കേരളത്തിൽ ഇന്ന് മുതൽ മഴയ്ക്ക് സാധ്യത. ഇലക്ഷൻ ചൂടിൽ നിൽക്കുന്ന വയനാട്ടിൽ ഉൾപ്പെടെ ഇന്ന് മഴ ലഭിക്കുമെന്നാണ് കാലാവസ്ഥ വകുപ്പ് നൽകുന്ന മുന്നറിയിപ്പ്. തെക്ക് പടിഞ്ഞാറൻ ബംഗാൾ ഉൾക്കടലിൽ വടക്കൻ തമിഴ്നാട്, തെക്കൻ ആന്ധ്രാപ്രദേശ് തീരത്തിന് മുകളിൽ ന്യുനമർദ്ദം സ്ഥിതിചെയ്യുന്നു. തെക്കു കിഴക്കേ അറബിക്കടലിന് മുകളിലായി കേരള തീരത്തിന് സമീപത്താണ് ചക്രവാതച്ചുഴി നിലനിൽക്കുന്നത് ഇതിന്റെ എല്ലാം സ്വാധീന ഫലമായി ആണ് കേരളത്തിൽ മഴ. കേരളത്തിൽ അടുത്ത 5 ദിവസം ഇടിമിന്നലോടു കൂടിയ നേരിയ/ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് പറയുന്നു.
ഒറ്റപ്പെട്ട സ്ഥലങ്ങളിൽ നവംബർ 13 മുതൽ16 വരെ ശക്തമായ മഴയ്ക്ക് സാധ്യതയുള്ളതിനാൽ വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്ന് അഞ്ച് ജില്ലകളിലും നാളെ എട്ട് ജില്ലകളിലുമാണ് യെല്ലോ അലർട്ട് ഉള്ളത്.
യെല്ലോ അലേർട്ട്
13 – 11 – 2024 : പത്തനംതിട്ട , എറണാകുളം , ഇടുക്കി , കോഴിക്കോട് , വയനാട്
14 – 11 – 2024 : തിരുവനന്തപുരം , കൊല്ലം , പത്തനംതിട്ട , എറണാകുളം , ഇടുക്കി , പാലക്കാട് , കോഴിക്കോട് , വയനാട്
15 – 11 – 2024 : പത്തനംതിട്ട , കോട്ടയം , എറണാകുളം , ഇടുക്കി , കോഴിക്കോട് , വയനാട്
16 – 11 – 2024 : എറണാകുളം , ഇടുക്കി , കോഴിക്കോട് , വയനാട് എന്നീ ജില്ലകളിലാണ് യെല്ലോ അലർട്ട് പ്രഖ്യാപിച്ചിട്ടുള്ളത്
