്ന ജപ്പാൻ 74-ാം മിനിറ്റിൽ സമനില ഗോൾ കണ്ടെത്തി. ഒരു കോർണർ കിക്കിൽ നിന്നും ലഭിച്ച പന്ത് ദായ്ച്ചി കമാഡ കൃത്യമായി ഹെഡ്ഡറിലൂടെ വലയിലെത്തിക്കുകയായിരുന്നു. മത്സരം അവസാനിക്കാൻ മിനിറ്റുകൾ മാത്രം ശേഷിക്കെ വിജയഗോളിനായി ഇരു ടീമുകളും പോരാടി. എന്നാൽ മത്സരം സമനിലയിൽ അവസാനിക്കുകയായിരുന്നു. ഏഷ്യൻ ഫുട്ബോളിന്റെ കരുത്ത് വിളിച്ചോതുന്ന പ്രകടനമാണ് ജപ്പാൻ ഈ മത്സരത്തിൽ കാഴ്ചവെച്ചത്.

]]> കെഎസ്ആർടിസി ഓർഡിനറി ബസുകളിൽ സൗജന്യ യാത്രയ്ക്ക് തുടക്കമായി, ഔദാര്യമല്ലെന്ന് മുഖ്യമന്ത്രി https://www.sandhesam.com/Keralam-CM-VD-Satheesan-flags-off-a-bus-under-the-Priyadarshini-Scheme https://www.sandhesam.com/Keralam-CM-VD-Satheesan-flags-off-a-bus-under-the-Priyadarshini-Scheme Mon, 15 Jun 2026 11:48:16 +0530 Web Desk തിരുവനന്തപുരം: കെഎസ്ആര്‍ടിസിയിലെ സൗജന്യയാത്ര ഔദാര്യമല്ലെന്നും അഭിമാനമാണെന്നും മുഖ്യമന്ത്രി വിഡി സതീശന്‍. ഇത് കെഎസ്ആര്‍ടിസിയെ പ്രതിസന്ധിയിലാക്കുന്ന തീരുമാനമല്ലെന്നും ഭാവിയില്‍ സര്‍ക്കാര്‍ തുകവേണ്ടെന്ന് കെഎസ്ആര്‍ടിസി തന്നെ പറയുമെന്നും മുഖ്യമന്ത്രി പറഞ്ഞു. 'പ്രിയദര്‍ശിനി' ബസ് യാത്രാ പദ്ധതിയുടെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു വിഡി സതീശന്‍.

സര്‍ക്കാരിനെ സംബന്ധിച്ച് ഇത് അഭിമാനനിമിഷമാണ്. അധികാരത്തിലെത്തിയിട്ട് ഒരു മാസമാകുന്നതിന് മുന്‍പ് ജനങ്ങള്‍ക്ക് നല്‍കിയ വാഗ്ദാനം പാലിക്കാന്‍ പറ്റിയ ചാരിതാര്‍ഥ്യത്തിലാണ് താന്‍ ഇവിടെ നില്‍ക്കുന്നതെന്ന് മുഖ്യമന്ത്രി പറഞ്ഞു. സര്‍ക്കാര്‍ സ്ത്രീകള്‍ക്ക് നല്‍കുന്ന ഔദാര്യമല്ല ഇത്. ഈ പദ്ധതിക്ക് സാമൂഹ്യവും സാമ്പത്തികവുമായ പ്രതിഫലനങ്ങള്‍ ഉണ്ടാക്കാനാകും. സര്‍ക്കാരിന്റെ വണ്ടിയില്‍ യാത്ര ചെയ്യുകയെന്നത് സ്ത്രീകളെ സംബന്ധിച്ച് അഭിമാനമാണെന്നും മുഖ്യമന്ത്രി പറഞ്ഞു. സ്ത്രീകള്‍ക്ക് സൗജന്യം നല്‍കിയാല്‍ അത് സമ്പാദ്യമാകും. ആ പണം സര്‍ക്കാരിന് കിട്ടുമെന്നും എന്നാല്‍ പുരുഷന്‍മാര്‍ക്ക് സൗജന്യം നല്‍കിയാല്‍ ആ പണം വീട്ടിലെത്തില്ലെന്നും അത് എവിടെ പോകുമെന്ന് ഏവര്‍ക്കും അറിയാമെന്നും മുഖ്യമന്ത്രി പറഞ്ഞു.

സൗജന്യയാത്രമൂലം ഇത്രയും രൂപ മാറ്റിവയ്ക്കാന്‍ സ്ത്രീകള്‍ക്ക് കഴിയും. അതു പോലും എന്ത് ചെയ്യണമെന്ന് അവര്‍ തീരുമാനിച്ചിട്ടുണ്ട്. സര്‍ക്കാര്‍ 800 കോടിയാണ് ഈ പദ്ധതിക്കായി മുടക്കുന്നത്. കെഎസ്ആര്‍ടിസിയെ സാമ്പത്തിക പ്രതിസന്ധിയിലാക്കി ഇത് നിങ്ങള്‍ ചെയ്‌തോ എന്ന് പറഞ്ഞിട്ടില്ല. കുറച്ചുനാള്‍ കഴിഞ്ഞ് ഗതാഗതവകുപ്പ് തന്നെ പറയും ഇതിനാവശ്യമായ പണം കെഎസ്ആര്‍ടിസി തന്നെ കണ്ടെത്തുമെന്ന്. ഗതാഗതമന്ത്രിയിലും അദ്ദേഹത്തിന്റെ ടീമിലും വിശ്വാസമുണ്ടെന്നും കെഎസ്ആര്‍ടിസിയുടെ വരുമാനം വര്‍ധിപ്പിക്കാനുള്ള പദ്ധതികള്‍ തുടങ്ങുമെന്നും സതീശന്‍ പറഞ്ഞു.

പരിപാടിയില്‍ മന്ത്രി സി.പി.ജോണ്‍ അധ്യക്ഷത വഹിച്ചു. ഉദ്ഘാടനശേഷം മുഖ്യമന്ത്രിയും മന്ത്രിമാരും ജനപ്രതിനിധികളും ബസില്‍ യാത്ര ചെയ്തു തമ്പാനൂര്‍ സെന്‍ട്രല്‍ ബസ് സ്റ്റേഷനില്‍നിന്നു സെക്രട്ടേറിയറ്റ് വരെയാണു യാത്ര. സംസ്ഥാനത്തെ എല്ലാ ഡിപ്പോകളിലും ജനപ്രതിനിധികളുടെ നേതൃത്വത്തില്‍ പ്രാദേശികതല ഉദ്ഘാടനങ്ങളും നടന്നു.

]]> യുഎസും ഇറാനും സമാധാന കരാറിൽ ധാരണയിലെത്തിയെന്ന് ട്രംപ് https://www.sandhesam.com/The-Deal-with-the-Islamic-Republic-of-Iran-is-now-complete%3A-Trump https://www.sandhesam.com/The-Deal-with-the-Islamic-Republic-of-Iran-is-now-complete%3A-Trump Mon, 15 Jun 2026 11:26:28 +0530 Web Desk ഇസ്ലാമാബാദ്: ഒടുവിൽ മൂന്ന് മാസത്തിലധികം നീണ്ട സംഘർഷത്തിന് വിരാമമാകുന്നു, ലോകം കാത്തിരുന്ന സമാധാന കരാർ സംബന്ധിച്ചു യുഎസും ഇറാനും ധാരണയിലെത്തി. യുദ്ധം അവസാനിപ്പിക്കാനും ഹോർമുസ് കടലിടുക്ക് തുറന്നുകൊടുക്കാനുമാണ് ഇരുരാജ്യങ്ങളും ധാരണയിലെത്തിയത്. കരാറിൻ്റെ പൂർണവിവരങ്ങൾ പുറത്തുവന്നിട്ടില്ല. സമാധാന കരാർ ജൂൺ 19ന് സ്വിറ്റ്സർലൻഡിൽവെച്ച് ഒപ്പുവെക്കുമെന്ന് ഇരുരാജ്യങ്ങൾക്കുമിടയിൽ മധ്യസ്ഥത വഹിക്കുന്ന പാകിസ്ഥാൻ പ്രധാനമന്ത്രി ഷഹബാസ് ഷെരീഫ് അറിയിച്ചു. കരാർ പൂർത്തിയായതായി യുഎസ് പ്രസിഡൻ്റ് ഡോണാൾഡ് ട്രംപും സ്ഥിരീകരിച്ചു. ഹോർമുസ് കടലിടുക്കിൽ യുഎസ് നാവികസേനയുടെ ഉപരോധം നീക്കാൻ ട്രംപ് നിർദേശം നൽകി.

. "ഇറാൻ ഇസ്‌ലാമിക് റിപ്പബ്ലിക്കുമായുള്ള കരാർ ഇപ്പോൾ പൂർത്തിയായിരിക്കുന്നു. എല്ലാവർക്കും അഭിനന്ദനങ്ങൾ. ഹോർമുസ് കടലിടുക്ക് ടോൾ ഇല്ലാതെ തുറന്നുകൊടുക്കാൻ ഞാൻ ഇതിനാൽ പൂർണ അധികാരം നൽകുന്നു, അതോടൊപ്പം തന്നെ യുണൈറ്റഡ് സ്റ്റേറ്റ്സ് നാവികസേനയുടെ ഉപരോധം ഉടനടി നീക്കം ചെയ്യാൻ ഉത്തരവിടുകയും ചെയ്യുന്നു. ലോകത്തിലെ കപ്പലുകളേ, നിങ്ങളുടെ എൻജിനുകൾ പ്രവർത്തിപ്പിച്ചു തുടങ്ങിക്കോളൂ. എണ്ണ പ്രവഹിക്കട്ടെ"- ട്രംപ് ട്രൂത്ത് സോഷ്യലിലൂടെ  പ്രഖ്യാപിച്ചു

 അമേരിക്കയും ഇറാനും തമ്മിലുള്ള സമാധാന കരാർ പ്രഖ്യാപനത്തിന് പിന്നിൽ അസാധാരണമായ നയതന്ത്ര നീക്കങ്ങൾ നടന്നതായി അറിയുന്നു. കരാറിൽ ഒപ്പുവെക്കാൻ ഇറാൻ അർദ്ധരാത്രി കഴിഞ്ഞ് പുതിയ തീയതി പിറക്കുന്നത് വരെ കാത്തിരുന്നു എന്നാണ് പുറത്തുവരുന്ന വിവരങ്ങൾ. ഇറാൻ പ്രാദേശിക സമയം ജൂൺ 14-ന് കരാർ ഔദ്യോഗികമായി പൂർത്തിയാക്കാൻ ടെഹ്റാൻ വിസമ്മതിക്കുകയായിരുന്നു. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ 80-ാം ജന്മദിനമായിരുന്നു അന്ന് എന്നതാണ് ഇതിന്റെ പ്രധാന കാരണം. ട്രംപിന്റെ ജന്മദിനത്തിൽ ഒരു ചരിത്രപരമായ കരാറിൽ ഒപ്പുവെക്കുന്നത് രാഷ്ട്രീയമായി തിരിച്ചടിയുണ്ടാക്കുമെന്നും, അത് ട്രംപിന്റെ വ്യക്തിപരമായ നേട്ടമായി വ്യാഖ്യാനിക്കപ്പെടുമെന്നും ഇറാൻ അധികൃതർ ഭയപ്പെട്ടിരുന്നു. ഇതിനാൽ ഇറാനിൽ സമയം ജൂൺ 15 ആയ ശേഷം മാത്രമാണ് ഔദ്യോഗിക പ്രഖ്യാപനം ഉണ്ടായത്.

ഇറാനും അമേരിക്കയും തമ്മിലുള്ള 7.5 മണിക്കൂർ സമയവ്യത്യാസം ഈ തർക്കത്തിന് ഒരു പരിഹാരമായി മാറി. ഇറാനിൽ അർദ്ധരാത്രി കഴിഞ്ഞ് ജൂൺ 15 ആയപ്പോൾ, അമേരിക്കയിൽ അത് അപ്പോഴും ജൂൺ 14 തന്നെയായിരുന്നു. ഇത് വഴി ട്രംപിന് അമേരിക്കയിൽ സ്വന്തം ജന്മദിനത്തിലെ വലിയൊരു നേട്ടമായി ഈ കരാറിനെ അവതരിപ്പിക്കാനും, അതേസമയം ഇറാന് സ്വന്തം നാട്ടിൽ ട്രംപിന്റെ ജന്മദിനത്തിൽ കരാർ ഒപ്പിട്ടു എന്ന ചീത്തപ്പേര് ഒഴിവാക്കാനും സാധിച്ചു.

]]> യുഎസ്എയുടെ ഗോൾവേട്ട; പരാഗ്വെയെ തകർത്തത് 4-1 ന് https://www.sandhesam.com/USA-defeats-Paraguay-4-1 https://www.sandhesam.com/USA-defeats-Paraguay-4-1 Sat, 13 Jun 2026 17:48:43 +0530 Web Desk ലോസ് ഏഞ്ചൽസ്: സ്വന്തം മണ്ണിൽ നടക്കുന്ന 2026 ഫിഫ ലോകകപ്പിൽ തങ്ങളുടെ ആദ്യ പോരാട്ടത്തിനിറങ്ങിയ ആതിഥേയരായ യുഎസ്എയ്ക്ക് ഉജ്ജ്വല തുടക്കം. ലോസ് ഏഞ്ചൽസ് സ്റ്റേഡിയത്തിൽ നിറഞ്ഞുകവിഞ്ഞ കാണികളെ സാക്ഷിയാക്കി ലാറ്റിനമേരിക്കൻ കരുത്തരായ പരാഗ്വെയെ ഒന്നിനെതിരെ നാല് ഗോളുകൾക്കാണ് (4-1) മൗറീഷ്യോ പൊച്ചെറ്റിനോയുടെ സംഘം തകർത്തത്. അമേരിക്കയ്ക്കായി ഫൊളാരിൻ ബാലോഗൻ ഇരട്ടഗോളുകൾ നേടിയപ്പോൾ, ജിയോ റെയ്ന മത്സരത്തിന്റെ അവസാന നിമിഷം ഗോൾപട്ടിക തികച്ചു.

കളിയുടെ തുടക്കം മുതൽ ഒടുക്കം വരെ കളം നിറഞ്ഞു കളിച്ച യുഎസ്എ, ആദ്യ പകുതിയിൽ തന്നെ എതിരില്ലാത്ത മൂന്ന് ഗോളുകളുടെ വമ്പൻ ലീഡ് സ്വന്തമാക്കിയിരുന്നു. യുഎസ് താരം വെസ്റ്റൺ മക്കെന്നി ബോക്സിലേക്ക് നൽകിയ അപകടകരമായ ക്രോസ് തടയാൻ ശ്രമിക്കുന്നതിനിടെ പരാഗ്വെ താരം ഡാമിയൻ ബൊബാഡില്ലയുടെ കാലുകളിൽ തട്ടി പന്ത് സ്വന്തം വലയിലേക്ക് തന്നെ കയറി (സെൽഫ് ഗോൾ). നായകൻ ക്രിസ്റ്റ്യൻ പുലിസിച്ചിന്റെ തകർപ്പൻ നീക്കമാണ് ഈ ആദ്യ ഗോളിന് വഴിയൊരുക്കിയത്.

ആദ്യ ഗോളിന് പിന്നാലെ മികച്ചൊരു ഫിനിഷിംഗിലൂടെ ഫൊളാരിൻ ബാലോഗൻ പന്ത് വലയിലെത്തിച്ചെങ്കിലും റഫറി അത് ഓഫ്‌സൈഡ് വിധിച്ചിരുന്നു. എന്നാൽ ഈ നിരാശയ്ക്ക് തൊട്ടുപിന്നാലെ, ഏതാനും നിമിഷങ്ങൾക്കകം തന്നെ തകർപ്പൻ നീക്കത്തിലൂടെ ബാലോഗൻ യുഎസ്എയുടെ രണ്ടാം ഗോൾ സ്വന്തമാക്കി.

ആദ്യ പകുതി അവസാനിക്കുന്നതിന് തൊട്ടുമുമ്പ് പരാഗ്വെ പ്രതിരോധ താരം ഗുസ്താവോ ഗോമസിനെ അതീവ വിദഗ്ദ്ധമായി വെട്ടിച്ച് ബോക്സിന് പുറത്തുനിന്ന് തൊടുത്ത മനോഹരമായ ഒരു കേർവിങ് ഷോട്ടിലൂടെ ബാലോഗൻ തന്റെ രണ്ടാമത്തെ ഗോളും വലയിലെത്തിച്ചു.

ആദ്യ പകുതിയിലെ തകർച്ചയ്ക്ക് ശേഷം രണ്ടാം പകുതിയിൽ കളം മാറി ചവിട്ടിയ പരാഗ്വെ കളിയിലേക്ക് തിരിച്ചുവരാൻ കഠിനശ്രമം നടത്തി. 73-ാം മിനിറ്റിൽ ലഭിച്ച ഒരു സെറ്റ് പീസ് നീക്കത്തിനൊടുവിൽ ജൂലിയോ എൻസിസോ നൽകിയ തകർപ്പൻ പാസിൽ നിന്ന് മൗറീഷ്യോ പരാഗ്വെയുടെ ആദ്യ ഗോൾ നേടി.

ബോക്സിന്റെ മധ്യഭാഗത്തുനിന്നും മൗറീഷ്യോ തൊടുത്ത ക്ലിനിക്കൽ ഇടംകാലൻ ഷോട്ട് യുഎസ് ഗോൾപോസ്റ്റിന്റെ ഇടതുമൂലയിലേക്ക് തുളച്ചുകയറുകയായിരുന്നു. ഈ ഗോളോടെ പരാഗ്വെ ആരാധകർ ആവേശത്തിലായെങ്കിലും കളിയിലേക്ക് പൂർണ്ണമായി തിരിച്ചെത്താൻ അവർക്കായില്ല.

മത്സരത്തിന്റെ അവസാന നിമിഷങ്ങളിൽ കളി പൂർണ്ണമായും യുഎസ്എ കൈപ്പിടിയിലൊതുക്കി. റഫറിയുടെ ഫൈനൽ വിസിലിന് തൊട്ടുമുമ്പ് ജിയോ റെയ്ന നേടിയ അത്യുജ്ജ്വലമായൊരു ഗോളിലൂടെ യുഎസ്എ തങ്ങളുടെ നാലാം ഗോളും വിജയവും ഉറപ്പിച്ചു. ഈ മനോഹര ഗോളിന് പിന്നാലെ റഫറി ഫുൾ ടൈം വിസിൽ മുഴക്കിയതോടെ ലോസ് ആഞ്ജലസ് സ്റ്റേഡിയം ആവേശം കൊണ്ട് ഇളകിമറിഞ്ഞു.

സ്വന്തം മണ്ണിലെ ലോകകപ്പ് ക്യാമ്പെയ്ൻ നാല് ഗോളുകളുടെ വമ്പൻ വിജയത്തോടെ തുടങ്ങാൻ കഴിഞ്ഞത് യുഎസ്എയ്ക്ക് വരും മത്സരങ്ങളിൽ വലിയ ആത്മവിശ്വാസം നൽകും

]]> നിപ പ്രതിരോധം ശോചനീയം, ദേവസ്വം സ്പെഷ്യല്‍ പ്ലീഡര്‍ നിയമനം കള്ളന് ചൂട്ടുപിടിക്കല്‍; വിമര്‍ശിച്ച് പിണറായി https://www.sandhesam.com/Nipah--prevention-activities-are-in-a-deplorable-state%3A-Pinarayi https://www.sandhesam.com/Nipah--prevention-activities-are-in-a-deplorable-state%3A-Pinarayi Sat, 13 Jun 2026 17:07:36 +0530 Web Desk

തിരുവനന്തപുരം: നിപ പ്രതിരോധ പ്രവര്‍ത്തനങ്ങള്‍ ശോചനീയമായ നിലയിലെന്ന് പ്രതിപക്ഷ നേതാവ് പിണറായി വിജയന്‍. വേണ്ട ഗൗരവത്തോടെ കാര്യങ്ങള്‍ കൈകാര്യം ചെയ്യുന്നില്ലെന്ന് വിമര്‍ശിച്ച പ്രതിപക്ഷ നേതാവ് ജാഗ്രതയുടെ ഭാഗമായി സര്‍ക്കാരിന്റെ ഭാഗത്ത് നിന്ന് അടിയന്തര ഇടപെടല്‍ ആവശ്യപ്പെട്ടു. ശബരിമല സ്വര്‍ണ്ണക്കൊള്ള കേസിലെ പ്രതികളുടെ അഭിഭാഷകനെ ദേവസ്വം സ്പെഷ്യല്‍ പ്ലീഡറായി നിയമിച്ചത് വിചിത്ര സംഭവമാണെന്നും പിണറായി വിജയന്‍ മാധ്യമങ്ങളോട് പറഞ്ഞു.

'നിപയുമായി ബന്ധപ്പെട്ട് സര്‍ക്കാര്‍ വേണ്ട ഗൗരവത്തോടെ കാര്യങ്ങള്‍ കൈകാര്യം ചെയ്യുന്നില്ല. ബന്ധപ്പെട്ട ഡോക്ടര്‍മാരുടെ ഇടപെടലിനെ കുറിച്ചല്ല പറയുന്നത്. ഇക്കാര്യത്തില്‍ ആരോഗ്യമേഖലയെ ആകെ സജ്ജമാക്കാനും അതിന്റെ ഭാഗമായുള്ള ഇടപെടലുകള്‍ ഉണ്ടാവാനും സാധാരണ ഗതിയില്‍ ആരോഗ്യവകുപ്പും സര്‍ക്കാരും എടുക്കേണ്ട മുന്‍കൈ നടപടികള്‍ നിര്‍ഭാഗ്യവശാല്‍ കണ്ടില്ല. കേരളത്ത് അടുത്തകാലത്ത് ഉണ്ടായ ആരോഗ്യമന്ത്രിമാര്‍ ഒന്നും മെഡിക്കല്‍ ബിരുദധാരികള്‍ അല്ല. പക്ഷേ ഏറ്റവും കടുത്ത നിപ ബാധ ഉണ്ടായ ഘട്ടത്തില്‍ പോലും എങ്ങനെയാണ് ആരോഗ്യമന്ത്രി അടക്കമുള്ള സര്‍ക്കാര്‍ സംവിധാനങ്ങള്‍ സജ്ജമായിരുന്നത്. ഏതെല്ലാം തരത്തിലുള്ള ഇടപെടല്‍ നടത്തി എന്നതും അറിയാവുന്ന കാര്യമാണ്. നിലവില്‍ ശോചനീയമായ നിലയിലാണ്. ഇതേവരെ ആരോഗ്യമന്ത്രി ഇവിടെ വന്നിട്ടില്ല. ഇടപെട്ടിട്ടില്ല. ആരോഗ്യമന്ത്രി ഇവിടെ വന്നാല്‍ ബന്ധപ്പെട്ടവരെ ഉണര്‍ത്താന്‍ കഴിയും. ഇടപെടലുകള്‍ക്ക് സാധ്യത ഉണ്ട്. ഇത് ശരിയായ രീതിയല്ല. നിപയുടെ ഗൗരവ സ്വഭാവം അറിയാവുന്നതാണ്. ജാഗ്രതയുടെ ഭാഗമായി സര്‍ക്കാരിന്റെ ഭാഗത്ത് നിന്ന് ഇടപെടല്‍ വേണ്ടതാണ്.'- പിണറായി വിജയന്‍ പറഞ്ഞു.

