മലയാളികളെ ആവോളം ചിരിപ്പിച്ച് ട്രെന്റായി മാറിയ ആട് ഒരു ഭീകരജീവിയാണ് എന്ന ചിത്രത്തിന്റെ മൂന്നാം ഭാഗം പ്രഖ്യാപിച്ചു. ജയസൂര്യയും വിജയ് ബാബുവും സംവിധായകൻ മിഥുൻ മാനുവലും ഒരു ആടിനെ എടുത്തുകൊണ്ട് നിൽക്കുന്ന പോസ്റ്ററിനൊപ്പമാണ് പ്രഖ്യാപനം.
പാപ്പനും പിള്ളേരും വരുവാ കേട്ടോ…ഇനി അങ്ങോട്ട് ‘ആടുകാലം’. പോസ്റ്റർ പങ്കുവച്ച് ജയസൂര്യ കുറിച്ചു. 40 കോടി മുതൽ മുടക്കിയാണ് ഫ്രൈഡേ ഫിലിംസിന്റെ ബാനറിൽ വിജയ് ബാബു ചിത്രം നിർമിക്കുന്നത്.
![](https://www.sandhesam.com/wp-content/uploads/2024/03/image.png)
ചിത്രത്തിൽ ഷാജി പാപ്പനൊപ്പം ഡ്യൂഡും അറയ്ക്കൽ അബുവും സാത്താൻ സേവ്യറും ഷർബത്ത് ഷമീറും ക്യാപ്റ്റൻ ക്ലീറ്റസും ശശി ആശാനുമൊക്കെ മൂന്നാം വരവിലുണ്ടാകും.
2015ലാണ് ആട്: ഒരു ഭീകരജീവിയാണ് തിയറ്ററുകളിലെത്തുന്നത്. എന്നാൽ അന്ന് ചിത്രത്തിന് തിയറ്ററിൽ വലിയ വിജയം നേടാൻ കഴിഞ്ഞില്ല. എന്നാൽ പിന്നീട് ടോറന്റിലും ടെലിവിഷനിലും പ്രേക്ഷകപ്രീതി നേടി.
തുടർന്ന് ഈ ജനപ്രീതിയുടെ പിന്തുണയിൽ സിനിമയുടെ രണ്ടാം ഭാഗം ആട് 2 2017ൽ മിഥുൻ മാനുവൽ ഒരുക്കി. ചിത്രം സൂപ്പർ ഹിറ്റായിരുന്നു.