ശബരിമല സ്വര്‍ണ്ണക്കൊള്ള കേസിലെ പ്രതികളുടെ അഭിഭാഷകനെ ദേവസ്വം സ്പെഷ്യല്‍ പ്ലീഡറായി നിയമിച്ചത് വിചിത്ര സംഭവമെന്നും പിണറായി വിജയന്‍ പറഞ്ഞു. വിചിത്രമായ സംഭവങ്ങളാണ് നടക്കുന്നത്. വിചിത്രമായ പരസ്യ പ്രതികരണമാണ് ദേവസ്വം മന്ത്രിയില്‍ നിന്ന് ഉണ്ടായത്. നിയമനം അറിയില്ല എന്നാണ് പറഞ്ഞത്. ഇത്തരമൊരു നിയമനം ദേവസ്വം മന്ത്രി അറിയാതെ എങ്ങനെയാണ് ഉണ്ടാവുക. ശബരിമല സ്വര്‍ണ്ണക്കൊള്ള കേസില്‍ പ്രതിസ്ഥാനത്ത് നില്‍ക്കുന്ന ഒരു സ്ഥാപനത്തിന് വേണ്ടി ഹാജരായ ഒരു അഭിഭാഷകനെ ദേവസ്വം സ്പെഷ്യല്‍ പ്ലീഡറായി നിയമിച്ചത് ഒരു തരത്തില്‍ കള്ളന് ചൂട്ടുപിടിക്കല്‍ ആയിപ്പോയെന്നും പിണറായി വിജയന്‍ കുറ്റപ്പെടുത്തി.

]]> കാലവർഷം കനക്കുന്നു; അടുത്ത അഞ്ച് ദിവസം അതിശക്തമഴ; ഈ ജില്ലകൾക്ക് മുന്നറിയിപ്പ് https://www.sandhesam.com/Monsoon-updates-1935 https://www.sandhesam.com/Monsoon-updates-1935 Thu, 11 Jun 2026 14:34:12 +0530 Web Desk തിരുവനന്തപുരം: സംസ്ഥാനത്തെ കനത്ത മഴയെ തുടർന്ന് വിവിധ ജില്ലകളിൽ കേന്ദ്ര കാലാവസ്ഥ വകുപ്പ് ഇന്നും നാളെയും ഓറഞ്ച്, മഞ്ഞ അലർട്ടുകൾ പ്രഖ്യാപിച്ചിരിക്കുന്നു. കേന്ദ്ര കാലാവസ്ഥ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം ചുവടെ,

ഓറഞ്ച് അലർട്ട്

11/06/2026: എറണാകുളം, തൃശൂർ

12/06/2026: എറണാകുളം, ഇടുക്കി ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്.

മഞ്ഞ അലർട്ട്

11/06/2026: തിരുവനന്തപുരം, കോട്ടയം, ഇടുക്കി, പാലക്കാട്, കോഴിക്കോട്, കണ്ണൂർ, കാസറഗോഡ്

12/06/2026: പത്തനംതിട്ട, ആലപ്പുഴ, കോട്ടയം, തൃശൂർ, കണ്ണൂർ, കാസറഗോഡ്

13/06/2026: കോഴിക്കോട്, കണ്ണൂർ, കാസറഗോഡ്

14/06/2026: എറണാകുളം, തൃശൂർ, പാലക്കാട്, മലപ്പുറം

15/06/2026: ആലപ്പുഴ, എറണാകുളം എന്നീ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ (ISOL H) എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.

]]> ആദ്യ 'മെയ്ഡ് ഇൻ ഇന്ത്യ' C-295 സൈനിക വിമാനം കന്നി പരീക്ഷണ പറക്കൽ നടത്തി https://www.sandhesam.com/First-military-aircraft-produced-by-the-Indian-private-sector https://www.sandhesam.com/First-military-aircraft-produced-by-the-Indian-private-sector Thu, 11 Jun 2026 14:27:45 +0530 Web Desk വഡോദര: ഇന്ത്യയിൽ നിർമ്മിച്ച ആദ്യത്തെ എയർബസ് സി-295 (C-295) സൈനിക ചരക്ക് വിമാനം വഡോദരയിൽ വിജയകരമായി ആദ്യ പരീക്ഷണ പറക്കൽ നടത്തി. രാജ്യത്തെ വ്യോമയാന-പ്രതിരോധ നിർമ്മാണ മേഖലയിലെ ഒരു വലിയ മുന്നേറ്റമായാണ് ഈ നേട്ടം വിലയിരുത്തപ്പെടുന്നത്. വഡോദരയിലെ ഫൈനൽ അസംബ്ലി ലൈനിൽ നിന്നാണ് വിമാനം ബുധനാഴ്ച കന്നി പരീക്ഷണം നടത്തിയത്. കേന്ദ്ര സർക്കാരിന്റെ 'മേയ്ക്ക് ഇൻ ഇന്ത്യ' പദ്ധതിയുടെ കീഴിൽ എയർബസും ടാറ്റ അഡ്വാൻസ്ഡ് സിസ്റ്റംസ് ലിമിറ്റഡും തമ്മിലുള്ള പങ്കാളിത്തത്തിലൂടെയാണ് ഈ വിമാനം നിർമ്മിച്ചിരിക്കുന്നത്. ഇന്ത്യൻ വ്യോമസേനയ്ക്കായി ഇന്ത്യയിൽ നിർമ്മിക്കുന്ന 40 വിമാനങ്ങളിൽ ആദ്യത്തേതാണിത്.

ഇന്ത്യയിൽ സ്വകാര്യ മേഖലയിൽ നിർമ്മിക്കപ്പെടുന്ന ആദ്യത്തെ സൈനിക വിമാനമാണിതെന്ന പ്രത്യേകതയും ഈ പദ്ധതിക്കുണ്ട്. എയർബസ്, ടാറ്റ ഗ്രൂപ്പ് എന്നിവയ്ക്ക് പുറമെ രാജ്യത്തുടനീളമുള്ള നിരവധി ചെറുകിട-ഇടത്തരം സംരംഭങ്ങളും ഈ വിമാനത്തിന്റെ ഭാഗങ്ങൾ നിർമ്മിക്കുന്നതിൽ പങ്കാളികളായിട്ടുണ്ട്. ഈ വർഷം തന്നെ ആദ്യ 'മെയ്ഡ് ഇൻ ഇന്ത്യ' സി-295 വിമാനം വ്യോമസേനയ്ക്ക് കൈമാറാനാണ് അധികൃതർ ലക്ഷ്യമിടുന്നത്.

വിവിധോദ്ദേശ്യങ്ങൾക്കായി ഉപയോഗിക്കാവുന്ന ഈ വിമാനം ചരക്ക് നീക്കം, നിരീക്ഷണം, ദുരിതാശ്വാസ പ്രവർത്തനങ്ങൾ എന്നിവയ്ക്ക് ഏറെ അനുയോജ്യമാണ്. 2024 ഒക്ടോബറിൽ പ്രധാനമന്ത്രി നരേന്ദ്ര മോദിയും സ്‌പെയിൻ പ്രധാനമന്ത്രി പെഡ്രോ സാഞ്ചസും ചേർന്നാണ് വഡോദരയിലെ ഈ നിർമ്മാണ ശാല ഉദ്ഘാടനം ചെയ്തത്

]]> ഒമാന്‍ തീരത്ത് യുഎസ് എണ്ണ ടാങ്കർ ആക്രമിച്ചു; മൂന്ന് ഇന്ത്യന്‍ നാവികര്‍ കൊല്ലപ്പെട്ടു https://www.sandhesam.com/A-vessel-MT-JALVEER-crewed-by-Indians-has-been-struck-near-Oman https://www.sandhesam.com/A-vessel-MT-JALVEER-crewed-by-Indians-has-been-struck-near-Oman Thu, 11 Jun 2026 14:06:24 +0530 Web Desk

ന്യൂഡല്‍ഹി: ഒമാന്‍ തീരത്തിന് സമീപം ടാങ്കര്‍ കപ്പലിന് നേരെ യുഎസ് സൈന്യം നടത്തിയ ആക്രമണത്തിന് പിന്നാലെ കാണാതായ മൂന്ന് ഇന്ത്യന്‍ നാവികര്‍ കൊല്ലപ്പെട്ടതായി കേന്ദ്രസര്‍ക്കാര്‍. കേന്ദ്ര ഷിപ്പിങ് മന്ത്രി സര്‍ബാനന്ദ സോനോവാള്‍ ഇക്കാര്യം സ്ഥീരീകരിച്ചു.

നിര്‍ദ്ദേശങ്ങള്‍ പാലിക്കുന്നതില്‍ പരാജയപ്പെട്ടതിനെ തുടര്‍ന്നാണ് കപ്പലിന് നേരെ തങ്ങളുടെ സൈന്യം 'കൃത്യതയാര്‍ന്ന' (precision) ആക്രമണം നടത്തിയതെന്നാണ് യുഎസിന്റെ വാദം. ഈ ടാങ്കര്‍ ഇറാനില്‍ നിന്നുള്ള എണ്ണയാണ് കൊണ്ടുപോയിരുന്നതെന്നും യുഎസ് അവകാശപ്പെടുന്നു. അതേസമയം, ഈ ആക്രമണത്തിന് പിന്നാലെ ഇന്ത്യ യുഎസ് ഡെപ്യൂട്ടി ചീഫ് ഓഫ് മിഷനെ വിളിച്ചുവരുത്തി ആക്രമണത്തില്‍ തങ്ങളുടെ 'ശക്തമായ പ്രതിഷേധം' രേഖപ്പെടുത്തി.

'സെറ്റെബെല്ലോ' എന്ന ടാങ്കര്‍ കപ്പലിന് നേരെ നടന്ന ആക്രമണത്തെ തുടര്‍ന്ന്, വിദേശകാര്യ മന്ത്രാലയത്തിലെ അഡീഷണല്‍ സെക്രട്ടറി നാഗരാജ് നായിഡു, അമേരിക്കയുടെ ഉദ്യോഗസ്ഥന്‍ ജേസണ്‍ മീക്‌സിനെയാണ് വിളിച്ചുവരുത്തിയത്. തുടര്‍ന്ന് ഇന്ത്യ ആക്രമണത്തെ ശക്തമായി അപലപിക്കുകയും കപ്പലിലുണ്ടായിരുന്ന ഇന്ത്യന്‍ പൗരന്മാരുടെ സുരക്ഷയില്‍ ആശങ്ക രേഖപ്പെടുത്തുകയും ചെയ്തു. 'ഒമാന്‍ തീരത്ത് വാണിജ്യ കപ്പലായ സെറ്റെബെല്ലോയ്ക്ക് നേരെ ഇന്ന് നടന്ന ആക്രമണത്തെ ഞങ്ങള്‍ അപലപിക്കുന്നു,'- എന്ന് വിദേശകാര്യ മന്ത്രാലയം ഔദ്യോഗിക പ്രസ്താവനയില്‍ പറഞ്ഞു.

ആക്രമണം നടക്കുന്ന സമയത്ത് കപ്പലില്‍ 24 ഇന്ത്യന്‍ ജീവനക്കാരുണ്ടായിരുന്നതായി മന്ത്രാലയം അറിയിച്ചു. ഇതില്‍ 21 ഇന്ത്യക്കാരെ രക്ഷപ്പെടുത്തിയതായും മന്ത്രാലയം വ്യക്തമാക്കി. പശ്ചിമേഷ്യയില്‍ വീണ്ടും ആക്രമണങ്ങള്‍ നടക്കുന്നതില്‍ ഇന്ത്യ ആശങ്ക രേഖപ്പെടുത്തി. 100 ദിവസമായി തുടരുന്ന സംഘര്‍ഷം മനുഷ്യ ദുരിതം കൂട്ടുകയാണെന്ന് വിദേശകാര്യ മന്ത്രാലയം പ്രസ്താവനയില്‍ പറഞ്ഞു. ആഗോള തലത്തില്‍ ഉര്‍ജ്ജ സുരക്ഷയേയും സാമ്പത്തിക ഭദ്രതയേയും ഇത് ബാധിക്കുകയാണ്. എല്ലാ കക്ഷികളും നയതന്ത്ര നീക്കത്തിലൂടെ പ്രശ്നം പരിഹരിക്കണമെന്നും ഇന്ത്യ ആവശ്യപ്പെട്ടു.

]]> സൗജന്യ യാത്ര: മുൻകൂർ പണം വേണമെന്ന് കെഎസ്ആർടിസി, മാസാവസാനം ചെലവായ തുക നൽകാമെന്ന് സർക്കാർ https://www.sandhesam.com/KSRTC-free-bus-tickets https://www.sandhesam.com/KSRTC-free-bus-tickets Thu, 11 Jun 2026 13:46:04 +0530 Web Desk തിരുവനന്തപുരം: സ്ത്രീകൾക്ക് ഓര്‍ഡിനറി ബസുകളിൽ സൗജന്യ യാത്ര ഒരുക്കുന്ന പ്രിയദർശിനി പദ്ധതി തുടങ്ങും മുമ്പ് തന്നെ പ്രതിസന്ധി. കെഎസ്ആർടിസിക്ക് മുൻകൂർ പണം അനുവദിക്കില്ലെന്ന സ‍ർക്കാര്‍ നിലപാടാണ് തർക്കത്തിന് കാരണം. പദ്ധതി മുന്നോട്ട് കൊണ്ട് പോകണമെങ്കിൽ മുൻകൂർ തുക അനുവദിക്കണം എന്ന് കെഎസ്ആർടിസി ആവശ്യപ്പെട്ടു. അല്ലെങ്കിൽ ഇന്ധന സബ്‍സിഡിയെ ബാധിക്കും. നഷ്ടം എങ്ങനെ നികത്താമെന്ന് ധനവകുപ്പുമായി ചര്‍ച്ച നടത്തുമെന്നും കെഎസ്ആർടിസി വ്യക്തമാക്കി. സീറോ ടിക്കറ്റ് പരിശോധിച്ച് ഓരോ മാസവും അവസാനം ചെലവായ തുക കെഎസ്ആർടിസിക്ക് നൽകാമെന്നാണ് സർക്കാര്‍ ആലോചിച്ചിരുന്നത്.

എന്നാല്‍, അത് കോര്‍പറേഷനെ ബാധിക്കുമെന്നും 45 ദിവസത്തെ ക്രെഡിറ്റ് വ്യവസ്ഥയിൽ 3 രൂപ 10 പൈസ കുറച്ചാണ് ഇന്ധന കമ്പനികൾ കെഎസ്ആർടിസിക്ക് ഇന്ധനം നൽകുന്നതെന്നും കെഎസ്ആർടിസി വാദിക്കുന്നു . പ്രിയദർശിനി പദ്ധതി വരുന്നതോടെ വരുമാന നഷ്ടം ഉണ്ടാകും. ഇതോടെ ഇപ്പോഴുള്ള സബ്സിഡി കമ്പനികൾ ഒഴിവാക്കുമോ എന്ന ആശങ്ക കെഎസ്ആർടിസിക്കുണ്ട്. ഒന്നെങ്കിൽ മുൻകൂറായി പണം നൽകണം. അല്ലെങ്കിൽ ഓരോ ദിവസം ടിക്കറ്റുകൾ നോക്കി ചെലവായ തുക നൽകണം എന്നാണ് കെഎസ്ആർടിസിയുടെ ആവശ്യം. ഈ കാര്യത്തിൽ ഒരു അന്തിമ തീരുമാനത്തിലേക്ക് സർക്കാര്‍ പോയിട്ടില്ല. കൂടുതൽ ചർച്ച നടക്കുമെന്നാണ് അറിയിച്ചിട്ടുള്ളത്.

]]> 7999477716 വാട്സാപ്പ് നമ്പർ കുറിച്ചുവച്ചോളു, പാർട്ടിയിലെ തിരുത്തിന് പൊതുജനാഭിപ്രായം തേടി സിപിഎം; ഇങ്ങനെയൊരു തോൽവി പ്രതീക്ഷിച്ചില്ലെന്നും സെക്രട്ടറി https://www.sandhesam.com/MV-GOVINDAN-PRESSER https://www.sandhesam.com/MV-GOVINDAN-PRESSER Tue, 09 Jun 2026 19:01:20 +0530 Web Desk തിരുവനന്തപുരം: നിയമസഭാ തെരഞ്ഞെടുപ്പില്‍ അപ്രതീക്ഷിതമായ തിരിച്ചടിയാണ് ഉണ്ടായതെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. എല്ലാ വിഭാഗം ജനങ്ങളില്‍ നിന്നും സിപിഎമ്മിന് വോട്ടുകള്‍ നഷ്ടമായി. പയ്യന്നൂരിലും തളിപ്പറമ്പിലും സ്ഥാനാര്‍ഥി നിര്‍ണയത്തില്‍ പാളിച്ച പറ്റിയതായും എംവി ഗോവിന്ദന്‍ പറഞ്ഞു. സിപിഎം സംസ്ഥാന സമിതി യോഗത്തിന് ശേഷം മാധ്യമങ്ങളെ കാണുകയായിരുന്നു ഗോവിന്ദന്‍.

ഇങ്ങനെയൊരു പരാജയം ഇടതുമുന്നണിക്ക് കേരളത്തില്‍ ഉണ്ടാകുമെന്ന് മുന്‍കൂട്ടി മനസിലാക്കാന്‍ സംസ്ഥാന കമ്മിറ്റിക്ക് കഴിഞ്ഞിട്ടില്ല. സര്‍ക്കാരിന്റെ പ്രവര്‍ത്തനങ്ങള്‍ ജനങ്ങള്‍ സ്വീകരിച്ചു എന്നാല്‍ നിര്‍മാണ മേഖലയുള്‍പ്പടെ പരമ്പാരഗത മേഖലയില്‍ ജനങ്ങളുടെ പ്രശ്‌നങ്ങള്‍ ആകെ പരിഹരിക്കാന്‍ ആയില്ല. അത് ജനങ്ങളില്‍ ഉണ്ടാക്കിയ അസംതൃപ്തി തോല്‍വിക്ക് കാരണമായി. 30 മണ്ഡലങ്ങളില്‍ ബിജെപി വോട്ടുകള്‍ യുഡിഎഫിന് നല്‍കുകയും ചില മണ്ഡലങ്ങളില്‍ അവര്‍ ബിജെപിക്ക് വോട്ട് ചെയ്യുന്ന രീതിയുണ്ടായി.

അയ്യപ്പസംഗമം സംഘടിപ്പിച്ചത് ദേവസ്വം ബോര്‍ഡ് ആണ്. സര്‍ക്കാര്‍ ആണ് അത് സംഘടിപ്പിച്ചതെന്ന വലതുപക്ഷ പ്രചാരണം ജനങ്ങളില്‍ ആശയക്കുഴപ്പം ഉണ്ടാക്കി. രാജ്യത്തെ മതനിരപേക്ഷതയെ തകര്‍ക്കുന്ന ആര്‍എസ്എസ് ഇതിനെ എതിര്‍ക്കുന്ന സമീപനമാണ് സ്വീകരിച്ചത്. യോഗിയുടെ സന്ദേശം വായിച്ചത് ശരിയായിരുന്നില്ല. ശബരിമല സ്വര്‍ണക്കൊള്ളക്കേസില്‍ കുറ്റാരോപിതനായ പത്മകുമാറിനെ പാര്‍ട്ടിയുടെ എല്ലാപ്രവര്‍ത്തനങ്ങളില്‍ നിന്നും മാറ്റിനിര്‍ത്തിയിരുന്നു. ആരോപണം ഉണ്ടായപ്പോള്‍ തന്നെ കര്‍ശന നടപടി സ്വീകരിച്ചില്ലെന്ന എതിരാളികളുടെ പ്രചരണം തെരഞ്ഞെടുപ്പിനെ ബാധിച്ചു. യുഡിഎഫ് സര്‍ക്കാര്‍ അധികാരത്തില്‍ എത്തിയിട്ട് വിലയിരുത്താന്‍ ആയിട്ടില്ല. ചെയ്യുന്നതെല്ലാം വാഗ്ദാനലംഘനവും ജനവിരുദ്ധവുമാണെന്ന് എംവി ഗോവിന്ദന്‍ പറഞ്ഞു.

എങ്ങനെ സിപിഎമ്മിന് ഫലപ്രദമായി മുന്നോട്ടുപോകാം എന്നുള്ള കൃത്യമായ പരിപാടിയാണ് ഓഗസ്റ്റ് മാസത്തോടെ നടത്താന്‍ ഉദ്ദേശിക്കുന്നത്. ഈ പ്രക്രിയയില്‍ ജനങ്ങളുടെ ആകെ അഭിപ്രായം തേടാന്‍ സംസ്ഥാനസമിതി തീരുമാനിച്ചു. വാട്‌സ് ആപ്പ് നമ്പര്‍ വഴിയും മെയില്‍ വഴിയുമെല്ലാം എല്ലാവര്‍ക്കും ഈ കാലഘട്ടത്തെ അഭിമുഖികരിക്കുന്നവെല്ലുവിളികെ നേരിടാം എന്നതുസംബന്ധിച്ച് അഭിപ്രായം അറിയിക്കാമെന്നും ഗോവിന്ദന്‍ പറഞ്ഞു.

പയ്യന്നൂർ, തളിപ്പറമ്പ് മണ്ഡലങ്ങളിൽ സ്ഥാനാർഥി നിർണയത്തിലുണ്ടായ വീഴ്ചകൾ സ്വയംവിമർശനപരായി കണ്ണൂർ ജില്ലാ കമ്മിറ്റി സംസ്ഥാനകമ്മിറ്റിക്ക് മുന്നിൽ അവതരിപ്പിച്ചു. വെള്ളാപ്പള്ളി നടേശൻ നടത്തിയിട്ടുള്ള മുസ്ലിം വിരുദ്ധ പ്രസ്താവനകൾ പാർടി തള്ളിക്കളഞ്ഞതാണ്. എന്നാൽ, അടുത്തകാലത്ത് വെള്ളാപ്പള്ളിയിൽനിന്നുണ്ടായ മുസ്ലിം വിരുദ്ധ പ്രസ്താവനയെ ശക്തമായി പ്രതിരോധിച്ചില്ല എന്ന അവബോധം പ്രത്യേകിച്ച് ന്യൂനപക്ഷവിഭാ​ഗങ്ങളിൽ രൂപപ്പെട്ടു. ഇതിനെ ദൂരീകരിക്കുന്നതരത്തിൽ ശക്തമായ ഇടപെടൽ നടത്തുന്നതിൽ പോരായ്മ സംഭവിച്ചു എന്ന് സ്വയംവിമർശനപരമായി വിലയിരുത്തി.

സ്വത്വ രാഷ്ട്രീയ ചിന്തകൾ മുന്നോട്ടുവെക്കുന്നത് സിപിഐ എമ്മിനെയും ഇടതുപക്ഷത്തെയും ദുർബലപ്പെടുത്താനാണ്. സ്വത്വ രാഷ്ട്രീയത്തിന്റെ ചിന്തകളും തെരഞ്ഞെടുപ്പിനെ സ്വാധീനിച്ചു. എല്ലാ വിഭാ​ഗങ്ങളിൽനിന്നും എൽഡിഎഫിന് വോട്ട് നഷ്ടമായിട്ടുണ്ട്. ഏതെങ്കിലും ഒരു വിഭാ​ഗം പൂർണമായി ഒന്നിച്ച് നിന്ന് പരാജയപ്പെടുത്തി എന്ന് പറയാനാകില്ല. എന്നാൽ എസ്ഐആർ നടപ്പാക്കുന്നതിൽ ന്യൂനപക്ഷങ്ങൾക്കിടയിലുണ്ടായ ആശങ്ക കോൺ​ഗ്രസ്- മുസ്ലിം ലീ​ഗ്- ജമാഅത്തെ ഇസ്ലാമി കൂട്ടുകെട്ട് ഉപയോ​ഗിച്ചു. എസ്ഐആർ കൊണ്ടുവന്നത് പിണറായി വിജയൻഡ സർക്കാരാണെന്ന കള്ളപ്രചാരണവും നടത്തി. ഇത് ന്യൂനപക്ഷങ്ങളെ ഇടതുപക്ഷത്തിൽനിന്നും അകറ്റി. മതത്തെ ഉപയോഗിച്ച് വർ​ഗീയചേരിതിരിവ് സൃഷ്ടിക്കുകയായിരുന്നു മുസ്ലിംലീ​ഗ്. അപകടരവും ദൂരവ്യാപകഫലമുണ്ടാക്കുന്നതുമായ നിലപാടാണ് ഇത്. ഇതിന്റെ ​ഗുണഭോക്താവ് എന്നനിലയിൽ കോൺ​ഗ്രസും പിന്തുണ നൽകിയെന്നും എം വി ​ഗോവിന്ദൻ പറഞ്ഞു

]]> വിജയ്നെ പിന്തുണച്ച 21 വിമത എംഎൽഎമാർക്ക് ആശ്വാസം; അയോഗ്യരാക്കില്ലെന്ന് സ്പീക്കർ https://www.sandhesam.com/Relief-rebel-AIADMK-MLAs https://www.sandhesam.com/Relief-rebel-AIADMK-MLAs Tue, 09 Jun 2026 16:06:24 +0530 Web Desk ചെന്നൈ: തമിഴ്‌നാട് രാഷ്ട്രീയത്തിൽ നിർണായക നീക്കങ്ങൾക്കൊടുവിൽ അണ്ണാ ഡി എം കെ. (എ ഐ എ ഡി എം കെ) വിമത എം എൽ എമാർക്ക് ആശ്വാസം. നിയമസഭയിലെ വിശ്വാസവോട്ടെടുപ്പിൽ വിജയ് സർക്കാരിനെ പിന്തുണച്ച എ ഐ എ ഡി എം കെയിലെ 21 എം എൽ എമാരെ അയോഗ്യരാക്കില്ലെന്ന് സ്പീക്കർ ജെ സി ഡി പ്രഭാകർ അറിയിച്ചു. പാർട്ടി വിപ്പ് ലംഘിച്ച് സർക്കാരിനെ പിന്തുണച്ച 25 എം എൽ എ മാരെയും അയോഗ്യരാക്കണമെന്ന് ആവശ്യപ്പെട്ട് മുൻപ് നൽകിയ കത്ത് എ ഐ എ ഡി എം കെ ജനറൽ സെക്രട്ടറി എടപ്പാടി കെ പളനിസ്വാമി (ഇ പി എസ്) പിൻവലിച്ചതിനെ തുടർന്നാണ് സ്പീക്കറുടെ ഈ സുപ്രധാന തീരുമാനം.

അതേസമയം വിശ്വാസവോട്ടെടുപ്പിൽ വിജയ് സർക്കാരിനെ പിന്തുണച്ച ശേഷം എം എൽ എ സ്ഥാനം രാജിവെക്കുമെന്ന് പ്രഖ്യാപിച്ച് തമിഴക വെട്രി കഴകത്തിൽ (ടി വി കെ) ചേർന്ന നാല് പേരുടെ കാര്യത്തിൽ സ്പീക്കർ ഇപ്പോൾ തീരുമാനമെടുത്തിട്ടില്ല. ഇവരെ അയോഗ്യരാക്കണമെന്ന ആവശ്യത്തിൽ പിന്നീട് മാത്രമായിരിക്കും തീരുമാനം പ്രഖ്യാപിക്കുകയെന്ന് സ്പീക്കർ വ്യക്തമാക്കി. പാർട്ടി പിളർപ്പിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെ, ഇ പി എസ് കത്ത് പിൻവലിച്ചതും സ്പീക്കറുടെ പുതിയ തീരുമാനവും തമിഴ്‌നാട് രാഷ്ട്രീയ കേന്ദ്രങ്ങൾ വലിയ ശ്രദ്ധയോടെ ഉറ്റുനോക്കുകയാണ്.

]]> മരണസ്ഥലത്ത് പരിചയമുള്ളവരോട് ചിരിച്ചാൽ മഹാ അപരാധം, റേപ്പ് ചെയ്താൽ ‍ഡബിൾ ഓക്കേ; നാടകമേ ഉലകം- റിനി https://www.sandhesam.com/Rini-on-cyber-attack-1929 https://www.sandhesam.com/Rini-on-cyber-attack-1929 Tue, 09 Jun 2026 15:54:20 +0530 Web Desk സാമൂഹികമാധ്യമങ്ങളിലെ സൈബർ ആക്രമണത്തോട് പ്രതികരിച്ച് നടിയും മോഡലുമായ റിനി ആൻ ജോർജ്. ആർക്കും ഉപദ്രവകരമല്ലാത്ത ചെറിയ കാര്യങ്ങൾപ്പോലും ചിലർക്ക് മഹാപരാധമാണെന്ന് നടി കുറിച്ചു. നടൻ സലിംകുമാറിനെ അവസാനമായി കാണാനെത്തിയ ദൃശ്യങ്ങൾ വ്യാപകമായി പ്രചരിക്കപ്പെട്ടതിന് പിന്നാലെയാണ് റിനിയുടെ പ്രതികരണം.

'ഞാൻ വളരെ ചെറുപ്പം മുതൽ ശ്രദ്ധിച്ചിരിക്കുന്ന ഒരു കാര്യമാണ്, വളരെ ചെറിയ, ആർക്കും ഉപദ്രവകരം അല്ലാത്ത കാര്യങ്ങൾ പോലും ചിലർക്ക് വലിയ പ്രശ്‌നം ആണ്. മഹാ അപരാധമാണ്. ഉദാഹരണത്തിന് കാലിന്മേൽ കാൽ കയറ്റി വെച്ച് ഇരിക്കുക, ഇഷ്ടപ്പെട്ട ഒരു വസ്ത്രം ധരിക്കുക, മരണസ്ഥലത്തു പരിചയമുള്ള ആളുകളെ കണ്ടാൽ ഒന്ന് ചിരിക്കുക തുടങ്ങിയവ. എന്നാൽ, ആരെങ്കിലും റേപ്പ് ചെയ്താലും കൊന്നാലും അതൊക്കെ മറച്ചുവെച്ച് നന്നായി അഭിനയിച്ചാൽ, ഡബിൾ ഓക്കെ. കൂടെനിന്ന് സെൽഫി എടുക്കൽ, റീൽസ് എടുക്കൽ അങ്ങനെ പലതും കാണാം. നാടകമേ ഉലകം', റിനി സാമൂഹികമാധ്യമങ്ങളിൽ കുറിച്ചു.

അന്തരിച്ച നടൻ സലിംകുമാറിനെ അവസാനമായി കാണാൻ നടി പറവൂർ ടൗൺഹാളിൽ എത്തിയിരുന്നു. പല പ്രമുഖരുമായി നടി ചിരിച്ച് പരിചയം പുതുക്കുന്ന വീഡിയോകൾ വ്യാപകമായി പ്രചരിക്കപ്പെട്ടു. മരണവീട്ടിൽ ചിരിച്ചുകൊണ്ടുള്ള നടിയുടെ പെരുമാറ്റത്തിനെതിരേ വിമർശനം ഉയർന്നിരുന്നു.

Rini Ann George
5 hours ago

ഞാൻ വളരെ ചെറുപ്പം മുതൽ ശ്രദ്ധിച്ചിരിക്കുന്ന ഒരു കാര്യമാണ്...വളരെ ചെറിയ, ആർക്കും ഉപദ്രവകരം അല്ലാത്ത കാര്യങ്ങൾ പോലും ചിലർക്ക് വലിയ പ്രശ്നം ആണ്...മഹാ അപരാധം ആണ്... ഉദാഹരണത്തിന് കാലിന്മേൽ കാൽ കയറ്റി വെച്ച് ഇരിക്കുക, ഇഷ്ടപ്പെട്ട ഒരു വസ്ത്രം ധരിക്കുക, മരണ സ്ഥലത്തു പരിജയം ഉള്ള ആളുകളെ കണ്ടാൽ ഒന്ന് ചിരിക്കുക തുടങ്ങിയവ... എന്നാൽ ആരെങ്കിലും റേപ്പ് ചെയ്താലും കൊന്നാലും അതൊക്കെ മറച്ചു വെച്ച് നന്നായി അഭിനയിച്ചാൽ, ഡബിൾ ഓക്കെ... കൂടെ നിന്ന് സെൽഫി എടുക്കൽ, റീൽസ് എടുക്കൽ അങ്ങനെ പലതും കാണാം...നാടകമേ ഉലകം...🤣😂😆

]]> പിഎം ശ്രീ പദ്ധതിയിൽ രാഷ്ട്രീയത്തർക്കം രൂക്ഷം; അടിയന്തരമായി പരിഗണിക്കേണ്ടെന്ന് വിദ്യാഭ്യാസ മന്ത്രി https://www.sandhesam.com/PM-SHRI-controversy https://www.sandhesam.com/PM-SHRI-controversy Tue, 09 Jun 2026 15:38:16 +0530 Web Desk തിരുവനന്തപുരം: കേരളത്തിൽ പിഎം ശ്രീ പദ്ധതി നടപ്പാക്കുന്നതിനെച്ചൊല്ലി രാഷ്ട്രീയ വിവാദം കൊഴുക്കുന്നു. പദ്ധതി അടിയന്തരമായി പരിഗണിക്കേണ്ട സാഹചര്യമില്ലെന്ന് വിദ്യാഭ്യാസ മന്ത്രി എൻ. ഷംസുദ്ദീൻ. പദ്ധതിയോട് അന്നും ഇന്നും വിയോജിപ്പാണെന്നും ഇടതുസർക്കാർ ഉണ്ടാക്കിയ വിഷയം എങ്ങനെ പരിഹരിക്കാം എന്നാണ് സർക്കാർ ഇപ്പോൾ പരിശോധിക്കുന്നതെന്നും അദ്ദേഹം പറഞ്ഞു. വിഷയത്തിൽ യുഡിഎഫിന്റെ രാഷ്ട്രീയ നയങ്ങൾക്കനുസരിച്ചുള്ള ചർച്ചകൾ ആവശ്യമാണെന്നും മന്ത്രി കൂട്ടിച്ചേർത്തു.

മുൻ വിദ്യാഭ്യാസ മന്ത്രി വി. ശിവൻകുട്ടി തലയിൽ മുണ്ടിട്ടുകൊണ്ട് പദ്ധതിയുടെ ധാരണാപത്രത്തിൽ (MoU) ഒപ്പിട്ടുവെന്ന് ബിജെപി നേതാവ് കെ. സുരേന്ദ്രൻ ആരോപിച്ചു. ഈ സർക്കാരിന് പദ്ധതി നടപ്പാക്കാതിരിക്കാൻ കഴിയില്ല. പദ്ധതി നടപ്പാക്കുന്നതിൽ കാലതാമസം വരുത്തിയതിലൂടെ എൽഡിഎഫും യുഡിഎഫും വിദ്യാർഥി സമൂഹത്തോടും രക്ഷിതാക്കളോടും മാപ്പ് പറയണമെന്നും സുരേന്ദ്രൻ പറഞ്ഞു. മുസ്ലിം ലീഗിന്റെ വിദ്യാഭ്യാസ മന്ത്രിക്കു തന്നെ പിഎം ശ്രീ പദ്ധതി സംസ്ഥാനത്ത് നടപ്പാക്കേണ്ടി വരുമെന്നും അദ്ദേഹം കൂട്ടിച്ചേർത്തു.

]]> 'വിട്ടുവീഴ്ച ചെയ്ത് ഐക്യം നിലനിർത്തേണ്ടതില്ല'; പ്രതിപക്ഷ ഉപനേതാവ് പദവിയിൽ നിന്ന് പിന്നോട്ടില്ലെന്ന് സിപിഐ https://www.sandhesam.com/CPI-Demands-Depty-LOP-post https://www.sandhesam.com/CPI-Demands-Depty-LOP-post Thu, 04 Jun 2026 17:55:17 +0530 Web Desk തിരുവനന്തപുരം: നിയമസഭയിലെ പ്രതിപക്ഷ ഉപനേതാവ് പദവിയിൽ നിന്ന് പിന്നോട്ടില്ലെന്ന് സിപിഐ. പ്രതിപക്ഷ ഉപനേതാവ് പദവിയിൽ നിന്ന് പിന്നോട്ട് പോകേണ്ടെന്നാണ് സിപിഐ സംസ്ഥാന സെക്രട്ടറിയേറ്റിൻ്റെ തീരുമാനം. പാർട്ടിയുടെ അഭിമാനം സിപിഎമ്മിന് മുൻപിൽ പണയം വെയ്ക്കേണ്ടതില്ലെന്നും വിട്ടുവീഴ്ച ചെയ്ത് ഐക്യം നിലനിർത്തേണ്ട സാഹചര്യമില്ലെന്നുമാണ് സിപിഐ വിലയിരുത്തൽ. കഴിഞ്ഞ ദിവസങ്ങളിലായി പ്രതിപക്ഷ ഉപനേതാവ് പദവിയുമായി ബന്ധപ്പെട്ട് ചർച്ചകൾ തുടരുകയാണ്.

പദവിയെച്ചൊല്ലി എൽഡിഎഫിൽ സിപിഎമ്മും സിപിഐയും തമ്മിൽ തർക്കം കടുക്കുകയാണ്. പ്രതിപക്ഷ നിരയിൽ രണ്ടാമത്തെ വലിയ ഒറ്റക്കക്ഷിയായ സിപിഐ ഉപനേതൃപദവി വേണമെന്ന കടുംപിടിത്തം തുടരുകയാണ്. വിട്ടുവീഴ്ച്ച ആവശ്യമില്ലെന്നും, പരസ്യമായി ആവശ്യപ്പെട്ട പദവിയിൽ നിന്നും പിന്നോട്ട് പോകേണ്ടതില്ലെന്നുമാണ് സിപിഐ നിലപാട്.

എന്നാൽ പ്രതിപക്ഷ ഉപനേതൃപദവി നൽകാനാവില്ലെന്ന നിലപാടിലാണ് സിപിഎം. ഇടതുമുന്നണി പ്രതിപക്ഷത്തിരുന്ന കാലത്തെല്ലാം ഉപനേതാവ് പദവി വഹിച്ചിരുന്നത് സിപിഎം തന്നെയാണെന്നുള്ള കീഴ്‌വഴക്കം ചൂണ്ടിക്കാട്ടിയാണ് സിപിഎം നിലപാട് കടുപ്പിച്ചിരിക്കുന്നത്. കഴിഞ്ഞ ദിവസം ഇരുപാർട്ടികളുടെയും സംസ്ഥാന സെക്രട്ടറിമാർ നടത്തിയ ചർച്ച പരാജയപ്പെട്ടിരുന്നു.

]]> സമാധാനപരവും ജനാധിപത്യപരവുമായ പ്രതിഷേധങ്ങൾക്ക് പാറ്റകളുടെ ആഹ്വാനം; ശനിയാഴ്ചത്തെ പ്രതിഷേധത്തിന് പിന്തുണയേറുന്നു https://www.sandhesam.com/Cockroach-Janta-Party-calls-for-peaceful-and-democratic-protests https://www.sandhesam.com/Cockroach-Janta-Party-calls-for-peaceful-and-democratic-protests Thu, 04 Jun 2026 17:47:41 +0530 Web Desk കോക്രോച്ച് ജനത പാർട്ടിയുടെ ശനിയാഴ്ചത്തെ പ്രതിഷേധത്തിന് പിന്തുണയേറുകയാണ്. എല്ലാ  ഇടത് വിദ്യാർത്ഥി സംഘടനകളും പ്രതിഷേധത്തിൽ അണി ചേരും. യൂത്ത് കോൺഗ്രസ് അടക്കമുള്ള യുവജന സംഘടനകളും പിന്തുണയുമായി എത്തുമെന്നാണ് സൂചന.

പാറ്റകളുടെ ആദ്യ പരസ്യപ്രതിഷേധം മറ്റന്നാൾ നടക്കാനിരിക്കെ കൂടുതൽ പല പ്രമുഖരും  പിന്തുണ അറിയിച്ചിട്ടുണ്ട്. പ്രമുഖ സാമൂഹ്യപ്രവർത്തകനായ സോനം വാങ്ചുക് പ്രതിഷേധത്തിൻ്റെ ഭാ​ഗമാകുമെന്ന് നേരത്തെ അറിയിച്ചിരുന്നു. പിന്നാലെയാണ് ശനിയാഴ്ച ദില്ലിയിലെത്തി പ്രതിഷേധത്തിൽ പങ്കെടുക്കാൻ ശ്രമിക്കുമെന്ന് നടൻ പ്രകാശ്‍രാജും അറിയിച്ചത്. നേരത്തെ നിശ്ചിയിച്ച സിനിമാ ചിത്രീകരണത്തിൽനിന്നും സമയം കണ്ടെത്തി വരാനാണ് പ്രകാശ് രാജ് ശ്രമിക്കുന്നത്. കൂടുതൽ പ്രമുഖർ പ്രതിഷേധത്തിൻ്റെ ഭാ​ഗമാകുമെന്നാണ് വിവരം. രാഷ്ട്രീയ പാർട്ടികളോടും പ്രതിഷേധത്തിൻ്റെ ഭാ​ഗമാകാൻ സിജെപി ആഹ്വാനം ചെയ്തിട്ടുണ്ട്. അതിനിടെ കൂട്ടായ്മ രാഷ്ട്രീയ പാർട്ടിയാകില്ലെന്നും സാമൂഹ്യ പ്രതിബദ്ധതയുള്ള വിവിധ വിഷയങ്ങൾ ഏറ്റെടുക്കുമെന്നും സിജെപി വക്താവ് വിജേത ദഹിയ പറഞ്ഞു. കേരളത്തിലും സിജെപിക്ക് ഇടമുണ്ടെന്നും അദ്ദേഹം കൂട്ടിച്ചേര്‍ത്തു. സ്ഥാപകൻ അഭിജിത് ദീപ്കേ ഇനി ഇന്ത്യയിൽ തുടരുമോയെന്ന് വ്യക്തതയില്ല, നടൻ ഫഹദ് ഫാസിലടക്കം കേരളത്തിലെ പ്രമുഖരെയും വക്താവ് സിജെപിയിലേക്ക് ക്ഷണിച്ചു.

ഇന്ന് വിളിച്ചു ചേർത്ത വാർത്താ സമ്മേളനത്തിൽ," സമാധാനപരവും ജനാധിപത്യപരവുമായ പ്രതിഷേധങ്ങൾക്ക് കോക്രോച്ച് ജനതാ പാർട്ടി ആഹ്വാനം ചെയ്യുന്നു,"എന്ന് സിജെപി വക്താവ് അശുതോഷ് റാങ്ക പറഞ്ഞു.

അതേസമയം, പ്രതിഷേധം സമൂ​ഹമാധ്യമങ്ങളിൽ മാത്രം ഒതുങ്ങേണ്ടതല്ലെന്ന് ശശി തരൂർ എംപി അഭിപ്രായപ്പെട്ടു. സിജെപിക്ക് നിർദേശങ്ങളുമായി ശശി തരൂർ എംപി രം​ഗത്തെത്തി. കേവലം സമൂഹമാധ്യമങ്ങളിലെ മീമുകളിൽ പ്രതിഷേധം ഒതുങ്ങരുത്, പാറ്റകളായി അറിയപ്പെടേണ്ടവരോ പരി​ഗണിക്കപ്പെടേണ്ടവരോ അല്ല യുവാക്കൾ. ജനപ്രതിനിധികളിലും സംവിധാനങ്ങളിലും നിരന്തരം സമ്മർദം ചെലുത്തണമെന്നും തരൂർ ഇം​ഗ്ലീഷ് ദിനപത്രത്തിലെഴുതിയ ലേഖനത്തിൽ പറയുന്നു.

]]> നവീൻ ബാബുവിൻ്റെ മരണം; കേസ് സിബിഐക്ക് ; മകൾക്ക് ആശ്രിത നിയമനം നൽകും https://www.sandhesam.com/Naveen-babus-death%3A-CBI-to-enquire https://www.sandhesam.com/Naveen-babus-death%3A-CBI-to-enquire Thu, 04 Jun 2026 16:57:52 +0530 Web Desk എഡിഎം നവീൻ ബാബുവിൻ്റെ മരണം സംബന്ധിച്ച അന്വേഷണം സിബിഐക്ക് വിട്ടു. മന്ത്രിസഭാ യോഗത്തിലാണ് തീരുമാനം. നവീൻ ബാബുവിൻ്റെ മകൾ നിരഞ്ജനയ്ക്ക് ആശ്രിത നിയമനം നൽകാനും മന്ത്രിസഭാ യോ​ഗത്തിൽ തീരുമാനമായി. നിലവിൽ സമർപ്പിച്ച കുറ്റപത്രം അനുസരിച്ച് കേസിൽ സിപിഎം നേതാവും കണ്ണൂർ ജില്ലാ പഞ്ചായത്ത് മുൻ പ്രസിഡന്റുമായ പി.പി ദിവ്യയാണ് ഏക പ്രതി. 

 പൊലീസ് അന്വേഷണത്തിൽ തൃപ്തിയില്ലെന്ന് ചൂണ്ടിക്കാണിച്ച് നവീൻ ബാബുവിൻ്റെ കുടുംബം സിബിഐ അന്വേഷണം ആവശ്യപ്പെട്ടിരുന്നു. എന്നാൽ കഴിഞ്ഞ സർക്കാർ ഈ ആവശ്യം പരിഗണിച്ചിരുന്നില്ല. പുതിയ സർക്കാർ വന്നതിന് പിന്നാലെ നവീൻ ബാബുവിൻ്റെ കുടുംബം മുഖ്യമന്ത്രി വി ഡി സതീശനുമായി കൂടിക്കാഴ്ച നടത്തിയിരുന്നു. തുടർന്നാണ് അന്വേഷണം സിബിഐയ്ക്ക് വിടാൻ തീരുമാനിച്ചത്.

നവീൻ ബാബുവിൻ്റെ മരണത്തിൽ തലശ്ശേരി അഡീഷണൽ ജില്ലാ സെഷൻസ് കോടതി നേരത്തെ തുടരന്വേഷണത്തിന് ഉത്തരവിട്ടിരുന്നു. തുടരന്വേഷണം ആവശ്യപ്പെട്ടുള്ള നവീൻ ബാബുവിന്റെ ഭാര്യ മഞ്ജുഷയുടെ ഹർജിയിലായിരുന്നു ഉത്തരവ്. കഴിഞ്ഞ ദിവസം തുടർ അന്വേഷണ റിപ്പോർട്ട് കോടതി പരിഗണിച്ചിരുന്നു. കുടുംബം ആവശ്യപ്പെട്ട ജനുവരി മുതലുള്ള സിഡിആറിൻ്റെ വിവരം റിപ്പോർട്ടിൽ ഉണ്ടായിരുന്നില്ല. മാർച്ച് മുതൽ നവംബർ വരെയുള്ള സിഡിആർ വിവരങ്ങളാണ് ഹാജരാക്കിയിരുന്നത്. ജനുവരി മുതലുള്ള സിഡിആർ വിവരങ്ങൾ നൽകണമെന്ന് നിർദ്ദേശിച്ച് കേസ് ജൂൺ ഒന്നിലേയ്ക്ക് മാറ്റിയിരിക്കുകയായിരുന്നു. കേസ് വീണ്ടും കോടതി പരിഗണിക്കാനിരിക്കെയാണ് സിബിഐ അന്വേഷണത്തിന് സർക്കാർ തീരുമാനിച്ചത്.

നാല് കാര്യങ്ങൾ അന്വേഷിച്ച് റിപ്പോർട്ട് നൽകാനാണ് കോടതി ഉത്തരവിട്ടിരുന്നത്. കേസിലെ ഏക പ്രതിയായ പി പി ദിവ്യയുടെ ഔദ്യോഗിക ഫോൺ നമ്പറിലെ മുഴുവൻ വിവരങ്ങളും ശേഖരിക്കണമെന്ന് കോടതി നിർദേശിച്ചിട്ടുണ്ട്. ആദ്യഘട്ടത്തിൽ അന്വേഷണ സംഘം ദിവ്യയുടെ സ്വകാര്യ നമ്പറിലെ വിവരങ്ങൾ മാത്രമാണ് ശേഖരിച്ചിരുന്നത്. പ്രശാന്തൻ ഗോൾഡ് ലോൺ എടുത്താണ് നവീൻ ബാബുവിന് കൈക്കൂലിയായി പണം നൽകിയതെന്ന ആരോപണത്തിൽ അക്കൗണ്ട് വിവരങ്ങൾ സംബന്ധിച്ചും നവീൻ ബാബുവിന്റെ ക്വാട്ടേഴ്‌സിൽ പ്രശാന്തൻ എത്തി എന്ന് സൂചിപ്പിക്കുന്ന സിസിടിവി ദൃശ്യങ്ങളിലും അന്വേഷണം വേണമെന്നും കോടതി നിർദേശിച്ചിരുന്നു. വിജിലൻസ് ആൻഡ് ആൻറി കറപ്ഷൻസ് ബ്യൂറോ ഉദ്യോഗസ്ഥരുടെ മൊഴി രേഖപ്പെടുത്തണമെന്നും കോടതി ഉത്തരവിൽ പറഞ്ഞിരുന്നു.

 

]]> ട്രംപിന് കനത്ത തിരിച്ചടി; ഇറാൻ യുദ്ധത്തിനെതിരെ പ്രമേയം പാസാക്കി അമേരിക്കൻ ജനപ്രതിനിധി സഭ https://www.sandhesam.com/Setback-for-Trump https://www.sandhesam.com/Setback-for-Trump Thu, 04 Jun 2026 16:39:32 +0530 Web Desk വാഷിം​ഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന് കനത്ത തിരിച്ചടി. ഇറാനെതിരെ യുദ്ധം തുടരാനുള്ള ട്രംപിന്റെ അധികാരങ്ങളെ പരിമിതപ്പെടുത്തുന്ന പ്രമേയം അമേരിക്കൻ ജനപ്രതിനിധി സഭ അം​ഗീകരിച്ചു. വാർത്താ ഏജൻസിയായ റോയിട്ടേഴ്സാണ് ഇക്കാര്യം റിപ്പോർട്ട് ചെയ്തത്. 

ഡെമോക്രാറ്റുകൾ കൊണ്ടുവന്ന വാർ പവേഴ്സ് റെസല്യൂഷനെ അനുകൂലിച്ച് നാല് റിപ്പബ്ലിക്കൻമാർ വോട്ട് ചെയ്തു എന്നതാണ് ശ്രദ്ധേയം. ഇതോടെ 208-നെതിരെ 215 വോട്ടുകൾക്കാണ് സഭ പ്രമേയം പാസാക്കിയത്. കോൺഗ്രസ് (യുഎസ് പാർലമെന്റ്) യുദ്ധം പ്രഖ്യാപിക്കുകയോ സൈനിക ശക്തി ഉപയോഗിക്കാൻ അനുമതി നൽകുകയോ ചെയ്യാത്ത പക്ഷം ഇറാനിൽ നിന്ന് അമേരിക്കൻ സൈന്യത്തെ പിൻവലിക്കാൻ ഈ പ്രമേയം ട്രംപിനോട് നിർദ്ദേശിക്കുന്നു.

പശ്ചിമേഷ്യയിലെ യുദ്ധം ആഗ്രഹിക്കാത്ത ജനങ്ങളുടെ ശബ്ദം കൂടുതൽ റിപ്പബ്ലിക്കൻമാർ കേൾക്കാൻ തുടങ്ങിയിരിക്കുന്നുവെന്ന് പ്രമേയത്തിന്റെ സ്പോൺസർമാരിൽ ഒരാളായ ഗ്രിഗറി മീക്സ് വോട്ടെടുപ്പിന് ശേഷം പ്രസ്താവനയിൽ പറഞ്ഞു. അമേരിക്കയും ഇറാനും തമ്മിലുള്ള സംഘർഷം നിലവിൽ മൂന്ന് മാസം പിന്നിട്ടിരിക്കുകയാണ്. വിഷയത്തെ ട്രംപ് കൈകാര്യം ചെയ്യുന്ന രീതിയിൽ ഭരണകക്ഷിയായ റിപ്പബ്ലിക്കൻ പാർട്ടിയിലെ അംഗങ്ങൾക്കിടയിൽ പോലും ഭിന്നതയുണ്ടെന്നാണ് ഈ തിരിച്ചടി വ്യക്തമാക്കുന്നത്. 

]]> മമതയുടെ നിർദേശം തള്ളി, ഋതബ്രതയെ പ്രതിപക്ഷ നേതാവ് ആക്കണമെന്ന് ഒരു വിഭാഗം; തൃണമൂല്‍ കോണ്‍ഗ്രസ് പിളര്‍പ്പിലേക്ക് ? https://www.sandhesam.com/Split-in-TMC https://www.sandhesam.com/Split-in-TMC Tue, 02 Jun 2026 13:23:25 +0530 Web Desk കൊല്‍ക്കത്ത: മമത ബാനര്‍ജിയുടെ തൃണമൂല്‍ കോണ്‍ഗ്രസ് നിയമസഭയില്‍ പിളര്‍പ്പിലേക്ക് നീങ്ങുന്നതായി സൂചന. പ്രതിപക്ഷ നേതാവിന്റെ തെരഞ്ഞെടുപ്പാണ് പാര്‍ട്ടിക്കുള്ളില്‍ പുതിയ തര്‍ക്കത്തിന് കാരണമായിട്ടുള്ളത്. വിമത വിഭാഗം എംഎല്‍എമാര്‍ പാര്‍ട്ടിയില്‍ നിന്നും പുറത്താക്കിയ എംഎല്‍എ ഋതബ്രത ബാനര്‍ജിയെ പിന്തുണയ്ക്കുന്നതായാണ് റിപ്പോര്‍ട്ട്.

പാര്‍ട്ടി അധ്യക്ഷ മമത ബാനര്‍ജിയുടെ അടുത്ത അനുയായി ശോഭന്‍ദേബ് ചതോപാധ്യായയാണ് തൃണമൂല്‍ കോണ്‍ഗ്രസ് ഔദ്യോഗിക നേതൃത്വം പ്രതിപക്ഷ നേതാവായി നിശ്ചയിച്ചിട്ടുള്ളത്. പാര്‍ട്ടി വിരുദ്ധ പ്രവര്‍ത്തനങ്ങള്‍ ആരോപിച്ച് ഋതബ്രത ബാനര്‍ജിയെയും മറ്റൊരു എംഎല്‍എ സന്ദീപന്‍ സാഹയെയും തിങ്കളാഴ്ച തൃണമൂല്‍ കോണ്‍ഗ്രസില്‍ നിന്നും പുറത്താക്കിയിരുന്നു. ശോഭന്‍ദേബിനെ പ്രതിപക്ഷ നേതാവായി നാമനിര്‍ദേശം ചെയ്തുകൊണ്ടുള്ള കത്തില്‍ തങ്ങളുടെ ഒപ്പ് വ്യാജമാണെന്ന് ആരോപിച്ചതാണ് പാര്‍ട്ടി നേതൃത്വത്തെ ചൊടിപ്പിച്ചത്.

നിയമസഭ തെരഞ്ഞെടുപ്പ് തോല്‍വിക്ക് പിന്നാലെ തൃണമൂല്‍ കോണ്‍ഗ്രസില്‍ പ്രതിസന്ധി രൂക്ഷമാണ്. പാര്‍ട്ടി ജനറല്‍ സെക്രട്ടറി അഭിഷേക് ബാനര്‍ജിക്കെതിരായ അക്രമത്തിന് പിന്നാലെ, പാര്‍ട്ടി അധ്യക്ഷ മമത ബാനര്‍ജി വിളിച്ച യോഗത്തില്‍ ബഹുഭൂരിപക്ഷം എംഎല്‍എമാരും പങ്കെടുത്തില്ല. 80 എംഎല്‍എമാരില്‍ 20 പേര്‍ മാത്രമാണ് യോഗത്തിനെത്തിയത്. 

വിമത നേതാവ് ഋതബ്രത ബാനർജിയെ പ്രതിപക്ഷ നേതാവാക്കാൻ തൃണമൂലിലെ ഒരു വിഭാഗം എംഎൽഎമാർ ആവശ്യപ്പെട്ടിട്ടുണ്ട്. ഇത് ഔദ്യോഗിക പ്രതിപക്ഷ നേതാവ് സ്ഥാനാർത്ഥിയായ ശോഭൻദേബ് ചതോപാധ്യായക്കെതിരെയുള്ള വെല്ലുവിളിയാണെന്ന് മറുവിഭാഗം ആരോപിച്ചതോടെയാണ് പാർട്ടിയിൽ അസ്വാരസ്യങ്ങൾക്ക് തുടക്കമായത്. 2017ൽ സിപിഎമ്മിൽനിന്ന് പുറത്താക്കിയതോടെയാണ് ഋതബ്രത ബാനർജി തൃണമൂൽ കോൺ​ഗ്രസിലെത്തുന്നത്. വ്യാജരേഖ ചമച്ചെന്ന കേസിൽ അഭിഷേക് ബാനർജിക്കെതിരെ പശ്ചിമ ബംഗാൾ സിഐഡി അന്വേഷണം ആരംഭിച്ചിട്ടുണ്ട്.

]]> വാക്ക് പ്രധാനമെന്ന് പറയുന്ന മുഖ്യമന്ത്രി, നികുതി ഇളവ് നൽകി അത് പ്രവർത്തിച്ചു കാണിക്കണം: കെ എൻ ബാല​ഗോപാൽ എംഎൽഎ https://www.sandhesam.com/K-N-BALAGOPAL-SLAMS-CM-ON-PRICE-RISE https://www.sandhesam.com/K-N-BALAGOPAL-SLAMS-CM-ON-PRICE-RISE Tue, 02 Jun 2026 13:10:00 +0530 Web Desk തിരുവന്തപുരം: പതിനാറാം കേരള നിയമസഭയിൽ പ്രതിപക്ഷം സമർപ്പിച്ച ആദ്യ അടിയന്തരപ്രമേയ നോട്ടീസ് മുഖ്യമന്ത്രി വി.ഡി.സതീശൻ്റെ വിശദീകരണത്തെ തുടർന്ന് സ്പീക്കർ തള്ളി. സഭ നിർത്തിവെച്ച് വിലക്കയറ്റം ചർച്ച ചെയ്യണമെന്ന പ്രതിപക്ഷാവശ്യം തള്ളുകയായിരുന്നു. സംസ്ഥാനത്ത് വിലക്കയറ്റം ഉണ്ടെന്ന പ്രതിപക്ഷത്തിൻ്റെ ആരോപണം ഭാഗികമായി ശരിയാണെന്ന് മുഖ്യമന്ത്രി പറഞ്ഞു. കുറച്ചു കഴിഞ്ഞിട്ട് തീരുമാനം കൈക്കൊള്ളുമെന്നും അദ്ദേഹം സഭയിൽ പറഞ്ഞു.

പശ്ചിമേഷ്യയിൽ നിലനിൽക്കുന്ന സംഘർഷമാണ് ഇപ്പോഴത്തെ വിലക്കയറ്റത്തിന് കാരണം. വിപണി ഇടപെടൽ നടത്തുന്നതിൽ കഴിഞ്ഞ സർക്കാർ ദയനീയമായി പരാജയപ്പെട്ടു. 3000 കോടി രൂപ സിവിൽ സപ്ലൈസിന് കൊടുക്കാൻ കടം ബാക്കിവെച്ചാണ് ഇടതു സർക്കാർ പോയത്. വിലക്കയറ്റം നിയന്ത്രിക്കുന്നതിന് ശക്തമായ ഇടപെടൽ നടത്തുകയാണെന്നും മുഖ്യമന്ത്രി വി.ഡി. സതീശൻ പറഞ്ഞു. ധനസ്ഥിതി സംബന്ധിച്ച് ആരോപണങ്ങൾക്ക് ധവളപത്രത്തിലൂടെ മറുപടി നൽകുമെന്നും അദ്ദേഹം കൂട്ടിച്ചേർത്തു.

കെ.എൻ. ബാലഗോപാലാണ് അടിയന്തരപ്രമേയ നോട്ടീസ് സഭയിൽ നൽകിയത്. വില കുറഞ്ഞിട്ട് തീരുമാനം പ്രായോഗികമല്ലെന്ന് അദ്ദേഹം പറഞ്ഞു. കഴിഞ്ഞ സർക്കാർ കാലത്ത് ഇന്ധനവില ഉയർന്നപ്പോൾ അന്നത്തെ പ്രതിപക്ഷ നേതാവായിരുന്ന വി.ഡി. സതീശൻ പറഞ്ഞ കാര്യത്തിലെ നിലപാട് എന്താണ് എന്ന് വ്യക്തമാക്കണമെന്നും ബാലഗോപാൽ സഭയിൽ പറഞ്ഞു.

കെ.എൻ. ബാലഗോപാൽ സഭയിൽ പറഞ്ഞത്

മാർച്ച് 31ന് ഉണ്ടായിരുന്നതിനേക്കാൾ എത്രയോ ഭീമമായ വിലവർധനവാണ് ഓരോ ഉത്പന്നങ്ങൾക്കും വർധിച്ചത്. വാണിജ്യ സിലിണ്ടറിൻ്റെ വില 1883 രൂപയിൽ നിന്നും ഒറ്റയടിക്ക് 3133 രൂപയായി വർധിച്ചു. ഹോട്ടലുകൾ പലതും പ്രവർത്തിക്കാത്ത അവസ്ഥയായി. പെട്രോൾ വിലയും ഡീസൽ വിലയും വർധിച്ചു. നിർമാണ മേഘലയിൽ സമാന പ്രതിസന്ധിയുണ്ട്.

കഴിഞ്ഞ സർക്കാരിൻ്റെ കാലത്ത് പെട്രോളിൻ്റെ വിലവർധിച്ച ഘട്ടത്തിൽ, ഇന്നത്തെ മുഖ്യമന്ത്രിയും അന്നത്തെ പ്രതിപക്ഷ നേതാവുമാ യിരുന്നു വി.ഡി. സതീശൻ ശബ്ദമുയർത്തിയതും നാട്ടിൽ സമരം നടത്തിയതും സംസ്ഥാന ടാക്സ് കുറച്ചുകൊടുക്കണമെന്ന ആവശ്യം ഉന്നയിച്ചായിരുന്നു. ഇന്ന് അദ്ദേഹം മുഖ്യമന്ത്രിയാണ്. അത് പറഞ്ഞ ഒരാളെന്ന നിലയിൽ വർധിച്ച അധികനികുതി സംസ്ഥാനത്തിന് കിട്ടുന്നത് കുറച്ചു കൊടുക്കുന്നത് ജനങ്ങളോടുള്ള മര്യാദയാണ്. അത് സംബന്ധിച്ചുള്ള നിലപാട് മുഖ്യമന്ത്രി പറയണം. കണക്ക് കൂട്ടാൻ വലിയ ബുദ്ധിമുട്ടില്ല.

പ്രതിപക്ഷത്തിരിക്കുമ്പോഴും ഭരണപക്ഷത്തിരിക്കുമ്പോഴും എൽഡിഎഫിൻ്റെ അഭിപ്രായം മാറിയില്ല. 2018ലും 2022ലും ഇളവുകൊടുത്തുവെന്നും കെ.എൻ. ബാലഗോപാൽ പറഞ്ഞു.

അടിയന്തരപ്രമേയം അവതരിപ്പിച്ചതിൽ രാഷ്ട്രീയമായി പ്രതിക്കൂട്ടിലാകുന്ന പ്രശ്നമില്ല. കുറച്ചു കാര്യങ്ങൾ കേന്ദ്രത്തിനെതിരേ പറയേണ്ടി വരും. അങ്ങനെ ചർച്ച ചെയ്യുമ്പോൾ മുഖ്യമന്ത്രിക്ക് അദ്ദേഹം പറഞ്ഞ കാര്യങ്ങൾ പാലിക്കുന്ന ആളാണ് എന്ന് തെളിയിക്കാൻ പറ്റും.  അദ്ദേഹം പറഞ്ഞ കാര്യങ്ങളൊക്കെ വാക്ക് മാത്രമാണ്. വാക്കുപാലിക്കാനാണ് പ്രാധാന്യം കൊടുക്കേണ്ടത്.

]]> മുഖ്യമന്ത്രിയെ വിമർശിച്ച സ്കൂൾ പ്രിൻസിപ്പലിന് സസ്പെൻഷൻ; നടപടി വിരമിക്കാൻ 2 ദിവസം മാത്രം ശേഷിക്കെ https://www.sandhesam.com/HM-suspended-for-criticising-CM-in-social-media https://www.sandhesam.com/HM-suspended-for-criticising-CM-in-social-media Fri, 29 May 2026 16:47:48 +0530 Web Desk

തിരുവനന്തപുരം: മുഖ്യമന്ത്രി വി ഡി സതീശനെ വിമർശിച്ച ഫെയ്സ്ബുക്ക് പോസ്റ്റ് ഷെയർ ചെയ്ത സ്കൂൾ പ്രിൻസിപ്പലിന് സസ്പെൻഷൻ. ആറ്റിങ്ങൽ ഗവൺമെന്റ് മോഡൽ ഹയർ സെക്കൻഡറി സ്‌കൂൾ മുൻ പ്രിൻസിപ്പലും പൊതുവിദ്യാഭ്യാസ സംരക്ഷണ യജ്ഞം തിരുവനന്തപുരം ജില്ലാ കോർഡിനേറ്ററായ ജവാദ് സുബൈറിനെയാണ് സസ്പെൻഡ് ചെയ്തത്. സർവീസിൽ നിന്ന് വിരമിക്കാൻ വെറും രണ്ട് ദിവസം ബാക്കിനിൽക്കെയാണ് നടപടി.

മുഖ്യമന്ത്രിയുടെ ചിത്രം പരിഹാസ്യരൂപത്തിൽ പങ്കുവെച്ചെന്നാണ് സസ്പെൻഷൻ ഉത്തരവിൽ പറയുന്നത്. മുഖ്യമന്ത്രിക്ക് പലകാര്യങ്ങളും പ്രഖ്യാപിക്കാൻ പൂച്ചപെറ്റുകിടന്നെന്ന് പറഞ്ഞ ഖജനാവിൽ പണമുണ്ടെന്ന ഫെയ്സ്ബുക്ക് പോസ്റ്റാണ് അധ്യാപകൻ ഷെയർ ചെയ്തത്. അതിന് പിന്നാലെയാണ് വിദ്യാഭ്യാസവകുപ്പ് അധ്യാപകനെ സസ്പെൻഡ് ചെയ്തത്. മുഖ്യമന്ത്രിയെ സമൂഹ മാധ്യമങ്ങളിൽ അധിക്ഷേപിച്ചുവെന്ന കുറ്റത്തിൽ അധ്യാപകനെതിരെ കേസുമെടുത്തു. കിളിമാനൂർ യൂത്ത് നേതാവ് എ പി അഖിലിന്റെ പരാതിയിലാണ് നടപടി.

കഴിഞ്ഞ ദിവസം മുഖ്യമന്ത്രി വി ഡി സതീശനെ വിമർശിച്ചെന്ന് പേരിൽ കെഎസ്‌ആർടിസി ഡ്രൈവരെ സസ്പെൻഡ് ചെയ്തിരുന്നു. നെടുങ്കണ്ടം സബ്‌ ഡിപ്പോയിലെ ഡ്രൈവർ കല്ലാർ സ്വദേശി എസ്‌ സുനിൽകുമാറിനെയാണ്‌ സസ്‌പെൻഡ്‌ ചെയ്‌തത്‌.

]]> മാസപ്പടി കേസിൽ ഇഡി അന്വേഷണത്തിനെതിരെ സിഎംആർഎൽ ഡിവിഷൻ ബെഞ്ചിൽ https://www.sandhesam.com/CMRL-approaches-division-bench https://www.sandhesam.com/CMRL-approaches-division-bench Fri, 29 May 2026 16:11:56 +0530 Web Desk കൊച്ചി: മാസപ്പടി കേസിൽ എൻഫോഴ്‌സ്‌മെന്റ് ഡയറക്ടറേറ്റിന്റെ അന്വേഷണം തുടരാമെന്ന ഹൈക്കോടതി സിംഗിൾ ബെഞ്ച് ഉത്തരവിനെതിരെ കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് (സി.എം.ആർ.എൽ) അപ്പീൽ നൽകി. ഹൈക്കോടതി ഡിവിഷൻ ബെഞ്ചിനെയാണ് കമ്പനി അടിയന്തിരമായി സമീപിച്ചിരിക്കുന്നത്. ഇഡി.നടത്തുന്ന അന്വേഷണം ഉടൻ തടയണമെന്നും സിംഗിൾ ബെഞ്ചിന്റെ ഉത്തരവ് അടിയന്തിരമായി റദ്ദാക്കണമെന്നുമാണ് ഹർജിയിലെ പ്രധാന ആവശ്യം. കേസിൽ നിലവിൽ കേന്ദ്ര കോർപ്പറേറ്റ് കാര്യ മന്ത്രാലയത്തിന് കീഴിലുള്ള സീരിയസ് ഫ്രോഡ് ഇൻവെസ്റ്റിഗേഷൻ ഓഫീസ് വിശദമായ അന്വേഷണം നടത്തുന്നുണ്ടെന്നും, ഈ സാഹചര്യത്തിൽ ഒരേ വിഷയത്തിൽ ഇഡി നടത്തുന്ന സമാന്തര അന്വേഷണം നിയമവിരുദ്ധമാണെന്നുമാണ് കമ്പനി കോടതിയിൽ വാദിക്കുന്നത്.

കള്ളപ്പണം വെളുപ്പിക്കൽ നിരോധന നിയമത്തിന്റെ പരിധിയിൽ വരുന്ന യാതൊരുവിധ കുറ്റകൃത്യങ്ങളും ഈ സാമ്പത്തിക ഇടപാടിൽ നടന്നിട്ടില്ലെന്നും അതിനാൽ ഇ.ഡി.ക്ക് ഈ കേസിൽ ഇടപെടാൻ നിയമപരമായ അധികാരമില്ലെന്നുമാണ് സിഎംആർഎല്ലിന്റെ പ്രധാന നിലപാട്. ഹൈക്കോടതി സിംഗിൾ ബെഞ്ചിന്റെ ഉത്തരവ് പുറത്തുവന്നതിന് പിന്നാലെയാണ് ഇഡി കഴിഞ്ഞ ദിവസങ്ങളിൽ പ്രതിപക്ഷ നേതാവ് പിണറായി വിജയന്റെ വീട്ടിലടക്കം റെയ്‌ഡ് നടത്തിയത്. ഇതിനുപുറമെ കമ്പനി മേധാവികളുടെ വീടുകളിലും ഓഫീസുകളിലും കേന്ദ്ര ഏജൻസി പരിശോധന ശക്തമാക്കിയിരുന്നു. ഇതേത്തുടർന്നാണ് തുടനടപടികളിൽ നിന്നും സംരക്ഷണം തേടി സി.എം.ആർ.എൽ കമ്പനി ഹൈക്കോടതിയിൽ അപ്പീൽ നൽകിയിരിക്കുന്നത്.

മുന്നേ ഇഡി അന്വേഷണം റദ്ദാക്കണമെന്നാവശ്യപ്പെട്ട് സിഎംആർഎൽ ഉദ്യോഗസ്ഥർ നൽകിയ ഹർജി ജസ്റ്റിസ് ടിആർ രവി അധ്യക്ഷനായ സിംഗിൾ ബെഞ്ച് പൂർണ്ണമായും തള്ളിയിരുന്നു. കേന്ദ്ര ഏജൻസിയുടെ അന്വേഷണത്തിൽ ഈ ഘട്ടത്തിൽ ഇടപെടാൻ കഴിയില്ലെന്നും കമ്പനി ഉദ്യോഗസ്ഥർ ചോദ്യം ചെയ്യലിനായി ഇഡിക്ക് മുന്നിൽ കൃത്യമായി ഹാജരാകണമെന്നും കോടതി കർണ്ണാടക മുൻസിപ്പൽ ചട്ടങ്ങൾ പോലെ കർശനമായി നിർദ്ദേശിച്ചിരുന്നു. മുൻ മുഖ്യമന്ത്രി പിണറായി വിജയന്റെ മകൾ വീണയുടെ ഉടമസ്ഥതയിലുള്ള എക്‌സാലോജിക് സൊല്യൂഷൻസിന് കൃത്യമായ സേവനങ്ങൾ ഒന്നും നൽകാതെ 1.72 കോടി രൂപ നൽകിയെന്നതാണ് ഈ കേസിലെ ഏറ്റവും പ്രധാനപ്പെട്ട ആരോപണം.

]]> കർണാടകയിൽ തലമാറ്റം; സിദ്ധരാമയ്യ രാജിവെച്ചു, മുഖ്യമന്ത്രിയായി ഡി.കെ ശിവകുമാറിനെ നിർദേശിച്ചു https://www.sandhesam.com/Karnataka-CM-Siddaramaiah-resigns-Names-DKS-to-the-post https://www.sandhesam.com/Karnataka-CM-Siddaramaiah-resigns-Names-DKS-to-the-post Thu, 28 May 2026 18:00:38 +0530 Web Desk ബെം​ഗളൂരു: കർണാടകയിൽ ഒടുവിൽ നേതൃമാറ്റത്തിന് വഴിയൊരുങ്ങി. മുഖ്യമന്ത്രി സിദ്ധരാമയ്യ രാജിവെച്ചു. ലോക്ഭവനിലെത്തി ​അദ്ദേഹം രാജി സമർപ്പിച്ചു. നേതൃമാറ്റത്തിന് വഴിയൊരുക്കാൻ കോൺഗ്രസ് ഹൈക്കമാൻഡ് ആവശ്യപ്പെട്ട് രണ്ട് ദിവസത്തിന് ശേഷമാണ് സിദ്ധരാമയ്യ രാജിവെയ്ക്കുന്നത്. 

സിദ്ധരാമയ്യ ഒഴിയുന്നതോടെ ഡി കെ ശിവകുമാർ പുതിയ മുഖ്യമന്ത്രിയായി ചുമതലയേൽക്കാനുള്ള സാധ്യതകൾ ശക്തമായിരിക്കുകയാണ്. രണ്ടോ മൂന്നോ ഉപമുഖ്യമന്ത്രിമാരും ഉണ്ടായേക്കുമെന്നാണ് സൂചന. ശിവകുമാറിന് പകരക്കാരനായി സതീഷ് ജാർക്കിഹോളി കർണാടക കോൺഗ്രസിന്റെ പുതിയ പ്രസിഡന്റായേക്കുമെന്ന വിവരങ്ങളും പുറത്തുവരുന്നുണ്ട്. ശിവകുമാറാണ് 2020 മുതൽ സംസ്ഥാന കോൺഗ്രസ് അധ്യക്ഷ പദവി വഹിക്കുന്നത്. 

നേതൃമാറ്റമാണ് പാർട്ടിയുടെ ലക്ഷ്യമെന്നും സിദ്ധരാമയ്യ ഇതിന് ആവശ്യമായതെല്ലാം ചെയ്യണമെന്നും കോൺഗ്രസ് കേന്ദ്ര നേതൃത്വം അദ്ദേഹത്തെ അറിയിച്ചിരുന്നു. എന്നാൽ, ഡി കെ ശിവകുമാറിനെ തന്നെയാണ് തന്റെ പിൻഗാമിയാക്കുക എന്ന കാര്യത്തിൽ ഹൈക്കമാൻഡിൽ നിന്ന് കൃത്യമായ സൂചന അദ്ദേഹത്തിന് ലഭിച്ചിരുന്നില്ലെന്നാണ് വിവരം. കേന്ദ്ര നേതൃത്വത്തിന്റെ ഈ തീരുമാനത്തിൽ സിദ്ധരാമയ്യ ഞെട്ടിയെന്നാണ് റിപ്പോർട്ടുകൾ. അതേസമയം ഹൈക്കമാൻഡിന്റെ അന്തിമ സന്ദേശത്തിനായി കാത്തിരിക്കുകയായിരുന്നു ശിവകുമാർ.

മന്ത്രിമാരുടെ തിരഞ്ഞെടുപ്പിൽ ശിവകുമാറിന് പൂർണ്ണമായ സ്വാതന്ത്ര്യം നൽകാതിരിക്കാനാണ് ഹൈക്കമാൻഡ് ആഗ്രഹിക്കുന്നത്. പുതിയ മന്ത്രിസഭയുടെ കാര്യത്തിൽ ആദ്യം തന്നെ ഒരു തീരുമാനത്തിലെത്താനാണ് ശ്രമം. ശിവകുമാറിന് പൂർണ്ണ നിയന്ത്രണം നൽകിയാൽ അത് സിദ്ധരാമയ്യ വിഭാഗത്തെ പ്രകോപിപ്പിച്ചേക്കാം എന്നാണ് ഹൈക്കമാൻഡി

നേതൃമാറ്റമാണ് പാർട്ടിയുടെ ലക്ഷ്യമെന്നും സിദ്ധരാമയ്യ ഇതിന് ആവശ്യമായതെല്ലാം ചെയ്യണമെന്നും കോൺഗ്രസ് കേന്ദ്ര നേതൃത്വം അദ്ദേഹത്തെ അറിയിച്ചിരുന്നു. എന്നാൽ, ഡി കെ ശിവകുമാറിനെ തന്നെയാണ് തന്റെ പിൻഗാമിയാക്കുക എന്ന കാര്യത്തിൽ ഹൈക്കമാൻഡിൽ നിന്ന് കൃത്യമായ സൂചന അദ്ദേഹത്തിന് ലഭിച്ചിരുന്നില്ലെന്നാണ് വിവരം. കേന്ദ്ര നേതൃത്വത്തിന്റെ ഈ തീരുമാനത്തിൽ സിദ്ധരാമയ്യ ഞെട്ടിയെന്നാണ് റിപ്പോർട്ടുകൾ. അതേസമയം ഹൈക്കമാൻഡിന്റെ അന്തിമ സന്ദേശത്തിനായി കാത്തിരിക്കുകയായിരുന്നു ശിവകുമാർ.

മന്ത്രിമാരുടെ തിരഞ്ഞെടുപ്പിൽ ശിവകുമാറിന് പൂർണ്ണമായ സ്വാതന്ത്ര്യം നൽകാതിരിക്കാനാണ് ഹൈക്കമാൻഡ് ആഗ്രഹിക്കുന്നത്. പുതിയ മന്ത്രിസഭയുടെ കാര്യത്തിൽ ആദ്യം തന്നെ ഒരു തീരുമാനത്തിലെത്താനാണ് ശ്രമം. ശിവകുമാറിന് പൂർണ്ണ നിയന്ത്രണം നൽകിയാൽ അത് സിദ്ധരാമയ്യ വിഭാഗത്തെ പ്രകോപിപ്പിച്ചേക്കാം എന്നാണ് ഹൈക്കമാൻഡിൻ്റെ വിലയിരുത്തൽ. ഈ സാഹചര്യത്തിലാണ് ഉപമുഖ്യമന്ത്രിമാരുടെ കാര്യം പരി​ഗണിക്കുന്നതെന്ന ദി ന്യു ഇൻഡ്യൻ എക്സ്പ്രസ്  റിപ്പോർട്ട് ചെയ്യുന്നു. 

ജാതി, പ്രാദേശിക സമവാക്യങ്ങൾ എന്നിവ കണക്കിലെടുത്ത് രണ്ടോ മൂന്നോ ഉപമുഖ്യമന്ത്രിമാർ ഉണ്ടാകാനുള്ള സാധ്യതയാണ് തെളിയുന്നത്. ലിംഗായത്ത്, ദളിത് വിഭാഗങ്ങളിൽ നിന്ന് ഓരോ ഉപമുഖ്യമന്ത്രിമാർ വീതം ഉണ്ടാകുമെന്നാണ് സൂചന. ശിവകുമാർ വൊക്കലിഗ സമുദായത്തിൽ നിന്നുള്ളയാളാണ്. സിദ്ധരാമയ്യ തന്റെ മകൻ യതീന്ദ്രയെ ഉപമുഖ്യമന്ത്രിയാക്കണമെന്ന് നിർബന്ധം പിടിച്ചാൽ ഉപമുഖ്യമന്ത്രിമാരുടെ എണ്ണത്തിൽ  ഇനിയും വർധനവുണ്ടായേക്കാം. 

സിദ്ധരാമയ്യയുടെ വിശ്വസ്തനും പ്രമുഖ ലിംഗായത്ത് നേതാക്കളിലൊരാളും വൻകിട വ്യവസായ മന്ത്രിയുമായ എം ബി പാട്ടീൽ ഉപമുഖ്യമന്ത്രി സ്ഥാനാം​​​ ഏറെക്കുറെ ഉറപ്പിച്ചു കഴിഞ്ഞു. ശിവകുമാർ മന്ത്രിസഭയിൽ ചേരാൻ വിസമ്മതിക്കുകയാണെങ്കിൽ പാട്ടീലിന് സംസ്ഥാന കോൺ​ഗ്രസ് അദ്ധ്യക്ഷ പദം ലഭിക്കാനും സാധ്യതയുണ്ട്. അങ്ങനെയെങ്കിൽ ആഭ്യന്തരമന്ത്രിയും ദളിത് സമുദായത്തിൽ നിന്നുള്ള നേതാവുമായ ജി പരമേശ്വരയ്ക്കാകും നറുക്ക് വീഴുക. 

യതീന്ദ്രയെ ഉപമുഖ്യമന്ത്രിയാക്കുന്നതിൽ ഹൈക്കമാൻഡിന് എതിർപ്പില്ലെന്നാണ് സൂചന. കാരണം ഇത് ശിവകുമാർ സർക്കാരിന്റെ സ്ഥിരത ഉറപ്പാക്കാൻ സഹായിക്കുമെന്നാണ് വിലയിരുത്തൽ. ന്യൂനപക്ഷങ്ങൾ, പിന്നോക്ക വിഭാഗങ്ങൾ, ദളിതർ എന്നിവരുടെ കൂട്ടായ്മയായ 'അഹിന്ദ' വിഭാഗത്തിന് പുതിയ മന്ത്രിസഭയിൽ കൂടുതൽ പ്രാതിനിധ്യം നൽകണമെന്നാണ് രാഹുൽ ഗാന്ധിക്ക് താല്പര്യം. ശിവകുമാറിനൊപ്പം മുഴുവൻ മന്ത്രിസഭയും ഒന്നിച്ച് സത്യപ്രതിജ്ഞ ചെയ്യണമെന്നാണ് ഹൈക്കമാൻഡിന്റെ ആ​ഗ്രഹം. ചെറുപ്പക്കാരും പുതുമുഖങ്ങളും അടങ്ങുന്ന ഒരു പുതിയ മന്ത്രിസഭ രൂപീകരിക്കുകയാണ് കേന്ദ്ര നേതൃത്വം ലക്ഷ്യമിടുന്നത്. 

]]> മുനമ്പം ഭൂമി ഉമീദ് പോർട്ടലിൽ രജിസ്റ്റർ ചെയ്തത് വഖഫ് ബോർഡിൻ്റെ നിയമപരമായ ചുമതലയെന്ന് ജുഡീഷ്യൽ കമ്മീഷനും മുസ്ലീം സംഘടനകളും https://www.sandhesam.com/MUNAMBAM-WAKAF-LAND-MUSLIM-ORGANIZATIONS-UP-IN-ARMS-AGAINST-CMS-STAND https://www.sandhesam.com/MUNAMBAM-WAKAF-LAND-MUSLIM-ORGANIZATIONS-UP-IN-ARMS-AGAINST-CMS-STAND Thu, 28 May 2026 17:43:26 +0530 Web Desk മലപ്പുറം: മുനമ്പം ഭൂമി തർക്കവിഷയത്തിൽ മുഖ്യമന്ത്രി വിഡി.സതീശൻ പ്രദേശവാസികൾക്ക് നൽകുന്ന ശക്തമായ പിന്തുണയും, ഈ ഭൂമി വഖഫ് സ്വത്തല്ലെന്ന അദ്ദേഹത്തിൻ്റെ ആവർത്തിച്ചുള്ള പ്രസ്താവനകളും ഇന്ത്യൻ യൂണിയൻ മുസ്ലിം ലീഗിനെയും കേരളത്തിലെ പ്രമുഖ മുസ്ലിം സംഘടനകളെയും വലിയ രാഷ്ട്രീയ പ്രതിസന്ധിയിലേക്ക് തള്ളിയിട്ടിരിക്കുകയാണ്.

കേരള വഖഫ് ബോർഡ് മുനമ്പം ഭൂമിയുമായി ബന്ധപ്പെട്ട ഔദ്യോഗിക രേഖകൾ കേന്ദ്ര സർക്കാരിൻ്റെ 'ഉമീദ്' പോർട്ടലിൽ അപ്‌ലോഡ് ചെയ്തതോടെയാണ് ഈ വിവാദം പുതിയ തലത്തിലേക്ക് ഉയർന്നത്.വഖഫ് ബോർഡിൻ്റെ ഈ നീക്കം പ്രദേശവാസികളെ നിയമവിരുദ്ധ കയ്യേറ്റക്കാരായി ചിത്രീകരിക്കാനുള്ള ബോധപൂർവ്വമായ ശ്രമമാണെന്ന് ആരോപിച്ച് മുഖ്യമന്ത്രി വിഡി സതീശൻ രംഗത്തെത്തിയിരുന്നു.

എന്നാൽ, മുനമ്പത്തെ 404 ഏക്കർ ഭൂമി 2019-ൽ തന്നെ വഖഫ് ഭൂമിയായി ഔദ്യോഗികമായി രജിസ്റ്റർ ചെയ്തിട്ടുള്ളതാണെന്ന് വഖഫ് ബോർഡ് ചെയർമാൻ കെഎസ് ഹംസ വ്യക്തമാക്കി. നിലവിലെ മുസ്ലിം ലീഗ് മലപ്പുറം ജില്ലാ പ്രസിഡന്റ് റഷീദ് അലി ശിഹാബ് തങ്ങൾ വഖഫ് ബോർഡ് ചെയർമാനായിരുന്ന കാലത്താണ് ഈ രജിസ്ട്രേഷൻ നടന്നത്. കേന്ദ്ര സർക്കാർ നിർദ്ദേശിച്ച നിർബന്ധിത നടപടിക്രമങ്ങളുടെ ഭാഗമായി അത് ഉമീദ് പോർട്ടലിൽ അപ്‌ലോഡ് ചെയ്യുക മാത്രമാണ് ഇപ്പോഴത്തെ ബോർഡ് ചെയ്തതെന്ന് അദ്ദേഹം മാധ്യമങ്ങളോട് പറഞ്ഞു.

മുസ്ലിം ലീഗ് ഈ വിഷയത്തിൽ തങ്ങളുടെ ഔദ്യോഗിക നിലപാട് ഇതുവരെയും പരസ്യമായി വ്യക്തമാക്കിയിട്ടില്ലെങ്കിലും, മുനമ്പത്തേത് വഖഫ് ഭൂമി തന്നെയാണെന്ന വാദത്തിൽ ഭൂരിഭാഗം ലീഗ് നേതാക്കളും പൊതുവേ ഉറച്ചുനിൽക്കുകയാണ്.എന്നാൽ, ദശാബ്ദങ്ങളായി അവിടെ താമസിച്ചുവരുന്ന കുടുംബങ്ങളെ വഖഫ് ഭൂമിയുടെ പേരിൽ പെട്ടെന്ന് ഒന്നിച്ച് ഒഴിപ്പിക്കുക എന്നത് പ്രായോഗികമായ ഒരു പരിഹാരമാർഗ്ഗമല്ലെന്ന് ലീഗിന് ബോധ്യമുണ്ട്.ഉത്തരേന്ത്യയിൽ പ്രശസ്തമായ ജാമിയ മില്ലിയ ഇസ്ലാമിയ സർവ്വകലാശാലയുമായി ബന്ധപ്പെട്ട വഖഫ് ഭൂമിയിൽ വർഷങ്ങളായി താമസിക്കുന്ന ആളുകൾക്ക് പൂർണ്ണമായും മാനുഷിക പരിഗണന നൽകിക്കൊണ്ട് അവിടെത്തന്നെ തുടർന്ന് ജീവിക്കാൻ അനുവദിച്ച വ്യക്തമായ മുൻമാതൃകകൾ നമ്മുടെ മുന്നിലുണ്ട്. ഇതേ മാതൃകയിലുള്ള ഒരു സമവായ സമീപനം തന്നെയായിരിക്കണം മുനമ്പം പ്രശ്നത്തിലും പരിഗണിക്കേണ്ടതെന്നാണ് പാർട്ടിയുടെ നിലപാട്.

 സമസ്ത ഇകെ, എപി വിഭാഗങ്ങളും കോൺഗ്രസിനും മുസ്ലിം ലീഗിനുമെതിരെ പരസ്യമായി രംഗത്തുവന്നിട്ടുണ്ട്. മുനമ്പം വഖഫ് ഭൂമി തന്നെയാണെന്നും അത് സംരക്ഷിക്കാനുള്ള ശ്രമങ്ങൾ നടത്തുമെന്നും സമസ്ത കേരള ജംഇയ്യത്തുൽ ഉലമ സെക്രട്ടറിയും പുതിയ വഖഫ് ബോർഡ് അംഗവുമായ ഉമർ ഫൈസി മുക്കം ആവർത്തിച്ചു വ്യക്തമാക്കിയിട്ടുണ്ട്. മുനമ്പം പോലുള്ള സംഭവങ്ങളിൽ വഖഫ് ഭൂമി കയ്യേറുകയും ദുരുപയോഗം ചെയ്യപ്പെടുകയും ഉണ്ടായിട്ടുണ്ടെന്നും, മുനമ്പം വഖഫ് ഭൂമി തന്നെയാണെന്ന കാര്യം വളരെ വ്യക്തമാണെന്നും ഫാറൂഖ് കോളേജ് മാനേജ്‌മെന്റ് വഖഫ് ഭൂമി കയ്യേറുകയും പിന്നീട് അത് മറിച്ചുവിറ്റതും തെറ്റായ നടപടിയാണെന്നും അദ്ദേഹം മുൻപ് ചൂണ്ടിക്കാണിച്ചിരുന്നു.

എപി സമസ്തയുടെ പോഷക സംഘടനയായ കേരള മുസ്ലിം ജമാഅത്തും സർക്കാരിന് മുന്നിൽ തങ്ങളുടെ കൃത്യമായ ആവശ്യം ഉന്നയിച്ച് രംഗത്തെത്തിയിട്ടുണ്ട്. അതെസമയം തെറ്റിദ്ധാരണ മൂലമാണ് മുഖ്യമന്ത്രി വി ഡി സതീശൻ  പത്തു നിമിഷങ്ങർക്കകം പ്രശ്ലം പറഞ്ഞു തീർക്കുമെന്ന് പറയുന്നതെന്ന് മുനമ്പം ജുഡീഷ്യൽ കമ്മീഷൻ സി എൻ രാമചന്ദ്രൻ നായർ പറഞ്ഞു. മുനമ്പം ഭൂമി ഉമീദ് പോർട്ടലിൽ രജിസ്റ്റർ ചെയ്യുക വഴി സംസ്ഥാന വഖഫ് ബോർഡ് നിയമപരമായ ചുമതലയാണ് നിർവഹിച്ചതെന്നും നിലവിലെ സാഹചര്യത്തിൽ സംസ്ഥാന സർക്കാരിന്റെ ഇടപെടൽ നിയമവിരുദ്ധമാകുമെന്നും ജസ്റ്റിസ് സി എൻ രാമചന്ദ്രൻ നായർ വ്യക്തമാക്കി.

മുനമ്പത്തെ വഖഫ് ഭൂമി തർക്കത്തിൽ വഖഫ് ട്രൈബ്യൂണലിന്‍റെ അന്തിമ ഉത്തരവിന് ഇനിയും കാത്തിരിക്കണം. അനുബന്ധ കേസുകൾ സുപ്രീം കോടതിയിലും ഹൈക്കോടതിയിലുമുണ്ട്. അതിനാൽ ഉമീദ് പോർട്ടലിൽ രജിസ്റ്റർ ചെയ്തതിൽ അസ്വഭാവികത ഇല്ലെന്ന്  റിട്ട.ജസ്റ്റിസ് സി എൻ രാമചന്ദ്രൻ നായർ പറഞ്ഞു. കോടതിയിൽ കേസ് തുടരുന്നതിനാൽ സംസ്ഥാന സർക്കാർ ഇടപെടൽ നിയമവിരുദ്ധമാകുമെന്നും ഇടപെടാൻ സ്വാതന്ത്ര്യമുണ്ടെന്ന ധാരണയിലാകും മുഖ്യമന്ത്രി നേരത്തെ പത്ത് മിനിറ്റ് പരിഹാരം പറഞ്ഞതെന്നും എന്നാൽ അത് അങ്ങനെ അല്ലെന്ന് ജുഡീഷ്യൽ കമ്മീഷന്‍ വിശദീകരിച്ചു.

]]> ബന്ദർ അബ്ബാസ് വിമാനത്താവളത്തിന് നേരെ അമേരിക്കൻ ആക്രമണം, കുവൈത്തിലെ യുഎസ് വ്യോമതാവളം ആക്രമിച്ച് ഇറാൻ https://www.sandhesam.com/Reports-claim-Iranian-drones-are-targeting-U.S.-military-bases-in-Kuwait https://www.sandhesam.com/Reports-claim-Iranian-drones-are-targeting-U.S.-military-bases-in-Kuwait Thu, 28 May 2026 14:27:06 +0530 Web Desk ടെഹ്റാൻ:ബന്ദർ അബ്ബാസ് വിമാനത്താവളത്തിന് സമീപം അമേരിക്ക നടത്തിയ ആക്രമണത്തിന് തിരിച്ചടി നൽകിയതായി ഇറാൻ. കുവൈത്തിലെ യുഎസ് വ്യോമതാവളത്തിന് നേരെ ആക്രമണം നടത്തിയയതായാണ് ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് അവകാശപ്പെടുന്നത്. പ്രാദേശിക സമയം പുലർച്ചെ 4:50 ഓടെയാണ് ഇറാൻ ഈ പ്രത്യാക്രമണം നടത്തിയത്. തങ്ങൾ ലക്ഷ്യമിട്ട യുഎസ് വ്യോമതാവളം ഏതാണെന്ന് ഇറാൻ മാധ്യമങ്ങൾ വെളിപ്പെടുത്തിയിട്ടില്ലെങ്കിലും, അമേരിക്കയുടെ ഭാഗത്തുനിന്ന് ഇനി എന്തെങ്കിലും തരത്തിലുള്ള പ്രകോപനമുണ്ടായാൽ അതിന് ഇതിലും ശക്തമായ രീതിയിൽ തങ്ങൾ മറുപടി നൽകുമെന്ന് ഐആർജിസി മുന്നറിയിപ്പ് നൽകിയിട്ടുണ്ട്.

ഹോർമുസ് കടലിടുക്കിന് സമീപമുള്ള ഇറാന്റെ ഡ്രോൺ പ്രവർത്തനങ്ങൾക്ക് നേരെ അമേരിക്കൻ സൈന്യം പുതിയ സൈനിക നടപടി സ്ഥിരീകരിച്ചതിന് തൊട്ടുപിന്നാലെയാണ് ഇറാന്റെ ഈ പ്രതികരണം. തന്ത്രപ്രധാനമായ ഈ ജലപാതയിലൂടെയുള്ള അന്താരാഷ്ട്ര കപ്പൽ ഗതാഗതത്തിനും അമേരിക്കൻ സൈന്യത്തിനും ഭീഷണിയാണെന്ന് ചൂണ്ടിക്കാട്ടി ഇറാന്റെ നാല് ആക്രമണ ഡ്രോണുകൾ തങ്ങൾ വെടിവെച്ചിട്ടതായി യുഎസ് സൈനിക ഉദ്യോഗസ്ഥർ വ്യക്തമാക്കിയിരുന്നു.

ഇതിനുപുറമേ ബന്ദർ അബ്ബാസിന് സമീപം മറ്റൊരു ഡ്രോൺ വിക്ഷേപിക്കാൻ തയ്യാറെടുക്കുകയായിരുന്ന ഇറാന്റെ ഒരു ഡ്രോൺ ഗ്രൗണ്ട് കൺട്രോൾ സ്റ്റേഷനും യുഎസ് സൈന്യം ആക്രമിച്ചു തകർത്തു. എന്നാൽ ഈ സൈനിക നടപടി തികച്ചും പരിമിതവും പ്രതിരോധപരവും മാത്രമായിരുന്നുവെന്നും, ഏപ്രിൽ ആദ്യം നിലവിൽ വന്ന വെടിനിർത്തൽ കരാർ നിലനിർത്താൻ വേണ്ടിയാണ് ഇതെന്നുമാണ് യുഎസ് ഉദ്യോഗസ്ഥർ അവകാശപ്പെടുന്നത്. എന്നാൽ വാഷിംഗ്ടൺ ഈ വെടിനിർത്തൽ കരാർ ആവർത്തിച്ച് ലംഘിക്കുകയാണെന്ന് ഇറാൻ കുറ്റപ്പെടുത്തി. ഹോർമുസ് കടലിടുക്കിലൂടെ കടന്നുപോകാൻ ശ്രമിച്ച അമേരിക്കയുമായി ബന്ധമുള്ള ഒരു എണ്ണക്കപ്പലിന് നേരെ ഐആർജിസി നേവി മുന്നറിയിപ്പ് വെടിയുതിർത്തതായും ഇത് കാരണം കപ്പലിന് പിന്തിരിയേണ്ടി വന്നതായും ഇറാൻ മാധ്യമങ്ങൾ റിപ്പോർട്ട് ചെയ്തു. ഇറാനിയൻ സൈന്യത്തിന്റെ അനുമതിയില്ലാതെ ഈ ജലപാതയിലൂടെ സഞ്ചരിക്കാൻ ശ്രമിച്ച മറ്റ് നാല് കപ്പലുകളെയും ഇറാന്റെ നാവികസേന മുന്നറിയിപ്പ് നൽകി തിരിച്ചയച്ചതായും റിപ്പോർട്ടുകളുണ്ട്.

]]> ഒടുവിൽ ഉമ്മയുടെ സ്നേഹത്തണലിലേക്ക് പറന്നിറങ്ങി റഹീം, വൈകാരിക നിമിഷങ്ങൾ https://www.sandhesam.com/Abdul-Rahim-returns-home--after-18-years-of-imprisonment-in-Saudi-Arabia https://www.sandhesam.com/Abdul-Rahim-returns-home--after-18-years-of-imprisonment-in-Saudi-Arabia Thu, 28 May 2026 12:56:56 +0530 Web Desk കോഴിക്കോട്: 20 വർഷത്തെ കാത്തിരിപ്പിനൊടുവില്‍ കോഴിക്കോട് ഫറോക്ക് സ്വദേശി അബ്ദുൽ റഹീം ജന്മനാട്ടിലെത്തി. ഇന്ന് രാവിലെ 7.35നാണ് അബ്ദുൽ റഹീം കരിപ്പൂർ വിമാന താവളത്തിലിറങ്ങിയത്. വിപുലമായ സ്വീകരണമാണ് റഹീമിന് ലഭിച്ചത്. ബോബി ചെമ്മണ്ണൂർ അടക്കമുള്ളവർ വിമാനത്താവളത്തില്‍ എത്തിയിരുന്നു. എല്ലാവരോടും ഒരുപാട് നന്ദിയെന്നും വളരെ സന്തോഷമെന്നും അബ്ദുല്‍ റഹീം റിപ്പോര്‍ട്ടറിനോട് പ്രതികരിച്ചു.

വലിയ പെരുന്നാളിന് റഹീം നാട്ടിലെത്തുമെന്ന് കുടുംബം പ്രതീക്ഷിച്ചിരുന്നു. കഴിഞ്ഞ ദിവസമാണ് റഹീമിന്റെ മോചന ഉത്തരവിൽ അധികൃതർ ഒപ്പുവെച്ചത്. രാജ്യം വിടാനുള്ള എമിഗ്രേഷൻ നടപടികൾ വേ​ഗത്തിൽ പൂ‍ർത്തിയായതോടെയാണ് റഹീമിന് പെരുന്നാൾ ദിനം തന്നെ നാട്ടിലെത്താൻ സാധിച്ചത്. സൗദിബാലന്റെ മരണത്തിൽ ശിക്ഷിക്കപ്പെട്ട റഹീം 2006 മുതൽ ജയിലിലായിരുന്നു.

 ഇന്നലെ മകന്റെ മടങ്ങിവരവ് അറിയിക്കാനെത്തിയ എല്ലാവരോടും, 'മകൻ ഈ വീട്ടിലെത്തി, ഉമ്മാ എന്ന് വിളിച്ചാൽ മാത്രമേ ഇനി നിങ്ങൾ പറയുന്നത് ഞാൻ വിശ്വസിക്കൂ, എന്നായിരുന്നു ആ ഉമ്മ പറഞ്ഞത്. നിയമക്കുരുക്കുകളെല്ലാം അഴിഞ്ഞെന്നും, സൗദി അധികൃതർ ഉത്തരവിൽ ഒപ്പുവെച്ചുവെന്നും എത്രയൊക്കെ പറഞ്ഞിട്ടും അവർക്കത് വിശ്വസിക്കുവാൻ കഴിയുമായിരുന്നില്ല.

ഒടുവിൽ, മകന്റെ നെഞ്ചിൽ ചേർന്നുനിന്ന് ഈ ഉമ്മ എല്ലാവരോടും നന്ദി പറഞ്ഞു. വീടിനുമുന്നിൽ ഒരുക്കിയ ചെറിയ പന്തലിൽ മാധ്യമങ്ങളെ അഭിസംബോധന ചെയ്യവെ അബ്ദുൽ റഹീം പറഞ്ഞു, 'പേരെടുത്ത് പറയാൻ ഒരുപാട് പേരുണ്ട്.. അതുകൊണ്ട് അങ്ങനെ ചെയ്യുന്നില്ല. റിയാദ് എംബസിയിലെ മലയാളികൾ, നാട്ടുകാർ, സുഹൃത്തുക്കൾ, എല്ലാ ലോക മലയാളികൾക്കും വളരെ വളരെ നന്ദി.' 

]]> ഇ ഡി റെയ്ഡ് രാഷ്ട്രീയ വേട്ട': ജോണ്‍ ബ്രിട്ടാസ് https://www.sandhesam.com/ED-raid-is-political%3A-Brittas https://www.sandhesam.com/ED-raid-is-political%3A-Brittas Wed, 27 May 2026 13:19:44 +0530 Web Desk കണ്ണൂർ: കണ്ണൂരിൽ മുൻ മുഖ്യമന്ത്രി പിണറായി വിജയൻ്റെ വീട്ടിൽ ഇഡി റെയ്ഡ് നടക്കുന്നതിന് പിന്നാലെ പ്രതിഷേധവുമായി പാർട്ടി പ്രവർത്തകർ. കേന്ദ്ര സർക്കാർ തെമ്മാടികളെ എന്ന് മുദ്രാവാക്യം വിളിച്ചുകൊണ്ടാണ് പ്രതിഷേധം നടത്തിയത്. പൊലീസുമായി ഉന്തും തള്ളും ഉണ്ടായതിനെ തുടർന്ന് നേതാക്കൾ പ്രവർത്തകരെ പിടിച്ചു മാറ്റി.

റെയ്ഡ് ബിജെപിയും കോൺഗ്രസും തമ്മിലുള്ള സംയുക്ത ഓപ്പറേഷൻ ആണെന്ന് മുതിർന്ന സിപിഎം നേതാവ് പി ജയരാജൻ പ്രതികരിച്ചു. ബംഗാളും ത്രിപുരയും പോലെ കേരളത്തിലെ സിപിഎമ്മിനെയും തകർക്കാനുള്ള ശ്രമമാണ് നടക്കുന്നത്. മോദിയും മേനോൻ സതീശനും ഇതിനായി ഗൂഢാലോചന നടത്തി. ഇഡി സംഘ പരിവാറിന്റെ എക്സ്ട്രാ ഡിപ്പാർട്ട്മെന്റ് ആണ്. സംഘപരിവാറിനെ എതിർക്കുന്നവരെ വേട്ടയാടുകയാണെന്നും നിയമപരമായും രാഷ്ട്രീയമായും എതിർത്തു തോൽപ്പിക്കുമെന്നും പി ജയരാജൻ മാധ്യമങ്ങളോട് പറഞ്ഞു.

റെയ്ഡ് നഗ്നമായ രാഷ്ട്രീയ വേട്ടയാണെന്നും കോൺഗ്രസും ബിജെപിയും കൂടിയുളള ഒത്തുകളിയാണെന്നും ജോൺ ബ്രിട്ടാസ് MP പറഞ്ഞു. പിണറായി വിജയൻ തീയിൽ കുരുത്ത നേതാവാണെന്നും ഇതുപോലുളള ഒരുപാട് വേട്ടയാടലുകൾ കോൺഗ്രസും ബിജെപിയും അദ്ദേഹത്തിനെതിരെ നടത്തിയിട്ടുണ്ടെന്നും ബ്രിട്ടാസ് പറഞ്ഞു. സിപിഐഎമ്മിനെ തളര്‍ത്താമെന്നത് ബിജെപിയുടെ വ്യാമോഹമാണെന്നും അതിനെ പിണറായി വിജയനും പാർട്ടിയും പ്രതിരോധിക്കുമെന്നും അദ്ദേഹം വ്യക്തമാക്കി. മാധ്യമങ്ങളോടായിരുന്നു ജോൺ ബ്രിട്ടാസിന്റെ പ്രതികരണം

'ഇപ്പോള്‍ നടക്കുന്ന റെയ്ഡ് നഗ്നമായ രാഷ്ട്രീയ വേട്ടയാണ്. കോണ്‍ഗ്രസും ബിജെപിയും കൂടി നടക്കുന്ന ഒത്തുകളിയാണ്. ഇന്നലെ കേരളത്തിന്റെ മുഖ്യമന്ത്രി ഡല്‍ഹിയിലെത്തുന്നു. അതിന് മുന്‍പ് രാഹുല്‍ ഗാന്ധിയുള്‍പ്പെടെ കേരളത്തില്‍ വന്ന് എന്തുകൊണ്ട് പിണറായി വിജയനെ അറസ്റ്റ് ചെയ്യുന്നില്ല എന്ന് ചോദിക്കുന്നു. ഒത്തുകളിയുടെ ഭാഗമായുളള ഉദ്ദിഷ്ട കാര്യത്തിനുളള ഉപകാരസ്മരണയാണ് ഇപ്പോള്‍ ഇവിടെ അരങ്ങേറുന്നത്. അരവിന്ദ് കെജ്‌രിവാളെന്ന ഡല്‍ഹി മുന്‍ മുഖ്യമന്ത്രിയെ അറസ്റ്റ് ചെയ്ത് ജലിയിലടയ്ക്കാന്‍ കോണ്‍ഗ്രസും ബിജെപിയും ഒത്തുകളിച്ചതിന്റെ മറ്റൊരു പതിപ്പാണ് ഇന്ന് കേരളത്തില്‍ അരങ്ങേറുന്നത്', ജോൺ ബ്രിട്ടാസ് പറഞ്ഞു.

]]> ഡി.കെ. ശിവകുമാർ കർണാടക മുഖ്യമന്ത്രിയാകും; അടുത്തയാഴ്ച സത്യപ്രതിജ്ഞ https://www.sandhesam.com/D-K-Sivakumar-to-become-Karnataka-CM https://www.sandhesam.com/D-K-Sivakumar-to-become-Karnataka-CM Wed, 27 May 2026 12:58:54 +0530 Web Desk ബെംഗളൂരു: കർണാടക മുഖ്യമന്ത്രി സിദ്ധരാമയ്യ നാളെ രാജി സമർപ്പിച്ചേക്കുമെന്ന് സൂചനകൾ. നാളെ രാവിലെ അദ്ദേഹം മന്ത്രിസഭാംഗങ്ങളെ ബ്രേക്ക്ഫാസ്റ്റ് മീറ്റിങ്ങിന് വിളിച്ചിരുന്നു. ഇതിന് പിന്നാലെ അദ്ദേഹം രാജി പ്രഖ്യാപിക്കുമെന്നാണ് വിവരം.

മേയ് 28-ന് ഗവർണറെ കണ്ട് രാജി സമർപ്പിക്കുന്നതിനായി സിദ്ധരാമയ്യ സമയം ചോദിച്ചതായാണ് പാർട്ടി വൃത്തങ്ങൾ നൽകുന്ന സൂചന. രാജിക്ക് പിന്നാലെ വെള്ളിയാഴ്ചയോ ശനിയാഴ്ചയോ കോൺഗ്രസ് നിയമസഭാ കക്ഷി യോഗം ചേർന്നേക്കും. എട്ട് വർഷത്തിലധികം കർണാടക മുഖ്യമന്ത്രിയായിരുന്ന സിദ്ധരാമയ്യ, സംസ്ഥാനത്ത് ഏറ്റവും കൂടുതൽ കാലം ഈ പദവിയിലിരുന്ന നേതാക്കളിൽ ഒരാളാണ്.

ഹൈക്കമാൻഡ് ഡി.കെ ശിവകുമാറിന് അനുകൂലമായി നിലപാട് എടുത്തതോടെ സിദ്ധരാമയ്യ മുഖ്യമന്ത്രി സ്ഥാനം ഒഴിയും. എന്നാൽ സ്ഥാനമൊഴിയുന്നതിനു മുന്നോടിയായി സിദ്ധരാമയ്യ ക്യാംപ് സമ്മർദ്ദ തന്ത്രങ്ങളും വിലപേശലുകളും ശക്തമാക്കിയിട്ടുണ്ട്. അന്തിമ തീരുമാനത്തിനു മുൻപ് സിദ്ധരാമയ്യ തന്റെ അനുയായികളുമായി കൂടിക്കാഴ്ച നടത്തും.

തങ്ങളുടെ നേതാവ് സ്ഥാനം ഒഴിഞ്ഞാലും സർക്കാരിലും പാർട്ടിയിലും ഡി.കെ ശിവകുമാറിന് പൂർണ നിയന്ത്രണം ലഭിക്കാതിരിക്കാനുള്ള നീക്കങ്ങളാണ് സിദ്ധരാമയ്യ അനുകൂലികൾ നടത്തുന്നത്. അധികാര സമവാക്യം നിലനിർത്താൻ ശിവകുമാറിനു കീഴിൽ ഒന്നിലധികം ഉപമുഖ്യമന്ത്രിമാരെ നിയമിക്കണമെന്ന് അവർ ആവശ്യപ്പെടുന്നു. എന്നാൽ ഉപമുഖ്യമന്ത്രിമാർ ഉണ്ടാകുന്നതിനോട് ശിവകുമാറിന് താൽപര്യമില്ല. പരമാവധി ഒരാളെ മാത്രമേ അനുവദിക്കൂ എന്ന നിലപാടിലാണ് അദ്ദേഹം.

പുതിയ കർണാടക കോൺഗ്രസ് അധ്യക്ഷൻ തങ്ങളുടെ ക്യാംപിൽ നിന്നുള്ള ആളായിരിക്കണമെന്നും സിദ്ധരാമയ്യ പക്ഷം ആവശ്യപ്പെടുന്നു. ഈ ആവശ്യങ്ങൾ കോൺഗ്രസ് ഹൈക്കമാൻഡിനെ പ്രതിസന്ധിയിലാക്കിയിട്ടുണ്ട്. ഇത് സർക്കാരിലും പാർട്ടിയിലും ഒന്നിലധികം അധികാര കേന്ദ്രങ്ങൾ രൂപപ്പെടാൻ കാരണമായേക്കുമെന്നാണ് വിലയിരുത്തൽ. പ്രശ്നങ്ങൾ പരിഹരിക്കാനുള്ള തീവ്രശ്രമങ്ങൾ ഡൽഹിയിൽ തുടരുകയാണ്.

]]> മാസപ്പടി കേസ്; പിണറായി വിജയന്‍റെയും മുഹമ്മദ് റിയാസിന്‍റെയും വീടുകളിലടക്കം 10 ഇടങ്ങളില്‍ ഇഡി റെയ്ഡ്; തലസ്ഥാനത്ത് വൻ പ്രതിഷേധം https://www.sandhesam.com/ED-raids-Pinarayis-house https://www.sandhesam.com/ED-raids-Pinarayis-house Wed, 27 May 2026 12:42:11 +0530 Web Desk  സിഎംആർഎൽ മാസപ്പടി കേസില്‍ മുന്‍ മുഖ്യമന്ത്രിയുടെ നിലവിലെ പ്രതിപക്ഷ നേതാവുമായ പിണറായി വിജയന്റെ വീട്ടില്‍ ഇഡി റെയ്ഡ്. പിണറായി വിജയന്‍റെ വീട്ടിലും സിഎംആര്‍എല്‍ ഓഫീസിലും അടക്കം പത്തിടങ്ങളിലാണ് ഇ ഡി ഉദ്യോഗസ്ഥര്‍ പരിശോധന നടത്തുന്നത്. പിണറായി വിജയന്റെ തിരുവനന്തപുരത്തെ വാടക വീട്ടിലും കണ്ണൂരിലെ വീട്ടിലും എൻഫോഴ്സ്മെന്‍റ് ഡയറക്ടറേറ്റ് പരിശോധന നടത്തുന്നുണ്ട്. സിഎംആര്‍എല്‍ എംഡി ശശിധരന്‍ കര്‍ത്തയുടെ വീട്ടിലും മുന്‍ മന്ത്രി മുഹമ്മദ് റിയാസിന്‍റെ കോഴിക്കോട്ടെ വീട്ടിലും റെയ്ഡ് നടക്കുന്നുണ്ട്. കേസില്‍ ഇ ഡി അന്വേഷണം തുടരാമെന്ന ഹൈക്കോടതി ഉത്തരവിന് പിന്നാലെയാണ് നടപടി. 

പിണറായി വിജയൻ്റെ വീടിന് മുന്നിൽ കുത്തിയിരുന്ന് പ്രതിഷേധിച്ച് മുതിർന്ന സിപിഎം നേതാക്കൾ. ബേക്കറി ജം​ഗ്ഷനിലുള്ള വാടക വീടിന് മുന്നിലാണ് പ്രതിഷേധം നടത്തുന്നത്. കെ കെ ജയചന്ദ്രൻ, മുൻ മന്ത്രി വി ശിവൻ കുട്ടി, വി ജോയ് എംഎൽഎ, ആനാവൂർ നാ​ഗപ്പൻ തുടങ്ങിയവരുടെ നേതൃത്വത്തിലാണ് പ്രതിഷേധം നടക്കുന്നത്. എം വി ജയരാജൻ, പി ജയരാജൻ, കെ കെ രാജേഷ് തുടങ്ങിയവരും പ്രതിഷേധത്തിൽ പങ്കെടുക്കുന്നുണ്ട്. പ്രധാനമന്ത്രി നരേന്ദ്രമോദിക്കും മുഖ്യമന്ത്രി വിഡി സതീശനും എതിരെയാണ് മുദ്രാവാക്യം വിളിക്കുന്നത്.

രാഷ്ട്രീയമായ ഹീനമായ ആക്രമണമാണിതെന്ന് സിപിഎം ജനറൽ സെക്രട്ടറി എം എ ബേബി  പറഞ്ഞു. വീണ അന്വേഷണത്തോട് പൂർണമായും സഹകരിച്ചാണ് മുന്നോട്ട് പോകുന്നത്. ചോദ്യം ചെയ്യലിന് ഹാജരാകുകയും മറുപടികൾ വിശദമായി നൽകുകയും ചെയ്തു. വീണയുടെ നിലപാട് തള്ളി രാഷ്ട്രീയ ലക്ഷ്യത്തോടെയാണ് നടപടി ഉണ്ടായത്. ഗൂഢമായ ഈ രാഷ്ട്രീയം തുറന്നു കാണിക്കുമെന്നും എം എ ബേബി പ്രതികരിച്ചു.

ഇഡി റെയ്‌ഡ് രാഷ്ട്രീയ പകപോക്കലെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്‍ ആരോപിച്ചു. പിണറായി വിജയനെ കടന്നാക്രമിക്കുകയാണ് ഇഡി റെയ്‌ഡിന്‍റെ ലക്ഷ്യമെന്ന് വിമര്‍ശിച്ച എം വി ഗോവിന്ദന്‍, പിണറായിയെയും സിപിഎമ്മിനെയും അങ്ങനെ ദുർബലപ്പെടുത്താനാകില്ലെന്നും വാര്‍ത്താസമ്മേളനത്തില്‍ പറഞ്ഞു. പ്രതിപക്ഷ രാഷ്ട്രീയ പാർട്ടികളെ കേന്ദ്ര ഏജൻസിയെ ഉപയോഗിച്ച് നശിപ്പിക്കാൻ ശ്രമിക്കുന്നു. എടുക്കുന്ന കേസുകളിൽ ഒരു ശതമാനപോലും ശിക്ഷിക്കപ്പെടുന്നില്ലെന്ന സുപ്രീംകോടതി ചൂണ്ടികാണിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.

]]> ഹൈപ്പർസോണിക് ബാലിസ്റ്റിക് മിസൈൽ തൊടുത്ത് റഷ്യ; യുക്രെയ്നെതിരെ പുട്ടിൻ്റെ പ്രതികാരം https://www.sandhesam.com/Russian-Kh-101-cruise-missiles-and-Shahed-2-drones-striking-Kyiv https://www.sandhesam.com/Russian-Kh-101-cruise-missiles-and-Shahed-2-drones-striking-Kyiv Sun, 24 May 2026 20:13:31 +0530 Web Desk യുക്രെയ്ൻ തലസ്ഥാനമായ കീവിൽ റഷ്യയുടെ അതിശക്തമായ മിസൈൽ-ഡ്രോൺ ആക്രമണം. കിഴക്കൻ യുക്രെയ്നിലെ റഷ്യൻ അധിനിവേശ പ്രദേശങ്ങളിൽ ഉണ്ടായ ആക്രമണങ്ങൾക്ക് പ്രതികാരം ചെയ്യുമെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ മുന്നറിയിപ്പ് നൽകിയതിനു പിന്നാലെയാണ് കീവ് നഗരത്തെ പിടിച്ചുകുലുക്കിയ ബോംബാക്രമണം ഉണ്ടായത്.

കീവിൽ ഒരു ക്രൂസ് മിസൈൽ പതിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. മിസൈൽ പതിക്കുന്ന നിമിഷം കടുത്ത വെളിച്ചം വമിക്കുന്നതും തൊട്ടുപിന്നാലെ ശക്തമായ സ്ഫോടനം ഉണ്ടാകുന്നതും ദൃശ്യങ്ങളിൽ വ്യക്തമാണ്. ആക്രമണത്തിൽ നാലുപേർ കൊല്ലപ്പെടുകയും ഡസൻ കണക്കിന് ആളുകൾക്ക് പരുക്കേൽക്കുകയും ചെയ്തു. കീവിലും മറ്റ് പ്രദേശങ്ങളിലുമുള്ള വീടുകൾ, സ്കൂളുകൾ, വ്യവസായ സ്ഥാപനങ്ങൾ എന്നിവയ്ക്ക് വ്യാപകമായ നാശനഷ്ടം സംഭവിച്ചു. മുൻപ് ആറു തവണ റഷ്യൻ ആക്രമണത്തിൽ തകരുകയും പിന്നീട് പുനർനിർമിച്ച് തുറക്കുകയും ചെയ്ത ഒരു ചെറിയ കഫേയും ഇത്തവണ തകർന്നവയിൽ ഉൾപ്പെടുന്നു.

ഹൈപ്പർസോണിക് ബാലിസ്റ്റിക് മിസൈൽ ആക്രമണത്തിനായി ഉപയോഗിച്ചതായി യുക്രെയ്ൻ പ്രസിഡന്റ് വൊളോഡിമിർ സെലൻസ്‌കി സ്ഥിരീകരിച്ചു. ശബ്ദത്തേക്കാൾ പത്തിരട്ടി വേഗതയിൽ സഞ്ചരിക്കാൻ ശേഷിയുള്ള ഈ മിസൈലുകൾ ഭൂഗർഭ ബങ്കറുകൾ തകർക്കാൻ രൂപകൽപ്പന ചെയ്തിട്ടുള്ളവയാണ്. 2024 നവംബറിലാണ് റഷ്യ ആദ്യമായി ഈ മിസൈൽ യുക്രെയ്നിലെ ഡിനിപ്രോ നഗരത്തിനു നേരെ പ്രയോഗിച്ചത്. സാധാരണ ജനങ്ങളെയും സ്കൂളുകളും ശുദ്ധജല വിതരണ സംവിധാനങ്ങളും അടക്കമുള്ള പൊതുജനസംവിധാനങ്ങളെയുമാണ് റഷ്യ ലക്ഷ്യമിട്ടതെന്ന് സെലെൻസ്കി പറഞ്ഞു. 

ഏകദേശം 600 ഡ്രോണുകളും 90 മിസൈലുകളുമാണ് റഷ്യ തൊടുത്തതെന്ന് യുക്രെയ്ൻ അധികൃതർ അറിയിച്ചു. ഇതിൽ ഭൂരിഭാഗവും വ്യോമപ്രതിരോധ സംവിധാനങ്ങൾ വെടിവച്ചിട്ടെങ്കിലും ചിലത് ലക്ഷ്യസ്ഥാനങ്ങളിൽ പതിക്കുകയായിരുന്നു. രാത്രി മുഴുവൻ കീവിൽ സ്ഫോടന ശബ്ദങ്ങൾ മുഴങ്ങിക്കേട്ടു. സൈനിക ലക്ഷ്യങ്ങൾക്കപ്പുറം സാധാരണ ജനങ്ങളെ ഉപദ്രവിക്കുകയാണ് റഷ്യയുടെ ലക്ഷ്യമെന്ന് യുക്രെയ്ൻ വിദേശകാര്യമന്ത്രി ആൻഡ്രി സിബിഹ എക്സിൽ കുറിച്ചു. കീവിനു പുറമെ ചെർകാസി, ഖാർകിവ്, ഒഡേസ, പോൾട്ടാവ തുടങ്ങിയ നിരവധി പ്രദേശങ്ങളിലും റഷ്യ വൻ ആക്രമണം നടത്തി.

]]> യുഎസ്–ഇറാൻ കരാർ അന്തിമഘട്ടത്തിൽ; ഹോർമുസ് തുറക്കും, പ്രഖ്യാപനം ഉടൻ https://www.sandhesam.com/Rubio-on-Iran-war https://www.sandhesam.com/Rubio-on-Iran-war Sun, 24 May 2026 20:01:39 +0530 Web Desk ഇറാനുമായുള്ള സമാധാന ചർച്ചകൾ അന്തിമഘട്ടത്തിലാണെന്ന് യുഎസ് പ്രസിഡന്റ് ഡോണൾഡ് ട്രംപ്. ഇതോടെ, മൂന്ന് മാസം നീണ്ടുനിന്ന യുദ്ധം അവസാനിച്ചേക്കും. ഔദ്യോഗിക പ്രഖ്യാപനത്തിന് മുന്നോടിയായി കരാറിന്റെ വിശദാംശങ്ങൾ ഇസ്രയേലുമായും മേഖലയിലെ മറ്റ് സഖ്യകക്ഷികളുമായും ചർച്ച ചെയ്തതായും ഉടൻ പ്രഖ്യാപനമുണ്ടാകുമെന്നും ട്രംപ് പറഞ്ഞു. ധാരണയുടെ ഭാഗമായി ഹോർമുസ് കടലിടുക്ക് വീണ്ടും തുറക്കുമെന്നും യുഎസ് പ്രസിഡന്റ് പറഞ്ഞു.

എന്നാൽ ട്രംപിന്റെ വാദം തള്ളിയ ഇറാൻ, ഹോർമുസിന് മേൽ തങ്ങളുടെ നിയന്ത്രണം തുടരുമെന്ന് വ്യക്തമാക്കി. ഇറാന്റെ അനുമതിയുള്ള കപ്പലുകൾക്ക് മാത്രമാണ് നിലവിൽ ഹോർമുസിലൂടെ കടന്നു പോകാൻ കഴിയുന്നത്. ഹോർമുസ് മേഖലയിൽ യുഎസ് സൈന്യവും നിയന്ത്രണം ഏർപ്പെടുത്തിയിട്ടുണ്ട്.

യുദ്ധം അവസാനിപ്പിക്കുന്നതിലാണ് ശ്രദ്ധയെന്ന് ഇറാന്റെ വിദേശകാര്യ മന്ത്രാലയ വക്താവ് ഇസ്മായിൽ ബഗായ് പറഞ്ഞു. 14 നിർദേശങ്ങൾ ഇറാൻ മുന്നോട്ടുവച്ചു. അതിൽ ധാരണയിലെത്താനാണ് ഉദ്ദേശിക്കുന്നത്. യുഎസ് നാവിക ഉപരോധം അവസാനിപ്പിക്കുക, ഇറാന്റെ ആസ്തികൾ വിട്ടുനൽകുന്നതുമായി ബന്ധപ്പെട്ട മറ്റ് പ്രശ്നങ്ങൾ എന്നിവയാണ് പ്രധാന വിഷയങ്ങളിൽ ഉൾപ്പെടുന്നതെന്നും അദ്ദേഹം പറഞ്ഞു. ഇറാന്റെ ആണവ പദ്ധതി സംബന്ധിച്ച ചർച്ചകളെക്കുറിച്ച് ട്രംപ് പരാമർശിച്ചിട്ടില്ല. അക്കാര്യം ഇതുവരെ ചർച്ച ചെയ്തിട്ടില്ലെന്നാണ് ഇറാൻ പറയുന്നത്.

]]> 'പൂച്ച പെറ്റ് കിടക്കുവല്ല'; എല്‍ഡിഎഫ് സര്‍ക്കാര്‍ ഇറങ്ങുമ്പോള്‍ ഖജനാവില്‍ ബാക്കിയുള്ളത് 5,429 കോടി രൂപ https://www.sandhesam.com/Balance-in-the-treasury-is-Rs.-5429-crore https://www.sandhesam.com/Balance-in-the-treasury-is-Rs.-5429-crore Sun, 24 May 2026 19:40:43 +0530 Web Desk തിരുവനന്തപുരം: എല്‍ഡിഎഫ് സര്‍ക്കാര്‍ ഇറങ്ങി യുഡിഎഫ് സര്‍ക്കാര്‍ അധികാരത്തിലേറുമ്പോള്‍ ഖജനാവില്‍ ബാക്കിയുണ്ടായിരുന്നത് 5,429 കോടി രൂപ. ഈ മാസം ഒന്ന് വരെയുള്ള കണക്കാണിത്. ധനവകുപ്പിന്റെ വിവരാവകാശ മറുപടിയിലാണ് നിര്‍ണായക വിവരമുള്ളത്.

വിവരാവകാശ മറുപടിയുടെ പകര്‍പ്പ് റിപ്പോര്‍ട്ടറിന് ലഭിച്ചു. സര്‍ക്കാര്‍ ധവളപത്രം പുറത്തിറക്കാനിരിക്കെയാണ് കണക്ക് പുറത്തുവന്നത്. കേരളം പാപ്പരായ സംസ്ഥാനമെന്ന എ കെ ആന്റണിയുടെ പ്രസ്താവന വിവാദമായിരുന്നു.

പൂര്‍ണമായി തകര്‍ന്നടിഞ്ഞ സാമ്പത്തിക നിലയാണ് സംസ്ഥാനത്തുള്ളതെന്നും അദ്ദേഹം പറഞ്ഞിരുന്നു. ആദ്യ മന്ത്രിസഭാ യോഗത്തിന് ശേഷം നടത്തിയ വാര്‍ത്താ സമ്മേളത്തില്‍ നിലവിലെ സാമ്പത്തിക സ്ഥിതിയില്‍ ധവളപത്രം ഇറക്കുമെന്ന് മുഖ്യമന്ത്രി വി ഡി സതീശന്‍ പറഞ്ഞിരുന്നു. കഴിഞ്ഞ ദിവസം മുസ്‌ലിം ലീഗ് നേതാവ് പി എം എ സലാമും ഖജനാവ് കാലിയാണെന്ന് ആരോപിച്ചിരുന്നു.

ആന്റണിയുടെ പരാമര്‍ശത്തിന് പിന്നാലെ തന്നെ ഖജനാവ് കാലിയല്ലെന്നും 6000 കോടി രൂപ ബാക്കിവെച്ചാണ് ഇറങ്ങിയതെന്നും കെ എന്‍ ബാലഗോപാല്‍ പറഞ്ഞിരുന്നു. പൂച്ച പെറ്റുകിടന്നെന്ന് ആക്ഷേപിച്ച ഖജനാവില്‍ പണമുള്ളത് കൊണ്ടാണ് ഗ്യാരണ്ടികള്‍ നടപ്പാക്കാന്‍ കഴിയുന്നതെന്നും അദ്ദേഹം പറഞ്ഞിരുന്നു.

]]> ട്രാക്കിലെ എക്കാലത്തെയും വേഗമേറിയ ഇന്ത്യക്കാരനായി ഗുരീന്ദർവീർ സിങ് https://www.sandhesam.com/%E0%B4%9F%E0%B5%8D%E0%B4%B0%E0%B4%BE%E0%B4%95%E0%B5%8D%E0%B4%95%E0%B4%BF%E0%B4%B2%E0%B5%86-%E0%B4%8E%E0%B4%95%E0%B5%8D%E0%B4%95%E0%B4%BE%E0%B4%B2%E0%B4%A4%E0%B5%8D%E0%B4%A4%E0%B5%86%E0%B4%AF%E0%B5%81%E0%B4%82-%E0%B4%B5%E0%B5%87%E0%B4%97%E0%B4%AE%E0%B5%87%E0%B4%B1%E0%B4%BF%E0%B4%AF-%E0%B4%87%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%95%E0%B5%8D%E0%B4%95%E0%B4%BE%E0%B4%B0%E0%B4%A8%E0%B4%BE%E0%B4%AF%E0%B4%BF-%E0%B4%97%E0%B5%81%E0%B4%B0%E0%B5%80%E0%B4%A8%E0%B5%8D%E0%B4%A6%E0%B5%BC%E0%B4%B5%E0%B5%80%E0%B5%BC-%E0%B4%B8%E0%B4%BF%E0%B4%99%E0%B5%8D https://www.sandhesam.com/%E0%B4%9F%E0%B5%8D%E0%B4%B0%E0%B4%BE%E0%B4%95%E0%B5%8D%E0%B4%95%E0%B4%BF%E0%B4%B2%E0%B5%86-%E0%B4%8E%E0%B4%95%E0%B5%8D%E0%B4%95%E0%B4%BE%E0%B4%B2%E0%B4%A4%E0%B5%8D%E0%B4%A4%E0%B5%86%E0%B4%AF%E0%B5%81%E0%B4%82-%E0%B4%B5%E0%B5%87%E0%B4%97%E0%B4%AE%E0%B5%87%E0%B4%B1%E0%B4%BF%E0%B4%AF-%E0%B4%87%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%95%E0%B5%8D%E0%B4%95%E0%B4%BE%E0%B4%B0%E0%B4%A8%E0%B4%BE%E0%B4%AF%E0%B4%BF-%E0%B4%97%E0%B5%81%E0%B4%B0%E0%B5%80%E0%B4%A8%E0%B5%8D%E0%B4%A6%E0%B5%BC%E0%B4%B5%E0%B5%80%E0%B5%BC-%E0%B4%B8%E0%B4%BF%E0%B4%99%E0%B5%8D Sun, 24 May 2026 19:32:09 +0530 Web Desk റാഞ്ചി: ഇന്ത്യയിലെ ഏറ്റവും വേഗതയേറിയ ഓട്ടക്കാരനായി പഞ്ചാബ് താരം ഗുരീന്ദർവീർ സിങ്. റാഞ്ചിയിലെ ബിർസ മുണ്ട അത്‌ലറ്റിക് സ്റ്റേഡിയത്തിൽ നടന്ന നാഷണൽ സീനിയർ ഫെഡറേഷൻ കപ്പ് അത്‌ലറ്റിക്‌സിൽ പുരുഷൻമാരുടെ 100 മീറ്റർ വെറും 10.09 സെക്കൻഡിൽ ഫിനിഷ് ചെയ്താണ് താരം റെക്കോഡിട്ടത്. 100 മീറ്റർ ദൂരം 10.1 സെക്കൻഡിൽ താഴെ സമയം കൊണ്ട് മറികടക്കുന്ന ആദ്യ ഇന്ത്യക്കാരനെന്ന ചരിത്ര നേട്ടവും ഗുരീന്ദർവീർ സ്വന്തമാക്കി.

വെറും 24 മണിക്കൂറിനുള്ളിൽ മൂന്ന് തവണയാണ് 100 മീറ്ററിൽ ദേശീയ റെക്കോർഡ് തിരുത്തപ്പെട്ടത്. ആവേശകരമായ മത്സരത്തിൽ അനിമേഷ് കുജൂറിനെ പിന്തള്ളിയായിരുന്നു ഗുരീന്ദറിന്റെ നേട്ടം. 100 മീറ്ററിലെ ആദ്യ സെമിയിൽ 10.17 സെക്കൻഡിൽ ഫിനിഷ് ചെയ്ത ഗുരീന്ദർ, 10.18 സെക്കൻഡ് എന്ന തന്റെ തന്നെ പഴയ റെക്കോഡ് മറികടന്നു. എന്നാൽ തൊട്ടുപിന്നാലെ രണ്ടാം സെമിഫൈനലിൽ അനിമേഷ് കുജൂർ 10.15 സെക്കൻഡിൽ ഓടിയെത്തി ഈ റെക്കോഡ് തിരുത്തി. എന്നാൽ ഫൈനലിൽ 10.09 സെക്കൻഡ് എന്ന മികച്ച സമയത്തോടെ ഗുരീന്ദർ ഈ റെക്കോഡ് തിരികെപ്പിടിക്കുകയായിരുന്നു.

ഈ പ്രകടനത്തിലൂടെ ഗുരീന്ദർ 2026-ലെ കോമൺവെൽത്ത് ഗെയിംസിലേക്കുള്ള യോഗ്യതയും സ്വന്തമാക്കി. 10.16 സെക്കൻഡായിരുന്നു യോഗ്യതാ മാർക്ക്. 

ഈ സീസണിൽ ഇതുവരെ ഒരു ഏഷ്യക്കാരന്റെ ഏറ്റവും വേഗതയേറിയ രണ്ടാമത്തെ സമയമാണ് 10.09 സെക്കൻഡ്. മേയ് മാസത്തിൽ 19 കാരനായ ജാപ്പനീസ് സ്പ്രിന്റർ ഫുകുട്ടോ കൊമുറോ നേടിയ 10.08 സെക്കൻഡാണ് ഒന്നാമത്.

]]> 'നാർകോട്ടിക്സ് ഈസ് എ ഡേർട്ടി ബിസിനസ്; ഒരാളെ മുഖ്യമന്ത്രിയാക്കാൻ നാടൊന്നാകെ മുറവിളി കൂട്ടി': മോഹൻലാൽ https://www.sandhesam.com/Mohanlal-on-V-D-Satheesan https://www.sandhesam.com/Mohanlal-on-V-D-Satheesan Sun, 24 May 2026 19:24:44 +0530 Web Desk കൊച്ചി: മനസ്സിൽ ചങ്ങാതിയുടെ സ്ഥാനം ആണ് മുഖ്യമന്ത്രി വി ഡി സതീശനെന്ന് നടൻ മോഹൻലാൽ. ഇരട്ടി സന്തോഷമുള്ള നേരമാണിത്. മലയാളികൾക്ക്‌ മുഖ്യമന്ത്രിയിൽ വലിയ പ്രതീക്ഷയുണ്ട്. നാട് അദ്ദേഹത്തെ സിഎം ആക്കാൻ മുറവിളി കൂട്ടിയത് അമ്പരപ്പിച്ചു. സത്യസന്ധതയും സുതാര്യതയും ഇഴ ചേർന്ന ആളാണ്‌ അദ്ദേഹം. അതാവും ജനം വിഡിക്കായി തെരുവിൽ ഇറങ്ങിയതെന്നും മോഹൻലാൽ പറഞ്ഞു. നെഹ്‌റുവിയൻ സോഷ്യലിസ്റ്റ്, നെഹ്‌റുവിനെ പോലത്തെ ഡ്രീമർ ആവാതെ തരമില്ലെന്നും അദ്ദേഹം പറഞ്ഞു. സതീശൻ സർ എന്നാണ് മോഹൻലാൽ മുഖ്യമന്ത്രിയെ അഭിസംബോധന ചെയ്തത്. വി ഡി സതീശന് പറവൂരിൽ നൽകിയ സ്വീകരണത്തിൽ സംസാരിക്കുകയായിരുന്നു മോഹൻലാൽ. സലിം കുമാർ, ശ്രീകുമാരൻ തമ്പി തുടങ്ങിയവരും സന്നിഹിതരായിരുന്നു.

കേരളത്തിന്‍റെ ചില ആകുലതകളും വേദിയിൽ മോഹൻലാൽ പറഞ്ഞു. റോഡുകൾ ആളുകളെ കൊല്ലുന്ന അവസ്ഥയിൽ നിന്നും മാറണം. മാലിന്യം രോഗത്തിന് വഴി മാറുന്ന സ്ഥിതി തുടരരുത്. നർകോട്ടിക്സ് ഈസ് ഡേർട്ടി ബിസിനസ് എന്ന മാസ് ഡയലോഗ് പറഞ്ഞ മോഹൻലാൽ, ലഹരിക്കെതിരെ കർശന നടപടി വേണമെന്നും മുഖ്യമന്ത്രിയോട് ആവശ്യപ്പെട്ടു. വിഡി സിഎം ആയപ്പോൾ സിങ്കപൂർ മാതൃക സൃഷ്ടിച്ച ലീ യെ ഓർത്തെന്നും മോഹൻലാൽ പറഞ്ഞു. ലീയെ പോലെ മാറ്റം കൊണ്ടുവരാൻ സതീശൻ സാറിന് കഴിയട്ടെയെന്നും മോഹൻലാൽ ആശംസിച്ചു.

"ഭൂമിയിലെ ഏറ്റവും മനോഹരമായ ദേശത്തിന്‍റെ ഭാഗ്യവാനായ മുഖ്യമന്ത്രിയാണ് സതീശൻ സാർ. മഴയും പുഴകളും മലയും കാടും കടലും അനുഗ്രഹിച്ച ഒരിടം. തൊഴിലിന്‍റെ ഭാഗമായി കേരളത്തിൽ അങ്ങോളമിങ്ങോളം യാത്ര ചെയ്യുന്ന ഒരാളാണ് ഞാൻ. അപ്പോഴെല്ലാം നമ്മുടെ നാടിന്‍റെ അമൂല്യമായ സമ്പത്തിനെ വേണ്ട വിധത്തിൽ ഉപയോഗിക്കാൻ സാധിച്ചിട്ടുണ്ടോ എന്ന് സംശയം തോന്നിയിട്ടുണ്ട്. സാമാന്യത്തിലധികം വായനയും ചിന്തയുമുള്ള സതീശൻ സാറിന് ഇക്കാര്യങ്ങൾ എല്ലാം എന്നേക്കാൾ നന്നായിട്ട് അറിയാം എന്ന് ഉറപ്പാണ്. നെഹ്‌റുവിയൻ സോഷ്യലിസ്റ്റ് ആയ ശ്രീ വി ഡി സതീശൻ സാർ നെഹ്റുവിനെ പോലത്തന്നെ ഡ്രീമർ ആവാതെ തരമില്ല. അദ്ദേഹത്തിന്‍റെ സ്വപ്നങ്ങളിലൂടെ കേരളം മഴവിൽ ഭംഗിയോടെ വളരും എന്ന് പ്രത്യാശിക്കുന്നു.

]]> Sanju becomes Samson; സഞ്ജു സാംസണിൻ്റെ ചിറകില്‍ ഇന്ത്യ ടി20 ലോകകപ്പ് സെമിയില്‍, വിന്‍ഡീസിനെ തകര്‍ത്തത് അഞ്ച് വിക്കറ്റിന് https://www.sandhesam.com/Sanju-lifts-India-to-semifinal https://www.sandhesam.com/Sanju-lifts-India-to-semifinal Sun, 01 Mar 2026 23:17:04 +0530 Web Desk കൊ​ൽ​ക്ക​ത്ത: ടി20 ​ലോ​ക​ക​പ്പ് സൂ​പ്പ​ര്‍ എ​ട്ടി​ലെ നി​ർ​ണാ​യ​ക മ​ത്സ​ര​ത്തി​ൽ വെ​സ്റ്റ് ഇ​ൻ​ഡീ​സി​നെ ത​ക​ർ​ത്ത് ഇ​ന്ത്യ സെ​മി​യി​ൽ. വി​ൻ​ഡീ​സ് ഉ​യ​ർ​ത്തി​യ 196 റ​ൺ​സ് വി​ജ​യ​ല​ക്ഷ്യം നാ​ലു പ​ന്തു​ക​ളും അ​ഞ്ചു​വി​ക്ക​റ്റും കൈ​യി​ലി​രി​ക്കെ ഇ​ന്ത്യ മ​റി​ക​ട​ന്നു.

97 റ​ൺ​സ് നേ​ടി​യ സ​ഞ്ജു സാം​സ​ണാ​ണ് ഇ​ന്ത്യ​യു​ടെ വി​ജ​യ ശി​ൽ​പ്പി. 50 പ​ന്തു​ക​ളി​ൽ നാ​ലു​സി​ക്സും 12 ഫോ​റു​മ​ട​ക്കം 97 റ​ൺ​സ് നേ​ടി​യ സ​ഞ്ജു​വി​നെ ക​ളി​യി​ലെ താ​ര​മാ​യി തെ​ര​ഞ്ഞെ‌​ടു​ത്തു. സ്കോ​ർ: വെ​സ്റ്റ് ഇ​ൻ​ഡീ​സ് 195/4 ഇ​ന്ത്യ 199/5 (19.2).

മ​റു​പ​ടി ബാ​റ്റിം​ഗി​ല്‍ മോ​ശം തു​ട​ക്ക​മാ​യി​രു​ന്നു ഇ​ന്ത്യ​ക്ക്. മൂ​ന്നാം ഓ​വ​റി​ല്‍ അ​ഭി​ഷേ​ക് ശ​ര്‍​മ​യു​ടെ (10) വി​ക്ക​റ്റ് ന​ഷ്ട​മാ​യി. അ​ഞ്ചാം ഓ​വ​റി​ല്‍ ഇ​ഷാ​ന്‍ കി​ഷ​നും (10) മ​ട​ങ്ങി. പി​ന്നാ​ലെ സൂ​ര്യ​കു​മാ​ര്‍ യാ​ദ​വ് (18) സ​ഞ്ജു കൂ​ട്ടു​കെ​ട്ട് 58 റ​ണ്‍​സ് കൂ​ട്ടി​ചേ​ര്‍​ത്തു. എ​ന്നാ​ല്‍ 11-ാം ഓ​വ​റി​ല്‍ സൂ​ര്യ മ​ട​ങ്ങി.

തു​ട​ര്‍​ന്നെ​ത്തി​യ തി​ല​ക് വ​ര്‍​മ (27) - സ​ഞ്ജു സ​ഖ്യം വേ​ഗ​ത്തി​ല്‍ 42 റ​ണ്‍​സ് ചേ​ര്‍​ത്തു. എ​ന്നാ​ല്‍ 15-ാം ഓ​വ​റി​ല്‍ തി​ല​കും മ​ട​ങ്ങി. തു​ട​ര്‍​ന്നെ​ത്തി​യ ഹാ​ര്‍​ദി​ക് പാ​ണ്ഡ്യ​ക്കും (17) കാ​ര്യ​മാ​യൊ​ന്നും ചെ​യ്യാ​ന്‍ സാ​ധി​ച്ചി​ല്ല. 19-ാം ഓ​വ​റി​ലാ​ണ് ഹാ​ര്‍​ദി​ക് മ​ട​ങ്ങു​ന്ന​ത്. എ​ന്നാ​ല്‍ സ​ഞ്ജു - ശി​വം ദു​ബെ സ​ഖ്യം ഇ​ന്ത്യ​യെ വി​ജ​യ​ത്തി​ലേ​ക്ക് ന​യി​ച്ചു.

ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നെ​ത്തി​യ വി​ന്‍​ഡീ​സി​ന് വേ​ണ്ടി ബാ​റ്റ് ചെ​യ്ത മി​ക്ക​വ​രും ഭേ​ദ​പ്പെ​ട്ട പ്ര​ക​ട​നം പു​റ​ത്തെ​ടു​ത്തു. 25 പ​ന്തി​ല്‍ 40 റ​ണ്‍​സ് നേ​ടി​യ റോ​സ്റ്റ​ണ്‍ ചേ​സാ​ണ് വി​ന്‍​ഡീ​സി​ന്റെ ടോ​പ് സ്‌​കോ​റ​ര്‍. ഇ​ന്ത്യ​ക്ക് വേ​ണ്ടി ജ​സ്പ്രി​ത് ബു​മ്ര ര​ണ്ട് വി​ക്ക​റ്റ് വീ​ഴ്ത്തി.

ടി20 ​ലോ​ക​ക​പ്പി​ൽ ഇ​ന്ത്യ ചേ​സ് ചെ​യ‌്തു വി​ജ​യി​ക്കു​ന്ന ഏ​റ്റ​വും ഉ​യ​ർ​ന്ന സ്കോ​റാ​ണി​ത്. 2014ൽ ​ദ​ക്ഷി​ണാ​ഫ്രി​ക്ക​യ്ക്കെ​തി​രെ ചേ​സ് ചെ​യ്‌​ത 174 ആ​യി​രു​ന്നു ഇ​തു​വ​രെ​യു​ള്ള റി​ക്കാ​ർ​ഡ്. അ​ഞ്ചി​ന് മും​ബൈ വാ​ങ്ക​ഡെ സ്‌​റ്റേ​ഡി​യ​ത്തി​ൽ ന​ട​ക്കു​ന്ന സെ​മി​ഫൈ​ന​ലി​ൽ ഇ​ന്ത്യ - ഇം​ഗ്ല​ണ്ടി​നെ നേ​രി​ടും.

]]> 'ഖമേനിയുടേത് ക്രൂരമായ കൊലപാതകം'; അപലപിച്ച് പുടിൻ, വെടിനിർത്തലിന് ആഹ്വാനം ചെയ്ത് ചൈന https://www.sandhesam.com/Putin-slams-US-on-Killing-of-Khamenei https://www.sandhesam.com/Putin-slams-US-on-Killing-of-Khamenei Sun, 01 Mar 2026 20:18:04 +0530 Web Desk ആയത്തൊള്ള അലി ഖമനെയിയുടെ കൊലപാതകത്തെ ശക്തമായി അപലപിച്ച് റഷ്യ. ഖമേനിയുടെ മരണത്തെ "ക്രൂരവും അപലപനീയവുമായ കൊലപാതകം" എന്ന് വിശേഷിപ്പിച്ച് റഷ്യ ഇത് മനുഷ്യ ധാർമ്മികതയുടെയും അന്താരാഷ്ട്ര നിയമത്തിന്റെയും എല്ലാ മാനദണ്ഡങ്ങളുടെയും നഗ്നമായ ലംഘനമാണെന്ന് പ്രതികരിച്ചു.

ഇറാൻ പ്രസിഡന്റ് മസൂദ് പെസെഷ്കിയാന് റഷ്യൻ പ്രസിഡന്റ് വ്‌ളാഡിമിർ പുടിൻ അയച്ച അനുശോചന സന്ദേശത്തിലാണ് ഇക്കാര്യം പറയുന്നത്. റഷ്യ-ഇറാൻ ബന്ധം ശക്തിപ്പെടുത്തുന്നതിലും അവയെ സമഗ്രമായ തന്ത്രപരമായ പങ്കാളിത്തത്തിലേക്ക് ഉയർത്തുന്നതിലും പ്രധാന പങ്ക് വഹിച്ച ദീർഘവീക്ഷണമുള്ള ഒരു രാഷ്ട്രതന്ത്രജ്ഞനെന്ന നിലയിൽ അയത്തുള്ള അലി ഖമേനി റഷ്യയിൽ ഓർമ്മിക്കപ്പെടുമെന്ന് പുടിൻ പറഞ്ഞു.

ഖമേനിയുടെ കുടുംബത്തിനും ഇറാനിയൻ സർക്കാരിനും ജനങ്ങൾക്കും പുടിൻ തന്റെ അഗാധമായ അനുശോചനവും പിന്തുണയും അറിയിച്ചു. അതേസമയം, സംഭവത്തിൽ ചൈനയും ശക്തമായ നിലപാട് സ്വീകരിച്ചിട്ടുണ്ട്.

റഷ്യൻ വിദേശകാര്യ മന്ത്രി സെർജി ലാവ്‌റോവുമായുള്ള ടെലിഫോൺ സംഭാഷണത്തിൽ, പ്രത്യേകിച്ച് യുഎസും ഇറാനും തമ്മിൽ സമാധാന ചർച്ചകൾ നടന്നുകൊണ്ടിരിക്കുന്ന സമയത്ത്, ഇറാനെതിരായ യുഎസിന്റെയും ഇസ്രായേലിന്റെയും ആക്രമണങ്ങൾ അംഗീകരിക്കാനാവില്ലെന്ന് ചൈനീസ് വിദേശകാര്യ മന്ത്രി വാങ് യി പറഞ്ഞു. ഒരു പരമാധികാര രാജ്യത്തിന്റെ നേതാവിനെ വധിക്കുന്നതും അധികാരമാറ്റം ആവശ്യപ്പെടാൻ അവിടുത്തെ ജനങ്ങളെ പ്രേരിപ്പിക്കുന്നതും പോലുള്ള നടപടികളെ അന്താരാഷ്ട്ര സമൂഹം വ്യക്തമായി തള്ളിക്കളയണമെന്ന് വാങ് യി പ്രസ്താവിച്ചു.

ഇറാനിലെ സൈനിക നടപടി ഉടനടി നിർത്തിവയ്ക്കുകയും, സംഭാഷണ പ്രക്രിയ പുനരാരംഭിക്കുകയും, ഏകപക്ഷീയമായ നടപടികളെ സംയുക്തമായി എതിർക്കുകയും ചെയ്യേണ്ടതിന്റെ ആവശ്യകതയെക്കുറിച്ച് ചൈന ഊന്നിപ്പറഞ്ഞിട്ടുണ്ട് . അതേസമയം, അലി ഖമേനിയുടെ മരണത്തെത്തുടർന്ന് ഇറാൻ മൗലാന അലിറേസ അറഫിയെ ഇറാന്റെ ഇടക്കാല സുപ്രീം നേതാവായി നിയമിച്ചു.

ഇസ്രായേൽ ആക്രമണത്തിൽ അലി ഖമേനിയുടെ മരണത്തെത്തുടർന്ന്, ഇറാൻ അതിന്റെ ഭരണഘടനയുടെ ആർട്ടിക്കിൾ 111 നടപ്പിലാക്കി. അതനുസരിച്ച് രാജ്യത്ത് അടിയന്തര നേതൃത്വ സംവിധാനം സ്ഥാപിച്ചു. ഈ സംവിധാനത്തിൽ, സ്ഥിരമായ ഒരു സുപ്രീം നേതാവിനെ തിരഞ്ഞെടുക്കുന്നതുവരെ ഒരു മൂന്നംഗ കൗൺസിൽ സുപ്രീം നേതാവിന്റെ ചുമതലകൾ നിർവഹിക്കുന്നു. അലിറേസ അറഫിയെ ഈ കൗൺസിലിൽ നിയമജ്ഞ അംഗമായി ഉൾപ്പെടുത്തിയിട്ടുണ്ട്. 

ഇറാനിൽ അമേരിക്കയും ഇസ്രായേലും നടത്തിയ വ്യോമാക്രമണങ്ങളും തുടർന്ന് രാജ്യത്തിന്റെ പരമോന്നത നേതാവ് ആയത്തുള്ള അലി ഖമേനിയുടെ കൊലപാതകവും പശ്ചിമേഷ്യ മുതൽ ആഗോളതലം വരെ ഭൂരാഷ്ട്രീയ സംഘർഷങ്ങൾ വർദ്ധിപ്പിച്ചിരിക്കുകയാണ്. ഈ സംഭവവികാസം പ്രാദേശിക സ്ഥിരതയെക്കുറിച്ച് ചോദ്യങ്ങൾ ഉയർത്തുക മാത്രമല്ല, അന്താരാഷ്ട്ര നിയമത്തിന്റെയും നയതന്ത്രത്തിന്റെയും പരിധികളെക്കുറിച്ചുള്ള ചർച്ചകൾ ശക്തമാക്കുകയും ചെയ്തു. 

]]>